Sep 6th

သောင်းပြောင်းထွေလာ...ရယ်စရာ (၃)

By Zaw

ရပ်ကျော်ရွာကျော်

အသက်၈၅နှစ်ကျော်အဘိုးကြီးအား ဆရာဝန်က ဆေးစစ်ပီးနောက် ပုလင်းငယ်တလုံး ပေးလိုက်ပီး “ ရော့  အဘ....ဒီပုလင်းယူသွား..နက်ဖြန်မနက် ပုလင်းထဲ ..အဘသုတ်ရည်ထည့်ပြီးယူလာခဲ့..အဘရဲ့  သုတ်ကောင် အရည်အတွက်စစ်ဖို့ ” ဆိုပြီးတော့ မှာလိုက်ပါတယ်။ နောက်နေ့ မနက် ဆရာဝန်ဆီရောက်တော့ အဘိုးကြီးက ဆရာဝန်ကို မနေ့ ကအတိုင်း ပုလင်းလွတ်သက်သက်ပြန်ပေးလိုက်ရင် ပြောလိုက်ပါတယ်။

 “ဆရာ..မနေ့ က.. ကျွှန်တော်ပြန်ရောက်တော့... ညာလက်ကို စ သုံးတယ်...မရဘူး..ဒါနဲ့ ဘယ်လက်ကိုအားပြုပြန်ရော..မရပြန်ဘူး။

.နောက်တော့ အိမ်က အဘွားကြီးခေါ်ပီးလုပ်ခိုင်းပြန်ရော။အဘွားကြီးက

ဘယ်လက်ရော..ညာလက်ပါသုံးတာ ဆရာရယ်...မထူးပါဘူး။ နောက်တော့  သူက ပါးစပ်နဲ့ လုပ်တယ်။ မရတော့ သွားတုချွတ်ပီး လုပ်ပြန်ရော...။မရတာနဲ့ ဘေးအိမ်က သူဇာ့ကို ခေါ်ရရော။ ကောင်မလေးက လာပါတယ်ဆရာရယ်..ဘယ်လက်ရော..ညာလက်ရော အားစိုက်သုံး တာ..မထူးပါဘူး..ဒါနဲ့ တခါ...ချိုင်းကြားထဲညှပ်ချပြန်ရော..ထူးမလာဘူး...

နောက်တော့..ကောင်မလေး.

ဒူးနှစ်ဘက်ထဲထည့်ညှပ်ပီး..ကြိုးစားတာလဲမထူးဘူး..ဆရာ..”

ဆရာဝန်ခမျာအတော်အံ့ သြသွားလေသည်။ “ဗျာ..ဘေးအိမ်ကကောင်မလေးတောင် ခေါ်ရတယ်..”

 အဘိုးကြီးက.. “ ဟုတ်ပါ့..ဆရာ..ဘယ်သူမှ ပုလင်းအဖုံးမဖွင့် နိုင်ကြဘူး......”

Sep 15th

ကျွန်မနာမည် ခင်မေသိန်း အပိုင်း (၇)

By Ram

... " ကျမ နမည် ခင်မေသိန်း "
. . . . အပိုင်း(၇) . . . .
. . . . ( က)
"အာလူး ဘယ်လိုရောင်းလဲ"ဟူသော အသံကို ခေါင်းမော့ကြည့်လိုက်တော့ နုညံ့သောအပြုံးတစ်ခုသည် သူ့ အားစီးမိုးထားသည်။ ဖြူနုနုအသားရည်ပေါ်က ပန်းနုရောင်ခပ်ဖျော့ဖျော့ နှုတ်ခမ်းထူထူလေးသည် ကွေးညွှတ်နေသည်။ အတ်ိတ်ပွဲခင်းညထဲက ကောင်လေးတစ်ယောက် သူ့ အနားကိုပြန်ရောက်လာခဲ့ပြီ။

ဈေးသွားဈေးပြန်လူအများသည် တစ်နေ့ စာအတွက် ချက်ပြုတ်ရေးရှိနေသေးသည်ဟူသော အသိအား စုတ်ကိုင်လျက် ပျားပုတုန်းပမာ လှုပ်ရှားနေကြသည်မှာ ဈေးထိပ်လက်ဖက်ရည်ဆိုင်လေးမှာ ထိုင်နေသူအဖြစ်မြင်ရတော့ ပို၍အသက်ဝင်စေသည်။ အနည်းငယ် ဆူညံသော ပတ်ဝန်းကျင်အား အံတု၍ ခင်မေသိန်းက တိုးလျသော စကားတစ်ခုကို အစပြုလိုက်သည်။

" ကိုမိုးတိမ်တောက် ဒီဈေးကို ဘာလာလုပ်လဲ "

" ကံတရား ဆိုတာ ဆန်းကျယ်သားဗျ ပြန်တွေ့ မယ်ထင်ခဲ့တဲ့ အချိန်တုန်းက မတွေ့ ခဲ့ပဲ မေ့မေ့ပျောက်ပျောက်ဖြစ်တော့မှ ပြန်တွေ့ ကြရမယ်လို့ လဲ ဘယ်ထင်ထားမလဲနော်" ဟု တိမ်တောက် က သူ့ အမေးကို နားလည်ချင်သလို နားလည်အောင် ပြန်ဖြေသည်။

" ခင်မေသိန်းက လွန်ခဲ့တဲ့ လေးနှစ်လောက်ကလို မဟုတ်ဘဲ ပုံမှန်းသဏ္ဌာန်ပြောင်းသွားတော့ ကျနော် မမုတ်မိခဲ့တာ ဆောရီးပါ၊ ဒါပေမယ့် ကျနော်သိခဲ့တဲ့ ယောက်ျားဝတ်ရှက်အင်္ကျီနဲ့  ခင်မေသိန်းနဲ့ တူနေတယ်ဆိုတာကိုတော့ ကျနော် သတိထားကြည့်မိပါတယ် "

ခင်မေသိန်းသည် တိမ်တောက်အပြောအား ကျေနပ်စွာပြုံးမိကာ 

"ကျေးဇူးတင်ပါတယ်" ဟုပြောမိတော့

"ဘာအတွက်လဲ" တဲ့ တိမ်တောက်က ပြန်မေးနေသည်။

ခင်မေသိန်း ပြန်မဖြေဘဲ ပြုံးနေလိုက်သည်။
တိမ်တောက်က သူ့ အားကမ်းလှမ်းလာသည်။

မိကျော်နဲ့ အလုပ်အတူမလုပ်ဖြစ်တော့ဘဲ အလုပ်ပါးနေသည့် ခင်မေသိန်းအား တိမ်တောက်ကသူ့ ရဲ့  photo studioတွင် ဓာတ်ပုံရိုက်လာကြသော modelများ အပျော်တန်းအလှရိုက်သူများအား မိတ်ကပ်လိမ်းပေးရန် လာရောက်ကူညီပေးဖို့ ပြောလာခြင်းဖြစ်သည်။ 
ခင်မေသိန်းအကြောင်းတွေ တိမ်တောက် စုံစမ်းမေးမြန်းထားသည် ထင်ရသည်။
*. *. *. **. *. **. *. *. *. *

. . . . . . ( ခ) . . . . .
ရုပ်သံseries ဇာတ်လမ်းတွဲတစ်ခု ရိုက်ရင်းနဲ့ နာမည်ရလာသူ ခိုင်ရမှုန်ငုဝါသည် Magazine cover အတွက် တိမ်တောက်တို့ studioတွင် ဓာတ်ပုံလာရိုက်သည်။ ထိုမော်ဒယ်သရုပ်ဆောင်သည် နာမည်ရမည် ကြံကာစသာဖြစ်သည်၊ မိတ်ကပ်အလိမ်းခံတိုင်း ဟိုဟာဖြစ်တယ် ဟိုဟာလိုတယ်ဟု အမျိုးမျိုး ဂျီကျတတ်လွန်းလို့  အလှဖန်တီးရှင် မမြဲပဲရှိတယ်ဟု တိမ်တောက်က ကြိုပြောပြထားသည်။ 

ဒေါက်မြင့်ဖိနပ်ပေါ်က Model သရုပ်ဆောင် ကောင်မလေးသည် ကိုယ်ခန္ဓာလှလှ အရပ်ရှည်ရှည်အသားညိုညို ဆံပင်လှိုင်းကောက်အရှည်များနှင့်အတူ ခင်မေသိန်းရှေ့ တွင်ရပ်နေသည်။ 

ခိုင်ရမှုန်ငုဝါ ဆိုသူသည် ခင်မေသိန်းအား ကြည့်နေသည်။ ထိုအကြည့်၏ အရိပ်များသည် သူ့ အတွက် ရင်းနှီးကျွမ်းဝင်ဖူးသလို ခံစားရသည်။ အပြင်မှာ ရင်းရင်းနှီးနှီးသိပါတယ်ဟူသော အသိနှင့် စူးစူးဆိုက်ဆိုက်ကြည့်တော့မှ အဖြေထွက်လာသည်။

" နင် ငုဝါခိုင် မဟုတ်လား " ဟု သူ့ အမေး၊ သူ့ ရဲ.့ ရင်းနှီးသံကိုကြားတော့မှ ခိုင်ရမှုန်ငုဝါသည် သူ့ အား ပြန်မှတ်မိကာ 

" နင် ခင်မောင်သိန်း မဟုတ်လား ဟယ် နင်က ဒီလိုမျိုးတောင်ဖြစ်သွားသလား ငါမသိဘူးတော် "ဟု သူ့ ရဲ့ မိန်းမဟန်ပြောင်းလဲနေထိုင်မူကို မသိမကြားမမြင်ဘူးသော ကျောင်းနေဖက်ငယ် သူငယ်ချင်းဟောင်း ငုဝါခိုင်က အံ့အားသင့်စွာ ဝမ်းသာအားရနှုတ်ပြန်ဆက်သည်။
မိန်းမလို ပြောင်းလဲနေထိုင်လိုက်တဲ့ သူ့ အား သူ့ ရဲ့  အတိတ်ငယ်စဉ်က မိန်းကလေးသူငယ်ချင်းတွေကြား ခပ်နွဲ့ နွဲ့ နဲ့ အတူနေခဲ့သည့် အဖြစ်များနှင့် တွဲ၍ပြန်မြင်ယောင်ကြည့်ရင်တော့ သိပ်တော့ ထူးဆန်းမည်မဟုတ်လှပါ။

" သဘာဝစိတ်ခံစားမူအတိုင်း သဘာဝကို ရင်ဆိုင်လိုက်တာ " ဟု သူတည်ငြိမ်စွာ ဖြေတတ်ခဲ့ပြီ။

ငုဝါ ဘယ်ကနေဘယ်လို မင်းသမီးပေါက်စဖြစ်နေမှန်း သူမသိခဲ့။ မော်ဒယ်လုပ်နေတဲ့ နှင်းဆီကိုလည်း မသိရကောင်းလား သူ အံ့သြနေမိသည်။ ငုဝါနှင့် ကိုးတန်းစာမေးပွဲဖြေပြီးကတည်းကကွဲသွားလိုက်တာ အခုမှ ပြန်တွေ့ ရသည်။ 

ငုဝါသည် ကျောင်းမှာကတည်းက အလှဆုံးကျောင်းသူအဖြစ် နာမည်ကြီးခဲ့သည်။ အခုတော့ ငုဝါသည် ငယ်ငယ်ကနှင့် သိပ်တောင်မတူဘဲ အရမ်းလှနေသည်။ အသားတွေတော့ ညိုသွားသလိုထင်မိသည်။ ခန္တာကိုယ်အချိုးအစားလုံးဝပြောင်းလဲသွားကာ တော်ရုံနဲ့ မမှတ်အောင်လှနေသည်ပြောရမည်။ ထိုအလှတွေကြောင့် အချိန်အတိုအတွင်း သူနာမည်ရကျော်ကြားလာသည်ဖြစ်မည်ဟု သူတွေးနေမိသည်။

