Sep 3rd

မှည့်ကြွေမသွားသော ရွက်ပုန်းသီးလေးများ ။အစ အဆုံး။

By davidmgmg

မှည့်ကြွေမသွားသော ရွက်ပုန်းသီးလေးများ

(အစအဆုံး)

ddavibb

(စကားချပ်။     ။ဤဇာတ်လမ်းပါ အကြောင်းအရာများသည် စာရေးသူ၏ စိတ်ကူးယဉ်မှုသက်သက်မျှသာဖြစ်ပါသည်။ မည်သူ့ကိုမှ ရည်ရွယ်ပြီး ရေးသားထားခြင်းမဟုတ်ပါ။ တိုက်ဆိုင်မှုများရှိက ခွင့်လွှတ်ကြပါကုန်။)

 

“ပြည့်စုံမေတ္တာ” မိဘမဲ့ဂေဟာအတွင်းသို့ သက်ကြီးပိုင်းအမျိုးသားအချို့ က (၈)နှစ်အရွယ်ကောင်လေးတစ်ယောက်၏ လက်ကိုဆွဲရင်း ၀င်လာသည်။ ထိုကောင်လေး၏မျက်နှာတွင် ၀မ်းနည်းမှုအရိပ်အယောင်များပြည့်နှက်နေပြီး မျက်ရည်အရွှဲသားနဲ့ အဆက်မပြတ်ငိုနေလေသည်။

“ပြည့်စုံမေတ္တာ” မိဘမဲ့ဂေဟာအတွင်းတွင် အရွယ်စုံသော မိဘမဲ့ကလေးငယ်များ ဟိုသည်ပြေးလွှား ဆော့ကစားနေကြသည်။ တချို့ ကောင်လေးတွေက ဘောလုံးကန်နေသည်။ တချို့ က ဘောလုံးပစ်တမ်းကစားနေသည်။ တချို့ က စက်ဘီးစီးနေကြသည်။ မိန်းကလေးများကတော့ ထုပ်ဆီးတိုးတမ်း ကစားသူက ကစားနေကြသည်။ တချို့ က လိပ်ပြာဖမ်းတမ်းကစားကာ ပန်းခူးသူကပန်းခူးပြီး ပန်းသီသူက ပန်းသီနေကြသည်။ ထိုအထဲတွင် (၈)အရွယ် မျက်လုံးမျက်ခုံးကောင်းကောင်း၊ နှာတံပေါ်ပေါ်၊ အသားဖြူဖတ်ဖတ်နဲ့ ကောင်လေးတစ်ယောက်သည်ကား ထူးထူးခြားခြား ဘယ်သူနဲ့မှအဖက်မလုပ်၊ မကစားပဲ အိနြေ္ဒပြည့်သော မျက်နှာနဲ့ ကုလားထိုင်လေးပေါ်မှာ ထိုင်ကာ စာဖတ်နေလေသည်။

(၈)နှစ်အရွယ်ကောင်လေး၏ လက်ကိုဆွဲကာ ဂေဟာထဲဝင်လာသဖြင့် ဂေဟာမှူးဖြစ်ဟန်တူသူ အသက်(၅၀)ကျော်အမျိုးသမီးကြီးတစ်ဦးက (၂)နှစ်အရွယ်ကလေးငယ်များကို ထိန်းနေရင်းက မြင်သွားသဖြင့် ထိန်းလက်စကလေးငယ်အား ချော့မော့ရင်း ပြုံးရွှင်သော မျက်နှာထားဖြင့် ခရီးဦးကြိုပြုလေသည်။

“ဘာများအကူအညီပေးရမလဲရှင်”

ထိုသို့ ခရီးဦးကြိုပြုတော့ ကောင်လေး၏ လက်ကိုဆွဲကိုင်ထားသော အမျိုးသားကြီးက ပြောလေသည်။

“ဒါက သည်လိုပါ၊ သည်ကောင်လေးရဲ့မိခင် မနေ့တနေ့ကပဲ ကားတိုက်ရင်းဆုံးသွားလို့ပါ၊ စောင့်ရှောက်ပေးမဲ့ ဆွေမျိုးသာချင်းကလည်းမရှိလို့ပါ၊ ကျွန်တော်တို့က စောင့်ရှောက်ပေးချင်ပေမဲ့လည်း ကျွန်တော်တို့မှာ ဘာမှမတတ်နိုင်လို့ အခုလို လာရောက်နှံချင်လို့ပါ”

ဆိုတော့ ဂေဟာမှူးအမျိုးသမီးကြီးက ပြုံးရွှင်သော မျက်နှာထားနဲ့ ပြန်ပြောလိုက်သည်။

“အို သိပ်ရတာပေါ့ရှင်၊ သည်ကောင်လေးတဲ့လား”

ဂေဟာမှူးအမျိုးသမီးကြီး ဆောင့်ကြောင့်ထိုင်လိုက်ရင်း ကောင်လေးအား မေတ္တာဂရုဏာပြည့်ဝသော မျက်နှာနဲ့ကြည့်လိုက်ကာ ထိုကောင်လေး၏ မျက်ရည်လေးများကို သုတ်ပေးလိုက်သည်။ ပြီး လက်ကလေးအား ခပ်ဖွဖွလေး ဆုပ်ကိုင်ပေးလိုက်သည်။ ကောင်လေးမှာကား အငိုဝနေသောကြောင့် ငိုသံတွေ ပျောက်ဆုံးနေသည်။ ကြို့ ထိုးသလိုငိုသံကတော့ တစ်ချက်တစ်ချက်ထွက်နေသည်။

“သား သားနာမည် ဘယ်လိုခေါ်လဲဟင်”

“ဖိုး ဖိုးသားပါ” 

ကောင်လေးက ငိုရင်းနဲ့ဖြေလေသည်။

“ဖိုးသားတဲ့လား၊ နာမည်လေးက ချစ်စရာလေးပဲ၊ အခု ဖိုးသားအသက်ဘယ်လောက်ရှိပြီလဲဟင်”

“(၈)၊ (၈)ရှစ်နှစ်ပါ”

“အို ဖိုးသားက ဥာဏက်ကောင်းမဲ့ပုံပဲ၊ ကိုယ့်အသက်ကိုတောင် သိတယ်ဆိုတော့၊ တချို့ ကလေးတွေက ကိုယ့်အသက်ကိုတောင်မသိကြဘူးကွဲ့၊ အဲ့သည်တော့ ဖိုးသားက သိပ်တော်တယ်သိလား”

ဂေဟာမှူးက ချီးကျူးလိုက်သော်လည်း ဖိုးသားမျက်နှာလေး ပြုံးရွှင်မသွားခဲ့ပေ။

“သား အရမ်းလည်းမငိုပါနဲ့ကွာ၊ ယောက်ျားတွေဟာ အရမ်းငိုရင် ယောက်ျားမပီသတတ်ဘူး”

“မေမေ.. မေမေ ဟီး ဟီး ဟီး  မေမေ့…”

ပြောရင်းနေရင်းမှာပင် ထိုကောင်လေးက မိခင်အား တမ်းတမိသောကြောင့် ငိုချလိုက်သည်။

“အို ဖိုးသားရယ်၊ သနားစရာဖိုးသားလေး၊ မငိုပါနဲ့ကွာ၊ တိတ်တိတ်….”

ဂေဟာမှူးက ဖိုးသားကိုယ်လေးအား ပွေ့ဖက်ကာ ကျောလေးကို ခပ်ဖွဖွပုတ်ရင်း နှစ်သိမ့်လေသည်။

“ဖိုးသားကို သတင်းကောင်းတစ်ခု ဒေါ်ဒေါ်ပြောပြရမလား၊ နောက်ဆိုရင် ဖိုးသားမှာ သူငယ်ချင်းတွေ အများကြီးရှိတော့မှာ၊ ကြည့်စမ်း၊ သူတို့က ဖိုးသားနဲ့ အတူတူနေမဲ့သူတွေလေ၊ နေ့တိုင်းလည်း အတူတူကစားပေးမှာ၊ သူတို့နဲ့အတူ ဖိုးသားနေ့တိုင်းမကစားချင်ဘူးလား”

ဂေဟာမှူးကပြောရင်း ကစားနေသော မိဘမဲ့ကလေးများကို ပြလိုက်သည်။ ဖိုးသားလည်း ဂေဟာမှူးပြရာဆီသို့ လှည့်ကြည့်လိုက်သည်။ သို့သော်လည်း ပျော်ရွှင်မသွားခဲ့။ ခေါင်းခါကာသာ ငြင်းပယ်လိုက်သည်။

“ဟင်းအင်း ဖိုးသားသူတို့နဲ့ အတူမနေချင်ဘူး၊ မကစားလည်းမကစားချင်ဘူး၊ မေမေ့ဆီသွားမယ်၊ မေမေ့ကိုခေါ်ပေးပါလားဟင်၊ ဟင့်ဟင့်ဟင့်၊ မေမေ့ကိုခေါ်ပေးပါ”

“ဖိုးသားရယ်..”

ဂေဟာမှူးက စိတ်မကောင်းစွာ ပွေ့ဖက်ချော့သိပ်လိုက်သည်။

“မငိုပါနဲ့တိတ်တော့၊ လာ ဖိုးသား ဘာစားချင်လဲ၊ ဒေါ်ဒေါ့်ဆီမှာ ရေခဲမုန့်တွေ၊ စတော်ဘယ်ရီသီးတွေ အများကြီးရှိတယ်၊ စားမလားဟင်”

ဂေဟာမှူးက ထိုသို့ပြောတော့ ဖိုးသားအငိုတိတ်ကာ ခေါင်းညိတ်လေသည်။

“အို ဖိုးသားက လိမ္မာလိုက်တာ၊ ဖိုးသားအထုပ်တွေ ကျွန်မကိုပေးလိုက်ပါ၊ ကျွန်မတို့က ဖိုးသားလေးကို ကောင်းကောင်းစောင့်ရှောက်ပေးပါ့မယ်ရှင်”

ဂေဟာမှူးက လူကြီးများဘက်လှည့်ကာပြောလိုက်သည်။

“ကျေးဇူးတင်ပါတယ်ဗျာ”

“ရပါတယ်ရှင်၊ ဒါက ကျွန်မတို့လုပ်ရမဲ့အလုပ်ပါ၊ ဒါနဲ့ကလေးအဖေကတော့ ဘယ်ရောက်နေလဲဟင်”

ဂေဟာမှူးက ဖိုးသားကြားသွားမည်ထင်တာကြောင့် ခပ်တိုးတိုးလေးမေးလိုက်သည်။

“သြော် ကလေးအဖေက သည်ကောင်လေးမမွေးခင်ကပဲ ဆိုင်ကယ်အတိုက်ခံရလို့ ဆုံးသွားရှာတယ်ကွဲ့”

“ဖြစ်မှဖြစ်ရလေ၊ သနားစရာငါတို့ဖိုးသားလေး၊ ဖိုးသားကို ကျွန်မခေါ်သွားမယ်နော်”

“ဟုတ်ကဲ့၊ ဒါဆို စိတ်ချမယ်နော်”

“လာ ဖိုးသား၊ ရေခဲမုန့်သွားစားကြမယ်”

ဖိုးသားလေးက တိတ်ဆိတ်စွာ လိုက်ပါလာသည်။ ဂေဟာအဆောင်ထဲသို့ ၀င်သွားသော ဖိုးသားလေးအား ကုလားထိုင်လေးပေါ်တွင် ထိုင်ကာ စာဖတ်နေသော ဖိုးသားအရွယ်ကောင်လေးက ဖိုးသားအား ခင်မင်နှစ်လိုသော မျက်နှာထား၊ သနားဂရုဏာပြည့်ရွှန်းသောမျက်လုံးများဖြင့် မမှိတ်မသုန်စိုက်ကြည့်နေသည်။ ထိုကောင်လေးအားတော့ဖြင့် ဖိုးသားက မမြင်ပေ။

Xxxxxxxxxxxxxxxxxx

“ပန်းသည် ပန်းသည်….”

နံနက်မိုးလင်းလင်းချင်း ဖိုးသားနဲ့ ဖိုးသား၏မိခင်တို့ ကားများရှုပ်ထွေးရာလမ်းဆီသို့ ရောက်ရှိနေပြီး ပန်းရောင်းဖြစ်လေ့ရှိကြသည်။ (၈)နှစ်အရွယ် ဖိုးသားလေးက အရွယ်နှင့်မျှအောင်သိတတ်ပြီး မိခင်အား ကူညီကာ ပန်းအတူတူရောင်းပေးလေ့ရှိသည်။ မိခင်က ဖိုးသားလေးအသက်အရွယ်ငယ်လွန်းသောကြောင့် အိမ်မှာ နေစေလိုသော်လည်း ဖိုးသားက မနေပဲ မိခင်အား ချစ်တဲ့စိတ်နဲ့ မခွဲမခွာပဲ ပန်းအတူရောင်းပေးလေ့ရှ်ိသည်။

“ပန်းသည်ဗျို့  ပန်းသည်ဗျို့ …”

ဖိုးသားလေးက အသံတစာစာနဲ့ ရပ်ထားသော ကားများရှိရာဆီ အပြေးကလေးသွားသွားရောင်းတတ်သည်။

“သား ဟော ဟိုနားမယ်ကားတစ်စီးရပ်ထားတယ်၊ အဲ့နားသွားရောင်းလိုက်ဦး၊ မေမေ ဟိုဘက်ကမ်းကိုသွားရောင်းလိုက်ဦးမယ် မြန်မြန်လေးသွား၊ သူများတွေမဦးခင်”

“ဟုတ်ကဲ့”

ဖိုးသားလေးက မိခင်ခိုင်းသည့်အတိုင်း အပြေးကလေးလှမ်းလိုက်သည်။ 

“ပန်းဝယ်ပါဦးလားဗျ၊ တစ်ကုံးမှ တစ်ရာပါ”

“သြော် အေး တစ်ကုံးပေးပါ၊ ရော့တစ်ရာ”

တက္ကစီဦးလေးကြီးက ငွေတစ်ရာကမ်းပေးသဖြင့် ဖိုးသားယူလိုက်သည်။

“ဒိုင်း ဘုန်း ဘတ် ကျွီ…..ကျွီ….”

တက္ကစီဦးလေးကြီးပေးလိုက်သည့်ငွေကို စလွယ်သိုင်းထားသော လွယ်အိတ်ထဲထည့်လိုက်စဉ် နောက်မှ အသံများကြားလိုက်ရသဖြင့် ဖိုးသားဖျတ်ကနဲ့လှည့်ကြည့်လိုက်သည်။ 

မြင်လိုက်ရသည့်မြင်ကွင်းကြောင့် ဖိုးသား ကိုယ့်မျက်စိကိုပင် မယုံချင်။ တစ်ဘက်လမ်းမဘက်သို့ ပန်းရောင်းရန် ဖြတ်ပြေးသွားသော ဖိုးသား၏မိခင်အား အရှိန်ပြင်းစွာ မောင်းလာသောကားက ၀င်တိုက်လိုက်သဖြင့် ဒလိမ့်တုံးကဲ့သို့ လိမ့်နေသော မိခင်၏အဖြစ်အား မြင်လိုက်ရသဖြင့် ဖိုးသားတဒင်္ဂ အံ့သြမင်သက်ကာ ကြောင်ကြည့်နေမိသည်။ ပြီးမှ..

“အမေ….”

ဖိုးသားမိခင်ရှိရာဆီ ပြေးသွားလိုက်သည်။ လက်ထဲက ပန်းကုံးများကိုလည်း လွှတ်ချလိုက်သည်။ ကားအက်ဆီးဒင့်ကြောင့် အနားမှလူများ ၀ိုင်းအုံလာကြသည်။ 

သွေးအလိမ်းလိမ်းဖြင့် အသက်မဲ့နေသော မိခင်ကိုယ်အား ဖိုးသား မနိုင့်တနိုင်နဲ့ပွေ့ချီလိုက်သည်။

“အမေ၊ အမေ.. အမေ ထပါဦးအမေရာ ဟီးဟီးဟီး..အမေထပါဦးလို့ ဟီးဟီးဟီး၊ သားအမေကိုကယ်ကြပါဦးဗျ၊ သားအမေကိုကယ်ကြပါဦး ဟီး ဟီး ဟီး….”

“အမေ့ အမေ့ အမေ့ အမေ့…..”

ဖိုးသား အိပ်နေရင်းမှ အလန့်တကြားယောင်းရမ်းထလိုက်သည်။ မိခင်ကို ဆုံးရှုံးလိုက်ရပြီဆိုတာ သိလိုက်ရသောကြောင့် ၀မ်းနည်းမှုပိုလာကာ ဖိုးသားငိုချလိုက်သည်။

“အမေ အမေ အမေ…”

မိခင်အား တွေ့ချင်လွန်းသဖြင့် “အမေ” ဟု ရေရွတ်နေမိတော့သည်။ ထိုစဉ်မှာပဲ ဖိုးသား၏ ငိုသံကြောင့် ဘေးမှ ဖိုးသားထက် အသက်အတော်ကြီးသော ကောင်လေးတစ်ယောက်က နိုးသွားပြီး ဖိုးသားအား ဆူပူနေလေတော့သည်။

“ဟေ့ယောင်၊ လူအိပ်နေတာ မမြင်ဘူးလားကွ၊ ငါ့ကိုအိပ်ရေးပျက်အောင်လုပ်နေတာလားကွ၊ သွားစမ်းပါကွာ”

ပြောရင်းပင် ထိုကောင်လေးက ဖိုးသားအား ကန်ချလိုက်ပြီး ပြန်အိပ်ချလိုက်သည်။ ထိုသို့ ပြုမူခံလိုက်ရသဖြင့် ပိုပိုပြီးဝမ်းနည်းကာ မိခင်အား ပိုပိုပြီး တွေ့ချင်လာမိသည်။ “အမေ” ဟု ခေါ်လိုက်ချင်သော်လည်း မခေါ်ရဲတော့။ ငိုရှိုက်ချင်သော်လည်း ငိုသံမထွက်ရဲတော့။ ဒူးနှစ်ဖက်ပေါ်လက်ပိုက်ရင်း မျက်နှာအပ်ကာသာငိုရှိုက်လိုက်မိတော့သည်။ 

ထိုစဉ် ဖိုးသား၏ ငိုသံကြောင့် ဖိုးသားအရွယ်ကောင်လေးတစ်ယောက်လည်း နိုးသွားပြန်လေသည်။ ထိုကောင်လေးသည် ဖိုးသားငိုနေမှန်းသိလိုက်ရသောကြောင့် သနားဂရုဏာသက်ကာ ဖိုးသားအနား ခပ်ဖွဖွလေး လျှောက်လိုက်ပြီး ဖိုးသားလက်လေးကို ကိုင်လိုက်သည်။

လက်ကို အကိုင်ခံလိုက်ရသောကြောင့် ဖိုးသားဘာလိုလိုနဲ့ လူတစ်ယောက်က အနိုင်ကျင့်ခံရတော့မည်ထင်တာကြောင့် လန့်နေမိသည်။

“မင်း ဘာလို့ ငိုနေတာလဲ”

ဂရုဏာသံအပြည့်ပါသော အသံကြောင့် ဖိုးသား မျက်ရည်များနဲ့ ဖြည့်းလေးစွာ မော့လိုက်သည်။ ဖိုးသားနှင့်ရွယ်တူကောင်လေးတစ်ယောက်ကိုတွေ့လိုက်ရသည်။

 “မင်း ဘာလို့ ငိုနေတာလဲလို့၊ အိပ်မက်ဆိုးတွေ မက်လို့လား”

မေးသော်လည်း ဖိုးသားနှုတ်က အဖြေမထွက်ခဲ့။ ရှိုက်ကာ ရှိုက်ကာသာ ငိုနေမိသည်။

“မငိုပါနဲ့ကွာ၊ တိတ်တော့နော်၊ မင်း ဘာမှမကြောက်နဲ့၊ ငါရှိတယ်၊ ညဥ့်နက်နေပြီ အိပ်တော့နော်”

“အမေ….”

ဖိုးသား တိုးတိုးလေးခေါ်လိုက်သည်။

“မင်းအမေကိုမျှော်နေတာလား၊ တစ်နေ့နေ့ကျတော့ မင်းအမေက ပြန်လာချင်ပြန်လာမှာပေါ့ကွာ၊ အဲ့ဒါကြောင့် အိပ်တော့နော်၊ ဘာမှမတွေးနဲ့”

နွေးထွေးသောနှစ်သိပ်မှုလေးကြောင့် ဖိုးသား ခေါင်းညိတ်လိုက်သည်။ ဘေးမှကောင်လေးက ဖိုးသားအား ပြုံးပြလိုက်သည်။ ပြီး ဖိုးသားကိုယ်လေးအား ပွေ့ဖက်လိုက်သည်။ ထိုကောင်လေး၏ ဖက်တွယ်မှုအောက်မှာ ဖိုးသား ငြိမ်နေလိုက်သည်။ နောက် တဖြည်းဖြည်းနဲ့ နွေးထွေးသော လက်တစ်စုံအောက်မှာ ဖိုးသားအိပ်ပျော်သွားသည်။ ဘေးမှကောင်လေးကလည်း ဖိုးသားအိပ်ပျော်သွားမှန်းသိတာကြောင့် အသာအယာလေးတုံးတုံးလှဲပေးလိုက်သည်။ ပြီးမှ ထိုကောင်လေးလည်း ကိုယ့်နေရာဆီ သွားအိပ်လိုက်သည်။

Xxxxxxxxxxxxxxxxxxxxx

ကာတွန်းဂျာနယ်လေးဖတ်ပြီးသွားတော့ ဖိုးချော ပျင်းလာသည်။ ကုတင်လေးပေါ်က ဆင်းလိုက်ပြီး အညောင်းဆန့်လိုက်သည်။ ဖိုးချောရဲ့ဘေးမှာ အိစိကွေးကလေးအချို့ က လှုပ်လီလှုပ်လဲ့နဲ့ စကားနေကြသည်။ ဂေဟာမှူးကြီးက ထိုအိစိကွေးကလေးများကို ထိန်းနေရသောကြောင့် ဘေးမှ ဖိုးချောကို အဖက်ပင်မလုပ်အား။ ထို့ကြောင့် ဖိုးချော ပိုပိုပြီး ပျင်းလာသည်။ အခန်းအပြင်ဘက်ထွက်ချင်တာကြောင့် တံခါးမကြီးရှေ့ သို့ရပ်လိုက်သည်။ ဂေဟာ၏ပန်းခြံထဲမှာ ထုံးစံအတိုင်းပင် မိဘမဲ့ကလေးများက အုပ်စုအုပ်စုနဲ့ ကိုယ်ဝါသနာပါရာပါရာကိုကစားနေကြသည်။ ဖိုးချောကတော့ ကစားချင်စိတ် နည်းနည်းလေးမှမရှိ။ ကစားရတာကို ၀ါသနာပင်မပါ။ အဖော်သူငယ်ချင်းကောင်းလည်းမရှိသဖြင့် ပျင်းလာပြန်သည်။ စိတ်ထဲက ဖိုးသားလေးကိုသတိရလိုက်သည်။ ၀မ်းနည်းမှု၊ ကြောက်ရွှံ့ မှု အရိပ်အယောင်များ လွှမ်းနေသော ဖိုးသားမျက်နှာလေးကို ပြေးမြင်ယောင်လိုက်သည်။ သည့်ကြောင့် ကစားနေသူများထဲမှ ဖိုးသားကိုရှာလိုက်သည်။ မတွေ့။ ဟုတ်ပေသည်။ ဖိုးသားက ရောက်စမို့ သူငယ်ချင်းမရှိနိုင်။ သည့်ကြောင့် ကစားနေသူများထဲမှာ ဖိုးသားမရှိနိုင်။ ဘယ်တွေများပုန်းပြီး ကျိတ်ငိုနေရှာမလဲဆိုပြီး ဖိုးသားအပေါ် စိုးရိမ်စိတ်က ၀င်လာသည်။ သည့်ကြောင့် ဖိုးသားကို ရှာလိုက်မိသည်။ ဘောလုံးကွင်းမှာလည်းမရှိ။ ဒန်းပေါ်မှာလည်း မရှိ။ ချားကစားကွင်းမှာလည်း မရှိ။ လျှောစီးကွင်းမှာလည်းမရှိ။ အိမ်သာထဲမှာများ ကျိတ်ငိုနေရှာမလားဆိုပြီး ပြေးရှာလိုက်တော့လည်း ဖိုးသားရှိမနေခဲ့။ သည့်ကြောင့် အပြင်ဘက် ပြန်လည်ထွက်လိုက်ပြန်သည်။ 

“ဖိုးသား..၊ ဖိုးသား…”

အသံလေးပင် ထွက်ကာ အော်ခေါ်လိုက်သည်။ သို့တိုင် ဖိုးသား၏ ပြန်ထူးသံကို မကြားရ။ နောက်တော့ ဟိုသည်လှည့်ပတ်ရှာလိုက်တော့မှ ဟိုးအတော်ဝေးဝေးဆီက ဂေဟာဝန်းဝင်ပေါက်နားမှာ ငုတ်တုတ်လေးထိုင်ကာ ငိုနေသော ဖိုးသားကိုတွေ့လိုက်ရသည်။ ဖိုးချောအပြေးကလေး ဖိုးသားနားလှမ်းလိုက်သည်။ အနားရောက်တော့ ဖိုးသားငိုသံတွေ ကြားနေရသည်။

“အီး ဟီး ဟီး  အမေ.. အီး ဟီး ဟီး. အမေ… အမေ….”

မိခင်ကိုမျှော်နေမှန်း သိလိုက်ရသောကြောင့် ဖိုးသားအပေါ် ပိုပိုပြီး သနားလာမိသည်။ သည့်ကြောင့် ဖိုးသားဘေး အသာအယာလေးထိုင်လိုက်သည်။ ဖိုးသားခေါင်းလေးကို ခပ်ဖွဖွလေး ပုတ်လိုက်သည်။

“မင်း ဘာလို့ ငိုနေတာလဲကွာ”

အသံကြောင့် ဖိုးသာလန့်ကာ အငိုလေးပင်ရပ်သွားသည်။ အနိုင်ကျင့်သူတချို့ က လာလုပ်စိုးတာကြောင့် လန့်သွားဟန်တူသည်။ ဒူးနှစ်ဖက်ကိုပိုက်ပြီး မျက်နှာအပ်ကာ ငိုနေရာမှ မော့ကြည့်လိုက်တော့ မနေ့ညက ဖိုးသားအပေါ်နွေးထွေးမှုအပြည့်ပေးခဲ့သည့်ကောင်လေး၏မျက်နှာလေးကို မြင်လိုက်ရသောကြောင့် ဖိုးသားအနည်းငယ်တော့ ဖြေသာရာရသွားသည်။

“မင်း ဘာလို့ ငိုငိုနေရာတာလဲကွာ၊ တိတ်တော့နော်၊ မငိုနဲ့ ငါရှိတယ်သိလား”

ဖိုးချောက ဖိုးသားမျက်ရည်လေးများကို အသာအယာလေးသုတ်ပေးလိုက်သည်။ မျက်ရည်များကိုသုတ်ပေးနေသည့် ဖိုးချောမျက်နှာလေးကို ဖိုးသားက တစိမ့်စိမ့်ကြည့်နေလိုက်သည်။

“အမေ…”

“ဖိုးသားရယ်”

“အမေ ဘယ်တော့ပြန်လာမှာလဲဟင်”

“ဖိုးသားရယ်၊ မင်းတစ်ယောက်တည်းမှ အမေကိုမျှော်နေတာမဟုတ်ဘူး၊ သည်ဂေဟာထဲမှာ ရှိတဲ့လူတွေအားလုံးအမေ့ကိုမျှော်နေကြတာပဲ၊ ငါလည်း အပါအ၀င်ပေါ့၊ သည်မယ်ကြည့်”

ဖိုးချောက လည်ပင်းမှ လည်ဆွဲအဖြစ် ဆွဲထားသည့် ရွှေလက်စွပ်လေးကို ထုတ်ပြလိုက်သည်။

“ဒါလေးက ငါ့မိဘတွေက ငါ့ကိုပေးခဲ့တဲ့အမွေပေါ့၊ အဲ့သည်တုန်းက ငါကမွေးကင်းစလေးရှိသေးတာတဲ့၊ ငါ့ကို သည်နေရာလေးမှာ စွန့်ပစ်ထားခဲ့ကြတာတဲ့၊ သည်လက်စွပ်လေးကို မပျောက်အောင်သိမ်းထားရင် ငါ့မိဘတွေကို ပြန်ရှာတွေ့မှာလို့ ဂေဟာမှူးကပြောတယ်၊ အဲ့သည်တော့ ငါဆိုရင် မင်းထက်ပိုဆိုးတယ်မဟုတ်လား၊ မွေးကတည်းက မိဘဆိုတာ မရှိခဲ့ဘူးလေ၊ အမေဆိုတာလည်း မမြင်ခဲ့ရဘူး”

ဖိုးသားက ခေါင်းလေးတညိတ်ညိတ်နဲ့ နားထောင်နေသည်။

“ဟို သူတို့ဆို ကြည့်လိုက်စမ်း ပျော်ပျော်ရွှင်ရွှင်နဲ့အမေ့ကိုမျှော်နေကြတာ၊ မင်းကမှ ဘာလို့ ယောက်ျားနဲ့မတူ ငိုယိုပြီး မျှော်နေရတာလဲကွာ”

ဖိုးချော၏ ထိမိသောစကားကြောင့် ဖိုးသား အငိုလေးပင်ရပ်လိုက်မိသည်။

“ငါ စာအုပ်ထဲမှာ ဖတ်ဖူးတာကတော့ ကိုယ်မျှော်လင့်နေတဲ့လူတွေဟာ ကိုယ်မမျှော်လင့်တဲ့အချိန်မှာပဲ မမျှော်လင့်ပဲ ရောက်လာတတ်တယ်တဲ့၊ အဲ့ဒါကြောင့် မင်းအမေလည်း မင်းမမျှော်လင့်တဲ့အချိန်ရောက်လာချင်ရောက်လာမှာပေါ့ကွာ”

“ငါ့အမေက သေပြီးသွားပြီလေ၊ ငါမျက်စိနဲ့မြင်ခဲ့တာပဲလေ၊ ငါ့ ငါ့ရှေ့ မှာ အမေ အမေကားတိုက်ပြီး.... အား အား….”

ပြောရင်း မျက်စိထဲ မိခင်ကားတိုက်သည့် အဖြစ်အပျက်တွေ မြင်ယောင်လာသဖြင့် ဖိုးသားကြောက်ရွှံ့ ကာ နားနှစ်ဖက်နဲ့ မျက်စိနှစ်ဖက်ကို စုံမှိတ်လိုက်သည်။ ကြောက်ရွှံ့ နေသည့် ဖိုးသားအား ဖိုးချောက ပွေ့ဖက်ပေးလိုက်သည်။

“အမေ အမေ အမေ့ကို ကားနဲ့တိုက်သွားပြီ၊ ငါ့ အမေ ငါ့အမေ…”

“ဖိုးသားရာ…၊ ဒါဆိုလည်း မင့်အမေက သေပြီးသွားပြီပဲလေ၊ ဘယ်လိုလုပ်ပြန်လာတော့မလဲ၊ ပြန်မလာတော့မဲ့လူကို ဘာလို့ အခုလိုစောင့်နေရမှာလဲ”

“ဟင့်အင်း အမေပြန်လာမှာ၊ အမေ သေချာပေါက်ပြန်လာမှာပါကွာ၊ သေချာပေါက်…”

“အေးပါကွာ၊ ဟုတ်ချင်လည်း ဟုတ်မှာပေါ့၊ ဟောသည်ကာတွန်းထဲမှာ သေပြီးသားလူကြီးက ပြန်ရှင်လာတာတဲ့၊ အဲ့ဒါကြောင့် မင့်အမေလည်း ပြန်ရှင်လာချင်ပြန်ရှင်လာလောက်တယ်”

“တ တကယ်လားဟင်”

ဖိုးချောစကားကြောင့် ဖိုးသားမျက်နှာလေးဝင်းလက်သွားသည်။ မျက်ရည်လေးများပင် ခန်းခြောက်သွားသည်။

“တကယ်ပေါ့”

ဖိုးသားရယ်နေသည်။ ဖိုးသားရယ်တော့ ဖိုးချောပါ လိုက်ရယ်လိုက်သည်။

“ဘယ်မှာလဲဟင်၊ လူကြီးက ပြန်ရှင်လာတယ်ဆိုတာ”

“သည်မယ်လေ၊ ဘိုဘိုလေးက လွှတ်စွမ်းတာကွ၊ မိုးပေါ်လည်း ပျံနိုင်တယ်၊ သစ်ပင်တွေလည်း လှဲနိုင်တယ်၊ အိမ်ကြီးတွေကို မနိုင်တယ်၊ စက်ရုပ်ကြီးတွေလည်း လုပ်တတ်တယ်၊ သေသွားတဲ့လူကိုလည်း ပြန်ရှင်အောင်လုပ်တတ်တယ်”

ဖိုးချောကပြောပြသဖြင့် ဖိုးသားအလွန်စိတ်ဝင်စားသွားမိသည်။ ဖိုးချောကလည်း ကာတွန်းများကို တစ်လုံးချင်ဖတ်ပြနေသည်။ အတော်လေးကြာသွားတော့ ဖိုးသားကပြောလိုက်သည်။

“ဘိုဘိုလေးက လွှတ်ကိုစွမ်းတာပဲနော်”

တအံ့တသြနဲ့ ပြောလာသည်။

“ဟုတ်တယ်ကွ၊ မင်းမသိသေးလို့၊ အရင် ငါ ဖတ်ဖူးတဲ့စာထဲမှာဆိုရင် ဘိုဘိုလေးက သူ့ဟာကိုယ် ကောင်မလေးလေးဖြစ်သွားအောင်လည်း လုပ်နိုင်တယ်၊ စက်ကြီးဖြစ်သွားအောင်လည်း လုပ်နိုင်တယ်၊ ဒိုင်နိုင်ဆောကြီးဖြစ်သွားအောင်လည်း လုပ်နိုင်တယ်”

“ဟုတ်တယ်ပေါ့…”

“အင်းဗျ၊ အဲ့သည်စာအုပ်ကိုဂေဟာမှူးက သိမ်းသွားလို့သာပေါ့၊ နိုမို့ဆို အခုပဲ ဖတ်ပြမှာ၊ နောက်တစ်ခါကျတော့ ဂေဟာမှူး ကာတွန်းစာအုပ်အသစ်တွေ ၀ယ်ပေးဦးမှာ၊ မင်းဖတ်ချင်ရင် ငါယူပေးမယ်လေ“

“တကယ်လား“

“တကယ်ပေါ့…”

ဖိုးသားလေး အလွန်ပျော်ရွှင်သွားလေသည်။ 

“ဒါနဲ့ မင်းက ငါ့နာမည်ကို ဘယ်လိုလုပ်သိတာလဲဟင်”

“မင်းနာမည်လား၊ မင်းသည်ရောက်လာစတုန်းက ဂေဟာမှူးက ခေါ်လိုက်တာကို ငါကြားလိုက်တယ်လေ”

“သြော်၊ မင်း နာမည်ကကော ဘာလဲဟင်”

“ငါ့နာမည်က ဖိုးချောတဲ့၊ ဂေဟာမှူးကမှည့်ပေးတာ၊ ငါက အသားဖြူဖြူလေးနဲ့ လွှတ်ချောလို့ ဖိုးချောလို့ မှည့်ပေးတာတဲ့”

“ဟုတ်လား”

“ဟုတ်တယ်ကွ၊ ငါက သည်ဂေဟာထဲမှာ အချောဆုံးလို့ ဂေဟာမှူးက ပြောတယ်”

ဖိုးချောက ပြုံးတုံ့တုံ့အမူအယာလေးနဲ့ ကြွားကြွားလေးပြောလိုက်သည်။

“ဟုတ်လို့လား”

“ဟုတ်လို့လားမေးနေဦးမှာလား၊ တကယ်ဟုတ်မဟုတ် မင်းလည်း ကြည့်ကြည့်လေ”

ဖိုးချောက မျက်နှာလေးကို ဖိုးသားဘက်သို့ နည်းနည်းလေးငေါပြလိုက်သည်။ ဖိုးသားကတော့ ကိုယ်ကို နည်းနည်းလေးမြှင့်လိုက်သည်။

“ဟုတ်ပါတယ်၊ ချောပါတယ်ကာ၊ ဒါပေမဲ့…”

“ဒါပေမဲ့ ဘာလဲဟင်..”

“ငါက ပိုချောတာ”

“ဟား ဟား..၊ ကိုယ့်ကိုယ်ကိုယ် အကောင်းမြင်တတ်တာကလည်း မင်္ဂလာတစ်ပါးလို့ ဂေဟာမှူးကပြောဖူးတယ်”

“သြော်”

“အယ် မေ့တော့မလို့၊ လာ အခုလောက်ဆို ဂေဟာမှူးက မုန့်ဝေတော့မှာ၊ လာသွားရအောင်၊ နောက်ကျတော့မယ်၊ နောက်ကျရင် မစားရပဲနေလိမ့်မယ်”

နှစ်ဖက်သား ဖျတ်ကနဲ့ထပြီး တင်ပါးမှ ဖုန်လေးများကို ဖုတ်ခါဖုတ်ခါလုပ်ကာ လက်ချင်းချိတ်ပြီး ဂေဟာဆောင်ထဲ အပြေးကလေးလှမ်းလိုက်ကြသည်။

Xxxxxxxxxxxxxxxxxxxxxxx

(၄)နှစ်ခန့်အကြာ….

“ဟင့်အင်း မလိုက်ဘူး၊ မလိုက်ချင်ဘူး၊ လုံးဝမလိုက်ချင်ဘူး၊ ဖူးဖူးကို ခေါ်မသွားကြပါနဲ့၊ ဖူးဖူးမလိုက်ချင်ဘူး၊ ဂေဟာမှူး ပြောပေးပါဦးလားဟင်၊ ဖူးဖူးမလိုက်ချင်ပါဘူးဆို အီး ဟီး ဟီး …၊ ဖူးဖူးမလိုက်ပါရစေနဲ့”

ဖူးဖူးဆိုသော (၈)နှစ်အရွယ်ကောင်မလေးက မွေးစားမည့်သူတို့၏ လက်ထဲက မလိုက်ချင်ကြောင်း ငိုယိုပြီး အကြောက်အကန်ငြင်းနေလေသည်။ 

တချို့ ကလေးငယ်များကတော့ ငိုယိုနေသော ဖူးဖူးအား တိတ်ဆိတ်စွာကြည့်နေကြသည်။ ထိုအထဲတွင် ဖိုးသားကတော့ ဖိုးချောလက်မောင်းလေးကို တင်းတင်းကျပ်ကျပ်ဆုပ်ကိုင်ပြီး ကြောက်လန့်တကြားကြည့်နေသည်။ ဖိုးချောကတော့ အိနြေ္ဒရစွာ ငြိမ်နေသည်။

“လိုက်သွားလိုက်ပါဖူးဖူးရယ်၊ ဖူးဖူးကိုမွေးစားမဲ့လူတွေက လူကောင်းတွေပါကွယ်၊ ဖူးဖူးအပေါ်ကောင်းကြမှာပါ၊ ဖူးဖူးလိုက်သွားရင် ဖူးဖူးကို အင်္ကျီလှလှလေးတွေဝယ်ပေးမှာ၊ မုန့်တွေ အများကြီးဝယ်ကျွေးမှာ သိလား၊ အဲ့ဒါကြောင့် လိုက်သွားနော်ဖူးဖူး၊ ဖူးဖူးက လိမ္မာပါတယ်ကွယ်”

ဂေဟာမှူးက ဖူးဖူးလေးအား နှစ်သိမ့်ချောမြှူပေးနေသည်။

“ဟင့်အင်း၊ မလိုက်ချင်ဘူး၊ အင်္ကျီတွေလည်း မလိုချင်ဘူး၊ မုန့်တွေလည်းမစားချင်ဘူး၊ ဂေဟာမှူးနဲ့ပဲအတူတူနေမှာ၊ မော်မော်တို့နဲ့ပဲအတူတူနေမှာ၊ ဖူးဖူးကို မလိုက်ခိုင်းပါနဲ့ဂေဟာမှူး ဟီး ဟီး ဟီး…”

“ခက်လိုက်တာဖူးဖူးရယ်၊ ဖူးဖူးက အရမ်းကံကောင်းတယ်သိလား၊ ဖူးဖူးက အရမ်းချစ်စရာကောင်းလွန်းလို့ဆိုပြီး သူတို့က ခေါ်မွေးစားတာကွဲ့၊ အရမ်းလည်း လိမ္မာပုံပေါက်တယ်တဲ့၊ သူတို့က ပိုက်ဆံလည်းချမ်းသာတယ်၊ ဖူးဖူးလိုချင်တာမှန်သမျှ ၀ယ်ပေးကြမှာ၊ သည်လိုအခွင့်အရေးမျိုး သူများတွေမရဘူး၊ ဖူးဖူးက ကံကောင်းလို့ရတာ၊ အဲ့ဒါကြောင့် အခွင့်အရေးကို လက်လွှတ်မခံလိုက်နဲ့နော်ဖူးဖူး၊ ပြီးတော့ ဖူးဖူးဟိုမှာပျင်းရင် ဂေဟာမှူးတို့ဆီ အလည်လာခဲ့လေ၊ မော်မော်တို့ကလည်း စောင့်နေကြမှာနော်”

“ဟုတ်တယ်၊ လိုက်သွားဖူးဖူးရယ်၊ မော်မော်တို့ နင့်ကို စောင့်နေမယ်၊ နင်ပျင်းရင် အချိန်မရွေးလာခဲ့နော်၊ မော်မော်စောင့်နေမယ်နော်”

မော်မော်ဆိုသူလေးက ဖူးဖူးကိုချော့သိပ်လိုက်တော့ ဖူးဖူးအငိုရပ်သွားသည်။

“တကယ်လားမော်မော်၊ ဖူးဖူးကို တကယ်စောင့်နေမှာလားဟင်”

“တကယ်ပေါ့ဖူးဖူးရ၊ နင်ဟိုမှာ ကောင်းကောင်းနေရရင် မော်မော်တို့ကို မမေ့နဲ့နော်၊ ဟင့် ဟင့် မော်မော်လေ ဖူးဖူးကို မော်မော့်ကို မေ့ မေ့သွားမှာကြောက်တယ်…အီး ဟီး ဟီး..”

မော်မော်ဆိုသူလေးကပြောရင်း ငိုလိုက်တော့ ဖူးဖူးလေးက အပြေးကလေးပွေ့ဖက်လိုက်သည်။

“မငိုပါနဲ့မော်မော်ရယ်၊ ဖူးဖူး မော်မော့်ကိုမမေ့ပါဘူး၊ ဖူးဖူး မော်မော့်ဆီကို ခဏခဏအလည်လာမယ်နော်၊ ဖူးဖူးလာရင် မော်မော့်အတွက် မုန့်တွေရော အရုပ်လေးတွေရောအများကြီးယူခဲ့မယ်နော်”

“တကယ်လားဟင်ဖူးဖူး”

“တကယ်ပေါ့မော်မော်ရ၊ ဖူးဖူးကိုဆက်ဆက်စောင့်နေနော်”

“အင်းအင်း”

မော်မော်ဆိုသူလေးက ခေါင်းကိုတဆတ်ဆတ်ညိတ်နေလေသည်။

“မော်မော့်ဖို့ လက်ဆောင်လေးတွေ ၀ယ်ပေးချင်လို့ ဖူးဖူးသူတို့နဲ့ လိုက်သွားမယ်နော်”

“အင်းအင်း”

“လိမ္မာလိုက်ကြတာကွယ်၊ သွားတော့နော်ဖူးဖူး”

ဂေဟာမှူးက နှုတ်ဆက်စကားပြောလိုက်သည်။ မွေးစားမည့်သူတွေက ဖူးဖူးလက်လေးကို ဆွဲသွားကြသည်။ ဖူးဖူးကတော့ ဆွဲခေါ်သွားရာဆီပါသွားပြီး နောက်သို့ ပြန်လှည့်ကြည့်ကာ လက်ပြနှုတ်ဆက်နေသည်။ မော်မော်ကတော့… တအီးအီးငိုရင်း လက်ပြနှုတ်ဆက်နေသည်။

“ဖူးဖူး…..ဟင့် ဟင့် ဟင့်….”

ဖူးဖူးထွက်သွားမြင်တော့၊ မော်မော် ၀မ်းပန်းတနည်းနဲ့ ကျန်ရစ်ခဲ့ရတာမြင်တော့ ဖိုးသား ဘာရယ်မသိ အလိုလိုဝမ်းနည်းလာကာ ဖိုးချောလက်မောင်းကို တင်းတင်းကျပ်ကျပ်ဆုပ်ကိုင်ထားလိုက်မိသည်။ ဖိုးသားနဲ့ ဖိုးချောက အရပ်တော်တော်လေးမြင့်လာကြသည်။ 

“ဖိုး ဖိုးချော..”

ဖိုးသားက မျက်ရည်စမ်းစမ်းနဲ့ ဖိုးချောအား ကြည့်ကာခေါ်နေလေသည်။

“ဘာလဲဖိုးသား၊ ဘာလို့ငိုနေတာလဲ၊ ဖူးဖူးထွက်သွားလို့ ၀မ်းနည်းနေတာလားဟင်”

ဖိုးသားခေါင်းရမ်းလိုက်သည်။

“မဟုတ်ဘူး..”

“မဟုတ်ဘူး၊ ဒါဆို ဘာလို့ ငိုနေတာလဲ”

“လာ လိုက်ခဲ့”

ဖိုးသား ဖိုးချောနဲ့ ထိုင်နေကျ ဗာဒံပင်အောက်က ခုံတန်းလျားလေးပေါ် ဖိုးချောလက်လေးကိုဆွဲပြီး ပြေးထိုင်လိုက်သည်။

“မင်း ဘာဖြစ်နေတာလဲ၊ ဘာပြောချင်လို့ သည်နားခေါ်လာတာလဲ”

“ ငါ ငါကြောက်တယ်ဖိုးချော”

 ဖိုးသားကပြောရင်း မျက်ရည်များစီးကျလာသည်။

“ဘာကိုလဲ၊ ဘာကိုကြောက်တာလဲ”

“တကယ် တကယ်လို့ မင့်ကိုရော မွေးစားမဲ့လူတွေရောက်လာရင် မင်း မင်း လိုက်လိုက် သွားမှာလားဟင်”

“ဖိုးသားရာ၊ လိုက်သွားချင်တယ်ဆိုရင်တောင် ငါတို့ကို မွေးစားမဲ့လူက ရှိပါ့မလား”

“ဟင့် ဟင့် ဟင့်၊ တကယ်လို့ ရှိလာရင် မင်းလိုက်သွားမှာလားဟင်လို့”

ဖိုးသားက ပြောရင်း ငိုသံကပါလာသည်။ မျက်ရည်လွယ်ကာ နူးညံ့လွန်းတဲ့ဖိုးသားကို ဖိုးချောသနားမိသည်။

“ငါ့ကိုသာမေးနေ၊ မင်းကိုရော မွေးစားမဲ့သူတွေ ပေါ်လာရင် လိုက်သွားမှာလား”

“ဟင့်အင်း ငါမေးတာအရင်ဖြေပါဖိုးချော၊ မင်းကိုမွေးစားမဲ့သူတွေပေါ်လာရင် လိုက်သွားမှာလားလို့”

“လိုက်သွားသင့်ရင် လိုက်သွားရမှာပေါ့ဖိုးသားရာ”

“ဟင့်အင်း မလိုက်ရဘူး၊ မလိုက်ရဘူးဖိုးချော၊ မင်းလုံးဝလိုက်မသွားရဘူး၊ မင်းလိုက်သွားရင် ငါသေမှာ၊ ငါ့ဘေးမှာ ဘယ်သူမှရှိမှာမဟုတ်တော့ဘူး၊ မင်းလုံးဝလိုက်မသွားရဘူး၊ ငါ့ကိုမွေးစားမဲ့သူတွေရှိလာရင် ငါလုံးဝလိုက်မသွားဘူး၊ ငါ ဖိုးချောနဲ့ပဲအတူတူနေမှာ၊ အဲ့ဒါကြောင့် မင်း လိုက်မသွားပါနဲ့နော် ဟီး ဟီး ဟီး..”

“မင်း အငိုလွယ်တာက အရင်အတိုင်းပါပဲလားဖိုးသားရ၊ ဖြစ်မလာသေးတာကို ကြိုတွေးပြီး ၀မ်းနည်းမနေစမ်းပါနဲ့ကွာ”

“တစ်နေ့နေ့ဖြစ်လာရင်ခဲ့ရင်ရောဟင်”

“မသိတော့ဘူးကွာ၊ မင်းက ဘယ်လိုဖြစ်စေချင်တာလဲပြော”

“ဒါဆို ငါတစ်ခုလောက်မေးချင်တယ်ဖိုးချော”

“ဘာမေးမှာလဲ”

“ငါ မင်းကို ဘယ်လောက်ခင်တယ်ဆိုတာသိလား”

“သိပါတယ်”

“သည်မှာရှိတဲ့လူတွေအားးလုံးထက်၊ မင်းကို ညီအစ်ကိုလို သူငယ်ချင်းလို၊ မိသားစုလိုကိုခင်တာ၊ ကုန်ကုန်ပြောရရင် ဂေဟာမှူးထက် မင်းကိုငါ ပိုခင်တယ်သိလား”

“ဟုတ်ပါပြီ”

“အဲ့ဒါကြောင့် ငါ မေးချင်တာ၊ မင်းလည်း ငါ့ကိုဘယ်လောက်ခင်သလဲဆိုတာ ငါသိချင်တယ်”

“ပြောနေဖို့လိုသေးလို့လားဖိုးသားရာ၊ မင်းသည်ကိုရောက်စကတည်းက ငါ မင်းကိုခင်ပြီးသား၊ မြင်မြင်ချင်း ခင်သွားခဲ့တာပါဖိုးသားရာ၊ မင်းရောက်မလာခင်ကတည်းက ငါ ဘယ်သူ့ကိုမှအရောတ၀င်မလုပ်ခဲ့ဘူး၊ ဘယ်သူ့ကိုမှလည်း မခင်ခဲ့ဘူး၊ အဲ့သည်အချိန်မှာ မမျှော်လင့်ပဲ မျက်ရည်အရွှဲသားနဲ့ ရောက်လာတဲ့မင်းကိုမြင်လိုက်ရတော့ ငါသနားသလိုလိုနဲ့ ခင်ချင်စိတ်ဖြစ်လာခဲ့တာ၊ မင်းရောက်လာတဲ့အချိန်ကစပြီး ဘယ်သူနဲ့မှ အဖက်မလုပ်ပဲ မင်းကိုပဲ အဖက်လုပ်ခဲ့တာမင်းလည်းအသိ၊ ဒါဆိုရင် မင်း ငါ့ကိုခင်တာထက် ငါက မင်းကိုပိုခင်တယ်ဖိုးသား”

“ကျေးကျေးဇူးတင်လိုက်တာဖိုးချောရာ၊ ဖိုးချော ငါ ငါလေ မင်းဆီကအခုလိုကြားရတော့ အရမ်းပျော်မိတယ်၊ ငါတို့ တစ်သက်လုံးမခွဲပဲ အတူတူနေကြမယ်နော်”

“မင်းသဘောပဲဖိုးသား”

“ဒါ ဒါဆိုရင် တစ်နေ့နေ့ မွေးစားမဲ့လူတွေ ပေါ်လာရင် မလိုက်ကြေး၊ ကတိပေးနိုင်မလား”

“ကတိပေးပါတယ်ဖိုးသားရယ်၊ ဒါပေမဲ့ ငါတို့အသက်ကြီးသွားခါကျတော့ သည်ဂေဟာမှာ နေဖို့မသင့်တော်တော့ဘူးလေ”

“အေး အဲ့ဒါကို ငါပြောမလို့၊ ငါတို့ ပိုက်ဆုံစုရအောင်လေ၊ ပိုက်ဆံတွေအများကြီး ရခါကျ အိမ်လေးဝယ်ပြီး အတူတူနေကြမယ်လေ၊ သဘောတူလားဟင်ဖိုးချော”

“သဘောတူပါတယ်၊ ဒါပေမဲ့ ပိုက်ဆံဘယ်လိုရှာမှာလဲဟင်၊ ငါမရှာတတ်ဘူး”

“ဒါများ ဘာခက်တာလိုက်လို့ဖိုးချောရယ်၊ ငါတို့ အလုပ်ရှာကြမယ်လေ၊ မြို့ ထဲသွားပြီး အလုပ်အတူတူရှာမယ်၊ လက်ဖက်ရည်ဆိုင်မှာ စားပွဲထိုးလုပ်ရင်မကောင်းဘူးလား”

“အင်း အင်း ကောင်းတော့ကောင်းပေမဲ့ ငါ ငါတို့ကျောင်းမပြီးသေးဘူးလေ၊ ငါ ကျောင်းနေချင်သေးတယ်”

“အေး မင်းကျောင်းနေချင်ရင်လည်းနေပေါ့၊ ကျောင်းနေရင်း အလုပ်လုပ်လည်းရတာပဲလေ၊ ကျောင်းတက်ချိန်ကျောင်းတက်မယ်၊ ကျောင်းဆင်းရင်ဆိုင်မှာလုပ်မယ်လေ၊ မကောင်းဘူးလား”

“အင်း အင်းကောင်းတော့ကောင်းတယ်၊ ဒါပေမဲ့ ဂေဟာမှူးက လွှတ်ပါ့မလား”

“အဲ့ဒါအသာထားစမ်းပါကွာ၊ အဓိကက မင်းတကယ်လုပ်ချင်တဲ့စိတ်ရှိဖို့ပဲ”

“ဒါ ဒါပေမဲ့ ငါ ကျောင်းစားတွေ ပျက်မှာကြောက်တယ်ဖိုးသား”

“ဖိုးချောကလည်းကွာ၊ ကျောင်းစာကအရေးမကြီးဘူး၊ အရေးကြီးတာက ငါတို့ အလုပ်လုပ်ပြီး ပိုက်ဆံရှာနိုင်ဖို့ပဲ၊ ပိုက်ဆံတွေအများကြီးရှိခါကျ အတူတူနေနိုင်ဖို့ပဲ”

“ဒါပေမဲ့လည်း ငါဖတ်ဖူးတဲ့စာထဲမှာတော့ ငယ်တုန်းရွယ်တုန်းမှာ ပညာရှာရမှာတဲ့”

“ဖိုးချောကလည်း ခက်လိုက်တာကွာ၊ အခုချိန်မှာ ကျောင်းစာက အရေးမကြီးပါဘူးဆိုမှ၊ အေး ဒါဆိုရင်လည်း မင်းကိုကျောင်းကိုတက်ချင်သလောက်တက်၊ ငါကတော့ ကျောင်းထွက်ပြီး ပိုက်ဆံရှာမယ်ကွာ”

ပြတ်သားသောဖိုးသားစကားကြောင့် ဖိုးချော ဆုံးဖြတ်ချက်တစ်ခုကို ပိုင်ပိုင်နိုင်နိုင်ချလိုက်သည်။

“ကောင်းပြီ၊ ငါလည်း အလုပ်လုပ်မယ်၊ ကျောင်းစားကိုလည်း မပျက်အောင်ကြိုးစားမယ်၊ မင်းလည်း အလုပ်လုပ်ရင်း စားကိုကြိုးစား ဟုတ်ပြီလား”

ဖိုးချောစကားကြောင့် ဖိုးသားမျက်နှာလေးဝင်းလက်သွားသည်။

“ဒါဆို သည်နေ့ ကျောင်းပိတ်တုန်း အလုပ်သွားရှာကြမယ်”

“အေး ကောင်းပြီ”

ဖိုးသားက ဖိုးချောလက်လေးကို ဆုပ်ကိုင်ပြီး ပြေးမယ်လုပ်တော့ ဖိုးချောက ရုန်းလိုက်သည်။

“နေဦးလေ၊ ဂေဟာမှူးကို ခွင့်တောင်းရဦးမယ်လေ”

“ခွင့်တောင်းမနေစမ်းပါနဲ့ကွာ၊ တော်ကြာ ဂေဟာမှူးက ခွင့်မပြုပဲနေပါ့မယ်”

“ဖိုးသား မင်း အဲ့လို တဇွတ်ထိုးလုပ်လို့မဖြစ်ဘူး”

“မင်းပြောတော့ လုပ်မယ်ဆို၊ ဒါဆို ဘာမှတွေဝေမနေနဲ့တော့..”

ဖိုးချောသက်ပြင်းကိုချကာ ခေါင်းညိတ်လိုက်သည်။ ဖိုးချောခေါင်းညိတ်တော့ ဖိုးချောလက်လေးကိုပိုပြီး တင်းတင်းကျပ်ကျပ်ဆုပ်ကိုင်ကာ ခေါင်းကလေးညိတ်ပြ၊ အပြုံးပန်းကလေးဆင်ပြလိုက်ရင်း မြို့ ဘက်ဆီ ခပ်သွက်သွက်လေး ပြေးလိုက်ကြသည်။

Xxxxxxxxxxxxxxxxxxxxxxx

လူတွေ ကားတွေ တ၀ီဝီနဲ့ ဟိုသည်ပြေးလွှားနေကြသော လမ်းမကြီး၏ ပလပ်ဖောင်းပေါ်မှာ ဖိုးချောနဲ့ ဖိုးသားတို့နှစ်ယောက် တစ်ယောက်လက်ကိုတစ်ယောက်ဆုပ်ကိုင်ရင်း ခပ်သွက်သွက်လမ်းလျှောက်နေကြသည်။ လက်ဖက်ရည်ဆိုင်များတွေ့တော့ ရဲရဲဝံ့ဝံ့ဝင်လိုက်ရင်း “စားပွဲထိုးလိုအပ်ပါသလားခင်ဗျာ၊ စားပွဲထိုးလုပ်ချင်လို့ပါ၊ အလုပ်ပေးမယ်ဆိုရင် ကြိုးကြိုးစားစားလုပ်ပေးပါ့မယ်ခင်ဗျာ” လို့ နှစ်ယောက်သား ရိုရိုကျိုးကျိုးနဲ့ ခွင့်တောင်းကြလေသည်။

“လူတွေပြည့်နေလို့ပါကွယ်၊ တခြားနေရာမှာပဲ သွားလိုက်ရှာပါတော့”

“ဟုတ်ကဲ့”

တစ်ဆိုင်ဝင်တစ်ဆိုင်ထွက်ကာ အလုပ်ရှာလိုက်ကြသည်။ ဆိုင်အတော်များများရောက်ခဲ့သည့်တိုင် ဖိုးချောနဲ့ ဖိုးသားတို့ အလုပ်မရကြ။

“သည်နေ့အလုပ်မရရင် မနက်ဖြန်ထပ်ရှာကြတာပေါ့၊ မနက်ဖြန်ကျတော့ အနောက်ဘက်လမ်းထဲ သွားရှာကြမယ်နော်”

ဖိုးသားကပြောလိုက်သည်။

“အင်း..”

“ခဏလောက် ငါ သေးပေါက်လိုက်ဦးမယ်”

ဖိုးသားက ကုက္ကိုပင်အောက်ပြေးကာ သေးပေါက်လိုက်သည်။ ဖိုးချောသာ လမ်းဘေးပလက်ဖောင်းဘက် ရပ်ကျန်ခဲ့သည်။ ဖိုးချောလမ်းမဘက်သို့ ငေးကြည့်လိုက်သည်။ ကားတွေ ဟိုသည်ပြေးနေသည်။

ကားတွေသည်လောက်များတာ။ သူတို့ ဘယ်ကပိုက်ဆံနဲ့များ ကားတွေ ၀ယ်ကြတာပါလိမ့်။ အိမ်တွေကလည်း အများကြီး ဘာတွေများ လုပ်စားကြပါလိမ့်။

ဖိုးချောတွေးတောလိုက်သည်။

ငါ့အဖေနဲ့ အမေတို့လည်း ဘာတွေလုပ်နေကြပါလိမ့်။ သက်ရှိထင်ရှား ရှိကြသေးရဲ့လား။ အခုလိုကားတွေနဲ့၊ တိုက်တွေတာတွေနဲ့ ကောင်းကောင်းနေနေကြသလားမသိဘူး။ ဒါမှမဟုတ် ပိုက်ဆံရှာနေကြလို့ ငါ့ကိုပစ်ထားခဲ့တာလားမသိဘူး။ ပိုက်ဆံတွေအများကြီးရှာနိုင်လို့ရှိရင် ငါ့ကိုလာခေါ်ချင်ခေါ်ကြမှာ။

သက်ရှိထင်ရှားရှိလားမရှိလားမသိရသေးသည့်၊ ဘယ်သူဘယ်ဝါမှန်းမသိရသေးသည့် မိဘများကို ဖိုးချောတမ်းတလိုက်မိသည်။ ညှိုးမှိန်ဖျော့တော့နေသော ဖိုးချောမျက်နှာလေးက သည်ဘက်ပလပ်ဖောင်း၏ ဟိုမှာဘက်ကမ်းပလပ်ဖောင်းပေါ်မှ ဗီနိုင်းအကြီးကြီးကိုမြင်လိုက်ရတော့ ၀င်းလက်သွားသည်။ ထိုဗီနိုင်းကြီးပေါ်တွင် ရုပ်ရှင်မင်းသားချောတစ်ယောက်။ ကန်ုပစ္စည်းတစ်ခုကို ကိုင်ကာ ကြော်ငြာနေသည်။ ချောမောလှပလွန်းသော ထိုမင်းသားကို ဖိုးချော ဘာရယ်မသိ တဒင်္ဂစွဲမက်မိသွားသည်။ နက်မှောင်သော ဆံပင်တိုတိုထောင်ထောင်လေးက မျက်နှာပေါက်နဲ့ လွန်စွာလိုက်ဖက်နေသည်။မျက်ဆံများက ဖြူဖွေးနေပြီး နှာတံလေးကလည်း ဖြူဖွေးကာစင်းနေသည်။ မျက်တောင်တိုတိုလေးကကော့ကာ မျက်ခုံးတွေက ထူထဲနေသည်။ ပန်းနုရောင်နှုတ်ခမ်းလေးက ဖိုးချောအား ညှို့ ယူနေသည့်အလား ပြုံးတုံ့တုံ့လုပ်ပြနေသည်။ အပေါ်နှုတ်ခမ်းလေး၏ အပေါ်မှ မှည့်နက်လေးက ဘာလိုလိုနဲ့ ဖိုးချောအတွက် အလွန်လှပနေသည်။

“ချောလိုက်တာ”

လို့ ဖိုးချောစိတ်ထဲက မှတ်ချက်ပြုလိုက်သည်။ ထိုမှတ်ချက်နဲ့အတူ စိတ်ထဲကလည်း စိတ်ကူးအချို့ ဝင်လာသည်။ ဖိုးချောနှုတ်ခမ်းလေးပြုံးလာကာ မျက်လုံးလေး ဖြည်းညင်းစွာ မှိတ်လိုက်သည်။

“ဟေ့ယောင်ဖိုးချော၊ ဘာတွေ စဉ်းစားနေတာလဲကွ၊ ခေါ်နေတာလည်းမကြားဘူး”

ဖိုးချောပင် ဘာမှစိတ်ကူးမယဉ်လိုက်ရ။ ဖိုးသားလာနှောင့်ယှက်သဖြင့် စိတ်ကူးယဉ်မှုလေးပျောက်ပျက်သွားသည်။

“အာ ဘာမှမစဉ်းစားပါဘူးကွ၊ မင်းသေးပေါက်နေတာကလည်း ကြာလိုက်တာ”

“ငါ သေးပေါက်ချင်နေတာကြာပြီကွ၊ အလုပ်မရသေးလို့ အောင့်ထားရတာ၊ အလုပ်ကလည်း အခုထိမရသေးဘူး၊ နောက်တစ်နေရာသွားရှာကြတာပေါ့”

“တော်ပါတော့ကွာ၊ ငါပင်ပန်းနေပြီ၊ ခြေထောက်တွေလည်း ညောင်းနေပြီကွ၊ လမ်းမလျှောက်နိုင်တော့ဘူး”

ဖိုးချောညည်းညူလိုက်သည်။

“သြော် အေးပါကွာ၊ နောက်နေ့မှ ဆက်ရှာကြတာပေါ့ကွာ နော်”

“အေး ရေလည်းဆာတယ်ကွာ”

“ရေဆာလို့လား”

ဖိုးသားက ဖိုးချောရေဆာသဖြင့် ရေအိုးစင်ရှိမလားဆိုပြီး ဟိုသည်လှည့်ပတ်ကြည့်တော့မတွေ့။

“ထားလိုက်ပါတော့၊ ဂေဟာကျမှ သောက်ကြရအောင်၊ အခုပြန်ရအောင်ကွာနော်ဖိုးသား၊ ဂေဟာမှူးကလည်း စိတ်ပူနေတော့မှာ..”