ငယ်ငယ်တုန်းက ငုဝါတစ်ယောက် ကျောင်းစိမ်း ထမှီထဝတ်စဉ် အောက်ခံဘောင်းဘီ အဝါရောင်လေး လှပ်ကနဲပေါ်သွားတာကို ခင်မေသိန်းမြင်သွားကာ ငုဝါကိုကြိုက်နေတဲ့ ရဲရင့်နောင်အား ကြည့်မရသည်နှင့် အဝါလေးမဟုတ်လားဟု ငုဝါဆီ ဂျောက်တွန်းမေးခိုင်းခဲ့သည်။ ငနဲက ဘာမှန်းမသိညာမှန်းမသိ ကြောင်ချင်တာဘဲ သိပြီး တကယ်သွားမေးတော့ ငုဝါကရှက်ရှက်နဲ့  ဆရာမနှင့်တိုင်တော့ ရဲရင့်နောင်တစ်ယောက်
" သူများကို အဝါလေးလုပ်ချင်တာ နင့်ဖင်လှန်စမ်း "ဟု ပုဆိုးဖင်ပြောင်လှန် အရိုက်ခံရတော့ ဖင်မှာ အနာအမာရွတ်ဟောင်းတွေကြောင့် ဝှဲကျော်ဟု ဝိုင်းလှောင်ခံရတာ ပြန်မှတ်မိသေးသည်။ 

ငုဝါရဲ့ မျက်နာကို မိတ်ကပ်လိမ်းပေးရသည်ကလည်း သိပ်ခက်လှသည်မဟုတ်သော်လည်း ဓာတ်ပုံထဲတွင် အရမ်းလှချင်ဇောနှင့် ဂျီးများသော သူမအတွက် ခင်မေသိန်းသည် ကြိုးစား၍ပြင်ပေးရသည်။ 

အစတွင် မိပ်ကပ်သည်ပါးနေကာ ပုံတွင် ထင်းခနဲလှမနေဘဲ. ဖြစ်နေသည်။
မိတ်ကပ်ထူလိုက်ပြန်သော်လည်း လှပါတယ် အတော်ပဲပြော်လည်း ငုဝါက များသွားပြီဟု ဆိုကာ မကြိုက်ပြန်ကာ ထပ်ခါထပ်ခါပြင်ရသည်။ပရိတ်သတ်နှစ်သက်မူ အရမ်းလိုချင်ကာ စိုးရိမ်စိတ်ကြီးနေသော ငုဝါနဲ့ လိမ်းရသည်မှာ တကယ်မလွယ်။ အောင်မြင်နေတဲ့ မင်းသမီးတွေ လိမ်းရမည်ဆိုခက်ရချည်းရဲ.့ ဟု သူတွေးနေမိသည်။

. . . . . .( ဂ ) . . . . .
နှင်းဆီနှင့်မောင်မောင်တို့ အား ခိုင်ရမှုန်ငုဝါ ဟာ ငုဝါခိုင်ဟု ပြောပြတော့ သူ့ လို အံ့သြစွာ မမှတ်မိကောင်းလား ကိုယ့်ကိုယ်ကို အပြစ်တင်နေကြသည်။ TV seriesလည်းသိပ်မကြည့်ဖြစ်၍ သိပ်သတိမထားမိခဲ့ဟန်ရှိသည်။

ဒီလိုမှန်း သိရင် ငုဝါကို အစောကြီးကတည်းကပိုးပါတယ်ဟု မောင်မောင်က အရွှမ်းဖောက်ပြောတော့ နှင်းဆီက မောင်မောင့်အား အစကတည်းကမှ ကိုယ့်ကိုဂရုမစိုက်ဘူးဟူသော အတွေးနှင့် စိတ်ကောက်နေတာ ပို၍မာန်ချင်တော့သည်။ 

နှင်းဆီနှင့် ငယ်ငယ်က မတည့်ခဲ့ပဲ ပြိုင်ဖက်တွေလိုဖြစ်နေတဲ့ ငုဝါတစ်ယောက် အနုပညာလောကမှာ အောင်မြင်စပြုနေတော့ ဒီလမ်းပေါ်ကြိုးစားတက်နေရတဲ့ နှင်းဆီအဖို့  ပို၍မကျေနပ်ဘဲရှိနေတော့မည်။
နှင်းဆီသည် မောင်မောင့်အား မျက်စောင်းတစ်ချက်ထိုးကာ သူတို့ အနားမှ ထထွက်သွားသည်။

. . . . . . . (ဃ ) . . . .
ခင်မေသိန်းသည် ငုဝါရဲ့ ရိုက်ကွင်းရှိသောနေ့ များတွင် ရိုက်ကွင်းထိလိုက်လိမ်းပေးဖို့ ဖြစ်လာသည်။
သို့ သော် ဗွီတီရို ရိုက်ကူးရေးအတွက်မိတ်ကပ်လိမ်းပေးနေကြမဟုတ်၍ အနည်းငယ်အခက်ကြုံရသည်။ကင်မာရာထဲမှာပေါ်မည့်အနေအထားနှင့် ဇာတ်ဝင်ခန်း မိပ်ကပ်အနည်းအများ မချိန်စနိုင်သေးခင် လိမ်းပေးနေရင်း ရိုက်ကူးရေးအနှောက်အရှက်မဖြစ်စေလိုမူနဲ့  အတော်လေးဗျာများရသည်။ ငုဝါကလည်း ကချီကချောင်က ကျတတ်သေးသည်။ငုဝါကို ပြင်ပေးနေကျမျိုးလည်း သိပ်မဟုတ်သေး၍ ငုဝါမျက်နာအတွက် အလိုက်ဖက်ဆုံးမိတ်ကပ်ပြင်ဆင်ဖန်တီးမူကို သူ ကောင်းကောင်း မဖန်တီးနိုင်သေးပါ။ မိတ်ကပ်ကိုပြန်ဖြတ်လိုက် လိမ်းပေးလိုက်ရနဲ့  ဇာတ်ဝင်ခန်းနှင့်ပြန်ညိုရ စသည်ဖြင့် သူနဲ့ ငုဝါ နှစ်ဦးညိုညိုနှိုင်းနှိုင်းလေး အတော်လုပ်လိုက်မှ အဆင်ပြေစပြုလာသည်။

ရိုက်ကွင်း နေ့ လည်စာစားချိန်များတွင် ခင်မေသိန်းသည် လူသစ်ဖြစ်နေ၍ စက်အဖွဲ့ သားတစ်ချို့ ၏ မိတ်ဆက်ကျယ်စယ် နောက်ပြောင်ခြင်းမျိုးလည်းခံရသည်။
မိန်းမလျာတစ်ယောက်ဖြစ်နေ၍ လူတွေရဲ့ ပျက်ရယ်ပြုစနောက်ခံရမူသည် သိပ်မဆန်းတော့ပေမယ့် မိမိဘာသာ တည်ငြိမ်အေးဆေးစွာနေချင်သော ကလပ်တက်တက်မနေတတ်သော မိန်းမလျာများလည်းရှိတတ်သည်ကိုတော့ သူသည် အချိန်နှင့်အတူ သက်သေပြသွားပါလိမ့်မည်ဟု တွေးလိုက်သည်။

ရိုက်ကွင်းပေါ်တွင် တခြားမင်းသမီးများ၏ မိတ်ကပ်လိမ်းများလည်းရှိသည်။ အပြိုင်မင်းသမီး၏ မိတ်ကပ်လိမ်းသည်လည်း မိန်းမလျာတစ်ယောက်ဖြစ်သော်လည်း သူ့ အားရိုက်ကွင်းပေါ်တွင် အဖော်ရစေမူမရှိဘဲ စီနီယာကျတယ် သူက လူသစ်မလည်မဝယ်လေးဟူသော အထာမျိုးနဲ့ သာ ချေနေလေသည်။ ထိုမိတ်ကပ်လိမ်း၏နာမည်မှာ ကေကေဖြစ်သော်လည်း အနည်းငယ်ဝကာ တင်ဘေးကား၍ပြားနေ၍ ဗြားကြီးဟု ရိုက်ကူးရေးအဖွဲ့ များက နောက်ကွယ်တွင် ပြောင်၍ခေါ်ကြသည်ကို တွေ့ ရသည်။

ရိုက်ကွင်းပေါ်သို့ မှတ်တမ်းဓာတ်ပုံအတွက် ဓာတ်ပုံဆရာ မိုးတိမ်တောက်ရောက်လာသည်။ တိမ်တောက်သည် ရောက်လာလာချင်း ခင်မေသိန်းနှင့် ငုဝါထိုင်နေသောနေရာသို့ တမ်းတမ်းမက်မက်စိုက်လာသည်။ တိမ်တောက်ထိုင်ထိုင်ချင်းပင် သူတို့ အနားသို့  တချိန်လုံးချေကာ စကားတစ်လုံးမှမပြောဘဲနေခဲ့သော မိတ်ကပ်ကေကေခေါ် ဗြားကြီးသည် လျှပ်စီးတစ်လက်လက်နှင့် ရောက်လာသည်။ ဗြားကြီးကပဲ ရိုက်ကွင်းတာဝန်ခံအလား အိမ်ရှင်အလားထင်ရအောင် တိမ်တောက်ကိုလာပြီး ဧည့်ခံနေလိုက်တာများ ဗြားကြီး၏ ခပ်ကားကား ခပ်ပြားပြား ခန္ဓာကိုယ်နှင့်မှမလိုက် နွဲ့ မူပြနေသည်။ 

ဗြားကြီးက စကားကိုတစ်လုံးချင်းပြောလာသည်က 
"လက်ဖက်ရည်လား ကော်ဖီလား " တဲ့ ။

မျက်နာကိုမော့ ရင်ကိုချီလျက် လက်တစ်ကို မြှောက်ကာ အရှေ့ သို့  အနည်းငယ်ကွေး၍ဆန့် ထုတ်ထားကာ လက်ညိုးလေး ထောင်ပြီး ကနွဲ့ ကလျနှင့် အမူပိုနေလိုက်သည်များ ရိုးရိုးပြောလို့ မရဘူးလားဟု မေးချင်လောက်အောင် အမူပိုလွမ်းသည်။ ခပ်ညှောင်ညှောင်အသံသည် အမြဲအိပ်ချင်နေဟန်ရှိသော မျက်လုံးအစုံကို ရအောင်ဖြဲကားကာ စကားကို တစ်လုံခြင်း ထွက်လာသေးသည်။

"ဘာ... စား...မှာ..လဲ" တဲ့။ အသံရှည် ညှင်ပျစ်ပျစ် ချွဲချွဲကြီး။

တိမ်တောက်သည် အနားက မြန်မြန်ထွက်ပြီးရော မမှာလို့ လည်းမရမှန်းသိသည့်အထာမျိုးနှင့် ခေါင်းကိုခပ်လေးလေးခါလိုက်ကာ 
"လက်ဖက်ရည်" ဟု ပြောလိုက်တော့ ဗြားကြီး သည် အနီးမှ လှည့်ထွက်သွား၍ သက်ပြင်းချမည်ကြံဆဲ ခြေလှမ်းနှစ်လှမ်းလောက်လှမ်းပြီး သူတို့ ဘက်တို့  ပြန်လှည့်ပြန်သည်။ လှည့်လိုက်ပုံကလည်းရိုးရိုးမဟုတ် တင်ဗြားကြီးက ပြန်လှည့်မလာဘဲ ခါးတုတ်ကြီးကိုလိမ်ချိုးကာ ခေါင်းကို တစ်ချက်ငဲ့စေင်းကြည့်၍ ထုံးစံအတိုင်း လက်တစ်ဖက်ဆန့် ထုတ်ကာ လက်ညိုးလေးထောင်ပြီး မေးလိုက်သည်က

" နို့ . .ထည့်...မှာ. .လား " ဟု လေးနွဲ့ စွာမေးပြန်သည်။

အောင်မလေးနော် တစ်ခါတည်းမေးသွား ပါရောလားဟု စိတ်ပျတ်ပျတ်နှင့် တွေးရသည်အထိ ဖြစ်သည်။ တိမ်တောက်သည် ခေါင်းရမ်းပြပြီး ခပ်ရှက်ရှက်ပြုံးကာ 

" နွဲ့ နွဲ့ မူ ကတော့ တကယ် လုပ်လိုက်ပြန်ပြီ " တဲ့ ။

ငုဝါက " သူ့ နာမည်က ဗြားကြီးဆို " ဟုမေးတော့

"အဲ့ဒါဒီရိုက်ကွင်းအဖွဲ့ သားတွေပေးထားတာလေ သူ ဟိုးအရင်လိုက်တဲ့ ရိုက်ကွင်းကလူတွေက သူ့ ကို အမူပိုလွန်းလို့  နွဲ့ နွဲ့ မူ လို့  နာမည်ပေးထားကြတာ" ဟု တိမ်တောက်က ခပ်ပြုံးပြုံးလေးလုပ်ကာရှင်းပြသည်။

ဘေးကကြည့်နေရသော ငုဝါသည် တဟိဟိနှင့် ထိန်းရယ်နေသည်ထိပင်။ သူကတော့ မိန်းမလျာချင်းတူသည်မို့  သူ့ အစားကိုယ်ပါရောယောင် မျက်နာပူရှက်နေမိသည်။

"ခင်မေသိန်းရော ရိုက်ကွင်းက လူတွေနဲ့ နာမည်မိတ်ဆပ်ပေးပြီးပြီလား တော်ကြာ နာမည်အသစ်ရနေဦးမယ်၊ အဲ့လိုဖြစ်ရင် နာမည်ကင်မွန်းတက်ကျွေးရမှာနော် " ဟု သူ့ အား တိမ်တောက်က ဆက်စပြောနေတော့ ခင်မေသိန်းသည် တိမ်တောက်အား မျက်စောင်းတစ်ချက်ပစ်လွှတ်လိုက်ကာ 

"ကျမ နာမည် ခင်မေသိန်းပါရှင် " ဟု မပီမပြင်လေး ပြုံးကာ ပြန်ဖြေလိုက်သည်။

ဆက်ပါဦးမည်......

Credit :  to read more, to be a liker or follower on page
www.facebook.com/cakewritter

ချစ်ခြင်းအားဖြင့်

ကိတ်မုန့် 
Aug16,2013

 

May 12th

နားမလည်ခဲ့သောအပြစ်အတွက်

By ina

                         မကြာသေးတဲ့ကာလတစ်ခုမှာ အ၀ါရောင် နှင်းဆီပွင့်လေးတစ်ပွင့် ပွင့်ခဲ့ဘူးတယ်၊ လန်းလန်းဆန်းဆန်း ၀င့်ဝင့်ကြွားကြွားနဲ့ပါ၊ အ၀ါရောင်ဆိုတာက ရွှေရောင်တော့မဟုတ်ပေမဲ့ ရွှေနဲ့ နီးစပ်တဲ့အရောင်ပေါ့၊ တန်ဘိုးရှိသယောင်ပါပဲ၊ ဒါပေမဲ့ စိတ်ခံစားမှုတွေအတွက်ကတော့ အ၀ါရောင်ဆိုတာ မုန်းတီးခြင်းတွေကို ကိုယ်စားပြုပါသတဲ့၊ ဒါဆိုဒီအ၀ါရောင် နှင်းဆီပန်းလေးက တစ်ယောက်ယောက်ကို ဒါမှမဟုတ် တစ်ခုခုကို သူမုန်းတီးနေခဲ့တာလား၊ တစ်ယောက်ယောက်က ဒါမှ မဟုတ် တစ်ခုခုက သူ့ကို မုန်းတီးနေခဲ့တာလားဆိုတာ......

                          ကောင်လေးတစ်ယောက်ရှိခဲ့တယ်၊ မတွေ့တာကြာခဲ့တဲ့ကောင်လေးပေါ့၊ တစ်နေ့မှာ မထင်မှတ်ဘဲနဲ့ သူနဲ့ ဆုံတွေ့ဖြစ်တယ်၊ မာကြောင်းသာကြောင်းအပါအ၀င်ရှေးဟောင်းနှောင်းဖြစ်တွေပြောရင်း အသက်(၃၀)ပြည့်ခဲ့တဲ့ သူ့ရဲ့ အိမ်ထောင်ရေးအကြောင်းအရောက်မှာ သူက၀မ်းနည်းတဲ့ခံစားချက်တွေနဲ့ သူ့အကြောင်းလေးပြောပြတယ်။

                          သူချစ်တဲ့ ဆရာဝန် ကောင်မလေးနဲ့ မဆုံဖြစ်ခဲ့တဲ့အကြောင်း၊ ကောင်မလေးအိမ်က ဂုဏ်ရည်တူသူ လူချမ်းသာ ဆရာဝန်တစ်ဦးနဲ့သဘောတူခဲ့ကြောင်း၊ လစာနည်းပြီး ဆင်းရဲတဲ့အတွက် သူ့ကိုချိန်းတဲ့နေ့ မှာ သူဝမ်းနည်းစွာ စွန့်လွှတ်ခဲ့ကြောင်းနှင့် တစ်ခါတစ်ရံ ဘုရားဖူးကြတဲ့ စုံတွဲများနဲ့ ကလေးတစ်ယောက်ကို ဘယ်ညာလက်ဆွဲပြီး ပျော်ရွှင်နေကြတဲ့ မိသားစုတွေကို တွေ့တဲ့အခါ သူအရမ်းအားကျခဲ့ရသလို ၀မ်းနည်းနေခဲ့ရကြောင်း၊ ဒါပေမဲ့ ချစ်ရသူအတွက် စွန့်လွှတ်နိုင်ခဲ့သူ ဖြစ်ခဲ့ ရခြင်းကြောင့်ကျေနပ်နေ ခဲ့ကြောင်းတွေကို ညှိုးလျော် ချိနဲ့စွာပြောပြခဲ့တယ်၊ ဂုဏ်ယူစွာနဲ့ပေါ့.......

                          သူ့ရဲ့စကားတွေကို နားထောင်ရတာ အားမလိုအားမရဖြစ်တာရယ်၊ ပျော့ညံ့တယ်လို့ တွေးမိခြင်းတွေကြောင့် သူ့ကို စကားလေးနည်းနည်း ပြောဖြစ်ခဲ့တယ်၊ သူဟာအင်မတန် တစ်ကိုယ်ကောင်းဆန်ကြောင်း၊ ကိုယ့်အတွေးကိုယ့်စိတ်ကူးအတွက် တစ်ဘက်သားကိုငဲ့ညှာခြင်း မရှိတဲ့အကြောင်း၊ မိမိကိုယ်တိုင်ပင် ချစ်သူနှင့် ကွေကွင်းခဲ့ရခြင်းကြောင့် ၀မ်းနည်းခံစားနေရလျှင် ချစ်သူနှင့် ကွေကွင်းရခြင်းအပြင် မချစ်မနှစ်သက်သူနှင့် ပေါင်းဖက်ရခြင်း ဒုက္ခများကိုပါ ခံစားနေရသူ၊ မိမိကို စွဲလမ်းစွာ ကြုံလာသမျှ ဒုက္ခများကို ရင်ဆိုင်ရန် ပြင်ဆင်ခဲ့သူအတွက် မည်သို့ ရှိလိမ့်မည်ကို စဉ်းစားကြည့်စေလိုကြောင်း၊ ပြည့်စုံသောဘ၀ဖြင့် ထင်သလို ပျော်ရွှင်နေမည်ဟု မထင်မိကြောင်း ပြောပြလိုက်မိတယ်။

                           သူလဲနားထောင်နေရင်းက တိုးညင်းသောအသံနဲ့  မတွေးခဲ့မိတဲ့အကြောင်း၊ တကယ်ပဲ ဒီလို ဖြစ်နေနိုင်လားလို့ ပူဆွေးသော အကြည့်တွေနဲ့  ပြန်လည်မေးခွန်းထုတ်ခဲ့တယ်၊ စကားစကိုဖြတ်ပြီး တတ်နိုင်သမျှ မေ့ဖျောက်ပစ်ရန်နှင့် အချိန် ကာလ ကြာမြင့်ခဲ့ပါက မေ့ ပျောက်သွားနိုင်ကြောင်းပြောပြီးတော့  ဖြူဖျော့နေကြောင်း ကျမ်းမာရေးဂရုစိုက်ရန် နှုတ်ဆက်တော့ သူ့မှာ လွန်ခဲ့သော (၃)နှစ်လောက်ကတည်းက နှလုံးရောဂါဖြစ်နေကြောင်းသိခဲ့ရတော့တယ်၊ မှားပြီဆိုတာကိုလည်း သိလိုက်ရပြီလေ၊ ဒါတွေက ကျွန်တော် မပြောသင့်ခဲ့တဲ့ စကားတွေဆိုတာကို နားလည်ရင်းနဲ့ ကျွန်တော် တော်တော် စိတ်မကောင်းဖြစ်ခဲ့တယ်၊ စိတ်လဲတော်တော် ပူမိခဲ့တယ်။

                            မျှော်လင့်ထားသလိုပါပဲ ခြောက်လလောက်မှာတော့ သူဟာ သူ့ချစ်သူကို စွန့်လွှတ်ပြီးချစ်ခဲ့တယ်ဆိုတဲ့ ခိုင်မာတဲ့ ယုံကြည်မှုလေးကို စွန့်လွှတ်ပြီး နှုတ်ဆက်ထွက်ခွါသွားတော့တယ်၊ ကျွန်တော် နောင်တရလို့ မဆုံးဘူး၊ ယူကြုံးမရ တကယ့်ကို ယူကြုံးမရနဲ့ ကြေကွဲခဲ့ရပြီဗျာ..........။

                            သူကတော့ သူ့ရဲ့ ချစ်ခြင်းများကို သက်သေပြုပြီး ဂုဏ်ယူ အသက်ဆက်နေခဲ့တာကို တွေ့ခဲ့ရတယ်၊ သူ့ချစ် သူ  ကောင်မလေးကတော့ ကျွန်တော်သူ့ကို ပြောခဲ့သလို ဒုက္ခနှစ်ခုနဲ့ ရင်ဆိုင်ရှင်သန်နေရသလား၊ ချမ်းသာခြင်းဂုဏ်ဒြပ်တွေ ကြားထဲ မှာ ပျော်ရွှင်ကျေနပ်နေသလားဆိုတာ မသိခဲ့ရဘူး၊ သိခဲ့ရတာကတော့ သူ့ရဲ့ ယုံကြည်ချက်ပီတိကလေးနဲ့ ရှင်သန်နေခဲ့တယ်ဆိုတာကိုပါပဲ၊ ကျွန်တော်ကတော့ သူ့ရဲ့ ယုံကြည်ချက်ကလေးကို သေချာမလေ့လာဘဲနဲ့ ဖျက်ဆီးမိခဲ့ပြီဗျာ........

                            ကျွန်တော့်ကိုယ် ကျွန်တော်သိပ်မုန်းတယ်၊ ချစ်ခြင်းရဲ့ အဓိပ္ပါယ်တွေကို သေချာ နားမလည်ဘဲနဲ့ ကိုယ်ထင်ရာ ကိုယ် ပြောပြီး လူတစ်ယောက်ရဲ့ ယုံကြည်ချက်နဲ့ သန့်စင်တဲ့ မေတ္တာတရားကို စော်ကားမိခဲ့လို့လေ....။

                             ဒါကြောင့်ကျွန်တော် အ၀ါရောင်ပန်းလေးတစ်ပွင့်ကို သူ့အတွက် ရည်စူးပြီး မြက်ခင်းစိမ်းစိမ်းလေးပေါ်မှာ ချထားခဲ့တယ်၊ ကျွန်တော် မတောင်းပန်တော့ဘူးဗျာ........၊ သူ့ကိုကျွန်တော် အားနာတယ်၊ ဒီအပြစ်အတွက် ဒါမှမဟုတ် ဒီဝဋ်ကြွေးကို ပြန်လည်ခံစားရမယ် ဆိုရင် အ၀ါရောင်နှင်းဆီခင်းကြီးတစ်ခင်းစိုက်ပြီးတော့ နာကျင်နေတဲ့ကြားက အပြုံးတွေနဲ့ ခံစားရပါစေလို့..................။

Consumer

 

Feb 7th

သတိ ဝှေးစေ့ကို အာထရာဆောင်းမရိုက်နဲ့

By SSP

ဖေဖေါ်ဝါရီ (၇) ရက်ထုတ် Flower news ဂျာနယ်မှ သတင်းဆောင်းပါး တစ်ပုဒ်ကို အားလုံးသိရှိနိုင်အောင် ဖေါ်ပြပေးချင်ပါတယ်..