“အေး အေး…”

နှစ်ယောက်သား လက်ချင်းချိတ်ကာ လှည့်ပြန်ခဲ့ကြသည်။ အနောက်တည့်တည့်ဆီမှ နေလုံးကြီးတော့ နီနေပေပြီ။

Xxxxxxxxxxxxxxxxxxx

ဂေဟာပေါက်ရောက်တော့ ဂေဟာမှူးက ၀င်ပေါက်မှာ တမျှော်မျှော် ခေါ်ခေါ်နဲ့ စောင့်နေတာကို ဖိုးချောနဲ့ ဖိုးသားတို့ မြင်လိုက်ရသည်။ ဖိုးချောတို့ကိုမြင်မြင်ချင်း ဂေဟာမှူးကပြေးလာသည်။

“နင် နင်တို့ ဘယ်တွေ လျှောက်သွားနေကြတာလဲဟင်၊ နင်တို့ကို ငါ ဘယ်လောက်စိတ်ပူနေသလဲဆိုသိရဲ့လား၊ ပြောစမ်း ဘယ်တွေလျှောက်သွားနေကြတာလဲ”

ဂေဟာမှူးမေးတော့ ဖိုးချောနဲ့ ဖိုးသားတစ်ယောက်မျက်နှာတစ်ယောက်ကြည့်လိုက်ကြသည်။ အလုပ်သွားရှာတာပါလို့ ဂေဟာမှူးကို ပြောသင့်မပြောသင့် တွေဝေနေကြသည်။ ပြောလိုက်လို့ ဂေဟာမှူးက မလိုက်လျောပဲ ဆူပူမှဖြင့်အခက်။

“ဖြေလေ၊ ဘယ်တွေသွားနေကြတာလဲလို့၊ ဖိုးချော နင် ဖိုးသားကိုခေါ်ပြီး ဘယ်တွေလျှောက်သွားနေတာလဲဟင်”

“အဲ့ ဒါက ဟိုလေ သားတို့ အလုပ်လိုချင်….”

“သည်လိုပါ၊ သားတို့ ဂေဟာထဲမှာပဲ နေရတာ မွန်းကျပ်လွန်းလို့ အပြင်ခဏထွက်ပြီး လေညင်းခံရာကနေ အတော်ဝေးဝေးအထိရောက်သွားလို့ပါ”

ဖိုးချောပင် မဖြေလိုက်ရ။ ဖိုးသားက ၀င်ပြောလိုက်သည်။

“ဘယ်လို လေညင်းခံသွားတယ်၊ ဟုတ်လား၊ သည်ကလေးတွေနှယ်၊ လမ်းမှာ ယာဉ်အန္တရာယ်တွေ၊ လူဆိုးတွေ ဘာတွေရှိမှန်းမသိ အပြင်လျှောက်သွားရသလား၊ နောက်အဲ့လိုမလုပ်နဲ့၊ နောက်သွားရင် ဂေဟာမှူးကို အသိပေးကြားလား”

“ဟုတ် ဟုတ်”

ဖိုးချောနဲ့ ဖိုးသားတို့ ပြိုင်တူဖြေလိုက်ကြသည်။

“သွားတော့ ရေချိုးပြီး ထမင်းစားကြတော့၊ ပြီးရင် စာကျက် ကြားလား၊ ငါ့နှယ်တော့…”

ဖိုးချောနဲ့ ဖိုးသားတို့ ကုပ်ကုပ်ကလေးပြေးထွက်သွားလိုက်ကြသည်။

Xxxxxxxxxxxxxx

 ည စာကျက်ချိန်ရောက်တော့ ဖိုးချောက စာထဲမှာ စိတ်ဝင်တစားရှိလှသော်လည်း ဖိုးသားမှာတော့ စာထဲမှာ ဘယ်လိုမှ စိတ်မရောက်။ နံရံကိုမော့ပြီး ခေါင်းထဲမှာ အလုပ်ရဖို့သာ အတွေးရှိနေသည်။

ငါ မြန်မြန်အလုပ်ရမှဖြစ်မှာ။ ဒါမှ ငါပိုက်ဆံများများစုနိုင်မှာ။ ပိုက်ဆံများများစုနိုင်မှ အိမ်လေးဝယ်ပြီး ဖိုးချောနဲ့ အတူတူနေနိုင်မှာ။ ခက်တာက အလုပ်ကမရသေးဘူး။ မနက်ဖြန်လည်း ကျောင်းဖွင့်သေးတော့ ဘယ်လိုလုပ်ရပါ့။ ဂေဟာမှူးမသိအောင်ကျောင်းလစ်ပြီး အလုပ်ရှာမှဖြစ်မယ်။ ဖိုးချောကိုရော ခေါ်သွားချင်တာ။ ဖိုးချောကလိုက်ပါ့မလားတော့မသိဘူး။ သည်ကောင်က စာပဲစိတ်ဝင်စားတာဆိုတော့ ကျောင်းလစ်ပြီး အလုပ်ရှာ လိုက်ချင်ပါ့မလား။ ခက်တယ်ကွာ။

ဖိုးသားခေါင်းကို ဗျင်းဗျင်းမြည်အောင်ကုတ်လိုက်သည်။ ပြီး ဖိုးချောဘက်လှည့်ကြည့်လိုက်သည်။ စာအုပ်လေးကိုင်ပြီး စိတ်ဝင်တစားနဲ့ စာကျက်နေတဲ့ ဖိုးချောကို ဖိုးသား ဘာရယ်မသိ တစိမ့်စိမ့်ကြည့်နေမိသည်။ ဘာလိုလိုနဲ့ ဖိုးချောကို လက်လွတ်ဆုံးရှုံးရမှာကြောက်နေမိပြန်သည်။

မျက်ဝန်းထဲ တစ်နေ့က မွေးစားသူတို့လက်ထဲပါသွားသည့် ဖူးဖူးအဖြစ်နဲ့ ဖူးဖူးထွက်သွားတော့ ကျန်ရစ်ခဲ့သည့် မော်မော်တို့၏ကြေကွဲဖွယ်အဖြစ်ကိုမြင်လိုက်ရတော့ ဖိုးသားရင်ထဲ နင့်ကနဲ့ဖြစ်သွားသည်။ ဖူးဖူးနေရာမှာ ဖိုးချောဖြစ်ခဲ့ရင်ဆိုပြီး ဖိုးသားအလိုလိုဝမ်းနည်းကာ ဖိုးချောဘက် ဖျတ်ကနဲ့ လှည့်ကြည့်လိုက်သည်။ ဖိုးချောကိုမြင်လိုက်ရလေ နှမြောစိတ်တွေသာ ကိန်းအောင်းလာတာမို့ ဖိုးချောဘေးနား အပြေးကလေးသွားထိုင်လိုက်သည်။

“ဘာလဲ၊ ဘာစာမေးချင်လို့လဲ”

ဖိုးချောက မေးတော့ ဖိုးသား ဘာပြန်ပြောရမယ်မသိဖြစ်နေသည်။

“မဟုတ်ပါဘူးကွာ၊ မင်းနဲ့ စာအတူကျက်ချင်လို့ပါ၊ ဘာလဲ စာအတူတူကျက်လို့ မရဘူးလား”

“ပြီးတာပဲ၊ နောက်မှ ငါ့အနားလာလို့ ဂေဟာမှူးက ဆူရင် ငါ့တာဝန်မပါဘူးနော်”

“အေးပါကွာ”

သို့တိုင် စာဘက်သို့ ဖိုးသားစိတ်မရောက်နိုင်ပဲ ဂဏှာမငြိမ်ဖြစ်ကာ ဖိုးချောလက်လှည့်လိုက်သည်။

“ဒါနဲ့ဖိုးချော”

“ဘာလဲ၊ ငါ စာကျက်နေတယ်ကွာ၊ ဘာပြောချင်လို့လဲ”

“ဟိုလေ မနက်ဖြန်ကျောင်းလစ်ပြီး အလုပ်ရှာကြမလားဟင်”

“ဟာ မဖြစ်ပါဘူးကွာ၊ ဆရာမက ရိုက်မှာပေါ့၊ ပြီးတော့ ဂေဟာမှူးကလည်း ဆူမှာ၊ မဖြစ်သေးပါဘူးကွာ”

“ဆူတော့ ဘာဖြစ်လဲ၊ အလုပ်ရဖို့ကအရေးကြီးတယ်၊ ငါကတော့ ကျောင်းလစ်ပြီး အလုပ်ရှာမှာပဲ”

“သည်လိုနဲ့ မင်းကျောင်းထုတ်ခံရရင်ဘယ်လိုလုပ်မလဲ”

“ထုတ် ထုတ် ဘာဖြစ်လဲ၊ ကျောင်းထွက်ရလည်း ဘာပြဿနာမှမရှိဘူး၊ ငါကတော့ အလုပ်ပဲရှာမယ်၊ မင်းမလိုက်ချင်နေ၊ ငါတစ်ယောက်တည်းသွားမယ်”

ပြတ်သားသည့် ဖိုးသားကို ဖိုးချောကြည့်လိုက်သည်။

“ဖိုးသားရယ်၊ ငယ်ရွယ်တုန်းမှာ ပညာရှာရမယ်၊ ပညာမတတ်ရင် ဘ၀မှာ ဒုက္ခရောက်တတ်တယ်လို့ ဆရာမကပြောဖူးတယ်လေ”

ဖိုးချောပြောလာတော့ ဖိုးသား အင့်ကနဲ့ ငိုချလိုက်သည်။ အသံကတော့ မထွက်။

“ဟာ ဘာဖြစ်တာ..”

“ဆရာမပြောတာလည်း ဟုတ်ချင်ဟုတ်မှာပေါ့၊ ဒါပေမဲ့ ငါတို့မှာ ပညာရှာဖို့ အချိန်ရှိလို့လား၊ မင့်ကိုရော ငါ့ကိုရော ဘယ်နေ့ဘယ်အချိန်မှာ မွေးစားမဲ့သူတွေ ရောက်လာမလဲဆိုတာမပြောနိုင်ဘူး၊ သူတို့ရောက်မလာခင် ငါတို့ အလုပ်မြန်မြန်ရမှဖြစ်မှာ၊ အလုပ်မရသေးခင် သူတို့ရောက်လာရင် ငါတို့ ခွဲရမှာ သေချာတယ်၊ ငါ မင်းနဲ့ မခွဲချင်ဘူးဖိုးချော”

မျက်ရည်စမ်းစမ်းနဲ့ ဖိုးသားအား ဖိုးချောက သနားဂရဏာသက်စွာ ပုခုံးလေးကို ပုတ်ပေးလိုက်သည်။

“ဖိုးသာရာ ငါလည်း မင်းကိုခင်ပါတယ်၊ ငါလည်း မင်းနဲ့ မခွဲချင်ပါဘူးကွာ၊ ကောင်းပြီလေ၊ ငါတို့ မနက်ဖြစ် အလုပ်ရှာသွားကြတာပေါ့၊ အရင်ဆုံးအခြေအနေကိုလည်း ကြည့်ကြသေးတာပေါ့”

“တကယ်လား”

ဖိုးချောခေါင်းညိတ်တော့ ဖိုးသားမျက်နှာလေး ၀င်းလက်သွားသည်။ မျက်ရည်လေးများကို ခပ်ကြမ်းကြမ်းသုတ်ပြီး ကိုယ့်နေရာ ပြေးသွားလိုက်ကာ စာအုပ်ဆီမျက်နှာအပ်လိုက်သည်။

Xxxxxxxxxxxxxxxxxxxxxxxxx

ဖိုးချောနဲ့ ဖိုးသားတို့ ကံကောင်းသည်ဟု ဆိုရပေမည်။ စိတ်ရင်းစေတနာကောင်းသော လက်ဖက်ရည်ဆိုင်ပိုင်ရှင်သူဌေးတစ်ဦးဆီမှာအလုပ်ရခဲ့သည်။ ဖိုးချောနဲ့ ဖိုးသားတို့က “ပြည့်စုံမေတ္တာ” မိဘမဲ့ဂေဟာက မိဘမဲ့ကလေးများမှန်းသိတော့ ချက်ချင်းအလုပ်ပေးခဲ့သည်။ ကျောင်းသားတွေဖြစ်နေခဲ့ခြင်းကြောင့် ကျောင်းစာတစ်ဖက် အလုပ်အကိုင်တစ်ဖက်နဲ့လို့ဆိုတော့လည်း သူဌေးဖြစ်သူက စိတ်ရင်းစေတနာကောင်းသူပီပီ ကျောင်းအားချိန်မှသာ လာခဲ့ကြရန် ပြောပြခဲ့သည်။ 

ဖိုးချောကတော့ ရုပ်ရည်ချောမောပြီး လူရည်မွန်ပုံလေးပေါက်သောကြောင့် ဧည့်သည်များကိုဖော်ရွေစွာ ကြိုဆိုတတ်မည်ထင်သောကြောင့် စားပွဲထိုးအလုပ်ကိုပေးအပ်လိုက်သည်။ ဖိုးသားကိုတော့ ဖျော်ဆရာအဖြစ်ခန့်အပ်လိုက်သည်။

ပထမဆုံးအလုပ်ရသည့်နေ့က ဖိုးချောနဲ့ ဖိုးသားတို့ တစ်နေကုန်ကျောင်းလစ်ရင်း အလုပ်လုပ်နေခဲ့ကြသည်။ အလုပ်အလွန်လိုချင်သူပီပီ၊ ပိုက်ဆံစုချင်သူပီပီ အလုပ်ကို တက်ညီလက်ညီနဲ့ တက်တက်ကြွကြွလုပ်ဖြစ်ကြသည်။

ည (၁၀း၀၀)နာရီထိုးတော့ ဆိုင်သိမ်းသဖြင့် ပြန်ဖို့ပြင်ဆင်ကြသည်။ ဂေဟာရောက်လျှင် ဂေဟာမှူးက ဆူပူမယ်မှန်းသိသည်။ နှစ်ယောက်စလုံးက ရင်ဆိုင်ဖို့ အဆင်သင့်ဖြစ်နေခဲ့ကြသည်။ ဖိုးချောနဲ့ ဖိုးသားတို့ ပြန်မယ်လုပ်တော့ စိတ်ရင်းစေတနာကောင်းသော သူဌေးက ကလေးနှစ်ယောက်တည်း ပြန်မလွှတ်ရက်၊ စိတ်ပူသဖြင့် ဆိုင်ကယ်နဲ့ လိုက်ပို့သည်။ 

ဂေဟာပေါက်ဝရောက်တော့ ထုံးစံအတိုင်းပင် ဂေဟာမှူးနဲ့ ကလေးအုပ်ချုပ်သူအချို့ က ဖိုးချောတို့အားစိတ်ပူစွာစောင့်နေသည်ကို တွေ့လိုက်ရသည်။ ဂေဟာမှူးက ဖိုးချောတို့ကိုမြင်မြင်ချင်း ပြေးလာပြီး တင်းတင်းကျပ်ကျပ်ပွေ့ဖက်ကာ တုန်ရီသောနှုတ်ခမ်းလေးများနဲ့ ပြောလေသည်။

ဖိုးချောရယ် မသေကောင်းမပျောက်ကောင်း ဘယ်တွေလျှောက်သွားနေရတာလဲ၊ လျှောက်မသွားပါနဲ့လို့ ဂေဟာမှူးမပြောခဲ့ဘူးလား၊ နင်တို့ကို ဂေဟာမှူးဘယ်လောက်စိတ်ပူနေတယ်ဆိုတာသိရဲ့လား ဖိုးချောနဲ့ဖိုးသားတို့ရယ် ဟီး ဟီး ဟီး…”

ဂေဟာမှူးလေသံက ဂရုဏာသံ၊ စိတ်တိုသံရောပြွန်းလျှက်ရှိသည်။

“ဒါနဲ့ တစ်ဆိတ်လောက်၊ သည်ကလေးတွေက ကျွန်တော့်ဆိုင်မှာ အလုပ်လုပ်နေကြတယ်ဆိုတာ ဂေဟာမှူးကို မပြောရသေးဘူးလားခင်ဗျာ”

ဆိုင်ရှင်ဖြစ်သူက ၀င်မေးလိုက်သည်။

“ဘယ်လို သည်ကလေးတွေက ဦးလေးဆိုင်မှာ လုပ်နေတယ်ဟုတ်လား၊ နင်တို့ တော်တော်မိုက်ပါလား၊ ဘာလို့ ဂေဟာမှူးကို မပြောမဆိုနဲ့ အလုပ်တွေဝင်လုပ်နေရတာလဲ၊ နင်တို့အရွယ်က အလုပ်လုပ်ရမဲ့အရွယ်မဟုတ်ဘူး၊ ပညာရှာရမဲ့အရွယ်၊ အခုချက်ချင်း နင်တို့အလုပ်ထွက်လိုက်တော့”

“ကျွန်တော်တောင်းပန်ပါတယ်၊ သည်ကလေးတွေက အလုပ်အရမ်းလိုချင်တယ်ဆိုလို့ ကျွန်တော်ခန့်လိုက်ရတာပါ၊ ကျွန်တော်တကယ် တောင်းပန်ပါတယ်ခင်ဗျာ၊ မနက်ဖြန်ကစပြီး သည်ကလေးတွေကို ကျွန်တော်အလုပ်မလုပ်ခိုင်းတော့ပါဘူး”

“မဖြစ်ဘူး၊ သားအလုပ်လုပ်မှာ၊ အလုပ်လုပ်ပြီး ပိုက်ဆံတွေအများကြီးရှာမှာ၊ ပိုက်ဆံတွေအများကြီးရှာပြီး ဖိုးချောနဲ့ အတူတူနေမှာ၊ ပညာမရှာရချင်နေပါစေ၊ စားမေးပွဲလည်း ကျချင်ကျပါစေ သားကတော့ အလုပ်လုပ်မှာပဲ၊ ဖိုးချောနဲ့ အတူတူနေရဖို့ သားအလုပ်လုပ်မှာပဲ၊ သား မနက်ဖြန်ကျ ကျောင်းမသွားဘူး၊ စာလည်းမကျက်တော့ဘူး၊ အဲ့ဒါကြောင့် သားကို အလုပ်မလုပ်ပါနဲ့လို့ မပြောပါနဲ့”

ဖိုးသားလေးက စိတ်ရှိတိုင်း တဇွတ်ထိုးပြောလိုက်ကာ ဂေဟာတွင်းထဲ ဖျက်ကနဲ့ ပြေးဝင်သွားလေသည်။

“ဖိုးသား ဟဲ့ ဖိုးသား၊ ဖိုးသားနဲ့တော့ ခက်ပါဘိ၊ သည်ကလေးတွေကျမှ ဘာလို့ သည်လောက်ဒုက္ခပေးရတယ်မသိတော့ပါဘူး၊ ဖိုးချော နင်ကတော့ အလုပ်ထွက်ရမယ်နော်၊ ကျောင်းစာကိုပဲ ဂရုစိုက်သင်နော် ကြားလား”

“မဖြစ်ဘူးဂေဟာမှူးရ၊ ဖိုးချောလည်း အလုပ်လုပ်မှာပဲ၊ ဖိုးချောလည်း ပိုက်ဆံရှာချင်တယ်ဗျ၊ ဒါပေမဲ့လည်း ဖိုးချောက ကျောင်းမထွက်ပါဘူး၊ ကျောင်းလည်းနေရင်းအလုပ်လုပ်မယ်လေ၊ ဖိုးချောက သိပ်ညာဏ်ကောင်းတာ ဂေဟာမှူးလည်း သိတယ်မလား၊ အဲ့ဒါကြောင့် ဖိုးချောစာတွေကို နိုင်ပါတယ်၊ စာမေးပွဲမကျစေရဘူး၊ ဒါ့ကြောင့် ဖိုးချောကို အလုပ်လုပ်ခွင့်ပေးပါနော်ဂေဟာမှူး”

“ခက်လိုက်တာဖိုးချောရယ်”

“ဖိုးသားကပြောတယ်၊ ဖိုးချောကို မွေးစားမဲ့သူတွေလာရင် မလိုက်ရဘူးတဲ့၊ သူ့ကို မွေးစားမဲ့သူတွေ ပေါ်လာရင်လည်း မလိုက်ပါဘူးတဲ့၊ အဲ့ဒါကြောင့် ပိုက်ဆံအတူတူရှာပြီး အိမ်လေးဝယ်ပြီး တစ်သက်လုံးအတူတူနေသွားကြမယ်တဲ့”

“ခက်လိုက်တဲ့ကလေးတွေရယ်၊ ဖြစ်မှဖြစ်ရလေ”

“ဖိုးချောလည်း ဖိုးသားပြောတာကိုသဘောတူတယ်၊ ဖိုးချောလေ ဖိုးသားကို မခွဲချင်ဘူး၊ ဖိုးသားကလည်း ဖိုးချောကို သိပ်ခင်တာ၊ အဲ့တာကြောင့် တကယ်လို့ ဖိုးချောကို မွေးစားမဲ့သူတွေရောက်လာရင် ဖိုးသားတစ်ယောက်တည်း မထားရက်ဘူး၊ ဖိုးချောတို့ တစ်ယောက်နဲ့တစ်ယောက် ဘယ်လောက်ခင်တယ်ချစ်ကြတယ်ဆိုတာ ဂေဟာမှူးလည်း သိတယ်မလား၊ ဒါ့ကြောင့် ဖိုးချောကိုလည်း အလုပ်မလုပ်ပါနဲ့လို့ မပြောပါနဲ့နော်ဂေဟာမှူး”

ဖိုးချောလေးကလည်း ပြောပြီးပြီးချင်း ဖျက်ကနဲ့ ပြေးထွက်သွားပြန်သည်။

“ဖိုးချော ဖိုးချော… ဖြစ်မှဖြစ်ရလေ..သည်ကလေးတွေကို ဘယ်လိုလုပ်ရပါ့မလဲ..”

“သည်ကလေးတွေက သည်လောက်အလုပ်လုပ်ချင်နေမှတော့ ကျွန်တော်လည်း ဆက်ပြီး ခန့်အပ်ပါရစေဂေဟာမှူး၊ ကျွန်တော် ကလေးတွေကို အတတ်နိုင်ဆုံးစောင့်ရှောက်ပေးပါ့မယ်၊ ကျောင်းသွားဖို့လည်း အချိန်ပေးပါ့မယ်၊ ဒါ့ကြောင့် ကလေးတွေအတွက် စိတ်ချပါလို့ ကျွန်တော်ပြောချင်ပါတယ်”

“ကျေးဇူးတင်လိုက်တာဦးလေးရယ်၊ ဖိုးချောနဲ့ ဖိုးသားလေးတို့ကို စောင့်ရှောက်ပေးပါလို့ ကျွန်မတောင်းဆိုချင်ပါတယ်၊ သူတို့လေးတွေမှာ မိဘဆိုတာ မရှိခဲ့တော့ ကျွန်မကပဲ မိဘလုပ်ပေးခဲ့ရတာပါ၊ အဲ့ဒါကြောင့် ဦးလေးကလည်း မိဘတစ်ယောက်လို စောင့်ရှောက်ပေးပါနော်၊ မတော်တာရှိရင်လည်း ဆုံးမပေးပါနော်”

“ဟုတ်ကဲ့ စိတ်ချပါ၊ ဒါဆို ကျွန်တော်သွားလိုက်ပါဦးမယ်”

ဂေဟာမှူးက ခေါင်းညိတ်ပြလိုက်သည်။

Xxxxxxxxxxxxxxx

ဖိုးချောက ကျောင်းစာမှာ စိတ်ပါလက်ပါ သင်ယူနိုင်ခဲ့သော်လည်း ဖိုးသားကတော့ ကျောင်းစာမှာ စိတ်မပါခဲ့ပေ။ ဖိုးချောနဲ့ ဖိုးသားတို့အား မွေးစားမည့်သူတွေ ပေါ်မလာခင် ဖိုးချောနဲ့အတူတူနေနိုင်ဖို့အရေး ငွေရှာနိုင်ဖို့အရေး စဉ်းစားမိတဲ့အချိန်ကစပြီး ဖိုးသားကျောင်းစာမှာ စိတ်မပါနိုင်တော့ပေ။ ဖိုးသားစိတ်ထဲမှာ ဘာရယ်မသိ ဖိုးချောအား လက်လွှတ်ဆုံးရှုံးရမည်ကို အလွန်စိုးကြောက်နေမိသည်။ ဆရာစာသင်နေသည့်အချိန်များတွင် ဖိုးချောမျက်နှာလေးအား ခိုးခိုးကြည့်နေမိသည်။ ကျောင်းစာမှာ စိတ်မပါတော့သောကြောင့် ကျောင်းမြန်မြန်ဆင်းပါတော့လို့သာ ဖိုးသား ဆုတောင်းမိသည်။ 

ကျောင်းတွေဆင်းတော့ ဖိုးချောနဲ့ဖိုးသားတို့ ဂေဟာမပြန်တော့ပဲ လက်ဖက်ရည်ဘက်ဆီသို့ အပြေးကလေးရောက်ရှိသွားခဲ့ကြသည်။ လွယ်အိတ်လေးကို ကောင်တာစားပွဲပေါ်မှာ ပစ်ပြီး ကိုယ်ကျရာ အလုပ်ဆီ ဦးတည်ပြေးလွှားလိုက်ကြသည်။

ဖိုးသားက ဖျော်ဆရာပီပီ လက်တစ်ဖက်စီမှာ လက်ဖက်ရည်ခွက်ကြီးကြီးတစ်ခွက်စီကိုင်ပြီး ဟန်ပါပါနဲ့ လက်တစ်ဖက်က အပေါ်သို့မြောက်တက်ကာ ခွက်ထဲက လက်ဖက်ရည်များကို လှယ်လိုက်ကာ အောက်က တစ်ခွက်ဖြင့် ကျွမ်းကျင်နိုင်နင်းစွာ ခံယူလိုက်သည်။ ဖိုးသားတစ်ယောက် သိပ်ကိုတော်သော ဖျော်ဆရာတစ်ယောက် ဖြစ်နေခဲ့ပေပြီ။

ဖိုးချောကတော့ ကျောင်းကအပြန် ဆိုင်ရောက်ရောက်ချင်း အပြေးအလွှားပင် အေပရွန်လေးကို ခါးမှာပတ်လိုက်ပြီး အ၀တ်စုတ်တစ်ခုဖြင့် စားပွဲမျက်နှာပြင်များကို သန့်ရှင်းရေးလုပ်လိုက်သည်။ ကုလားထိုင်များကိုလည်း နေရာတကျဖြစ်စေရန် စီစဉ်ထားသိုလိုက်သည်။ ဧည့်သည်များရောက်လာပါက လက်နှစ်ဖက်ကို နောက်သို့ ပစ်ထားပြီး ရိုရိုကျိုးကျိုးနဲ့ “ဘာများသုံးဆောင်ပါမလဲခင်ဗျာ” ဆိုပြီး ပါးနပ်ချက်ချာစွာပြောတတ်သည်။ ဖိုးချော၏ အပြောအဆိုဖော်ရွေမှုတွေကြောင့်၊ ဖိုးချော၏ ဖြူနုကာ လူချောလူလှရုပ်ပေါက်မှုတွေကြောင့်ရော ဧည့်သည်တော်များက ဖိုးချောအား ချစ်ခင်သဘောကျကြသည်။ ဆိုင်ရှင်ကလည်း ဖိုးချောအားအလွန်အားကိုးတတ်သည်။ ဖိုးချောထက်အရင် ဧည့်သည်တွေမြင်လေတိုင်း “ဖိုးချော ဟိုမှာဧည့်သည်လာတယ်၊ မြန်မြန်သွားလိုက်ဦး” ဆိုပြီး အားကိုးတတ်သည်။ ဖိုးချောတစ်ယောက် ဧည့်သည်တွေအပေါ်မှာ သိပ်ကိုဖော်ရွေသော စားပွဲထိုးလေးတစ်ယောက် ဖြစ်နေခဲ့ပေပြီ။

ဆိုင်မှာ လူပြတ်သွားသည့်အချိန်၌ ဖိုးသားက ကျောင်းစာမှာ စိတ်မပါတော့သူပီပီ အားအားရှိ ထိုင်ငေးနေတတ်သည်။ ဖိုးချောကတော့ ထိုသို့ မဟုတ်။ လူပြတ်သွားလျှင် လွယ်အိတ်လေးကို ပြေးယူကာ စားပွဲပေါ်မှာချပြီး ဖတ်စရာမှတ်စရာများကို ကျက်မှတ်သည်။ စာမဖတ်ချင်လျှင် သူဌေးဖြစ်သူဖတ်သည့် သတင်းစာ၊ ဂျာနယ်များကို လှန်လှောပြီး ဖတ်တတ် မှတ်တတ်သည်။ မှတ်သားစရာလေးများရှိလာခဲ့ရင် ဖိုးသားအား သွားသွားပြောတတ်သည်။

“ဖိုးသား မင်းသိလား၊ အစားအစာထဲမှာ နွားနို့က အင်မတန်အဖိုးတန်တယ်တဲ့၊ နွားနို့သောက်ရင် အရိုးခိုင်မာတယ်၊ အရပ်လည်းရှည်တယ်၊ ဗလကြီးတွေလည်း ဖြစ်တတ်တယ်တဲ့၊ ပြီးတော့ ငယ်ရွယ်တုန်းမှာ နွားနို့များများသောက်ရင် အဲ့သည်လူငယ်ဟာ အသက်ကြီးခါကျတော့ ကျန်းမာကြံ့ခိုင်တဲ့ လူကြီးဘ၀ကို ရရှိစေတယ်တဲ့”

“ဟုတ်လား”

ဖိုးသားကလည်း ဖိုးချောပြောသမျှဆိုရင် အလွန်စိတ်ဝင်တစားနဲ့ နားထောင်ပေးလေ့ရှိသည်။

“ဟုတ်တယ်တဲ့ကွ၊ မင်း အရပ်မရှည်ချင်ဘူးလား၊ ဗလကြီးတွေမဖြစ်ချင်ဘူးလား၊ ငါကတော့ အရပ်လည်းရှည်ချင်တယ်၊ ဗလကြီးတွေလည်း ဖြစ်ချင်တယ်ကွာ”

“ဒါဆို သည်မှာ နွားနို့တွေပေါတယ်လေ၊ များများသောက်ပေါ့”

“ရှုး တိုးတိုးပြောပါကွ၊ သူဌေးကြားသွားပါ့မယ်၊ သည်က နွားနို့က မင်းပိုင်တာလား၊ မတော်လို့ သူဌေးသိသွားရင် အဆော်လည်း ခံရပြီး အလုပ်လည်း ပြုတ်သွားမယ်နော်”

“ဒါများ လွယ်ပါတယ်ကွာ၊ မသိအောင် ခိုးသောက်မှာပေါ့၊ သူဌေးလစ်တဲ့အချိန်ဆို ပြေးလာခဲ့လေ၊ ငါ အသင့်ဖျော်ထားပေးမယ်၊ ဟုတ်ပြီလား”

“တကယ်လားဟင်”

“တကယ်ပေါ့”

“ဖြစ်ပါ့မလားကွာ၊ မတော်လို့ သူဌေးသိသွားရင် ဆော်မှာကွ”

“ဖိုးချောကလည်းကွာ၊ ဒါတွေ ငါ့တာဝန်ထားစမ်းပါ၊ သူဌေးလုံးဝမသိစေရဘူး၊ သိရင်လည်း ငါ တာဝန်ယူမယ်”

“အေးပါ ဟုတ်ပါပြီ၊ လူတစ်ယောက်မှာ တစ်နေ့ဆိုရင် နွားနို့ (၃)ခွက်ထက်မပိုသင့်ဘူးတဲ့”

“ဟုတ်လား၊ ဒါဆို မနက်စာ(၁)ခွက်၊ နေ့လယ်စာ(၁)ခွက်၊ ညစာ (၁)သောက်ကြမယ်လေ”

“အေး ဟုတ်ပြီ၊ မင်းလည်း သောက်ရမယ်နော်ဖိုးသား”

“အေးပေါ့ သောက်မှာပေါ့၊ ငါကတော့ ဖျော်ဆရာမို့ ဘယ်အချိန်သောက်သောက်ရတယ်၊ မုန့်တွေလည်း စားချင်သလောက်စားလို့ရတယ်၊ ခုပဲသောက်ကြမလား၊ သူဌေးသူ့အခန်းထဲမှာထင်တယ်”

ဖိုးသား ဆိုင်အတွင်း အရေိပ်အကဲကို ကြည့်လိုက်သည်။ ဖိုးချောလည်း ရောယောင်ကာ ကြည့်လိုက်သည်။

“မရှိဘူးထင်တယ်၊ ခဏစောင့် ငါဖျော်ပေးမယ်၊ မနက်က မသောက်ခဲ့ဘူးဆိုတော့ နှစ်ခွက်စာဖျော်လိုက်မယ်၊ ငါရောနှစ်ခွက်သောက်မှာဆိုတော့ လေးခွက်စာပေါ့”

“ဖြစ်ပါ့မလား၊ မတော်လို့ နွားနို့တွေလျော့နေတာ သူဌေးသတိထားမိသွားရင်”

“သတိမထားမိပါဘူးကွာ၊ နွားနို့တွေသည်လောက်ပေါတာ၊ စိတ်ချစမ်းပါ၊ ငါဖျော်တာ ဘယ်လောက်စွမ်းသလဲဆိုတာ သေချာကြည့်ထားဦး”

ဖိုးသားက လက်စွမ်းပြနေသည်။ ဖိုးသား၏ ကျွမ်းကျင်မှုကြောင့်  ဖိုးချောခမျာ “၀ိုး” ကနဲ့ အံ့သြနေရသည်။

“မင်း တကယ်တော်တာပဲ၊ ဖျော်ဆရာပီသပါပေတယ်”

“ဒါပေါ့ကွ၊ ရော့သောက်လိုက်၊ ငါ့ ဖို့ဖျော်လိုက်ဦးမယ်”

ဖိုးချောက သူဌေးမြင်သွားမည်စိုးတာကြောင့် မြန်မြန်သောက်လိုက်သည်။

“ကောင်းလား ငါဖျော်တာ”

“ကောင်းတယ်၊ မင်းဖျော်လို့ ကောင်းတာမဟုတ်ပါဘူးကွာ၊ နွားနို့ကိုက အစကတည်းကကောင်းပြီးသား”

“ဟား ဟား ဖိုးချော မင်းတကယ်အပြောတတ်တယ်”

ဖိုးသားက ဖျော်ရင်း ရယ်မောနေလေသည်။ ဖျော်ပြီးသွားသဖြင့် ဖိုးသားလည်း သောက်လိုက်သည်။

“ဒါနဲ့ မင်း လူပြတ်ရင် စာမကျက်ပဲ ဘာတွေလုပ်နေလဲ၊ မင်း အမှတ်တွေလျော့နေတယ်နော်၊ စာလည်း ကြိုးစားဦး၊ ဂေဟာမှူးသိရင် မလွယ်ဘူး”

“ငါ ကျောင်းမနေချင်တော့ဘူးဖိုးချော”

“ဖိုးသားကလည်း ကျောင်းတော့နေပါကွာ၊ အမှတ်မကောင်းချင်နေပါစေ၊ အောင်ရင်ပြီးရော့၊ အဲ့ဒါကြောင့် ကျောင်းတော့မထွက်ပါနဲ့”

“ငါ အလုပ်လုပ်ပြီး ပိုက်ဆံရှာချင်တာပဲသိတယ်ဖိုးချော၊ ပိုက်ဆံရှာနိုင်မှ ငါတို့ အိမ်လေးဝယ်ပြီး အတူတူနေနိုင်မှာ”

“ဖိုးသားရယ်၊ မင်းကို ဘယ်လိုပြောရမလဲ၊ တကယ်တော့ ငါ့မှာလည်း ရည်မှန်းချက်ရှိတယ်၊ ငါ့ရည်မှန်းချက်က ပိုက်ဆံစုပြီး….”

ဖိုးချောက ပြောလက်စ ဆက်မပြောတော့ပဲ ခေါင်းရမ်းလိုက်သည်။

“ဘာဖြစ်လို့လဲဟင်၊ ဆက်ပြောလေ၊ ပိုက်ဆံစုပြီး ငါနဲ့ အတူတူနေမယ်လို့ ပြောမလို့လား”

“မဟုတ်ဘူး၊ ငါ့စိတ်ကူးက အဲ့လိုမဟုတ်ဘူး၊ တခြားဟာ…”

ဖိုးချောဆီက မမျှော်လင့်သောစကားကြောင့် ဖိုးသားပါးစပ်လေးပိတ်သွားသည်။

“ထားပါတော့ကွာ၊ မင်းသိလည်း ဘာကောင်းတာမှ ရှိမှာမဟုတ်ဘူး၊ မင်းက ငါနဲ့ အတူတူနေချင်လို့ ပိုက်ဆံစုမယ်၊ ကျောင်းထွက်မယ်၊ အဲ့လိုဆိုတော့ ငါ့ကြောင့် ဖြစ်သွားတာပေါ့၊ အဲ့လိုဆိုရင်  ငါစိတ်ကောင်းမှာမဟုတ်ဘူး၊ ဒါ့ကြောင့် မင်းကျောင်းကို ဆက်နေပါကွာ”

“အေးပါကွာ၊ ငါ တတ်နိုင်သလောက်ကြိုးစားပါ့မယ်”

“ဒါဆို ငါသွားလိုက်ဦးမယ်”

ဖိုးချောက အပြေးကလေးထွက်သွားသည်။

“ဖိုးချော”

ဖိုးသားက လှမ်းခေါ်လိုက်သဖြင့် ဖိုးချောလှည့်ကြည့်လိုက်သည်။

“ဖိုက်တင်း”

ဖိုးသားက လက်သီးဆုပ်ပြလိုက်သည်။ ဖိုးချောကလည်း ပြုံးပြုံးလေးနဲ့ “ဖိုက်တင်း” ဆိုပြီး ပြန်လည် လက်သီးဆုပ်ပြလိုက်သည်။

“ဖိုးချောရေ”

ဖိုးချော ဖြတ်ပြေးသွားတော့ သူဌေးက ခေါ်သဖြင့် ဖိုးချော လန့်သွားသည်။ ခုနက ဖိုးသားပြောနေသည့် နွားနို့ခိုးသောက်သည့်ကိစ္စ သူဌေးသိသွားသဖြင့် ဆူတော့မည်လားဆိုပြီး စိုးရိမ်မိသွားသည်။

“ဗျာ ဟုတ် ဟုတ်ကဲ့သူဌေး”

“မနက်ဖြန် မင်းတို့ ကျောင်းပိတ်တယ်မလား”

“ဟုတ်ကဲ့ပိတ်ပါတယ်သူဌေး၊ ဘာဖြစ်လို့လဲ”

“အေး ဒါဆို မနက်ဖြန်ကျ ဆိုင်ကို စောစောလာခဲ့ကွာ၊ မင်း ငါနဲ့ ဈေးလိုက်ခဲ့ရမယ်”

“သြော် ဟုတ်ကဲ့”

သူဌေးကလှည့်သွားသဖြင့် ဖိုးချောအပူလုံးကျသွားရသည်။

“ဟူး” ကနဲ့ သက်ပြင်းချလိုက်မိသည်။

ည(၁၀)နာရီခွဲလို့ ဆိုင်သိမ်းတော့ ဖိုးချောနဲ့ဖိုးသားတို့ ပြန်ဖို့ပြင်ဆင်ကြသည်။ ခါတိုင်းလိုပဲ ပြန်တော့ ဆိုင်မှ ပိုလျှံသော စမူဆာမုန့်၊ အကြော်အကြွင်းအကျန်နဲ့၊ ကိတ်မုန့်အကျိုးအပဲ့လေးများကို ကြွပ်ကြွပ်အိတ်နဲ့ ထုပ်ပိုးထည့်ပြီး ဂေဟာက ကလေးတွေအတွက် ယူဆောင်လာဖြစ်ခဲ့သည်။ ဆိုင်ရှင်သူဌေးက ခါတိုင်းလိုက်ပို့နေကျဖြစ်သော်လည်း ဖိုးချောနဲ့ ဖိုးသားတို့က အားနာတတ်သဖြင့် သွားနေကျလမ်းမို့ ဘာမှစိတ်ပူစရာမရှိဘူးဟုဆိုကာ ကိုယ်တိုင်ခြေကျင်ပြန်ခဲ့ကြသည်။ 

အပြန်လမ်းမှာ သူလိုက် ကိုယ်ပြေးတမ်းကစားကြသည်။ ရုပ်ရှင်ထဲကလို ဖိုက်ခန်းတွေ သိုင်းကွက်တွေနင်းပြီး ကစားကြသည်။ 

Xxxxxxxxxxxxxxxxxxxxx

မနေ့က သူဌေးကပြောထားသည့်အတိုင်း ဖိုးချောအား ရှော့ပင်းသို့ခေါ်သဖြင့် သူဌေး၏ဆိုင်ကယ်နောက်မှာ ဖိုးချောလိုက်ပါလာခဲ့ရသည်။ ဖိုးသားကတော့ ဆိုင်မှာ မရှိမဖြစ်အရေးကြီးသော ဖျော်ဆရာမို့ နေခဲ့စေခဲ့သည်။ 

သူဌေးက ရှော့ပင်းရောက်တော့ ဆိုင်မှာ လိုအပ်သည့် နို့ဆီဗူး၊ ကော်ဖီမစ်၊ လက်ဖက်ရည်မှုန့်ထုပ်၊ ကိတ်မုန့်မျိုးစုံ၊ ဂျုံမှုန့်၊ ပဲမှုန့်၊ ကုလားပဲမှုန့်အစရှိသဖြင့် ၀ယ်ခဲ့ပြီး ကြွပ်ကြွပ်အိတ်ကြီးထဲ ထုပ်ပိုးကာ ထည့်သိမ်းလိုက်သည်။

“ဟုး သည်လောက်ဆိုင်သေးသေးမှာတောင် ၀ယ်စရာတွေက ဘာလို့ သည်လောက်လိုအပ်နေရတယ်မသိပါဘူး၊ အမြတ်လည်း များများမကျန်ဘူးကွာ၊ စိတ်ညစ်တယ်”

သူဌေး၏ ညည်းညူသံကို ဖိုးချောကြားလိုက်ရသည်။

သူဌေး အမြတ်များများမကျန်ဘူးတဲ့၊ ဖိုးချောတို့ နို့ဆီတွေခိုးသောက်လို့များလားဆိုပြီး စိတ်မကောင်းဖြစ်မိသွားရသည်။ 

သူဌေးက ၀ယ်ခြမ်းစရာစုံသွားပြီဖြစ်သဖြင့် အထုပ်အပိုးများကို ရှေ့ ခြင်းထဲ ထည့်တန်ထည့်သည်။ ဒူးခေါင်းကြားမှာ ညှပ်တန်ညှပ်သည်။ မနိုင်တော့သည့်အခါမှ ဖိုးချောအား နိုင်နိုင်ကိုင်ခိုင်းပြီး လိုက်ခဲ့ရန်ပြောသည်။ ဖိုးချောလည်း နောက်က တက်ခွကာ ပေါင်ကြားမှာ အထုပ်အပိုးများကို လွတ်မကျစေရန် အနိုင်နိုင်ကိုင်ထားလိုက်သည်။

“ထုပ်ထုပ်ထုပ် ထုပ်ထုပ်ထုပ် ထုပ်ထုပ်ထုပ်….”

သူဌေး၏ဆိုင်ကယ်လေးက တထုပ်ထုပ်မြည်ကာ မီးခိုးများ တအူအူထွက်လာသည်။

“ရပြီလားဖိုးချော”

“ဟုတ်ကဲ့ရပါပြီ”

“အေး ဒါဆို မောင်းပြီးနော်၊ နိုင်နိုင်ကိုင်ထား၊ လိမ့်မကျစေနဲ့”

“ဟုတ်ကဲ့”

သူဌေး၏ဆိုင်ကယ်လေးက ကားများ၊ ဆိုက်ကားများ၊ စက်ဘီးများ ဥဒဟိုပြေးလွှားနေသော လမ်းမကြီးပေါ် ပြေးလွှားနေသည်။ ဖိုးချောကတော့ လိမ့်မကျစေရန်နဲ့ အထုပ်များ လွတ်မကျစေရန် အနိုင်နိုင်ထိန်းပြီး လိုက်ပါလာရသဖြင့် ဘေးပတ်ဝန်းကျင်သို့ မငေးအား။

ထိုစဉ်မှာပင် သူဌေး၏ဆိုင်ကယ်လေးက အရိပ်ရသည့် လမ်းဘေးက ကုက္ကိုပင်အောက်ရပ်လိုက်သဖြင့် ဖိုးချောနားမလည်ဖြစ်သွားရသည်။

“ဘာဖြစ်လို့လဲသူဌေး၊ ဆိုင်ကယ်ပျက်သွားလို့လား”

“မဟုတ်ပါဘူး၊ ၀ယ်စရာမေ့ကျန်နေသေးလို့၊ ခေါင်းကလည်း တော်တော်မေ့တတ်တယ်ကွာ”

“သြော်”

သူဌေးက လမ်းဘေးဝဲယာသို့ ငေးကြည့်လိုက်သည်။ စတိုးဆိုင်သေးသေးလေးတွေ့လိုက်ရသည်။

“ဟိုနားဆိုင်မှာ ရှိလောက်တယ်၊ သွားကြည့်လိုက်ဦးမယ်၊ ဖိုးချော သည်နားမှာပဲ ငြိမ်ငြိမ်နေနော်၊ ဘယ်မှလျှောက်မသွားနဲ့၊ ဒါတွေကြည့်ထား၊ ငါ မကြာဘူး၊ ဟုတ်ပြီလား”

“ဟုတ်ကဲ့”

သူဌေးက ယာဉ်အန္တရာယ် ရှင်း မရှင်းကြည့်ရင်း လမ်းမပေါ်သို့ ဖြတ်သွားလိုက်သည်။ ဖိုးချောကတော့ လမ်းဘေးပလပ်ဖောင်းမှာ ငုတ်တုတ်ထိုင်ရင်း လက်နှစ်ဖက်မေးထောက်ကာ ကျန်ခဲ့သည်။ လမ်းမကြီးပေါ်သို့ ဖိုးချော မျက်စိရောက်သွားသည်။ လမ်းမကြီးပေါ်မှ ဗီနိုင်းအကြီးကြီးများစွာကို ဖိုးချော အလွန်စိတ်ဝင်စားစွာ ကြည့်လိုက်မိသည်။ ထိုဗီနိုင်ကြီးများစွာပေါ်တွင် ကြော်ငြာများစွာ နေရာယူထားသည်။ အောင်မြင်ကျော်ကြားနေသော မင်းသား မင်းသမီးတို့၏ ချောမောလှပသော ဓာတ်ပုံများ။ ထိုဗီနိုင်းကြီးများကိုကြည့်ကာ ဖိုးချော အလွန်အားကျမိသွားသည်။ ထို့အတူ ဖိုးချော၏ ရင်ဘတ်အတွင်းသို့ ၀ါသနာပိုးများ ကိန်းအောင်းဝင်ရောက်လာကြသည်။

ငါသာ မင်းသားဖြစ်ခဲ့ရင်…။ ငါသာ မင်းသားဖြစ်ခဲ့မယ်ဆိုရင် သည်လိုဗီနိုင်းကြီးတွေမှာ ငါ့ပုံတွေပါမှာ။ ငါ့ပုံတွေ နေရာယူနေမှာ…..။ ငါ အဲ့သည်လိုဖြစ်ချင်လိုက်တာကွာ…။

တကယ်လို့ ငါသာ အောင်မြင်တဲ့ မင်းသားဖြစ်ခဲ့မယ်ဆိုရင် ငါ ပိုက်ဆံတွေအများကြီးရှာနိုင်မှာ။ အဲ့ဒါဆိုရင် ငါ့မိဘတွေကို ရှာဖို့ လွယ်ကူချင် လွယ်ကူမှာ…။

ဒါနဲ့ အဖေနဲ့အမေက ငါ့ကို ဘာလို့ ပစ်ထားခဲ့ရတယ်မသိဘူး။ ပိုက်ဆံမရှိလို့များလား။ အဖေနဲ့အမေက သိပ်ကိုဆင်းရဲတာလား။ ပိုက်ဆံမရှိတုန်း ငါ့ကိုမွေးလို့ ခဏပစ်ထားပြီး ပိုက်ဆံရှိခါမှ ငါ့ကို ပြန်လာခေါ်မှာများလား။ တကယ်လို့ ပိုက်ဆံမရှိလို့ ငါ့ကို ပစ်ထားခဲ့တာဆိုရင် ငါလည်း ကြီးခါကျ ပိုက်ဆံများများရှာပြီး အဖေနဲ့အမေ့အတွက် အိမ်လေးဝယ်ပေးဖို့ ပိုက်ဆံစုဖြစ်အောင် စုမယ်ကွာ။ အဖေနဲ့အမေ့ကို တွေ့ချင်လိုက်တာကွာ။ သူများတွေလို ငါ့မှာလည်း အဖေနဲ့အမေရှိရင် သိပ်ကောင်းမှာပဲ။ 

တကယ်လို့သာ ငါမင်းသားဖြစ်ပြီး အောင်မြင်နေတဲ့အချိန်မှာ အဖေနဲ့အမေ့ကိုပြန်တွေ့ရင် အဖေနဲ့ အမေက သိပ်ကိုဂုဏ်ယူကြမှာ..။

ဖိုးချော မျက်လုံးလေးမှိတ်က စိတ်ကူးများစွာ ယဉ်လိုက်မိသည်။ စိတ်ကူးကမ္ဘာထဲမှာ မျောလွင့်နေသည့် ဖိုးချောမျက်နှာလေးက ပြုံးနေသည်။

“ဟေ့ယောင် ဖိုးချော ဘာတွေ တွေးနေတာလဲကွ”

အသံနဲ့အတူ ခေါင်းကို အပုတ်ခံလိုက်ရသဖြင့် ဖိုးချော အလွန်လန့်ဖျတ်သွားသည်။ ချက်ချင်း ပလူးပလဲထထိုင်လိုက်ရသည်။

“အာ….”

“ဘာတွေတွေးနေလို့ မျက်နှာက ပြုံးပြုံး ပြုံးပြုံးဖြစ်နေရတာတုန်းကွ”

“အာ ဘာ ဘာမှမဟုတ်ပါဘူးသူဌေး”

“ခုခေတ်ကလေးတွေများ ငယ်ငယ်ကလေးကတည်းက စိတ်ကူးယဉ်တတ်ကြတယ်နော်၊ ဒါတွေကြည့်ထားလို့ပြောတာ မကြည့်ပဲ တွေးချင်ရာတွေးနေတာလားကွ”

သူဌေးကပြုံးပြုံးလေးနဲ့ပြောသည်။

“သြော် မဟုတ် မဟုတ်ပါဘူး၊ ကျွန်တော်ကြည့်ထားပါတယ်သူဌေး”

“ဟင်းနော်၊ ဆင်ခြေကပေးတတ်ပါ့၊ မြန်မြန်တက်၊ ဆိုင်ကို အကြာကြီးပစ်ထားလို့မရဘူး”

ဖိုးချောလည်း ဆိုင်ကယ်ပေါ်သို့ ဖျတ်လတ်တက်ကြွစွာ တက်လိုက်သည်။

Xxxxxxxxxxxxxxxxxxxxx

“ဖိုးသား သည်မယ်ကြည့်စမ်း၊ အောင်ရဲလင်းကို အင်တာဗျူးထားတာ၊ သူ့ပုံတွေက တအားမိုက်တာပဲ၊ သူ့ဘော်ဒီက တအားမိုက်တာကွာ၊ ဗလကြီးတွေ၊ ကြွက်သားကြီးတွေနဲ့ မိုက်မှမိုက်၊ သူက သည်လိုဗလကြီးတွေရဖို့  နေ့တိုင်း ဒိုက်ထိုးတာတဲ့ကွ”

ဖိုးချောက ဂျာနယ်စာရွက်လေးယူလာပြီး လက်ဖက်ရည်ဖျော်နေသည့် ဖိုးသားဆီသို့ ပြေးကာ ပြောပြလိုက်သည်။

“ဟုတ်လား”

ဖိုးသားကလည်း ထုံးစံအတိုင်းပင် စိတ်ဝင်တစားနားထောင်လိုက်မိသည်။

“သည်မယ်ကြည့်စမ်းပါ၊ လက်မောင်းက ဗလကြီးက မိုက်တယ်နော်၊ ရင်အုံကြီးကလည်း ဖောင်းဖုနေတာပဲ၊ ချောလည်းချောတယ်နော် အောင်ရဲလင်းက၊ ငါကတော့ ကြိုက်တယ်ကွာ၊ မင်းကော မကြိုက်ဘူးလား”

“မကြိုက်ပါဘူးကွာ၊ ငါကတော့ မင်းလောက်မချောဘူးလို့မြင်တယ်”

“ဘယ်လို ငါကချောတယ်ဟုတ်စ၊ ငါ့မှာ ဗလမှမပါတာ”

“ပါအောင် မင်းလည်း ဒိုက်ထိုးလေဖိုးချော”

“ငါမှ မထိုးနိုင်တာ”

“ဖြည်းဖြည်းထိုးပေါ့ကွာ”

“ဒိုက်ထိုးတယ်ဆိုတာ ဘယ်လိုထိုးရတာလဲဟင်”

“ဖိုးချောရယ်ညံ့ပါ့၊ စာတွေပဲဖတ်နေတဲ့ကောင်က၊ သည်လိုလေကွာ ဒိုက်ထိုးတယ်ဆိုတာ၊ ငါလုပ်ပြမယ်”

ဖိုးသားက ကြမ်းပြင်ပေါ် ၀မ်းလျားမှောက်လိုက်ကာ လက်နှစ်ဖက်နဲ့ ခြေဖျားနှစ်ဖက်ကို ထောက်ပြလိုက်သည်။

“သည်လိုလုပ်ရတာလေကွာ”

ဖိုးသားက လက်နှစ်ဖက်ကိုကွေးပြီး ၀မ်းဗိုက်အား ကြမ်းပြင်သို့ ထိလိုက်သည်။ ပြီး လက်နှစ်ဖက်ကို ပြန်ဆန့်တန်းကာ ၀မ်းဗိုက်ပိုင်းအား အပေါ်သို့ မြောက်တက်လိုက်သည်။ လုပ်ရင်း လုပ်ရင်း ဖိုးသား မလုပ်နိုင်ဖြစ်ကာ အားကုန်လာသဖြင့် “အင့်” ကနဲ့ “အင့်” ကနဲ့ဖြစ်ပြီး ကြမ်းပြင်ပေါ် ဘက်ကနဲ့ မှောက်ချလိုက်သည်။

“အား မလုပ်နိုင်တော့ဘူးကွာ”

“ဟား ဟား (၅)ခါတောင်မရပါလားကွ၊ ညံ့လိုက်တာဖိုးသားရာ”

“သူများသာပြောနေ၊ မင်းကတော့ ဘယ်လောက်လုပ်နိုင်လို့လဲ”

“(၅)ခါထက်တော့ ပိုလုပ်နိုင်ပါတယ်ကွ”

ဖိုးချောက လုပ်ပြလိုက်ပြန်သည်။ 

“တစ်၊ နှစ်၊ သုံး၊ လေးး လေးးး အင့်..”