ဝှေးစေ့အား အာထရာဆောင်းရိုက်ပါက သုက်ပိုးထုတ်လုပ်မှု ရပ်တန့်စေနိုင်ကြောင်း မျိုးဆက်ပွား တားမှုဆိုင်ရာပုံစံသစ်ကို စစ်ဆေးမှုပြုသည့်သုတေသီတို့၏ အဆိုအရ သိရသည်။

အာထရာဆောင်းရိုက်ရာတွင် ထွက်ပေါ်လာသောအသံလှိုင်းများက သုက်ပိုးအရေအတွက် လျော့ကျစေသည့်အတွက် မျိုးမအောင်ခြင်းကို ဖြစ်ပေါ်စေသည်ဟု ဆိုသည်။ သုတေသီတို့က အာထရာဆောင်းအား မျိုးဆက်ပွားမှု တားသည့် ကိုယ်စားလှယ်လှောင်းအဖြစ် ဖော်ပြခဲ့သည်။

သုတေသီတို့တွေ့ရှိချက်အရ အာထရာဆောင်းဖြင့် ၁၅မိနစ်ကြာခန့် စမ်းသပ်စစ်ဆေးမှုပြုခြင်းသည် သုက်ပိုး ထုတ်လုပ်သည့် ဆဲလ်အရေအတွက်နှင့် သုက်ပိုး ပမာဏကို သိသိသာသာ လျော့ကျစေကြောင်း တွေ့ရှိရသည်ဟုဆိုသည်။ သုတေသီတို့၏ အဆိုအရ တစ်မီလီမီတာတွင် သုက်ပိုး ၁၅ သန်းအောက် ကျဆင်းခြင်းက မျိုးအောင် ခြင်းမရှိသည့်အခြေအနေတွင်ထည့်သွင်းရမည်ဟုဆိုသည်။

ကြွက်များနှင့် စမ်းသပ်ရာတွင်မူ တစ်မီလီမီတာတွင် သုက်ပိုး ၁၀သန်းအောက်ကျဆင်းပါက မျိုးအောင်ခြင်းမရှိကြောင်း တွေ့ရှိရသည်။

Ref; Daily Mail/KH

Sep 6th

သောင်းပြောင်းထွေလာ...ရယ်စရာ (၄)

By Zaw

စွံချက်

အရက်ဆိုင်ထဲသို့  အတော့် ကို အရုပ်ဆိုးတဲ့ သူတယောက် မချိုမချဉ်စပ်ဖြဲဖြဲမျက်နှာပေးနဲ့ ဝင်လာပီး အရက်တပိုင်းမှာလိုက်ပါတယ်။ ဆိုင်ရှင်က သူ့ ဝိုင်းမှာ အရက်လာချပေးရင်း “ဘာတွေများအူမြူးလာတာလဲ ကိုယ့် လူရ..” လို့ မေးပါတယ်။ ကိုရုပ်ဆိုးက “ ပြောပြရတာပါ့ ဗျာ..ခင်ဗျားတို့ သိတဲ့အတိုင်း ကျုပ်အိမ်က..သံလမ်းနဲ့ ကပ်ရက်လေ။ ညက..ဒီဆိုင်ကနေ သံလမ်းအတိုင်းလမ်းလျှောက်ပြန်လာတော့ ရုပ်ရှင်တွေထဲကလို ကောင်မလေးတယောက်ကို ကြိုးတုပ်ပီး ရထားလမ်းပေါ်ကန့် လန့် ချထားတာတွေ့ ရတယ်ဗျာ..ဒါနဲ့ ကျုပ်လဲ 

ကောင်မလေးကို ကမန်းကတန်း ကြိုးဖြေပေးပီး အိမ်ခေါ်လာခဲ့ ရော..။ လိုရင်းပြောမယ်ဗျာ..ညကကောင်မလေးနဲ့  အပီဆွဲကြတာဗျာ။တအိမ်လုံးနေရာအနှံ့ ဘဲ..သူ့ ကိုအပေါ်ကထားလိုက်..ကျွန်တော်က..အပေါ်ကနေလိုက်နဲ့ ..ဟားဟား..”

ဆိုင်ရှင်က “ အတော်စွံပါလားကွ..ဟေ.. ဒါနဲ့ ကောင်မလေးကရော..အတော်ချောလား..”

“သိဘူးဗျ..ခေါင်းကိုတော့ ..မတွေ့ မိဘူး...”

Nov 18th

ချစ်သူပုံရိပ် အပိုင်း (၃)

By lovelyguy

စွယ်တော်ရွက်ကလေးလည်း မှတ်စုစာအုပ်ကြားထဲ မှေးစက်ပျော်နေပေမဲ့…. ကျွန်တော့်ရင်ခုန်သံတွေကတော့ စွယ်တော်ရွက်ကလေးကို ထုတ်ကြည့်တိုင်း နုပျိုနေဆဲဘဲ….

 

သီတင်းကျွတ်တော့မယ်ဆိုတော့.. ကျူရှင်မှာ ဆရာကန်တော့ပွဲ လုပ်ဖို့ပြင်ဆင်ရ၊ ကျေုာင်းသားတွေစားဖို့ အစားသောက်တွေစီစဉ်ရနဲ့ အလုပ်တွေရှုပ်နေတာ သူမျက်နှာလေး မတွေ့ရတာ ၁ပတ်တောင်ရှိသွားပြီ…. ကျွန်တော့် သူငယ်ချင်းဖြစ်တဲ့ သင်းသင်းခိုင်(ချစ်စနိုးနဲ့ ပိစိ ဟုခေါ်သည်) က

         

“ဟဲ့.. ဝသန် ဆရာတွေအတွက် ကန်တော့ပစ္စည်းတွေကော စီစဉ်ပြီးပြီလား…. ကျေုာင်းသားတွေစားဖို့ အစားသောက်တွေကော ဘာစီစဉ်ထားလည်း….”

         

“ အေး.. အားလုံး အဆင့်သင့်ဘဲ… Teacher ခိုင် က အကင်လုပ်စားမယ်တဲ့….. မနက်ဖြန်ဈေး သွားဖို့ပြောထားတယ်… နင် အားရင်လိုက်ခဲ့လေ…”

         

“ အေး.. လိုက်တာပေါ့… ချိုလေးတို့ ပပတို့ကော ခေါ် လိုက်လေ…”

“ သူတို့ကော အားလို့လား.. အားရင် အတူတူ သွား ကြတာပေါ့…….. ဟုပြောရင်း ကျူရှင် မှဆင်းလာကာ သူငယ်ချင်းနှစ်ယောက်သား အိုးကြီး မုန့်ဟင်းခါး (ရောင်းသော မိန်းမကြီး က တင်ပါးကြီးကြီးနှင့်မို့ပြောင်၍ခေါ်သည်) သွားစားကြသည်။

 

ဆရာကန်တော့ပွဲနေ့……

          ကျူရှင်မှာရှိတဲ့ Guide တွေ အကုန်လုံး အလုပ်တွေရှုပ်နေကြတယ်…. ကျောင်းသားတွေလည်းရောက် လာကြပြီ… ဝိုင်းက လူတွေကော၊ Section ကလူတွေကော …. စာသင်ခန်းပြည့်လုနီးပါး ဘဲ…. အဲဒီမှာ ပိစိ က MC လုပ်ရမှာ…. ကျောင်းသားတွေ ကိုကြည့်ပြီး ကြောက်သေးပါ ပါတော့တယ်….

         

“ ဟဲ့.. လုပ်ကြပါဦး… ငါတော့ ကြောက်တာနဲ့သေတော့မှာဘဲ…. ချွေးတွေလည်းပြန်နေပြီ……”  သူ့ကိုကြည့်ပြီး ရယ်နေရတာ….

 

 

“ဟဲ့ ပပ… ကန်တော့ပစ္စည်းတွေ သေချာကြည့်ဦး… နာမည်တွေကော ကပ်ပြီးပြီနော်…..” ဆရာကြီးလေသံနဲ့ပြောရင်း ကျောင်းသားတွေ ဘက်ကို မျက်လုံးကစားပြီး သူ့ကိုရှာပေမဲ့ မတွေ့ပါဘူး……

“ သူမလာဘူးနဲ့တူတယ်” စိတ်ထဲမှာ ဝမ်းနည်းသလို ခံစားလိုက်ရတယ်……

 

“အခမ်းနားမှ မစသေးတာ… သူလာမှာပါလေ….” စိတ်ထဲမှာတွေးရင်း ကိုယ်ဟာ့ကိုယ်ဖြေသိမ့်လိုက်ပါတယ်...

 

မကြာပါဘူး….. လည်ကတုံး အဖြူလေးနဲ့ ပုဆိုး အနီကွက် လေးဝတ်ထားတဲ့ သူ ဝင်လာတာမြင်လိုက်ရတာနဲ့ …..ကျွန်တော့်ရင်ခုန်သံတွေ မြန်လာရပါပြီ….. သူကကျွန်တော့် ကို အပြုံးတစ်ပွင့်နဲ့ နှုတ်ဆက်လိုက်တယ်ဆိုရင်ဘဲ….ကျွန်တော့်မျက်နှာမှာ ပြုံးရိပ်တွေ.. အပျော်ရိပ်တွေ ကို သူတွေ့သွားမှာ….တွေ့ပါစေလို့လည်း ဆုတောင်းလိုက်မိတယ်…

 

ဆရာကန်တော့ပွဲပြီးသွားတော့.. ညဘက်မှာအသားကင် လုပ်စားကြတယ်လေ.. ကျောင်းသားတစ်ချို့ကတော့ပြန်သွားကြတယ်… Guide တွေ ဆရာမတွေ နှင့်ကျောင်းသားတစ်ချို့ဘဲကျန်ရစ်ပြီး အသားကင်တဲ့သူက ကင်၊ အအေးဖျော်တဲ့သူကဖျော် ကိုယ်စီကိုယ်စီ အလုပ်တွေရှုပ်နေတာ…ကျွန်တော်ကတော့  မီးဖိုဘေးနားမှာ အသားကင်အတွက် ဝိုင်းလုပ်ပေးနေရတာနဲ့ သူဘယ်ရောက် သွားမှန်းတောင် မသိလိုက်ဘူး….

 

ခဏနေတော့ ကျွန်တော့်ဘေးမှာ ဘောင်းဘီတို အဖြူကွက်ကလေးနဲ့ T-Shirt လိမ္မော်ရောင်ဝတ်ထားတဲ့ လူတစ်ယောက်ရောက်နေတာ သတိမထားမိလိုက်မိဘူး.. ဘယ်သူလဲလို့ကြည့်လိုက်တော့မှ … သူပါလား…… ဒါနဲ့ဘဲ…. ကျွန်တော်ကဘဲစပြီး..

         

“ဘယ်ရောက်သွားတာလဲ….ပြန်သွားပြီမှတ်နေတာ…”

 

          “ ဟုတ်တယ်.. အိမ်ပြန်ပြီး အဝတ်စားသွားလဲတာဗျ…ကျွန်တော် ဘာလုပ်ပေးရမလဲ” လို့ပြောရင်း အသားကင်တဲ့တုတ်တံကို ယူရင်း ကျွန်တော့်ဘေးမှာလာကူညီပါလေရော…. သူနှင့်ကျွန်တော်လည်း အသားကင်ရင်း တစ်ယောက်အကြောင်း ကို တစ်ယောက်ပြောနေမိတယ်….

 

“ကျွန်တော်က မြိတ်မှာနေတာ….၁၀တန်းကျလို့အမေ ကရန်ကုန်ကို ပို့လိုက်တာလေ… ကျွန်တော့်မှာညီ၁ယောက် အစ်ကို၁ယောက်ရှိတယ်… ကျော်သန့်ဇင် အဖေ ကမေမေ ရဲ့မောင်တော် တယ်.. ကျွန်တော့် ကို ဘိုဖြူလို့ဘဲခေါ်တယ်ဗျ…….”စသည်ဖြင့် သူ့အကြောင်းတွေပြောပြနေတယ်….

 

“ကျွန်တော့်အဖေ နှင့် အမေ က ကွဲနေတာ…. ကျွန်တော်က အမေနဲ့နေတယ်…. အမေ ကဆန်ပွဲရုံဖွင့်ထားတာ……” သူ့စကားကိုကြားလိုက် ရရင်ဘဲစိတ်မကောင်းဖြစ်သွားတယ်…..

 

“ ပြောဦးလေ ..ဝသန်အကြောင်း.. ကျွန်တော့်အကြောင်းတွေတော့ပြောပြရတယ်….ဝသန်အကြောင်းလည်းနားထောင်ချင်တာပေါ့.” သူကပြောလာတော့

 

 

“ထူးထူးခြားခြားတော့ရှိပါဘူး… ဖေဖေ နှင့်မေမေ က အလုပ်ကိစ္စနဲ့ တစ်ခြားမှာနေတယ်… ဝသန်မှာအစ်ကိုတစ်ယောက်ရှိတယ် ….ဝသန်တို့က ငယ်ငယ်တည်းကအဖိုးတွေ အဖွားတွေနဲ့နေရတာ… ၁၀တန်းအောင်တော့ ဒီမှာGuide လုပ်တယ်… ဒါဘဲ…ဘာသိချင်သေးလဲ..”

 

“အင်း..မေးတော့ပါဘူး..စိတ်ဆိုးမှာဆိုးလို့”

 

“သြော်..ရပါတယ်…ဖြေနိုင်ရင်ဖြေမှာပေါ့” ရင်ထဲမှာတော့ ဘလောင်ဆူနေပြီ…. “ဘာများမေးမလို့ပါလိမ့်…ဒုက္ခတော့များတော့မှာဘဲ” စိတ်ထဲတစ်ကိုယ်တည်း ငြီးငြူရင်း သူ့နှုတ်ကထွက်ကျလာမဲ့ စကားကိုမျှော်လင့်နေစဉ်မှာဘဲ…….

 

“အောင်မယ်..ဝသန်တို့များ အသားကင်ပါဆို အာလူးဖုတ်နေတယ်….”ဟုပြောရင်း ပိစိ ကရောက်လာတော့ သူမေးမယ့်မေးခွန်းကလည်း လေထဲလွင့်သွားတော့တယ်…….. အဲဒီညက…စားကြသောက်ကြ နှင့် ညမိုးချုပ်မှပြန်သွားပေမဲ့…သူကိုတောင်မနှုတ်ဆက်လိုက်ရဘူး…….

အိမ်ပြန်ရောက်တော့ သူ့အကြောင်းတွေရင်း အိပ်ရာဝင်လိုက်တော့တယ်……

 

ဆရာကန်တော့ပွဲပြီးသွားတဲ့နောက်ပိုင်းမှာ သူနဲ့ကျွန်တော် ရင်းနှီးမှုက သိသိသာသာကြီးကိုပြောင်းလဲလာတာကို တစ်ခြားသူတွေတောင် သတိထားမိလာကြတယ်.. Guide အချိန်တွေဆို သူနဲ့တွေ့ရတဲ့အချိန်တွေကလည်းများတော့ ကျွန်တော်ရင်ထဲမှာတော့ဖေါ်မပြတတ်အောင် ဝမ်းသာမိတယ်..

ကျွန်တော့်အကြောင်းကို သိပြီး နားလည်ပေးတတ်တဲ့ ပိစိ ကတော့

“ နင်တို့နှစ်ယောက် ဘာတွေလည်း…. ဟိုတစ်ယောက်ကိုလည်း ဂရုစိုက်လိုက်တာ အမြင်ကပ်စရာတောင်ကောင်းတယ်….. ဟိုကလည်းမေးလိုက်တာ ဝသန်ကျူရှင်မလာဘူးလား ဆိုတာကလည်း တွေ့တိုင်းမေးတယ်…. ပေးထားလိုက်လေ နင့်အချိန်စာရင်းကို.. ငါဖြေရတာမောတယ်…”

 

“သြော်..ပိစိရယ် မနာလိုဖြစ်မနေစမ်းပါနဲ့…. ကိုယ့် ကုသိုလ်နဲ့ကိုယ်ပါနော်….နင်အားကျနေတာလား…..” လို့ပြောလိုက်တော့

“အမယ်လေး… အေးအေးနေပါရစေ… နင့် ဝူခုန်းကို တော့ ကန်တော့ဆွမ်းပါနော်…နင်သာကြိုက်တာ…ငါကတော့ No ပဲ…”

တစ်ကယ်တော့ ပိစိ က ကျွန်တော် ဟိုမိုတစ်ယောက်ဆိုတာကိုသိထားပြီးနားလည်ပေးတဲ့ သူငယ်ချင်းကောင်းတစ်ယောက်လေ….

“အေးပါ….. ပိစိရယ် ကျေးဇူးတင်ပါတယ်…ချမ်းသာပေးလိုက်လို့လေ…..” ဟုပြောရင်း သူငယ်ချင်းနှစ်ယောက်သား ရယ်လိုက်မိတယ်…….

 

အပိုင်း(၄) မျှော်……..

 

Apr 23rd

ချစ်သူပြောသောသင်္ကြန်နွေ ၂

By Stephan

၁၄.၄.၂၀၁၄ သင်္ကြန်အကျနေ့

ဒီနေ့တော့ ကျတော် အိမ်မှာ ဘဲ နေဖြစ်မည်။ တနှစ်သာ ပုံထားသမျှ တအိမ်လုံးကို သန့်ရှင်းရေးလုပ်ပြစ်လိုက်သည်။ အမေကတော့ ဟင်းချက်လို့ကောင်းတုန်းပေ့ါ ။ စပါကတီ လုပ်စားဖို့ပေ့ါ။

ဒါတော့ ကျတော့် အမေ က ချစ်ဖို့ကောင်းသည်။ အလုပ်နားရက်ဆို အသစ်အဆန်းလေးတွေ ချက်ကျွေးသည်လေ။

####မင်းကိုမြင်နေပေမယ့်လည်း မင်းမရှိမှန်းသိပါတယ်

ခံစားချက်မဲ့တဲ့ အကြင်နာစကားများကို

နှုတ်ခမ်းဖျားလေးနဲ့မပြောပါနဲ့

တကယ်ဆိုချစ်တာအမှား မှားမိတဲ့သူပါ####

ဒါချစ်သူလေးရဲ့ ringtone လေးပေါ့ ။ ခလေး အရမ်းကြိုက်လို့ ကျတော့်ဖုန်းလေး ထဲ ထဲ့ပေထားသည့် သီချင်းလေးပေ့ါ။ ကျတော် ကြိုက်တဲ့ Nicki Minaj ရဲ့ starship ကတော့ ကျတော့်အတွက် ခလေးဖုန်းရဲ့ ringtone လေးပေ့ါ။

          ဒီ ringtone လေးကြားလိုက်တိုင်း ရွှေတိဂုံ ဘုရား ပေါ် က ကျတော်တို့ အဖြစ်ကို ပြန်သတိရမိသည်။

          “ဟာ ခလေးက လည်း ရည်းစားကို ချစ်တယ်လို့ ပြောပြီး ချစ်တာအမှား ဆိုတော့ လူက ချစ်ရမှာလား မချစ်ရဘူး လား ခလေးရာ”

“ ကိုကိုက လည်း ဒါက သီချင်းဘဲကို  ပြီးတော့ မချစ်ဘူးလို့ ပြောတာမှ မဟုတ်တာ၊ သေချာလည်းနားထောင်ကြည့်ပါဦး”

“ဟုတ်တော့ ဟုတ်ပါတယ် ခလေး ရ ဒါပေမယ့် တမျိုးကြီးဘဲကွာ”

“ကဲ လျှာမရှည်နဲ့ ဖုန်းပေး”  ဒီလို တဇွတ်ထိုးပြီး ဖုန်းထဲ ထဲ့ ပေးခဲ့သည်လေ။ ဒါသူ့အတွက် ringtone တဲ့ ။ ကျတော်ကြိုက်တဲ့ သီချင်းကို လည်း သူ ringtone ထားမယ်တဲ့။

“ ဟွန်း ကိုကို ကလည်း English သီချင်းကြီး၊ ဗမာသီချင်းမကြိုက်ဘူးလား ”

“ ကိုကြိုက်တာထည့်ဆို လျှာမရှည့်နဲ့ နောက်လှည့် ”

“ကိုကိုနော် ဘုရားပေါ်မှာ ညစ်တီးညစ်ပတ် ခုနကတော့ နာရီဝက်ကြာအောင် ဘာတွေရွတ်နေမှန်းမသိဘူး ခုတော့ သူမဟုတ်သလိုဘဲ”

“ ဖုန်းပေးလို့ပြောတာပါ ခလေးကလည်း ဟဟဟ” ပြီးတော့ လူအလစ် ချောင်းပြီး ချစ်ပါးလေးကို အနမ်းကလေး ရှလူးမိသည်။ ပြီးတော့ ပထမဆုံး Kissing လေးပေ့ါ။ ခလေး အနမ်းလေးတွေ က အလွန်တရာ ချိုမြိန်လှသည်လေ။

ရင်မှာ ဘယ်လောက်ကြည်နူးနေသည်မသိ အမေအော်မှဘဲ သတိထားမိတော့သည်။

“ ဟဲ့ မောင်လင်းလက် နင့်ဖုန်းလာနေတယ်လေ ဖုန်းမကိုင်တော့ဘူးလား ”

“ဟလို ကိုကို အကြာကြီးဘဲ ဖုန်းမကိုင်ဘဲ ဘာလုပ်နေတာလဲ”

“ ခလေးပြော ဟီဟီး ဖုန်းကိုင်ဖို့မေ့နေတာ ခုခနနားနေတာလား ချစ်လေး ”

“ဟုတ်ကိုကို နေ့လည်စာစားပြီး ခနနားနေတာ ကိုကိုကော ဘာလုပ်”

“ကိုကို သန့်ရှင်းရေးလုပ်နေတာလေ ကြွက်စုတ်ဖြစ်နေပြီ သိလား”

“ဟုတ်လား ဓာတ်ပုံ ရိုက်ပြီး ပို့လိုက် ”

“ဟာ ခလေးကလည်း ဒီလောက်ညစ်ပတ်နေတာကို ”

“ကိုကိုကလည်း ချစ်ကြည့်ချင်ပါတယ်ဆို viber ကနေပို့လိုက် ” ပြောပြီးဖုန်းပါချသွားသည်။ အဲ့လောက်တဇွတ်ထိုး ဆန်လှသည့်ခလေးပေ့ါ၊ ချစ်မိမှတော့လည်း အလိုလိုက်ရတော့ပေမပေ့ါ၊ ဘာတတ်နိုင်မလဲ။ ဖုန်းက ချက်ချင်းပြန်ဝင်လာသည်။

“ကိုကို က ချစ်စရာလေး တမြက်စည်းလေးနဲ့ စုန်းသားလေး ဟီဟီး ”

“ခလေး နော် လူကြီးကို မစရဘူး တုတ်နဲ့ ရိုက်မှာနော်”

“ဟဟ ကိုကိုနော်”