ဖိုးချောလည်း (၅)ကြိမ်မပြည့်မီမှာပင် ကြမ်းပြင်ပေါ် ဘက်ကနဲ့ မှောက်ကျသွားသည်။

“ဟားဟားဟား သူများကိုတော့ ပြောပြီး သူကတော့ ဘယ်လောက်လုပ်နိုင်ကျနေ ဟားဟားဟား”

ဖိုးသားက သဘောတကျရယ်နေလေသည်။

“ဟူး တကယ်မလွယ်ပါလားနော်၊ များများလုပ်နိုင်မှ ဗလဖြစ်မှာနေမှာနော်၊ ငါ မလုပ်နိုင်ဘူးဆိုတော့ ဗလတွေဖြစ်မလာတော့ဘူးပေါ့”

ဖိုးချောက ကုန်းရုန်းထရင်း ညည်းညူလိုက်သည်။

“ဖြည်းဖြည်းချင်းလုပ်ရင် လုပ်နိုင်လာမှာပါကွာ”

ဖိုးသားက အားပေးလိုက်သည်။

“အင်း ဖြည်းဖြည်းလုပ်မယ်၊ ငါ ကြီးလာရင် ဘော်ဒီလှတဲ့သူဖြစ်အောင်လုပ်မယ်”

ဖိုးချော ကြိမ်းဝါးလိုက်သည်။

Xxxxxxxxxxxxxxxxxxxxxxxxxxxxxxxxx

(၄)နှစ်ခန့်အကြာ……….။

(၁) (၂) (၃) (၄) (၅) (၆)………..(၉၉) (၁၀၀) (၁၀၁)…

ဒိုက်ထိုးခြင်း အကြိမ်အရေအတွက်(၁၀၀)ကျော်တော့ လုံလောက်ပြီဖြစ်သဖြင့် ဖိုးချော လွှားကနဲ့ မတ်တပ်ရပ်လိုက်သည်။ အကြိမ်အရေအတွက် (၁၀၀)ကျော်သော်လည်း ဖိုးချော မောပန်းမနေခဲ့။ လူမှာ လန်းဆန်းလျှက်ရှိသည်။ ချည်သားဘောင်းဘီတိုတိုလေးဝတ်ထားကာ အင်္ကျီမပါသော လည်ပင်းတွင်း ရွှေလက်စွပ်လေးအား လည်ဆွဲအဖြစ်သီကာ ဆွဲထားလျှက်ရှိသော ဘော်ဒီအပေါ်ပိုင်းတွင် ပြည့်မောက်နေသော ရင်အုံကြီးက ထင်းနေသည်။ လက်မောင်းဆီမှ ကြွက်သားကြီးများကလည်း ပြည့်ရွှန်းတုတ်ခိုင်နေသည်။ ကျစ်လျစ်တုတ်ခိုင်သော ဖိုးချောကိုယ်ခန်ဓာပေါ်မှာ ချွေးသီးများလည်း ခိုကပ်နေသည့်ပုံလေးက အလွန်ယောက်ျားပီသလှသည့်ပုံပေါက်နေသည်။ မကျဉ်းမကျယ်သော အိမ်လေးဆီမှ အလှကြည့်မှန်ဝိုင်းလေးရှေ့ မှာ ဖိုးချော ကိုယ့်ကိုယ်ကို ဘယ်ညာလှည့်ကာ ကြည့်နေသည်။ ချောမောလှပသော ရုပ်ရည်ကိုတွေ့ရသဖြင့် အလွန်ကျေနပ်နေမိသည်။

“ဒိုက်ထိုးလို့ပြီးပြီလား၊ အကြိမ်ဘယ်လောက်ထိရောက်ခဲ့လဲ”

အနားသို့ ဖိုးသားရောက်လာပြီး မေးလိုက်သည်။

“တစ်ရာကျော်တယ်ကွာ”

ဖိုးချောက ကြွားကြွားနဲ့ပြောလိုက်သည်။

“တယ်ဟုတ်နေပါလား၊ သည်လောက်မြန်တာ၊ မလိမ်နဲ့နော်”

“မလိမ်ပါဘူးကွာ၊ အကြိမ်တစ်ရာဆိုတာ ငါ့အတွက်တော့ ဘာမှကိစ္စမရှိဘူး၊ ကြည့် ငါ့ဘော်ဒီမိုက်လာလား”

“၀ိုး သိပ်မိုက်တာပေါ့၊ ရင်အုံလည်း ဖြည်းဖြည်းချင်း ဖောင်းဖုလာပါတယ်ကွာ၊ အာ ချွေးတွေ”

ဖိုးသားက ဖိုးချောကိုယ်ပေါ်မှ ချွေးတွေကို မြင်လိုက်သဖြင့် အနီးရှိကြိုးတန်းပေါ်မှ ပုဝါလေးကို ဆွဲယူပြီး သုတ်ပေးလိုက်သည်။ 

ထိုသို့ သုတ်ပေးနေစဉ် နို့သီးထိပ်လေးပေါ် ပုဝါလေးရောက်တော့ ဖိုးသား လုပ်လက်စအလုပ်ကို တဒင်္ဂ ရပ်တန့်လိုက်မိသည်။ ပန်းနုရောင်သန်းနေသည့် ဖိုးချော၏ နို့သီးချွန်ချွန်လေးက ဖိုးသားအတွက် ဘာရယ်မသိအလွန်ကြည့်ကောင်းနေမိသည်။ ဘာကြောင့် ထိုသို့ ခံစားရသည်ကို ဖိုးသားကိုယ်တိုင်ပင် မဝေခွဲတတ်။ ဖိုးသား ဘာရယ်မသိ တံတွေးကို မြိုချလိုက်မိသည်။ ဖိုးချောကတော့ မှန်ထဲသို့ကြည့်ပြီး ကိုယ့်ရုပ်ရည်ကို အားရနေသဖြင့် ဖိုးသား၏ ခံစားချက်၊ အဖြစ်များကို သတိမမူမိ။

“မင်းကော ဒိုက်မထိုးဘူးလား”

“မထိုးချင်ပါဘူးကွာ၊ အလကားနေရင်း အပင်ပန်းမခံချင်ပါဘူး၊ ဆိုင်အလုပ်တွေလုပ်ရတာနဲ့ ပင်းပန်းနေတဲ့ကြားက၊ ဘော်ဒီလှတော့ကော ဘယ်သူက ကြည့်မှာမို့လို့လဲ၊ ပြီးတော့ မင်းသားလည်း မဟုတ်ပဲနဲ့ ဘော်ဒီလှလည်း အလကားပါကွာ”

ဖိုးချောကမေးတော့ ဖိုးသား ဘာရယ်မသိ စကားတွေက အထစ်ထစ်အငေါ့ငေါ့ဖြစ်သွားရသည်။

“စောင့်ကြည့်နေပါဖိုးသားရာ၊ ငါတစ်နေ့ အောင်မြင်တဲ့ မင်းသားတစ်ယောက်ဖြစ်အောင် ကြိုးစားပြမယ်”

“ဟား ဟား ပြောတော့လွယ်လိုက်တာဖိုးချောရယ်၊ မင်းသားဖြစ်ချင်တဲ့မင့်းကို ဘယ်သူက မင်းသားမြှောက်ပေးမှာမို့လို့လဲကွ”

“တစ်နေ့နေ့တော့ ပေါ်လာမှာပါကွာ”

“အရူးလိုပဲ မြှောက်ပေးမဲ့သူကို စောင့်နေပါတော့ဖိုးချောရေ့. ဟေ့ ဟေ့ ဟေ့”

ဖိုးသားပြောတော့ ဖိုးချောမျက်နှာလေးလည်း ညှိုးရော်သွားရသည်။ စိတ်ကသာ မင်းသားဖြစ်ချင်နေသည်။ ဖိုးချောလက်ထဲမှာ ငွေက တစ်ပြားမှမရှိ။ ကိုယ်တိုင်ကမိဘမဲ့၊ ဆွေမျိုးအသိုင်းအ၀ိုင်းဆိုတာ ဗလာနတ္ထိနဲ့ ဖိုးချောအား ဘယ်သူများ မင်းသားမြှောက်ပေးပါ့မည်လဲ။ ဘယ်တော့များမှ ပေါ်လာပါတော့မည်လဲ။

ညှိုးရော်သွားသည့် ဖိုးချောမျက်နှာလေးကို ကြည့်ပြီး ဖိုးသားလည်း စိတ်မကောင်းဖြစ်သွားရသည်။ ဖိုးသား၏ အဖျက်ဆောင်သည့် စကားတွေက ဖိုးချောစိတ်ကို အောက်ကျသွားစေခဲ့လေသလား။ မဖြစ်နိုင်သည့်အိပ်မက်မျိုးကို ဖိုးချောအားမမက်စေလို။ တကယ်တမ်းတော့ ဖိုးချောဆန္ဒမှန်သမျှ လိုက်လျောပေးလေ့ရှိခဲ့ပေမဲ့၊ ဖိုးချောအပေါ်မှာ အတတ်နိုင်ဆုံး အနွံတာခံခဲ့လေ့ရှိခဲ့ပေမဲ့ ယခု  ဖိုးချော၏ မင်းသားဖြစ်ချင်သည့် ဆန္ဒကိုတော့ ဖိုးသား ဘယ်လိုမှ ဖြည့်ဆည်းမပေးနိုင်ခဲ့။ ဘော်ဒီလှချင်သည့် ဖိုးချော၏ဆန္ဒကိုတော့ ဖိုးသား အတတ်နိုင်ဆုံးဖြည့်ဆည်းပေးခဲ့သည်။ လေ့ကျင့်ခန်းလုပ်ဖို့ ဖိုးချောအားအချိန်ပေးသည်။ ဖိုးသားသာ ထမင်းချက်သည်။ အခန်းတွင်း သန့်ရှင်းရေးလုပ်သည်။ ခန်ဓာကိုယ်အားကောင်းစေသည့် နွားနို့တစ်ခွက် ဖိုးချောအတွက် အမြဲတမ်းအဆင်သင့်ဖြစ်စေခဲ့သည်။

“ထားပါတော့ကွာ၊ သည်နေ့ ဘာချက်လဲ”

“ မင်းကြိုက်တဲ့ ဆလတ်ရွက်ချက်ထားတယ်၊ ငရုတ်သီး သရက်သီးထောင်းလည်းပါတယ်”

 “အိုကေ ငါ့အကြိုက်အတိုင်း လုပ်ပေးလို့ ကျေးဇူးပဲ၊ မင်းပဲနေ့တိုင်းချက်နေရတာ အားနာတယ်ကွာ၊ နောက်နေ့ ငါချက်ပါ့မယ်”

“မင်းလိုအပျင်းကများ၊ မလိုပါဘူးကွာ၊ အားနာတယ်ဆိုတာ ဘာမှန်းတောင်မသိတဲ့ကောင်က၊ မြန်မြန်သွားရေချိုးချေ၊ ငါလည်း ချိုးရဦးမယ်၊ မင်းရေချိုးနေတုန်း ငါပန်းကန်တွေဆေးထားလိုက်မယ်၊ ပြီးရင် မင့်ဘာသာ ခူးခပ်စား”

“အိုကေ”

ရေချိုးခန်းထဲ ၀င်သွားသည့် ဖိုးချော၏ ကျောပြင်လေးကို ဖိုးသား မျက်တောင်မခတ်တမ်းစိုက်ကြည့်နေမိသည်။ ယောက်ျားဆန်လွန်းလှသည့် ဖိုးချော၏ကိုယ်လုံးက ဖိုးသားအတွက် တံတွေးကို မျိုချနေရစေသည်။

ဖိုးသား ခေါင်းကို ခပ်ကြမ်းကြမ်း ခါရမ်းလိုက်သည်။

ငါ ဘာဖြစ်နေတာလဲ။ ငါ ဘာကြောင့် ဖိုးချောကို သည်လောက်ကြည့်နေမိပါလိမ့်။

Xxxxxxxxxxxxxxxx

ညစာစားပြီးသွားတော့ ဖိုးသားက ဖိုးချောကြည့်လေ့ရှိသည့် ဖက်ရှင်မဂ္ဂဇင်း၊ ကွာလတီမဂ္ဂဇင်းထူထူကြီးများကို စိတ်မပါတပါဖြင့် ဟိုသည်လှန်လှောကြည့်နေသည်။ နောက်တွင်တော့ ရုပ်ရှင်ကားတစ်ကားနဲ့ ဖိုးချောတစ်ယောက်အလုပ်ရှုပ်နေသည်။

“ဘယ်လို ရှင့်အချစ်ကို လက်ခံရမယ်ဟုတ်လား၊ ရယ်ရတယ်၊ ရှင့်လို ဘာစောက်ဖိုးမှမတန်၊ အလုပ်မရှိအကိုင်မရှိ၊ လူ့ငခွေး၊ လူ့ငနွား၊ လူ့သစ်တုံးလိုကောင်၊ ဘာမှသုံးစားမရတဲ့ အမှိုက်လိုကောင်ကို ကျွန်မ ပြန်ချစ်ရမယ်တဲ့ ဟုတ်လား ရယ်ရတယ်၊ ဖြတ်ပျံသွားတဲ့ငှက်တောင် ကြားရင်ရယ်လိမ့်ဦးမယ်၊ ရှင့်လိုလူမျိုး စိတ်ကူးထဲတောင်မထည့်ဘူးမှတ်၊ ရှင့်လိုလူမျိုးရဲ့အချစ်ကို လက်ခံရမဲ့အစား တိရစ္ဆာန်တစ်ကောင်ရဲ့ အချစ်ကိုလက်ခံလိုက်မယ်ရှင်းလား”

မင်းသမီးတစ်ဦး၏ အသံစူးစူးပေါ်လာပြီးနောက်မှ လက်ဟန်ခြေဟန်များနဲ့ ဖိုးချော၏အသံက ထွက်လာသည်။

“ချစ်မရယ် ကိုယ့်အချစ်ကို လက်ခံစမ်းပါကွာ၊ ကိုယ် ချစ်မကို ဘယ်လောက်ချစ်တယ်ဆိုတာ ချစ်မလည်း သိသားနဲ့၊ ချစ်မအတွက်ဆိုရင် ကိုယ် မီးပင်လယ်ကိုလည်း ဖြတ်ရဲတယ်၊ ဓားတောင်ကိုလည်း ကျော်ရဲတယ်၊ ယုံပါချစ်မရယ်”

“တိတ်စမ်း၊ နမိတ်မရှိ နမာမရှိ ရှင့်ရဲ့စကားတွေကို နားထောင်ဖို့ အချိန်ဘူး၊ ကျွန်မလက်ကို လွှတ်လိုက်စမ်း၊ လွှတ်ဆိုလွှတ်နော်၊ လွှတ် လွှတ်”

“ချစ်မရာ ကိုယ်တောင်းဆိုပါတယ်၊ ကိုယ့်ကို သနားပါဦး၊ အချိန်တိုင်း ဘာလုပ်လုပ် ၊ ဘယ်လိုနေနေ ချစ်မမှ ချစ်မစိတ်ပဲဖြစ်နေတဲ့ကိုယ့်ကိုလည်း သနားပါဦး”

“လွှတ် လွှတ် လွှတ်လို့ ဘယ်နှခါပြောရမလဲ၊ ရှင်မလွှတ်ရင် အော်လိုက်မှာ”

“ချစ်မ ချစ်မ ချစ်မ၊ ကိုယ့်ကိုမထားခဲ့ပါနဲ့ချစ်မရယ်၊ ကိုယ့်ကိုတစ်ယောက်တည်း မထားခဲ့ချင်စမ်းနဲ့၊ သည်ကမ္ဘာမှာ ကိုယ်လောက် ချစ်မအပေါ်ချစ်တဲ့ဘယ်နှစ်ယောက်ရှိလို့လဲ၊ တကယ်လို့ရှိခဲ့ရင် ကိုယ် ကိုယ့်ကိုယ်ကိုယ်သတ်သေပစ်လိုက်မယ်၊ အဲ့လောက်တောင်ပဲ ချစ်မအပေါ်ကိုယ်ချစ်တာပါ၊ ချစ်မ  ချစ်မ၊ ကိုယ့်ကို မထားခဲ့ပါနဲ့ဆို”

“ဟား ဟား ဟား အဟက်ဟက်ဟက်၊ ရယ်ရတာ အူတောင်နာတယ်၊ အဟက် ဟက်ဟက်”

အရူးလို သရုပ်ဆောင်နေသည့် ဖိုးချောအဖြစ်ကို ကြည့်ပြီး ဖိုးသားကတော့ အူပေါက်မတတ်ရယ်နေသည်။

“ဘာလဲ ငါ သရုပ်ဆောင်တာ အရမ်းပီပြင်တယ်မဟုတ်လား”

“ပီပြင်သလား မပီပြင်ဘူးလားတော့ မသိပေမဲ့ မင်းလုပ်ပုံက အရူးနဲ့တူနေတယ် အဟက် ဟက် ဟက်”

“မင်းနော်၊ အားမပေးချင်ဘူးဆိုရင်လည်းနေပါကွာ၊ မကောင်းတော့ မပြောပါနဲ့”

ဖိုးချောက စိတ်ဆတ်သလိုနဲ့တီဗွီကို ပိတ်လိုက်ပြီး အခွေထုတ်ကာ နောက်တစ်ခွေကိုထည့်လိုက်သည်။

“အေးပါကွာ၊ နောက်ဆိုမကောင်းမပြောတော့ပါဘူး၊ မင်းလုပ်ပုံကြောင့် ငါ ကောင်းကောင်းအိပ်လို့မရဘူးကွ”

“ဒိုင်း ဒိုင်း ဒိုင်း ဒင် ဒင် ဒင် ဒုန်း ဒုန်း ဒုန်း”

“အောင်မလေး”

ကျယ်လောင်သော သီချင်းတီးလုံးသံကြောင့် ဖိုးသားနားကိုပိတ်လိုက်ပြီး ခုတင်ပေါ်မှဆင်းကာ အောက်စက်အား ပြေးပိတ်လိုက်သည်။

“ဘာလို့သည်လောက်အကျယ်ကြီးဖွင့်တာလဲကွ၊ ဘေးအိမ်တွေက ရဲကိုတိုင်ရင် ဘယ်နှယ့်လုပ်မလဲ”

“ဘာဖြစ်လဲကွာ၊ လူငယ်ဆိုတော့ သည်လောက်တော့ရှိမှာပေါ့၊ လူကြီးတွေက နားလည်ပေးပါမှာ”

“ဖိုချောရာ၊ မင်းအဲ့လိုမလုပ်စမ်းပါနဲ့”

“ဘာဖြစ်လဲ ငါ ၀ါသနာပါလို့ ငါလုပ်တာဘာဖြစ်လဲ၊ ငါ့ဝါသနာကို အားမပေးချင်နေ မကောင်းပြောတာတော့ ငါနည်းနည်းမှမကြိုက်ဘူးရှင်းလား”

ဖိုးချောက မုန်ယိုနေသော ဆင်တစ်ကောင်လို ဒေါသတွေ အလိပ်လိပ်ထွက်နေသည်။

“ငါတောင်းပန်ပါတယ်ကွာ၊ ငါ နောက်ဆို မကောင်းမပြောတော့ပါဘူးလို့ကတိပေးပါတယ်နော်”

“ကိုယ့်အမှား ကိုယ်သိတာ မင်္ဂလာတစ်ပါးပဲကောင်ရေ့”

ဖိုးချောက ခနဲ့တဲ့တဲ့လေးပြောလိုက်သည်။

“ညဥ့်လည်း နက်ပြီ အိပ်ပါတော့ကွာ နော်၊ မနက်ကျ ဆိုင်လည်း သွားရဦးမှာ၊ မနက်ဖြန်လစာထုတ်မယ်မဟုတ်လား၊ နောက်ကျလို့မဖြစ်ဘူး၊ ငါ နွားနို့ဖျော်လိုက်မယ်နော်”

ဖိုးသားက နွားနို့ဖျော်ရန် ခပ်သုတ်သုတ်လေး ပြေးထွက်သွားသည်။ ဖိုးချောက တီဗွီကို ပိတ်လိုက်ပြီး ခုတင်ပေါ် ဗိုင်းကနဲ့ ပစ်လှဲချလိုက်သည်။

ခဏကြာတော့ နွားနို့တစ်ခွက်နဲ့ ဖိုးသားရောက်လာသည်။

“ရော့”

ဖိုးသားပေးတော့ ဖိုးချော ထလိုက်ကာ မော့သောက်ချလိုက်သည်။

“ဘာကြည့်တာလဲ၊ လူကို မမြင်ဖူးတာကျနေ၊ ရော့ သွားဆေးချေ”

“ဟုတ်ကဲ့ မိန်းမ”

“မင်းနော် ငါလုပ်လိုက်ရ..”

ဖိုချောက လက်သီးနဲ့ ရွယ်လိုက်တော့ ဖိုးသားကုပ်လိုက်ပြီး ရှိခိုးပုံစံလေးလုပ်လိုက်သည်။

“ဟဲ ဟဲ ဟဲ ငါက စတာပါကွာ၊ မင်းစိတ်ဆိုးနေပုံလေးက မိန်းမလေးကျနေတာပဲ ချစ်စရာလေး”

ဖိုးသားပြောပြီးပြီးချင်း ဖန်ခွက်ဆေးရန် ဖျတ်ကနဲ့ ပြေးထွက်သွားသည်။ 

“အာ သည်ကောင် သည်လောက်ရှိလှတာ”

ဖိုးချောက အနီးရှိခေါင်းအုံးနဲ့ ပစ်ပေါက်ချလိုက်သည်။ ဖိုးသားကိုတော့ ထိမှန်သွားခဲ့။

ဖန်ခွက် ဆေးပြီး ပြန်ထွက်လာတော့ ဖိုးချောအိပ်နေတာတွေ့သည်။ ဖိုးသားလည်း မီးမှိတ်လိုက်ပြီး ဖိုးချောဘေးမှာ ၀င်အိပ်လိုက်သည်။

“မင်း ဟိုဘက်တိုး”

ဆိုကာ ဖိုးချောက ခြေထောက်နဲ့ကန်လိုက်သဖြင့် ဖိုးသား ကုတင်ပေါ်က လိမ့်ကျသွားသည်။ ဖိုးသားကတော့ ပြုံးပြုံးကလေးသာရှိနေသည်။

Xxxxxxxxxxxxxxxxxxxx

“ဟေ့ယောင် မပြီးသေးဘူးလားကွ”

အိမ်ရှေ့ က ဖိုးသား၏ ခေါ်သံကို ဖိုးချောကြားလိုက်ရသည်။ ဖိုးသားက ချည်သားဘောင်းဘီတိုလေးနဲ့ ရှပ်လက်တိုအညိုရောင်ဖျော့ဖျော့လေးကို မြန်မြန်သွက်သွက်ဝတ်နေသည်။ အ၀တ်အစားဝတ်ပြီးတော့ မှန်ရှေ့ အပြေးရပ်ကာ ကေလေးကို ဂျယ်လိမ်းလိုက်သည်။ မျက်နှာပေါ်သို့တော့ ကရင်(မ်)ပါးပါးလေးလိမ်းလိုက်သည်။ အားလုံးပြီးဆုံးသွားတော့ အပြေးကလေး အခန်းအပြင်သို့ ထွက်လိုက်သည်။ အပြင်ဘက်ရောက်တော့ ဂျင်းဘောင်းဘီပွပွ၊ ရှပ်လက်တို အဖျော့ဖျော့ပွပွထားသည့် ဖိုးသားအား စက်ဘီးလေးအား ဖုန်သုတ်နေသည်ကို တွေ့လိုက်ရသည်။

“ပြီးပါပြီကွာ”

“ကြာလိုက်တာကွာ၊ မင်းလုပ်နေပုံက မင်းသားကျနေတာပဲ”

“ဟုတ်တယ်လေ၊ ငါက မင်းသားလေးကွာ၊ အဲ့ဒါကြောင့် လှလှပပလေး ပြင်ဆင်ရမှာပေါ့၊ အလှပြင်ဖို့ အချိန်ပေးရမှာပေါ့ ဟဲ ဟဲ”

ဖိုးချောက ရယ်ကျဲကျဲလေးနဲ့ နောက်လိုက်သေးသည်။

“ဟုတ်ကဲ့ပါမင်းသားကြီးရယ်၊ အလှပြင်ဖို့ အချိန်ပဲပေးနေပေါ့၊ နောက်ကျလို့ သူဌေးက ဆူရင် မင့်တာဝန်ပဲ”

“စိတ်ချစမ်းပါ၊ သူဌေးက ဆူရင် အာဘွားလေးပေးပြီး ချော့လိုက်မယ်လေ ဟဲ ဟဲ”

“မင့်လုပ်ပုံနဲ့တော့ မြန်မြန်တက် သွားမယ်”

စက်ဘီးလေးတစ်စီးတည်းနဲ့ ဖိုးချောနဲ့ဖိုးသားတို့ နေ့စဉ်အလုပ်သွားနေကျဖြစ်သည်။ ဖိုးသားက ဖိုးချောအား ပင်ပန်းမှာ စိုးတာကြောင့်ထင်သည်။ ဘယ်တုန်းကမှ နောက်က လိုက်မစီးခဲ့။ ဖိုးချောကသာ နောက်ကနေ ဇိမ်ကျကျလိုက်ပါလာစေခဲ့သည်။ ဖိုးသားကလည်း အခုလို ဖိုးချောအား နောက်ကနေ တင်ခေါ်ရခြင်းကို စိတ်ထဲအလွန်ကျေနပ်နေခဲ့မိသည်။

နောက်မှာ ဖိုးချောလိုက်ပါပြီး ဖိုးသားစီးနင်းနေသော စက်ဘီးလေးက နံနက်ခင်းလေနုနုကြား ယာဉ်ကြောများ မရှုပ်တရှုပ်ရှိသည့် လမ်းမကြီးပေါ်မှာ ပြေးလွှားနေသည်။ နှစ်ဦးစလုံး၏ စိတ်တို့သည် နံနက်ခင်းလေနုနုကြားမှာ ပွင့်အာစ နှင်းဆီလေးလို လန်းဆန်းလျှက်ရှိနေကြသည်။

ညနေခင်းရဲ့ လေပြေထဲမှာxxx 

မေ့ဆံနွယ်တွေ တောင်ပံဖြန့်တဲ့အခါxxxx

ကျေးငှက်ကလေးတွေ ရှက်သွေးဖြာxxxx

ကျေးငှက်ကလေးတွေ တေးမဆိုတော့ပါxxxxxx

ဟိုမှာ မြက်ခင်းစိမ်းများ ဦးညွတ်လို့ xxxxx

မေလာရာ လမ်းခင်ပေးကြမှာxxxxxx

နောက်မှာ တက်ခွရင်း လိုက်ပါလာသော ဖိုးချောက အနုပညာဝါသနာပါသူပီပီ ခံစားချက်ပါပါနဲ့ သီချင်းများကို ဆိုညည်းနေသည်။ ဖိုးသားကလည်း နောက်သို့လှည့်ကြည့်ပြီး သိပ်ကောင်းသည်ဆိုသည့်သဘောနဲ့ လက်မထောင်ပြနေသည်။ ဖိုးသားချီးကျူးသည်ကို သီချင်းထဲမျောပါနေသည့် ဖိုးချောက ဂရုမစိုက်နိုင်အား။ ပြုံးမပြနိုင်အား။ မျက်လုံးမှိတ်။ အသံများအားယူရင်း..။

မေ့ဆံနွယ်လေးတွေ သံစဉ်တေးလိပ်ပြာ xxxx

ဆံပင်တွေကို နမ်းတဲ့အခါxxxx

ဆံနွယ်လှတာxxxxx

Xxxxxxxxxxxxxxxxxxxxxxxxxxxxxx

“အိုကေ လက်ဖက်ရည်ချိုဆိမ့်တစ်ပွဲ၊ ကျဆိမ့်တစ်ပွဲနဲ့ ပလာတာနှစ်ပွဲဟုတ်ပြီနော်”

“ဟုတ်ပါတယ်”

“အိုကေ ရမယ်ခဏစောင့်ပါ၊ လက်ဖက်ရည်ချိုဆိမ့်တစ်ပွဲနဲ့ ကျဆိမ့်တစ်ပွဲတဲ့”

ဖိုးချောက ဖိုးသားဘက်သို့ လှမ်းအော်ပြောလိုက်သည်။ ဖိုးသားလည်း အမြန်ပြင်ဆင်လိုက်သည်။ ဆိုင်အတွင်းမှာ ဖွင့်ထားသည့် သီချင်းသံလေးနဲ့အတူ ဖိုးချောကိုယ်လေး မြူးကြွနေသည်။ သံစဉ်တီးလုံးအတိုင်း ကိုယ်ကို ယိမ်းရင်း ပလာတာနှစ်ပွဲသွားယူလိုက်သည်။

“အမှတ်တမဲ့နဲ့ တွေ့ရှိခဲ့တဲ့ တောက်ပတဲ့ မျက်ဝန်းလေးများxxx ငါ့အသည်းကိုချုပ်ကိုင်ပြီး လှုပ်ရမ်းလို့သွားတာxxxx ဟေ့ ခေိုးခိုးပြီး ကြည့်လိုက်တိုင်း ငါ့အသည်းတွေ အရည်တွေ ပျော်ကုန်ပြီထင်တယ်၊ ပလာတာနှစ်ပွဲရပါပြီခင်ဗျာ၊ ဖြည်းဖြည်းသုံးဆောင်ပါ”

“လက်ဖက်ရည်ကကော”

“ရပါ့မယ်ခင်ဗျာ၊ ခုပဲသွားယူလိုက်ပါ့မယ် နတ်သက်ကြွေတဲ့ နတ်သမီးလားxxx နင်ဟာတကယ်ကိုလူယောင်ဖန်ဆင်းထားတဲ့လား xxxx တစ်တစ် တော့တော့ တစ်တစ်တော့တော့xxxxxရပြီလားဖိုးသား မှာထားတာ”

“ရော့ ရော့ ယူသွား၊ မှောက်မကျစေနဲ့ဦး”

“ဟုတ်ကဲ့အမေကြီး”

“ရူးနေတဲ့ကောင် ငါလုပ်လိုက်ရ”

ဖိုးသားကလက်ရွယ်တော့ ဖိုးချောက လျှာထုတ်ပြလိုက်သည်။

“ဟင်း….”

“လက်ဖက်ရည်ချိုဆိမ့်နဲ့ ကျဆိမ့် ရပါပြီခင်ဗျာ”

“အေးအေး ကျေးဇူးပဲ”

“ရပါတယ်”

“ဖိုးချောရေ ဖိုးချော”

“ရှိပါတယ်သူဌေး”

“လာဦးခဏလောက်”

“ဘာများလဲသူဌေး”

“သည်မယ်စာရင်းမှတ်ထားတဲ့အတိုင်း ဈေးထဲသွားပြီးဝယ်ခဲ့စမ်း၊ မြန်မြန်လေးနော်၊ သည်မယ်ပိုက်ဆံ၊ ဟောဟိုနားက ဆိုင်ကယ်ယူသွား၊ လမ်းမှာ ဂရုစိုက်ဦး”

“ရက်စ်ဆာ”

“ပြောင်ချော်ချော်လာမလုပ်နဲ့ သွားမှာ မြန်မြန်သွား”

“ရက်စ်ဆာ”

“သည်ကောင်ပြောလေရစ်လေလုပ်နေပြန်ပါပြီ”

“ရက်စ်ဆာ”

ဖိုးချောက မြောက်ကြွမြောက်ကြွနဲ့ ဆိုင်ကယ်လေးဆီ လှမ်းလိုက်သည်။ 

ထုပ်ထုပ်ထုပ် ထုပ်ထုပ်ထုပ်….။

“ဖိုးချော လမ်းမှာဂရုစိုက်ဦးနော်…”

ဖိုးသားက လက်ဖက်ရည်ဖျော်ရင်းက ပြေးလာပြီး လမ်းမှာလိုက်သည်။ ဖိုးချောကတော့ ဖိုးသားစကားကိုမကြားတော့ပဲ တစ်ဟုန်ထိုးမောင်းထွက်သွားသည်။ ဖိုးသား ခေါင်းရမ်းလျှက်သာ ကျန်ခဲ့သည်။

Xxxxxxxxxxxxxxxxxxxxxxxxx

ည(၁၁)နာရီထိုးတော့ ဆိုင်လေးအတွင်းမှာ သီချင်းသံများ ပျောက်ဆုံးကာ တိတ်ဆိတ်နေတော့သည်။ ကုလားထိုင်လေးပေါ်ထိုင်ရင်း စားပွဲပေါ် မျက်နှာအပ်လျှက် အိပ်ပျော်နေသူက ဖိုးချော။ ဖိုးသားကတော့ တိတ်ဆိတ်စွာနဲ့ စားပွဲများကို သန့်ရှင်းရေးလုပ်ရင်း ကုလားထိုင်များကို စားပွဲများအောက်မှာ နေရာတကျ စီစဉ်ထားသိုနေသည်။ ဖိုးချောနိုးသွားမည်စိုးသဖြင့် အသံမထွက်အောင် အတတ်နိုင်ဆုံး ထိန်းပြီး လုပ်နေသည်။ အားလုံးပြီးဆုံးသွားတော့ ဖိုးချောဘေးမှာ အသာအယာလေးထိုင်လိုက်ကာ ကလေးတစ်ယောက်လို အပြစ်ကင်းစွာ အိပ်နေသည့် ဖိုးချောမျက်နှာလေးကို ငေးကြည့်လိုက်သည်။ ဖိုးချောကတော့ အပူအပင်ကင်းစွာ အိပ်ပျော်နေသည်မှာ သွားရည်များပင် စီးကျလို့နေသည်။ ဖိုးချောအဖြစ်ကြောင့် ဖိုးသားဟက်ကနဲ့ အသံမထွက်အောင် ရယ်လိုက်မိသည်။ ထိုအရယ်လေးသည် ကြာကြာမခံတော့ပဲ ဖိုးချောဆီသို့ စူးစူးစိုက်ကြည့်ရင်း ရပ်တန့်လိုက်သည်။ ဖိုးချော၏မျက်နှာလေးကို ဖိုးသား ဘာရယ်သိ အမှိတ်မသုန် စိုက်ကြည့်နေမိသည်။ မထူမပါးနဲ့ ပန်းနုရောင်နှုတ်ခမ်း။ ထွက်ပြူစပြုနေသည့် နှုတ်ခမ်းမွှေးရေးရေးများ။ ကော့ရွှန်းနေသော မျက်တောင်နဲ့ ထူထဲနေသော နှုတ်ခုံးမွှေးများ။ ယောက်ျားဆန်လွန်းလှသည့် ဖိုးချော၏ မျက်နှာ။ ချောမွတ်နေသော ဖိုးချော၏ ပါးလေးကို ဖိုးသား ညင်သာစွာ ကိုင်လိုက်ချင်သည်။ ဖိုးသား၏ လက်ကလေးက ရပ်ထဲမှာ ၀ဲနေသည်။ ကိုင်ဖို့အတွက် မ၀ံ့မရဲဖြစ်နေသည်။ ဖိုးသား မျက်စိကို စုံမှိတ်လိုက်ပြီး အားတင်းလိုက်သည်။ ပြီးမှ ဖိုးချော၏ ပါးလေးကို ထိလိုက်သည်။ ထိုစဉ်မှာပင် ဖိုးချော လူးလွန့်လာသဖြင့် ဖိုးသားအလွန်လန့်ဖျတ်ပြီး မတ်တပ်ရပ်လိုက်ရသည်။

“၀ါး ဆိုင်သိမ်းချိန်ရောက်ပြီလား၊ အို ကုလားထိုင်တွေတောင် သပ်သပ်ရပ်ရပ်စီထားပြီးပြီပဲ၊ ကျေးဇူးပဲဖိုးသား”

ဖိုးချောက မတ်တပ်ရပ်ကာ သွားရည်များသုတ်လိုက်ပြီး အညောင်းဆန့်လိုက်ရင်း 

“လစာကော ထုတ်ပေးပြီးပြီလား”

မေးလိုက်သည်။

“မပေးသေးဘူး၊ အခုပဲသွားတောင်းမလို့၊ သူဌေးက အိပ်နေပြီထင်တယ်၊ လာ သူဌေးအခန်းထဲသွားမယ်”

နှစ်ယောက်သား သူဌေးအခန်းဆီသို့ ထွက်ခဲ့လိုက်သည်။ အခန်းရှေ့ ရောက်တော့ ဖိုးသားက တံလါးခေါက်လိုက်သည်။

“သူဌေး သူဌေး ဒေါက် ဒေါက် ဒေါက်”

တံခါးခေါက်သံကြောင့် အိပ်ပျော်နေသည့် သူဌေးနိုးသွားကာ မျက်မှန်ကို ကောက်တပ်လိုက်ရင်း တံခါးဖွင့်ပေးလိုက်သည်။

“ဆိုင်သိမ်းလိုက်ပြီလား”

“စုတ်ကဲ့သူဌေး၊ အားလုံးသပ်သပ်ရပ်ရပ်ရှိနေပါပြီ”

“အေးကွယ် တာဝန်ကျေပါတယ်”

“ရော့ ဒါက မင်းတို့အတွက်လစာ၊ ဒါက မုန့်ဖိုး၊ လိုအပ်တာဝယ်၊ စားချင်တာဝယ်စား၊ ဟုတ်ပြီလား”

သူဌေးက လစာအိတ်နဲ့အတူ အပိုမုန့်ဖိုးအဖြစ်တစ်ယောက်တစ်သောင်းစီပေးတော့ ဖိုးချောနဲ့ဖိုးသားတို့ ၀မ်းသာစွာ ယူလိုက်ကြသည်။

“ကျေးဇူးတင်လိုက်တာ သူဌေးရာ”

“ရပါတယ်ကွာ၊ လိမ္မာတဲ့ မင်းတို့အတွက် ငါ သည့်ထက်ပိုလုပ်ပေးသင့်တာ”

“အာ ရပါတယ်သူဌေးရာ၊ သည်လောက်ဆိုရင်ပဲ ကျွန်တော်တို့က ကျေးဇူးတင်လွန်းလှပါပြီ”

“အေးကွယ်သွားကြတော့၊ ငါလည်း အိပ်ငိုက်လွန်းလို့ အိပ်တော့မယ်၊ လမ်းမှာ ဂရုစိုက်သွားကြဦး၊ ဘားတွေ၊ ကလပ်တွေဘာတွေ ၀င်မနေကြနဲ့”

“အာ သူဌေးကလည်း ကျွန်တော်တို့က အဲ့လိုလူစားတွေမို့လို့လား”

“အေးပါကွာ၊ ငါ့တပည့်တွေအကြောင်း ငါကောင်းကောင်းသိတာပေါ့၊ သွားကြတော့”

“ဟုတ်ကဲ့”

နှစ်ယောက်သား သူဌေးကို ရိုသောဦးညွတ်နှုတ်ဆက်ကာ စက်ဘီးလေးဆီ လှမ်းလိုက်ကြသည်။ ဖိုးသားက စက်ဘီးလေးကို ထုတ်လိုက်သည်။ ဖိုးချောကတော့ နောက်ကနေ အိပ်ချင်မူးတူးနဲ့ လိုက်လာသည်။

“လစာထုတ်တော့ မင်း ဘယ်သွားချင်သေးလဲ”

ဖိုးသားကမေးတော့ ဖိုးချော အိပ်ချင်မူးတူးနဲ့ ဖြေလိုက်သည်။

“ဘာလဲ မင်းလို ကပ်စေးနည်းက ၀ယ်ကျွေးမလို့လား”

“မဟုတ်ပါဘူး၊ မင်းသွားချင်တဲ့နေရာရှိလားလို့ပါ”

“မရှိဘူး အိပ်ချင်တယ်ကွာ၊ အိမ်ပဲပြန်မယ် မြန်မြန်စီး”

ဖိုးချောက နောက်က တက်ခွထိုင်လိုက်သည်။

“အင်း ငါကတော့ သွားချင်တဲ့နေရာရှိတယ်၊ မင်းလိုက်မလား”

“ဘာလုပ်လဲ”

“ဒါတော့ ဟိုရောက်မှ ပြောမယ်”

“တော်တော်လျှာရှည်တဲ့ကောင်၊ အခုပြောကွာ”

“မပြောဘူး၊ ဟိုရောက်မှပြောမယ်”

“မပြောရင် မလိုက်ဘူးကွာ၊ ကြာတယ်၊ အိမ်ပြန်မယ် မြန်မြန်လုပ်”

“ဟင်း အေးပါ”

ဖိုးသားလည်း ဖိုးချောအလွန်အိပ်နေမှန်းသိတာကြောင့် မတတ်သာတော့သည့်အဆုံး စက်ဘီးပေါ် ထိုက်လိုက်ရသည်။ ဖိုးသားထိုင်တော့ နောက်က ဖိုးချောက ဘတ်ကနဲ့ ဖိုးသားခါးကို ဖက်ပြီး ကျောပေါ် မျက်နှာကို အပ်သည်။ ဖိုးချော၏ ထိုလုပ်ကြောင့် ဖိုးသား ဘာရယ်မသိ အလွန်ကျေနပ်မိသွားကာ ပြုံးလိုက်မိသည်။ ပြီးမှ စက်ဘီးခြေနင်းကို ညင်သာစွာ နင်းလိုက်သည်။

ကောင်းကင်မှာ လသာနေသည်။ ကြယ်များလည်း စုံညီလျှက်ရှိသည်။ ဖိုးသား စိတ်တွေ ကြည်နူးချမ်းမြနေသည်။ ဖိုးချောကတော့ ငြိမ်ချက်သားကောင်းစွာ အိပ်မောကျရင်း လိုက်ပါလာသည်။ ဖိုးချောအား လှမ်းလှမ်းကြည့်ရင်း ဖိုးသားမျက်နှာလေး ပြုံးပြုံးသွားသည်။

အိမ်ရောက်တော့ ဖိုးချောက အိမ်အတွင်းသို့ အရင်ဆုံးဝင်သွားပြီး ခုတင်ပေါ် ဗိုင်းကနဲ့ ပစ်လှဲချလိုက်သည်။

“အိပ်တော့မှာလား၊ ရေမချိုးတော့ဘူးလား၊ ဟေ့ယောင်ဖိုးချော”

“တော်ပြီကွာ”

“ဒါဆို နွားနို့ဖျော်ပေးရမလား”

“အိပ်ချင်တယ် ဘာမှလာမပြောနဲ့”

“မင်းပြောတော့ ဗလကြီးတွေဖြစ်ချင်တယ်ဆို”

“နားတွေကို ငြီးနေတာပဲကွာ”

“အေးပါ ဒါဆိုလည်း အိပ်တော့ ငါ အပြင်သွားစရာရှိသေးလို့ သွားလိုက်ဦးမယ်”

ဖိုးချောဆီက ဘာမှမကြားရတော့။ ဖိုးသားလည်း အခန်းတံခါးကို လုံအောင်ပိတ်လိုက်ပြီး စက်ဘီးလေးကို ထုတ်ကာ လမ်းမဘက် ထွက်လိုက်သည်။ ဖိုးသားမျက်နှာလေး ပြုံးနေပြန်လေသည်။

စက်ဘီးလေးကိုရပ်သော့ခတ်ကာ ဖိုးသားဝင်သွားသည်က ဖုန်းဆိုင်လေးထဲသို့။ ဆိုင်ထဲမှ သက်လတ်ပိုင်းအမျိုးသားတစ်ယောက်က ဖိုးသားဝင်လာတာကိုမြင်တော့ ထလာပြီး

“ညီလေး ဟန်းဆက်ဝယ်ချင်လို့လား”

လို့မေးလိုက်တော့ 

“ဟုတ်ကဲ့”

လို့ ဖိုးသားဖြေလိုက်သည်။

“ဘာတံဆိပ်လဲ၊ ဘာအဆင့်အတန်းလဲ၊ ဗားရှင်းကဘာလဲ”

ဟန်းဆက်အကြောင်း ဖိုးသားနားမလည်သဖြင့် ဘာမှပြန်မဖြေတတ်။

“ဟို အဲ့လိုတော့မသိဘူး၊ အရည်အသွေးအတင့်အသင့်နဲ့ ဈေးနှုန်းအလယ်အလတ်ရှိတဲ့ ဟန်းဆက်ပြပါ”

“အိုး ရတာပေါ့ညီလေး၊ သည်မှာ ဒါတွေက ဈေးနှုန်းတစ်သိန်းခွဲလောက်ရှိတယ်၊ ဗားရှင်းလည်း မြင့်တယ်၊ အရည်အသွေးလည်းကောင်းတယ်”

ထိုအစ်ကိုကြီးပြရာဆီသို့ ဖိုးသား လျှောက်ကြည့်လိုက်သည်။ ဟန်းဆက်များက သိပ်ကိုလှပပြီး အရောင်အသွေးစုံ၊ အရွယ်လည်းစုံလှသည်။ ထိုအထဲမှ အရွယ်အစားအတင့်အသင့်နဲ့ အနက်ရောင်ပြောင်လက်လက်ဟန်းဆက်လေးကို ဖိုးသားသဘောကျမိသွားသည်။

“ဒါလေးပေးပါအစ်ကို”

ထိုအစ်ကိုကြီးက ထုတ်ပေးလိုက်သည်။

“ဒါလေးကို ကြိုက်တယ်ပေါ့၊ သိပ်ကိုလှပါတယ်ညီလေး”

“ဘယ်လောက်ကျလဲဟင်”

“တစ်သိန်းခွဲနီးပါး၊ ညီလေးလျှော့ချင်ရင်လည်းပြောလေ လျှော့ပေးမယ်လေ”

“ဒါဆို တစ်သိန်း သုံးသောင်းနဲ့ပေး”

“အိုး ရပါတယ်”

“ကျနော်က ဟန်းဆက်မသုံးတတ်ဘူး၊ ကျွန်တော့်ကို သင်ပေးပါလား”

“အိုး ရတာပေါ့၊ သည်လိုလေညီရ ပထမဆုံး ဟော့သည်ခလုတ်လေးကို….”

ထိုအစ်ကိုကြီးသင်ပေးတော့ ဖိုးသားစိတ်ဝင်တစား လေ့လာသင်ယူလိုက်သည်။

အပြန်လမ်းမှာ ဖိုးသားစိတ်တွေ သိပ်ကို ကြည်နူးချမ်းမြနေလေသည်။

Xxxxxxxxxxxxxxx

တီ တီ တီ တီ…. တီ တီ တီ တီ…..

နာရီနှိုးစက်သံကြောင့် ဖိုးချောလန့်သွားသည်။

တီ တီ တီ တီ….

အသံက အဆက်မပြတ်မြည်နေဆဲမို့ မှောက်ရက်အိပ်နေရင်းက နာရီအား စမ်းလိုက်သည်။ လက်ထဲ ရောက်တော့ ထိုနာရီအား ပစ်ပေါက်လိုက်သည်။

“သွားစမ်း တော်တော်ဆိုးတဲ့ ငှက်ဆိုး”

ထိုစဉ်မှာပင် ဖိုးချောနှာဝထဲ ဟင်းရနံ့များဝင်လာသဖြင့် ဖိုးချော အံ့သြသွားသည်။

စောစောစီးစီး ဟင်းရနံ့တွေ မွှေးလို့ပါလား…။

ဖိုးချော အိပ်ချင်မူးတူးနဲ့ ထလိုက်သည်။ ကိုယ်ကိုဘယ်ညာလှည့်ကာ အညောင်းဆန့်လိုက်သည်။

“အာ ဖိုးချော မင်းနိုးလာပြီလား၊ မြန်မြန်သွား မျက်နှာသစ်ချေ၊ ငါ နံနက်စာပြင်ဆင်ထားတယ်”

ဖိုးသားက ဟင်းရည်ပန်းကန်အား မသယ်လာရင်း ပြောလိုက်သည်။

“မင်း ဘာတွေ လုပ်နေတာလဲ၊ ဆိုင်မှာ စားရင်ရသားနဲ့ အပိုကုန်အောင်ကို၊ ကပ်စေးနည်းက ထူးထူးဆန်းဆန်း မနက်စာတွေ ချက်လို့ပါလား”

“ဟဲ ဟဲ မင်း မေ့နေပြီလား၊ သည်နေ့ဘာနေ့ဆိုတာ”

“ဟင် ဘာနေ့လဲ”

ဖိုးချော အံ့အားသင့်ဟန်နဲ့ ခေါင်းမော့ကာ စဉ်းစားလိုက်သည်။ 

“သည်နေ့ဟာ ဇွန်လ (၃)ရက်၊ အဲ (၄)ရက်ပဲ၊ အယ် (၄)ရက်နေ့က ငါ့မွေးနေ့၊ ၀ိုး သည်နေ့ဟာ ငါ့မွေးနေ့ပါလား”

“ဟုတ်တယ်ကွ၊ ကိုယ့်မွေးနေ့ကိုတောင်မမှတ်မိဘူးလား၊ မင်းမွေးနေ့မို့လို့ ငါ မနက်စာ ဖွယ်ဖွယ်ရာရာပြင်ဆင်ပေးတာ၊ မင်းကြိုက်တဲ့ ကြက်သားရယ်၊ ငါးရယ်၊ ကန်ဇွန်းရွက်၊ ငါးပိရည်တို့စရာရယ် ပြင်ထားတယ်”

“၀ိုး ဟုတ်လား၊ အနံ့ရတာနဲ့တင်စားချင်လာပြီ၊ ဒါနဲ့ ကြက်သားက ဘယ်တုန်းက ၀ယ်ထားတာလဲ”

“ငါပဲမနက်စောစောထပြီး ဈေးက၀ယ်လာတာလေကွာ”

“ဖိုးသားရာ၊ အားနာစရာ၊ ငါ့အတွက် သည်လောက်လုပ်ပေးဖို့မလိုပါဘူးကွာ၊ အပိုပင်ပန်းအောင် လျှောက်မလုပ်စမ်းပါနဲ့”

“တစ်နှစ်မှတစ်ခါပဲကွာ၊ ပြီးတော့ ငါ့မှာ မိသားစုဆိုလို့ မင်းတစ်ယောက်ပဲရှိတာလေ၊ အဲဒါကြောင့် တစ်ယောက်တည်းသော မိသားစုလေးအတွက် ငါ လုပ်ပေးချင်တာပေါ့၊ သွား မြန်မြန်မျက်နှာသစ်ချေ၊ အလုပ်လည်း သွားရဦးမှာဆိုတော့၊ နောက်ကျလို့မဖြစ်ဘူး”

ဖိုးချောလည်း ရေချိုးခန်းထဲ ၀င်သွားလိုက်သည်။

Xxxxxxxxxxxxxxxxxxx

“လက်ဖက်ရည်ကျဆိမ့် (၂)ပွဲ”

ဖိုးချောက ဖိုးသားနားရောက်လာပြီး ပြောလိုက်သည်။

“အေး အေး၊ ဒါနဲ့ဖိုးချော”

ဖိုးသားက လက်ဖက်ရည်ဖျော်ရင်း လက်ဖက်ရည်မှာပြီး လှည့်ပြန်မည်လုပ်သည့် ဖိုးချောအား ခေါ်လိုက်တော့ ဖိုးချောလည်း ပြန်လှည့်လိုက်သည်။

“ဟင် ဘာလဲ”

“မနေ့က လစာ ဂေဟာမှူးဆီမအပ်တော့ဘူးလား”

“အပ်မှာပေါ့”

“ဒါဆို ဘယ်အချိန်သွားမှာလဲ”

“ညကျသွားမယ်၊ အလုပ်စောစောဆင်းမယ်လို့ သူဌေးကိုပြောလိုက်မယ်”

“အေး ကောင်းတယ်၊ သည်နေ့ မင်းမွေးနေ့ဆိုတော့ ကလေးတွေကို တစ်ခုခုကျွေးလိုက်လေ”

“အင်း အပြန်ကျ ချော့ကလက်ဝယ်သွားမယ်လို့ စိတ်ကူးထားတယ်”

“အေး ကောင်းတယ်၊ ညကျ အတူတူသွားတာပေါ့”

“အေး မြန်မြန်လုပ် မှာထားတာ၊ ဧည့်သည်က ဆူနေဦးမယ်”

ဖိုးသားလည်း မြန်မြန်သွက်သွက်လေး ဖျော်လိုက်သည်။

xxxxxxxxxxxxxxxxxxxxxxxxxx

ဖိုးချောနဲ့ ဖိုးသားတို့ ဂေဟာရောက်တော့ ကလေးတွေ အိပ်ကုန်ကြပြီ။

ဒေါက် ဒေါက် ဒေါက် ..

တံခါးခေါက်တော့ ဂေဟာမှူးက လာဖွင့်သည်။ 

“အို ဖိုးချောနဲ့ ဖိုးသားတို့ပါလား၊ ညဥ့်တောင်နက်တော့မယ်၊ လာလေ အထဲဝင်ခဲ့”

ဖိုးချောတို့ ၀င်လိုက်ကြသည်။

“ကလေးတွေ အိပ်ကုန်ကြပြီလား”

“အေးကွဲ့”

“ရော့၊ ဒါက သား စုမဲ့ငွေ၊ ဒါက ကလေးတွေအတွက် လိုရာသုံးပါ”

“ကလေးတွေအတွက်မလိုပါဘူးကွယ်၊ အလှူရှင်တွေပေါပါတယ်ဖိုးချောရဲ့၊ ဖိုးချောရဲ့စေတနာကိုပဲ လက်ခံလိုက်တော့မယ်နော်၊ ဖိုးချောသာ ပိုက်ဆံများများစုပြီး တစ်နေ့နေ့ပေါ်လာမဲ့ မိဘတွေအတွက် အိမ်လေးတစ်လုံးသာ ၀ယ်ပေးလိုက်ပါကွယ်”

ဂေဟာမှူးစကားကြောင့် ဖိုးချော ငိုချလိုက်သည်။

“ဟီး ဟီး ဟီး..”

မျက်ရည်များက ပိုးပိုးပေါက်ပေါက်ကျလာတော့သည်။

“အို ဘယ်လိုဖြစ်သွားရတာလဲဖိုးချောရယ်၊ ဂေဟာမှူး ဘာမှားပြောလိုက်မိလို့လဲ”

“သည်နေ့ သည်နေ့ဟာ သားရဲ့မွေးနေ့လေဂေဟာမှူးရဲ့၊ သားရဲ့မွေးနေ့မှာ သားမိဘတွေကို သိပ်တွေ့ချင်တာပဲဂေဟာမှူးရယ်”

“အို ဖြစ်မှဖြစ်ရလေဖိုးချောရယ်၊ သနားစရာကောင်းလိုက်တဲ့ ငါတို့ဖိုးချောလေး”

ဂေဟာမှူးက ဂရုဏာအပြည့်နဲ့ ဖိုးချောအားထွေးပွေ့လိုက်သည်။ ဖိုးသားကတော့ နောက်မှာ စိတ်မကောင်းစွာ ရပ်ကြည့်နေလေသည်။

“သားလေ တကယ်မိဘတွေကို တွေ့ချင်မိတယ်ဂေဟာမှူးရယ်၊ သားမိဘတွေက ဘာကြောင့် သားကို စွန့်ပစ်ခဲ့တာပါလိမ့်ဂေဟာမှူးရယ်”

“ဖိုးချောရယ်၊ ဖိုးချောက သိပ်ကိုလိမ္မာတာ သိတယ်မလား၊ အဲ့ဒါကြောင့် လိမ္မာတဲ့သားကို မိုးကောင်းကင်က ပစ်မထားပါဘူး၊ တစ်နေ့နေ့မှာ ဖိုးချောတွေ့ချင်တဲ့မိဘတွေကို တွေ့ခွင့်ရမှာပါကွယ်”

“ဂေဟာမှူးပြောတဲ့အတိုင်း ဖြစ်လာပါစေလို့ပဲ မျှော်လင့်မိပါတယ်ဂေဟာမှူး”

“ဖြစ်လာမှာပါကွယ်၊ ဖိုးချောက သိပ်ကိုလိမ္မာလို့ ဖြစ်လာမှာပါ”

ဖိုးချောက ဂေဟာမှူးရင်ခွင်ထဲက ခွာလိုက်ကာ ဂေဟာမှူးက ဖိုးချောမျက်ရည်လေးများကို သုတ်ပေးလိုက်သည်။

“ဒါက ကလေးတွေအတွက် ချော့ကလက်ဝယ်လာတယ်၊ မနက်ကျကျွေးလိုက်ပါနော်၊ ဖိုးချောရဲ့ မွေးနေ့ဒါနပေါ့”

ဖိုးသားက နောက်က၀င်ပြောလိုက်သည်။

“အေး အေး လိမ္မာလိုက်တဲ့ကလေးတွေရယ်၊ လိမ္မာလိုက်တဲ့ ကလေးတွေ”

ဂေဟာမှူးက ဖိုးချောခေါင်းလေးနဲ့ ဖိုးသားခေါင်းလေးကို ပွတ်သပ်ပေးလိုက်သည်။

“ဖိုးဝတုတ်လေးကော အိပ်နေပြီလားဟင်”

“အိပ်နေပြီကွဲ့၊ ဖိုးဝတုတ်က မေးတောင်နေတယ်၊ ကိုကိုဖိုးသားတို့ ဘယ်တော့ အလည်လာမှာလဲတဲ့”

“ဟုတ်လား၊ ကျွန်တော့်ကိုသတိရတဲ့ ဖိုးဝတုတ်လေးကို သတိရပေးလို့ ကျေးဇူးတင်တဲ့အကြောင်း ကျွန်တော်ကလည်း သတိရနေတဲ့အကြောင်းပြောလိုက်ပါဦး”

 “အေး အေး၊ ဆက်ဆက်ပြောပေးပါ့မယ်၊ သစ်သီးလေးတွေ ရှိသေးတယ် စားသွားပါဦးလား”

“မစားတော့ပါဘူး၊ သားတို့ ညစာကို အိမ်မှာစားဖို့ ပြင်ဆင်ထားတာမို့ပါ၊ ဖိုးချောရဲ့မွေးနေ့မှာ သားကိုယ်တိုင် ချက်ကျွေးချင်လို့လေ”

ဖိုးသားက၀င်ပြောလိုက်သည်။

“အေးကွယ်၊ သားတို့နှစ်ယောက် အခုလိုချစ်ချစ်ခင်ခင်ရှိကြတာ ဂေဟာမှူးတကယ်ဝမ်းသာတယ်၊ ငယ်ငယ်က မျက်ရည်လွယ်တဲ့ဖိုးသား အခုတော့တော်တော်ကြီးကို လူလားမြောက်လို့ နေပါရော့လား”

ဂေဟာမှူးကချီးကျူးတော့ ဖိုးသားရယ်လိုက်မိသည်။

“နောင်လည်း တစ်ယောက်ကိုတစ်ယောက် ဖေးဖေးမမရှိကြနော်၊ ရန်လည်းမဖြစ်နဲ့ ဟုတ်ပြီလား”

“ဟုတ်ကဲ့”

“ဒါဆို သားတို့သွားတော့မယ်နော်”

“အေးကွယ်၊ ဖိုးချောမွေးနေ့မှာ ဂေဟာမှူးတစ်ခုခုလုပ်မပေးနိုင်လို့ စိတ်မကောင်းဘူးကွယ်”

“ရပါတယ်ဂေဟာမှူးရ၊ ငယ်ငယ်က သားတို့ကို စောင့်ရှောက်ပေးခဲ့တဲ့ဂေဟာမှူးကို အရမ်းချစ်တယ်”

“အေး အေးကွယ်၊ ဂေဟာမှူးကလည်း လိမ္မာတဲ့ ဖိုးချောတို့နှစ်ယောက်လုံးကို ချစ်တာပေါ့၊ လမ်းမှာ ဂရုစိုက်ဦးနော်”

“ဟုတ်ကဲ့”

စက်ဘီးလေးနဲ့ ထွက်သွားသည့် ဖိုးချောနဲ့ ဖိုးသားတို့ကိုကြည့်ပြီး ဂေဟာမှူးဖြစ်သူက ပီတိအပြုံးနဲ့အတူ ခေါင်းတဆတ်ဆတ်ညိတ်နေလေသည်။

Xxxxxxxxxxxxxxxxxxxx

ဂေဟာကအပြန် ရေမိုးချိုးပြီး နံနက်ကကျန်ခဲ့သည့် ကြက်သားဟင်း ငါးဟင်းနဲ့ ညစာစားသောက်လိုက်ကြသည်။ ညစာစားပြီးတော့ ဖိုးချောက ကုတင်လေးပေါ် မှောက်လျှက်အိပ်ရင်း ဖက်ရှင်မဂ္ဂဇင်းထူထူကြီးကို ဖတ်နေသည်။ ပန်းကန်ခွက်ယောက်များ ဆေးကြောအပြီး မီးဖိုချောင်ထဲက ထွက်လာသော ဖိုးသားက ပြုံးနေသည်။ စိတ်ကူးထားသည့်အတိုင်း အံဆွဲထဲမှာ ထည့်သိမ်းထားသော ဟန်းဆက်လေးကိုထုတ်ကာ ဖိုးချောဘေးမှာ မှောက်လျှက်အိပ်ရင်း ဟန်းဆက်လေးကို ကလိနေလိုက်သည်။ 

ဖိုးသားထံမှ လှုပ်လှုပ်ရွရွကြောင့် ဖိုးချောလှည့်ကြည့်လိုက်သည်။ ဖိုးသားလက်ထဲမှာ ဘယ်ကမှန်းမသိသည့် ဟန်းဆက်လေးရှိနေသဖြင့် ဖိုးချော အလွန်စိတ်ဝင်စားသွားမိသည်။

“ဟင် အဲ့ဒါ ဘာလဲ၊ ဟန်းဆက်မဟုတ်လား၊ ဘယ်ကရတာလဲ”

“ငါ မနေ့ညက သွားဝယ်တာလေ၊ မင်းလိုက်ခဲ့ဆိုတော့ မလိုက်ပဲနဲ့”

“အို ပြစမ်း ငါရောကြည့်မယ်၊ ဘယ်လောက်ပေးရတာလဲ၊ ဈေးတော့ကြီးမဲ့ပုံပဲ”

ဖိုးချောက လုယူလိုက်သည်။

“တစ်သိန်းခွဲပေးရတာ”

“တစ်သိန်းခွဲကြီးတောင်၊ မင်းလိုကပ်စေနည်းက တစ်သိန်းခွဲတန်ဟန်းဆက်ကို ၀ယ်တယ်ဟုတ်စ”

“မင်းနော် ငါ့ကို ကပ်စေနည်းလို့ပြောတာ ငါမကြိုက်ဘူးသိလား၊ ငါ ကပ်စေးမနည်းလို့ အခုလို ဈေးကြီးတာဝယ်တာပေါ့ကွ”

“အေးပါ မင်းပိုက်ဆံ ဘယ်ကရလဲ”

“ငါစုထားတာပေါ့၊ မဟုတ်ရင် မင်းကပေးထားလို့လား၊ အိမ်လခလည်း တစ်ပြားတစ်ချပ်မှမပေးပဲ မိဘအတွက်ပဲ စုထားတဲ့ကောင်က၊ တကယ်ဆိုရင် မင်းကမှ ကပ်စေးနည်း”

“မင်းပြောတော့ မင်းလစာနဲ့ အိမ်လခလောက်တယ်ဆို၊ ငါ့ပိုက်ဆံ ငါသုံးချင်သလိုသုံးဆို၊ အခုမှ ဘာ ငါ့လာအပြစ်တင်နေတာလဲ၊ အယ် ဒါနဲ့ အခုအိမ်လခကော ပေးပြီးပြီလား၊ ဒါဝယ်လိုက်တော့ ပေးဖို့ကောရှိရဲ့လား”

“ရှိပါတယ်တယ်ကွာ၊ ငါ စုထားတာရှိပါတယ်၊ ဟာ အဲ့လိုလျှောက်မလုပ်နဲ့လေ၊ ပျက်တတ်တယ်ကွ၊ ဖြည်းဖြည်းလုပ်”

ဖိုးသားက လုယူလိုက်သည်။ ဖိုးချောက မျက်နှာလေးကို စူပုပ်နေလိုက်သည်။

“ကပ်စေးနည်းလိုက်ပုံများ”

ဖိုးသားက ဖိုးချောအား ကြည့်လိုက်ပြီး ပြုံးပြလိုက်သည်။

“လှလားဟန်းဆက်လေးက”

“လှပါတယ်၊ လှပါတယ်အားကြီးကြီး”

“ကြိုက်လားဟင်”

“မကြိုက်ပါဘူး”

“မကြိုက်ဘူးလား၊ ဒါဆိုရင် ခွဲပစ်လိုက်မယ်”

“အား မလုပ်ပါနဲ့ကွာ၊ အဲ့လိုတော့ နှမြောစရာကြီး၊ ငါကစတာပါကွာ”

ဖိုးသားက ကိုင်ပေါက်မည့်ဟန်ရွယ်လိုက်တော့ ဖိုးချောက အလန့်တကြားဝင်တားလိုက်သည်။ ဖိုးသား ပြုံးပြလိုက်ပြန်သည်။

“ဒါဆိုကြိုက်တယ်ပေါ့လေ”

“ကြိုက်တော့ကော ပေးမှာကျနေ”

“ပေးမယ်လေ၊ မင်းလိုချင်ရင်ပေးမယ်”

“ဘယ်လို”

“ဒါက မင်းအတွက် ငါ့ရဲ့ မွေးနေ့လက်ဆောင်လေ”

 “ဘာ”

“သည်မယ် နားကြပ်လေးလည်း ပါတယ်၊ မင်းသီချင်းနားထောင်ဖို့၊ အခု မင်းကိုင်နေတဲ့ဖုန်းက ခေတ်အောက်နေပြီ၊ ကိုင်မနေနဲ့တော့”

 “တ တကယ်ပြောနေတာလားဟင်”

“တကယ်ပေါ့”

ဖိုးချောအလွန်ဝမ်းသာသွားပြီး ဖိုးသားလက်ထဲက ဟန်းဆက်ကို ဆတ်ကနဲ့ ယူလိုက်သည်။ ပြီးမှ အားနာသွားပြန်သဖြင့်

“ဟင်း မဖြစ်သေးပါဘူးကွာ၊ သည်လောက်ဈေးကြီးတာကြီးကို မယူချင်ဘူး၊ ယူချင်ရင်တောင်မယူသင့်ဘူးမဟုတ်လား၊ မင်းပဲ ယူလိုက်တော့လေ၊ မင်းဖုန်းကလည်း ခေတ်အောက်နေပြီမဟုတ်လား”

 ဖိုးသားလက်ထဲ ပြန်ထည့်လိုက်သည်။

“ငါ့အတွက်မလိုပါဘူး၊ ငါ့အတွက်တော့ ဖြည်းဖြည်းမှ ၀ယ်လိုက်ပါ့မယ်၊ ငါ့အတွက်က မလိုအပ်ပါဘူး၊ ယူလိုက်ပါဖိုးချောရ၊ မင်းမွေးနေ့အတွက် ငါ့ရဲ့လက်ဆောင်ပါလို့”

“ဖြစ် ဖြစ်ပါ့မလား”

“ငါ့ကို စိတ်ချမ်းသာစေချင်ရင် ယူလိုက်”

“ဖိုးသား….”

ဖိုးချောက လိုချင်သော်လည်း အားနာနေသည်။

“ဖိုးချော မင်းသိလား၊ မင့်ကိုမွေးစားမဲ့သူတွေရောက်လာတုန်းက မျက်ရည်တွေနဲ့ ငိုမဲ့မဲ့ဖြစ်နေတဲ့ငါ့ကိုသနားပြီး မင်းမလိုက်ခဲ့ဘူးလေ၊ ငါ့ကိုတစ်ယောက်တည်း မထားခဲ့တဲ့ သူများတွေ ငါ့ကို အနိုင်ကျင့်နေတဲ့အချိန် ကူညီပေးခဲ့တဲ့၊ ငါ့ဘက်မှာ ပါပေးခဲ့တဲ့၊ မင်းကို ငါ ပြောမပြတတ်အောင်ကျေးဇူးတင်မိတယ်၊ အခုလည်း ငါနဲ့ အတူတူနေပေးပြီး ငါ့ရဲ့ မိသားစုဝင်ဖြစ်ပေးတဲ့ မင်းကို ငါကျေးဇူးတင်တယ်၊ မင်းရှိရင်ပဲ ငါ့ဘ၀က ပြည့်စုံနေပါပြီဖိုးချော၊ ဒါ့ကြောင့် ငါ့အပေါ်မှာ အားနာပါတယ်ဆိုတဲ့စကားမပြောပါနဲ့ကွာ”

“ဖိုးသားရယ်၊ ငါ့ဘ၀မှာလည်း မိသားစုဆိုလို့ မင်းတစ်ယောက်တည်းပဲရှိတာပါ၊ ငါ့အပေါ်မှာ အစစအရာသည်းခံပေးတဲ့ မင်းကိုလည်း ငါကျေးဇူးတင်တယ်”

ဖိုးချောစကားကြောင့် ဖိုးသားငိုချင်လာသည်။

“မဟုတ်ဘူး၊ မင်းမှာ မိသားစုက ငါတစ်ယောက်တည်းမဟုတ်ဘူး၊ မင်းမှာ မိဘတွေရှိသေးတယ်မဟုတ်လား၊ တကယ်လို့ မင်းမိဘတွေကို ပြန်တွေ့ရင် မင်း မင်း ငါ့ ငါ့ကို…”

“စိတ်မကောင်းစရာတွေ မတွေးစမ်းပါနဲ့ဖိုးသားရာ၊ မင်းတွေးပူတဲ့ ကိစ္စတွေက အဝေးကြီးလိုပါသေးတယ်ကွာ၊ မင်းစိတ်မကောင်းဖြစ်ချင်တယ်ဆိုရင်လည်း အရင်ဆုံး ငါ့မိဘတွေကို ရှာတွေ့တဲ့အချိန်ထိစောင့်ပါဦး၊ တကယ်လို့ ငါ့မိဘတွေကို ပြန်ရှာတွေ့တယ်ဆိုရင်တောင် ငယ်ငယ်လေးကတည်းက အခုချိန်ထိ ညီအစ်ကိုလိုလို သူငယ်ချင်းလိုလိုနေလာခဲ့တဲ့ မင်းကို ငါ ပစ်မထားပါဘူး၊ စိတ်ချပါ၊ ငါ့ကို ယုံစမ်းပါ”

ဖိုးသား၏ မျက်ရည်လေးများကို သုတ်ပေးလိုက်သည်။

“တကယ်လို့ မင်းကအဲ့လိုဆိုရင်တောင် မင်းမိဘတွေက ငါ့ကို လက်ခံပါ့မလားဟင်၊ ပြီးတော့ အဝေးကိုခေါ်သွားရင် ဘယ့်နှယ်လုပ်မလဲဟင်”

“ဖိုးသားရယ်၊ မင်း အဲ့လိုစိတ်မကောင်းစရာတွေပဲတွေးနေရင် ငါစိတ်ဆိုးမှာနော်၊ ဒါ့ကြောင့် မငိုပါနဲ့တော့ကွာ၊ မျက်ရည်လွယ်တတ်တာက ငယ်ငယ်ကတည်းကအတိုင်းပဲ”

စိတ်ဆိုးမှာ ဆိုသည့်ဖိုးချောစကားကြောင့် ဖိုးသားအငိုကိုရပ်လိုက်မိသည်။ 

“လိမ္မာလိုက်တာ၊ သည်လိုမှ ဖိုးသားနဲ့တူတာကွ၊ မင်းလက်ဆောင်ကို ငါအရမ်းကြိုက်တယ်၊ ငါအမြတ်တနိုးနဲ့ကိုင်မယ်၊ မပျက်စီးအောင်လည်း ဂရုစိုက်မယ်၊ မင်းလည်းကိုင်ချင်ရင် အချိန်မရွေးယူကိုင်လေ”

ဖိုးသားမျက်နှာလေး ပြုံးရွှင်သွားလေသည်။ ပြီးမှ နှစ်ယောက်သား ဟန်းဆက်လေးကို ကလိနေလိုက်ကြသည်။

xxxxxxxxxxxxxxxxxxxxxxxx

ခါတိုင်းအိပ်ယာထနေကျအချိန်မှာ ဖိုးသားထလိုက်သည်။ ခါတိုင်းက ဖိုးချောထက်အရင်ထလေ့ရှိပြီး ဖိုးချောကို ဖိုးသားက နှိုးပေးလေ့ရှိသည်။ သည်နေ့တော့ ဖိုးသားဘေးမှာ ဖိုးချောရှိမနေသဖြင့် ဖိုးသားအံ့အားသင့်သွားရသည်။ ထိုစဉ်မှာပဲ နှာဝထဲဟင်းရနံ့တွေ ၀င်ရောက်လာသဖြင့် ပိုပြီး ထူးဆန်းနေရပြန်သည်။ မီးဖိုချောင်ထဲ အပြေးကလေးသွားကြည့်လိုက်သည်။

“ဟင် ဖိုးချော မင်းဘာလုပ်နေတာလဲ”

“နံနက်စာချက်နေတာလေ၊ ပြီးတော့မယ်၊ မြန်မြန်မျက်နှာသွားသစ်လိုက်”

“မင်းကို ဘယ်သူက လုပ်ခိုင်းလို့လဲ”

“ငါ့ဖာသာလုပ်ချင်လို့လုပ်တာပေါ့၊ ငါ့လက်ရာကလည်း မင့်လက်ရာနီးပါးကောင်းးပါတယ်နော်”

“သြော် သိပြီ၊ မင့်ကိုဟန်းဆက်လက်ဆောင်ပေးထားလို့ ငါ့ကိုအားနာနေတာမဟုတ်လား”

“မဟုတ်ဟုတ် ဟုတ်ဟုတ်ကွာ”

ဖိုးသားရယ်လိုက်သည်။

“မင်းက သည်လိုကျတော့ အလိုက်သိသားပဲ”

“ငါကအစကတည်းက အလိုက်သိပြီးသားပါကွ”

ဖိုးသားရယ်နေပြန်သည်။ မကြုံစဖူး ဖိုးချောက ဖိုးသားအတွက် ထမင်းချက်ပေးတော့ ဖိုးသား ဘာလိုလိုနဲ့ ပျော်မိသည်။

“မပြီးသေးဘူးလားကွဖိုးသား၊ မြန်မြန်လုပ်လေ၊ ဆိုင်နောက်ကျနေတော့မှာပဲ”

ဖိုချောက အိမ်ရှေ့ မှာ စက်ဘီးလေးကို ဖုန်သုတ်ရင်း လှမ်းခေါ်လိုက်သည်။

“ပြီးပါပြီကွ”

ဖိုးသားက ခပ်သုတ်သုတ်လေးပြေးလာပြီး စက်ဘီးလက်ကိုင်ကို ကိုင်မယ်လုပ်တော့ ဖိုးချောက ဖယ်ခါချလိုက်သည်။

“ဖယ် ငါပဲ ရှေ့ ကစီးမယ်၊ မင်းနောက်ကတက်”

“၀ိုး…၊ မင်း ငါ့ကို အဲ့လောက်တောင်အားနာနေလား”

“ဘယ်ကလာ၊ နံနက်စောစော ကိုယ်လက်လှုပ်ရှားလေ့ကျင့်ခန်းလည်းဖြစ်ဆိုပြီး ရှေ့ ကစီးချင်လာလို့ပါကွာ”

“အေးပါကွာ အေးပါ”

ဖိုးသား ပြုံးပျော်စွာပဲ နောက်က တက်ခွထိုင်လိုက်သည်။ ဖိုးချောက ဟန်းဆက်လေးကို ဘေးအိတ်ထဲထည့်ရင်း နာကြပ်လေးကို နားမှာတပ်ထားလိုက်သည်။ သီချင်းလေးမြူးကြွကြွနဲ့ စက်ဘီးလေးကိုနှင်လိုက်သည်။ သံစဉ်သွားရာအတိုင်း ခေါင်းလေးကို ညိတ်လိုက်ညိတ်လိုက်လုပ်နေသည်။

ဖိုးသားပေးလိုက်သော ဟန်းဆက်လေးကြောင့် ဖိုးချောပျော်နေတာမြင်ရတော့ ဖိုးသားပျော်မိသည်။ ဖိုးချောအပေါ်သို့ အချစ်တွေ ပိုတိုးလာမိသလို ခံစားရသည်။ ဘယ်တုန်းကမှ ဖိုးချောကိုယ်လေးအား မဖက်ခဲ့ဖူးသည့်ဖိုးသား အခုတော့ ဘာရယ်မသိ ဖိုးချောခါးလေးကို နောက်ကနေ ဖက်ထားလိုက်ချင်သည်။ လက်နှစ်ဖက်က လေထဲမှာသာ ၀ဲနေပြီး ဖက်ဖို့အတွက် မ၀ံ့မရဲဖြစ်နေသည်။ ဖိုးသားလည်း အားတင်းကာ ဖြစ်ချင်ရာဖြစ်ဆိုပြီး ဆတ်ကနဲ့ ပွေ့ဖက်ပစ်လိုက်သည်။

သီချင်းထဲမှာသာ စိတ်ရောက်နေသော ဖိုးချောက ဖိုးသားဖက်တွယ်ခြင်းကို ဘယ်လိုမှ သဘောမထားခဲ့လိုက်။ သံစဉ်စာသားသွားရာအတိုင်း ခေါင်းလေးကိုသာ တညိတ်ညိတ်လုပ်နေသည်။

ဖိုးသားက ဖက်တွယ်လိုက်ခြင်းကို ဖိုးချောက ဘယ်လိုမှသဘောမထားသဖြင့် ဖိုးသားပျော်ရွှင်ကျေနပ်သွားရသည်။ ပျော်ရွှင်မှုနဲ့အတူ ဖိုးချောကျောလေးမှာ မျက်နှာအပ်လိုက်မိသည်။ ပျော်ရွှ့င်ကျေနပ်နေသည့် ဖိုးသားအဖြစ်ကို ဖိုးချောကတော့ ရိပ်မိလိမ့်မည်မထင်ပေ။ 

Xxxxxxxxxxxxxxxxxxxxxxxxx

လက်ဖက်ရည်လှမ်းလှမ်းမမှာတော့သဖြင့် ဆိုင်မှာ လူပြတ်နေသည်ထင်သည်။ ဖိုးချောဘာလုပ်နေသလဲသိချင်တာကြောင့် ဖိုးသားလှမ်းကြည့်လိုက်သည်။ ဧည့်သည်မရှိသော စားပွဲလွတ်ပေါ်မှာ သတင်းစာဖတ်နေသည့် ဖိုးချောကို တွေ့လိုက်ရသဖြင့် ဖိုးသားလည်း ဖိုးချောအနားသွားထိုင်လိုက်သည်။

“ဘာလုပ်နေတာလဲ”

“သတင်းစာဖတ်နေတာလေကွာ၊ ငါကတော့ သတင်းစာထက် ကြော်ငြာတွေကိုပဲ ပိုစိတ်ဝင်စားတယ်၊ သည်မယ်ကြည့် အင်္ကျီကြော်ငြာ၊ အင်္ကျီတွေက မိုက်တယ်နော်၊ ငါလည်း သည်လိုကြော်ငြာတွေ ရိုက်ချင်တာ”

“ဖြစ်လိမ့်မယ်အားကြီးကြီး”

“မင်းကပြောလိုက်ရင် သည်လိုချည်းပဲ၊ ငါ မော်ဒယ်မဟုတ်လို့သာပေါ့၊ ငါ့ဘော်ဒီပဲကြည့်၊ မော်ဒယ်လ်လုပ်စားလို့မရဘူးလား၊ အရပ်လည်းရှည်တယ်၊ ဘော်ဒီလည်းတောင့်တယ်၊ အသားလည်း ဖြူတယ်”

“ဒါဆိုလည်း မော်ဒယ်သွားလုပ်လေ၊ ဘာလို့ စားပွဲထိုးလုပ်နေတာလဲ”

“လွယ်တာမှတ်လို့”

“အဲ့လိုစကားကလည်း ယုတ်ညံ့တဲ့စကားပဲ၊ တကယ်ဖြစ်ချင်ရင် တကယ်လုပ် အဟုတ်ဖြစ်ရမယ်တဲ့”

“အမလေး ပိုက်ဆံပဲ ရေတွက်နေတဲ့ကောင်က စာတွေပေတွေတတ်လို့ပါလား၊ မင်းပြောတာလည်း ဟုတ်ပါတယ်၊ အခြေအနေက မပေးလို့သာပေါ့၊ သည်မော်ဒယ်ဆို ငါလောက်တောင်မချောဘူးနော်၊ မျက်လုံးအိုက်တင်ကလည်းမကောင်းဘူး၊ အသက်မ၀င်ဘူး၊ စတိုင်ထုတ်နေပုံကလည်း အသက်မပါဘူး၊ ပြီးတော့ ခါးကလည်း သေးသေးလေး ကြည့်စမ်းပါဦး”

“ဟုတ်သားပဲနော်”

“ရုပ်မချောတဲ့ကောင်တွေမှ မော်ဒယ်ဖြစ်နေရတာ တကယ်နာတယ်ကွာ”

“ဟုတ်တယ်”

ဖိုးသားထောက်ခံလိုက်သည်။ 

“သည်ကောင့်နေရာမှာ ငါသာဆို အများကြီးအသက်ဝင်အောင်သရုပ်ဆောင်ပြလိုက်မှာ”

ဖိုးချောက ချက်ချင်းထရပ်လိုက်ပြီး စတိုင်တွေထုတ်ကာ မျက်လုံးအိုက်တင်လည်း လုပ်ပြနေလိုက်သည်။

“ဟား ဟား ဟား သိပ်မိုက်တယ်၊ မင်းပုံစံနဲ့ဆို အောင်မြင်လောက်တယ်၊ သေချာတယ်”

“အောင်မြင်ရမှာပေါ့၊ ငါ ဖိုးချောပဲလေ၊ တခြားလူမှမဟုတ်တာ”

“အေးပေါ့ ဖိုးချောမို့လို့ အောင်မြင်ရမှာပေါ့”

“ဘာလဲ မင်းက လှောင်တာလား”

“မင်းက အဲ့လိုထင်တာလား”

“မသိဘူးလေး ငါမေးတာပြော”

“ငါမေးတာပဲအရင်ဖြေ”

“အေး ထင်တယ်ကွာ၊ မင်းက ငါ့ကို အမြဲတမ်း အထင်သေးဖို့ပဲသိတယ်”

“မင်းကအဲ့လိုထင်နေမှတော့ ငါပြောပြလည်း အပိုပဲပေါ့ကွာ”

“မထင်ဘူးဆိုရင်ကော”

“မင်းက တကယ်စတိုင်မိုက်တယ်၊ သရုပ်ဆောင်ဝါသနာ ပါတာလည်း ငါသိတယ်၊ မင်းလို ၀ါသနာပါတဲ့သူတွေအတွက် အခွင့်အရေးရှိလာရင် အောင်မြင်မှာ တကယ်သေချာတယ်”

“အိုး အခုပဲ ဖိုးသားခေါင်းနဲ့တူတော့တယ်ကွ”

ဖိုးချော ထခုန်လိုက်သည်။

Xxxxxxxxxxxxxxxxxxxxx

သည်နေ့ ဆိုင်ကပြန်အလာ စာအုပ်ဆိုင်မှ ယခုလထုတ် ဖက်ရှင်မဂ္ဂဇင်းစာအုပ် ဖိုးချောငှားလာခဲ့သည်။ ဖက်ရှင်လိုလို ကွာလတီမဂ္ဂဇင်းစာအုပ်ထူထူကြီးတွေကို ဖိုးချောအလွန်ကြိုက်သည်။ 

“သည်မယ် သည်မယ်ဖိုးသား သည်မယ်ကြည့်စမ်း”

ဖိုးချောက မဂ္ဂဇင်းစာမျက်နှာကို လှန်ထားပြီး အကျီင်္မီးပူတိုက်နေသည့် ဖိုးသားအား အလောတကြီးပြောလိုက်သည်။

“ဘာလဲကွ”

“သည်မယ်ကြည့်စမ်း၊ လာမဲ့မိုးရာသီအကြိုအတွက် မိုးရာသီဖက်ရှင်ဓာတ်ပုံပြိုင်ပွဲကျင်းပမည်တဲ့၊ အမျိုးသားရော အမျိုးသမီးရော ၀င်ပြိုင်လို့ရတယ်တဲ့၊ ပထမဆုရတဲ့သူကို (၅)သိန်း ဆုချမယ်ဆိုပါလား၊ သည်မဂ္ဂဇင်းထဲမှာလည်း ဖော်ပြဦးမှာတဲ့၊ ၀ါသနာပါလို့ ၀င်ပြိုင်ချင်တဲ့သူရှိရင် ….. လက်မအရွယ်ရှိဓာတ်ပုံနဲ့၊ မိုးရာသီနဲ့ လိုက်ဖက်တဲ့ဓာတ်ပုံ၊ အမျိုးသားဖြစ်ပါက ကိုယ်အပေါ်ပိုင်းဗလာနဲ့ဓာတ်ပုံရယ်နဲ့ သည်ထဲမှာပါတဲ့လိပ်စာအတိုင်း (.)ရက်အမီအရောက်ပို့ ပေးရမယ်တဲ့၊ ငါ ၀င်ပြိုင်ချင်လိုက်တာဖိုးသားရာ”

ဖိုးသားကတော့ အံ့သြစွာသာကြည့်နေသည်။

“ဒါ ငါ့အတွက်အခွင့်အရေးပဲ၊ ငါ လက်လွတ်ခံလို့မဖြစ်ဘူး၊ ငါ ပြိုင်ချင်တယ်ဖိုးသား”

“ပြိုင်ချင်ပြိုင်လေ၊ ငါ အားပေးတယ်”

“မင်းရော ပြိုင်ပါ့လား၊ မင့်ရုပ်ရည်လည်း မဆိုးပါဘူးကွ၊ ကြွက်သားနည်းတာကလွဲလို့ ကျန်တာအကုန်ကြည့်ကောင်းတယ်”

“တော်ပါပြီ၊ ငါ ၀ါသနာမပါပါဘူးကွာ၊ နည်းနည်းလေးမှ မပြိုင်ချင်ဘူး၊ မင်းကိုပဲ ဘေးကနေ အားပေးနေပါ့မယ်ကွာ”

“အိုး ငါ့ ဘော်ဒီ ငါ့အသားအရေ၊ ငါ့အရပ်အမောင်းနဲ့ဆို ပထမဆုတောင်ရချင်ရမှာ၊ အင်း မိုးရာသီအတွက်ဆိုတော့ ၀တ်စုံက အစိမ်းရောင်လေးနဲ့မှ လိုက်ဖက်မှာ၊ တော်သေးတယ်၊ အစိမ်းရောင်အင်္ကျီလေးတစ်ထည်လောက်ရှိလို့၊ ဒါနဲ့ ဖိုးသား မင်းဆီမှာလည်း မ၀တ်ရသေးတဲ့ အစိမ်းရောင်ဖျော့ဖျော့တီရှပ်လေး ရှိတယ်မဟုတ်လား”

“အေး”

“အိုကေ၊ အဲ့ဒါ ငါ့ငှားဦး၊ ရက်က ဘယ်လောက်မှမလိုတော့ဘူး၊ ငါ အချိန်ဆွဲလို့မဖြစ်ဘူး”

ဖိုးချော ငေါက်ကနဲ့ ထလိုက်ပြီး အကျီ င်္ချွတ်ပြလိုက်သည်။

“ငါ့ဘော်ဒီကြည့်စမ်း၊ ကြွက်သားတွေနည်းနေလားမသိဘူး၊ အခုပဲ ဒိုက်ထိုးဦးမှ”

ဖိုးချောက ချက်ချင်းပဲ ဒိုက်ထိုးနေတော့သည်။ ဖိုးချောအဖြစ်ကို ဖိုးသား ကြည့်နေရုံသာတတ်နိုင်တော့သည်။

“(၁) (၂) (၃) (၄)၊ မင်းငေးမနေနဲ့ဖိုးသား ငါ့အတွက် နွားနို့ဖျော်ထားပေးဦး၊ ဒါမှ ကြွက်သားတွေတက်လာမှာ၊ ဖူး ဖူး ဖူး၊ (၂၅) (၂၆)…..”

ဖိုးသားက ဖိုးချောခိုင်းသည့်အတိုင်း နွားနို့ ဖျော်ပြီး စားပွဲလေးပေါ်တင်လိုက်သည်။

“ဒါနဲ့ ငါ့အသားအရေကကော ကောင်းရဲ့လားဟင်၊ မနက်ဖြန်ကျ သွားပေါင်းတင်ရဦးမလားမသိဘူး၊ မင်းပိုက်ဆံချေးဦးနော်”

“ငါပဲ အကုန်အကျခံလိုက်ပါ့မယ်ကွာ”

“အေး ဒါဆို မနက်ဖြန်ကျမှ သွားပေါင်းတင်လိုက်မယ်၊ ပြီးရင် ဓာတ်ပုံဆိုင်သွားပြီး ဓာတ်ပုံရိုက်တာပေါ့၊ မင်းရော လိုက်ခဲ့နော်”

“ဆိုင်ကို ဘယ်လိုလုပ်မလဲ၊ ပစ်ထားလို့မရဘူးလေ၊ သူဌေးက ဆူနေမှာပေါ့”

“ခဏပဲကြာမှာပါကွာ၊ သူ့ဖာသာကြည့်ကြပ်လုပ်ပါစေ”

“ဟင်းနော်”

ဖိုးချော တကယ်ပျော်သည်။ ဓာတ်ပုံပြိုင်ပွဲလေးတစ်ခုအတွက် ဖိုးချော သိပ်ကို ရင်ခုန်နေမိသည်။

Xxxxxxxxxxxxxxxxxxxxxxx

“ဟေ့ယောင် ဖိုးသား၊ သွားကြရအောင်လေ၊ ဓာတ်ပုံဆိုင်”

“အာကွာ၊ အလုပ်တစ်ဖက်နဲ့ကို”

“လူပြတ်နေတုန်းသွားမှပေါ့၊ နာရီဝက်ထက်ပိုမကြာစေရဘူး၊ သူဌေးကို ငါခွင့်တောင်းလိုက်ပြီးပြီ”

“အေး ဒါဆိုလည်း သွားကြတာပေါ့၊ ဘယ်မှာလဲ အကျီင်္ထုပ်က”

“သည်မယ်ကွ၊ သည်မယ်”

ဖိုးချောက ဓာတ်ပုံဆိုင်ကျဝတ်ရန် (၃)စုံလောက် အိမ်က ထုတ်လာခဲ့သော အ၀တ်အစားထုပ်ကို မြှောက်ပြလိုက်သည်။

“အခုပဲလဲဝတ်လိုက်လေ”

“မလဲတော့ဘူး၊ ဆိုင်ကျမှပဲ လဲတော့မယ်၊ ဟိုကျ မိတ်ကပ်ရော နည်းနည်းလောက် လိမ်းခိုင်းဦးမယ်၊ မျက်နှာတော့ မပေါင်းတင်တော့ဘူး၊ အချိန်မရှိဘူး၊ ဒါနဲ့ မင်းအိပ်ကပ်ထဲမှာ ပိုက်ဆံပါသေးရဲ့လား၊ စစ်လိုက်ဦး”

“ပါပါတယ်ကွာ၊ လုံလုံလောက်လောက်ကိုပါပါတယ်”

ဖိုးသားက အင်္ကျီဘေးအိပ်ကပ်ကို ပုတ်ပြီးပြောလိုက်သည်။

နှစ်ယောက်သား ဆိုင်အပြင်မှာ ရပ်ထားသည့် သူဌေး၏ဆိုင်ကယ်လေးရှိရာဆီ သွက်သွက်လေးလှမ်းလိုက်ကြသည်။ ဖိုးချောကတော့ သိပ်ကို ရင်ခုန်နေပါသည်။

ဓာတ်ပုံဆိုင်ရောက်တော့ အမျိုးသမီးတစ်ဦးက မိတ်ကပ်ပါးပါးလိမ်းပေးပြီး အမျိုးသားကင်မရာမန်းတစ်ဦးက ဖိုးချောအား ဓာတ်ပုံများတဖျပ်ဖျပ်ရိုက်နေသည်။ ဖိုးသားကတော့ ဘေးမှာ ငြိမ်ကာ လက်ပိုက်လျှက်ကြည့်နေသည်။ သရုပ်ဆောင်ဝါသနာပါသော ဖိုးချောအဖို့ ကင်မရာမန်းနှင့် စိမ်းသည်ဆိုငြား ဘာမှအခက်အခဲမရှိ။ သရုပ်ဆောင်ပီပြင်ပြောင်မြောက်မှု၊ မျက်လုံးအိုက်တင်ကောင်းကောင်းကြောင့် ကင်မရာမန်းအတွက်လည်း ဘာမှအခက်အခဲမရှိခဲ့။ ကိုယ်အပေါ်ပိုင်းဗလာကျင်းပုံစံရိုက်ရန်အတွက် လည်ဆွဲအဖြစ်ဆွဲထားသော လည်ပင်းမှ လက်စွပ်လေးအား ဖိုးသားလက်ထဲထည့်ပေးလိုက်သည်။ ထိုလက်စွပ်လေးသည် ဖိုးချောမိဘ၏ အမွေပစ္စည်းလေးသာဖြစ်သည်။ ဖိုးချော၏ လက်မောင်းကြွက်သားတုတ်ခိုင်ခိုင်၊ ရင်အုပ်ကားကားများကြောင့် ပုံလှလှများရလေသည်။ 

ဓာတ်ပုံရိုက်ခြင်းပြီးမြောက်သွားတော့ နောက်နှစ်ရက်လောက် စောင့်ပါဦးဟု ကင်မရာမန်းက ဆိုသဖြင့် ဖိုးချောတို့ ကင်မရာမန်းအား နှုတ်ဆက်ကာ ပြန်ခဲ့ကြသည်။

Xxxxxxxxxxxxxxxxxxxx

နောက်(၂)ရက်လောက်ကြာတော့ ဖိုးချောနဲ့ ဖိုးသားတို့ ဆိုင်သိမ်းပြီးပြီးချင်း စက်ဘီးလေးနဲ့ ဓာတ်ပုံဆိုင်သို့သွားကာ ဓာတ်ပုံသွားရွေးကြသည်။ ဓာတ်ပုံထဲမှာ အလွန်စတိုင်ကျ၊ ယောက်ျားပီသကာ လှပသော ဓာတ်ပုံများကို တွေ့ရသဖြင့် ဖိုးချော ထခုန်မိမတတ်ပျော်သွားရသည်။

အိမ်ရောက်တော့ ဖိုးသားနဲ့ ဘယ်ပုံပို့လျှင်ကောင်းမလဲလို့တိုင်ပင်သည်။ ဖိုးသားကလည်း ကောင်းရာမွန်ရာပုံလေးကို ထောက်ပြသည်။ နှစ်ယောက်စလုံးသဘောတူ ညီမျှကြတော့မှ ဓာတ်ပုံလေးများကို စာအိတ်ထဲထည့်လိုက်သည်။

“အာ ဒါနဲ့ဖိုးသား၊ တကယ်လို့ ငါအရွေးခံရရင် ငါ့နာမည် ဖိုးချောဆိုတာကြီး ပါလာမှာပေါ့နော်၊ ဖိုးချောဆိုတာကြီးက တောဆန်တယ်ကွာ၊ ငါမကြိုက်ဘူး၊ ခေတ်ဆန်ဆန်နာမည်လေး မှည့်ပေးလိုက်ရင် မကောင်းဘူးလား”

“သိပ်ကောင်းတာပေါ့၊ မင်းကြိုက်တဲ့နာမည်ပေးလိုက်လေ”

“ငါကြိုက်တဲ့နာမည်တော့ရှိတယ်၊ ငါက ဘိုဆန်ဆန်နာမည်နဲ့ မြန်မာနာမည် ရောထည့်ထားတာမျိုးဆို သိပ်ကြိုက်တာ၊ ဥပမာ ဆလိုင်းလီယို၊ အဲလက်(စ်)အောင်၊ ဒေးဗစ်မောင်မောင်၊ သောမတ်(စ်)ကျော်ဆိုသလိုမျိုးပေါ့၊ ငါက စတီဗင်ဆိုတဲ့နာမည်ကို သိပ်ကြိုက်တာ၊ အဲ့တော့ စတီဗင်ဆိုတဲ့ ဘိုဆန်ဆန်နာမည်နဲ့ လိုက်ဖက်တဲ့ မြန်မာနာမည်ထည့်ရင်ကောင်းမလဲ”

“အင်း စတီဗင်ချောဆိုရင်ကောင်းမလား”

“အာ ချောဆိုတာကြီးက တောဆန်လို့ မကြိုက်ပါဘူးဆိုမှ”

“ဒါဆို စတီဗင်အောင်”

“စတီဗင်အောင်၊ အောင်ကြီးက နည်းနည်းဖျော့နေသလိုကြီးမို့၊ ခပ်မိုက်မိုက်လေးပေးစမ်းပါ”

“ဒါဆို စတီဗင်ဦး”

“ဦး ကလည်း နည်းနည်းဖျော့သလိုပဲ၊ စတီဗင်ထူးဆိုရင်ကောင်းမလား”

“ကောင်းတယ်ထင်တယ်၊ မင်းကြိုက်ရင် ထည့်လိုက်လေ”

“စတီဗင်ထူး၊ စတီဗင်ထူး၊ အရမ်းပဲကောင်းတယ်ကွာ၊ ကြိုက်တယ် ထည့်လိုက်မယ်”

ဖိုးချောက စာအိတ်မျက်နှာပြင်ပေါ်မှာ ဖိုးချောဆိုသည့်နာမည်အစား စတီဗင်ထူးလို့ ထည့်ရေးလိုက်သည်။

“မနက်ဖြန်ကျ၊ အလုပ်ပါးတုန်း သူဌေးဆိုင်ကယ်နဲ့ သွားတင်ကြတာပေါ့၊ မင်းကောလိုက်ခဲ့နော်၊ သိပ်မဝေးလောက်ပါဘူး”

“အာ မင်းဖာသာသွားကွာ၊ ငါ ဆိုင်အလုပ်ကိုပစ်မထားချင်ဘူး”

“အလုပ်ပါးတုန်းသွားမှာပါဆိုမှ၊ ပြီးတော့ လိပ်စာကို (၂)ယောက်အတူရှာတော့ ပိုမမြန်ဘူးလား”

“ဒါပေမဲ့လည်း ဆိုင်မှာ သူဌေးတစ်ယောက်တည်းဆိုတော့”

“တစ်ယောက်တည်းတော့ဘာဖြစ်လဲ၊ အလုပ်တွေမနိုင်လို့ ၀န်ထမ်းအသစ်ခေါ်ပါဆိုမှ ပိုက်ဆံနှမြောပြီး မခေါ်တော့ သူတစ်ယောက်တည်း သိမ်းကျုံးလုပ်ပါစေပေါ့ကွာ”

“ဟင်း အေးပါကွာ၊ အေးပါ၊ သည်နေ့တော့ နွားနို့ကို မင်းဟာကို ဖျော်သောက်၊ ငါပင်ပန်းနေပြီ”

ဖိုးသားက ကုတင်ပေါ် ဗိုင်းကနဲ့ အိပ်ချလိုက်သည်။

“ဟင်း သည်ကောင် မနာလိုနေလားမသိဘူး”

ဖိုးချောက နှုတ်ခမ်းလေးစူကာ တိုးတိုးလေးပြောလိုက်သည်။

တကယ်တော့ ဖိုးသား ၀မ်းနည်းသွားခြင်းဖြစ်သည်။ တကယ်လို့ ဖိုးချော အောင်မြင်သွားခဲ့ရင် ကိုယ်က အပစ်ပယ်ခံတစ်ယောက်ဖြစ်နေမှာ သိပ်ကိုစိုးကြောက်နေမိသည်။ ဖိုးချောပြောခဲ့သလို “ငါ အနုပညာလောကမှာ အောင်မြင်သွားခဲ့ရင် ငါ့မိဘတွေကို ရှာလို့ လွယ်လောက်တယ်” ဆိုတဲ့စကားက နားထဲ ပဲ့တင်ထပ်နေသည်။ ဖိုးသားမတွေးမိအောင် ခေါင်းကို ခါရမ်းလိုက်ပြီး ဇွတ်ကျိတ်မှိတ်ကာ အိပ်လိုက်သည်။

Xxxxxxxxxxxxxxxxxxxxxxxxxx

နောက်နေ့ရောက်တော့ ဆိုင်မှာ လူပြတ်ချိန် သူဌေးအား ခွင့်တောင်းပြီး ဖိုးသားနဲ့အတူ မဂ္ဂဇင်းတိုက်ဆီသို့ ဓာတ်ပုံပို့ရန် လှမ်းခဲ့ကြသည်။ မဂ္ဂဇင်းတိုက်သို့ ရောက်ရှိရန် ဟိုလူ့မေး သည်လူ့မေးပြီး ခက်ခက်ခဲခဲရှာလိုက်မှ ရောက်ရှိခဲ့ကြသည်။

ပြိုင်ထားသည့် မိုးရာသီဓာတ်ပုံပြိုင်ပွဲမှာ ဆုရမရဆိုတာ နောက်လစာအုပ်ထုတ်ကာမှ သိရမည်မို့ အချိန်တွေ မြန်မြန်ကုန်ပါစေတော့လို့ ဖိုးချော ဆုတောင်းမိသည်။ ရင်တွေလည်း ခုန်နေမိသည်။ ဆုရပါစေလို့လည်း မျှော်လင့်မိသည်။ မဂ္ဂဇင်းတိုက်ဆီက အကြောင်းကြားလာလေမလားဆိုပြီး ဖုန်းလေးဆီသို့ပဲ စိတ်ရောက်နေမိသည်။ တစ်ခါတစ်ခါ ဖုန်းဆီသို့သာ စိတ်ရောက်နေခြင်းကြောင့် ဧည့်သည်ရောက်နေသည်ကိုပင် သတိမေ့နေတတ်သည်။

တကယ်လို့ ဆုမရခဲ့ဘူးဆိုရင်တောင် လက်မလျှော့ဘူးလို့ ဖိုးချောအားခဲထားသည်။ နောက်နောင်လည်း အခွင့်အရေးတွေဆိုတာ ရှိလာချင်ရှိလာကောင်း ရှိလာပေလိမ့်မည်။

သည့်ကြောင့် ဖိုးချောအဆင်သင့်ဖြစ်စေရန် ကြိုတင်ပြင်ဆင်ထားသည်။ အသားအရေလှရန်အတွက် လိုးရှင်းမှန်မှန်လူးကာ ကိုယ်တိုင်ပေါင်းတင်ဖြစ်သည်။ အစားအသောက်လည်း ဂရုစိုက်သည်။ ကိုယ်ခန်ဓာကြံ့ခိုင်စေရန်အတွက် ဒိုက်ထိုးလေ့ကျင့်လည်း နေ့စဉ်မပျက်မကွက်လုပ်ဖြစ်သည်။ တီဗွီထဲက လာသည့် မော်ဒယ်ရှိုးပွဲများကိုကြည့်ပြီး ရှိုးလျှောက်ဟန်ကိုလေ့လာသည်။ ရှေ့ မှာ အောင်မြင်နေသော အနုပညာရှင်တို့၏ ဘ၀ဇာတ်ကြောင်းနှင့် အင်တာဗျူးများကိုဖတ်ပြီး စေ့စုံစွာ လေ့လာသည်။

ဖိုးချောက ထိုသို့လုပ်နေစဉ် ဖိုးသားကတော့ ပိုက်ဆံရေတွက်လိုက်၊ တီဗွီကြည့်လိုက်၊ ဖုန်းလေးကလိလိုက်နဲ့ လုပ်ဖြစ်နေသည်။ 

Xxxxxxxxxxxxxxxxxxxxxxxxxxxxxxxxxxx

လကုန်ဖို့အတွက် ရက်ပိုင်းမျှသာလိုတော့သည်။ ဘယ်မဂ္ဂဇင်းတိုက်ပဲဖြစ်ဖြစ် လမကုန်ခင်ကတည်းက လမည့်လအတွက် မဂ္ဂဇင်းများကို ကြိုတင်ထုတ်လေ့ရှိကြသည်။ သည့်အကြောင်း ဖိုးချော ကောင်းကောင်းသိထားသည်။ ဆိုတော့ဖြင့် သည်အချိန်ဆိုလျှင် ဖက်ရှင်မဂ္ဂဇင်းကြီးသည်လည်း ထွက်ချိန်တန်လောက်ပေပြီ။ ဓာတ်ပုံပြိုင်ဝင်ထားသည့်ကိစ္စနှင့်ပတ်သက်ပြီး ခုချိန်ထိ ဘာမှမကြားရသေးပုံထောက်လျှင် ဖိုးချော အရွေးမခံခဲ့ရဘူးထင်သည်။ ဖိုးချောစိတ်ကလည်း စိုးတထင့်ထင့်ဖြစ်လာသည်။ ဆိုင်မှာ လူပြတ်သွားလေတိုင်း အသံမြည်လာနိုးနိုးနဲ့ ဖုန်းလေးကိုသာ ကြည့်နေမိသည်။

“ဖိုးချောရော သည်မယ်၊ မင်းအတွက် သတင်းကောင်းထင်တယ်”

ဖိုးသားက သတင်းစာရွက်ကြီးယူလာပြီး ဖိုးချောအား ပြေးလာကာပြလေသည်။ 

“ဘာများလဲ၊ ငါအရွေးခံရတဲ့သတင်းပါလာလို့လား”

“မဟုတ်ဘူးကွ၊ အိမ်ထောင်သည်အမျိုးသားတွေသောက်ရတဲ့ Top Ten အားဆေးကုမ်ပဏီက အမျိုးသားတွေသီးသန့် အလှပြိုင်ပွဲကျင်းပမလို့တဲ့၊ မင်းစိတ်ဝင်စားမလားလို့”

“ဘယ်လို၊ အမျိုးသားသီးသန့် အလှပြိုင်ပွဲ ဟုတ်လား”

“ဟုတ်တယ်၊ ခေါင်းစဉ်နာမည်က “ဆွဲဆောင်ခန့်ညား စွမ်းအားပြည့်ဝ အမျိုးသားဘ၀”တဲ့”

မမျှော်လင့်သောသတင်းကောင်းကြောင့်ဖိုးချောက သတင်းစာအား ဆတ်ကနဲ့ ဆွဲယူလိုက်သည်။

“အိုး ဒါက ငါ့အတွက်အခွင့်အရေးကောင်းပဲ၊ မိုးကောင်းကင်က ငါ့ကိုပေးလိုက်တဲ့ ဆုလာဘ်တစ်ပါးပဲ၊ ငါမပြောဘူးလား၊ ငါ့အတွက်အခွင့်အရေးတွေရှိလာမှာလို့၊ ငါ ပြိုင်မယ်၊ ဖက်ရှင်မဂ္ဂဇင်းက ကိစ္စအရွေးမခံရဘူးဆိုရင်တောင် သည်ပြိုင်ပွဲမှာတော့ ငါ ကျိန်းသေပေါက် ဆုရစေရမယ်”

ဖိုးချော ကြိမ်းဝါးလိုက်သည်။

“ငါ အားပေးတယ်ဖိုးချော၊ ပြိုင်သာပြိုင်၊ ငါ မင်းဘက်မှာ အမြဲတမ်းရှိတယ်၊ ပိုက်ဆံလိုရင်လည်း ငါအကုန်ပေးမယ်၊ လိုသလောက် ငါရှာပေးမယ်”

“ကျေးဇူးပဲဖိုးသား၊ အခုလိုသတင်းပေးတဲ့အတွက်လည်း ကျေးဇူးတင်တယ်၊ ပိုက်ဆံကတော့ လိုရင် ငါစုထားတာတွေ ထုတ်သုံးသင့်ရင် ထုတ်သုံးရမှာပဲလေ”

“အာ မင်း စုထားတာတွေ ထုတ်မသုံးစမ်းပါနဲ့ကွာ၊ အဲ့ဒါတွေက မင့်းမိဘတွေအတွက် အိမ်ဝယ်ပေးမလို့ စုထားတာဆို”

“ဟုတ်ပေမဲ့ ထုတ်သုံးသင့် သုံးရမှာပေါ့၊ ငါအောင်မြင်ရင်တော့ ပိုက်ဆံတွေ ပိုပိုပြီး ရမှာပဲဟာ”

“မင်းကို ငွေမမက်စေချင်ဘူးဖိုးချော၊ မင်းက ငွေရဖို့အတွက် သည်အလုပ်ကို လုပ်ချင်တာလား”

“မဟုတ်ပါဘူးကွာ၊ ငါ ငွေမမက်ပါဘူး၊ အောင်မြင်ဖို့သာအဓိကမဟုတ်လား၊ အောင်မြင်ရင် ငွေတွေက အလိုလိုရလာမှာလို့ပြောတာပါ”

“အေးပါကွာ၊ အခုပြိုင်ပွဲအကြောင်းကို သေချာဖတ်ကြည့်၊ မင်း လုံးဝလက်မလွှတ်သင့်တဲ့အခွင့်အရေးပဲ၊  မင်းသာ သည်ပြိုင်မှာ အရွေးခံရရင် မင်းဘ၀အကြီးအကျယ်ပြောင်းလဲသွားမှာသေချာတယ်၊ ဒါကြောင့် မင်းကို အတတ်နိုင်ဆုံးကူညီမယ်ဖိုးချော”

“ကျေးဇူးတင်လိုက်တာဖိုးသားရာ”

“သည်နေ့ကစပြီး မင်းဘော်ဒီပိုလှအောင်၊ လေ့ကျင်းခန်း ပိုလုပ်ဖြစ်အောင် ငါကူညီမယ်၊ ခန်ဓာကိုယ်ကို အားဖြစ်စေမဲ့အစားအစာတွေ ငါကိုယ်တိုင်လုပ်ပေးမယ်၊ မျက်နှာအသားအရေချောမွတ်နေစေဖို့အတွက်လည်း ငါကိုယ်တိုင်ပေါင်းတင်ပေးမယ်ကွာ”

“ကျေးဇူးတင်လိုက်တာဖိုးသားရာ၊ ငါ ပြောမပြတတ်အောင် ကျေးဇူးတင်ပါတယ်”

“မင်းနဲ့ငါက မိသားစုဝင်တွေပဲ၊ ကျေးဇူးတင်တယ်ဆိုတဲ့စကားပြောစရာလား၊ အာ ဧည့်သည်လာနေပြီ၊ မင်းထိုင်နေ၊ ငါသွားလိုက်မယ်”

ဖိုးသားက ဧည့်သည်များဆီ ပြေးလိုက်ပြီး ရိုရိုသေသေနဲ့ “ကြွပါခင်ဗျာ၊ ဘာများသုံးဆောင်ပါမလဲခင်ဗျာ” လို့ ကြိုဆိုလိုက်သည်။

ဖိုးချော ထိုသတင်းအား ဆက်ဖတ်လိုက်သည်။

Top Ten အားဆေးမှ အမျိုးသားသီးသန့် အလှပြိုင်ပွဲကျင်းပမည်။ စိတ်ပါဝင်စားသူများ မည်သူမဆို ပါဝင်ယှဉ်ပြိုင်နိုင်သည်။ အသက်(၁၆)နှစ်မှ အသက်(၂၅)အတွင်းဖြစ်ရမည်။ အိမ်ထောင်မရှိသူ လူပျိုဖြစ်ရမည်။ အရပ် ၅ပေ ၆လက်မ အနည်းဆုံးရှိရမည်။ နူးညံ့စိုပြေသော အသားအရေပိုင်ဆိုင်သူဖြစ်ရမည်။ ဘော်ဒီအသင့်အတင့် တောင့်တင်းသူဖြစ်ရမည်။ စိတ်ပါဝင်စားသူများ အလှဓာတ်ပုံ(…)နှင့်အတူ (….)ရက်နေ့အတွင်း နောက်ဆုံးထား၍ လျှောက်ထားရမည်။ ပညာအရည်အချင်းမလိုအပ်ပါ။ အောက်ပါဖြတ်ပိုင်းအား ဖြတ်တောက်ပြီး ကိုယ်ရေးအကျဉ်းထည့်သွင်းကာ ( …..)လိပ်စာအတိုင်း ပေးပို့ရမည်။ ဆန်ခါတင် ရွေးချယ်ခံရသော (၁၀)ဦးအား ရှိုးပွဲအဖြစ်ကျင်းပပေးပြီး နာမည်ကြီးသော အနုပညာရှင်များကိုယ်တိုင် သေချာစိစစ်ပြီးမှ ပထမဆု၊ ဒုတိယဆု၊ တတိယဆုအဖြစ် ရွေးချယ်ပေးမည်။ ပထမဆု(၁၅)သိန်း၊ ဒုတိယဆု(၁၀)သိန်းနဲ့ တတိယဆု(၅)သိန်းစီ ချီးမြှင့်ပေးပါမည်။

ဖိုးချော သက်ပြင်းရှည်ကြီးကို မှုတ်ထုတ်လိုက်သည်။ ရင်တွေလည်း တဒိန်းဒိန်းခုန်လျှက်ရှိသည်။

Xxxxxxxxxxxxxxx

ဖိုးချောဒိုက်ထိုးနေသည်။ ဖိုးသားကတော့ ညစာချက်ပြုတ်နေသည်မို့ ဟိုသည်ဝင်ထွက်လုပ်နေသည်။

“ဖူး ဖူး ဖူး”

ဖိုးချော ဒိုက်ထိုးရင်း မမောစေရန် လေပူများကို မှုတ်ထုတ်နေသည်။

“ဟာ ဘာလို့ရပ်လိုက်တာလဲ၊ ခဏလေးပဲရှိသေးတာကို ပြန်လုပ်ကွာ၊ သည်လောက်လေးနဲ့မရသေးဘူး”

ဖိုးသားက ယောင်းမကိုင်ရင်း ပြောလိုက်သည်။

“မောတယ်ကွ၊ ခဏနားပြီးမှ လုပ်မယ်”

“မင်းလုပ်ပုံနဲ့တော့ ကြွက်သားတွေ လျော့လာမှာမြင်ယောင်သေး၊ တကယ်ဖြစ်ချင်ရင် ကိုယ့်ကိုယ်ကိုယ် မညှာရဘူးကွ၊ အခုချက်ချင်းလုပ်စမ်း၊ အကြိမ်(၅၀)”

“ဟုတ်ကဲ့ပါဆရာမ”

“ဟင်းနော်၊ ယောင်းမကြီးနဲ့ ခေါက်လိုက်လို့၊ ငါ ရေထားမယ်၊ (၁) (၂) (၃) (၄) …….(၅၀) (၅၁)၊ အိုကေ တော်တယ်၊ ရော့ ဒါနဲ့ ချွေးတွေသုတ်လိုက်၊ ချွေးတိတ်ရင် ရေချိုး၊ ငါ မင်း ခန်ဓာကိုယ်အတွက် အားကောင်းစေတဲ့ အသီးအရွက်တွေအများကြီးချက်ထားတယ်၊ ပြီးရင် စားမယ်”

ဖိုးသားက တဘက်လေးလှမ်းပစ်လိုက်ရင်းပြောလိုက်သည်။ ဖိုးချောလည်း တဘက်အား အမိဖမ်းယူလိုက်ပြီး လေပူမှုတ်ထုတ်ကာ ချွေးများကို သုတ်လိုက်သည်။

ထမင်းဝိုင်းထိုင်တော့ ဖိုးသားက ဖိုးချောလက်ထဲ ထမင်းဟင်းများကို ခူးခပ်ထည့်ပေးလိုက်သည်။ 

“အစပ်တွေ လွှတ်အများကြီးစားလို့မဖြစ်ဘူးနော်၊ တော်ကြာ ပြိုင်ပွဲဝင်ကာနီးမှ ၀က်ခြံတွေ ထွက်လာရင် အခက်”

“အေးပါ၊ ကျေးဇူးပဲ”

“စားပြီးရင် ခဏနား၊ ပြီးရင် မျက်နှာပေါင်းတင်ပေးမယ်၊ သခွားသီးကပ်မလား၊ ….ကပ်မလား””

“သခွားသီးကပ်တာပေါ့”

“ဒါဆို နွားနို့အရင်သောက်၊ ငါပဲဖျော်ပေးမယ်၊ သခွားသီးလည်း ငါကိုယ်တိုင်လှီးပြီး ကပ်ပေးမယ် ဟုတ်ပြီလား”

“ကျေးဇူးပဲ”

“ကျေးဇူးဆိုတဲ့စကားကြီးက နားခါးတယ်ကွာ”

“အေးပါ”

နွားနို့သောက်ပြီးတော့ ဖိုးချော ကုတင်ပေါ် ပက်လက်အိပ်လိုက်သည်။ ဖိုးသားက လှီးပြီးသား သခွားသီးပါးပါးလေးများကို ပန်းကန်ပြားထဲထည့်ပြီး မီးဖိုချောင်ထဲက ထွက်လာသည်။ 

“ကပ်မယ်နော်၊ ငြိမ်ငြိမ်နေ၊ လှုပ်ရင် ကွာကျကုန်မယ်”

“အင်း”

ဖိုးချောက ငြိမ်ငြိမ်လေးနေကာ မျက်လုံးလေးများကို မှေးလိုက်သည်။ ဖိုးသားက သခွားသီးဖတ်များကို နဖူးမှစကာ ကပ်ပြီး နှုတ်ခမ်းအနားရောက်တော့ ဖိုးသားလက်လေးတုံ့ကနဲ့ ရပ်တန့်သွားသည်။ စွဲမက်ဖွယ်ကောင်းလွန်းလှသည့် ဖိုးချော၏ ပန်းနုရောင်နှုတ်ခမ်း။ ဖိုးချော၏ ပန်းနုရောင်နှုတ်ခမ်းလေးက ဖိုးသားအတွက် ဘာရယ်မသိ အလွန်စွဲမက်ဖွယ်ဖြစ်နေသည်။ အဘယ်ကဲ့သို့ ခံစားရသည်ကိုလည်း ဖိုးသားမဝေခွဲတတ်။ ဖိုးသားမျက်လုံးမှိတ်ကာ ခေါင်းရမ်းလိုက်သည်။

ငါ ဘာတွေဖြစ်နေပါလိမ့်။ ငါ ဘာကြောင့် ဖိုးချောနှုတ်ခမ်းတွေကို စွဲမက်နေမိပါလိမ့်။ 

ဖိုးသားခေါင်းရမ်းလိုက်ပြန်ကာ သခွားသီးဖတ်များကို ထပ်ကပ်လိုက်သည်။ သို့တိုင် ဖိုးသား၏ လက်တို့သည် လေထဲတွင်ရပ်တန့်နေသည်။ ထူထဲနက်မှောင်သော မျက်ခုံး။ ကော့ရွှန်းနေသော မျက်တောင်။ စင်းနေသော နှာတံလေး။ ထိုအရာများကိုလည်း ဖိုးသား စွဲမက်နေခဲ့မိပြီလား။

“အင်း အင်း”

ဖိုးသားက ရပ်တန့်နေတော့ ဖိုးချောက တအင်းအင်းနဲ့ အသံပေးလိုက်ကာမှ ဖိုးသားသတိဝင်သွားရသည်။

“သြော် အေးပြီးပြီ၊ ငြိမ်ငြိမ်လေးနေနော်၊ မလှုပ်နဲ့၊ (၁၅)မိနစ်လောက်ကြာမှ ပြန်ခွာပေါ့၊ ပြီးရင် တိုနာလိမ်းမယ်”

“အင်းအင်း”

ဖိုးချောက ပါးစပ်မဟပဲ “အင်း”လေးသာ ထွက်ပေးလိုက်သည်။

Xxxxxxxxxxxxx

ဆိုင်မှာ လူပြတ်နေသဖြင့် ဖိုးချောက ဖိုးသားဆီ ပြေးလာသည်။

“ဖိုးသား ငါရှိုး အစမ်းလျှောက်ကြည့်မလို့ မင်းကြည့်ပေးပါလား”

“အေး”

ဖိုးသားက လုပ်လက်စ လက်ဖက်ရည်ခွက်များအား ဆေးကြောခြင်းကို ရပ်လိုက်ပြီး ခွေးခြေပုပုလေးပေါ် ထိုင်လိုက်သည်။ ဖိုးချောက အဝေးတစ်နေရာသွားရပ်ပြီး ဖိုးသားဘက်လှည့်ကာ မော်ဒယ်လျှောက်ဟန် လျှောက်ပြသည်။ မျက်နှာအမူအယာနဲ့ မျက်လုံးအနေအထားကို အလွန်ဂရုစိုက်ရသည်။

“ခေါင်းက နည်းနည်းမော့နေတယ်ကွ”

ဖိုးသားကထောက်ပြတော့ ဖိုးချောလည်း ခေါင်းကို နည်းနည်းနိမ့်လိုက်သည်။

“နှုတ်ခမ်းကြီးစူနေတယ်ကွ၊ မာနကြီးတဲ့ပုံပေါက်နေတယ်၊ ညှို့ ယူတဲ့ဟန်နဲ့ မရယ်မပြုံးလေးနေစမ်းပါ”

ဖိုးချောလည်း ဖိုးသားပြောသည့်အတိုင်းလိုက်လုပ်သည်။

“လမ်းလျှောက်ဟန်တော့မဆိုးဘူး၊ တင်ကြီး လွှတ်ကောက်မနေအောင်သာ ထိန်းထား၊ ခါးကိုလည်း ကုန်းမနေစေနဲ့ဦး”

“အင်းပါ”

“မင်းက ဘယ်ဆိုးလို့တုန်း၊ မင်းက ၀ါသနာပါပြီးသားဆိုတော့ အထူးတလည်လေ့ကျင့်ဖို့တော့မလိုပါဘူး၊ ဒါပေမဲ့ တတ်မြောက်ပါတယ်လို့ ကိုယ့်ကိုယ်ကိုယ်အထင်ကြီးစိတ်ဝင်ပြီး မလေ့ကျင့်ပဲ မနေနဲ့ဦး၊ အမြဲ လေ့ကျင့်ထားမှ တတ်ပြီးသား ပြန်မလျော့ပဲ အရည်အချင်းလည်း ပိုတတ်လာမှာ”

“ဟုတ်ပါပြီ”

“ဘယ်တော့လောက် ဓာတ်ပုံဆိုင်သွားမလဲ”

“မနက်ဖြန်သွားရင်ကောင်းမလား”

“လောလို့မဖြစ်ဘူးဖိုးချောရ၊ ဆန္ဒစောတာမကောင်းဘူး၊ အချိန်တွေရှိသေးတယ်၊ အချိန်ရှိတုန်း ဘော်ဒီပိုလှအောင်နဲ့ အသားအရေပိုလှအောင်ဂရုစိုက်နေပေါ့ကွာ”

“အေးပေါ့”

ဖိုးချောကလည်း တပည့်သဖွယ် လေ့ကျင့်မှုကို ခံယူလေသည်။

“မနက်ဖြန်အလုပ်ပါးရင် အ၀တ်အစား ခပ်မိုက်မိုက်တွေ သွားဝယ်ကြတာပေါ့၊ သည်ရန်ကုန်မှာ ဈေးအကြီးဆုံး ဖက်ရှင်ဆိုင်သွားကြတာပေါ့၊ သည်တစ်ခေါက်ဓာတ်ပုံပြိုင်ပွဲအတွက်  အ၀တ်အစားကိုလည်း အထူးဂရုစိုက်ရမယ်၊ ငါ့မှာ ငွေအလုံအလောက်ရှိပါတယ်”

“ကျေးဇူးတင်လိုက်တာကွာ”

“ကျေးဇူးဆိုတာကြီးက နားခါးပါတယ်ဆို”

“ငါသာအောင်မြင်ခဲ့ရင် မင့်ကျေးဇူးကို ဘယ်တော့မှ မမေ့ပါဘူး”

“စကားကို အကုန်မပြောစမ်းနဲ့၊ မင်းအောင်မြင်အောင်သာ ကြိုးစားပါဦးကွာ”

Xxxxxxxxxxxxxxxxxxxxx

“သူဌေး ကျွန်တော်တို့ ရှော့ပင်းခဏသွားချင်လို့”

“ဟာ မင်းတို့ဟာကလည်း အလုပ်လုပ်ရင်း အပြင်ကိုခဏခဏထွက်လို့ပါလား၊ ဘာတွေအလုပ်ရှုပ်နေလို့လဲကွ၊ လင်းစမ်းပါဦး”

“ဒါတော့ လျှို့ ဝှက်ချက်ဗျ၊ ပြောဖို့အဆင်သင့်ဖြစ်တဲ့အချိန်ကျတော့ ပြောပြပါ့မယ်”

“မင်းတို့က တော်တော်ပဟေဠိလုပ်ပါလားကွ၊ ငါတစ်ယောက်တည်း အလုပ်တွေမနိုင်တာ သိသားနဲ့”

“အဲ့ဒါပြောတာပေါ့၊ ၀န်ထမ်းတစ်ယောက်လောက်ခေါ်ပါဆိုမှ၊ ကျွန်တော်လည်း တစ်ယောက်တည်းပဲ လုပ်နေရတာ ပင်ပန်းတယ်သူဌေးရ”

ဖိုးချောက စူပုပ်ပုပ်နဲ့ ပြောလိုက်သည်။

“အေးပါကွာ၊ ခေါ်ပါ့မယ်၊ မင်းတို့လို လိမ္မာတဲ့လူတွေ့ဖို့က ခက်တယ်ကွ”

“သူဌေးက ဆင်ခြေတော့ပေးတတ်သားပဲ၊ လခပေးရမှာစိုးလို့ မရှာတာမဟုတ်လား”

“မင်းနော်၊ လူကြီးကို တစ်နေ့တခြား မပြောရဲတဲ့စကားဆိုတာ မရှိတော့ဘူး”

“သူဌေးကလည်းနော်၊ ကျွန်တော် သည်တစ်ခါ အလွန်အရေးကြီးတဲ့ကိစ္စမို့လို့ပါ၊ တစ်နေ့နေ့ကျရင် ကျွန်တော်သူဌေးကို ကျေးဇူးဆပ်ပါ့မယ်”

“အေးကွယ်သွားကြ၊ မောင်ဖိုးသားက နေခဲ့မယ်မဟုတ်လား”

“ကျွန်တော်ကော လိုက်မှဖြစ်မှာသူဌေး”

“အေးပါ အေးပါ၊ သွားကြ သွားကြ၊ ပျော်ချင်သလောက်လည်းပတ်ကြ၊ သည်အဖိုးကြီးက ရှိသမျှအလုပ် သိမ်းကျုံးလုပ်ပါ့မယ်နော့်”

သူဌေးစကားကြောင့် ဖိုးချောတို့နှစ်ယောက် ရယ်လိုက်ကြသည်။

“ဒါဆိုသွားတော့မယ်နော်၊ သိပ်တော့ မကြာစေရပါဘူး”

“လမ်းမှာ ဂရုစိုက်ဦး”

“ဟုတ်ကဲ့”

Xxxxxxxxxxxxxxxxxxxxxxxxx

မော်ဒယ်သရုပ်ဆောင်မင်းသားသစ် ဖြစ်သော နေမင်းထိုက် သူငယ်ချင်းဖြစ်သူ ဟိန်းထက်နဲ့ ကုန်တိုက်တစ်ခုမှာ ရောက်နေသည်။ ဖက်ရှင်ဒီဇိုင်းဆန်းဆန်းများရှိသောနေရာသို့ လှည့်လည်နေကြသည်။ အင်္ကျီများကိုတစ်ခုပြီးတစ်ခု ယူပြီး ကိုယ့်ကိုယ်နဲ့တိုင်းကြည့်နေသည်။

“ဒါလေးဆို ငါနဲ့ လိုက်လားဟိန်းထက်”

“သိပ်လိုက်တာပေါ့၊ ငါ့သူငယ်ချင်းက ဘာနဲ့ဖြစ်ဖြစ် လိုက်ဖက်ပြီးသား”

“အိုး မင်း သိပ်အပြောကောင်းတာပဲ”

နေမင်းထိုက်က နောက်မှ အရောင်ဝန်ထမ်းမလေးဘက်သို့ အင်္ကျီအားပစ်ပေးလိုက်သည်။ အ၀တ်အစားများကို တစ်ထည်ပြီးတစ်ထည်ကြည့်သည်။ အားလုံးကြိုက်တာတွေချည်းမို့ အရောင်ဝန်ထမ်းမလေးဘက်သို့ ပေးလိုက်ပြန်သည်။ အရောင်းဝန်ထမ်းမလေး၏ ကိုယ်ပေါ်တွင် အ၀တ်အစားများ ပုံနေတော့သည်။

“ဒါလောက်ဆို တော်လောက်ပြီနေမင်းထိုက်”

“တော်လောက်ပြီလား၊ နည်းနေလားလို့”

“မနည်းတော့ဘူးကွ၊ မင်းအဖေသိရင် ဆူနေပါဦးမယ်”

“မဆူပါဘူးကွာ၊ ငါ့အဖေက ငါ့စိတ်တိုင်းကျ လွတ်လပ်ခွင့်ပေးပါသေးတယ်၊ အေးပါတော်ပါပြီ”

နေမင်းထိုက်က အရောင်းဝန်ထမ်းမလေးအား မျက်ရိပ်ပြလိုက်သည်။ အရောင်းဝန်ထမ်းမလေးက အ၀တ်အစားများ ပွေ့သယ်သွားသည်။ 

ထိုစဉ် ဖိုးချောနဲ့ ဖိုးသားတို့လည်း နေမင်းထိုက်တို့နဲ့ သိပ်မလှမ်းသော နေရာတွင် အ၀တ်အစားများရွေးယူနေသည်။ ဖိုးချောနဲ့ ဖိုးသားတို့အား နေမင်းထိုက်၏ သူငယ်ချင်း ဟိန်းထက်ကမြင်သွားသည်။

“ဟေ့ယောင် ဟို ဘောင်းဘီတိုတိုနဲ့ကောင်က ဘော်ဒီမိုက်သလိုပဲနော်”

ဟိန်းထက်ပြတော့ နေမင်းထိုက်လှည့်ကြည့်လိုက်သည်။

“ဘယ်မှာမိုက်လို့ မမိုက်ပါဘူးကွာ၊ အရပ်ကလည်း ပုသလိုလိုနဲ့၊ အ၀တ်အစားဝတ်ထားတာလည်း ကြည့်စမ်းပါ တောသားတွေ ကျနေတာပဲ”

နေမင်းထိုက်က မဲ့ရွဲ့ကာ ပြောလိုက်သည်။

“မင်း သေချာကြည့်ပါကွ၊ သည်ကောင်က အားကစားတော်တော်လုပ်ပုံရတယ်၊ သည်ကောင်သာ မင်းသားဖြစ်ရင် အောင်မြင်လောက်တယ်”

“မင်းနော် ငါ့ရှေ့ မှာ သည်လိုစကားပြောစရာလား၊ လောကမှာ ဘယ်မင်းသားတွေ ငါလောက်ချောလို့လဲကွ၊ ငါက အရပ်လည်းရှည်တယ်၊ မိန်းကလေးများဆို ငါမှငါဖြစ်နေတာ မင်းလည်းအသိပဲ”

“သေချာကြည့်လိုက်တော့ မင်းနဲ့နည်းနည်းဆင်သလိုပဲ၊ လမ်းလျှောက်ပုံက မင်းနဲ့ နည်းနည်းတူသလိုပဲနော်”

“မင်းကလည်း မဟုတ်မဟက်၊ တောသားသူတောင်းစားရုပ်နဲ့ကောင်ကိုမှ ငါနဲ့ နှိုင်းစရာလား၊ သွားစမ်းပါကွာ၊ စိတ်ရှုပ်တယ်၊ မင်းပဲသေချာကြည့်လိုက်၊ လူပုံကတောသားဆင်းရဲသားပုံနဲ့ ပိုက်ဆံဘယ်လောက်ရှိလို့ သည်လိုကုန်တိုက်လာနေရတာလဲ၊ သည်ကောင်တွေဂေါက်နေတာ၊ ကိုယ့်အဆင့်ကိုယ်မသိတဲ့ကောင်တွေ”

“ထားပါတော့ကွာ၊ ငါက ထင်သလိုပြောတာပါကွာ၊ ဗွေမယူစမ်းပါနဲ့၊ သွားရအောင် ခုလောက်ဆို ငွေရှင်းလို့ရလောက်ပြီ”

နေမင်းထိုက်တို့ ဖိုးချောတို့ရှေ့ ကနေ ဖြတ်သွားလိုက်ကြသည်။ ဖိုးချောကတော့ မမြင်ခဲ့။

“ဘယ်လဲဖိုးချော”

ဘေးမှာ ရှိနေသည့် ဖိုးချောအား မမြင်ပဲ နောက်က ဖြတ်သွားသော နေမင်းထိုက်အား ဖိုးချောအမှတ်နဲ့ ဖိုးသားမေးလိုက်မိသည်။

“ဘာလဲ”

ဖိုးချောက ကြောင်တောင်စွာ မေးလိုက်သည်။

နောက်မှ ဖိုးချောအသံကြောင့် ဖိုးသားလူမှားသွားမှန်းသိလိုက်သည်။

“သြော် ဟော့ဟိုကောင်ကို မင်းများလားလို့၊ အင်္ကျီအနက်နဲ့ကောင်ကိုလေ”

ဖိုးချောလည်း လှည့်ကြည့်လိုက်သည်။ မျက်နှာကိုတော့ မမြင်ရ။

“ထားပါ၊ အင်္ကျီရွေးရအောင်၊ အင်္ကျီပုံစံက လူငယ်ဆန်မှဖြစ်မယ်၊ ကိုယ့်ဘော်ဒီကိုပေါ်လွင်စေမဲ့ ဘော်ဒီဖစ်တွေမှ ကောင်းမယ်ထင်တယ်၊ အခုခေတ် ကော်လာပါတဲ့ ဘော်ဒီဖစ်လက်တိုလေးတွေ သိပ်ခေတ်စားတယ်မလား”

“အင်း ”

“မင်းအသားရေနဲ့ လိုက်ဖက်မဲ့ အရောင်ကို ဦးစားပေးရွေးမှဖြစ်မယ်၊ မင်းအသားအရေးက ပန်းနုရောင်ဆိုတော့ ဘာအရောင်နဲ့ပဲဖြစ်ဖြစ် လိုက်ဖက်ပြီးသားပဲ၊ အမှောင်ခန်းထဲမှာ ရိုက်မှာဆိုရင် အနက်ရောင်လေးမှကောင်းမယ်၊ အနက်ရောင်က အသားအရေအလှကို ပေါ်လွင်စေတယ်”

“အင်း အင်း”

“ဒါလေးဆို မကောင်းဘူးလား”

“ကောင်းပါတယ်၊ ဒါပေမဲ့ ဈေးကြီးလောက်တယ်”

ဖိုးချောက ဈေးနှုန်းကတ်ကိုကြည့်လိုက်တော့ ဈေးကြီးလွန်းသဖြင့် လန့်သွားသည်။

“ဖြစ်ပါ့မလား၊ ဈေးကြီးတယ်ကွ”

“အထူးပွဲဆိုတော့ သည်လောက်တော့ ရင်းရမယ်လေကွာ”

“အင်း အင်းပေါ့”

“ရင်းရကျိုးနပ်ပါစေလို့ မျှော်လင့်ရမှာပဲ၊ ဒါလေးကော ဘယ်လိုလဲ”

“မင်းပဲ ဆုံးဖြတ်ပါတော့ကွာ”