နှယောက်သား ခဏတာ တိတ်ဆိတ်နေမိကြသည်။ စိတ်ထဲမှာတော့ ကြည်နူးမှုအပြည့်နဲ့ပေ့ါ

“ကိုကို ဒီမဏ္ဍပ်မှာ မော်ဒယ်တွေ အများကြီးဘဲသိလား ခလေးကို လာလာဖက်ပြီး စကား လာလာပြောကြတယ်” သူဒီလိုပြောမှ ရင်တွေပူလောင်လာမိပြန်သည်။ ခုချက်ချင်းပင် သူကလေးဆီ အပြေးလေး အရောက်သွားလိုက်ချင်သည်။ စိတ်ပေါက်ပေါက်နှင့်

“ဒါဘဲလား ခလေး ဘာမှဆက်မလုပ်ကြဘူးလား”

“ဘယ်ဟုတ်မလဲ တူတူကကြတာပေါ့ ဒီမှာ ရယ်နေရတယ်ကိုကိုရ တိုင်နှတိုင်လေး ရှိတာ လုပြီး ပွတ်နေရတယ် ဟဟ”

“ခလေးက လည်း ကတယ်လည်း ပြောသေးတယ် တိုင်ကို ပွတ်ပြီး ဘာလုပ်နေတာလဲ”

“အာ ကိုကို ကလည်း ပိန်းပါ့ sexy dance လေ”

“အော် stripper တွေလို ကနေကြတာလား ခုကောကိုယ်ပေါ်မှာ အ၀တ်ကော ရှိသေးလား ခလေး”

”ခလေးက လုံလုံခြုံခြုံ ဘဲ ဘာမှမချွတ်ပါဘူး ကိုကိုရ ခလေးတကယ်ချစ်တာ ကိုကိုတယောက်တည်း”

ဒီလိုအပြော လေးတွေ ကို ရင်ထဲက  ကြွေမိပေါင်းလည်း မနည်းတော့ပြီ နှလုံးသားထဲကလည်း ချစ်သူလေးကို ပိုပိုချစ်နေမိသည်။

“ကိုကို နေ့လည်စာ စားပြီးပြီလား”

“စားရသေးဘူး ခလေးရ”

“စားတော့နော် ကိုကို နောက်ကျနေပြီ ခလေးလည်း ရေပြန် ပက်လိုက်အုံးမယ် ဘိုင်ဘိုင်”

“ဘိုင် ခလေး မွမွ”

“အာဘွား ”

ဒီလိုနဲ့ ကျနော် အစာမစား ဘဲ ဗိုက်တွေ ပြည့်သွားသလိုပင်။ ဒါပေမယ့် ဗိုက်ထဲက သံစုံတီးဝိုင်းကို ငြိမ်းသတ်ဖို့ ရေမြန်မြန် ချိုးပြီး ခေါက်ဆွဲ မြန်မြန်စားလိုက်ရသည်။ ပြီးတော့ တနေကုန် ရုပ်ရှင်ထိုင်ကြည့်မိသည်။ The Littlest Angel ကြည့်နေတုန်း ကလေးဖုန်းလေးမြည်လာသည်။

“ကိုကို ဘယ်က ခလေးသံတွေလဲ”

“ကို့ကလေးလေ ခလေးရ”

“ကိုကိုကလည်း လာနောက်မနေနဲ့”

“ကာတွန်းက ကြည့်နေတာပါကွာ”

“လန့်သွားတာဘဲ ကလေးအသံလေးတွေနဲ့ဆိုတော့”

“ကလေး ဒီနေ့ဘာတွေလုပ်”

“ကိုကို့ ကို ပြောစရာ ရှိတယ်သိလား ခလေးကိုလေ ချစ်ချင်လို့တဲ့ ကောင်လေးတစ်ယောက်က”

“ အဲ့ဒါနဲ့ ဘာပြောလိုက်လဲ ”

“ခလေးက ကိုယ့်မှာ ရည်းစားရှိတယ်ပြောတာပေါ့၊ ဒါကိုသူက မယုံဘူးတဲ့ နက်ဖန် မဏ္ဍပ်လာမယ်တဲ့”

“ဟိုက် ကိုယ်က မဏ္ဍပ်မှ မထိုင်တာ ဘယ်လိုလုပ်မလဲ ချစ်”

“ ဒါများ ရပါတယ်ကို ရ ခလေး က တကသိုလ်ရိပ်သာလမ်းမှာ ထိုင်တယ်ပြောထားတာ ပူစရာမလိုပါဘူး”

“ကလေး ကနေတာ အရမ်းမိုက်တယ်နော် ”

“ကလေးပို့ထားတာ ကြည့်ပြီးပြီလား ဒါတောင် ဒါက အနောက်မှာ ရိုက်ထားတာ စင်ပေါ်မှာ ဒီထက်ပိုလန်းတယ်”

“ယုံပါတယ် ကလေးရာ တိုင်ဖက်ပြီး က နေမယ်ဆိုတာ”

“ဖက်မှာ ပေါ့ ဖက်စရာ ကိုယ်မှ မရှိတာ၊ သူများ တွေများ ဖက်လိုက် နမ်းလိုက် ကစားလိုက် တချီပြီး တချီဘဲ ကိုကိုရာ ကိုကိုကို့ လွမ်းလိုက်တာ”

“အန် ခလေးက မဏ္ဍပ်မှဟုတ် ရဲ့လား တချီပြီးတချီဆိုတော့ ”

“ဟိုက် ကိုကိုကလည်း ဒါဘဲ ဟွင်းဟွင်း”

“ကိုလည်း ခလေးကို လွမ်းပါတယ် ကလေးရယ် ခုတောင်ကလေးကို ပြေးဖက်ပြီး နမ်းချင်လာပြီ ချစ်နှုတ်ခမ်းလေးကို လွမ်းတယ် ”

“ဒါဆို နက်ဖြန် မဏ္ဍပ်လာခဲ့လေ ကိုကိုရ”

“ခလေးက လည်း ငရဲကြီးတော့မယ် ကိုနက်ဖြန်နဲ့ တဘက်ခါ ဥပုသ်သွားစောင့်မှာလေ”

“ဟွန်းဒါဆို ကိုနဲ့လည်းဖုန်းပြောလို့ မရတော့ဘူးပေါ့ ၀မ်းနည်းလိုက်တာ ကိုကိုရာ”

“ဒါဆို ကိုနဲ့ ဥပုသ်လိုက်စောင့်လေ ချစ်ကလည်း”

“တော်ပါ ကိုကိုကလည်း ပျင်းစရာကြီး ”

“ သိပါတယ်ခလေးရာ ပျော်အောင်ကဲခဲ့နော် sunscreen နှနာရီတခါ လိမ်းဖို့လည်း မမေ့နဲ့အုန်း နေအရမ်းပူတယ်နော်ကလေး စွတ်ကျယ်ကြီးနဲ့ လည်းမနေနဲ့နော် ဂျာကင်လည်းဝတ်အုန်းနော် သူများတွေနဲ့ မကျူနဲ့နော်”

“ ဟုတ် ကိုနော်နော် ဒါဘဲ ဂွတ်နိုက် ”

“ ဂွတ်နိုက် အာဘွားလေး”

“မွမွ ကိုကို  ကုသိုလ်များများယူခဲ့နော်” ဒီလိုလေး ရွဲ့ပြောတာကိုလည်း တမျိုးလေးချစ်နေမိပြန်သည်။

ဒီလိုနဲ့ သင်္ကြန်တရက်ကုန်သွားပြန်သည်။



Nov 18th

မြန်မာမှာ ဟိုမိုဆိုတာလက်ခံစေဖို့ စိတ်ဓာတ်လေးတွေပြုပြင်သင့်ပြီ

By ha jay
ကျွန်တော် ဒီနေ့ဒီချိန်ထိဟိုမိုပွဲတွေကိုရှောင်တယ် ကြောက်တယ် ဘဝမှ ကိုအယုံကြည်ဆုံး အားအကိုးရဆုံး လူကပဲ ကျွန်တော်ကို အကြိမ်ကြိမ်သတ်သွားဘူးလိုပါပဲ

လူတကာနှိမ်ခံရတဲ့ဟိုမိုဘဝတူ အချင်ချင်းကို မစည်းလုံးပဲ တစ်ယောက်ကောင်းစားရင်နောက်တစ်ယောက်ကမနာလိုအမုန်းပွာမြန်မာနိုင်ငံ ဟိုမိုဘဝတွေ ဒီတိုင်းသာမပြုပြင်ပဲဆက်သွားနေရင် ဘဝကံမကောင်းတဲ့လိင်တူ လူတွေကို ပုံမှန်လူတွေက လက်မခံနိုင်တဲ့အပြင် ပိုပြီးကို လူလောကအပြင်ဘက်ရောက်အောင်ပစ်ပယ်ခံရတော့မှာကြိမ်သေပဲ

အမှန်ဆို လူတွေဝိုင်းပစ်ပယ်ခံရတဲ့ လိင်တူဘဝတူအချင်းချင်း ချစ်ချစ်ခင်ခင် စာနာ နားလည်မှုတွေနဲ့ ကူညီဖေးမရင် ထိုင်းနိုင်ငံလိုမျိုး လိင်တူ လိင်ကွဲမခွဲခြားခံရပဲ မြန်မာမှာလိင်တူတွေအတွက် နေရာတစ်နေရာရလာမှာ အသေအချာပင်ဖြစ်ပါတယ်

ဗုဒ္ဓဘုရားရှင်ကလဲ အရာရာတိုင်းကို မေတ္တာနဲ့ ကြည့်ဖို့ပဲလမ်းပြခဲ့တာလေ


ရဲကို ခံစားရသော MLGBTS ပွဲမှခံစားချက်အား စိတ်မကောင်းဖြစ်ရပါတယ်
ထိုကြောင့် ခံစားချက်တိုက်ဆိုင်မှုကြောင့် ဤစာလေးရေးဖြစ်ခဲ့ရခြင်းဖြစ်ပါသည်

ဟိုမိုတွေရဲ့စိတ်ဓာတ်မြင့်မားလာပါစေလို့ဆုတောင်းလျက်
 


                                                  ခေတ္တ နော်ဝေးနိုင်ငံ(အော်စလိုမြို့) 
Oct 21st

A Report on Gay Conversion Therapy

By S K Y

Gay Conversion Therapy Harms Minors, Government Says by Tia Ghose, Oct 16, 2015 www.livescience.com

 မကြာမီက ထုတ်ပြန်လိုက်သော အမေရိကန်အစိုးရ Federal Agency Report အရ မလိုအပ်သောကုထုံးတခုဖြစ်သည့် လိင်တူကြိုက်စိတ်ပြောင်းလဲခြင်းကုထုံး Gay Conversion Therapy ဟုခေါ်သော ဂေးများ၏လိင်တူစွဲဆောင် နှစ်သက်မှုကိုပြောင်းလဲပေးဖို့ ဦးတည်တဲ့ ကုသမှုများအား လူငယ်များကို ပြုလုပ်ခံစေခြင်း ဆက်လက်မပြုလုပ်သင့်တော့ဟု ဆိုပါသည်။

 အဆိုပါ ကုထုံး၏ ရှေ့နေများကတော့ လူတွေဟာ လိင်စိတ်ညွတ်မှုကိုပြောင်လဲနိုင်တယ်ဆိုတဲ့ အဆိုကိုဆွဲကိုင်ထားဆဲပါ။ အဲ့ဒီ ဆွေးနွေးပညာပေးမှုတွေကို ကိုယ့်ကိုယ့်ကိုယ် Lesbian, Gay, Bisexual or Transgender လို့ ခံယူထားတဲ့ လူငယ်တွေကို အဓိကပြုလုပ်တာဖြစ်ပါတယ်။

 သိုရာတွင် မူယစ်ဆေးဝါးဆေးစွဲမှုနှင့် စိတ်ကျန်းမာရေးဆုိုင်ရာ အုပ်ချုပ်မှု အဖွဲ့ Substance Abuse and Mental Health Administration ၏ သုံးသပ်ချက်အရ  ဤကုထုံးသည် “ဂေး Gay သို့မဟုတ် လက်စဘီယန်း Lesbian ဖြစ်ခြင်းသည် မှားယွင်းမှုတစ်ခုဖြစ်သည်” ဟူသော မှားယွင်းသည့် အတွေးအခေါ်ဟောင်းတခုပေါ်တွင် မှီခိုတယ်လို ဆိုပါတယ်။