“အိုကေ”

Xxxxxxxxxxxxxxxxxxxxxxxxxxxxx

ဒါရိုက်တာဦးမင်းသိုင်းတစ်ယောက် လက်တော့ပ်လေးအား အိမ်ရှေ့ ဧည့်ခန်းဆက်တီခုံပေါ်သို့ ရွှေ့ ကာသတင်းများကို မွှေနှောက်ရှာနေသည်။ နောင် ရုပ်ရှင်ကားကြီးတစ်ကားရိုက်ရန်အတွက် တက်သစ်စမော်ဒယ်တစ်ယောက်လိုအပ်နေသည်။ ထိုကားတွင် ဒါရိုက်တာဦးမင်းသိုင်းတစ်ယောက် အကယ်ဒမီ ရစေရမည်ဆိုဟု ကြိမ်းဝါးထားသည်။ အရင်ကလည်း ပရိသတ်အလွန်ကြိုက်သော ရုပ်ရှင်ကားများကို အကယ်ဒမီကို မျှော်မှန်းပြီး ဦးမင်းသိုင်း ရိုက်ကူးခဲ့သော်လည်း သရုပ်ဆောင်များသာ အကယ်ဒမီရရှိခဲ့ပြီး ဦးမင်းသိုင်းကတော့ အကယ်ဒမီနဲ့ လွဲချော်ခဲ့သည်။ သည့်ကြောင့် ယခုရိုက်မည့်ဇာတ်ကားတွင် အကယ်ဒမီရရှိစေဖို့ အစစအရာရာကောင်းမွန်စေရန်အတွက် သေသေချာချာစေ့စေ့စပ်စပ်လေ့လာနေသည်။ ရုပ်ရှင်ကားကောင်းတစ်ကားတစ်ကားဖြစ်ရန်အတွက် အချိန်များစွာ ယူရမည်။ သည့်ကြောင့် ထိုကားတွင် အသုံးပြုရန်အတွက် တက်သစ်စမော်ဒယ်လေးများကို ရှာဖွေကာ လေ့လာနေသည်။ ကိုယ့်မှာ ကိုယ်ကိုယ်တိုင် မင်းသား မြှောက်ပေးထားသည့် တက်သစ်စမင်းသားဖြစ်သည့် သားအရင်း နေမင်းထိုက်ရှိပါသော်လည်း သား၏ စရိုက်များက ယခုဇာတ်ကောင်နေရာနှင့် လိုက်ဖက်မှုမရှိတာကြောင့် သုံးဖြစ်မည်မဟုတ်ပေ။ ထိုရုပ်ရှင်ကားအကြောင်း သားကိုပြောလိုက်ပါက သူ သရုပ်ဆောင်ချင်ကြောင်း မရမကပူဆာပေဦးမည်။ ပြောလို့ဖြစ်မည်မဟုတ်သဖြင့် ဦးမင်းသိုင်းရေငုံနှုတ်ပိတ်နေလိုက်သည်။ ကိုယ်တိုင်သဘောကျလောက်သည့် မော်ဒယ်ကလည်း မတွေ့သဖြင့် ဦးမင်းသိုင်း စိတ်ညစ်လာရသည်။

ထိုစဉ် သားဖြစ်သူ မင်းသားနေမင်းထိုက်က ပါကင်တစ်ပွေ့တပိုက်နဲ့ ရှော့ပင်းကပြန်လာသည်။ 

“ဟာ ဘာတွေဝယ်လာတာလဲကွနေမင်းထိုက်၊ များလိုက်တာ”

“အင်္ကျီတွေလေအဖေရ၊ ကြိုက်တာတွေများလို့ အကုန်ဝယ်လာခဲ့တယ်ဗျ”

များပြားလွန်းစွာသော အ၀တ်အစားများကြောင့် ဦးမင်းသိုင်း စိတ်ညစ်သွားရသည်။ နဂိုကိုက ကျေနပ်စေလောက်သည့် မော်ဒယ်မတွေ့သဖြင့် စိတ်ညစ်ရသည့်အထဲ သားက ဒုက္ခပေးလာတော့ ပိုပိုပြီးစိတ်ညစ်ရသည်။

“အ၀တ်အစား သည်လောက်အများကြီး လိုလို့လားကွ၊ တစ်လောကပဲ မွေးနေ့လက်ဆောင်တွေရထားတာ ဘယ်သွားထားသတုန်း”

“အာ အဲ့ဒါတွေက အလကားဟာတွေပါ၊ ဘာစောက်ဖိုးမှမတန်တဲ့ အပေါစားတွေ၊ ဘာတစ်ခုမှ စိတ်တိုင်းမကျဘူး၊ ဟဲ ဟဲ ဒါတွေက အဖေနောက်ရိုက်မဲ့ကားမှာ ၀တ်ဖို့အတွက် ၀ယ်လာတာလေ”

“နောက်ကားအတွက်ဟုတ်လား၊ ပြစမ်း ဘယ်လိုပုံစံတွေလဲ”

ဦးမင်းသိုင်းက ငေါက်ကနဲ့ထပြီး အ၀တ်အစားများကို ဖြန့်ကြည့်သည်။ စိတ်တိုင်းမကျသဖြင့် အ၀တ်အစားများကို ကိုင်ပေါက်ပစ်လိုက်သည်။

“နောက်ကားက တောကားရိုက်မှာဆိုတာ မသိဘူး၊ သည်လို ခေတ်ဆန်ဆန်အ၀တ်အစားတွေ ၀တ်လို့မဖြစ်ဘူးဆိုတာ မသိဘူးလား၊ ဘာမှ စောက်သုံးမကျတဲ့ကောင်”

ဦးမင်းသိုင်းက စိတ်တိုဒေါသထွက်စွာနဲ့ မျက်နှာကြီးနီမြန်းကာ အ၀တ်အစားများကို ကိုင်ပေါက်ပြီးရင်း ကိုင်ပေါက်နေတော့သည်။

“အဖေကလည်း ဘာကားပဲဖြစ်ဖြစ် ကျုပ်ဝတ်ချင်သလိုဝတ်မှာပေါ့၊ မင်းသားတစ်ယောက်မှာ အ၀တ်အစားက အဓိကဗျ၊ အ၀တ်အစားကောင်းကောင်းဝတ်မှ ကိုယ့်ဘ၀အစစ်အမှန်က ဘယ်လောက်အဆင့်မြင့်တယ်၊ ရုပ်ဘယ်လောက်ချောတယ်ဆိုတာ သိသာမှာလေ”

“တိတ်စမ်း၊ အဲ့ဒါ မင်းသားတစ်ယောက် ပြောသင့်တဲ့စကားလား၊ မင်းသားဆိုတာ ကိုယ်ကျရာဇာတ်ရုပ်နဲ့ လိုက်ဖက်တဲ့ အ၀တ်အစားဝတ်ရတယ်ဆိုတာ မသိဘူးလား၊ မင်းလိုကောင်မျိုး ငါမင်းသားမြှောက်မိတာ မှားပြီသိလား”

“အဖေကလည်း ဘာလို့သည်လိုပြောရတာလဲ၊ စိတ်မကောင်းဖြစ်အောင်၊ အဖေ့မှာ ရှိတာမှ သည်သားလေးတစ်ယောက်တည်းကိုများ”

“မင်းလိုကောင်မျိုး ငါမွေးရကျိုးမနပ်ဘူး၊ မင်းလိုကောင်ကိုမှ ငါရွေးပြီး မွေးထုတ်ခဲ့တာမှားပြီကွ သိလား၊ မှားပြီ၊ မင်းက အဖေ့အာဏာနဲ့ ဘ၀င်မြင့်နေတဲ့ကောင်၊ ငွေကိုရေလိုသုံးနေတဲ့ကောင်၊ ဒါတွေကို အခုချက်ချင်း သွားပြန်လဲချေ၊ အခုချက်ချင်း”

“ဘာတွေများဖြစ်နေကြတာလဲ”

မီးဖိုချောင်ထဲက ဦးမင်းသိုင်း၏ဇနီးဖြစ်သူ ဒေါ်ခင်ဘုတ်က ယောင်းမကြီးကိုင်ရင်း အလန့်တကြားပြေးဝင်လာသည်။

“ယောကျာ်း သားကို ဘာဖြစ်လို့ဆူနေရတာလဲ၊ အို အ၀တ်အစားတွေ”

ဦးမင်းသိုင်း၏ဇနီး ဒေါ်ခင်ဘုတ်က အ၀တ်အစားများကို ကောက်ယူနေလိုက်သည်။

“မင့်သားပေါ့၊ မလိုအပ်ပဲ အ၀တ်အစားတွေတစ်ပုံကြီး ၀ယ်လာတယ်၊ ငွေကိုရေလိုသုံးနေတဲ့ကောင်၊ စောက်ချိုးကိုမပြေဘူး”

ဦးမင်းသိုင်းက ဒေါသတကြီးနဲ့ ချာကနဲ့ လှည့်ထွက်သွားသည်။ သားဖြစ်သူနေမင်းထိုက်လည်း မျက်ရည်စက်လက်နဲ့ ခေါင်းလေးငုံ့ကာ ရပ်နေသည်။

“သားရယ်၊ အပေါ်တက်တော့၊ သားတွေမေမေသိမ်းလိုက်ပါ့မယ်”

“အဖေရက်စက်တယ်ဗျ၊ ဘာလို့ တစ်ယောက်တည်းပဲရှိတဲ့သားကို သည်လောက်ဆူရတာလဲ၊ အဖေသိပ်ရက်စက်တယ်”

“သားကလည်း အဖေ့ကိုအဲ့လိုမပြောရဘူးလေ၊ အဖေက စိတ်ညစ်နေတုန်းမို့နေမှာပေါ့ကွယ်၊ နားလည်ပေးလိုက်ပါနော်”

မိခင်ပြောသည်ကို သားဖြစ်သူနေမင်းထိုက်က ဘာမှပြန်မပြောတော့ပဲ လှေကားတိုင်း တစ်ဟုန်ထိုး ပြေးတက်သွားသည်။

Xxxxxxxxxxxxxxxxxxxxxxxx

နောက်နေ့ရောက်တော့ ဖိုးချောနဲ့ဖိုးသားတို့ နာမည်ကြီးသော ဓာတ်ပုံဆရာကြီး၏ ဓာတ်ပုံဆိုင်သို့သွားကာ ဓာတ်ပုံအရိုက်ခံသည်။ ဖိုးသားက အထူးပြိုင်ပွဲတွင် ပါဝင်ယှဉ်ပြိုင်ရန်အတွက် အကောင်းဆုံးများရရှိစေရန် အတတ်နိုင်ဆုံး ကြိုးစားရိုက်ပေးစေလိုကြောင်း တောင်းဆိုလိုက်သည်။ ဓာတ်ပုံဆရာကြီးကလည်း စိတ်သဘောထားကောင်းစွာ အကောင်းဆုံးပုံများရရှိစေရန် ကြိုးစားရိုက်ပေးမည်ဟုဆိုသည်။

တကယ်လည်း နောက်နှစ်ရက်လောက်ကြာတော့ ဖိုးချော အလွန်စိတ်ကေနပ်စေလောက်သည့် ဓာတ်ပုံများရရှိခဲ့သည်။ နှစ်ယောက်သားတိုင်ပင်ပြီး အကောင်းဆုံး အလှဆုံးဟုထင်သည့်ဓာတ်ပုံများကို ရွေးယူပြီး ကြော်ငြာထဲမှာ ပါသည့် လိပ်စာအတိုင်း နှစ်ယောက်သား သွားပို့ဖြစ်ခဲ့ကြသည်။

သွားပို့အပြီး ပြန်လာတော့ နှစ်ယောက်သား တစ်ယောက်မျက်နှာတစ်ယောက်ကြည့်ပြီး သက်ပြင်းများ ချလိုက်ကြသည်။

ပြီးမှ နှစ်ယောက်သား လက်သီးဆုပ်ကာ အော်ဟစ်လိုက်ကြသည်။

“ဖိုက်တင်း”

Xxxxxxxxxxxxxxxxx

တီ တီ တီ…. တီ တီ တီ……

အိမ်ရှေ့ ဆီက ခေါင်းလောင်းသံကြောင့် ဒေါ်ခင်ဘုတ်က တံခါးကို အပြေးကလေးသွားလိုက်သည်။ တံခါးပွင့်ပွင့်ချင်း မူးရူးနေသော သားဖြစ်သူနေမင်းထိုက်အား ပွေ့ထိန်းထားပေးနေရဟော ဟိန်းထက်နဲ့အတူ တွေ့လိုက်ရပြီး အရက်နံ့များကိုပါ စူးရှစွာ ရရှိလိုက်သည်။ 

“အောင်မလေး နံလိုက်တာ၊ ဘယ်လိုဖြစ်ရတာလဲ”

“သည်ကောင်က သောက်ချင်တယ်ဆိုလို့ အဖော်ခေါ်တာနဲ့ ကျွန်တော်လည်းလိုက်သွားခဲ့တာ၊ ဟိုရောက်တော့ သည်ကောင်စိတ်ညစ်တယ်ဆိုပြီး တအားသောက်တာနဲ့”

“ဘာဖြစ်လို့ စိတ်ညစ်ရတာလဲကွယ်”

ဒေါ်ခင်ဘုတ်က စိတ်မကောင်းစွာ သားအား တွဲထိန်းလိုက်သည်။

“အပေါ်ထပ်ထိလိုက်ပို့လိုက်ပါ့မယ်”

“အေး အေး ကျေးဇူးပဲကွယ်”

“ဘာတွေဖြစ်နေကြတာလဲဟ”

နောက်မှ ဦးမင်းသိန်း၏ ခက်ထန်သော အသံအားကြားလိုက်ရသည်။ သားဖြစ်သူ မူးရူးနေတာမြင်လိုက်ရတော့ ဦးမင်းသိုင်းဒေါသထွက်လာရသည်။

“သည်ကောင် စောက်ချိုးကို မပြေတဲ့ကောင်၊ မပြောလိုက်ချင်ဘူး”

ဦးမင်းသိုင်းက စိတ်ပျက်ပျက်နဲ့ လှည့်ထွက်သွားမယ်လုပ်တော့ သားဖြစ်သူ၏စကားကြောင့် တုံ့ကနဲ့ ရပ်တန့်သွားရသည်။

“အဖေရက်စက်တယ်ဗျ၊ အဖေ့မှာ ရှိတာမှ သည်သားလေးတစ်ယောက်တည်းကို၊ သားကိုဘာကြောင့်အထင်သေးရတာလဲ၊ အဖေ ဘာကြောင့် သားကိုမချစ်ရတာလဲ၊ ဘာကြောင့်သားကို အလိုမကျရတာလဲ၊ အဖေသဘောကျအောင် သား ဘယ်လိုနေပေးရမှာလဲအဖေရ၊ ဘယ်တော့များမှ အဖေ့အလိုကျဖြစ်ရမှာလဲအဖေ၊ အဖေရက်စက်တယ်၊ သားအပေါ်မှာ အဖေရက်စက်တယ်၊ အဖေသိလား၊ မိဘဆိုတာ သားကို ၀တ်ကောင်းစားလှ ၀တ်ထားတာမြင်ရင် သဘောကျကြတယ်ဆို၊ သားအပေါ်မှာ အချစ်ပိုလာကြတယ်ဆို၊ အဖေ့ကျမှ ဘာလို့ သည်လိုမဖြစ်ရတာလဲ၊ ဟင် အဖေ ပြောပါဦးအဖေရ၊ အဖေ့သား သိပ်ခန့်ညားနေတာကိုမြင်စေချင်လို့ အ၀တ်အစားဝယ်တာ သားအပြစ်လားအဖေရ”

“တယ် သည်ကောင် ငါ လုပ်လိုက်ရ”

“အို တော်ပါတော့ ဦးမင်းသိုင်းရယ်၊ သားက မူးနေလို့ ပြောတာပဲဟာ၊ အဒေါ့်သားကို အပေါ်ထပ်ထိလိုက်ပို့ပေးလိုက်ပါဦးနော်”

“ဟုတ်ကဲ့”

ဟိန်းထက်က နေမင်းထိုက်၏ကိုယ်အား ပွေ့ထိန်းကာ အပေါ်ထပ်သို့ခေါ်သွားသည်။

“အဖေရက်စက်တယ်၊ သားအပေါ်မှာ တရားဘူး၊ သားအပေါ်မှာ မတရားဘူး”

နေမင်းထိုက်က တတွတ်တွတ်ရွတ်နေသေးသည်။ ဦးမင်းသိုင်းခင်မျာမှာတော့ ဒေါသကိုသာ ချုပ်တည်းနေရသည်။

Xxxxxxxxxxxxxxxxxxxxxxxx

ဖိုးချော အိမ်သာထဲကထွက်လာတော့ ပြုံးရွှင်နေသော ဖိုးသား၏ မျက်နှာကို မြင်လိုက်ရသည်။ 

“ဖိုးချော မင်း ဖုန်းကို ပစ်ထားပြီး ဘယ်တွေလျှောက်သွားနေတာလဲ”

“ငါ အိမ်သာသွားနေတာ၊ ဘာဖြစ်လို့လဲ”

“ဖိုး ဖိုးချော…”

ဖိုးသားက မပြောပဲ ရပ်နေသေးသည်။

“ဘာဖြစ်လို့လဲလို့”

“ဖိုး ချော..”

“ပြော သိချင်လာပြီ”

“အခုပဲ မင်းဖုန်းထဲ ဖုန်းဝင်လာတယ်၊ ဖက်ရှင်မဂ္ဂဇင်းမှာ မင်းပထမဆုရတယ်တဲ့”

ဖိုးသားက ဖိုးချောဖုန်းလေးကို မြှောက်ပြရင်း ၀မ်းသားစွာ ပြောလိုက်သည်။

“ဘာ ဘာ ပြောလိုက်တယ်”

ဖိုးချော ကိုယ့်နားကိုပင် မယုံချင်ဖြစ်သွားရသည်။

“ဖက်ရှင်မဂ္ဂဇင်းက မိုးရာသီအတွက် ဓာတ်ပုံပြိုင်ပွဲမှာ မင်း ပထမဆုရတယ်လို့”

“တ တကယ် တကယ်ပြောနေတာလားဟင်”

“တကယ်ပေါ့၊ စောနက မင်းဖုန်းထဲ ဖုန်းတွေ ခဏခဏ၀င်လာနေတာ မင်းမရှိတာနဲ့ ငါကိုင်လိုက်တယ်လေ၊ မိန်းကလေးတစ်ယောက်ကပြောတယ်၊ စတီဗင်ထူးရဲ့ဖုန်းလားတဲ့၊ အဲ့တော့ ငါက စတီဗင်ထူးရဲ့ဖုန်းတော့ဟုတ်ပါတယ်၊ သူအပြင်ခဏသွားနေတယ်လို့ပြောလိုက်တော့ သြော် ဟုတ်ကဲ့တဲ့ မိုးရာသီဓာတ်ပုံပြိုင်ပွဲမှာ ပထမဆုရလို့ မနက်ဖြန်မနက်(၁၀)နာရီမှာ စာအုပ်နဲ့အတူ ဆုငွေလာထုတ်လှည့်ပါတဲ့၊ ပြီးတော့ နောက်လထုတ် မဂ္ဂဇင်းကာဗာမှာထည့်ဖို့ ပထမဆုရတဲ့ မိန်းကလေးနဲ့ ရိုက်ပုံအရိုက်ခံဖို့လာခဲ့ပါတဲ့”

ဖိုးသားက စီကာပတ်ကုံးပြောပြလိုက်သည်။

“တ တကယ် တကယ်ပြောနေတာလားဟင်၊ တကယ်လားဟင်”

“တကယ်ပေါ့”

ဖိုးချောမှာ မယုံကြည်နိုင်လောက်အောင်ဖြစ်သွားပြီး ၀မ်းသာလုံးဆို့ကာ တံတွေးကိုသာ မျိုချနေရသည်။

“ငါ ငါမပြောခဲ့ဘူးလား၊ ငါ ဆုရမှာသေချာပါတယ်လို့၊ ငါဆုရမှာ သေချာပါတယ်လို့ ငါမပြောခဲ့ဘူးလားဖိုးသား၊ အခု အခုတော့ ငါ ပထမဆုရတယ်တဲ့”

ဖိုးချောက ၀မ်းသာစွာနဲ့ ဖိုးသားအား တင်းကျပ်စွာ ပွေ့ဖက်လိုက်သည်။

“ငါ လုပ်နိုင်ခဲ့ပြီဖိုးသား၊ ငါ လုပ်နိုင်ခဲ့ပြီ၊ သူဌေးကိုပြောရမယ်၊ သူဌေး သူဌေး…”

ဖိုးချောက သူဌေးဖြစ်သူအခန်းထဲ ဖျတ်လတ်စွာ ပြေးဝင်သွားသည်။ အခန်းထဲရောက်တော့ တစ်ဟုန်ထိုးပြေးဝင်လာသော ဖိုးချောအဖြစ်ကြောင့် လန့်ပင်သွားသေးသည်။

“သူဌေး သူဌေး သူဌေး…”

“ဘာလဲ ဘာဖြစ်နေတာလဲကွ”

“သူဌေး ..”

“ပြောလေ”

“ကျွန်တော် ကျွန်တော် ပထမဆုရတယ်တဲ့၊ ဖက်ရှင်မဂ္ဂဇင်းမှာ ပထမဆုရတယ်တဲ့”

“ဘယ်လို ဖက်ရှင်မဂ္ဂဇင်းဟုတ်လား”

“ဘာပထမဆုလဲ”

“ဖက်ရှင်မဂ္ဂဇင်းမှာ ဓာတ်ပုံပြိုင်ပွဲဝင်တာ ကျွန်တော်ပထမဆုရတယ်လို့”

“သြော် မင်းတို့အလုပ်ရှုပ်နေတာ အဲ့သည်ကိစ္စကြောင့်လား”

“ဟုတ်တယ်သူဌေးရ၊ ကျွန်တော်အချိန်တန်ရင်ပြောပြမယ်ဆိုတာက ကျွန်တော်ဆုရတယ်ဆိုမှ ပြောမလို့လေဗျ”

“အေး ကောင်းတာပေါ့၊ ငါ ၀မ်းသာပါတယ်ကွာ”

“အလှဓာတ်ပုံပြိုင်ပွဲလားကွ”

“ဟုတ်တယ်၊ လာမဲ့မိုးရာသီအတွက် မိုးရာသီအကြိုဖက်ရှင်ပြိုင်ပွဲပေါ့”

“သြော် မင်းရုပ် မင်းရည်နဲ့ ပထမဆုရတာတန်ပါတယ်ကွာ၊ မင်းရုပ်ရည်က ထူးခြားတယ်ဆိုတာ ငါ အစကတည်းက ရိပ်မိပြီးသား၊ နောင်လည်း ဆက်ကြိုးစားကွာ၊ ငါအားပေးတယ်”

“ကျေးဇူးတင်လိုက်တာသူဌေးရယ်”

ဖိုးချောက သူဌေးအား ပွေ့ဖက်လိုက်သည်။

“ငွေလိုရင်လည်းပြောကွာ၊ ငါ လိုသလောက်ထုတ်ပေးမယ်၊ ဘာမှအားမနာနဲ့”

“အိုး အခုမှပဲ သူဌေးပီသတော့တယ်၊ သူဌေးကို အရမ်းချစ်တယ်ကွာ၊ ကျွန်တော်အောင်မြင်သွားရင် သူဌေးကျေးဇူးကို ပြန်ဆပ်ပါ့မယ်”

“ပြန်ဆပ်စရာမလိုပါဘူးကွာ၊ ငါ့အကူအညီက အသုံးဝင်တယ်ဆိုရင်ပဲ ငါ ၀မ်းသားလှပါပြီ”

ဖိုးချောက သူဌေးအား ဖက်လိုက်ပြန်သည်။ နောက်မှ ဖိုးသားကတော့ ကြည်နူးစွာ ကြည့်နေသည်။ ထိုခဏမှာပင် ဖိုးသားစိတ်ထဲ ၀မ်းနည်းသလိုဖြစ်လာသဖြင့် နေရာမှ ထွက်ကာ လက်ဖက်ရည်ဖျော်စဉ် ထိုင်နေကျနေရာလေးမှာ လေးဖင့်စွာ ထိုင်လိုက်သည်။

ဖိုးချောရယ် …။ ဒါက မင်းနဲ့ငါ ဝေးကွာဖို့ရဲ့ လမ်းစများလား…။ 

ဖိုးသား ခေါင်းရမ်းလိုက်သည်။

ဘာပဲဖြစ်ဖြစ် မင်းအောင်မြင်ဖို့အတွက်ဆိုရင် မင်းပျော်ရွှင်ဖို့အတွက်ဆိုရင် ငါလည်း ၀မ်းသာပေးရမှာပေါ့ကွာ…။

ဖိုးသား သက်ပြင်းရှည်ကြီးကို ဖူးကနဲ့ မှုတ်ထုတ်လိုက်သည်။ 

Xxxxxxxxxxxxxxxxxxxxxxxx

သည်ည ဖိုးသား အိပ်မပျော်ခဲ့ပေ။ စိတ်ထဲအလိုလိုဝမ်းနည်းသလိုဖြစ်ကာ ဟိုဘက်လှည့်လိုက် သည်ဘက်လှည့်လိုက်ဖြစ်နေသည်။ ထိုသို့လှည့်လိုက်ကာမှ ဖိုးချော၏မျက်နှာလေးက နီးကပ်သွားသဖြင့် ဖိုးသားငြိမ်သွားသည်။ ဖိုးချောက ငြိမ်သက်စွာ အိပ်မောကျနေသည်။ ဖိုးချော၏ မျက်နှာလေးကို ဖိုးသား တစိမ့်စိမ့်ကြည့်နေမိသည်။ ဖိုးချော၏ ပန်းနုရောင်နှုတ်ခမ်းလေးအား လက်လေးနဲ့ နူးညံ့စွာ ကိုင်လိုက်ချင်၏။ လက်လေးက လေထဲမှာ သာရပ်နေသည်။

ဖိုးသားခေါင်းရမ်းလိုက်သည်။

ငါ ဘယ်လိုတွေ ဖြစ်နေရတာလဲ။ ဖိုးချောပထမဆုရတာ ငါဘာကြောင့် မပျော်နိုင်ရတာလဲ။ ဖိုးချော ငါ့ဘ၀ထဲက ထွက်သွားမှာကို ငါ သိပ်ကြောက်နေမိသလိုပါပဲလား။ ငါ ဘာကြောင့် သည်လိုခံစားရတာလဲ။ ဖိုးချောနှုတ်ခမ်းတွေကိုလည်း ငါ ဘာကြောင့် စွဲမက်နေမိပါလိမ့်။ ငါ ဖိုးချောကို စိတ်ဝင်စားနေမိပြီလား။ 

ဖိုးသားခေါင်းရမ်းလိုက်သည်။

ငါ ဘာကြောင့် သည်လိုခံစားရတာလဲ။ ငါက ယောက်ျားတစ်ယောက်ပဲ။ ဖိုးချောကလည်း ယောက်ျားတစ်ယောက်ပဲ။ ယောက်ျားတစ်ယောက်အပေါ်မှာ ယောက်ျားတစ်ယောက်ဖြစ်တဲ့ငါက ဘာကြောင့် သည်လိုခံစားချက်တွေ ဖြစ်ပေါ်လာရတာလဲ။ ငါ အခြောက်တစ်ယောက်ဖြစ်နေပြီလား။

ဖိုးသား ခေါင်းရမ်းလိုက်သည်။

အို မဟုတ်ဘူး။ ငါ အခြောက်မဟုတ်ဘူး။ ငါ ယောက်ျားစစ်စစ်။ ငါ ယောက်ျားတစ်ယောက်ကို စိတ်မ၀င်စားသင့်ဘူး။ ငါ အခြောက်မဖြစ်ချင်ဘူး။

ဟင့်အင်း မဟုတ်ဘူး။ ငါ ဖိုးချောကိုချစ်တယ်။ ငါ ဖိုးချောကို လက်မလွှတ်နိုင်ဘူး။ ဖိုးချောအပေါ်ချစ်တဲ့ ငါ့အချစ်က ထာဝရပိုင်ဆိုင်လိုတဲ့အချစ်မျိုးပဲ။ ငါ အဲ့လိုခံစားရတာ။ ဒါဆို ငါ အခြောက်တစ်ယောက်ဖြစ်နေခဲ့ပြီလား။ ယောက်ျားချင်းစိတ်ဝင်စားတဲ့လူတစ်ယောက်ဖြစ်နေခဲ့ပြီလား။

ဒါနဲ့ ဘယ်လိုကြီးပါလဲ။ တကယ်လို့ ယောက်ျားတစ်ယောက်ကို ချစ်မိတယ်ဆိုပဲထား။ ငါ ဘာကြောင့် မိန်းမမဖြစ်ချင်ရတာလဲ။ တခြားအခြောက်တွေလို ဘာကြောင့် မိန်းမလို ၀တ်ချင်စိတ်မရှိရတာလဲ။ လောကမှာ ငါလိုလူတွေရှိသေးသလား။ သည်လိုမှမဟုတ်ရင် ငါ့လိုစိတ်နဲ့လူမျိုး လောကမှာ ငါတစ်ယောက်တည်းပဲရှိတာလား။

ဖိုးသားစိတ်တွေ ရှုပ်ထွေးနောက်ကျိလာသဖြင့် ကုတင်ပေါ်က ငေါက်ကနဲ့ ထလိုက်ပြီး လမ်းကို ခေါက်တုံ့ခေါက်ပြန်လျှောက်နေလိုက်မိသည်။

xxxxxxxxxxxxxxxxxxxxxxxxxx

သည်နေ့ ဖက်ရှင်မဂ္ဂဇင်းတိုက်က မှာထားသည့်အတိုင်း ဆုငွေထုတ်ရန်၊ စာအုပ်ထုတ်ရန်နှင့် နောက်လအတွက် မဂ္ဂဇင်းကာဗာတွင် ပေါ်ပြရန်အတွက် ဓာတ်ပုံရိုက်ခံဖို့ ဖိုးချောနဲ့ ဖိုးသားတို့ ပြင်ဆင်နေကြသည်။

ဖိုးချောက ဘောင်းဘီတိုလေးဝတ်ထားပြီး ခေါင်းဖြီးနေတာမြင်တော့ ဖိုးသားက ပြောလိုက်သည်။

“အာ ဖိုးချော၊ ဘောင်းဘီတိုက သိပ်အဆင့်အတန်းမမြင့်သလိုဖြစ်တယ်ကွာ၊ အရှည်ပဲဝတ်စမ်းပါ၊ စကင်းနီကျပ်ကျပ်လေးပေါ့၊ ဘောင်းဘီရှည်က ယောက်ျားဆန်စေတယ်၊ အရပ်ကိုလည်း ပိုရှည်လာသလိုထင်ရတယ်၊ အနက်ရောင်စကင်းနီလေး မင့်ဆီမှာ ရှိတယ်မလား”

“သြော် အဲ့လိုလား၊ ရှိတယ်၊ အခုပဲလဲဝတ်လိုက်မယ်”

ဖိုးချောက ဖိုးသားရှေ့ မှာပင် ဘောင်းဘီတိုလေးအား ကွင်းလုံးချွတ်ချလိုက်သဖြင့် အတွင်းခံလေးသာ မြင်လိုက်ရသည်။ အတွင်းခံလေးပေါ်မှာ ဖိုးချော၏ တင်းရင်းချပ်ရပ်နေသော တင်ပါးလှလှများကို ဖိုးသားတွေ့လိုက်ရတော့ စိတ်ထဲမှာ မသိုးမသန့်ခံစားလိုက်ရသဖြင့် မျက်နှာလွှဲလိုက်ရမိသည်။

“ကဲ ဒါဆို အဆင်ပြေသွားပြီမလား”

ဖိုးချောက ၀တ်အပြီး မေးလိုက်သည်။

“အေး ပြေပါတယ်၊ ကြည့်ကောင်းတယ်၊ ဟိုကျ ဓာတ်ပုံရိုက်ရင် အ၀တ်အစားက သူတို့ပဲ စီစဉ်ပေးမှာဆိုတော့ အထူးတလည်ကြည့်ကောင်းဖို့မလိုပါဘူးကွာ”

“အေးပေါ့၊ ဒါနဲ့ ကောင်မလေးနဲ့ စုံတွဲပုံရိုက်ရမှာဆိုတော့ စိတ်ထဲမှာ မသိုးမသန့်နဲ့ကွာ၊ ရင်လည်းခုန်တယ်”

“ဘာလဲ၊ မင်းက အဲ့ကောင်မလေးကို ကြိုက်သွားမှာစိုးလို့လား”

“အာ အဲ့လိုမဟုတ်ပါဘူး၊ သူက ကောင်မလေးဆိုတော့ ရှက်သလိုလိုမို့၊ ပြီးတော့ ငါက အခုမှ ပထမဆုံးအကြိမ်ဆိုတော့၊ အတွေ့အကြုံမရှိသေးလို့လို့ပဲဆိုပါတော့ကွာ”

“အနုပညာအလုပ်မှာ ရှက်နေရင် မင်းပဲနစ်နာရလိမ့်မယ်ဖိုးချော”

“အေး ဟုတ်တယ်၊ ဒါကိုသတိထားရမယ်၊ ဒါပေမဲ့လည်း ငါ့မှာ ယုံကြည်မှုရှိပါတယ်ကွ၊ ယုံကြည်မှုရှိအောင်လည်း ကြိုးစားရမှာပဲ”

“အေးပေါ့၊ မင်းကိုယ်တိုင်လေ့ကျင့်ထားတာကလည်း နည်းနည်းနောနောမှမဟုတ်တာ”

“သွားကြရအောင်၊ သည်နေ့တော့ သူဌေးတစ်ယောက်တည်း ပင်ပန်းနေတော့မှာပဲနော်”

“အေးပေါ့ကွာ၊ သူလည်း ၀န်ထမ်းခေါ်ဖို့ စီစဉ်နေလောက်ပါပြီ၊ နောက်တစ်ခါမှပဲ အားပါးတရ ကူကြတာပေါ့”

“ကောင်းပြီ”

နှစ်ယောက်သား အိမ်လေးထဲကထွက်ကာ စက်ဘီးလေးဆီလှမ်းလိုက်သည်။

ဖိုးသားက တံခါးကိုပိတ်လိုက်သည်။

Xxxxxxxxxxxxxxxxxxxxxxxx

ဖက်ရှင်မဂ္ဂဇင်းလိပ်စာတိုက်ရောက်တော့ ဖိုးချောနဲ့ ဖိုးသားတို့ဝင်လိုက်ကြသည်။ စောသေးသည်ထင်၏ မဂ္ဂဇင်းတိုက်တွင် လူနည်းနေတာတွေ့ရသည်။ ကောင်တာလိုနေရာတွင် အမျိုးသမီးတစ်ယောက်အား တွေ့လိုက်ရသဖြင့် ဖိုးချောနဲ့ ဖိုးသားတို့ ရိုကျိုးစွာ သွားရပ်လိုက်ကြသည်။

“မနေ့တုန်းက ဖုန်းဆက်လို့ ရောက်လာခဲ့တာပါ၊ ကျွန်တော့်နာမည်က စတီဗင်ထူးပါ”

ဖိုးချောက ထိုသို့ပြောတော့ ထိုကောင်မလေး၏ မျက်နှာ ၀င်းလက်သွားသည်။

“အိုး ဓာတ်ပုံပြိုင်ပွဲမှာ ပထမဆုရတဲ့ကောင်လေးမဟုတ်လား”

“ဟုတ် ဟုတ်ပါတယ်”

“အိုး ထင်တာထက်ငယ်သားပဲ၊ အပြင်မှာ သည်လောက်ချောလိမ့်မယ်လို့မထင်ထားဘူး၊ ချစ်စရာလေးကွယ်”

“ဗျာ..”

“အယ် ချစ်စရာကောင်းတယ်လို့ပြောတာကွဲ့၊ အရပ်လည်းရှည်တယ်၊ ဘော်ဒီလည်းတောင့်တယ်၊ အသားအရေလေးကလည်း မထိရက်မကိုင်ရက်လောက်အောင် နူးညံ့နေတာပဲနော်”

ဖိုးချောလက်လေးကို လှမ်းကိုင်မယ်လုပ်တော့ ဖိုးချော ဖယ်ခါလိုက်ပြီး ဖိုးသားအားကြည့်လိုက်သည်။ ဖိုးသားကလည်း ပုခုံးမြှင့်ပြလိုက်သည်။

“နောက်လအတွက် ဓာတ်ပုံရိုက်ရမယ်ဆိုလို့၊ ပြီးတော့ ဆုငွေနဲ့ စာအုပ် လာထုတ်လှည့်ပါဆိုလို့ လာခဲ့တာပါ”

“သြော် အင်း၊ ဟုတ်တာပေါ့၊ မောင်လေးက သည်လောက်ချောတာ ဆုချရမှာပေါ့၊ ခဏနေရင် အယ်ဒီတာရောက်လာတော့မှာ၊ အယ်ဒီတာကပဲ ထုတ်ပေးမှာလေ၊ ဟောဟိုနားလေးမှာ ထိုင်စောင့်နေလိုက်ပါ”

ထိုအမျိုးသမီးက ချွဲနွဲ့စွာပြောရင်း ကုလားထိုင်တန်းလေးကို ထိုးပြလိုက်သည်။

“ဟုတ်ကဲ့”

ဖိုးသားနဲ့ ဖိုးချောတို့ သွားထိုင်လိုက်သည်။ ကုလားထိုင်ပေါ်ရောက်တော့ ဖိုးချော တခစ်ခစ်ရယ်လိုက်သည်။

“အဲ့သည်အမျိုးသမီးက တော်တော်ကိုပေါတာပဲနော်၊ အိနြေ္ဒလေးတောင်မှ မထိန်းဘူး ဟက်ဟက်”

ဖိုးချောက အသံလေးမသိမသာထွက်ကာ ရယ်လိုက်သည်။

“မင်းကလည်း အဲ့လိုမပြောစမ်းပါနဲ့၊ သူက မင်းရဲ့ပထမဆုံးပရိသတ်ဆိုပါတော့ကွာ၊ ကိုယ့်ပရိသတ်အပေါ်မှာ မပြစ်မှားရဘူးလေ”

ဖိုးသားပြောတော့ ဖိုးချောအရယ်ကိုရပ်ပြီး ပါးစပ်လေးကို ပိတ်ချလိုက်သည်။ ဖိုးချောပါးစပ်ပိတ်ချလိုက်ကာမှ ဖိုးသားကပါ ဟက်ကနဲ့ ရယ်ချလိုက်သည်။

“ဘာရယ်တာလဲ”

“ဟက် ဟက် ဟက်”

“ဘာရယ်တာလဲ၊ ငါ့ကျတော့မရယ်ခိုင်းပဲနဲ့”

“အဲ့သည်အမျိုးသမီးပေါ့ကွာ၊ မင်းရယ်ချင်သလို ငါလည်း ရယ်ချင်တာပေါ့၊ ရယ်ချင်စိတ်ကို မနည်းအောင့်ထားရတာ၊ ဟက် ဟက်၊ မင်းပြောသလိုပဲ အိနြေ္ဒလေးကို မထိန်းဘူးပေါ့ကွာ၊ သည်လို မိန်းကလေးမျိုးကို ဟာသနေရာမှာ သရုပ်ဆောင်ပေးရင် သိပ်ကိုကောင်းမှာ”

“ဟက် ဟက် ဟက် ဟုတ်သားနော်”

ဖိုးချောကပါရယ်လိုက်ပြန်သည်။

“မင်းကမရယ်ရဘူးလေကွာ၊ ငါက မင်းမဟုတ်တော့ ရယ်လို့ရတယ်ကွ”

ဖိုးသားပြောတော့ ဖိုးချောပါးစပ်ပိတ်လိုက်ပြန်သည်။ ဖိုးချောပါးစပ်ပိတ်တော့ ဖိုးသားရယ်လိုက်မိပြန်သည်။

ထိုစဉ် ဖိုးချောတို့အရွယ်မိန်းကလေးနှစ်ဦး ဖိုးချောတို့ရှေ့ သို့ဖြတ်သွားကာ စေနက အမျိုးသမီးဆီသို့ လျှောက်သွားကာ မေးမြန်းနေကြသည်။ ခဏကြာတော့ ထိုမိန်းကလေးနှစ်ယောက် ဖိုးချောတို့ ထိုင်ခုံဘေးသို့ လာထိုင်ကြသည်။ ထိုမိန်းကလေးနှစ်ယောက်က လာထိုင်တော့ ဖိုးချောတင်ကလေးကြွသလိုဖြစ်သွားပြီး ခေါင်းညိတ်နှုတ်ဆက်ပြလိုက်သည်။ ထိုမိန်းကလေးကလည်း ပြန်ပြုံးပြတော့ ဖိုးချောလည်း ပြန်ပြုံးပြလိုက်သည်။

“ဟိုလေ သူက ဓာတ်ပုံပြိုင်ပွဲမှာ ပထမဆုရတဲ့သူလားဟင်”

“သြော် ဟုတ် ဟုတ်ပါတယ်၊ ဘယ်လိုလုပ်သိလဲ”

“ထင်တာပဲလေ၊ ကျွန်မလည်း ပထမဆုရတဲ့သူပဲ၊ ကျွန်မလိုပဲ ပထမဆုရတဲ့အမျိုးသားတစ်ယောက်နဲ့ သည်နေ့ ဓာတ်ပုံရိုက်ရမှာလို့ဆိုတော့ အခုသည်နားမှာ သူရှိနေတော့ ထင်မိသွားတာလေ”

“သြော် ဟုတ်လား၊ ကျွန်နော်လည်း ကြားပါတယ်၊ မိန်းကလေးတစ်ယောက်နဲ့ စုံတွဲပုံရိုက်ရမယ်ဆိုတာလေ”

“၀မ်းသားစရာပဲနော်၊ ရှေ့ လျှောက် ကျွန်မတို့ ခင်ခင်မင်မင်နေကြတာပေါ့၊ ကဲ မိတ်ဆက်ကြမယ်၊ ကျွန်မနာမည်က ကဗျာမီချီကိုပါရှင့်”

“သြော် ဟုတ် ကျွန်တော့်နာမည်က စတီဗင်ထူးပါ”

“နာမည်နဲ့လူနဲ့လိုက်ဖက်သားပဲ ခန့်တယ်နော်”

ထိုမိန်းကလေးက အမွှန်းတင်လိုက်တော့ ဖိုးချောရယ်လိုက်သည်။ 

“နင်လည်း လှပါတယ်၊ နာမည်နဲ့လည်းလိုက်တယ်၊ ကဗျာဆန်ပါတယ်”

“ကျေးဇူးတင်ပါတယ်ရှင့်၊ သည်နာမည်လေးကို ကျွန်မကိုယ်တိုင်ပေးထားတာ၊ သူကကောဟင်”

“ဟုတ် ကျွန်တော်က ဟောသည်ကျွန်တော့်သူငယ်ချင်းနဲ့ တိုင်ပင်ပြီး နာမည်ပေးထားတာလေ၊ သူ့နာမည်က ဖိုးသားတဲ့”

“တွေ့ရတာ ၀မ်းသာပါတယ်ခင်ဗျာ”

ဖိုးသားက ၀င်ပြောလိုက်သည်။

“သြော် တွေ့ရတာ ၀မ်းသာပါတယ်၊ ဒါက ကျွန်မရဲ့သူငယ်ချင်း ခိုင်ငြိမ်းစံပါ”

ထိုမိန်းကလေး၏ဘေးမှ မိန်းကလေး ခေါင်းညိတ်ပြုံးပြတော့ ဖိုးချောတို့လည်း လိုက်ပြုံးပြလိုက်ရသည်။

“သူ့သူငယ်ချင်းကလည်း ခန့်တာပဲ၊ ပြိုင်ပွဲမှာ ၀င်မပြိုင်ခဲ့ဘူးလား”

“သူက ၀ါသနာမပါဘူးလေ”

“သြော် အဲ့လိုကိုး”

ပြီးမှ စကားစပြတ်တောက်သွားကြသည်။ ထိုမိန်းကလေးသည်လည်း ပထမဆုနဲ့ ထိုက်တန်စွာ လှပလေသည်။

“အယ်ဒီတာရောက်နေပြီ၊ ၀င်ခဲ့ပါတဲ့ရှင့်၊ သည်ဘက်ကိုလာပါ”

စောနက ကောင်တာလိုနေရာမှ မိန်းကလေးက လာရောက်ပြောသဖြင့် လေးယောက်သား ထလိုက်ကြ ထိုအမျိုးသမီးနောက်သို့ လိုက်သွားလိုက်ကြသည်။ ဖိုးချော ဘာလိုလိုနဲ့ ရင်တွေခုန်နေသည်။ နောက်မှ ကဗျာမီချီကို ဆိုသည့် မိန်းကလေးသည်လည်း ရင်တွေခုန်နေပေလိမ့်မည်။

အခန်းတွင်းရောက်တော့ ထည်ဝါလှသော အယ်ဒီတာ၏ ရုံးခန်းတွေ့လိုက်ရသလို အသက်(၄၀)ကျော်ခန့်ခန့်ထည်ထည်နှင့် ရည်မွန်ပုံရသော အမျိုးသားကြီးတစ်ယောက်ကိုတွေ့လိုက်ရသည်။

“သြော် လာကြကွဲ့၊ ဆုရတဲ့သူတွေမှတ်လား”

“ဟုတ်ပါတယ်ခင်ဗျာ”

“ဟုတ်ပါတယ်ရှင်”

ဖိုးချောနဲ့ ကဗျာမီချီကိုတို့က ပြိုင်တူဖြေလိုက်ကြသည်။

“ထိုက်တန်တဲ့သူတွေကို အယ်ဒီတာတို့က ဆုချရမှာပေါ့ကွယ်၊ သားနာမည်က စတီဗင်ထူးမလား”

“ဟုတ်ပါတယ်ခင်ဗျာ”

“သားက အပြင်မှာ ပိုတောင်ကြည့်ကောင်းနေသေးတယ်၊ သမီးနာမည်က ကဗျာမီချီကိုမလား”

“ဟုတ်ပါတယ်ရှင်”

“သမီးကလည်း အပြင်မှာ ပိုကြည့်ကောင်းပါတယ်ကွယ်၊ ရော့ ဒါက သားနဲ့ သမီးတို့အတွက် ထိုက်တန်တဲ့ဆုကြေးပေါ့”

အယ်ဒီတာကြီးက ဆုငွေဖြစ်ဟန်တူသော စာအိတ်ဖြူဖြူလေးများကို ကမ်းပေးလိုက်သည်။ ဖိုးချောနဲ့ ကဗျာမီချီကိုတို့က ရိုရိုသေသေနဲ့ ယူလိုက်ကြသည်။ 

“မဂ္ဂဇင်းစာအုပ်ကိုတော့ သုံးအုပ်စီပေးပါတယ်ကွယ်”

အယ်ဒီတာကြီးက ပေးပြန်သဖြင့် ဖိုးချောတို့ ယူလိုက်ကြပြန်သည်။

“သည်ထဲမှာ ကျွန်တော်တို့ပုံတွေ ပါပါတယ်နေယ်”

“ပါတာပေါ့ကွယ်၊ စာမျက်နှာ (၈၀)မှာ ရှိတယ်ကွဲ့”

အယ်ဒီတာကြီးကပြောသဖြင့် ဖိုးချောနဲ့ မီချီကိုတို့က အလျင်အမြန်လှန်ကြည့်လိုက်ကြသည်။ တကယ်လည်း ဖိုးချောပုံတွေ တွေ့လိုက်ရသဖြင့် ဖိုးချောအလွန်ပျော်သွားသည်။

“ဖိုးသား သည်မယ်ကြည့်၊ ငါ့ပုံပါလာပြီ၊ သည်မယ်”

ဖိုးချောက ၀မ်းသာအားရနဲ့ ဖိုးသားအား ပြလေသည်။ ကဗျာမီချီကိုသည်လည်း ထိုနည်းလည်းကောင်းပင်။ ဘေးမှ သူငယ်ချင်းလေးအား ၀မ်းသာစွာ ပြနေလေသည်။ 

“ပြီးရင် နောက်လကာဗာအတွက် ဓာတ်ပုံရိုက်ပေးပါ့မယ်၊ သားတို့သမီးတို့ ရိုက်ချင်လားဟင်”

“ရိုက်ချင်တာပေါ့”

ပြိုင်တူဖြေလိုက်ကြပြန်သည်။ 

“သမီးကတော့ ကာဗာမှာပါမယ်ဆိုတော့ အရမ်းအရမ်းပျော်မိတယ်ဦးလေးရယ်”

“သားလည်း အတူတူပါပဲဗျ”

“အေး အေး ဒါဆိုလည်း အယ်ဒီတာတို့ကပဲ အကူအညီတောင်းတာပေါ့၊ အကောင်းဆုံးသရုပ်ဆောင်ပေးကြပါလို့”

“ဟုတ်ကဲ့ရှင့်”

“ဟုတ်ကဲ့ခင်ဗျ၊ အကောင်းဆုံးဖြစ်အောင် ကြိုးစားပေးပါ့မယ်”

“အေး အေး အယ်ဒီတာတို့ကလည်း ထိုက်တန်တဲ့ တုံ့ပြန်မှုပြုပါ့မယ်ကွယ်”

“ကျေးဇူးတင်ပါတယ်”

“ခဏနေရင် ရိုင်ကွင်းသွားဖို့ ပြင်ဆင်မယ်၊ ယုဇနပန်းခြံနားမှာ ရိုက်ဖို့စီစဉ်ထားတယ်၊ အ၀တ်အစားနဲ့ မိတ်ကပ်ကိုတော့ မိတ်ကပ်ဆရာတွေကပဲ စီစဉ်ပေးလိမ့်မယ်”

“ကျေးဇူးတင်လိုက်တာဗျာ”

“ဒါဆို စေနက ခုံလေးတွေပေါ်မှာပဲ ခဏလောက်စောင့်ပေးကြပါဦးနော်”

“ဟုတ်ကဲ့”

လေးယောက်သား အပြင်သို့ထွက်ကာ စောနက ထိုင်ခုံလေးတွေပေါ်မှာပဲ သွားထိုင်လိုက်ကြသည်။ မဂ္ဂဇင်းထဲ ကိုယ့်ပုံလေးများ ပီတီအပြုံးအပြည့်နဲ့ ကြည့်နေကြသည်။

“ဖိုးသား ငါ ပျော်လိုက်တာ၊ အရမ်းပဲပျော်တယ်သိလား”

“အင်း ပျော်သင့်တာပျော်ရမှာပေါ့ကွယ်”

“ရင်တွေလည်း ခုန်လိုက်တာကွာ၊ ခဏနေရင် ရိုက်ကွင်းသွားရမှာတဲ့၊ ငါ မင်းသားဖြစ်သွားပြီလို့တောင် ထင်မိတယ်ကွာ”

“ဆန္ဒမစောနဲ့ဦးနော်”

“အေးပါ၊ ငါ့ပုံတကယ်မိုက်တယ်နော်”

“မိုက်တာပေါ့”

ထိုနည်းတူ ကဗျာမီချီကိုတို့လည်း တစ်ယောက်တစ်ပေါက်ပြောရင်း ကြည်နူးနေကြသည်။

Xxxxxxxxxxxxxxxxxxxxxxx

ရိုက်ကွင်းဆီသို့ မဂ္ဂဇင်းတိုက်က ကားနဲ့ လိုက်ပို့လေသည်။ ယဇနပန်းခြံနားရောက်တော့ ကင်မရာမန်းများရောက်ရှိနေကြသည်။ ပြီးနောက် ဒီဇိုင်နာဖြစ်ဟန်တူသူ အမျိုးသမီးတစ်ယောက်က ဖိုးချောနဲ့ ကဗျာမီချီကိုတို့၏ ပုံစံအား ခြုံငုံသုံးသပ်ကြည့်နေလေသည်။ ထိုသို့ကြည့်ပြီးမှ အ၀တ်အစားရွေးရန်အတွက် ကုန်တိုက်သို့ လိုက်ပို့လေသည်။ ဖိုးသားနဲ့ ကဗျာမီချီကို၏ သူငယ်ချင်း ခိုင်ငြိမ်းစံတို့က ရိုင်ကွင်းမှာသာ နေရစ်ခဲ့ကြသည်။ ကုန်တိုက်သို့ရောက်တော့ အင်္ကျီဒီဇိုင်းဆန်းဆန်းများအားရွေးယူပြီး ဖိုးချောနဲ့ ကဗျာမီချီကိုတို့အား ၀တ်ကြည့်စေလေသည်။ မီုးရာသီအတွက်မို့ အစိမ်းရောင်အ၀တ်အစားလေးများကို ရွေးယူကာ ၀တ်ကြည့်စေလေသည်။ ထိုဒီဇိုင်နာအမျိုးသမီးက ကျေနပ်လောက်သည့်အခါတွင်မှ ရိုက်ကွင်းသို့ ပြန်လည်ထွက်ခွာခဲ့ကြသည်။

ရိုက်ကွင်းရောက်တော့ ချက်ချင်းမရိုက်သေးပဲ အသက်အတော်ကြီးသော မိန်းမလျာတစ်ယောက်က ပညာသားပါစွာနဲ့ အ၀တ်အစားပုံနဲ့ လူပုံစံတို့အား သေသေချာချာစေ့စပ်ကြည့်ပြီး မိတ်ကပ်လိမ်းခြယ်ပေးလေသည်။ 

ဖိုးသားကတော့ အတော်လှမ်းးလှမ်းလေးမှာ ဖိုးချောတို့အား ကြည့်နေလေသည်။ အထူးသဖြင့် ဖိုးသား၏ မျက်လုံးသည် ဖိုးချောအား မိတ်ကပ်လိမ်းခြယ်ပေးနေသော မိန်းမလျာဆီသို့ အကြည့်ရောက်နေမိသည်။ အတွေးတွေထဲလည်း ဟိုသည်အတွေးများ ၀င်ရောက်နေသည်။

သည်လူကြီးက အခြောက်ကြီးပဲ။ အခြောက်ကြီးဆိုတော့ ယောက်ျားတွေကိုပဲစိတ်ဝင်စားမှာပေါ့။ ငါကလည်း ယောက်ျားတွေကိုပဲစိတ်ဝင်စားမိတာဆိုတော့ သူနဲ့ငါက ဘ၀တူတွေများလား။ အိုး မဟုတ်နိုင်တာ။ ယောက်ျားတွေကို စိတ်ဝင်စားသူချင်းတူပေမဲ့ ငါက မိန်းမမှမဖြစ်ချင်တာ။ သူလို မိန်းမလိုလည်း မ၀တ်ချင်ဘူး။ လူ့လောကကြီး သိပ်ဆန်းကြယ်တာပါပဲလား။ လူအမျိုးအစား ဘယ်နှမျိုးများ ရှိတာပါလိမ့်။ သည်အခြောက်မကြီးနဲပ သွားမိတ်ဆက်လိုက်ရရင်ကောင်းမလား။ အို မဖြစ်သေးပါဘူးကွာ။ မတော်လို့ သူက မာနကြီးနေတဲ့လူဖြစ်နေရင်အခက်။

ဖိုးသားသတ္တိမရှိသဖြင့် သည်အတိုင်သာ ငြိမ်ငြိမ်လေးကြည့်နေလိုက်သည်။ 

မိတ်ကပ်များ လိမ်းခြယ်ပြီးတော့ အ၀တ်အစားလဲရန် ပြင်ဆင်ကြသည်။ ကဗျာမီချီကိုကတော့ မိန်းကလေးဖြစ်တာကြောင့် ကားထဲသို့သွားကာ ဒီဇိုင်နာအမျိုးသမီးနဲ့ သွားလဲလိုက်ကြသည်။

အ၀တ်အစားဝတ်ဆင်ပြီးတော့ ကင်မရာမန်းစေရာအတိုင်း နေရာ ယူလိုက်ကြသည်။

“သည်လည်ဆွဲကို ခဏလောက် ချွတ်ထားလိုက်ပါလား”

ကင်မရာမန်းက စေသဖြင့် ဖိုးချော လည်ဆွဲအား ချွတ်လိုက်ပြီး ဖိုးသားလက်ထဲ အပ်ထားလိုက်သည်။ 

အ၀တ်အစားတစ်မျိုးပြီးတစ်မျိုးပြောင်းကာ မိုးရာသီနဲ့လိုက်ဖက်စွာ ရေပန်းအတုများအောက်မှာ ထီးကလေးမိုးပြီး ဖိုးချောတို့ ကဗျာမီချီကိုနဲ့ စုံတွဲပုံရိုက်ကြသည်။ ဖိုးချောအတတ်နိုင်ဆုံး ကောင်းမွန်စွာ သရုပ်ဆောင်ပေးခဲ့သည်။ ထို့အတူ ကဗျာမီချီကိုကလည်း သွက်လက်ချက်ချာလှပေသည်။

Xxxxxxxxxxxxxxxxxxxxxxxxx

ရိုက်ကွင်းက ညမမှောင်ခင်ပြီးဆုံးခဲ့သည်။ မဂ္ဂဇင်းတိုက်က ဆုငွေသုံးသိန်းရသဖြင့် ဂုဏ်ပြုတဲ့အနေနဲ့ ဖိုးချောက ဖိုးသားအား ပြုစုချင်သည်ဟုဆိုသည်။ သည့်ကြောင့် နှစ်ယောက်သား စားသောက်ဆိုင်သို့ ထွက်ခဲ့ကြသည်။

ဖိုးချောက စားကောင်းသောက်ဖွယ်နှင့် အသားများကိုမှာပြီး ဘီယာလည်း မှာလိုက်သည်။ သည်တော့ ဖိုးသားက တားလိုက်သည်။

“ဟာ မင်း ဘီယာသောက်လို့မဖြစ်ဘူး”

“ဘာလို့လဲ၊ ဂုဏ်ပြုတဲ့အနေနဲ့ သောက်မှာကို”

“ဘီယာက ရုပ်ရင့်စေတယ်ကွ၊ ပြီးတော့ ၀က်ခြံတွေလည်း ထွက်တတ်တယ်၊ မသောက်ပါနဲ့ကွာ”

“မရဘူးသောက်မှာပဲ၊ မင်းလည်းသောက်၊ ယောက်ျားပဲကွာ၊ သောက်စမ်းပါ၊ တစ်ခါတလေပဲဟာကို၊ မသောက်ဖူးတော့ စမ်းသောက်ကြည့်တဲ့ သဘောပေါ့ကွာ”

“ဖိုးချော…”

“ဟေ့ ဘီယာနှစ်ပွဲလောက်..”

ဖိုးချောက အတင်းမှာတော့ ဖိုးသား ဘာမှမတတ်နိုင်တော့။ ခဏကြာတော့ စာပွဲထိုးကောင်လေးက ဘီယာနှစ်ပွဲလာချသည်။ ဖိုးချောက တစ်ခါတည်းသောက်ချလိုက်သည်။ 

“ဖိုးသားရယ်၊ သည်နေ့ဟာ ငါ့ဘ၀မှာ အပျော်ဆုံးနေ့ပဲ၊ ငါ့ဘ၀မှာ မိသားစုဆိုလို့ မင်းတစ်ယောက်ပဲရှိတာမို့လို့ ငါ့အပျော်တွေ မင့်ကိုပဲ ဝေမျှရတာပါ”

ဖိုးသား ငြိမ်နေသည်။

“တကယ်လို့သာ သည်လိုအချိန်မှာ ငါ့မိဘတွေရှိခဲ့ရင် ဘယ်လောက်ကောင်းလိုက်မလဲ၊ ငါ ဆုရတဲ့အကြောင်း ငါ့မဘတွေသိရင် ဘယ်လောက်များ ၀မ်းသာလိုက်ရမလဲ၊ ငါ့သားလေးသိပ်တော်တာပါလားလို့ ငါ့မိဘတွေက ပြောကြမှာသေချာတယ်”

ဖိုးချောမျက်ဝန်းမှာ မျက်ရည်များကို ဖိုးသားတွေ့လိုက်ရသည်။ ပြီးဖိုးချောက ဘီယာများကို ဆက်မော့နေသည်။

“ငါ တကယ်မိဘတွေကို ပြန်တွေ့ချင်တယ်ဖိုးသား၊ ငါ့မိဘတွေက ဘာကြောင့် ငါ့ကိုစွန့်ပစ်ရတယ်ဆိုတာ ငါသိချင်လိုက်တာဖိုးသားရာ”

“အေးပါ၊ ငါနားလည်ပါတယ်”

“ဟက် ဟက် ငါ စိတ်မကောင်းစရာတွေ ပြောမိနေပြန်ပါပြီ၊ ငါ သည်လိုပြောရင် မင်းဆိုရင် ပိုခံစားရစေတယ်မဟုတ်လား၊ ငယ်ငယ်ကတည်းက မိဘတွေဆုံးသွားလို့ မိဘတွေမရှိတော့တဲ့ မင်းက ပိုပြီး အထီးကျန်တယ်မဟုတ်လား၊ တကယ်လို့ငါ့မိဘတွေ တွေ့သွားရင် ငါကမိဘတွေနောက်လိုက်သွားမှာစိုးလို့ဆိုပြီး ပိုပြီးအထီးကျန်မှာကြောက်နေတယ်မဟုတ်လား”

ဖိုးချောကစကားကြောင့် ဖိုးသားမျက်ရည်လေးပေါက်ကနဲ့ကျသွားသည်။

“စိတ်ချပါဖိုးသားရယ်၊ ငါ့မိဘတွေ ပြန်ရှာတွေ့လည်း ငါမင်းကို မထားခဲ့ပါဘူးကွာ၊ မင်း ငါ့ကို မယုံဘူးဆိုရင်တောင် ယုံလိုက်ပါလို့ ငါပြောပါရစေကွာ၊ မင်းဟာ ငါ့ရဲ့သူငယ်ချင်းဆိုလည်း ဟုတ်တယ်၊ ညီအစ်ကိုဆိုလည်း ဟုတ်တယ်၊ မိသားစုဆိုလည်း ဟုတ်ပါတယ်ကွာ၊ ဒါနဲ့များ မင်းကိုငါက ထားခဲ့ရမတဲ့လား”

ဖိုးချော မော့သောက်လိုက်ပြန်သည်။

“တော်တော့နော်ဖိုးချော”

“မင်းလည်းသောက်လေ၊ ငါ ဆုရတာ ၀မ်းသာရင် သောက်လေ”

ဖိုးသားလည်း ဘီယာဗူးအား သောက်လိုက်ပြီး တစ်ငုံလောက် ငုံကြည့်လိုက်တော့ အရသာပြင်းလွန်းသဖြင့် ထွေးပစ်လိုက်သည်။ ထွေးသည့်နေရာတွင် ရွံရှာဖွယ်ကောင်းသည့် အမြှုပ်များကို တွေ့လိုက်ရသည်။ ရွံရှာဖွယ်ကောင်းသည့် အမြှုပ်အရည်တွေကို လူတွေ စွဲမက်စွာသောက်နေကြသတဲ့လား။

မမူးခင်မှာပင် ပြန်ခဲ့ကြသည်။ ဖိုးချောက ဖိုးသားခါးလေးက ဖက်ကာ မှိန်းရင်းလိုက်ပါလာသည်။ ဖိုးသားကတော့ ဖိုးချော၏ ဖက်တွယ်မှုမှာ ကြည်နူးရင်း တိတ်ဆိတ်စွာ ဘီးလေးကိုစီးသည်။

အိမ်ရောက်တော့ ဖိုးချော၏ကိုယ်လုံးအား ကုတင်ပေါ်သို့ ပွေ့တင်လိုက်ရသည်။ ဖိုးချော ခဏတွင်းချင်းအိပ်ပျော်သွားသည်။ 

ဘီယာအရှိန်ကြောင့် မူးကာ ပက်လက်အနေအထားရှိသော ဖိုးချောမျက်နှာလေးကို ဖိုးသား တစိမ့်စိမ့်ကြည့်လိုက်သည်။

ဖိုးချောရယ် ငါ မင်းကို ချစ်နေခဲ့မိပြီသိလား။ ငါဟာ ယောက်ျားတွေကို စိတ်ဝင်စားနေတဲ့လူတစ်ယောက်ဖြစ်နေတယ်ဆိုတာ မင်းသိရင် ငါ့ကိုရွံရှာသွားမလား။ တကယ်လို့သာ မင်းသိသွားခဲ့ရင် ငါ့ကိုပစ်ပယ်သွားမှာ သေချာတယ်မလား။ မင်းကိုချစ်နေတဲ့အကြောင်း မင်းသိအောင် ဘယ်လိုလုပ်ရမလဲ။ ငါ ဘယ်လိုအင်အားမျိုးနဲ့ အသိပေးရမလဲ။ အို မဖြစ်ဘူး။ ငါ့အကြောင်း မင်းသိသွားလို့မဖြစ်ဘူး။ မင်း သိသွားခဲ့ရင် ငါ့ကို ထားခဲ့မှာ ကျိန်းသေတယ်။ မဖြစ်ဘူး။ ငါ မင်းကို လက်မလွှတ်နိုင်ဘူး။ မင်းမရှိရင် ငါ အသက်ရှင်နိုင်မှာမဟုတ်ဘူး။ ငါ့ဘေးမှာ မင်းမရှိတဲ့ဘ၀က သေတာနဲ့မခြားဘူး။ ငါ သည်အတိုင်းလေးပဲနေရမယ်။ သည်အတိုင်းလေးပဲ နေပါ့မယ်ဖိုးချောရယ်။ မင်းကို ချစ်တဲ့အကြောင်း ငါ သေသည်အထိ ဖုံးကွယ်ထားလိုက်ပါ့မယ်ဖိုးချောရယ်။

ဖိုးချောအား စောင်လေးနဲ့ ခပ်ဖွဖွလေး ခြုံပေးလိုက်သည်။ ဖိုးသားလေးလည်း ဖိုးချောဘေးမှာ အသာအယာလေးဝင်အိပ်လိုက်သည်။

Xxxxxxxxxxxxxxxxx

ဆိုင်မှာ ခါတိုင်းလိုပဲ လူပြတ်နေပြန်သဖြင့် ဖိုးချော သတင်းစာလေးဖတ်ရင်း ဇိမ်ကျနေသည်။ ဖိုးသားကတော့ ဖိုးချောအား လက်ဆောင်ပေးထားသည့် ဖုန်းလေးအား ခဏကိုင်ကာ ဂိမ်းဆော့နေသည်။ 

သတင်းစာဖတ်အပြီး အိပ်ငိုက်လာသဖြင့် စားပွဲပေါ် မှောက်ကာ ဖိုးချော အိပ်လိုက်သည်။ ဖိုးသားလည်း ဂိမ်းတစ်ပွဲနိုင်အပြီး ဖိုးချောအိပ်နေသည်ကိုတွေ့လိုက်ရသဖြင့် ဖုန်းလေးအား အားသွင်းထားလိုက်ပြီး ဖိုးချောဆီလျှောက်လိုက်သည်။

“ဟေ့ယောင်ဖိုးချော မင်း သည်လို အပျင်းကြီးနေလို့ မဖြစ်ဘူးလေ”

ဖိုးချောပုခုံးအား ပုတ်နှိုးရင်းပြောလိုက်တော့ ဖိုးချော နိုးသွားသည်။

“ဘာလဲကွ”

“မင်းပဲ အောင်မြင်တဲ့ အနုပညာရှင်တစ်ယောက် ဖြစ်ချင်တယ်ဆို၊ ဒါဆိုရင် တိုးတက်ရာတိုးတက်ကြောင်း လေ့လာရမှာပေါ့၊ စာဖတ်၊ ဒါမှမဟုတ် သရုပ်ဆောင်လေ့ကျင့်၊ ဒါမှမဟုတ်ရင် ဘော်ဒီလှဖို့ လေ့ကျင့်ခန်းလုပ်လေကွာ”

“အေးပါကွာ၊ တစ်ရက်လေးမှတောင် မနားရဘူး၊ စာဖတ်ရတာပျင်းလာပြီ၊ ဒိုက်ပဲ ထိုးတော့မယ်ကွာ”

“အေး ဒါဆို အကြိမ်တစ်ရာလုပ်ရမယ်၊ အကြိမ်တစ်ရာ မပြည့်မချင်း မနားရဘူး”

“ဟုတ်ကဲ့ပါဆရာမ”

“ဟင်းနော်၊ ငါ လုပ်လိုက်ရ”

ဖိုးချောက ဖိုးသားလက်သီးနဲ့ရွယ်သည်ကိုပင် ဂရုမစိုက်ပဲ ဒိုင်ဗင်ထိုးချလိုက်သည်။

“ရေထားလေ၊ ဘာလုပ်နေတာလဲ”

“(၄)၊ (၅)..(၆)…(၉၀)…..”

ဖိုးချောရပ်တန့်နေလိုက်သည်။

“အား မောတယ်ကွာ”

ဖိုးချာက ညည်းညူနေသော်လည်း ဒိုက်ထိုးခြင်းမရပ်တန့်သေး။ လေထဲမှာသာ ခြေဖျားနဲ့ လက်ဖျားကိုထောက်ရင်း အမောဖြေနေသည်။

“တစ်ရာပြည့်တော့မယ်လေကွာ၊ အားမလျှော့နဲ့၊ ဆက်သာလုပ် ကြိုးစားထား”

“အေးပါကွာ”

ဖိုးချော အားတင်းပြီး ဆက်လုပ်သည်။

“(၉၁)၊ (၉၂) ………(၉၉)၊ တစ်ရာ”

ဖိုးသားက တစ်ရာပြည့်တော့ အော်ချလိုက်သည်။ ဖိုးချောလည်း တစ်ရာပြည့်ပြည့်ချင်း ဘတ်ကနဲ့ မှောက်ချလိုက်သည်။

“အမလေး အမလေး သေတော့မှာပဲကွာ၊ ဖူး ဖူး”

“တော်တယ်၊ သည်လိုဇွဲမလျှော့တဲ့ စိတ်ဓာတ်ကို ငါချီးကျူးတယ်”

“သည်မှာဖြင့် အမောဆို့ပြီး မသေရုံတစ်မယ်ပဲ”

ဖိုးချောက မှောက်ရင်းက ဖျတ်လတ်စွာ ထလိုက်သည်။ချွေးများ ရွှဲနေသဖြင့် အင်္ကျီအား ဗိုက်ကနေ အပေါ်သို့ ဆွဲလှန်လိုက်ပြီး မျက်နှာအား သုတ်လိုက်သည်။

ဖိုးချော၏ လုပ်ရပ်ကြောင့် လှပသော ချက်ခေါင်းလေးနဲ့ အောက်သို့ နည်းနည်းလျှောကျနေသော ဘောင်းဘီအပေါ်ပိုင်းမှ ဆီးစပ်မွှေးလေးများကို ဖိုးသားမြင်လိုက်ရသည်။ ဖိုးသား တံတွေးကို မျိုချလိုက်မိသည်။ ဖိုးချော၏ လှပသော အရေးအကြောင်းများကို ဖိုးသား ဆက်ငေးချင်သေးသော်လည်း ဖိုးချော သတိထားမိမှာသွားမှာစိုးသဖြင့် ချာကနဲ့လှည့်ကာ ထိုင်နေကျနေရာလေးမှာ သွားထိုင်လိုက်သည်။ ရင်တွေကတော့ တဒိန်းဒိန်းခုန်လို့နေသည်။

တီ တီ တီ တီ တီ တီ…။

တဒိန်းဒိန်းခုန်နေသည့် ရင်ခုန်သံကို ဖိထိန်းစဉ် အားသွင်းထားသော ဖိုးချောဖုန်းက မြည်လာသဖြင့် ကိုင်ကြည့်လိုက်သည်။ အမြည်မသိသောသူ၏ ဖုန်းဖြစ်နေသဖြင့် ထူးခြားသော ဖုန်းများလားဆိုပြီး ဖုန်းလေးကိုယူကာ ဖိုးချောထံပြေးလိုက်သည်။ ဆိုင်အတွင်းမှာ ဖိုးချောမရှိသဖြင့် အိမ်သာများသွားသလားဆိုပြီး အိမ်သာဆီ ပြေးလိုက်သည်။

“ဖိုးချောရှိလား ဖိုးချောရှိလားကွ”

“ရှိတယ်ကွ၊ သည်မှာ အီးပါနေတာ မသိဘူးလား”

“ဖုန်းလာနေတယ်ကွ၊ မင်းပြိုင်ပွဲဝင်ထားတဲ့ကိစ္စများလားမသိဘူး”

“တကယ် ခဏ”

ဖိုးချော အလေးသွားခြင်းကို မြန်မြန်လက်စသတ်လိုက်ပြီး တံခါးဆွဲဖွင့်ကာ ဖိုးသားလက်ထဲက ဖုန်းကိုဖျတ်ကနဲ့ ယူလိုက်သည်။

“ဟုတ်ကဲ့၊ အမိန့်ရှိပါခင်ဗျာ”

“သည်ဖုန်းက စတီဗင်ထူးဆိုတဲ့လူရဲ့ဖုန်းများလားလို့ပါရှင်”

“ဟုတ် ဟုတ်ပါတယ်၊ ကျွန်တော်စတီဗင်ထူးပါ၊ ဘာများအမိန့်ရှိပါသလဲခင်ဗျာ”

“သတင်းကောင်းပေးချင်လို့ပါ”

“သတင်းကောင်း”

ဖိုးချော သံယောင်လိုက်ပြီး ဖိုးသားထံလှည့်ကြည့်လိုက်သည်။

“ဟုတ်ပါတယ်၊ Top Ten အားဆေးကုမ်ပဏီက ကျင်းပတဲ့ အမျိုးသားအလှပြိုင်ပွဲမှာ ဆန်ခါတင်စာရင်းမှာ အရွေးခံရကြောင်း အကြောင်းကြားတာပါ”

“ဗျာ ဗျာ၊ ဆန် ဆန်ခါတင်စာရင်းမှာ အရွေး အရွေးခံရတယ်ဟုတ်လား”

“ဟုတ်ပါတယ်ရှင်၊ ယှဉ်ပြိုင်သူ အယောက်ပေါင်း(၃၀၀)ကျော်မှာ အရွေးခံရတာပါ၊ ဆန်ခါတင်စာရင်းဝင် (၁၀)ယောက်ရှိပါတယ်”

“ဟုတ်”

“အဲ့သည်(၁၀)ယောက်ထဲက ဆွဲဆောင်မှုအရှိဆုံးအမျိုးသားတစ်ယောက်ကို ရွေးချယ်မှာပါ၊ ကြော်ငြာထဲမှာ ပြောထားသလိုပဲ ရှိုးပွဲကျင်းပပြီး နာမည်ကြီးအနုပညာရှင်တွေကိုယ်တိုင် သေချာစိစစ်ပြီးမှ ဆုံးဖြတ်ပေးသွားမှာပါ”

“ကျေးဇူးတင်လိုက်တာခင်ဗျာ”

“ဟုတ်ကဲ့ရှင့်၊ ရှိုးပွဲမှာ ကိုယ်တိုင်တက်ရောက်ကာ ရှိုးပြရမှာဖြစ်ပြီး ကုန်ကျစရိတ်အ၀၀ကို ကုမ်ပဏီကသာ ကုန်ကျမှာဖြစ်ပါကြောင်း၊ လာမည့် (၁၅)ရက်နေ့မှာ (၁၀)နာရီမှာ ကျင်းပမှာဖြစ်တာကြောင့် ကြိုတင်ပြင်ဆင်ထားစေလိုကြောင်း အသိပေးတာပါ”

“ကျေး ကျေးဇူးတင်လိုက်တာခင်ဗျာ”

“ဟုတ်ကဲ့၊ ဒါဆိုရင် သည်လောက်ပါပဲနော်၊ အသေးစိတ်သိရှိလိုလျှင်တော့ ကြော်ငြာမှာ ပေးထားတဲ့ ဖုန်းတွေနဲ့ ယခုသည်ဖုန်းကိုလည်း ဆက်သွယ်ပြီး မေးမြန်းနိုင်ပါတယ်”

“ကျေးဇူးတင်ပါတယ်ခင်ဗျာ”

“ဒါဆို သည်လောက်ပါပဲနော်”

ဖုန်းကိုပိတ်လိုက်ပြီး ဖိုးသားဘက် လှည့်ကြည့်လိုက်သည်။

“ဖိုး ဖိုးသား…”

ဖိုးသားက ပြုံးပြုံးလေးနဲ့ ကြည့်နေသည်။ ဖိုးချောက ဖိုးသားအား ဖျတ်ကနဲ့ ပွေ့ဖက်လိုက်သည်။

“ငါ ဆန်ခါတင် ရွေးချယ်ခံရတယ်တဲ့၊ အယောက်(၃၀၀)ကျော်မှာ ငါ အရွေးခံရတယ်တဲ့ဖိုးသားရဲ့၊ ငါ နာမည်ကြီး အနုပညာရှင်တွေရှေ့ မှာ ရှိုးလျှောက်ပြီး ယှဉ်ပြိုင်ရမှာတဲ့”

“သိပ်ကို မင်္ဂလာရှိတဲ့သတင်းပါပဲကွာ”

“(၁၀)ယောက်ထဲက တစ်ယောက်ကိုရွေးချယ်မှာတဲ့၊ ငါ သိပ်ကိုကံကောင်းပါလားဖိုးသားရယ်”

“ဟုတ်တယ် မင်းသိပ်ကိုကံကောင်းတယ်၊ ယခုပြိုင်ပွဲက မင်းဘ၀ကို သိပ်ကိုအပြောင်းအလဲကြီးဖြစ်သွားမှာ သေချာတယ်ဖိုးချော”

ဖိုးချောက ဖိုးသားအား ဖက်လိုက်ပြန်သည်။

“ဒါတွေဟာ မင်းကျေးဇူးတွေကြောင့်ပါ၊ မင်း ငါ့ကို သေချာလေ့ကျင့်ပေးလို့ ဖြစ်ရတာ၊ မင်းကျေးဇူးနဲ့မကင်းဘူး၊ မင့်ကိုငါအရမ်းကျေးဇူးတင်တာပဲကွာ”

“ငါ ဘာမှမလုပ်ခဲ့ရပါဘူးကွာ၊ အားလုံးဟာ မင်းရဲ့ဝါသနာကြောင့်၊ ပြီးတော့ မင်းထိုက်နဲ့ မင်းကံမို့ရတာ၊ ငါ့ကျေးဇူးတွေမပါပါဘူး”

“နောင်လည်း ငါ့ကို ကူညီပေးပါဦး”

“အေးပေါ့၊ ကူညီရမှာပေါ့၊ သေချာပေါက်ကူညီပေးရမှာပေါ့”

ဖိုးချော မျက်ဝန်းအိမ်မှာ မျက်ရည်တွေ စို့နေလေသည်။ 

ထိုနေ့ကစပြီး လေ့ကျင့်ခန်းမျိုးစုံကို ဖိုးချော အပတ်တကုပ်ကြိုးစားလုပ်ဖြစ်သည်။ နည်းပြတစ်ဖြစ်လဲ ဖိုးသားကလည်း အနားမှာ သေချာစောင့်ကြပ်ကြည့်ရှုပေးလေသည်။ ချွေးသုတ်တန် သုတ်ပေးသည်။ မျက်နှာပေါင်းတင်ပေးတန်ပေါင်းတင်ပေးသည်။ ရှိုးလျှောက်ဟန်ကို ဝေဖန်ပေးတန် ဝေဖန်ပေးသည်။ နွားနို့၊ အစရှိသည်ဖြင့် အသားအရေနဲ့ လိုက်ဖက်သော အသီးအရွက်များ ကြောက်ချက်ပေးတန်ပေးဖြစ်သည်။ ပြိုင်ပွဲရက်နီးကပ်လာသည့်အချိန်တွင် ဖိုးချော၏ ဘော်ဒီသည် တောင့်တင်းကာ ကျစ်လျစ်သော ၀မ်းဗိုက်၊ ဖုထစ်သော လက်မောင်းကြွက်သားများ၊ သွယ်လျသော ပေါင်တံများဖြင့် လွန်စွာ လှပနေတော့သည်။

Xxxxxxxxxxxxxxxxxxxxxxxxxx

Top Ten အိမ်ထောင်သည်အမျိုးသားအားဆေးကုမ်ပဏီက “ဆွဲဆောင်ခန့်ညား စွမ်းအားပြည့်ဝ အမျိုးသားဘ၀” အလှပြိုင်ပွဲကျင်းပပေးသည်ကို ဒါရိုက်တာ ဦးမင်းသိုင်း သိထားသည်။ ထိုသတင်းသည် အင်တာနက်သတင်း၊ ဖေ့ဘုတ်သတင်း၊ ဂျာနယ်သတင်းစာများတွင် ပျံ့ နှံ့နေသည်ကိုလည်း ဦးမင်းသိုင်းသိထားသည်။ ထိုသတင်းကို ဦးမင်းသိုင်းလည်း အလွန်စိတ်ဝင်စားမိသည်။ 

ထိုပြိုင်ပွဲမှ ဆန်ကာတင်ရွေးချယ်ပြိုင်ပွဲတွင် ပထမဆုရသောသူအား နောင်ရိုက်မည့် ရုပ်ရှင်ကားကြီးတွင် အသုံးပြုရန်အတွက် စာချုပ် ချုပ်ဆိုဖြစ်အောင် ချုပ်ဆိုမည်ဟု ဦးမင်းသိုင်း အားခဲထားသည်။ သည့်ကြောင့် သူများတွေထက် ဆုရသောသူအား လက်ဦးမှုရအောင် အဆင်သင့်ပြင်ထားသည်။ ဆန်ခါတင်ရွေးချယ်ခံရသူတို့၏ နာမည်များကိုလည်း မှတ်ထားသည်။

ခိုင်လင်းခန့်၊ မြတ်ဇေ၊ မင်းထက်သွေး၊ ထက်ကိုကို၊ ထိုက်သီဟသူ၊ အောင်ကောင်းခန့်၊ မင်းပြည့်၊ စတီဗင်ထူး၊ မြတ်မင်းကျော်၊ နေလင်းအောင်။

Xxxxxxxxxxxxxxxxxxxxxxxxx

ခမ်းနားထည်ဝါသော နံရံနှင့် နံရံမျက်နှာကျက်များဖြင့် တည်ဆောက်ထားသော အခန်းကြီးထဲတွင် ဆန်ခါတင်ရွေးချယ်ခံရသော အမျိုးသား(၁၀)ဦးမှာ ကုလားထိုင်လေးများပေါ်တွင် ငြိမ်ဝပ်သေသပ်စွာ ထိုင်နေကြသည်။ အကြီးအကဲဖြစ်ဟန်တူသူအမျိုးသားကြီးနဲ့ ပိန်သွယ်သောအမျိုးသမီးကြီးတစ်ဦးက နောင်လာမည့် ပြိုင်ပွဲအတွက် သေချာလေ့ကျင့်သင်ကြားကာ လမ်းညွှန်ပေးနေသည်။ အားလုံးက စိတ်ဝင်တစားနားထောင်ကာ သင်ကြားပြသမှုကို ခံယူကြသည်။ စတီဗင်ထူးတစ်ဖြစ်လဲ ဖိုးချောလည်း စိတ်ဝင်တစားရှိလှသည်။ ဖိုးသားကတော့ ၀င်ခွင့်မရသဖြင့် အပြင်ဘက်မှာ ထိုင်စောင့်နေရသည်။ ဖိုးချော အဆင်မှ ပြေပါ့မလားဆိုပြီး စိတ်လည်း ပူနေသည်။

ဆန်ခါတင်ရွေးချယ်ခံရသော အမျိုးသားအားလုံးကို ကြည့်ပြီး စတီဗင်ထူးတစ်ဖြစ်လဲ ဖိုးချော စိတ်ဓာတ်ကျမိသည်။ ဘာကြောင့်မူ အားလုံးသည် သူ့ဟန်ပန်၊ သူ့စတိုင်နဲ့ ကြည့်ကောင်းနေကြတာချည်းဖြစ်သည်။ ဖိုးချော ဆုမှရပါ့မလားဆိုပြီး တွေးကာ ပူမိသေးသည်။ ဘာဖြစ်ဖြစ် ဖိုးချောခေါင်းရမ်းလိုက်ရင်း အတတ်နိုင်ဆုံး အကောင်းဆုံးဖြစ်အောင် ကြိုးစားသွားမည်ဟု အားခဲထားသည်။

အကြီးအကဲဖြစ်သူများက တစ်ခုပြီးတစ်ခု လိုက်လံရှင်းပြသည်။ ပြိုင်ပွဲကျင်းပမည့် စင်မြင့်ကြီးပေါ်သို့လည်း လိုက်ပြသည်။ ထိုစင်မြင့်ကြီးကိုကြည့်ပြီး ဖိုးချော ကျောချမ်းမိသည်။ စင်မြင့်ကြီးနဲ့ မျက်နှာချင်းဆိုင်အောက်ဘက်သို့ ကြည့်လိုက်တော့ ပရိသတ်များနေရာယူကြမည့် ကုလားထိုင်အများအပြားရှိနေသည်။ ပြိုင်ပွဲကျရင် ထိုနေရာမှာ ပရိသတ်အများအပြားရှိနေမှာပဲဖြစ်သည်။ ထိုများပြားသော ပရိသတ်များရှေ့ တွင် ရှိုးပြရမည်ဖြစ်တာကြောင့် ဖိုးချော ကြောက်ဒူးတုန်မိသည်။ ဘာဖြစ်ဖြစ် စိတ်လှုပ်ရှားမှုနည်းအောင် အတတ်နိုင်ဆုံးထိန်းပြီး သတ္တိရှိအောင်လည်း ကြိုးစားသွားမည်ဟု အားခဲလိုက်ပြန်သည်။

ပြိုင်ပွဲကျင်းပချိန်ကျရင် အားလုံး အဆင်သင့်ဖြစ်ရန်နှင့် သတ္တိရှိစေရန်အတွက် ယှဉ်ပြိုင်ဝတ်ဆင်ရမည့် အ၀တ်အစားများကိုလည်း ယခုကတည်းက ၀တ်ရဲဆင်ရဲရှိအောင် ၀တ်ဆင်စေပြီး အောက်တွင် ပရိသတ်သဘောနဲ့ အလုပ်သမားအနည်းအကျဉ်းထားကာ ရှိုးလျှောက်ပြစေသည်။ တစ်ကိုယ်လုံးဖုံးသော ဖက်ရှင်ဝတ်ဆင်ပြီး ရှိုးလျှောက်ရသည့်အခါများတွင် ဖိုးချော ဘယ်လိုမှမနေသာသော်လည်း ကိုယ်အပေါ်ပိုင်းဗလာကျင်းနှင့် အတွင်းခံလေးသာ ၀တ်ဆင်ရသည့်အခါများတွင် ဖိုးချောစိတ်ထဲ စနိုးစနောင့်ဖြစ်မိသည်။ အားလုံး ကိုယ့်လိုလေး ၀တ်စားထားတာမြင်တော့ ဖိုးချောရှက်စိတ်တွေ ပျောက်သွားရသည်။

Xxxxxxxxxxxxxxxxxxxxxxxxxxxxx

သင်တန်းကပြန်လွှတ်တော့ သင်တန်းခန်းမအတွင်းက ထွက်အလာ ဖိုးသားက ကြိုဆိုလေသည်။

“အဆင်ပြေလားဟင်ဖိုးချော”

“ပြေပါတယ်၊ ဘာအခက်အခဲမှမရှိဘူး”

ဆိုပြီး ဖိုးချောက ယုံကြည်မှုအပြည့်နဲ့ပြောသည်။

“တော်သေးတာပေါ့၊ ငါဖြင့် စိတ်ပူလိုက်ရတာ”

ဖိုးသားက သက်ပြင်းချရင်းပြောသည်။

“ငါ လုပ်နိုင်ပါတယ်ဖိုးသား”

“အေး အေး ကောင်းတယ်၊ ကိုယ့်ကိုယ်ကိုယ် ယုံကြည်မှုရှိနေတာအကောင်းဆုံး၊ ပြိုင်ပွဲက မနက်ဖြန်ညဆိုတော့ မင်း သည်နေ့ တစ်နေကုန်နားလိုက်တော့၊ လေ့ကျင့်မှုတွေ အခုကတည်းက အဆင်သင့်ဖြစ်ပြီးသားဆိုတော့ လေ့ကျင့်တာတွေ လုပ်မနေနဲ့တော့၊ မနက်ဖြန်အတွက် အားရှိအောင် နားနားနေနေနားပါ၊ အားပြည့်သွားအောင် များများအိပ်ထား ဟုတ်ပြီလား၊ ငါ မင်းဘေးမှာ အမြဲတမ်းရှိနေပေးပါ့မယ်”

“ကျေးဇူးတင်လိုက်တာဖိုးသားရာ”

“လာ ပြန်ကြမယ်၊ သည်ည ငါ ကြက်သားချက်ကျွေးမယ်”

“အိုကေ”

နှစ်ယောက်သား စက်ဘီးလေးဆီ လှမ်းလိုက်ကြသည်။ ဖိုးသားက ဖိုးချော မပင်ပန်းစေရန် ရှေ့ ကသာစီးပြီး ဖိုးချောက နောက်မှာ ဖိုးသားခါးလေးကို ဖက်ရင်း လိုက်ပါလာသည်။

ခါးလေးကိုဖက်ကာလိုက်ပါလာသည့် ဖိုးချောအား ဖိုးသားကြည်နူးမှုအပြည့်နဲ့ လှမ်းလှမ်းကြည့်သည်။

ဖိုးချောရယ် မင်းနဲ့ သည်လိုလေးရှိနေရရင်ဖြင့် ငါ့ဘ၀ ပြည့်စုံပါပြီကွာ….။

Xxxxxxxxxxxxxxxxxxxxxx

ည(၁၀)နာရီမှာ စမည့်ဖြစ်သော Top Ten အိမ်ထောင်သည်အမျိုးသားအားဆေးကုမ်ပဏီမှ ကျင်းပသည့် “ဆွဲဆောင်ခန့်ညား စွမ်းအားပြည့်ဝ အမျိုးသားဘ၀” ဆန်ခါတင်ဆုရွေးချယ်ပွဲအတွက် ပရိသတ်များစွာ မီးရောင်တလက်လက်အောက်မှာ နေရာယူနေကြသည်။ ထိုအထဲတွင် ဒါရိုက်တာ ဦးမင်းသိုင်းလည်းပါသည်။ ထောင့်တစ်နေရာမှ မှောင်ရိပ်ကျသည့်နေရာတွင် ဖိုးသားလည်း ရောက်ရှိနေသည်။ ပရိသတ်များစွာ၏ ရှေ့ ဆုံးတန်းတွင် အကဲဖြတ်ဒိုင်များအဖြစ် နာမည်ကြီးသော အနုပညာရှင်များဖြစ်သည့် ဦလူမင်း၊ ဒေါ်မို့မို့မြင့်အောင်၊ ဦးရန်အောင်နှင့် မယ်လိုဒီတို့က တောက်ပြောင်လှပသော အ၀တ်အစားများနဲ့ နေရာယူထားကြသည်။ 

အစီအစဉ်ကြေညာသူများဖြစ်သည့် မတင်မိုးလွင်နှင့် ကိုဆန်းထွဋ်တို့က မကြာမီပြိုင်ပွဲစတင်ကျင်းပတော့မည်ဖြစ်ကြောင်း အဖွင့်အမှာစကားပြောကြားသည်။ 

ပထမဆုံး သီချင်းများ၊ အကများဖြင့် ဖျော်ဖြေကြသည်။ ပရိသတ်များ ငြိမ်သက်စွာ ကြည့်ရှုနေကြသည်။ သီချင်း အကများဖြင့် ဖျော်ဖြေပေးပြီးနောက် ပြိုင်ပွဲဝင်မည့်သူများ နံပါတ်စဉ်အလိုက် ရှိုးပြတော့မည်ဖြစ်ကြောင်း မတင်မိုးလွင်နှင့် ကိုဆန်းထွဋ်က ကြေညာပြန်သည်။ နံပါတ်စဉ်အလိုက် လာရောက်ရှိုးပြမည့်သူတို့၏ နာမည်များကိုလည်း ကြေညာပြသည်။ 

နံပါတ်(၁)ခိုင်လင်းခန့်၊ နံပါတ်(၂)မြတ်ဇေ၊ နံပါတ်(၃)မင်းထက်သွေး၊ နံပါတ်(၄)ထက်ကိုကို၊ နံပါတ်(၅)ထိုက်သီဟသူ၊ နံပါတ်(၆)အောင်ကောင်းခန့်၊ နံပါတ်(၇)မင်းပြည့်၊ နံပါတ်(၈)စတီဗင်ထူး။

ဖိုးချော၏ နာမည်ကြားလိုက်ရတော့ ဖိုးသားမျက်နှာလေး ပြုံးသွားသည်။

နံပါတ်(၉) မြတ်မင်းကျော်။ နံပါတ်(၁၀) နေလင်းအောင်။

နာမည်များကို ကြေညာပြီးတော့ ပရိသတ်များက လက်ခုပ်တီးကြသည်။ 

မကြာမီ နံပါတ်(၁)ဖြစ်သော ခိုင်လင်းခန့်က ရှေးဝတ်စုံအား ၀တ်ဆင်ပြီး ပြုံးရွှင်သော မျက်နှာနဲ့ ထွက်လာသည်။ ခါးတွင် နံပါတ်(၁)ဆိုပြီး တံဆိပ်အ၀ိုင်းလေး ကပ်ထားသည်။ နံပါတ်(၁)က ရှိုးလျှောက်ပြအပြီး လှည့်ပြန်ကာ ၀င်သွားတော့ နံပါတ်(၂)ဖြစ်သူ မြတ်ဇေ ၀င်လာသည်။ နံပါတ်(၁)ဖြစ်သော ခိုင်လင်းခန့်နည်းတူ ဆင်တူဝတ်စုံသာ ၀တ်ဆင်ထားခြင်းဖြစ်သည်။ ဆန်းတိုးနိုင်ပြီးတော့ နံပါတ်စဉ်အလိုက် တစ်ယောက်ပြီးတစ်ယောက် ထွက်လာကြသည်။ မကြာမီ ဖိုးချောတစ်ဖြစ်လဲ စတီဗင်ထူး ထွက်လာတော့ ဖိုးသားမျက်နှာ အပြုံးပန်းများ ပွင့်လန်းကာ ရင်တွေ တဒိန်းဒိန်းခုန်သွားရသည်။ “ကြိုးစားထား၊ အားတင်းထား” ဆိုပြီး စိတ်ထဲက အားပေးနေသည်။ 

ရှေးဝတ်စုံလေးနဲ့ ဖိုးချော သိပ်ကိုလှပနေသည်။ ခြေလှမ်းများကလည်း အကွာအဟညီသည်။ ဖိုးချော၏အပြုံးသည် ပရိသတ်အား ညှို့ ယူနေသလိုလိုသို့။ ကိုယ့်ကိုယ်ကိုယ်ယုံကြည်မှုအပြည့်ရှိနေသည်။ ဆွဲဆောင်အားကောင်းလှသည်။

အားလုံး ၀တ်စုံဆင်တူဝတ်ဆင်ပြီး ယှဉ်ပြိုင်ရတာဖြစ်ပြီး ဖက်ရှင်များက တစ်မျိုးပြီးတစ်မျိုး ပြောင်းလဲဝတ်ဆင် ယှဉ်ပြိုင်ရသည်။ ဘောင်းဘီတိုတစ်မျိုး။ အပွတစ်မျိုး။ အကျပ်တစ်မျိုး။ အင်္ကျီတွင်လည်း အပွတစ်ဖုံ။ အကျပ်တစ်ဖုံ။ ဘော်ဒီဖစ်တစ်မျိုး။ စသည်ဖြင့် ယှဉ်ပြိုင်ရသလို ကိုယ်အပေါ်ပိုင်းဗလာကျင်းနှင့် အတွင်းခံလေးသာ ၀တ်ဆင်ပြီးတော့လည်း ယှဉ်ပြိုင်ရသည်။

ကိုယ်အပေါ်ပိုင်းဗလာကျင်းနှင့် ဖိုးချောတစ်ဖြစ်လဲ စတီဗင်ထူးထွက်လာတော့ ဖိုးသားအသက်ရှုပင် မှားသွားရသည်။ ဒါဟာ ငါတို့ ဖိုးချောတဲ့လား ဆိုပြီး အံ့သြမင်သက်ရသည်။ ပရိသတ်အဖြစ်ရောက်ရှိလာသော ဦးမင်းသိုင်းသည်လည်း “သည်ကောင်လေးသည် အတော်ထူးခြားသည်” ဆိုသည့် အမူအယာမျိုးနဲ့ ခေါင်းညိတ်လိုက်သည်။ အကဲဖြတ်ဒိုင်ကြီးများသည်လည်း “သိပ်ကိုဆွဲဆောင်မှုရှိသော အမျိုးသားတစ်ယောက်ပေပဲ” ဆိုပြီး မျက်နှာတွင် အမူအယာမပြပေမဲ့ စိတ်ထဲတွင်တော့ မှတ်ချက်ပြုနေကြလေသည်။ ကလောင်တံကိုင်ထားသော မင်တံလေးများက စာရွက်ဖြူဖြူလေးများပေါ်တွင် အလားအလာကောင်းသော မှတ်ချက်များ ရေးမှတ်လိုက်ကြသည်။

ရှိုးပွဲပြီးဆုံးသွားပြီးနောက် အကဲဖြတ်ဒိုင်များ၏ မှတ်ချက်များကို အစီအစဉ်ကြေညာသူဖြစ်သည့် ကိုဆန်းထွဋ်က သွားယူလေသည်။ ပြိုင်ပွဲဝင်များကို စုဝေးထားစေလိုက်သည်။ ပထမဆုံး ပထမဆု၊ ဒုတိယဆုနဲ့ တတိယဆု ရမည့်သူများကို ကြေညာမည်ဆိုသည်။ 

ကိုဆန်းထွဋ်က ချောင်းဟန့်ကာ တတိယဆု ရရှိသူအား ကြောညာရန် အစပျိုးလိုက်သည်။

“ယခု ပထမဦးဆုံး တတိယဆုကို ကြေညာပေးပါ့မယ်ခင်ဗျာ၊ ယခု “ဆွဲဆောင်ခန့်ညား စွမ်းအားပြည့်ဝ အမျိုးသားဘ၀” အလှပြိုင်ပွဲမှာ တတိယဆုရရှိသူကတော့ နံပါတ်(၂)ဖြစ်တဲ့ မြတ်ဇေ ဖြစ်ပါတယ်ခင်ဗျာ”

ပရတသတ်များထံမှ လက်ခုပ်တီးသံများ ညံသွားသည်။ မြတ်ဇေလည်း ပျော်ရွှင်လွန်းသဖြင့် ဂဏှာမငြိမ်ဖြစ်နေတော့သည်။

“ကဲ တတိယဆုကို ကြေညာပြီးပြီဆိုတော့ ဒုတိယဆုကို ကြေညာပေးပါ့မယ်ခင်ဗျာ”

ကိုဆန်းထွဋ်ကပြောတော့ ပြိုင်ပွဲဝင်များနဲ့ ပရိသတ်များ ရင်ခုန်လှုပ်ရှားနေကြသည်။

“ဒုတိယဆု ရရှိသူကတော့ နံပါတ်(၄)ဖြစ်တဲ့ ထက်ကိုကို ဖြစ်ပါတယ်ခင်ဗျာ”

ပရိသတ်များဆီမှ လက်ခုပ်သံများ ညံသွားပြန်သည်။ ထက်ကိုကိုလည်း ပီတိအပြုံးများနဲ့ ဂဏှာမငြိမ်ဖြစ်နေတော့သည်။

“သည်တစ်ခါတော့ ပမဆုကို ကြေညာဖို့ ကျန်ပါတော့တယ်ခင်ဗျာ”

ကိုဆန်းထွဋ်က ရင်ခုန်သံတွေ၊ စိတ်လှုပ်ရှားမှုတွေ ပိုပိုပြီး ပြင်းထန်အောင် အချိန်ဆွဲလိုက်တော့ ပရိသတ်များထံမှ ပရိသတ်များ အပ်ကျသံကြားရမတတ် ငြိမ်သက်နေကြသည်။

“ပထမဆု ဘယ်သူရမလဲဆိုတာ အားလုံး သိချင်နေကြတယ်ထင်ပါတယ်၊ ဟောသည်ပြိုင်ပွဲဝင်အားလုံးကတော့ ပိုပိုပြီး သိချင်နေကြမှာပေါ့နော်”

ကိုဆန်းထွဋ်က ပြောတော့ အားလုံး ပြုံးစိစိနဲ့ဖြစ်နေကြသည်။

“အားလုံး သိချင်နေကြတဲ့ ပထမဆုကို အခုပဲ ကြေညာပေးပါတော့မယ်ခင်ဗျာ၊ ဟဲ ဟဲ အားလုံး ရင်တွေ အရမ်း ခုန်နေကြတယ်မဟုတ်လား”

ကိုဆန်းထွဋ်က မကြေညာသေးပဲ ပြီတီတီလုပ်နေသေးသည်။

“အဟဲ ပထမဆုကို ဆွတ် ခူး ရ ရှိသူက ဘယ်သူလဲဆိုတော့ အဟင်း အဟင်း၊ ပထမဆု ရရှိသူက နံ ပါတ်(၈)ဖြစ်တဲ့ စတီဗင်ထူးပဲဖြစ်ပါတယ်ခင်ဗျာ”

ကိုယ့်နာမည်ကြားလိုက်ရတော့ ဖိုးချော မိုးကောင်းကင်ကြီး ချာချာလည်သွားမတတ် ပျော်သွားရသည်။ ဘေးမှ ပြိုင်ပွဲဝင်များက စတီဗင်ထူးက ပွေ့ဖက်ကာ ဂုဏ်ပြုကြသည်။ 

မမျှော်လင့်ပဲ ဖိုးချောအား ကြေညာလိုက်တော့ ဖိုးသား ၀မ်းသာအားရနဲ့ ထခုန်လိုက်သည်။

“ဖိုးချော ဒါမှ ဖိုးချောကွ၊ ဒါမှ ငါတို့ ဖိုးချော”

ဟု အော်လိုက်သဖြင့် ဘေးမှ လူများက ကြောင်ကြည့်နေကြသည်။

ဦးမင်းသိုင်းသည်လည်း ကျေနပ်ပီတိများနဲ့ ပြုံးနေလေသည်။

မကြာမီ မတင်မိုးလွင်နဲ့ ကိုဆန်းထွဋ်တို့က ဆုရသူများကို ဆုအသီးသီးပေးအပ်လိုက်ပြီး ပထမဆုရသော စတီဗင်ထူးအား “ဆွဲဆောင်ခန့်ညား စွမ်းအားပြည့်ဝ အမျိုးသားဘ၀” အဓိပါယ်ရှိသော ဖန်ရုပ်တုကို ပေးအပ်လိုက်သည်။ စတီဗင်ထူးသည် ကျေနပ်အားရသော အပြုံးများနဲ့ ဖန်ရုပ်တုအား မြှောက်ပြလိုက်သည်။

စတီဗင်ထူးတစ်ဖြစ်လဲ ဖိုးချော စင်ပေါ်မှဆင်းတော့ သတင်းထောက်များ တစ်ပြုံကြီးရောက်လာပြီး အင်တာဗျူးများကို ဇွတ်မေးတော့သည်။

“အခုလိုပမဆုရအောင် ဘယ်လိုများ လေ့ကျင့်ခဲ့သလိုဆိုတာ ပြောပြပေးပါလားခင်ဗျာ”

“ဟုတ်ကဲ့၊ ၀ါသနာလို့ပဲပြောရမှာပေါ့၊ ငယ်ငယ်ကတည်းက ၀ါသနာပါခဲ့တယ်၊ ၀ါသနာကြောင့် အခုလိုလှပတဲ့ဘော်ဒီဖြစ်အောင် မနေမနားကြိုးစားခဲ့တယ်၊ အဲ့ဒါကြောင့် ပထမဆုကို ရရှိခဲ့တယ်လို့ပဲဆိုရမှာပေါ့၊ တစ်ခုပြောချင်တာကတော့ ၀ါသနာပါဖို့အဓိကလို့ပဲ ဆိုချင်ပါတယ်ခင်ဗျာ၊ ပြီးတော့ ကျွန်တော့်ကို အခုလိုလှတဲ့ဘော်ဒီဖြစ်အောင် သွန်သင်ပြသပေးခဲ့တဲ့ သူငယ်ချင်းရဲ့ ကျေးဇူးတွေလည်း ပါတာပေါ့ခင်ဗျာ”

“ဟုတ်ကဲ့ အခုလိုပြောပြလို့ကျေးဇူးတင်ပါတ်ာခင်ဗျာ”

အင်တာဗျူးသူများက တစ်ယောက်ပြီးတစ်ယောက်ရောက်ရောက်လာသဖြင့် ဖိုးချော မမောနိုင်မပန်းနိုင်ဖြေပေးနေရသည်။

အင်တာဗျူးသူများ ကုန်ဆုံးသွားတော့ ဖိုးသားက ဖိုးချောရှေ့ မှာ လာရပ်သည်။ နှစ်ယောက်သား ၀မ်းသာလုံးဆို့ကာ ငိုမဲ့မဲ့မျက်နှာများနဲ့ ကြည့်လိုက်ကြပြီး တင်းကျပ်စွာ ပွေ့ဖက်လိုက်သည်။

“ဖိုး ဖိုးချော”

“ဖိုးသား”

“ငါ ဘယ်လိုပြောရမလဲဖိုးချောရယ်၊ ငါ ၀မ်းသာလွန်းလို့ ဘယ်လိုဂုဏ်ပြုရမယ်ကို မသိတော့ဘူး”

“ကျေးဇူးတင်ပါတယ်ဖိုးသားရယ်၊ ဒါတွေအားလုံးဟာ မင့်ကျေးဇူးတွေကြောင့်ပါ”

ဖိုးသားက ဖိုးချောအား ဖက်လိုက်ပြန်သည်။

“တစ်ဆိတ်လောက်”

နောက်မှအသံကြောင့် နှစ်ယောက်သား ကြည့်လိုက်ကြသည်။ ဒါရိုက်တာ ဦးမင်းသိုင်းအား တွေ့လိုက်ရသည်။ ဒါရိုက်တာဦးမင်းသိုင်းအား ဖိုးချောနဲ့ ဖိုးသားတို့ ကောင်းကောင်းသိထားသည်။

“သြော် ဦးက ဒါရိုက်တာ ဦးမင်းသိုင်းမဟုတ်လား”

“ဟုတ်ပါတယ်၊ သား အခုလို ဆုရတာ ဦး ဂုဏ်ယူပါတယ်”

“ကျေးဇူးတင်ပါတယ်ဒါရိုက်တာကြီး”

“ပြောရမှာတော့ ရှက်ပေမဲ့ ဦးလေ သားကို မင်းသား မြှောက်ပေးချင်ပါတယ်”

“ဘယ်လို”

ဖိုးချော မထင်မှတ်လောက်အောင်ဝမ်းသာသွားရသည်။ ဖိုးသားကတော့ ၀မ်းသာရိပ်မပြခဲ့။

“သားသာ သဘောူမယ်ဆိုရင် သားကို အောင်မြင်တဲ့ မင်းသားတစ်ယောက်ဖြစ်အောင် ဦးမြှောက်ပေးချင်ပါတယ်”

ဖိုးချော ဘာမှမပြောတတ်ပဲ ဖိုးသားကိုသာ ကြည့်နေရသည်။ အခုလိုဆုလေးရလိုက်ရုံနဲ့ ဖိုးချောဆီမှာ အခွင့်အရေးတွေ တစ်ပုံကြီး ရောက်လာရသတဲ့လား။ အခုလိုဆုလေးက ဖိုးချောဘ၀ကို အပြောင်းအလဲကြီးဖြစ်သွားမှာတဲ့လား။ တကယ်ပဲလား။

“ဖိုးသား…”

ဖိုးသားဆီက အထင်ကို ဖိုးချောသိချင်မိသဖြင့် ကြည့်လိုက်သည်။

“ဒါတွေနောက်မှပြောပါလားဒါရိုက်တာကြီး၊ အခု ကျွန်တော့်သူငယ်ချင်း ပင်ပန်းနေလို့ပါ”

“သြော် ဟုတ်ကဲ့ပါ၊ ဦးကို သားရဲ့ ဖုန်းနံပါတ်လေး ပေးထားစေလိုပါတယ်”

“ဟုတ်ကဲ့ရပါတယ်၊ ဦးဖုန်းကိုပေးပါ”

ဦးမင်းသိုင်းဖုန်းကိုယူပြီး ဖိုးချောက ဖုန်းနံပါတ်များ ထည့်သွင်းလိုက်သည်။

“လိုအပ်ရင် အချိန်မရွေးဆက်သွယ်ပါ”

“ဟုတ်ကဲ့ အတတ်နိုင်ဆုံး အကောင်းဘက်က စဉ်စားပေးစေလိုပါတယ်သားရယ်”

“ဟုတ်ကဲ့ပါ၊ ကျွန်တော် သူငယ်ချင်းနဲ့တိုင်ပင်လိုက်ပါဦးမယ်”

“အေးပါကွယ်”

xxxxxxxxxxxxxxxxxxxxxx

 ဖိုးချောဆုရအပြီးအနောက်ပိုင်း ဖိုးချောဖုန်းထံသို့ ကောသံများ အဆက်မပြတ်မြည်ခဲ့သည်။ စီးပွားရေးလုပ်ငန်းရှင်များက သူတို့၏လုပ်ငန်းတွင် ကြော်ငြာပေးရန်အတွက် တောင်းဆိုကြသည်။ ဖိုးချောလည်း အစမို့ ဘာမှနားမလည်သေးသဖြင့် စဉ်းစားပေးပါမည်ဟုသာ အဖြေပေးခဲ့ရသည်။ တစ်ဖန်ဒါရိုက်တာများစွာကလည်း မင်းသားမြှောက်ပေးချင်ကြောင်း၊ သီချင်းခွေထုတ်မည့်သူများကလည်း သူတို့သီချင်းတွင် ပါဝင်သရုပ်ဆောင်ပေးလိုကြောင်း တောင်းဆိုကြလွန်းသဖြင့် ဖိုးချောခေါင်းတွေ ရှုပ်ထွေးနောက်ကျိလာရသည်။ အဘယ်ကို အရင်ဆုံးဖြတ်သင့်သည်၊ အဘယ်ကိုအရင်ဆုံးဖြတ်လက်ခံလိုက်ပါက မှန်ကန်သည်ကို ဖိုးချော မဝေခွဲတတ်ဖြစ်လာရသည်။ ဖိုးသားအား ဝေဖန်တော့ ဆန္ဒမစောနဲ့ ဟု ဆုသည်။ ဖိုးသားပြောသည့်အတိုင်း သင်္ကြန်မတိုင်မီ ဘာတောင်းဆိုမှုကိုမှလက်မခံပဲ သင်္ကြန်ပြီးမှ လက်ခံမည်ဟု ဆုံးဖြတ်ကာ အေးဆေးသက်သာစွာ နေလိုက်တော့သည်။ သင်္ကြန်ရက်များအတွင်းတွင် ဆိုင်လည်း ပိတ်ထားမည်ဖြစ်သဖြင့် ဖိုးချောတို့အား အလုပ်အကျွေးပြုရာ “ပြည့်စုံမေတ္တာမိဘမဲ့ဂေဟာ” တွင် အလှူအတန်းလေးများလုပ်ပြီး ကလေးများနဲ့ ပျော်ရွှင်စွာ အချိန်ကုန်ဆုံးလိုက်တော့မည်ဟု ဆုံးဖြတ်လိုက်သည်။

ဆုံးဖြတ်ထားသည့်အတိုင်း သင်္ကြန်ရက်များအတွင်း ဖိုးချောနဲ့ ဖိုးသားတို့ ဂေဟာအတွင်းမှာ ရှိနေခဲ့ကြသည်။ အိမ်သို့လည်း မပြန်ကြ၊ အပြင်လည်း ထွက်မလည်ကြ။ ဂေဟာအတွင်းမှာသာ အိပ်သည်။ ပြိုင်ပွဲမှာ ရရှိခဲ့သော ဆုငွေလေးနဲ့ ဖိုးချောကကလေးများကို မုန့်ကျွေးသည်။ ဆန်ပြုတ်တိုက်သည်။ နွားနို့တိုက်သည်။ လက်ဆောင်သေးသေးလေးတွေလည်း ၀ယ်ပေးသည်။ ကလေးများနဲ့အတူတူကစားကာ ဘောလုံးလည်း အတူတူကန်ကြသည်။ ရေလည်း အတူတူပက်ကြသည်။ ရေလည်း အတူတူချိုးကြသည်။ ဖိုးသားကတော့ အချစ်ဆုံးဖြစ်သည့် ၀၀ကစ်ကစ်ဖိုးဝတုတ်လေးနဲ့ ပွေ့ဖက်ကစားရင်း အချိန်တွေ ကုန်ဆုံးခဲ့ကြသည်။ အပေါစားဆိုင်ကယ်တစ်စီးလည်းဝယ်ပြီး ပိုလျှံသော ငွေများကိုတော့ ဂေဟာမှူးထံအပ်ကာ မိဘများအတွက်သုံးဖို့ စုထားစေခဲ့သည်။ ဖိုးသားအားတော့ လက်ဆောင်ဝယ်ပေးဖို့ ဖိုးချောမေ့နေခဲ့လေသည်။

Xxxxxxxxxxxxxxxxxxxxxxxxx

စတီဗင်ထူးတစ်ဖြစ်လဲ ဖိုးချောနဲ့ ကဗျာမီချီကိုတို့၏ ကာဗာပါသော ဖက်ရှင်မဂ္ဂဇင်းအား ဖိုးချော ဖတ်နေစဉ် အိမ်ရှေ့ မှာ စက်ဘီးလေးနဲ့ ဖိုးသားရောက်လာသည်။ (၉)တန်းဖြေထားသော အောင်စာရင်းအား သွားကြည့်ပြီး ပြန်လာခဲ့ခြင်းဖြစ်သည်။

“နှစ်ယောက်လုံး အောင်ပါတယ်”

ဖိုးသားက ၀မ်းနည်းဟန် ၀မ်းသာဟန်မပြသော မျက်နှာထားနဲ့ပြောသည်။ ထိုသတင်းအတွက် ဖိုးချော ရင်ခုန်မနေခဲ့ပါပေ။ အောင်မြင်ကြောင်း ကြားရတော့ ဖိုးချော အထူးတလည် ၀မ်းသာမသွားခဲ့ပေ။

“မင်းဘယ်လိုလုပ်မလဲဖိုးချော၊ ကျောင်းဆက်နေမှာလား”

ဖိုးချော ပြတ်သားစွာ ခေါင်းခါလိုက်သည်။

“မနေတော့ဘူး”

“ဘယ်လို ဘာပြောလိုက်တယ်ဖိုးချော၊ ကျောင်းဆက်မနေတော့ဘူးဟုတ်လား”

“အင်း ငါ ကျောင်းမနေချင်တော့ဘူး၊ အလုပ်ပဲလုပ်တော့မယ်”

“ဖိုးချော မင်းဘယ်လိုပြောလိုက်တာလဲ၊ ငယ်ရွယ်စဉ်မှာ ပညာရှာရမယ်လို့ မင်းပဲ ငါ့ကို တဖွဖွပြောခဲ့တယ်လေ”

“ဟုတ်တယ်၊ ဒါပေမဲ့ ငါ ငွေရှာဖို့ကအရေးကြီးတယ်၊ အခွင့်အရေးရတုန်း ငါ ငွေရှာမှဖြစ်မယ်၊ မိဘတွေကို ရှာမတွေ့သေးခင် ငါ့လက်ထဲမှာ ပိုက်ဆံများများရှိထားမှဖြစ်မယ်ဖိုးသား”

“ဖိုးချော…”

“ပိုက်ဆှံရှာတဲ့ကိစ္စ ငါ့တာဝန်ထားလိုက်၊ မင်းပဲ ကျောင်းဆက်တက်တော့၊ ကျောင်းစရိတ် ငါ ထောက်ပံ့နိုင်အောင် ကြိုးစားမယ်”

ဖိုးသား ခေါင်းကို ပစ်ပစ်ခါခါ ခါသည်။

“အဲ့လိုမလုပ်ပါနဲ့ကွာ၊ ကျောင်းပြီးအောင်တက်ပါ၊ ကျောင်းပြီးမှ မင်းအလုပ်ကို ဆက်လုပ်ပါ”

“ကျောင်းပြီးမှ လုပ်ရမယ်ဆိုရင် အခွင့်အရေးတွေ ဆုံးရှုံးကုန်မှာပေါ့၊ မင်းလည်း သိသားနဲ့၊ ဦးမင်းသိုင်းရဲ့တောင်းဆိုချက်ကို ငါလက်ခံလိုက်တော့မယ်၊ ငါ ဦးမင်းသိုင်းကို သဘောကျတယ်၊ သူ့ဇာတ်ကားတွေကိုလည်း သဘောကျတယ်၊ သူ့ကြိုးစားမှုကိုလည်း ချီးကျူးတယ်၊ သူ အကယ်ဒမီရသင့်ရဲ့သားနဲ့ မရတာလည်း မင်းသိတယ်မလား၊ အဲ့ဒါကြောင့် ငါ သူ့ကို ကူညီချင်တယ်၊ သူလည်း ငါ့ကို မင်းသားဖြစ်အောင် မြှောက်ပေးမယ်ဆိုရင်ပေါ့ကွာ”

ဖိုးသားဆွံ့အနေသည်။

“ငါ အောင်မြင်မှုအတော်အတန်ရတဲ့အခါကျတော့ ကျောင်းဆက်နေပါ့မယ်ကွာ၊ မင်းသား ကျောင်းကို ပြီးအောင်တက်”

“ဟင့်အင်း ငါမနေဘူး၊ မင်းမရှိတဲ့ကျောင်းမှာ ငါမနေချင်ဘူး၊ ငါလည်း မင်းအလုပ်မှာ တစ်ဖက်တစ်လမ်းက ကူညီနိုင်အောင် ကြိုးစားပါ့မယ်၊ မင်းရိုက်ကွင်းသွားရင် ငါလည်း အဖော်လိုက်ပေးမယ်လေ၊ ပြီးတော့ မင်းကျောင်းနေတဲ့အခါကျတော့ ရိုက်ကွင်းကိစ္စမရှိဘူးလို့မပြောနိုင်ဘူး၊ အဲ့ဒါကြောင့် ကျောင်းစာတစ်ဖက် အလုပ်တစ်ဖက်နဲ့ဖြစ်နေတဲ့မင့်ကို ငါ စာတွေကူးပြီးကူညီမယ်လေ၊ ဒါကြောင့် မင်းကျောင်းနေတဲ့အခါကျမှပဲ ငါနေပါ့မယ်”

“ဖိုးသား…”

“အေး တကယ်လို့ ရိုက်ကွင်းမှာ ငါ့ကိုမလိုအပ်ဘူးဆိုရင်လည်း ငါ ဆိုင်မှာပဲ အလုပ်လုပ်နေပါ့မယ်ကွာ၊ မင်းပြန်လာရင် စားဖို့ အဆင်သင့် ချက်ပြုတ်ပေးထားမယ်လေ၊ အလုပ်ကအပြန် နောက်ကျရင်လည်း ငါ မအိပ်သေးပဲ စောင့်နေပေးမယ်လေ”

“ဖိုးသားရယ်၊ ငါ့ကြောင့် မင်းကို ဒုက္ခမများစေချင်ဘူး”

“ဒုက္ခမများပါဘူးကွာ၊ မင်းပဲပြောဖူးတယ်၊ မင်းနဲ့ငါက မိသားစုဝင်တွေဆို၊ ညီအစ်ကိုဆိုလည်း ဟုတ်တယ်၊ သူငယ်ချင်းဆိုလည်း ဟုတ်တယ်ဆို၊ ဒါ့ကြောင့် ဘာမှအားနာစရာမလိုဘူး၊ ဒုက္ခများတယ်ဆိုရင်လည်း မင်းအတွက် ဒုက္ခခံပေးတာမို့ ငါ ကျေနပ်ပါတယ်ဖိုးချောရာ”

“ကျေးဇူးတင်လိုက်တာဖိုးသားရယ်၊ ငါ့အပေါ်မှာ မင်းလောက်ကောင်းတဲ့သူတစ်ယောက်မှ မရှိဘူး”

ဖိုးချောက ဖိုးသားအား  ပွေ့ဖက်လိုက်သည်။

တီ တီ တီ….. တီ တီ တီ……။

ဖုန်းမြည်လာသဖြင့် ကောက်ကြည့်လိုက်တော့ ဒါရိုက်တာ ဦးမင်းသိုင်း၏ ဖုန်းဖြစ်နေသည်။ 

“ဦးမင်းသိုင်းပဲ”

ဖိုးချော ပြတ်သားသောမျက်နှာထားနဲ့ အစိမ်းဝိုင်းကို ထိလိုက်သည်။

“ဟဲလို”

“မောင်စတီဗင်ထူးလား”

“ဟုတ်ပါတယ်”

“ဦးကိုမှတ်မိသေးလား၊ ဦးမင်းသိုင်းလေ”

“ဟုတ်ကဲ့ သိပါတယ်ဒါရိုက်တာကြီး”

“ဦးတောင်းဆိုထားတာ ဘယ်လိုသဘောရလဲ”

ဖိုးချော ဖိုးသားမျက်နှာကို ကြည့်လိုက်ပြီး ဖြေလိုက်သည်။

“ဒါရိုက်တာကြီးတောင်းဆိုတာကို လက်ခံပါတယ်ဒါရိုက်တာကြီး”

“အိုး ကျေးဇူးတင်လိုက်တာကွယ်၊ သည်လိုဆိုရင် ပြောစရာတွေ အများကြီးရှိတယ်ကွဲ့၊ အပြင်မှာ တွေ့ပြီး စေ့စေ့စပ်စပ်ပြောကြမလား”

“ဟုတ်ကဲ့”

“ဒါဆို ဘယ်နေရာမှာတွေ့ချင်လဲ၊ ဖြစ်နိုင်မယ်ဆိုရင် အခုကိစ္စ အပြင်မှာမပေါက်ကြားစေချင်တာကြောင့် ဦးရဲ့အိမ်မှာပဲ ပြောချင်တယ်၊ ဖြစ်ပါ့မလား”

“ဖြစ်ပါတယ်၊ ကျွန်တော်တို့ပဲ လာခဲ့ပါ့မယ်၊ လိပ်စာပေးလိုက်ပါ”

“မက်ဆေ့နဲ့ ပို့ပေးလိုက်မယ်နော်၊ မောင်စတီဗင်ထူး လာတတ်မယ်ထင်ပါတယ်”

“ကျေးဇူးပါ”

Xxxxxxxxxxxxxxxxxxxxxx

ဖိုးချောမောင်းနှင်ပြီး နောက်မှာ ဖိုးသားလိုက်ပါလာခဲ့သော ဆိုင်ကယ်လေးက ဒါရိုက်တာဦးမင်းသိုင်း၏ ခြံဝသို့ ထိုးဆိုက်လိုက်သည်။

နှစ်ယောက်သား ဆိုင်ကယ်ပေါ်မှဆင်းပြီး ဆိုင်ကယ်ဦးထုပ်ကိုချွတ်လိုက်တော့ ခန့်ညားထည်ဝါသော ဒါရိုက်တာဦးမင်းသိုင်း၏ တိုက်အိမ်ကြီးကို တွေ့လိုက်ရသည်။ ထိုအိမ်ကြီးကို ဖိုးချောမော်ကြည့်လိုက်မိသည်။ ထို့အတူ စိတ်ထဲတွင်လည်း စိတ်ကူးအချို့ ဝင်လာခဲ့သည်။

ငါလည်း ပိုက်ဆံတွေရှိခါကျ သည်လိုကောင်းတဲ့ အိမ်တစ်လုံးဝယ်ဖြစ်အောင်ဝယ်ပြီး မိဘတွေကို မပူပင် မကြောင့်ကျအောင်ထားမယ်။

ဘဲလ်တီးလိုက်တော့ အိမ်စေဖြစ်ဟန်တူသူ မိန်းကလေးတစ်ဦးက တံခါးလာဖွင့်သည်။

“ဘယ်သူနဲ့ တွေ့ချင်လို့ပါလဲရှင်”

“ဒါရိုက်တာ ဦးမင်းသိုင်းနဲ့တွေ့ဖို့လာခဲ့တာပါ၊ စောနတုန်းကပဲ ဒါရိုက်တာကြီးနဲ့ ဖုန်းအဆက်အသွယ်လုပ်ခဲ့ပါသေးတယ်”

“သြော် ဟုတ်ကဲ့ရှင့် ၀င်ပါ”

ဖိုးချောတို့လည်း ၀င်လိုက်တော့ ထည်ဝါသန့်ပြန့်တောက်ပြောင်နေသော အခန်းတွင်းကို တွေ့လိုက်ရပြန်သည်။ ဒါရိုက်တာ ဦးမင်းသိုင်းကိုတော့ မတွေ့ရ။ ပြည့်စုံနေသူအဖို့တော့ သည်လို အဆင့်အတန်းမြင့်မြင့်နဲ့ နေနိုင်ပေလိမ့်မပေါ့။

ထိုစဉ် ဒါရိုက်တာ၏ဇနီး ဒေါ်ခင်ဘုတ်က မီးဖိုချောင်ထဲက ထွက်လာသည်။

“ဘယ်က ဧည့်သည်တွေများပါလိမ့်”

အသံလာရာဆီ ဖိုးချောတို့ကြည့်လိုက်ကြသည်။ အဒေါ်ကြီးတစ်ယောက်ကိုမြင်တော့ ဖိုးချောရင်ဘတ်ထဲ တစ်ခုခုဖြစ်သွားသလို ခံစားလိုက်ရသည်။ နွေးထွေးမှုအပြည့်ရှိသော ထိုမျက်နှာပိုင်ရှင် အဒေါ်ကြီးအား မိခင်တစ်ယောက်လို ဖိုးချော ခင်မင်မိသွားသည်။

“အိုး မောင်စတီဗင်ထူးတို့ ရောက်လာပြီကိုး၊ ထိုင်ကြကွယ်၊ မိန်းမကလည်း ဧည့်သည်တွေကို သည်အတိုင်း ရပ်ခိုင်းထားတာလား”

“အို မဟုတ် မဟုတ်ပါဘူးကွယ်၊ ဘယ်သူတွေများလဲဆိုပြီး အံ့သြနေလို့ပါ၊ ဒါနဲ့ သည်ကောင်လေးကို တစ်နေရာရာမှာ တွေ့ဖူးသလိုပဲ၊ ဘယ်နေရာများပါလိမ့်”

“ဘယ်မှာ တွေ့ဖူးလို့လဲမိန်းမ”

“မသိဘူးတော်၊ စဉ်းစားလို့ကိုမရဘူး၊ သားကကော အဒေါ့်ကို တစ်နေရာမှ မြင်ဖူးသလားဟင်”

“သြော် အခုမှ မြင်ဖူးတာပါဒေါ်ဒေါ်”

“သြော် ဟုတ်လား”

“မင်းမြင်ဖူးချင်လဲ မြင်ဖူးမှာပေါ့ကွာ၊ သည်ကောင်လေးက သာမာန်လူမှမဟုတ်တာ၊ တစ်လောက အမျိုးသားအလှပြိုင်ပွဲမှာ ပထမဆုရတဲ့ မောင်စတီဗင်ထူးဆိုတာလေ”

“သြော် အဲ့လိုကိုး၊ ဒါပေမဲ့ ကျုပ်က အဲ့သတင်းမှ မကြားဖူးတာ”

“ထားပါတော့ကွာ၊ ပြောနေကြာတယ်၊ ကဲ ကဲ မောင်စတီဗင်ထူးတို့ ထိုင်လေ၊ သူငယ်ချင်းလည်း ပါတယ်ကိုး၊ မိန်းမက မောင်စတီဗင်ထူးတို့အတွက် အအေးလေး ဘာလေး ပြင်ပေးပါဦး”

“သြော် ဟုတ်ကဲ့ရှင့်”

ဒေါ်ခင်ဘုတ်က သွက်သွက်လေးထွက်သွားသည်။ ဖိုးချောနဲ့ ဖိုးသားတို့လည်း ထိုင်လိုက်ကြသည်။

“ဦးရဲ့ တောင်းဆိုချက်ကို လက်ခံပေးလို့ ကျေးဇူးတင်မဆုံးပါဘူးမောင်စတီဗင်ထူးရယ်”

“ကျွန်တော့်ကို တောင်းဆိုတဲ့အတွက်လည်း ကျေးဇူးတင်ပါတယ်”

“ဦးကသာ ကျေးဇူးတင်ရမှာပါကွယ်၊ ပြောထားတဲ့အတိုင်း ဦးက မောင်စတီဗင်ထူးကို အောင်မြင်တဲ့ မင်းသားတစ်လက်ဖြစ်အောင် မြေတောင်မြှောက်ပေးမှာပါ၊ ဦး ကတိပေးပါတယ်”

“ပြောမပြတတ်အောင် ကျေးဇူးတင်ပါတယ်”

“အဲ့တော့ နှစ်ဦးနှစ်ဖက် ကတိက၀တ်ပြုရမယ်ကွဲ့”

“ဘာများလဲဒါရိုက်တာကြီး”

“ဦးက မောင်စတီဗင်ထူးနဲ့ စာချုပ်ချုပ်ဆိုရမယ်”

“ဘယ်လိုစာချုပ်မျိုးလဲ”

“ဦးက မောင်စတီဗင်ထူးကို အောင်မြင်တဲ့မင်းသားဖြစ်အောင် မြှောက်ပေးမယ်လို့ပြောထားတော့ တကယ်လည်း မောင်စတီဗင်ထူး အောင်မြင်တဲ့ မင်းသားဖြစ်အောင် လိုအပ်တဲ့ စာချုပ် ချုပ်ဆိုဖို့ တောင်းဆိုရတာပါ”

ဖိုးချော ဖိုးသားအား လှည့်ကြည့်လိုက်သည်။

“ဟုတ်ကဲ့ ပြောပါ”

“အရင်ဆုံး မောင်စတီဗင်ထူးနဲ့ ရုပ်ရှင်ကားပေါင်း (၃၀)လောက်ရိုက်ရမယ်၊ ပထမ ဇာတ်ကား(၃)ကားလောက်ရိုက်ပြီးသွားရင် ရုပ်ရှင်ကားကြီးမှာ မောင်စတီဗင်ထူးကို သရုပ်ဆောင်စေမယ်၊ အကယ်ဒမီအတွက် အခွင့်အရေးရမယ်၊ ပထမဆုံးသရုပ်ဆောင်တဲ့ ဇာတ်ကားမှာ အကယ်ဒမီရတယ် ဆိုတဲ့အဖြစ်မျိုး မောင်စတီဗင်ထူး မလိုချင်ဘူးလား၊ ဟဲ ဟဲ တကယ်တော့ ဦးလည်း အခုချိန်ထိ အကယ်ဒမီမရသေးတာ မောင်စတီဗင်ထူးတို့လည်း အသိပဲမဟုတ်လား၊ ဦးလည်း အဲ့ဇာတ်ကားမှာ အကယ်ဒမီလိုချင်တယ်၊ အဲ့သည်အတွက် မောင်စတီဗင်ထူးရဲ့ အကယ်အညီလိုအပ်တယ်၊ မောင်စတီဗင်ထူး ဦးကို ကူညီမယ်မဟုတ်လား”

“ကျွန်တော်က ကူညီရမယ်ဟုတ်လား”

“ဟုတ်တယ်၊ မောင်စတီဗင်ထူး ကူညီနိုင်မှာပါ၊ ပြီးတော့ အဲ့ဇာတ်ကားမှာ အကယ်ဒမီအတွက် မောင်စတီဗင်ထူး လုပ်နိုင်လိမ့်မယ်လို့ ဦးယုံကြည်တယ်”

ဖိုးချော ဘာမှမပြောတတ်။

“(၃၀)ကားလောက်ရိုက်ပြီးသွားရင် မောင်စတီဗင်ထူးအောင်မြင်မှာ သေချာတယ်၊ အဲ့သည်(၃၀)ကားရိုက်မပြီးမချင်း မောင်စတီဗင်ထူးက ဘယ်သူ့ကမ်းလှမ်းချက်ကိုမှ လက်မခံရဘူး၊ ဇာတ်ကားတစ်ကားဆိုရင် ငှားရမ်းခ (၇)သိန်းပေးမယ်ဗျာ၊ စတီဗင်ထူးလက်ခံလား”

ဖိုးချော ခေါင်းငုံ့ကာတွေဝေနေသည်။

“ကျွန်တော့်ဘက်က ကတိဖောက်ဖျက်ခဲ့ရင်ကော ဘယ်လိုလျော်ကြေးပေးရမှာလဲ”

“ဇာတ်ကား(၃၀)လုံး ရိုက်မပြီးခင်အချိန်မှာပဲ ကျွန်တော်နဲ့ လက်တွဲဖို့ အစီအစဉ်မရှိတော့ဘူးဆိုမှ ကတိကိုဖောက်တာဖျက်တာလို့ သတ်မှတ်ပါ့မယ်၊ အဲ့တော့ ဇာတ်ကားတစ်ကားစီရဲ့ ငှားရမ်းခထက် တစ်ဆပိုပေးရမယ်”

ဖိုးချော အတော်လေးတွေဝေပြီးမှ  ခေါင်းညိတ်လိုက်သည်။

“ကျွန်တော်လက်ခံပါတယ်”

“အို မဖြစ်ဘူးဖိုးချော၊ မင်းလက်ခံလိုက်လို့မဖြစ်ဘူး”

အနားမှ ဖိုးသားက ၀င်ပြောလိုက်သည်။

“ဘာလို့လဲ”

“လာ ငါ့နောက်က ခဏလောက်ခဲ့”

ဖိုးသားက ဖိုးချောလက်ကို အပြင်ဘက်သို့ ဆွဲခေါ်သွားသည်။

“ဒါရိုက်တာကြီး ခဏနော်”

“အေး”

အပြင်ဘက်ရောက်တော့ ဖိုးသားကပြောသည်။

“မင်း အဲ့သည်စာချုပ်ကို လက်ခံလိုက်လို့မဖြစ်ဘူး”

“ဘာလို့လဲလို့”

“မင်း မြင့်မြတ်ရဲ့ အင်တာဗျူးကို မဖတ်ဖူးဘူးလား၊ ဇာတ်ကားအများကြီး တစ်ခါတည်းနဲ့ စာချုပ်ကို လက်မခံသင့်ဘူးတဲ့၊ လက်ခံလိုက်ရင် ဘ၀က မလွတ်လပ်သလိုခံစားရတယ်တဲ့၊ မင်းလည်း အဲ့လိုဖြစ်လိမ့်မယ်ဖိုးချော”

ဖိုးချော နားလည်သလိုနဲ့ ခေါင်းညိတ်လိုက်သည်။ 

“ဒါလည်း ဟုတ်တယ်၊ ဒါပေမဲ့ ငါ ငွေလိုချင်တယ်၊ ငွေစုချင်တယ်”

“ဖိုးချောရယ်၊ မင်းကို ငွေမမက်နဲ့ ငါ ဘယ်နှခါပြောရမလဲ၊ မင်း ငွေနောက်ကို လိုက်နေတာလား”

“မပြောတတ်ဘူးကွာ၊ ငါ ငွေပဲလိုချင်တယ်၊ ပိုက်ဆံများများစုချင်တယ်၊ မိဘတွေကို အိမ်ဝယ်ပေးချင်တယ်”

“ပြောလိုက်ရင် သည်လိုချည်းပဲဖိုးချောရယ်၊ သည်လိုနဲ့ မင်းဘ၀ပျက်သွားရင် ဘယ့်နှယ့်လုပ်မလဲ”

“မပျက်စေရဘူး၊ ငါ အစစအရာရာ ဂရုစိုက်မှာပါ၊ မင်း ဘာပြောပြော ငါ စာချုပ်ကို လက်ခံမယ်၊ ပြီးတော့ ငါ တောင်းဆိုချင်တာ တစ်ခုရှိသေးတယ်”

“ဘာများလဲ”

“ဒါရိုက်တာကြီးနဲ့ပဲ ပြောကြတာပေါ့”

“ဖိုးချော ငါ့ကိုအရင်ပြောလေ”

“လာစမ်းပါ”

“ဖိုးချော..”