 “ပြောင်းလဲမှု ကုထုံးဟာ လိင်အမျိုးအစားခွဲခြားမှုနှင့် အမျိုးအစားကွဲပြားသော လူနည်းစုဖြစ်သည့် LGBTQ များသည် လူယဉ်ကျေးမှုဖွံဖြိုး ပြောင်းလဲမှု၏ ပုံမှန်မဟုတ်သော အစိတ်အပိုင်းတခုဆိုသည့် အိုဟောင်းနေသော အမြင်ဟောင်းပေါ်မှာသာမူတည်ပါတယ်” လို့ အဲ့ဒီ အစီအရင်ခံစာကို ရေးတဲ့ စာရေးသူကဖော်ပြထားပါတယ်။ “အရေးအကြီးဆုံးကတော့ အဲ့ဒီကုထုံးဟာ လူငယ်တွေကို ဆိုးရွားတဲ့ အန္တရာယ်ဖြစ်စေတယ်ဆိုတာပါပဲ”

 

မပြောင်းလဲသော အဖြေတခုအားပြောင်းလဲခြင်း

 လိင်တူကြိုက်စိတ်ပြောင်းလဲခြင်းကုထုံးဟုဆိုရာတွင် များပြားကျယ်ပြန့်သော အရာများပါဝင်ပါတယ်။ ညှိနှိုင်းဆွေးနွေးမှုမှစလို့ လိင်စိတ်ဟိုမုန်းများကို ထိမ်းချုပ်လျော့နည်းစေရန် ဦးနှောက်ကို လျှပ်စစ်ရှော့ရိုက် အသုံးပြုသောကုထုံး electroconvulsive therapy အထိပါဝင်ပါတယ်။

ဥပမာအနေနဲ့ ၁၉ ၆၀ ပြည့်လွန်နှစ်များက တရားရုံးမှ ကုထုံးအသုံးပြုရန် တရားဝင်အမိန့်ချခြင်းခံရသောသူများသည် လိင်နှင့်ဆက်စပ်တဲ့ ရုပ်ပုံတွေကို ကြည့်စေပြီး ရွံရှာစက်ဆုတ်ဖွယ်ကောင်းသောအရာတွေကို အတင်းစားသုံးစေခဲ့ပါတယ်။ သို့ရာတွင် များမကြာသော နှစ်များအတွင်းက စိတ်ပညာရှင်များသည် ညှိနှိုင်းဆွေးနွေးမှုပေါ်တွင် အဓိကထားခဲ့ကြသော်လည်း ဂေးဖြစ်ခြင်း နဲ့ ပုံမှန်မဟုတ်တဲ့ မိသားစုများမှပေါက်ဖွားလာတဲ့ ဆန့်ကျင်ဘက်လိင်ကဲ့သို့ပြောင်းလဲသူ သို့ ဝတ်ဆင်သူများ transgender ကို ပြစ်တင်လက်ညှိုးထိုးမှုများဟာတော့ အခါအားလျော်စွာရှိနေခဲ့ပါတယ်။

 သက္ကရာဇ် ၂၀၁၂ ခုနှစ်မှာ အမေရိကန် စိတ်ပညာရှင်များ အသင်း American Psychological Association မှ ၁၉ ၆၀ မှ ၂၀၀၂ ခုနှစ်များအတွင်း လိင်စိတ်ပြောင်းလဲခြင်းကုထုံး ကိုခံရသော အမှုကိစ္စ ၈၃ ခုကို ပြန်လည်လေ့လာသုံသပ်ခဲ့ကြပါသည်။ အမှုတော်တော်များများသည် အလွန်ညံဖျင်းသော အစီအစဉ်များ ဖြစ်ပြီး အဖြေရှာရန်ခက်ခဲသော အခြေအနေတွင်ရှိကြပါသည်။ အရည်အသွေးမြင့်သော စစ်ဆေးမှုပြုလုပ်ခဲ့သော အမှုအချို့၏ တွေ့ရှိမှုအရ လိင်စိတ်ပြောင်းလဲမှုကုထုံးကို နှစ်အတော်ကြာခံယူပြီးသည့်တိုင် လိင်စိတ်ညွတ်မှု အား ပြောင်းလဲစေဖို့ လွန်စွာခဲယင်းသည်ကို တွေ့ရှိခဲ့ရပါသည်။

 အဆုိုပါ သုံသပ်ချက်အသစ်အား ရေးသွင်းသူ စာရေးဆရာ၏ တွေ့ရှိမှုအရ လိင်စိတ်ပြောင်းလဲမှု ကုထုံးအား လူငယ်များအပေါ်တွင်ဆောင်ရွက်မှု၏ ထိရောက်မှူစွမ်းရည် efficiency နှင့် အဆိုပါကုသမှုကြောင့် ကုသခံလူငယ်များနှင့် ၄င်းတို၏မိသားစုများအပေါ်တွင် အကျိုးသက်ရောက်မှုတို့ကို ဖော်ပြထားသော သုတေသနစာတမ်းမျိုးလုံးဝ (လုံးဝ) မရှိခဲ့ ဟုဆိုပါသည်။

ထပ်လောင်းပြောရလျှင် အခြားသောသုတေသန စာတမ်းများအရ လိင်တူနှစ်သက်ခြင်းမှာ ရွေးချယ်မှုတစ်ခုမဟုတ်ဟုဆိုပါသည်။ လိင်တူနှစ်သက်ခြင်းနှင့် ပက်သက်၍ သိပ္ဗံနည်းကျ ခိုင်မာတိကျသော အထောက်အထား ပြီးပြည်စုံစွာမရှိသေးသော်လည်း  အချို့သော အချက်အလက်များ၏ညွန်းဆိုချက်အရ ဂျင်နက်တစ် သို့ အက်ပီ ဂျင်နက်တစ် Genetic or epigenetic တို့သည် လိင်တူနှစ်သက်မှုဖြစ်စဉ်၏ အဓိကကျသော နေရာမှ ပါဝင်သည်ဟုဆိုပါသည်။ အမျိုးသမီးများသည် လိင်ဆွဲဆောင်မှု ပုံသွင်းနိုင်ခြင်း erotic plasticity တွင် အမျိုးသားများထက် ပိုမိုလွယ်ကူသော်လည်း လိင်တူကြိုက်နှစ်သက်သူအဖြစ်မှ ကူပြောင်းလာသော အမျိုးသမီးများသည် အခြားအမျိုးသမီးများကို ဆွဲဆောင်မှုရှိသည်ဟု ခံစားမိဆဲပါ ဟု ၂၀၁၂ ခုနှစ်ထုတ် လိင်အမူအကျင့်များမော်ကွန်းစာစောင် Archives of Sexual Behavior က ဆိုပါသည်။

 

ပြုပြင်ရန်မလိုသောအရာအား ပြုပြင်ခြင်း

 အခြေခံကျသော အလွှာတခုမှ ကြည့်ကြမည်ဆိုပါက တစ်စုံတစ်ဦး၏ လိင်အမျိုးအစားခံယူမှုနှင့် လိင်စိတ်တိမ်းညွတ်မှုတို့သည်ပြောင်းလဲရန်လိုအပ်သည် ဟူသော စိတ်ခံယူချက်များက ပြဿနာ၏ အဓိက အရင်းအမြစ် ဖြစ်သည်ဟု ဆိုပါတယ်။ လိင်တူနှစ်သက်မှုသည် ပုံမှန်လိင်စိတ်တိမ်းညွတ်မှု ဖြစ်စဉ်တခုသာဖြစ်ပါသည်။ ယေဘုယျအားဖြင့် စိတ်ပညာ အဖွဲ့အစည်းများသည် လိုချင်သောအဖြေတခု မထွက်ထွက်အောင် ပြုလုပ်နေသော စိတ်ကျန်မာရေးကုသမှုတွေဟာ အန္တရာယ်ရှိတဲ့အတွက် မနှစ်မျို့ကြောင်းပြသလိုက်ပါတယ်။

 လိင်စိတ်ပြောင်းလဲခြင်းကုထုံး၏ အဓိကပြဿနာများမှာ ကိုယ့်ကိုယ်ကိုယ်မုန်းတီးမှုကို အားပေးခြင်း၊ စိတ်ဓါတ်ကျဆင်းစေခြင်း နှင့် စိတ်ပူပင်သောကရောက်စေခြင်းတို့ဖြစ်တယ်လို့ သုံးသပ်ချက်မှာ ဖော်ပြထားပါသည်။ အဆိုပါ ကုထုံး၏ကုသမှုခံယူရသော လူငယ်များသည် ကိုယ့် ကိုယ်ကိုယ် သက်သေလိုကြခြင်းနှင့် အချို့မှာ ကိုယ့်ကိုယ်ကိုယ်မုန်းတီးသော ခံစားမှုများ နှင့် လိင်ကိစ္စအပေါ်တွင် စိတ်ခံစားမှုလျော့နည်းခြင်းတို့ကို ခံစားခဲရပါသည်။

လိင်တူနှစ်သက်သူများနှင့် ဆန့်ကျင်ဘက်လိင်ကဲသို့ နေထိုင်သူမျာသည် အိမ်မှ နှင်ချခံရခြင်း၊ အကြမ်းဖက် အနိုင်ကျင်ခံရခြင်း၊ ရှုံချစော်ကားခံရမှုများကြောင့် ကိုယ့်ကိုယ်ကိုယ်သေကြောင်းကြံစည်လိုမှု နှင့် စိတ်ကျရောဂါမျာ ဖြစ်နိုင်ချေ များပြီးဖြစ်ကြောင်း ထိုလေလမှု အစီရင်ခံစာမှ ဆိုပါသည်။ သိုရာတွင် ထိုအန္တရာယ်များသည် သဘာဝအရ အမြဲထာဝစဉ် ရှိနေသောအရာများ မဟုတ်ပဲ မိသားစု၊ အသိမိတ်ဆွေ နှင့် လူ့ပတ်ဝန်းကျင်၏ ရိုင်းစိုင်းစွာပြုကျင်ခံရမှုနှင့် နှိမ့်ချမှုတို့ကြောင့်သာ ဖြစ်ပေါ်လာရခြင်းဖြစ်ကြောင်းကို ဖော်ပြထားပါသည်။

 တစ်စုံတစ်ဦး၏ လိင်စိတ်တိမ်းညွတ်မှုအား “ကုသခြင်း”လုပ်မည့်အစား စိတ်ကျန်းမာရေးပညာရှင်များ အနေဖြင့် ဆယ်ကျော်သက်လူငယ်များ၏ လိင်စိတ်ခံစားမှု ဖော်ထုတ်ခြင်းနှင့် မိသားစုနှင့် ပတ်ဝန်းကျင်၏ရိုက်ခတ်မှုများအပေါ်တွင် ကူညီဆောင်ရွက်ပေးသင့်ကြောင်းကို သိပံ္ဗပညာရှင်များက ပြောဆိုပါသည်။

 “သင့်လျော်သော ကုသနည်းများဖြင့်သာ လူငယ်လူနည်းစုအား ချဉ်းကပ်သင့်ပြီး အလုံးစုံပြီးပြည့်စုံသော စိစစ်မှုနှင့် ကလေးငယ်များနှင့် ပျိုဖော်ဝင်စလူငယ်များ၏ လွတ်လပ်စွာ မိမိကိုယ်ကို ရှာဖွေတွေ့ရှိမှု နှင့် ဖွံ့ဖြိုးမှုဖြစ်စဉ်များအပေါ် လက်ခံ နာလည် ထောက်ပံပေးမှုများ အပေါ်တွင်သာ အဓိကထားအာရုံစိုက်သင့်ပါတယ်” လို အဆိုပါသုံးသပ်ချက် အစီရင်ခံစာတွင် ဖော်ပြထားပါသည်။

LOVE DOESN'T NEED TO BE CURED .... 