ဖိုးချောက ၀င်သွားသည်။ စောနကနေရာမှာပဲ သွားထိုင်လိုက်သည်။

“ဘယ်လိုလဲ၊ ဆုံးဖြတ်ပြီးသွားပြီလား မောင်စတီဗင်ထူး”

“ဒါရိုက်တာကြီးရဲ့ စာချုပ်ကို လက်ခံလိုက်ပါ့မယ်”

ဖိုးချော၏စကားကြောင့် ၀မ်းသာသွားသူက ဦးမင်းသိုင်း။ အံ့သြသွားသူက ဖိုးသား။

“ဖိုးချော..”

“၀မ်းသာလိုက်တာမောင်စတီဗင်ထူးရယ်၊ မောင်စတီဗင်ထူးကိုပဲ အားကိုးရတော့မှာပေါ့”

“အဲ့သည်အတွက် ကျွန်တော်လည်း တစ်ခုလောက်တောင်းဆိုချင်ပါသေးတယ်”

“ဘာများလဲ ပြောကြည့်လေ”

“ဇာတ်ကားရိုက်နေစဉ်အချိန်အတွင်း ကျွန်တော့်ဆီ ကြော်ငြာရိုက်ဖို့ ကမ်းလှမ်းတဲ့သူတွေရှိရင် ဒါရိုက်တာကြီးက ခွင့်ပြုပေးရမယ်”

“အိုး သိပ်ရတာပေါ့ကွယ်၊ ဘာကိစ္စရှိတာမှတ်လို့၊ ကြော်ငြာဆိုတာက တစ်ရက်တည်းနဲ့ အပြီးရိုက်လို့ရတာပဲမဟုတ်လား”

“နားလည်ပေးလို့ ကျေးဇူးပါ”

“ဒါဆိုရင် ဦးတို့ ကိစ္စမှာ လက်မှတ်ထိုးကြတာပေါ့၊ ဦးက စရံငွေလည်း (၁၀)သိန်းထုတ်ပေးလိုက်မယ်လေ၊ မောင်စတီဗင်ထူးအတွက် ဘာမှနစ်နာစရာမရှိဘူးမဟုတ်လား၊ ဦးကို ယုံတယ်မဟုတ်လား”

“ယုံပါတယ်ဒါရိုက်တာကြီး၊ ဒါရိုက်တာကြီးကို ကျွန်တော် လေးလည်းလေးစားပါတယ်၊ ရုပ်ရှင်လောကအတွက် အတော့်ကို ကြိုးစားပေးတဲ့သူပါ၊ အကယ်ဒမီရသင့်တာ မရတော့ ကျွန်တော်စိတ်မကောင်းဘူး၊ ဒါရိုက်တာကြီးအကယ်ဒမီရဖို့အတွက် ကျွန်တော်က ကူညီနိုင်မယ်ဆိုရင်လည်း ကူညီချင်ပါတယ်”

“မောင်စတီဗင်ထူဆီက အခုလိုကြားရတာ မျက်ရည်ကျမိမတတ် ၀မ်းသာရပါတယ်၊ ရော့ ဒါက စရံငွေ (၁၀)သိန်းပါ”

ဦးမင်းသိုင်းက ငွေအထပ်လိုက် ထုတ်ပေးလိုက်သည်။

“ပြီးတော့ ဒါက စာချုပ်ပါ၊ ဇာတ်ကား(၃၀)အတွက် သဘောတူညီကြောင်း လက်မှတ်ထိုးပေးပါ”

ဖိုးချောအားတင်းလိုက်ရင်း ပြတ်သားစွာ လက်မှတ်ထိုးလိုက်သည်။

“ဦးကို ယုံကြည်ပေးလို့ ကျေးဇူးတင်ပါတယ်ကွယ်”

“ရပါတယ်”

“လိုအပ်ရင် အချိန်မရွေးဆက်သွယ်လိုက်၊ ဦးဘက်ကလည်း အဆင့်သင့်ဖြစ်ရင် ဆက်သွယ်လိုက်ပါ့မယ်”

“ဒါဆိုရင် ကျွန်တော်တို့ သွားလိုက်ပါဦးမယ်”

“အေးကွယ် လမ်းမှာ ဂရုစိုက်ကြဦး”

ဖိုးချောတို့ ငွေအထပ်ကိုယူပြီး စလွယ်သိုင်းလာသော လွယ်အိတ်ထဲထည့်ပြီး ထွက်သွားလိုက်ကြသည်။ 

ထွက်ပေါက်ရောက်တော့ နေကာမျက်မှန်အမည်း လျှပ်စီးရောင်ဂျာကင်ဝတ်ဆင်ထားသော ဖိုးချောတို့အရွယ်ကောင်လေးတစ်ယောက် ၀င်လာတာတွေ့လိုက်ရသည်။ သုံးယောက်သား တစ်ယောက်မျက်နှာတစ်ယောက်ကြည့်ပြီး ဘာမှတော့ မပြောဖြစ်ကြ။

အပြင်ဘက်ရောက်တော့ ဖိုးသားက မေးလိုက်သည်။

“အဲ့ကောင်က ဘယ်သူပါလိမ့်၊ တစ်နေရာမှာ မြင်ဖူးသလိုပဲနော်”

“သြော် သူ့ကို မသိဘူးလား၊ ဒါရိုက်တာကြီးရဲ့သားလေ၊ မင်းသားနေမင်းထိုက်ပေါ့”

“ဒါရိုက်တာကြီးမှာ သားရှိသလား၊ မင်းသားနေမင်းထိုက်လို့လည်း ငါမကြားဖူးပေါင်”

“အင်းလေ အဲ့ကောင်က သရုပ်ဆောင်သိပ်မကောင်းဘူးလို့ ပြောကြတယ်၊ သိပ်တော့ နာမည်မကြီးသေးဘူးလေ”

“သြော် ဟုတ်မှာပေါ့၊ ဒါရိုက်တာကြီးရဲ့သားဆိုတော့ အရည်အချင်းမရှိလည်း မင်းသားမြှောက်ပေးမှာပဲလေ”

“သွားကြရအောင်”

“ငါကတော့ သည်ကောင့်ကို မသိပဲနဲ့ တစ်နေရာမှာ မြင်ဖူးသလိုကိုထင်တာ၊ မဟုတ်မှလွဲရော့ မင်းနဲ့များတူနေသလားမသိဘူး”

“တော်စမ်းပါကွာ၊ မင်းကလည်း ပေါက်ပေါက်ရှာရှာ၊ သွားမယ်၊ တက်”

ဆိုင်ကယ်လေးက မောင်းထွက်သွားသည်။

ထွက်သွားသည့် ကောင်လေးနှစ်ယောက်ကိုကြည့်ပြီး နေမင်းထိုက်က ဇဝေဇ၀ါနဲ့ ဦးမင်းသိုင်းအား မေးလိုက်သည်။

“သူတို့က ဘယ်သူတွေလဲအဖေ၊ ဘာလာလုပ်တာလဲ”

“ဘာမှမလုပ်ပါဘူးကွာ”

“သူက တစ်လောက ပြိုင်ပွဲမှာ ဆုရတဲ့ စတီဗင်ထူးဆိုတဲ့ကောင်မဟုတ်လား၊ အဖေ သူနဲ့ ဘာစာချုပ်တွေ ချုပ်လိုက်တာလဲအဖေ၊ အဖေ သူ့ကို မင်းသား မြှောက်ပေးမလို့လား”

ဦးမင်းသိုင်းက ဘာမှပြန်မပြော။

“ပြောလေအဖေရ၊ သည်ကောင့်ကို မင်းသားမြှောက်ပေးမလို့လားလို့”

“အဲ့သည်တော့ မင်းက ဘာပြောချင်လို့လဲ”

“အဖေရက်စက်တယ်ဗျာ၊ သားဖြစ်သူကိုကျတော့ အောင်မြင်အောင် မြှောက်မပေးပဲနဲ့ သူစိမ်းတစ်ယောက်ကိုမှ မြှောက်ပေးရသလားဗျ”

“အရည်အချင်းရှိသူဆိုရင်တော့ မြှောက်ပေးရမှာပေါ့”

“အဲ့ဒါ ဘာသဘောလဲအဖေ၊ အဲ့ဒီစကားက သားမှာ အရည်အချင်းမရှိဘူးလို့ ပြောလိုက်တာမဟုတ်လား၊ ပြောလေဗျာ”

နေမင်းထိုက်က ဟိန်းထွက်သွားအောင်အော်ချလိုက်သည်။

“ဘယ်လိုတွေ ဖြစ်နေကြတာလဲကွယ်”

ဒေါ်ခင်ဘုတ်က ထိတ်လန့်တကြားရောက်လာသည်။

“နောက်ရိုက်မဲ့ ရုပ်ရှင်ကားမှာလည်း အဲ့ကောင်ကို သုံးမယ်လို့ ဆုံးဖြတ်ထားတာမဟုတ်လား”

“ဘယ်လို”

“အဖေရုပ်ရှင်ကားကြီးရိုက်ဖို့အတွက် လူရှာနေတာ သားမသိဘူးများထင်နေလား၊ အဲ့ကားမှာ သားကို မသုံးပဲ အဲ့ကောင်ကို သုံးမယ်ပေါ့ဟုတ်လား”

ဦးမင်းသိုင်း ဘာမှပြန်မဖြေတတ်ဖြစ်သွားရသည်။

“ပြောလေအဖေ သားပြောတာမှန်တယ်မဟုတ်လား”

“အဖေ့ဆုံးဖြတ်ချက်နဲ့ အဖေပါပဲ”

“အား ….”

နေမင်းထိုက်က စိတ်တိုစွာနဲ့ အနီးရှိ ပစ္စည်းများကိုလှဲချလိုက်သည်။ 

“အမလေး၊ မလုပ်ပါနဲ့သားရယ်”

ဦးမင်းသိုင်းကတော့ ဂရုမစိုက်ပဲ ထထွက်သွားသည်။ ဦးမင်းသိုင်းက ဂရုမစိုက်လေ နေမင်းထိုက်ကတော့ ပိုပြီး ဒေါသထွက်လေဖြစ်သည်။ စားပွဲပေါ်မှ ပန်းအိုးများနဲ့ အချိုရည်ခွက်များကို လှဲချပစ်လိုက်သည်။

“အမလေးလေးသားရယ်၊ မလုပ်ပါနဲ့ဆို”

“ဒါတွေကြောင့် မင့်ကို စိတ်ကုန်တာ သိလား”

ဦးမင်းသိုင်းက တံခါးအ၀ကနေ လှမ်းပြောလိုက်သည်။

“အားးး….”

အခန်းတစ်ခုလုံး ဟိန်းထွက်သွားအောင် အော်ချလိုက်တော့ မိခင်ဒေါ်ခင်ဘုတ်က နားနှစ်ဖက်ကို လက်နဲ့ အုပ်ထားလိုက်သည်။

နေမင်းထိုက် အံကိုတင်းတင်းကျိတ်ရင်း လက်သီးကို ကျစ်ကျစ်ပါအောင် ဆုပ်ထားလိုက်သည်။

Xxxxxxxxxxxxxxxxxxxxxx

တစ်လကျော်ခန့်အကြာ………။

“ဆွဲဆောင်ခန့်ညား စွမ်းအားပြည့်ဝ အမျိုးသားဘ၀” ပြိုင်ပွဲလေးတစ်ခုကြောင့် တဟုန်ထိုးကျော်ကြားသွားခဲ့သော ဖိုးချောတစ်ဖြစ်လဲ စတီဗင်ထူး၏ သတင်းသည် ဂျာနယ်ပေါင်းစုံစာမျက်နှာ၊ အင်တာနက်၊ ဖေ့ဘုတ်စာမျက်နှာများနဲ့ မြန်မာနိုင်ငံအနှံ့ ကြော်ငြာဗီနိုင်းများတွင် ပျံ့ နှံ့နေရာယူလျှက်ရှိသည်။ 

ဗီနိုင်းများတွင် နေရာယူနေသော စတီဗင်ထူး၏ ပုံများကိုကြည့်ပြီး ဖိုးချော ပီတီဖြစ်နေသည်။ တစ်ချိန်က သည်လိုဗီနိုင်းများကို ကြည့်ပြီး တစ်နေ့ သည်လိုဗီနိုင်များပေါ်တွင် ကိုယ့်ပုံများ နေရာယူပြီး အောင်မြင်စေရမည်ဟု ဖိုးချော ကြိမ်းဝါးခဲ့ဖူးသည်။ ယခု ကြိမ်းဝါးခဲ့သည့်အတိုင်း ဖြစ်လာခဲ့ပြီ။ 

ကုန်စ္စည်းတစ်ခုအား ကိုင်ထားပြီး ကြော်ငြာနေသော စတီဗင်ထူး၏ ယောက်ျားဆန်လွန်းလှသော ဗီနိုင်းကြီးကို ကြည့်ပြီး ဖိုးချော လမ်းဘေးပလပ်ဖောင်းဆီမှ ကုက္ကိုပင်ကြီးအောက်သို့ ထိုင်ချလိုက်သည်။ ထိုကုက္ကိုပင်ကြီးသည် တစ်ချိန်က ဖိုးချောဝါသနာအစပျိုးရာနေရာ ဖြစ်ခဲ့သလို လက်ဖက်ရည်ဆိုင်မှ သူဌေးနဲ့ ဈေးသွားရင်း သူဌေးက ဖိုးချောအား ကုန်ပစ္စည်းတစ်ခုဝယ်ရန် မေ့ကျန်နေခဲ့သောကြောင့် ထိုင်စောင့်စေခဲ့သော နေရာလေးဖြစ်သည်။ 

ဗီနိုင်းများပေါ်တွင် နေရာယူနိုင်လောက်အောင် အောင်မြင်နေခဲ့သည်ဆိုငြား ဖိုးချော မပျော်ရွှင်ခဲ့။ ဖိုးချောမျက်နှာလေး ညှိုးမှိန်နေသည်။

“အဖေနဲ့အမေတို့ရယ် သားရဲ့ပုံတွေ တစ်နိုင်ငံလုံးမှာ နေရာယူနေခဲ့ပြီလေ၊ သားပုံကိုကြည့်ပြီး သားရဲ့မျက်နှာကို အဖေနဲ့အမေတို့ မမှတ်မိကြဘူးလားဟင်၊ သားလေ အဖေနဲ့အမေကို သိပ်တွေ့ချင်မိတယ်၊ အရမ်းလည်း လွမ်းမိတယ်၊ သူများသားအဖတွေမြင်တိုင်း သားရင်နာရမိတယ်အဖေနဲ့အမေရယ်၊ အဖေနဲ့အမေတို့က ငွေကြေးမပြည့်စုံလို့ သားကို ပစ်ထားခဲ့ကြတယ်ဆိုရင် အခု ဘာမှမပူရတော့ဘူး၊ သားငွေရှာနိုင်နေပြီလေ၊ ဒါ့ကြောင့် သားရှေ့ မြန်မြန်ပေါ်လာခဲ့ပါတော့”

လည်ပင်းဆီမှ လက်စွပ်လေးအား မျက်ရည်များနဲ့ ဖိုးချောကိုင်ကြည့်နေသည်။

“အဖေနဲ့အမေတို့ ပြောထားတဲ့အတိုင်း သား သည်လက်စွပ်လေးကို အခုထိ သိမ်းထားတုန်းပါပဲ၊ အချိန်တန်ရင် ပြန်လာရှာမယ်ဆို၊ အဲသည်အချိန်ဟာ ဘယ်တော့များလဲအဖေနဲ့အမေရယ်”

ထိုစဉ် နေမင်းထိုက်၏ ကားသည် ဖိုးချောထိုင်နေရာ၏ ဟိုမှာဘက် ပလက်ဖောင်းတွင် ရပ်လိုက်သည်။ နေမင်းထိုက်အား မြင်မြင်ချင်း အနီးအနားရှိမိန်းကလေးများက ပြေးလာကာ လက်မှတ်ထိုးခိုင်းသည်။ အမှတ်တရ ဓာတ်ပုံများရိုက်သည်။ နေမင်းထိုက်က ပီတိအပြုံးများနဲ့ ဓာတ်ပုံအရိုက်ခံသည်။ လက်မှတ်လည်း ထိုးပေးသည်။

“အိုး ဟို ဟိုမှာ စတီဗင်ထူးမဟုတ်လား၊ ဟိုမှာ ဟိုမှာ…”

မိန်းကလေးတစ်ယောက်က အော်လိုက်သဖြင့် ကျန်သည့်မိန်းကလေးများက ထိုမိန်းကလေး ညွှန်ပြရာဆီသို့ ကြည့်လိုက်ကြသည်။

“အို ဟုတ်တယ်၊ ငါ့ရဲ့နတ်သားလေး စတီဗင်ထူးပဲ၊ လာ သွားကြမယ်ဟေ့”

ထိုမိန်းကလေးများက ဇွတ်အတင်းပြေးသွားကြပြီး စတီဗင်ထူးတစ်ဖြစ်လဲ ဖိုးချောအား ဖက်လည်းတကင်းနဲ့လုပ်ကာ လက်မောင်းတစ်ဖက်ဆီသို့ ပွေ့ဖက်ရင်း ဓာတ်ပုံများရိုက်ကြသည်။ 

ထိုမြင်ကွင်းအား မရှုဆိတ် မနာလိုဖြစ်နေသူကား နေမင်းထိုက်ပင်။ စတီဗင်ထူးအပေါ်သို့ မလိုမုန်းထားစိတ်တွေ နေမင်းထိုက်ဆီတွင် ကိန်းအောင်းလာခဲ့သည်။ နေမင်းထိုက် လက်သီးဆုပ်ကာ အံကိုတင်းတင်းကြိတ်လိုက်သည်။

Xxxxxxxxxxxxxxxxxxxxxxxxxxxxxx

အောင်မြင်သူတို့အပေါ်၌ မလိုမုန်းထားသူဟူသည် ရှိစမြဲဖြစ်သည်။

လူမှုလောကတွင် ဖေ့ဘွတ်စ်သုံးစွဲသူ အများအပြားရှိသည်။ တစ်နေ့တွင် ဖေ့ဘွစ်စာမျက်နှာများပေါ်တွင် စတီဗင်ထူး၏ သတင်းဆိုးများ ၀င်ရောက်လာသည်။ ထိုသတင်းသည် စတီဗင်ထူးဆိုသည့် အကောင့်ပိုင်ရှင်ထံမှ ရောက်ရှိလာခြင်းဖြစ်သည်။ စတီဗင်ထူးဆိုသော နာမည်ယူပြီး စတီဗင်ထူး၏ ပုံများကိုသာ တင်ကာ စတီဗင်ထူးအဖြစ် ကိုယ့်ကိုယ်ကိုယ်ခံယူသည်။ ထိုအကောင့်ပိုင်ရှင် စတီဗင်ထူးသည် မဖွယ်မရာသော ပုံများကိုတင်ကာ ပရိသတ်များအပေါ် မဖွယ်မရာသော စကားများပြောဆိုသည်။ ထိုအဖြစ်အပျက်ကြောင့် ပရိသတ်များထံမှ အငြင်းပွားသံများကြောင့် ရောက်ရှိလာကြသည်။

“စတီဗင်ထူးက တော်တော်ညစ်ပတ်တာပဲ”

“ပရိသတ်ကို မလေးစားဘူး”

“ပရိသတ်အပေါ် လေးစားရကောင်းမှန်းမသိဘူး”

“ရုပ်ကလေးချောသလောက် ညစ်တီးညစ်ပတ်တွေ သိပ်ပြောတာပဲ”

“ပရိသတ်က သူ့ကို လုပ်ကျွေးနေတယ်ဆိုတာ သူသိမှသိပါလေစ”

“သူ့ကို အားပေးနေတဲ့ပရိသတ်အပေါ် သည်လိုမျိုးတော့ စော်ကားမော်ကား မလုပ်သင့်ဘူးထင်တယ်”

စသည့်ပြစ်ချက်များနဲ့ ဝေဖန်ကြသလို…

“သည်အကောင့်က စတီဗင်ထူး ဟုတ်ချင်မှ ဟုတ်မှာနော်”

“မနာလိုတဲ့သူက စတီဗင်ထူးပုံစံဖမ်းပြီး အကွက်ချထားတာနေမှာ”

“အောင်မြင်တဲ့သူတွေအပေါ်မှာ မနာလိုမရှုစိမ့်တဲ့သူ ရှိစမြဲပဲလေ”

“ပရိသတ်အပေါ် စော်ကားမော်ကား ပြုကျင့်ရလောက်အောင်၊ ကိုယ့်ကိုယ်ကိုယ်လူဆိုးတစ်ယောက်ဆိုတာ ပြောပြရလောက်အောင် ဆင်ခြင်တုံတရား ကင်းမဲ့တဲ့သူမဟုတ်ဘူး”

“စတီဗင်ထူးကို မနာလိုလို့ သည်လိုလုပ်တယ်ဆိုတာ လယ်ပြင်မှာ ဆင်သွားသလို ထင်ရှားတယ်”

စသည်ဖြင့် အကောင်းမြင်ပေးသည့်သူများလည်း ရှိသေးသည်။ ဖေ့ဘွတ်စ်စာမျက်နှာများတွင် ဆဲသံဆိုသံများနဲ့ စီစီညံလျှက်ရှိသည်။

တစ်နေ့ ရှုတင်နားသဖြင့် ဖိုးသားနဲ့ ဖိုးချောတို့ လက်ဖက်ရည်ဆိုင်လေးမှာ ရောက်ရှိနေကြသည်။ ဖိုးသားက ဖေ့ဘုတ်လေးကို ဖွင့်ပြီး ဖိုးသားထံပြေးလာသည်။

“ဖိုးချော သည်မှာကြည့် ဒါမင်းတင်တာလား”

ဖိုးသားပြသည်က ဖေ့ဘွတ်စ်စာမျက်နှာတွင် စတီဗင်ထူး၏ ပုံနှင့်အတူ စတေတပ်များတင်ထားသည်။ ထိုစတေတပ်သည် ဖာစကားနှင့်တူနေပြီး စတီဗင်ထူးအား အများက ဖာဟု ထင်စေရန် တင်ထားခြင်းဖြစ်သည်။

ထိုသတင်းကြောင့် ဖိုးချော အသားတွေ တုန်မတတ် ဒေါသထွက်သွားရသည်။

“တောက်….၊ ဘယ်ကောင်လဲကွာ”

“ဧကန္တ မင်းတင်တာတော့ မဟုတ်ပါဘူးနော်”

“ငါ ဘယ်တုန်းက ဖေ့ဘွတ်သုံးဖူးလို့လဲ၊ သိရဲ့နဲ့ မေးနေမှာလားကွ”

ဖိုးချောက စိတ်ဆတ်တဲ့လေသံနဲ့ ပြန်မေးလိုက်သည်။

“အင်းပါ၊ မင်းအကြောင်း ငါကောင်းကောင်းသိပါတယ်၊ ဘယ်ခွေးသူတောင်းစားကများ တင်သွားတာပါလိမ့်နော်”

“သည်ကောင်တွေ တော်တော်သတ္တိကြောင်တဲ့ကောင်တွေပဲဖြစ်ရမယ်”

“ဟုတ်တယ်၊ သူများအောင်မြင်တာ မနာလိုတဲ့ကောင်တွေပဲဖြစ်ရမယ်၊ တွေ့လို့ကတော့ အသေကိုသတ်ပစ်မှာ၊ အင်း ထားပါတော့ကွာ၊ အောင်မြင်တဲ့လူတိုင်း သည်လိုကောလာဟလ က ဖြစ်နေကျပါကွာ၊ ဒါကြောင့် မင်းကပဲ သည်းခံလိုက်ပေါ့ ဟုတ်ပြီလား”

ဖိုးချော ဘာမှပြန်မပြော။ အံကိုသာ ကျိတ်နေမိသည်။

“သတင်းထောက်တွေက မေးရင် ကျွန်တော်ဖေ့ဘုတ်မသုံးပါလို့ပဲ ခပ်ပြတ်ပြတ်ပြောပစ်လိုက်၊ ဟုတ်ပြီလား”

“အင်းပေါ့၊ ငါ ကော်မန့်ပြန်ပေးလိုက်မယ်၊ စတီဗင်ထူးသည် ဖေ့ဘွတ်စ်မသုံးပါလို့”

“တော်စမ်းပါ၊ ကောလာဟလက ကောလာဟလပါပဲကွာ၊ ဖြေရှင်းပြနေလည်း မောရုံပဲအဖတ်တင်ပါတယ်ကွာ၊ ထားလိုက်ပါစမ်း”

“အေး မင်း သည်လိုသည်းခံနိုင်တာ ငါ ချီးကျူးတယ်ဖိုးချော၊ မနက်ဖြန် ဘယ်ရှုတင်ရှိလဲ”

“ဦးမင်းသိုင်းရဲ့ ဇာတ်ကားရိုက်ဖို့ရှိတယ်၊ ကိုနိုင်းတို့ရောပါမှာတဲ့”

“သြော် အေး ကောင်းတာပဲ၊ နာမည်ကြီးသရုပ်ဆောင်တွေနဲ့ တွဲဖက်သရုပ်ဆောင်ရတော့ မင်းဂုဏ်တက်တာပေါ့”

“အင်း သူတို့က ၀ါရင့်တဲ့သူတွေဆိုတော့ ငါ့စိတ်ကမသိုးမသန့်နဲ့၊ အားငယ်သလိုပဲ”

“မင်းကလည်း အားငယ်စရာမလိုပါဘူး၊ မတတ်တာရှိရင် သူတို့ကိုသင်ခိုင်းလေ၊ ဘယ်လိုလေး ဒါလေးကို သရုပ်ဆောင်ရမလဲဆိုပြီး မေးပေါ့”

“အေးပေါ့၊ အဲ့လိုပဲလုပ်ရမှာပေါ့”

“အဆင်မပြေရင် ငါ လိုက်ခဲ့ရဦးမလား”

“လိုက်မနေနဲ့တော့၊ ငါ တစ်ယောက်တည်းအဆင်ပြေပါတယ်၊ ငါ ကလေးမှ မဟုတ်တော့တာ”

“ဖိုးချော မင်းတော်တော်လေး ရင့်ကျက်လာပြီနော်”

ဖိုးသားချီးကျူးတော့ ဖိုးချော ပြုံးလိုက်သည်။

“မင်းက ငါ့ထက် ပိုရင့်ကျက်ပါတယ်ကွာ၊ ငါဆို အရင်က ရင့်ကျက်တယ်ဆိုတာ ဘာမှန်းတောင်မသိဘူး”

“အေးပါ၊ လူပြတ်နေတုန်း ဒိုက်ထိုးလေကွာ၊ လေ့ကျင့်ခန်းကို ဘယ်တော့မှ မပြတ်စေနဲ့”

“ဟုတ်ကဲ့မိန်းမ”

“မင်း ….”

ဖိုးချောက အိမ်သာထဲ ပြေးဝင်သွားသည်။

“အဲ့ဒါ ဘယ်သွားတာလဲ၊ ဒိုက်ထိုးပါဆိုမှ”

“အိမ်သာသွားမလို့ပေါ့မိန်းမရ၊ ချီးစားချင်လို့လား”

“သည်ကောင်ပြောလေကဲလေ၊ ကဲကွာ”

ဖိုးသားက အနီးရှိ နို့ဆီဗူးခွံအလွတ်များနဲ့ ပစ်ပေါက်လိုက်သည်။ ဖိုးချောက တံခါးကိုပိတ်ချလိုက်သဖြင့် ဖိုးချောအားမထိမှန်ပဲ တံခါးဘောင်အားထိမှန်ကာ ချလွမ်အသံများမြည်သွားသည်။ ဖိုးချောက တံခါးကို ပြန်ဖွင့်ပြီး ပြောင်းစပ်စပ်နဲ့ပြောပြီး တံခါးကိုပြန်ပိတ်ချလိုက်သည်။

“အီးပါပြီးရင် ဒိုက်ထိုးမှာပေါ့မိန်းမရ”

“သည်ကောင်း ဟင်း”

ဖိုးသားသက်ပြင်းကို လေးလေးပင်ပင်ချလိုက်သည်။

အင်း မင်းပြောသလို ငါသာ မင်းမိန်းမဖြစ်လိုက်ချင်တော့တယ်၊ ဒါဆိုရင် မင့်ကိုချစ်တဲ့အချစ်တွေ မျိုသိပ်ထားစရာမလိုဘူး၊ မင်းရင်ခွင်ထဲမှာလည်း နေခွင့်ရမှာ…။

ဖိုးသား ခေါင်းရမ်းလိုက်သည်။

အာ.. မဖြစ်သေးပါဘူး၊ ငါသာ မိန်းမဖြစ်ခဲ့ရင် မင်းနဲ့ ငယ်ငယ်လေးကတည်းက အခုချိန်ထိ အတူတူနေခွင့်ရခဲ့မှာမဟုတ်ဘူး….။ မိန်းကလေးနဲ့ ယောက်ျားလေး သူငယ်ချင်းသဘောနဲ့ အတူတူနေတာမျိုးမှ မရှိတာ။ သည်အတိုင်းလေးပဲ ကောင်းပါတယ်ကွာ…။

Xxxxxxxxxxxxxxxxxxxxx

နောက်နေ့ ရိုက်ကွင်းဆီသို့ ဖိုးချော ဆိုင်ကယ်လေးနဲ့ သွားဖြစ်သည်။ ဒါရိုက်တာကြီးပေးသည့် ဇာတ်ညွန်းကိုဖတ်ရင်း မိန်းမလျာတစ်ဦးက မိတ်ကပ်လိမ်းခြယ်ပေးသည်ကို ခံနေသည်။ ဇာတ်ညွန်းကိုကြည့်ပြီး အသံက ဘယ်ကဲ့သို့ မြှင့်သင့်သည်၊ မျက်နှာအမူအယာက ဘယ်ကဲ့သို့ ထားသင့်သည်ကို မဝေခွဲတတ်ဖြစ်နေရသည်။ ထိုစဉ်မှာပဲ မိတ်ကပ်လိမ်းပေးနေသည့် မိန်းမလျာက မေးလာသည်။

“မောင်လေးသတင်းတွေ ပျံ့ နေတယ်ထင်တယ်နော်”

“ဘယ်မလဲ”

“ဖေ့ဘုတ်မှာလေ”

“ဘယ်လိုတွေများလဲမမ”

“မောင်လေးက ဖာတစ်ယောက်တဲ့ဆို၊ ဖေ့ဘုတ်မှာ မောင်လေးကိုယ်တိုင်ကြော်ငြာနေတာလေ”

“မဖြစ်သင့်တာမမရာ၊ အတင်းစကားတွေ မယုံစမ်းပါနဲ့၊ သည်လိုအတင်းအဖျင်းတွေ ပေါ်လာမယ်ဆိုတာ ကြိုသိထားလို့ မောင်လေး ဖေ့ဘုတ်တောင်မသုံးဘူး”

“အင်း အနုပညာရှင်တွေ ဖေ့ဘုတ်မသုံးတာကောင်းတယ်မောင်လေး၊ အင်း မမကလည်း ထင်တော့ထင်သား၊ တခြားမနာလိုသူတွေက အဖျက်အမှောင့်တွေ လုပ်ကြတယ်ဆိုတာ”

“ဟုတ်ရမယ်မမ”

“ဘာဖြစ်ဖြစ် မောင်လေးသည်းခံနော်၊ သည်းခံခြင်းက အကောင်းဆုံး၊ အရာရာကို သည်းခံပြီး အနိုင်ယူပေါ့”

“ကျေးဇူးပဲမမ၊ မမစကားတွေကို မှတ်ထားပါ့မယ်”

“စိတ်ထားလည်း အတတ်နိုင်ဆုံးကောင်းအောင်ထိန်းပေါ့”

“ဟုတ်ကဲ့”

“မမက မောင်လေးကို စေတနာနဲ့ပြောတာနော်၊ မောင်လေးကို အောင်မြင်တဲ့ လူတော်လူကောင်းတစ်ယောက်ဖြစ်စေချင်လို့၊ ဆရာလုပ်တာတော့မဟုတ်ဘူး”

“ဆရာလုပ်တယ်ဆိုရင်တောင် မမကို ဆရာတင်လိုက်ပါ့မယ်မမရယ်၊ နောင်လည်း မောင်လေးကို မသိတာမတတ်တာရှိရင်ပြောပြပေါ့၊ မောင်လေးနားထောင်မှာပေါ့”

“မောင်လေးက သိပ်ကိုလိမ္မာတာပဲ”

စတီဗင်ထူးတစ်ဖြစ်လဲ ဖိုးချောပြုံးလိုက်သည်။

“ကဲ မိတ်ကပ်က ပြီးပြီ၊ ဇာတ်ညွန်းပဲ ရအောင်ကျက်လိုက်တော့၊ ကိုနိုင်းက မလာသေးပါလား၊ သူ့ကိုရော မိတ်ကပ်လိမ်းပေးရဦးမှာ”

ဖိုးချောလည်း ကိုနိုင်းအား မြင်ဖူးပေမဲ့ အပြင်မှာတော့ မမြင်တွေ့ဖူးသေး။ အပြင်မှာ မြင်ဖူးချင်လှသည်။ ကိုနိုင်းက အသက်(၃၀)ကျော်လို့ (၄၀)နား နီးနေပြီ။ ခုချိန်ထိ အိမ်ထောင်မပြုသေး။ ကိုနိုင်း၏ အရပ်အမောင်းနဲ့ ဘော်ဒီကို ဖိုးချောအားကျသည်။ သရုပ်ဆောင်ချက်တွေနဲ့ အောင်မြင်မှုတွေ ဆက်ထိန်းထားနိုင်မှုကိုလည်း လေးစားသည်။ အကယ်ဒမီဆုလည်း တစ်ဆု ဆွတ်ခူးရရှိခဲ့ပြီးပြီ။ ကိုနိုင်းက ဇာတ်ကားထဲကလို အပြင်မှာ လူကောင်းဟုတ်ရဲ့လား။ စကားပြောဖော်ရွေရဲ့လား။ ဖိုးချော စိတ်ထင့်မိသေးသည်။ 

ထိုစဉ် ကားတစ်စီးက ရိုက်ကွင်းဆီသို့ မောင်းဝင်လာသည်။

“အို ဟိုမှာ ကိုနိုင်းကားပဲ”

မိန်းမလျာက အော်လိုက်သဖြင့် ဖိုးချောလှမ်းကြည့်လိုက်သည်။ ကိုနိုင်းက ဒါရိုက်တာကြီးဆီသွားပြီး နောက်ကျလို့ တောင်းပန်နေဟန်တူသည်။ 

ကိုနိုင်းအား ဖိုးချော အဝေးကနေ မျက်စိတစ်ဆုံးကြည့်လိုက်သည်။ အဖြူရောင်ချည်သားဘောင်းဘီရှည်နဲ့ အဖြူရောင်ဖျော့ဖျော့ အင်္ကျီလက်ရှည်ကိုဝတ်ထားသည်။ မြင့်မားထွားကျိုင်းတောင့်တင်းသော အရပ်အမောင်းနှင့် အ၀တ်အစားများက အလွန်လိုက်ဖက်ကာ အလွန်ကြည့်ကောင်းနေသည်။ ကိုနိုင်းက ဒါရိုက်ကြီးပေးသော ဇာတ်ညွန်းစာရွက်ကိုယူပြီး ဖိုးချောဘေးနားက မိန်းမလျာဆီသို့ မိတ်ကပ်လိမ်းခံရန် လျှောက်လာနေသည်ကို တွေ့လိုက်ရသည်။

ပထမဆုံးအကြိမ် တွေ့ဆုံရခြင်းမို့ ဖိုးချော ရင်ပင်ခုန်မိသေးသည်။ စိတ်တွေပင် လှုပ်ရှားမိသည်။ အဘယ်ကဲ့သို့ အစပျိုးပြီး နှုတ်ဆက်ရမည်ကို ဖိုးချော မစဉ်းစားတတ်သဖြင့် ဇာတ်ညွန်းလေးကိုသာ ခေါင်းငုံ့ပြီး ဖတ်နေမိသည်။ အနားရောက်တော့ ကိုနိုင်းက စ စကားပြောလာသဖြင့် ဖိုးချော ပြုံးပြလိုက်ရသည်။

“အိုး ညီလေးစတီဗင်ထူးက စောစောရာက်နေတာကိုး၊ ညီလေးအကြောင်းတွေ ကြားပါတယ်ကွာ၊ ညီလေးနဲ့အခုလိုတွေ့ရတာ အစ်ကိုဝမ်းသာပါတယ်”

ကိုနိုင်းက လက်ဆွဲနှုတ်ဆက်သဖြင့် ဖိုးချောလည်း ပြန်လည် လက်ဆွဲနှုတ်ဆက်လိုက်ရသည်။ မကြမ်းမရှ မနူးမညံ့နဲ့ ကိုနိုင်းလက်ဖ၀ါး၏ အထိအတွေ့ကို ဖိုးချော တဒင်္ဂစွဲမက်မိသွားသည်။

“ကျွန်တော်ကလည်း ၀မ်းသာပါတယ်အစ်ကိုကြီးနိုင်း၊ အစ်ကိုကြီးနိုင်းနဲ့ အခုလို အတူတူတွဲဖက်ပြီး သရုပ်ဆောင်ရတော့ ဂုဏ်လည်း ယူမိတယ်”

“ပိုနေလိုက်တာကွာ၊ ဟဲ ဟဲ ညီလေးက အစ်ကို့နာမည်ကို သိနေမှတော့ အာညောင်းခံပြီး ပြောပြနေစရာမလိုတော့ဘူးပေါ့ ဟဲဟဲ”

ကိုနိုင်းက ရယ်ကျဲကျဲလေးပြောသော်လည်း ဖိုးချော မရယ်တတ်ဖြစ်နေပြီး မရယ်တတ်ရယ်တတ်နဲ့ ရယ်ပြလိုက်သည်။

“ထိုင်လေ ကိုနိုင်း မိတ်ကပ်လိမ်းရအောင်”

မိန်းမလျာက ပြောသဖြင့် ကိုနိုင်းထိုင်လိုက်သည်။

“ညီလေး ဇာတ်ညွန်းရပြီလား”

ကိုနိုင်းက မိတ်ကပ်လိမ်းခံရင်း မေးလိုက်သည်။

“သြော် သိပ်တော့ မရသေးဘူးဗျ၊ ကျက်နေတုန်း”

“အေး မသိတာရှိရင် အစ်ကို့ကိုမေးနော်၊ ဘာမှအားမနာနဲ့”

“ကျေးဇူးတင်ပါတယ်အစ်ကို”

နောက်တော့ နှုတ်ဆိတ်သွားကြသည်။ ကိုနိုင်းက မိတ်ကပ်လိမ်းခံရင်း ဇာတ်ညွန်းများကို ကျက်နေသည်။ 

ဖိုးချောအဖြစ်ကတော့ အတော်ထူးဆန်းသည်။ ဇာတ်ညွန်းကိုကြည့်နေသော်လည်း စိတ်တွေက ဇာတ်ညွန်းဆီသို့ စိတ်မရောက်။ ဘေးမှ ကိုနိုင်း၏ ခန့်ထည်သော မျက်နှာအား ကြည့်ချင်စိတ်တွေသာ ဖြစ်နေရသည်။ ကိုနိုင်းရိပ်မိသွားမည်စိုးသဖြင့် ဘေးချင်းယှဉ်ထိုင်ရင်းက ကုလားထိုင်လေးကို နောက်သို့ အနည်းငယ်ရွှေ့ပြီး ထိုင်လိုက်သည်။ ကိုနိုင်း၏ မျက်နှာလေးကို မသိမသာလေးငေးလိုက်သည်။

အို.. မချောမွေ့လွန်း မကြမ်းလွန်းသော၊ အသက်အရွယ်ကြောင့် ရင့်ရော်မှုဘက်သို့ အနည်းငယ်ပြေးနေသော ကိုနိုင်း၏ ယောက်ျားဆန်သည့်အသားအရေ။ ဖြူဖွေးနေသော နားရွက်ကလေး။ တိုတိုနှင့် နက်မှောင်သန်စွမ်းနေသော ကိုနိုင်း၏ဆံပင်။ မကျဉ်းမကျယ်သော နဖူး။ တောက်ပနေသော မျက်ဝန်းအိမ်။ နက်မှောင်တုတ်ထူနေသော မျက်ခုံး။ ပြေပြစ်သော နှာတံ။ စိုလက်နေသော နှုတ်ခမ်းလေး။ အို ကိုနိုင်း၏ ရုပ်ရည် ရူပကာအား ဖိုးချော လွန်စွာ စွဲမက်မိသွားသည်။ ကိုနိုင်း၏ အပေါ်နှုတ်ခမ်းလေး၏ အပေါ်မှ မကြီးလွန်း မငယ်လွန်းသော မှည့်နက်လေးက ကိုနိုင်း၏ အလှအား ပျော်လွင်စေသလိုလိုသို့။ ဖိုးချောအတွက်တော့ ထိုမှည့်နက်လေးကသည်ပင် အလွန်ချစ်စရာကောင်းနေခဲ့သည်။

“ညီလေး ဘာပြောစရာရှိလို့လဲ၊ မသိတာမေးချင်လို့လား၊ မေးလေ၊ ဘာမှအားမနာနဲ့လို့ အစ်ကိုပြောထားတယ်လေ”

ကိုနိုင်းစကားကြောင့် ဖိုးချောတစ်ကိုယ်လုံး တုန်ယင်သွားသည်။ တဒင်္ဂဆွံ့အသွားသည်။ ကိုနိုင်းက ဘယ်တုန်းကများ ကြည့်နေသည်ကို ရိပ်မိသွားပါလိမ့်။ သရုပ်ဆောင်ဆိုတော့ အရိပ်အကဲသိတတ်လွန်းတာများလား။ 

“ဗျာ ဗျာ၊ သြော် ဟိုလေ”

“ဘာလဲ မေးလေ”

“သြော် အဲ့ဒါက သည်ဇာတ်ညွန်းပေါ့၊ အသံက ဘယ်လောက်မြှင့်ရမယ်၊ မျက်နှာအမူအယာက ဘယ်လိုထားရမယ်၊ မျက်လုံးအိုက်တင်က ဘယ်လိုအနေအထားရှိရမယ်ဆိုတာ မသိလို့ပါ”

ဖိုးချောလည်း တွေ့ကရာပြောလိုက်ရသည်။ လက်တွေက တုန်နေသည်။ ကိုနိုင်းက ဇာတ်ညွန်းအား ယူကြည့်လိုက်ပြီး မိတ်ကပ်လိမ်းခံရင်းကပင် အမူအယာအိုက်တင်များကို လုပ်ပြလိုက်သည်။ ဖိုးချောသည် ကိုနိုင်း၏ သင်ပြမှုများထဲ စိတ်ရောက်လိုက် ကိုနိုင်း၏အလှအား မသိမသာငေးလိုက်နဲ့ ဖြစ်နေသည်။

“ဘယ်လိုလဲ အဆင်ပြေလား”

“ဒါဆို လုပ်ကြည့်လိုက်”

ဖိုးချောလည်း တံတွေးကို မျိုချလိုက်ပြီး ကိုနိုင်းသင်ပြသည့်အတိုင်း လုပ်ကြည့်လိုက်သည်။ ကိုနိုင်းရှေ့ မို့ထင်သည်။ အသံတွေ တိမ်ဝင်ကာ ခပ်ရှက်ရှက်ဖြစ်နေသည်။

“အေး နည်းနည်းတော့ ဟုတ်လာပြီ၊ အသံကို သည့်ထက်နည်းနည်းမြှင့်ကြည့်လိုက်”

“သြော် ဟုတ်”

ကိုနိုင်းက ဖိုးချော၏ အနေခက်မှုများကို ရိပ်မိသွားသည့်အလား ရှောင်ဖယ်လိုက်သည့်သဘောကဲ့သို့ ကိုယ့်ဇာတ်ညွန်းကိုဖတ်ကာ တစ်ဖက်သို့ လှည့်လိုက်သည်။ ကိုနိုင်းတစ်ဖက်သို့ လှည့်သွားကာမှ ဖိုးချော ဟင်းကနဲ့ သက်ပြင်းချလိုက်သည်။

ငါ သည်လိုဖြစ်လို့ မဖြစ်ဘူး..။ ငါ စိတ်မလှုပ်ရှားအောင်ထိန်းရမယ်၊ ငါ နည်းနည်းလေးမှ ပေါ့ဆသွားလို့မဖြစ်ဘူး၊ ပေါ့ဆသွားရင် ငါ့အရည်အသွေးညံ့မှာ….။ ပြီးတော့ ကိုနိုင်းကလည်း ငါ့ကို အထင်သေးမှာ..။

ဖိုးချော အားတင်းလိုက်သည်။

Xxxxxxxxxxxxxxxxxxxxxxx

နေမင်းထိုက်က အမှောင်ခန်းထဲတွင် အရက်ခွက်ကိုမော့သောက်ချလိုက်ပြီး “ခွပ်” ကနဲ့မြည်အောင် ချပစ်လိုက်သည်။

“တောက် သည်ကောင့်ကို ငါ နည်းနည်းလေးမှ ကြည့်မရဘူး၊ သည်ကောင်က ငါ့ဘ၀ကို ဇောက်ထိုးဖြစ်အောင်လုပ်တဲ့ကောင်ကွ၊ ငါ့အနာဂတ်ကို ဖျက်ဆီးတဲ့ကောင်”

နေမင်းထိုက်က မုန်ယိုနေသောဆင်ကြီးအလား အဆီပျံနေသော မျက်နှာကြီးနဲ့ ဒေါသထွက်နေသည်။ ဘေးမှ သူငယ်ချင်းဖြစ်သူ ဟိန်းထက်ကတော့ နေမင်းထိုက်၏ စကားများအား အားပေးအာမြှောက်လုပ်နေသည့်အလား ငြိမ်သက်စွာ နားထောင်ရင်း အရက်ခွက်ကို ငှဲ့ထည့်ပေးနေသည်။

“အဲ့တော့ မင်း ဘာဆက်လုပ်ချင်လဲ”

“ဘာဆက်ရမလဲမကွ၊ သည်ကောင် ငါ့အနာဂတ်ကို ဖျက်ဆီးနေတာ ငါ သည်အတိုင်းကြည့်မနေနိုင်ဘူး”

“အင်း အင်း”

“ငါ့အနာဂတ်ကို ဖျက်ဆီးတာတင်မက ငါ့ပရိသတ်၊ ငါ့ကောင်မလေးတွေကိုပါ လုယူသွားတာ”

“ဖြစ်ရလေ”

“တစ်နေ့က အဖြစ်ကို ငါ နည်းနည်းလေးမှမကျေနပ်ဘူး”

“ဘယ်လိုအဖြစ်မျိုးလဲ၊ လင်းစမ်းပါဦး”

“ဘယ်လိုအဖြစ်မျိုးရမှာလဲ၊ ငါ့ဆီ လက်မှတ်ထိုးခိုင်းဖို့ ပြေးလာတဲ့ကောင်မလေးတွေရှိနေတုန်း သည်ကောင်ပေါ်လာတော့ ကောင်မလေးတွေက သူ့ဆီပြေးသွားကြတာပေါ့ကွာ”

“ဟုတ်လား”

“ဒါ ငါ့ကို သက်သက်အရှက်ခွဲတာပဲ၊ ငါ့ဘ၀မှာ သည်လောက်အရှက်ကွဲတာမျိုးမရှိခဲ့ဘူး၊ ငါ့ကိုအရှက်ခွဲတဲ့ သည်ကောင့်ကို ငါ နည်းနည်းလေးမှ မကျေနပ်ဘူး”

“အဲ့တော့ မင်း ဘာလုပ်ချင်လဲ”

“ဘာလုပ်ရမှာလဲ၊ သည်ကောင် ဘယ်လောက်ပဲ အောင်မြင်နေပါစေဦးတော့ သည်ကောင့်ဘ၀ ဘယ်လိုမှ နာလန်မထူနိုင်လောက်ကိုလုပ်ပစ်မှာ”

“အိုး မင်း သိပ်သတ္တိရှိပါလား”

“နေမင်းထိုက်ကွ၊ ငါ့ဘ၀မှာ မလုပ်ရဲဘူးဆိုတာ မရှိဘူး၊ သူများက လုပ်တိုင်းလည်း ဘယ်တော့မှ မခံဘူးကွ၊ မင်းသိလားဟိန်းထက်၊ သည်ကောင့်ကို အွန်လိုင်းမှာ ဖာဖြစ်အောင် ငါလုပ်တာလေကွာ၊ ငါလုပ်တာ”

“အိုး ဒါမှ ငါ့သူငယ်ချင်း၊ ငါ့သူငယ်ချင်း သိပ်သတ္တိရှိတယ်၊ ငါချီးကျူးတယ်ကွ”

ဟိန်းထက်၏ ချီးကျူးစကားကြောင့် နေမင်းထိုက်က ဟက်ဟက်ပက်ပက်ရယ်သည်။

“ဒါပေါ့ သတ္တိရှိရမှာပေါ့၊ တခြားလူမှမဟုတ်တာ၊ ငါနေမင်းထိုက်လေကွာ၊ ဟားဟားဟား”

ကျယ်လောင်စွာ ရယ်မောရင်း အရက်များကို ဆက်သောက်နေကြသည်။

“စောင့်ကြည့်နေဦးပေါ့စတီဗင်ထူးရေ၊ မင့်အောင်မြင်မှု ဘယ်လောက်ခံနိုင်မလဲဆိုတာ၊ ငါ့လက်ထဲက ယူသွားတဲ့အရာတွေ တစ်နေ့ ငါပြန်ယူပြမယ်၊ စောင့်ကြည့်”

နေမင်းထိုက် အရက်ခွက်ကို တင်းတင်းကျပ်ကျပ်ဆုပ်ကိုင်ရင်း အံကိုတင်းတင်းကျိတ်ထားလိုက်သည်။ မျက်လုံးအရောင်များကတော့ ကျား၏မျက်လုံးကဲ့သို့ မီးကျီးခဲများအလား စူးရဲတောက်ပနေသည်။

Xxxxxxxxxxxxxxxxxxxxxxxxx

ကုတင်လေးပေါ် ပက်လက်အိပ်ကာ ဖုန်းလေးကို ကလိရင်း ဖိုးချောမျက်နှာ ပြုံးစိစိဖြစ်နေသည်။ ဖိုးသားကတော့ တီဗွီအား စိတ်မပါတပါကြည့်နေသည်။

နေ့တုန်းက ရိုက်ကွင်းမှ အဖြစ်အပျက်များကို ဖိုးချော ပြန်ပြောင်းသတိရနေမိသည်။ ကိုနိုင်း၏ မျက်နှာလေးနှင့် ကိုနိုင်းနဲ့ပတ်သက်ပြီး စိတ်ထဲမသိုးမသန့်ခံစားရသော အဖြစ်အပျက်လေးများကို ပြန်ပြောင်းသတိရမိတော့ ဖိုးချော နေမထိထိုင်မသာဖြစ်ကာ ခေါင်းကို ခါလိုက်မိသည်။

အိုး…။ မဖြစ်သေးပါဘူး…။

ဖိုးချော ဘယ်လိုမှ မနေတတ်တော့သဖြင့် ဆတ်ကနဲ့ထကာ လမ်းလျှောက်လိုက်သည်။ ဘေးမှ ဖိုးသားကိုတော့ သတိမေ့နေသည်။ လမ်းကို ခေါက်တုံ့ခေါက်ပြန်လျှောက်ရင်း စိတ်တွေ ဂဏှာမငြိမ်ဖြစ်နေသည့် ဖိုးချောအဖြစ်ကိုတော့ ဖိုးသားသတိထားမိသည်။ 

တစ်ဖန် ဖိုးချော ကုတင်ပေါ် ပြန်ပြီး ပက်လက်အိပ်လိုက်ပြန်သည်။ ရိုက်ကွင်းတွင် မိတ်ကပ်ဆရာမိန်းမလျာရိုက်ပေးထားသည့် ကိုနိုင်းနဲ့ သရုပ်ဆောင် မြင်ကွင်းများထဲမှ ကိုနိုင်း၏မျက်နှာလေးကို အနီးကပ်ချဲ့ ကြည့်နေမိပြန်သည်။

အိုး…။ မဖြစ်သေးပါဘူးကွာ..။

ဆိုပြီး ဖိုးချော လမ်းထလျှောက်လိုက်ပြန်သည်။ ဤသည်ကို မနေနိုင်တော့သည့် ဖိုးသားက မေးလိုက်သည်။

“မင်း ဘာဖြစ်နေတာလဲ၊ ဘာဂဏှာမငြိမ်စရာအဖြစ်တွေ ဖြစ်လာခဲ့လို့လဲ”

“ဂဏှာမငြိမ်စရာ…”

ဖိုးချော သံယောင်လိုက်မိသည်။

“အင်း ဘာဖြစ်လို့ ငါမျက်စိနောက်အောင် လမ်းကိုပဲ ထပ်တလဲလဲလျှောက်နေတာလဲကွ”

“ဟုတ်တယ်၊ ငါ ဂဏှာမငြိမ်စရာအဖြစ်ကို ကြုံတွေ့ခဲ့ရတာကွ”

“ဘာများလဲ ငါ့ကိုပြောပြပါလား”

“အို ဘာလို့ မင့်ကိုပြောပြရမှာလဲ၊ မင်းကို တစ်သက်လုံးမပြောဘူးသိလား”

“အာ ငါ့မှ မပြောရင် ဘယ်သူ့ကိုပြောမှာလဲကွ၊ ငါ့ကို အဲ့လောက်တောင်မယုံဘူးလား”

“မဟုတ်ပါဘူးကွာ၊ ပြောလိုက်ရင် ငါ့အကြောင်း မင်းသိသွားမှာပေါ့ကွ၊ မင်းသိထားလို့မဖြစ်တဲ့ကိစ္စ”

“မင်းနော် မရိုးမသားနဲ့ ဘာများလဲ ပြောစမ်းပါ”

“မပြောပါဘူးဆိုမှ၊ စိတ်ရှုပ်တယ် အိပ်တာပဲကောင်းတယ်”

ဖိုးချောက ကုတင်ပေါ်ဗိုင်းကနဲ့ လှဲချလိုက်ကာ စောင်ခြုံကွေးလိုက်သည်။

“ဟင်း၊ မပြောချင်လည်း နေပေါ့၊ သည်ညတော့ နွားနို့ဖျော်မပေးတော့ဘူး”

“မပေးချင်လည်းနေလေ၊ တစ်ညတည်းမသောက်ရတာ ဘာဖြစ်လဲ၊ သေသွားတာမှတ်လို့”

“အေး အဲ့လိုနဲ့ တစ်သက်လုံး မသောက်ဖြစ်တဲ့အကျင့် ဖြစ်သွားမှာ မြင်ယောင်သေး”

“ဖြစ်ဖြစ်ကွာ”

“ဒါ့ဆို မင့်ဘော်ဒီမလှတော့ဘူး၊ ကြွက်သားတွေလည်း ရှိတော့မှာ မဟုတ်ဘူး၊ ဘယ်သူကမှ အားမကျတော့ဘူး”

“မင်း..”