SKY

20151021

source: http://www.livescience.com/52507-federal-report-decries-gay-conversion.html

အဆိုပါ ဆောင်ပါး၏အောက်တွင် မြောက်များစွာသော comment များကို ဖတ်ရမှာဖြစ်ပါတယ်။ အချို့ comment များအရ being gay is not choice ဆိုလျှင် ဘုရားသခင်က gay ကိုဖန်ဆင်းသကဲ့သို့ဖြစ်နေခြင်းကြောင့် လက်မခံဟု ဖော်ပြထားတာကို တွေ့ရပါတယ်။ ကျွန်တော့်အထင်ကတော့ ဘုရားနှင့် ဘာမှာမဆိုင်ပဲ သူတို့၏ အတ္တဆွဲကြောင့်သာ သူတို့၏ ideal god နှင့် reality အကြား gay များက မြေစာပင်ဖြစ်နေရတယ်လို့ပဲထင်ပါတယ်။ 

ကျွန်တော့ အမြင်အရ gay ဖြစ်တယ်ဆိုတာ လိင်အားဖြင့် နှစ်သက်မှု ကွဲပြားခြင်းသာဖြစ်ပြီး ကျန်ဘာမှ ထူးထူးထွေထွေ ကွဲပြားမှုမရှိတာကို တွေ့ရပါတယ်။ တစ်နေ့ ၂၄ နာရီအတွင် လူဟာ ဘယ်နှစ်နာရီ လိင်ဆက်ဆံပါသလဲ။ အဲဒီ အစိတ်အပိုင်းတခုအတွက် ဘာလို့ နှိမ့်ချ ဆက်ဆံချင်ရပါသလဲ။ နောက်ပြီး အဲဒီလူပုဂ္ဂိုလ်တဦးက ဂေးမဖြစ်ခဲ့လျှင် သူနဲ့ လိင်ဆက်ဆံဖို့ ဆန္ဒရှိလို့လား။ အမှန်တော့ ပင်ကိုယ်ရှိရင်စွဲအတ္တကြောင့် တပါးသူအား နှိမ့်ချ ဆက်ဆံနေခြင်းသာဖြစ်တယ်လို့ ကျွန်တော်တော့ယူဆပါတယ်။

မနေ့က ဘောလုံးသမား ရော်နယ်ဒိုဟာ ဂေးဆိုတဲ သတင်းပိုစ်တခု ဖေ့ဘုတ်မှာ တက်လာပါတယ်။ ကွန့်မန့်တွေကြည့်ရတာ တော်တော်ကို မနှစ်မြို့စရာပါ။ အတ္တကိုအခြေပြုတဲ့ မှတ်ချက်များပါ။ ရော်နယ်ဒို ဂေးမဖြစ်လဲ အဲ့ဒီမှတ်ချက်ပေးတဲ့ အမျိုးသမီးတွေနဲ့ ညလာမအိပ်ပါဘူး၊ သူဂေးဖြစ်လို့လဲ အဲဒီမှတ်ချက်ပေးထားတဲ့ ယောက်ျားတွေကို ဖင်လာမချပါဘူး။ အဲဒါတောင် ဘာလို့ အဲဒီလိုဖြစ်နေရသလဲဆုို တလွဲ အတ္တကြောင့်လို့ပဲထင်ပါတယ်။ သူတုို့သိတဲ ပုံသေနည်းကလွဲရင် ဘာမှလက်မခံတဲ့ အတ္တကြောင့်ပါ။

ဂေးများကြောင့် လူအသိုင်းအဝိုင်းထိခိုက်မှုထက် လူ့အသိုင်းအဝိုင်းကြောင့် လူနည်းစုဖြစ်တဲ့ ဂေးတွေထိခိုက်မှုတွေက ပိုပြီးများပြားနေဆဲပါ။

မြန်မာနိုင်ငံအနေနဲ့ကတော့ ရာဇသတ်ကြီး ရဲ့ ပုဒ်မ ၃၇၇ တောင် မပြုပြင်နို်င်သေးသော အခြေအနေဖြစ်တာကြောင့် ကျွန်တော်တို့ရဲ့ အနာဂတ်ဟာ မြော်လင့်ချက်ဝေးကွာနေပါသေးတယ်။ ဒါပေမဲ့ ကျွန်တော်တို့ လုပ်နိုင်တာက လူအမြင်ကို ပြောင်လဲစေမှု Public awareness ပါ။ ဂေးဆိုတာ အများထင်သလို နိမ့်ကျတဲ့အရာတခု မှားယွင်းမှုတခု မဟုတ်ဘူးဆိုတာပြဖို့ သိက္ခာရှိရှိနေပြကြဖို့ လိုပါတယ်။ လိင်တူနှစ်သက်မှုက အပြစ်မဟုတ်ဘူးဆိုတာကိုပြရမယ်။

မဝေးတော့တဲ့ အနာဂတ်မှာ ကျွန်တော်တို့လဲ လူတန်းစေ့ဘဝမျိုးရချင်တယ်..... ရသင့်တယ်.....

 

 

Nov 18th

စင်္ကာပူနိုင်ငံနေ မြန်မာအမျိုးသမီးငယ် တစ်ဦး တိုက်ပေါ်မှ ခုန်ချသက်သေ

By HeartlessAngel
Written by ရွှေလုံး အယ်ဒီတာ

Wednesday, 16 November 2011 15:32

စင်ကာပူနိုင်ငံ၊ Serangoon Central, Block 420 နေ မရင်ငြိမ်းပွင့်သည်

ယနေ့နံနက်ပိုင်းတွင် သူမနေထိုင်ရာ တိုက်ခန်းမှ ခုန်ချပြီး မိမိကိုယ်ကို

အဆုံးစီရင်သွားခဲ့ကြောင်း သတင်းရရှိသည်။

အဆိုပါ တုန်လှုပ်ဖွယ်သတင်းသည် Facebook အပါအဝင် လူမှုရေးကွန်ယက်များမှတစ်ဆင့်

အလျင်အမြန် ပျံ့နှံ့သွားခဲ့ပြီး လူအများ အနေဖြင့် အကြီးအကျယ်

အံ့အားသင့်သွားခဲ့ရသည်။ သူမ၏ Facebook ပေါ်တွင်လည်း "I Miss Being Happy" ဆိုသည့် စကား

လုံး အား ပုံဖော်ရေးသားထားသည်ကို တွေ့ရှိရမည်ဖြစ်သည်။

1 / 4

စင်ကာပူနိုင်ငံနေ မြန်မာအမျိုးသမီးငယ် တစ်ဦး တိုက်ပေါ်မှခုန်ချသတ်သေ

Written by ရွှေလုံး အယ်ဒီတာ

Wednesday, 16 November 2011 15:32

သူမအနေဖြင့် မိမိကိုယ်ကို အဆုံးစီရင်သွားခဲ့ရခြင်းမှာ သူမ၏ချစ်သူဖြစ်သူနှင့်

ပြတ်သွားခဲ့ရခြင်းကြောင့်ဟု ယူဆရပြီး သေဆုံးချိန် တွင် သူမ၏ချစ်သူဟောင်းဖြစ်သူ၏

နာမည်အား ရင်ဘတ်ပေါ်တွင် tattoo ထိုးထားသည်ကိုလည်း တွေ့ရှိခဲ့ရသည်။ ထိုနည်းတူ

ရဲတပ်ဖွဲ့အနေဖြင့် “Dear, why are you so cruel?” ဟု ရေးသားထားသည့် သူမနှင့်

သူမ၏ချစ်သူဟောင်းတို့ အတူတွဲရိုက်ထား သော ဓာတ်ပုံအားလည်း

ရှာဖွေတွေ့ရှိခဲ့ကြောင်း သိရှိရသည်။

မရင်ငြိမ်းပွင့်သည် မိမိကိုယ်ကို အဆုံးမစီရင်မီ facebook ပေါ်၌ “Please take care of my

boyfriend” ဟု အမည်ပေးထား သည့် နောက်ဆုံးမှတ်တမ်း တစ်ခုအားလည်း ရေးသားထားခဲ့သည်။

အဆိုပါ မှတ်တမ်းသည် သူမချစ်သူဟောင်း၏ ရည်းစားသစ်ဖြစ် ဖွယ်ရှိသော

မိန်းကလေးတစ်ဦးအား ရည်ညွှန်းပြီး ရေးသားထားခြင်း ဖြစ်သည်ကို တွေ့ရှိခဲ့ရသည်။

2 / 4

စင်ကာပူနိုင်ငံနေ မြန်မာအမျိုးသမီးငယ် တစ်ဦး တိုက်ပေါ်မှခုန်ချသတ်သေ

Written by ရွှေလုံး အယ်ဒီတာ

Wednesday, 16 November 2011 15:32

မရင်ငြိမ်းပွင့်သည် အဆိုပါတိုက်ခန်း၏ ၄ လွှာတွင် အခြားမြန်မာအမျိုးသမီး ၇

ဦးနှင့်အတူ နေထိုင်ကြောင်းနှင့် တစ်ဦးတည်း သီးသန့် နေထိုင်တတ်သူ၊

သူမ၏အခန်းတွင်း၌သာ ကွန်ပြူတာနှင့် အချိန်ကုန်ဆုံးစေသူဟု အခန်းဖော်များ၏ အဆိုအရ

သိရှိရသည်။ Facebook ပေါ်၌ပင် သူငယ်ချင်း အနည်းငယ်သာရှိပြီး လတ်တလောကာလတွင်း

သူမ၏လုပ်ငန်းခွင်နှင့် လူမှုဆက်ဆံရေး ကိစ္စများ တွင် အခက်အခဲများရှိနေခဲ့ကြောင်း

သိရှိရသည်။

သူမ၏ချစ်သူဟောင်းသည် လက်ရှိအချိန်တွင် မြန်မာနိုင်ငံ၌ နေထိုင်လျက်ရှိသည်ဟု

ယူဆရပြီး သူမထံသို့လည်း မည်သည့် ယောင်္ကျားလေး တစ်ဦးတစ်ယောက်ကမျှ

လာရောက်တွေ့ဆုံဖူးခြင်း မရှိကြောင်း အခန်းဖော်များက ပြောပြခဲ့သည်။

မရင်ငြိမ်းပွင့်သည် စင်ကာပူနိုင်ငံ နန်ယန်ပိုလီတက္ကနစ်မှ သူနာပြု

ဒီပလိုမာဘွဲ့ရရှိခဲ့ပြီး Kandang Kerbau အမျိုးသမီးနှင့် ကလေး သူငယ်ဆေးရုံတွင်

အလုပ်လုပ်ကိုင်ခဲ့ကြောင်း သိရှိရသည်။

ဤဖြစ်ရပ်သည် နိုင်ငံတကာတွင် နေထိုင်သော မြန်မာလူမျိုးများအတွက်

တုန်လှုပ်ချောက်ချားဖွယ်၊ သင်ခန်းစာယူဖွယ် သတင်း တစ်ခုပင် ဖြစ်ပေတော့သည်။

>>> သင် စင်ကာပူနိုင်ငံတွင် နေထိုင်ပါသလား။ သေဆုံးသွားခဲ့သူနှင့်

သိကျွမ်းမှုရှိပါသလား။ အခင်းဖြစ်ပွားရာနေရာ ပတ်ဝန်းကျင် တွင် နေထိုင်ပါသလား။

သင်မျှဝေလိုသော အကြောင်းအရာ (သို့) သတင်းဓာတ်ပုံ စသည်တို့အsrep ort@shwelonemail.c

om သို့

ပေးပို့မျှဝေနိုင်ပါသည်။

>>> Related Articles - Special Report - Cyber-bullying ကြောင့် သေကြောင်းကြံသွားသူ

၁၆ နှစ်အရွယ် မြန်မာမိန်းကလေးငယ်

---

Source: Lianhe Wanbao (Singapore Evening News).

3 / 4

စင်ကာပူနိုင်ငံနေ မြန်မာအမျိုးသမီးငယ် တစ်ဦး တိုက်ပေါ်မှခုန်ချသတ်သေ

Written by ရွှေလုံး အယ်ဒီတာ

Wednesday, 16 November 2011 15:32

4 / 4