ဖိုးချောက စောင်ကို ဆတ်ကနဲ့ ဖယ်ခါလိုက်ပြီး ထကာ နွားနို့သွားဖျော်လိုက်သည်။ ကြွက်သားတွေ လျော့ရဲ့လာမဲ့အဖြစ်ကိုတော့ ဖိုးချော အဖြစ်မခံနိုင်ပါ။

“ဟား ဟား ”

ဖိုးသားရယ်လိုက်သည်။

ခဏကြာတော့ ဖိုးချောက နွားနို့သောက်ရင်း ပြောလိုက်သည်။

“ဒါနဲ့ သူဌေးက လူသစ်ခန့်လိုက်ပြီလား”

“အင်း လူသစ်ကို ငါပဲရှာပေးလိုက်တယ်၊ ဂေဟာက ကလေးနှစ်ယောက်ပေါ့”

“ဟုတ်လား၊ ဘယ်သူတွေလဲ၊ ဖိုးဝတုတ်လေးရောပါလား”

“မဟုတ်ပါဘူး၊ ပေစိနဲ့ ဂျော်ဒက်ပါ၊ ဖိုးဝတုတ်က ငယ်သေးတယ်လေ”

“သြော်၊ ကောင်းပါတယ်”

“ငါကတော့ ဖြစ်နိုင်မယ်ဆိုရင် ဖိုးဝတုတ်လေးကို ပင်ပင်ပန်းပန်းအလုပ်တွေ မလုပ်စေချင်ဘူး”

“အဲ့သည်တော့”

“အင်း ငါ ဖိုးဝတုတ်လေးကို မွေးစားချင်တာ”

“မင်းက မာသာထရီဇာ လက်သစ်ပါလား”

“တကယ်ပြောတာဖိုးချော၊ ဖြစ်နိုင်မယ်ဆိုရင် ငါတို့မွေးစားရအောင်လေ၊ ငါတို့သုံးယောက် အတူတူနေသွားကြရအောင်လေ၊ ဖိုးဝတုတ်လေးကို ပညာသင်ပေးမယ်၊ အ၀တ်အစားလှလှလေးတွေ ဆင်ပေးမယ်”

“ရူးပါ့ကွာ၊ လုပ်ချင်ရင် မင်းတစ်ယောက်တည်းပဲလုပ်၊ ငါကတော့ အဖေမလုပ်ချင်သေးဘူး၊ ဟင်း အဖေတစ်ယောက်ဖြစ်ဖို့ အဝေးကြီးလိုပါသေးတယ်ကွာ”

“ဟင်း”

ဖိုးချောစကားကြောင့် ဖိုးသားသက်ပြင်းချလိုက်မိသည်။

Xxxxxxxxxxxxxxxxxxxxxxxx

အဖြူရောင်ဗင်ကားဖြူလေးက တံခါးလေးပွင့်လာပြီး အဖြူရောင် ကင်းဘတ်ဖိနပ်နဲ့ အဖြူရောင်ဘောင်းဘီရှည်ဝတ်ထားသော ခြေတံနှစ်ချောင်းကို တွေ့လိုက်ရသည်။ တဖြည်းဖြည်းချင်း ကြည့်လိုက်တော့ အင်္ကျီသည်လည်း အဖြူရောင်ဖြစ်ပြီး ထိုသူ၏ မျက်နှာလေးကို မြင်လိုက်ရသည်။ ထိုသူသည် ကိုနိုင်း။ ကိုနိုင်းက တစ်ဖက်မှ တံခါးပေါက်အား သွားဖွင့်လိုက်သည်။ တံခါးပွင့်ပွင့်ချင်း မြင်လိုက်ရသည်က အဖြူရောင်ဝတ်စုံလေးနဲ့ သစ်လွင်တောက်ပနေကာ ခေါင်းလေးကို ငုံ့ထားသော ဖိုးချော။ ဖိုးချောက ခေါင်းလေးကို တဖြည်းဖြည်းချင်း မော့လာပြီး ပြုံးလိုက်သည်။ ကိုနိုင်းက ပြုံးပြပြီး လက်ပေးလိုက်သည်။ လာခဲ့ပါဆိုသည့်သဘော။ ဖိုးချောကလည်း ကိုနိုင်းလက်လေးကိုဆွဲပြီး ကားအတွင်းမှ ထွက်လိုက်သည်။

ကိုနိုင်းက ဖိုးချောလက်လေးကိုဆွဲပြီး ပြေးသည်။ ဖိုးချောလည်း ကိုနိုင်းပြေးရာနောက်သို့ လက်လေးကိုဆွဲကိုင်ရင်း ပြေးလိုက်လာသည်။ 

ပတ်ဝန်းကျင်တွင် မြက်ပင်ရိုင်းများ တောထနေသည်။ လေပြည်ညင်းကြောင့် မြက်ပင်ရိုင်းများ ဟိုသည် ယိမ်းနွဲ့ကာ ကနေကြသည်။ ကျေးငှက်ကလေးများ တီတီတျာတျာ သီချင်းဆိုနေကြသည်။ လိပ်ပြာလေးများ ထပျံကာ ကနေကြသည်။

ကိုနိုင်းက ဖိုးချောအား မျက်နှာချင်းဆိုင်စေလိုက်ပြီး လက်နှစ်ဖက်အား တစ်ဖက်စီ ဆုပ်ကိုင်ထားလိုက်ပြီး ဖိုးချောအား မေတ္တာ၊ အချစ်၊ ဂရုဏာပြည့်ရွှန်းသော မျက်ဝန်းများးနဲ့ ရွှန်းရွှန်းစားစားကြည့်လိုက်သည်။ ကိုနိုင်းကြည့်တော့ ဖိုးချောကလည်း ပြန်လည် ပြုံးပြလိုက်သည်။

ပြီး ကိုနိုင်း၏ နှုတ်ခမ်းလေးသည် ရှေ့ သို့ တဖြည်းဖြည်းတိုးလာပြီး နေရောင်ကြောင့် စိုလက်ကာ တောက်ပနေသော ဖိုးချော၏ နှုတ်ခမ်းလေးအား စုပ်ကာ နမ်းရှိုက်လိုက်သည်။ ဖိုးချောကလည်း ကိုနိုင်း၏ အနမ်းများကို ကြည်ကြည်ဖြူဖြူလက်ခံလိုက်သည်။

ပြီး ကိုနိုင်း၏ ကိုယ်သည် ရှေ့ သို့ တိုးကပ်လာကာ ဖိုးချော၏ ရင်ဘတ်ပိုင်းနဲ့ ပူးကပ်လိုက်သည်။ ပြီး ကိုနိုင်း၏ လက်တစ်ဖက်သည် ဖိုးချော၏ ဆံပင်များကို ဖွနေပြီး နောက်တစ်ဖက်လက်သည် ဖိုးချော၏ တင်ပါးအား ဆုပ်ကိုင်လေတော့သည်။

“ညီလေး”

“ဟင် အစ်ကို”

“ချစ်တယ်”

“ညီကလည်း အစ်ကို့ကိုချစ်တယ်”

“ညီ့ကို အရမ်းချစ်တယ်”

“ညီကလည်း အရမ်းချစ်တယ်”

ပြီး ကိုနိုင်းက ဖိုးချော၏ ကိုယ်လေးအား မိခင်က သားငယ်အား ပွေ့ဖက်သလို ပေါ့ပါးစွာ ထွေးပွေ့လိုက်သည်။

“အို အစ်ကို ဘာလုပ်တာလဲ၊ လွတ်ကျတော့မှာပဲ၊ လွှတ်နော်”

“မလွှတ်ဘူး၊ မလွှတ်ဘူး”

“လွတ်ကျသွားလို့ကတော့ အရှင်မထားဘူး”

ဖိုးချောပြောကာမှ ကိုနိုင်း လွှတ်ချလိုက်တော့မယောင် ရွယ်လိုက်သဖြင့် …

“အား…”

လို့ ဖိုးချော အော်လိုက်သည်။

“အစ်ကိုကလည်း လွှတ်ပါဆို”

“အစ်ကို့ညီလေးကို အစ်ကိုက ဟောသည်လိုလေး တစ်သက်လုံးပွေ့ဖက်ထားချင်တာ”

“ပိုနေ”

ကိုနိုင်းက ဖိုးချောကိုယ်လေးအား ထွေးပွေ့ရင်း ပတ်ချလှည့်လိုက်သည်။

“အိုး…..”

ဖိုးချော အစက ကြောက်သလိုလိုဖြစ်ပြီး နောက်တော့ ပြုံးရယ်လိုက်သည်။ ကိုနိုင်း၏ လည်တိုင်လေးအား အမိအရ ပွေ့ဖက်ထားလိုက်သည်။

“အား မူးလာပြီ၊ ချတော့နော်”

ကိုနိုင်းလည်း မူးလာသဖြင့် ထိုင်ချလိုက်သည်။ ထိုင်ချလိုက်တော့လည်း ထွေးပွေ့ထားသည့် ဖိုးချော၏ ကိုယ်လေးက ကိုနိုင်းလက်ထဲက မလွတ်သေးပဲ ကိုနိုင်းရင်ခွင်ထဲမှာသာ ရောက်ရှိနေသည်။ နှစ်ယောက်သား မျက်ဝန်းချင်း ဆုံလိုက်ကြသည်။ 

ပြီး ကိုနိုင်းက ဖိုးချော၏ ကိုယ်ပေါ်သို့ ပိုင်စိုးပိုင်နင်း မှောက်လိုက်ပြီး ဖိုးချော၏ နှုတ်ခမ်း၊ လည်တိုင်၊ ရင်အုံများကို ကြမ်းတမ်းစွာ နမ်းလိုက်သည်။

“အား…….၊ အစ်ကို့!”

“ချစ်တယ်ညီရယ်”

“အင်း အင်း အား အား…”

ချက်အောက်ပိုင်းဆီမှ ပူနွေးသော လက်တစ်စုံနဲ့ စိုစွတ်သော အထိအတွေ့တွေကြောင့် ဖိုးချော လန့်နိုးသွားသည်။ လန့်နိုးနိုးချင်း မြင်လိုက်ရသည့်မြင်ကွင်းကြောင့် ဖိုးချော ပါးစပ်အဟောင်းသားဖြစ်သွားရသည်။ မြင်ကွင်းကား ဖိုးချော၏ပေါင်တွင်းကြောအား ဖိုးသားက ကိုင်နေခြင်းပင်။

“မင်း မင်း ဒါ ဒါ ဘာလုပ်နေတာလဲ”

ဖိုးချော၏ အမေးကို ဖိုးသား ကြောင်တောင်တောင်နဲ့ မဖြေတတ်ဖြစ်နေရသည်။

“မင်း ဒါဘာလုပ်တာလဲလို့၊ မင်း ငါ့ကို ဘာလို့လုပ်တာလဲလို့”

ဖိုးချောက ရှက်ရွှံသလိုလို ဒေါသသံနဲ့ မေးလိုက်သည်။ ဖိုးသား မျက်နှာငယ်လေးနဲ့ ခေါင်းလေးကိုသာ ငုံ့နေလိုက်သည်။

“ပြောလေဖိုးသား၊ မင်း ဘာကြောင့် ငါ့ကို သည်လိုလုပ်ရတာလဲ၊ သည်လိုလုပ်ရပ်က ဘယ်လိုမှမဖြစ်သင့်ဘူးဆိုတာ မင်းသိရဲ့လား”

ဖိုးသား ခေါင်းကို ဆတ်ကနဲ့ မော့ချလိုက်သည်။

“မင်းစတာလေ”

“ဘာ! ”

မထင်မှတ်သည့် ဖိုးသားစကားကြောင့် ဖိုးချော အလွန်အမင်း အံ့သြသွားရသည်။

“မင်းပဲ ငါ့ကို မဖွယ်မရာ လာလုပ်တာလေ”

“ဘယ်လို၊ မင်း မင်း ငါ့ကို မဟုတ်တရားမစွပ်စွဲနဲ့၊ မင်းက အ အ….”

“ငါ မင်းကိုချစ်တယ်”

ဖိုးသားနှုတ်က မထင်မှတ်သော စကားသံ ထွက်ကျလာပြန်သည်။

“ဘာ! ၊ ငါ့ ငါ့ကို ချစ် ချစ်တယ် ဟုတ် ဟုတ်လား”

“ဟုတ်တယ်ဖိုးချော၊ ငါ မင်းကို ချစ်နေခဲ့တာကြာပြီ၊ ငါ မင်းကို ငယ်ငယ်လေးတုန်းကတည်းက ချစ်နေခဲ့တာ၊ ငါ မင်းကို ဆုံးရှုံးရမှာကြောက်လို့ ငါ့ အချစ်ကိုဖုံးကွယ်ထားခဲ့တာ၊ အခုတော့ ငါ မနေနိုင်တော့ဘူးဖိုးချော၊ ငါ မင်းကို အရမ်းချစ်တယ်”

“ဘယ် ဘယ်လို၊ မင်း မင်းက ယောက်ျားတစ်ယောက်လေ၊ ငါကလည်း ယောက်ျားတစ်ယောက်လေ၊ ယောက်ျားတစ်ယောက်က ယောက်ျားတစ်ယောက်ကို ချစ်လို့မရဘူးလေ”

“မသိဘူး၊ ငါ ဘာမှမသိတော့ဘူး၊ ငါ့စိတ်ကို ငါ ဘယ်လိုမှနားမလည်နိုင်တော့ဘူး၊ ငါ့စိတ်က ဘယ်လိုစိတ်အဖြစ်မွေးဖွားလာတယ်ဆိုတာ ငါကိုယ်တိုင်လည်း မသိတော့ဘူး၊ ငါသိတာက ငါ ယောက်ျားတစ်ယောက်ဖြစ်ပါလျှက်နဲ့ မိန်းကလေးတွေကို စိတ်ဝင်စားလို့မရပဲ ယောက်ျားတွေကို စိတ်ဝင်စားနေခဲ့မိတာလေ၊ ငါ ငါ ဘာကြောင့် အဲ့လိုဖြစ်နေရတယ်ဆိုတာ ငါ ဘယ်လိုမှ နားမလည်နိုင်ဘူးဖိုးချော”

“ဒါ ဒါ မင်း မင်းလည်း အခြောက်ပေါ့၊ သည်လိုမဖြစ်သင့်ဘူး၊ သည်လိုမဖြစ်သင့်ဘူးကွာ”

“မဟုတ်ဘူး၊ ငါ အခြောက်မဟုတ်ဘူး၊ ငါ ယောက်ျားစစ်စစ်၊ ငါ မိန်းမမဖြစ်ချင်ဘူးဆိုတာ ငါကောင်းကောင်းသိတယ်၊ မင်း ငါ့ကို မဟုတ်မဟက်နဲ့ အခြောက်လို့ မစွပ်စွဲနဲ့ဖိုးချော”

“အဲ့ အဲ့တော့”

“ဘာပဲပြောပြော ငါယောက်ျားတွေကို စိတ်ဝင်စားတယ်ဆိုပေမဲ့ ငါ အခြောက်မဟုတ်ဘူး၊ ငါ့ကို စိတ်မနံှ့တဲ့လူလို့ စွပ်စွဲချင်စွပ်စွဲပါစေ၊ အခြောက်လို့ပြောတာကိုတော့ ငါ လုံးဝ လက်မခံဘူး”

“ဟက် ဟက် ဟက် ဟား ဟား ဟား..”

ဖိုးသား၏စကားကြောင့် ဖိုးချော ဟက်ဟက်ပက်ပက်ရယ်မောလိုက်သည်။

“မင်း ဘာရယ်တာလဲဖိုးချော”

“ယောက်ျားတွေကို စိတ်ဝင်စားတာနဲ့ မိန်းမဖြစ်ချင်စိတ် ရှိသွားရော့လား”

“အဲ့ အဲ့ဒါက ဘာသဘောလဲဟင်”

“ထားပါတော့ကွာ၊ မင်း ခုနက ငါ့ကိုပြောခဲ့တဲ့စကားကို မပြောခဲ့ဘူးလို့ပဲ သဘောထားလိုက်တော့မယ်”

ဖိုးချောက ထိုသို့ပြောပြီး မျက်နှာသစ်ရန် ထလိုက်တော့ ဖိုးသားက ဖိုးချောလက်မောင်းအား ဆွဲထားလိုက်သည်။

“ဖိုး ဖိုးချော ငါ့ ငါ့ကို မထားခဲ့ပါနဲ့ကွာ၊ ငါ့ကို စိတ်မမှန်တဲ့လူလို့ ဆိုချင်ဆိုပါစေကွာ၊ မင်းကိုချစ်တဲ့စိတ်ကတော့ တားလို့မရဘူး၊ တကယ့်အစစ်အမှန်ပါ၊ ငါ မင်းကို ထာဝရအချစ်မျိုးနဲ့ ချစ်တာပါကွာ”

“တော်တော့ကွာ”

“ငါ သိပ်ကြောက်နေခဲ့မိတယ်၊ တစ်နေ့ ငါ့စိတ်ကို မင်းသိသွားခဲ့ရင် ငါ့ကိုရွံသွားမှာ ငါကြောက်တယ်၊ ငါ့ကို စိတ်မမှန်တဲ့လူလို့ သဘောထားပြီး ပစ်သွားမှာကိုလည်း ငါ သိပ်ကြောက်နေခဲ့မိတယ်ဖိုးချောရယ်”

ဖိုးသားက မျက်ရည်စမ်းစမ်းနဲ့ သနားစဖွယ်ပြောသည်။

“အဲ့လိုအဖြစ်မျိုး ရှိမှာမဟုတ်လို့ စိတ်မပူပါနဲ့”

“တ တကယ်ပြောတာလားဟင်၊ ငါ့လို စိတ်မမှန်တဲ့လူကို မထားခဲ့ဘူးပေါ့ ဟုတ်လားဟင်၊ ငါ့ကိုမရွံဘူးပေါ့ ဟုတ်လား”

“မင်းကို စိတ်မမှန်တဲ့လူလို့ ဘယ်သူပြောလဲ”

“ဒါ ဒါကတော့၊ ငါက စိတ်မမှန်တဲ့လူ မဟုတ်ဘူးလားဟင်”

“မဟုတ်ပါဘူး၊ မင်းစိတ်က အကောင်းကြီးပါ၊ မင်း ဘာမှမသိတတ်သေးတာ၊ ဒါ့ကြောင့် စာများများဖတ်လို့ ငါပြောတာပေါ့”

“ဘယ်လိုကြီးလဲ၊ ငါ စိတ်မမှန်တာ မဟုတ်ရင် မင်းက စိတ်မမှန်တာများလား”

“ဘာ”

ဖိုးချောက အော်လိုက်သဖြင့် ဖိုးသားခေါင်းလေး ကုပ်သွားသည်။

“ထားပါတော့၊ မင်း စိတ်မမှန်တဲ့လူလို့ပဲ သဘောထားလိုက်ပါတော့ကွာ၊ ဒါ့ကြောင့် မင်း ခုနကပြောခဲ့တဲ့စကားကို ပြန်ရုပ်သိမ်းလိုက်ပါ”

“ငါနဲ့ ထာဝရအတူတူနေမယ်ဆိုရင်တော့ ပြန်ရုပ်သိမ်းပေးပါ့မယ်”

ထိုစဉ် ကိုနိုင်း၏ မျက်နှာလေးကို ပြေးမြင်ယောင်မိလိုက်သဖြင့် ဖိုးချော ဘာမှပြန်မပြောတတ်ဖြစ်သွားရသည်။ 

“မင်းကို အဲ့လိုလူမျိုး တကယ်မဖြစ်စေချင်ဘူး”

ဖိုးချောက ရေချိုးခန်းထဲ ၀င်သွားသည်။ ဖိုးသားကြောင်အမ်းလျှက် ကျန်ခဲ့လေသည်။

Xxxxxxxxxxxxxxxxxxxxx

ခါတိုင်း ဆိုင်တွင် လူပြတ်ချိန်မှာ ဖိုးသား ဂိမ်းဆော့နေကျဖြစ်သော်လည်း သည်တစ်ကြိမ်တွင်တော့  ဂိမ်းအား ဘယ်လိုမှ စိတ်မပါနိုင်ဖြစ်နေရသည်။ မနက်စောစောက ဖိုးချောက ဖိုးသားအပေါ်သို့ ပြုမူခဲ့မြင်ကွင်းများက မျက်ဝန်းထဲ မျက်ဝါးထင်ထင်ပေါ်လွင်လာသည်။

ဖိုးချောကိုကျောပေးပြီး ဖိုးသားအိပ်နေသည်။ ဖိုးချော၏ ခြေထောက်က ဖိုးသား၏ကိုယ်ပေါ်သို့ လာတင်သဖြင့် ဖိုးသားမျက်လုံးလေး ပွင့်သွားသည်။ ပြီး ဖိုးချော၏ကိုယ်သည် ဖိုးသားနဲ့ တဖြည်းဖြည်းတိုးကပ်လာသည်ဟု ခံစားရသည်။ ဖိုးသား ဘာရယ်မသိ ငြိမ်သက်နေမိကာ တံတွေးကို မျိုချလိုက်ရသည်။

တစ်ဆက်တည်းမှာပင် ဖိုးချော၏ လက်တွေက ဖိုးသား၏ကိုယ်ပေါ်သို့ ရောက်လာပြန်ကာ ဖိုးသားအား ပွေ့ဖက်လိုက်သည်။ ဖိုးသားပိုပိုပြီး အံ့သြကာ မျက်လုံးပြူးသွားရသည်။ တံတွေးကို အထပ်ထပ်မျိုချနေမိပြန်သည်။

ထိုစဉ်မှာပင် ဖိုးချော၏ကိုယ်သည် ဖိုးသား၏ကိုယ်နှင့် လုံးဝပူးကပ်သွားသည်။ ဖိုးသား၏တင်ပါးလေးနှင့် ဖိုးချော၏ ပေါင်တွင်းကြောတို့ ထိကပ်လာသည်။ ဖိုးသား အသက်ပင်မရှုရဲတော့ပဲ မျက်စိကို စုံမှိတ်ထားလိုက်သည်။ ထိုစဉ် ဖိုးချော၏ ပေါင်တွင်းကြောဆီမှ မာတောင့်တောင့်အရာကြီးက ဖိုးသား၏တင်ပါးအား ထိုးလိုက်သလို ဖြစ်သွားသောကြောင့် ဖိုးသားအလန့်တကြား မျက်လုံးဖွင့်လိုက်မိသည်။

ဖိုးသားလည်း ရှက်သလိုဖြစ်တာကြောင့် ရုန်းဖယ်လိုက်သော်လည်း ဖိုးချော၏လက်များက တင်းကျပ်စွာ ဖက်တွယ်ထားသဖြင့် ရုန်းဖယ်မရဖြစ်နေသည်။ ဖိုးချောဘက်သို့ ရှက်ရှက်နှင့်လှည့်ကြည့်လိုက်တော့ ဖိုးချောက မျက်လုံးစုံမှိတ်ရင်း အိပ်ပျော်နေသည်။ ဖိုးချော အိပ်မက်ထဲတွင် လိင်စိတ်ထကြွသောင်းကျန်းနေတာပဲဖြစ်ရမည်။ 

ဖိုးသားကိုယ်တိုင်ကလည်း ဖိုးချောဆီမှ သည်လိုအထိအတွေ့များကို အလိုရှိနေခဲ့သဖြင့် အခွင့်အရေးကို လက်လွှတ်မခံသည့်အဓိပါယ်နဲ့ အရဲစွန့်ကာ ဖိုးချော၏ ပေါင်တွင်းကြောဆီ တဖြည်းဖြည်းချင်း လက်နှိုက်လိုက်သည်။ ကလုကနဲ့ တံတွေးမျိုးချလိုက်စဉ် မာကျောတောင့်တင်းသော ဖိုးချော၏အင်္ဂါကြီးအား ထိကိုင်မိလိုက်သည်နှင့်တစ်ပြိုင်နက် ဖိုးသားလက်ဝါးပြင်တွင် စိုစွတ်သော အထိအတွေ့ကို ခံစားလိုက်ရသည်။

ဖိုးသားဆတ်ကနဲ့ ထရပ်လိုက်သည်။ နေမထိထိုင်မသာဖြစ်ကာ ခေါင်းကိုခါရမ်းရင်း လမ်းကို ခေါက်တုံ့ခေါက်ပြန် လျှောက်နေမိသည်။

ရှက်လိုက်တာ….။ ဖိုးချောက ငါ့ကို အထင်သေးသွားတော့မှာပဲ..။ သူစတဲ့ကိစ္စ သူကိုယ်တိုင်မမှတ်မိတော့ပဲ ငါက စတယ်လို့ ထင်သွားပုံရတယ်…၊ ရှက်တာကွာ…။

ဖိုးသား ခေါင်းကို အထပ်ထပ်အခါခါထုလိုက်မိသည်။

ဒါနဲ့ နေပါဦး.. ဖိုးချောက ဘာတွေ ပြောခဲ့တာပါလိမ့်….။

ငါ စိတ်မမှန်သူမဟုတ်ဘူးတဲ့။ ငါ့စိတ်က အကောင်းကြီးပါတဲ့။ ငါက အခြောက်မဟုတ်ဘူးလို့ပြောတော့ ယောက်ျားချင်းစိတ်ဝင်စားတာနဲ့ မိန်းမဖြစ်ချင်စိတ်ရှိသွားရော့လားတဲ့..။ အဲ့ဒါ ဘာအဓိပါယ်လဲ..။

ဖိုးသားက စဉ်းစားရင်း ပိုပိုပြီး ခေါင်းရှုပ်လာသဖြင့် ခေါင်းကိုသာ ခါရမ်းနေမိသည်။

“လောကမှ ငါမသိသေးတဲ့ အကြောင်းအရာတွေများ ရှိနေသေးသလား၊ ဒါတွေကို ဖိုးချောက သိနေသလား၊ တစ်ခုခုတော့ရှိရမယ်၊ ဖိုးချောက ငယ်ငယ်က စာဖတ်များတော့ အတွေ့အကြုံရှိမှာပေါ့၊ ငါသာစာဖတ်အားနည်းလို့ ဘာမှမသိခဲ့တာ၊ ငါ စာများများဖတ်ရမယ်”

ဖိုးသား နေရာမှဆတ်ကနဲ့ ထရပ်လိုက်ပြီး သူဌေးအခန်းထဲမှ သတင်းစာအုပ်ပုံကြီးကို နှောက်ပြီး အထပ်လိုက်သယ်ယူလာခဲ့သည်။ တစ်ရွက်ပြီးတစ်ရွက်လှန်ကြည့်သည်။ ဖိုးချောပြောခဲ့သည့်ကိစ္စ အနည်းအကျဉ်းမျှ ပါလာလေမလားဆိုပြီး ရှာကြည့်သည်။ မတွေ့။ မတွေ့တော့ စာဖတ်ရမှာ ပျင်းလာသည်။

“အစ်ကိုကြီးဖိုးသား လက်ဖက်ရည်ချိုဆိမ့်တစ်ပွဲတဲ့”

ပေစိက လှမ်းအော်လိုက်သဖြင့် ဖိုးသားလည်း သတင်းစာကို ချထားလိုက်ပြီး ဖျော်လိုက်သည်။

Xxxxxxxxxxxxxxxxxxxxxx

ဖိုးချော အိပ်ယာမှနိုးတော့ ဖိုးသားကြမ်းတိုက်နေတာ တွေ့ရသည်။ ခါတိုင်း ဖိုးသားက သည်အချိန်ဆို ဆိုင်ရောက်နေပြီ။ ဖိုးချောကတော့ ရှုတင်ကိစ္စတွေ ရှိလာကတည်းက နေမြင့်မြင့်အထိ အိပ်ရေး၀၀အိပ်ရသည်။

“ဟာ ဖိုးသား မင်းသည်နေ့အလုပ်မသွားဘူးလား”

“မသွားဘူး၊ သည်နေ့ ဥပုသ်နေ့မို့ သူဌေးက ဆိုင်ပိတ်မယ်ပြောတယ်၊ မင်းကော ရှုတင်ရှိသေးလား”

“မရှိပါဘူး၊ သြော် ရှိ ရှိတာပေါ့”

“အတော်ပဲ၊ ငါလည်း လိုက်ခဲ့မယ်လေ၊ ရမလား”

“အာ မင်း မင်းလိုက်လို့မဖြစ်ဘူး၊ အိမ်မှာပဲနေခဲ့”

“ဘာလို့လဲ၊ အရင်လည်း ငါ ဆိုင်ပိတ်ရင် လိုက်နေကျဟာကို”

“အခုတော့ လိုက်လို့ မဖြစ်လို့ပါကွာ”

ဖိုးချောက ရေချိုးခန်းထဲ ပြေးဝင်သွားသည်။ ဖိုးသားလည်း ငြင်းပယ်ခံရသဖြင့် စိတ်မကောင်းဖြစ်သွားသည်။ ကြမ်းကိုသာ ဆက်တိုက်နေလိုက်သည်။ 

ဖိုးသားကြမ်းတိုက်နေစဉ် ဖိုးချောက ရေချိုးအပြီး ကျော့မော့စွာပြင်ဆင်ပြီးရင်း ထွက်လာသည်။ ဖိုးချော ခါတိုင်း ရှုတင်သွားလျှင် သည်လို ကျော့ကျော့မော့မော့ဝတ်စားပြီး မသွားတတ်။ သည်နေ့တော့ ထူးဆန်းသည်။

“မင်း ရှုတင်သွားမလို့ကော ဟုတ်ရဲ့လား၊ မင်း ရည်းစားများရနေပြီလား”

ဖိုးသား စိုးရိမ်တကြီး မေးလိုက်သည်။

“အာ မင်း မဟုတ်မဟက်၊ ဘယ်ကရည်းစားရှိရမှာလဲ၊ ရှုတင်သွားမလို့ပါကွ”

“အ၀တ်အစားက ရှုတင်က ပေးတာဆို”

“ဘာဖြစ်လဲ၊ တစ်ခါတစ်လေတော့ ငါလည်း တောက်တောက်ပြောင်ပြောင်ဝတ်ချင်တာပေါ့ကွာ”

ဖိုးချောက လက်မှနာရီကိုကြည့်လိုက်သည်။ မျက်နှာလေးက ပြုံးသွားသည်။ မှန်ရှေ့ ရပ်ကာ ကေလေးကိုသလိုက်သည်။ ထိုစဉ် ဖုန်းသံမြည်လာသဖြင့် ဖုန်းလေးကိုကောက်ပြီး ဖိုးသားအား နှုတ်ဆက်ရင်း အပြေးကလေး ထွက်သွားသည်။

“သွားပြီမိန်းမရေ”

သည်တစ်ခါတော့ ဖိုးသား စိတ်မဆိုးနိုင်တော့ပဲ ရင်ထဲမှာ ပူလောင်လာခဲ့သည်။ ဖိုးချောများ ရည်းစားရသွားခဲ့ရင်ဆိုပြီး ရင်ထဲက အလိုလိုဆို့နင့်လာသည်။

တစ်ဆက်တည်းမှာပဲ အိမ်ရှေ့ ဆီမှ ကားသံတိုးတိုးကြားလိုက်ရသဖြင့် ဖိုးသား မသိမသာလေး လှမ်းကြည့်လိုက်သည်။ ဗင်ကားဖြူလေးပေါ် ဖိုးချောပြုံးရွှင်စွာနဲ့ တက်သွားတာတွေ့လိုက်ရသည်။ ကားအခန်းထဲတွင် အမျိုးသားတစ်ယောက်ကလည်း ဖိုးချောအား ရွှန်းရွှန်းစားစား ပြုံးပြနေသည်ကို တွေ့လိုက်ရသည်။ 

ထိုမြင်ကွင်းကြောင့် ထိုအမျိုးသားကြီးအပေါ် ဖိုးသား ဘာရယ်မသိ မနာလိုဝန်တိုစိတ်တွေ ဖြစ်လာသလိုလို။ ရင်ထဲမှာလည်း ပူလောင်လာသလိုလို ၀မ်းနည်းသလိုလိုကြီး ခံစားလိုက်ရသည်။

သူက ဘယ်သူပါလိမ့်…။ သူက ဘာကြောင့် ဖိုးချောကို လာကြိုတာပါလိမ့်။ ခါတိုင်း ဥပုသ်နေ့ဆိုလျှင် ရှုတင်နားနေကျလို့ ဖိုးချောပြောဖူးသေးသည်။ ခုတော့ ဘယ်များသွားတာပါလိမ့်။ 

ဖိုးသား ကုတင်ပေါ် နွမ်းရိစွာ ထိုင်ချလိုက်သည်။ အထီးကျန်သလို ခံစားချက်ကို ခံစားလိုက်ရသည်။ ဖိုးချောက ပစ်ပယ်ထားသလိုလို ခံစားရမိသောကြောင့် မျက်ရည်များက ကျလာချင်သည်။ ခေါင်းအုံးပေါ်သို့ ပစ်လှဲလိုက်သည်။ ထိုနေရာသည် ဖိုးချောအိပ်သည့်နေရာ။ ဖိုးသားအိပ်သည့် ဟိုဘေးဘက် ဖိုးချော၏ အိပ်ခင်း။ ကျောအောက်က မာမာအရာတစ်ခု ခံနေသလိုလိုဖြစ်တာကြောင့် ဖိုးချော ထကာစမ်းလိုက်သည်။ ထိုအရာကြီးက လေးထောင့်ဆန်နေသည်။ ဘာများလဲဆိုပြီး ဖိုးချောမွေ့ယာကြီးအား လှန်ကာကြည့်လိုက်သည်။ တွေ့လိုက်ရသည်က ကွာလတီမဂ္ဂဇင်းစာအုပ်ထူထူကြီး(၃)အုပ်။

ထိုစာအုပ်ကြီး(၃)အုပ်ကို ဖိုးသားယူကြည့်လိုက်သည်။ စာအုပ်၏ အမည်က ကာလာရိန်းဘိုးဆိုပါလား။ အို စာအုပ်၏ မျက်နှာဖုံးပုံတွေက ချောမောလှပသော ယောက်ျားနှစ်ယောက်နမ်းနေကြသည့်ပုံပါလား။ ဘယ်လိုကြီးပါလိမ့်..။ ဖိုးသားနားမလည်နိုင်အောင်ဖြစ်သွားရသည်။ နောက်(၂)အုပ်ကို ကြည့်လိုက်တော့လည်း ကာလာရိန်းဘိုးမဂ္ဂဇင်းများသာဖြစ်ပြီး မျက်နှာဖုံးပုံက ယောက်ျားချင်း ပွေ့ဖက်နမ်းရှုံ့ နေသည့်ပုံများသာဖြစ်နေသည်။

“အို ဒါ ဘာတွေပါလိမ့်..။ ဖိုးချောဆီမှာ ဘာကြောင့် သည်လိုစာအုပ်တွေ ရှိနေတာပါလိမ့်.။ သည်စာအုပ်တွေ သူဘယ်က ရတာပါလိမ့်..။ မဟုတ်မှလွဲရော့ သည်ပုံထဲကလူတွေက ငါ့လိုစိတ်နဲ့ လူတွေများလား။ အို လောကမှာ ငါလိုလူတွေ ရှိသေးတာပါလား။ ငါက ဘာမှကို မသိသေးတာပါလား။ အပြင်မှာ သည်လိုစာအုပ်တွေတောင် ထွက်နေပါပြီတဲ့လား..”

တဒင်္ဂမှာပင် ဖိုးသားခေါင်းထောင်သွားသည်။

“ဧကန္တ ဧကန္တဖိုး ဖိုးချောလည်း သည်လိုလူစားတစ်ယောက်လား၊ ဖိုးချောလည်း ငါ့လိုစိတ်နဲ့ လူတစ်ယောက်လား.”

တစ်နေ့က ဖိုးချောပြောသည့်စကားများကို ပြန်ကြားယောင်လိုက်မိသည်။

“ငါကအခြောက်မဟုတ်ဘူး၊ မင်း ငါ့ကို စိတ်မှန်တဲ့လူလို့ စွပ်စွဲချင်စွပ်စွဲပါစေ ငါယောက်ျားတွေကို စိတ်ဝင်စားပေမဲ့ ငါ မိန်းမမဖြစ်ချင်ဘူး၊ ဒါ့ကြောင့် မင်း ငါ့ကို အခြောက်လို့ လုံးဝမပြောလိုက်နဲ့”

“ဟက် ဟက် ဟက်… ယောက်ျားတွေကို စိတ်ဝင်စားရုံနဲ့ မိန်းမဖြစ်ချင်စိတ်ရှိသွားရော့လား”

ထိုစကားများကို ကြားယောင်ပြီး ဖိုးသားတွေဝေနေပြန်သည်။

“မင့်ကို စိတ်မမှန်တဲ့လူလို့ ဘယ်သူကပြောလဲ၊ မင်းစိတ်ကအကောင်းကြီးပါ၊ မင်းက ဘာမှမသိသေးတာ၊ ဒါ့ကြောင့် မင်းကို စာများများဖတ်လို့ ငါကပြောတာပေါ့”

“မင်းကို အဲ့လိုလူတကယ်မဖြစ်သေချင်ဘူးဖိုးသား”

“ဖိုး ဖိုးချောလည်း ငါလိုလူတစ်ယောက်တဲ့လား၊ ဖိုးချော မင်းက မင်းစိတ်ကို အစောကြီးကတည်းက သိနေခဲ့တာလား၊ မင်းလည်း ငါ့လိုပဲ ယောက်ျားဖြစ်လျှက် ယောက်ျားတွေကို စိတ်ဝင်စားနေခဲ့တာလားကွာ”

တစ်ဆက်တည်းမှာပင် စောနက ဖိုးချော အမျိုးသားတစ်ယောက်နဲ့ ထွက်သွားသည်ကို အမှတ်ရလိုက်သည်။ ဖိုးသား ဆတ်ကနဲ့ ထလိုက်မိပြီး

“ဖိုးချော..”

ဆိုပြီး အော်လိုက်မိသည်။ ရင်ထဲမှာလည်း နှလုံးသားတွေ တစ်စစီကွဲကြေသွားသလို ခံစားလိုက်ရသည်။

“ဖိုးချော မင်းမှာ ချစ်သူရှိနေခဲ့ပြီလားဟင်၊ ငါ မဟုတ်တဲ့တခြားတစ်ယောက်ကို မင်း ချစ်နေခဲ့ပြီလားဟင်၊ ငါ့ကိုပစ်ထားပြီး တခြားတစ်ယောက်နဲ့ ထွက်သွားတော့မယ်ပေါ့ဟင်”

ဖိုးသားမျက်ရည်များ စီးကျလာသည်။

“ဖိုးချော…. တကယ် ငါ့ကို ထားခဲ့တော့မယ်ပေါ့ဟင်”

ဖိုးသား သည်းထန်စွာ ငိုရှိုက်လိုက်မိသည်။

Xxxxxxxxxxxxxxxxxxxxxxxxxxxxxxxxx

ရှုတင်နားတုန်း ကိုနိုင်းက ရှော့ပင်းအတူတူထွက်ချင်ကြောင်း လိုက်ခဲ့ပါရန် ပူဆာသဖြင့် ဖိုးချော ၀မ်းသာအားရလက်ခံခဲ့သည်။ ကိုနိုင်းနဲ့မို့ထင်သည် အ၀တ်အစားသစ်သစ်လွင်လွင်ဝတ်ပြီး ရေမွှေးတွေလည်း ကိုယ်အနှံ့ဖျန်းခဲ့သည်။ 

ကားပေါ်ရောက်တော့ ဖိုးချောရင်တွေခုန်ကာ မနေတတ်ဖြစ်နေရသည်။ ကိုနိုင်း၏ မျက်နှာကိုလည်း လှည့်မကြည့်ရဲဖြစ်နေရသည်။

“ရော့ ဆောင်းလိုက်ညီလေး”

ကိုနိုင်းက ဦးထုပ်လေးပေးသဖြင့် ဖိုးချောဆောင်းလိုက်သည်။ ကိုနိုင်းကလည်း ဦးထုပ်ဆောင်းထားသေးသည်။

“ဘာလို့ ဦးထုပ်ဆောင်းခိုင်းတာလဲသိလားညီလေး”

“ဟင် သြော် မသိဘူးလေ”

“ဟဲ ဟဲ၊ အစ်ကိုနဲ့ညီက အတော်အသင့်အောင်မြင်နေတဲ့ အနုပညာရှင်တွေလေ၊ အဲ့တော့ လမ်းထွက်ရင် သိပ်မလွတ်လပ်ဘူး၊ ပြီးတော့ တွေ့တဲ့လူတွေက လက်မှတ်ထိုးခိုင်းလိုက်၊ ဓာတ်ပုံအတူတူရိုက်ဖို့ ခွင့်တောင်းလိုက်နဲ့ တော်တော် အလုပ်ရှုပ်တယ်လေ၊ အဲ့သည်ဒုက္ခတွေ ကင်းအောင်လို့ အစ်ကိုတို့ ရုပ်ဖျက်တဲ့သဘောနဲ့ ဦးထုပ်ဆောင်းတာပေါ့”

“သြော် အဲ့လိုကိုး”

“ရော့ နေကာမျက်မှန်လည်း တပ်လိုက်၊ ဒါဆို ညီလေးကို ဘယ်သူကမှ စတီဗင်ထူးဆိုတာ မသိတော့ဘူး”

“အင်း”

ကိုနိုင်းလည်း နေကာမျက်မှန်လေးတပ်လိုက်သည်။ ကိုနိုင်း၏ မျက်မှန်နဲ့ ဖိုးချော၏ မျက်မှန်က ဆင်တူလေးဖြစ်နေသဖြင့် ဖိုးချော အလိုလိုနေရင်း ပျော်သွားမိသည်။ မျက်မှန်လေးကိုတပ်လိုက်ပြီး ကိုနိုင်းဘက် လှည့်ကာ ပြုံးပြလိုက်သည်။ ကိုနိုင်းကလည်း ပြန်လည် ပြုံးပြလိုက်သည်။

“အစ်ကိုနဲ့ အခုလို ရှော့ပင်းအတူတူလိုက်ပေးလို့ ကျေးဇူးပဲနော်ညီလေး”

“ရပါတယ်အစ်ကိုရာ၊ ညီလည်း ပျော်ရတာပေါ့”

“အင်း”

ကိုနိုင်းက ပြုံးနေသည်။ ကားကို ဖြည်းဖြည်းသက်သာစွာ မောင်းနေသည်။

“ဒါနဲ့ အစ်ကို ရှော့ပင်းကျ ဘာတွေ ၀ယ်မှာလဲဟင်”

“သည်လိုပဲပေါ့၊ အ၀တ်အစားလေးနည်းနည်းလောက် ၀ယ်ချင်လို့ပေါ့၊ ညီလေးလည်း ဘာလိုချင်လဲ ပြောလေ၊ အစ်ကိုဝယ်ပေးမယ်”

“အာ ရပါတယ်၊ ညီ့အတွက် ဘာမှမလိုပါဘူး”

“အားမနာပါနဲ့ကွာ၊ အစ်ကိုက ကျေးဇူးတင်တဲ့အနေနဲ့ လက်ဆောင်ဝယ်ပေးပါ့မယ်”

“မဟုတ်တာ”

ကိုနိုင်းက ကားလေးကို ကွေ့ပတ်လိုက်သည်။ ရှော့ပင်းရောက်ပြီဖြစ်သဖြင့် ကားကို ရပ်လိုက်သည်။

“ခါးပတ်ဖြုတ်…”

ကိုနိုင်းက ပြောလည်းပြောရင်း ဖိုးချော၏ ခါးပတ်အား ဆတ်ကနဲ့ ဖြုတ်ပေးမယ်လုပ်တော့ ဖိုးချောမျက်နှာနဲ့ ကိုနိုင်းမျက်နှာ နီးကပ်သွားသည်။ နှစ်ယောက်သား တဒင်္ဂ ကြောင်အသွားကြသည်။ ပြီးမှ နှစ်ယောက်သား အသိစိတ်ဝင်ပြီး ကိုယ့်ခါးပတ်ကိုယ်ဖြုတ်ကာ အပြင်ထွက်လိုက်ကြသည်။

ရှော့ပင်းအတွင်း ၀င်လိုက်တော့ ရုပ်ဖျက်ထားသဖြင့် ဘယ်သူကမှ နာမည်ကြီးသော မင်းသားများဆိုတာ မမှတ်မိကြ။ အင်္ကျီများရှိရာဆီ လှမ်းလိုက်ကြသည်။

“ကိုယ်တွေက အိမ်ထောင်မရှိသေးတဲ့လူတွေဆိုတော့ ရှော့ပင်းကို တစ်ယောက်တည်းပဲ သွားနေကျလေ၊ အဖော်မပါတော့ သိပ်ပျင်းဖို့ ကောင်းတယ်၊ အာ့ကြောင့် ညီ့ကို အဖော်ခေါ်တာလေ”

“သြော် ဟုတ်ကဲ့”

ကိုနိုင်းက အ၀တ်အစားများကို လျှောက်ကြည့်နေသည်။ တစ်ထည်ပြီးတစ်ထည် ဖြုတ်ကာ ကိုယ်နဲ့ တိုင်းကြည့်နေသည်။

“ဒါလေးဆို အစ်ကိုနဲ့ လိုက်မလားမလားမသိဘူး”

“လိုက်ပါတယ်အစ်ကို၊ အရောင်လေးလည်း လှတယ်”

“အိုကေ”

ဖိုးချောပြောတော့ ထိုအင်္ကျီလေးကို ကိုနိုင်းက ရွေးယူလိုက်သည်။ နောက်တစ်ထည်ပြီးတစ်ထည် ရွေးယူသေးသည်။ 

“ဒါလေးဆို ညီနဲ့ လိုက်တယ်မလား”

ကိုနိုင်းက ဖိုးချောကိုယ်နဲ့ တိုင်းကြည့်လိုက်သည်။

“အာ ညီ့အတွက်မလိုပါဘူးဆို”

“အစ်ကိုက လက်ဆောင်ပေးပါ့မယ်ဆိုကွာ”

“ညီ့မှာ ပိုက်ဆံပါပါတယ်ခင်ဗျ”

“မရဘူး၊ အစ်ကို့စေတနာကို လက်ခံရမယ်”

ဖိုးချောလည်း မတတ်သာသည့်အဆုံး ခေါင်းညိတ်လိုက်သည်။ ကိုနိုင်းက တစ်ထည်နဲ့တင်အားမရသေးပဲ တစ်ထည်ပြီးတစ်ထည် ယူကာ ဖိုးချောကိုယ်နဲ့ တိုင်းကြည့်နေသည်။

“အိုး ညီက ဘော်ဒီမိုက်လို့ထင်တယ်၊ ဘာနဲ့ပဲဖြစ်ဖြစ်လိုက်ဖက်တာချည်းပဲ၊ ယူလိုက်ပါနော်”

“အာ များနေပြီအစ်ကိုရ”

“ယူစမ်းပါ၊ လူတစ်ယောက်မှာ ဖက်ရှင်က အဓိကကွ၊ စတိုင်ရှိမှ စတားဖြစ်မယ်လို့ ညီကြားဖူးတယ်မလား၊ ဟဲ ဟဲ၊ ဂျင်းဘောင်းဘီရောကြည့်ရအောင်၊ ညီ့ခါးက ဘယ်လောက်လဲ”

“(၃၁)”

ကိုနိုင်းက ဂျင်းဘောင်းဘီများကိုလည်း ရွေးယူပြန်သည်။ ပြီး အတွင်းခံများဆီ လှမ်းလိုက်တော့ ဖိုးချော ရှက်သွားရသည်။

ကိုနိုင်းက အတွင်းခံများကို ဖြန့်ကြည့်သည်။ ကိုနိုင်း၏လုပ်ရပ်ကြောင့် ဖိုးချော ရှက်ပြီးရင်း ရှက်နေမိသည်။ တခြားသူနဲ့ဆိုရင် ရှက်မည်မဟုတ်တာသေချာသည်။ ကိုနိုင်းနဲ့မှ ရှက်နေရသည်။ 

“ဒါက ညီ့ဖို့၊ ဒါက အစ်ကို့ဖို့”

ဆိုပြီး ကိုနိုင်းက အတွင်းခံများကို ယူလိုက်သည်။ အားလုံး ဆင်တူလေးတွေ ဖြစ်နေပြန်သဖြင့် ဖိုးချော အလိုလိုနေရင်း ကျေနပ်နေမိပြန်သည်။

ငွေရှင်းကြတော့ ဖိုးချောရှင်းမည်လုပ်တော့ ကိုနိုင်းက အကြောက်အကန်ငြင်းသည်။ ကိုနိုင်းကပဲ ဇွတ်အတင်းရှင်းတော့သည်။ 

ရှော့ပင်းထွက်အပြီး လက်ဖက်ရည်ဆိုင်ထိုင်ကြတော့ အသည်းပုံ ကော်ဖီခွက်လေးတွေနဲ့ သောက်ဖြစ်ကြသည်။ ကိုနိုင်းက ဖိုးချောအနားတိုးလာပြီး ဖိုးချောပါးလေးနဲ့ကပ်ကာ ဓာတ်ပုံရိုက်လိုက်သည်။ 

ကိုနိုင်းက ဘာကြောင့် အခုလိုလုပ်ရသည်ကို ဖိုးချောစိတ်ထဲ ဇဝေဇ၀ါဖြစ်ရသည်။ ကိုနိုင်းများ ဂေးတစ်ယောက်ဖြစ်နေပြီး ဖိုးချောကို စိတ်များဝင်စားနေသလားလို့ စိတ်ထဲက မတွေးသင့်တွေးသင့် တွေးလိုက်မိသေးသည်။ ထိုအထင်ကို ဖိုးချော ဖြတ်တောက်ကာ ခေါင်းရမ်းလိုက်သည်။

မဖြစ်နိုင်လောက်ပါဘူး။ မဟုတ်လောက်ပါဘူး။ ကိုနိုင်းက ငါ့ကို ညီအရင်းတစ်ယောက်လို ခင်တာနေမှာပါ။ ငါ အတွေးလွန်နေတာပဲဖြစ်မှာပါ။ 

 ဖိုးချော၏ ရင်ခုန်သံကိုတော့ ကိုနိုင်းကြားသွားမှာ ဖိုးချော စိုးကြောက်မိသည်။

Xxxxxxxxxxxxxxxxxxxxxxxxxxxxxx

ညရောက်တော့ ဖိုးသား ဖိုးချောအား မကြည့်မိအောင်ထိန်းသလို စကားလည်းမပြောဖြစ်။ ဖိုးသားအပြုအမူကို ဖိုးချောက သတိလည်း မထားမိခဲ့။ ဖိုးချောရေချိုးအပြီး တံဘက်နဲ့ ရေသုတ်ရင်း ထွက်လာတော့ တစ်ဖက်သို့ကျောပေးပြီး အိပ်နေသည့် ဖိုးသားကို တွေ့လိုက်ရသည်။ ခါတိုင်းက ဖိုးသား သည်အချိန်မအိပ်သေး။ တီဗွီကြည့်နေတုန်းရှိသေးသည်။ သည်နေ့တော့ ထူးဆန်းသည်။

“ဖိုးသား ဘာဖြစ်လို့လဲ၊ နေမကောင်းဘူးလား”

ဖိုးချောက ဖိုးသားကျောလေးကို လှုပ်ကာ ပြောလိုက်သည်။ ဖိုးသားကတော့ ပြန်မဖြေ။ လှည့်လည်းမကြည့်။ ဖိုးသားမျက်ဝန်းမှ မျက်ရည်များကို ဖိုးချော မမြင်နိုင်။

“နေမကောင်းဘူးလားလို့”

“တော်ပါကွာ၊ လူကို ဘယ်တုန်းက စိတ်ပူခဲ့ဖူးလို့လဲ”

ဖိုးသားက ဖိုးချောလက်အား ဖယ်ခါလိုက်သည်။

“အာ အဲ့လိုမပြောပါနဲ့ကွာ၊ ငါ အလုပ်တွေရှုပ်နေလို့ မင်းကို ဂရုမစိုက်နိုင်ခဲ့ဘူး၊ ငါတောင်းပန်ပါတယ်၊ မင်းကို ပစ်ထားသလိုဖြစ်နေခဲ့တယ်ထင်တယ်”

ဖိုးသားနှုတ်ဆိတ်နေသည်။

“ပြောလေ၊ ဘယ်နေရာနေမကောင်းလို့လဲ၊ ဆေးခန်းသွားပြမလား”

“အဲ့လိုအဖြစ်မျိုးမရှိလို့ စိတ်မပူနဲ့”

ဖိုးသားက ခပ်ဆတ်ဆတ်လေးပြောလိုက်သည်။

“ဒါဆိုလည်း ပြီးရော့၊ ပြီးမှ ဂရုမစိုက်ဘူး ဘာဘူးဆိုပြီး လာအပြစ်မတင်နဲ့”

ဖိုးချောလည်း အင်္ကျီဝတ်ပြီး တုံးတုံးလှဲလိုက်သည်။ ပြီး ဘေးနားက ဖုန်းလေးကို ထုတ်ကာ နေ့တုန်းက ကိုနိုင်းနဲ့ ရိုက်ထားသည့် ဓာတ်ပုံလေးများကို ကြည့်နေလိုက်သည်။ ရင်ထဲမှာ ကြည်နူးခြင်းများစွာ ဖြစ်ပေါ်လာသဖြင့် ဖိုးချောမျက်နှာလေး ပြုံးနေသည်။ 

ဖိုးချောဘက် ဖိုးသား မသိမသာလေးလှည့်ကြည့်လိုက်တော့ ဓာတ်ပုံများကိုကြည့်ပြီး ပြုံးပြုံး ပြုံးပြုံးဖြစ်နေသည့် ဖိုးချောကိုတွေ့လိုက်ရတော့ ဖိုးသား ရင်ထဲ ၀မ်းနည်းသွားရပြန်သည်။ သေချာသည်။ ဖိုးချော နေ့တုန်းက ယောက်ျားတစ်ယောက်နဲ့ ပျော်ပါးခဲ့တာပဲဖြစ်ရမည်။ ထိုအသိကြောင့်ပင် ဖိုးသားမျက်ရည်တို့ စီးကျလာပြန်သည်။ ရှိုက်သံတော့ မထွက်ရဲခဲ့ပေ။

Xxxxxxxxxxxxxxxxxx

“ဟေး ဘော်ဒါကြီး”

“ပြော မင်းထိုက်”

“အခုအားလားကွ”

“အားတယ်၊ ဘာလို့လဲ”

“ငါတို့သွားသောက်ကြမလား”

“ဟာ သည်နေ့က ဥပုသ်နေ့လေကွာ၊ မသောက်ကောင်းဘူး၊ ပြီးတော့ ညဥ့်လည်း နက်တော့မယ်”

“အာ ဥပုသ်နေ့တွေ ဘာတွေ လုပ်မနေစမ်းပါနဲ့ကွာ၊ ရင်ထဲမှာ မွန်းကျပ်လွန်းလို့ လိုက်ခဲ့စမ်းပါ၊ မဟုတ်သေးဘူး၊ အခု ငါမင်းဆီလာမလို့လုပ်နေတယ်”

“ဟာ”

“စကားရှည်မနေနဲ့ စောင့်နေ(၁၀)မိနစ်မကြာစေရဘူး”

“အေးပါကွာ၊ ဘိုင်”

နေမင်းထိုက်ကားလေးက သူငယ်ချင်းဖြစ်သူ သောက်ဖော်သောက်ဖက် ဟိန်းထက်အိမ်သို့ မောင်းနှင်နေသည်။ ဟိန်းထက်အိမ်ရှေ့ ရောက်တော့ ရပ်စောင့်နေသည့် ဟိန်းထက်အား အဆင်သင့်တွေ့လိုက်ရသည်။

“လာကွာ တက်”

ဆိုင်ရောက်တော့ ဘီယာအများအပြားမှာသောက်ကြသည်။

“ဒါနဲ့ မင်းထိုက် မင်းပဲ ဟိုကောင့်ဘ၀ကို ဘယ်တော့မှ နာလန်မထူနိုင်အောင်လုပ်မယ်ဆိုကွ၊ အခုတော့ ငြိမ်ချက်သားကောင်းနေလို့ပါလား”

“အေးကွ၊ အကြံပိုင်အောင် စဉ်းစားနေလို့ကွ၊ တစ်ခါတည်း အမြစ်ပြတ်အောင် ရှင်းရမဲ့ကိစ္စဆိုတော့ အတော့်ကိုစဉ်းစားရတယ်ကွ”

“ဟုတ်လား”

“အင်း ဖေ့ဘုတ်မှာ ဖာသတင်းလွှင့်တဲ့ကိစ္စက သိပ်တော့ အဆင်မပြေဘူး၊ လူတွေက တခြားလူက လုပ်ကြံတာဆိုပြီး စတီဗင်ထူးကို အပြစ်မမြင်ကြဘူးကွ”

“အင်း အင်း”

“ပြီးတော့ အဲ့ကောင်က ဖေ့ဘုတ်မသုံးပါဘူးလို့ ပရိသတ်ကို ကြေငြာထားတာဆိုတော့လေ”

“သြော်”

“အဲ့တော့ သည်ကောင် တော်တော်ကုသိုလ်ကံထူးနေတာပေါ့ကွ”

“အင်း ဖြစ်ရမယ်”

“သည်ကောင် ဘယ်လောက် ကုသိုလ်ကံထူးမလဲဆိုတာ စောင့်ကြည့်ကြသေးတာပေါ့လေ”

“အင်းပေါ့”

“မင်းလည်း အကြံရှိရင်ပြောပြလေ၊ ငါ့ကို ၀ိုင်းကူပေးရာရောက်တာပေါ့”

“ငါ့မှာ အကြံတစ်ခုတော့ရှိတယ်”

“ဘာများလဲပြောပြ”

“သည်လိုလေကွာ၊ အခုတလော ဖေ့ဘုတ်မှာ ဘာတွေသောင်းကျန်းနေတယ်ဆိုပြီး သတင်းတွေထွက်နေလဲသိလား”

“အဲ့ကောင်က ဖာဆိုတဲ့သတင်းလား”

“မဟုတ်ဘူးကွ၊ တခြားဟာ၊ အခုတလော ဖေ့ဘုတ်မှာ သောင်းကျန်းနေကြတာက ဂေးတွေကွ၊ ဂေးတွေက မရှက်မကြောက်နဲ့ ယောက်ျားချင်း နမ်းနေကြတာ၊ -င်ခံနေတဲ့ပုံတွေ၊ -င် -ိုးနေကြတဲ့ပုံတွေ တင်နေကြတာမင်းမသိဘူးလား”

“သိတယ် အဲ့တော့”

“တလောကတောင် ယောက်ျားနှစ်ယောက် ဟော်တယ်တစ်ခုမှ ခမ်းခမ်းနားနား မင်္ဂလာဆောင်လိုက်သေးတယ်”

“အေး ဟုတ်တယ်၊ အဲ့တော့ မင်းအကြံက”

“ရှင်းနေပြီပဲကွာ၊ အဲ့ကောင်ကို ဂေးပါဆိုပြီး ဖေ့ဘုတ်မှာ သတင်းလွှင့်လိုက်ရုံပေါ့၊ ဒါဆိုရင် သည်ကောင့်ဘ၀ကတော့ ပြောစရာတောင်မလိုတော့ဘူး”

“သိပ်ကြိုက်သွားပြီ ဟက် ဟက် ဟက်၊ ငါ့သူငယ်ချင်း သိပ်ကို အကြံပိုင်တာပါပဲလားကွ ဟား ဟား ဟား၊ ဟုတ်တယ်၊ လုပ်ရမယ်၊ မင်းပြောသလို လုပ်ကို လုပ်ရမယ်ကွ၊ သည်ကောင့်ကို အခြောက်ဆိုပြီး တစ်နိုင်ငံလုံးသိအောင် ငါလုပ်ပြမယ်ကွ ဟား ဟား ဟား”

နေမင်းထိုက်က အကြံပိုင်သွားသဖြင့် ဟက်ဟက်ပက်ပက် ရယ်မောလိုက်သည်။

“သည်ကောင်အခြောက်ဆိုတာ တစ်နိုင်ငံလုံးသိသွားရင် ဘယ်သူက ကြိုက်မှာ မဟုတ်တော့ဘူးကွ၊ ငါ့ရဲ့ပရိသတ်ကောင်မလေးတွေကလည်း ငါ့ဆီပြန်လာကြမှာကွ၊ ဘယ်စီးပွားရေးလုပ်ငန်းရှင်ကမှလည်း သည်ကောင်နဲ့ ကြော်ငြာဖို့ တောင်းဆိုမှာမဟုတ်တော့ဘူး ဟား ဟား ဟား”

နေမင်းထိုက်ရယ်သလို ဟိန်းထက်လည်း ၀ိုင်းရယ်လေသည်။ 

“အကြံကောင်းကိုပေးတဲ့ မင့်ကို ကျေးဇူးတင်တယ်ကွာ၊ ဒါ့ကြောင့် မင်းကို ဂုဏ်ပြုတဲ့အနေနဲ့ သည်ည ငါပဲ တိုက်မယ်ကွာ၊ ရော့”

နေမင်းထိုက်က အရက်အား ငှဲ့ပေးလိုက်သည်။

“ဒါနဲ့ ငါ့အကြံကိုကော ပြောပြရမလားဟိန်းထက်”

“ပြောကြည့်လေ”

“ဒါ သည်ကောင့်အိမ်ကို စုံစမ်းထားတယ်ကွ၊ အိမ်ကလည်း ပြောစရာကိုမရှိဘူး၊ နုံချာစုတ်ပြတ်လို့၊ သူတောင်းစားအိမ်ကျနေတာပဲ၊ ခြံစည်းရိုးကလည်း နိမ့်မှနိမ့်၊ ဒါက ငါ့အတွက် အခွင့်ကောင်းတာလေ”

“ဟုတ်လား”

“သည်ကောင်လည်း တစ်ခါတစ်လေ သူတစ်ယောက်တည်းရှိတဲ့အချိန်မှာ မဖွယ်မရာတွေ လုပ်မှာသေချာတယ်၊ သည်ကောင် ဘယ်လောက်ညစ်ပတ်သလဲဆိုတာ သူ့မိန်းကလေးပရိသတ်တွေ သိအောင်လုပ်ပြမယ်၊ သည်ကောင့်အိမ်မှာ စီစီတီဗွီတပ်ဖို့ စဉ်းစားထားတယ်ကွ”

“အိုး သိပ်ကောင်းတဲ့အကြံပါလား၊ လုပ်သာလုပ် ငါအားပေးတယ်”

နေမင်းထိုက် အံကျိတ်လိုက်သည်။

“စောင့်ကြည့်ဦးပေါ့စတီဗင်ထူးရေ၊ မင်းက ငါ့နေရာ၊ ငါ့ပရိသတ်၊ ငါ့အောင်မြင်မှုတွေကို ယူသွားရုံတင်မကဘူး ငါ့အဖေကိုပါ လုယူသွားခဲ့တာကွ၊ ငါ့ဆီက ယူသွားတဲ့အရာတွေကို ငါပြန်ယူပြမယ်”

ဟိန်းထက်က ခေါင်းတဆတ်ဆတ်ညိတ်နေလေသည်။

“သည်ညပဲသွားမယ်၊ သည်ကောင်အိပ်နေတဲ့အချိန် တိတ်တဆိတ်ဝင်ပြီး စီစီတီဗွီတပ်မယ်ကွ”

“ဖြစ် ဖြစ်ပါ့မလား၊ သည်လိုပြစ်မှုက တော်တော်ကြီးတယ်နော်၊ သတိလည်းထားဦး”

“ဖြစ်ပါတယ်ကွာ၊ ငါ သေချာစီစဉ်ထားတယ်၊ ငါ နေမင်းထိုက်ကွ၊ အရာရာမှာ စေစပ်သေချာတယ်”

“အိုကေလေ သွားမယ်”

နှစ်ယောက်သား ပိုက်ဆံအထပ်လိုက်ပုံခဲ့ပြီး ထွက်ခဲ့သည်။

Xxxxxxxxxxxxxxxxxx

ညဥ့်က တိတ်ဆိတ်ကာ ကျောချမ်းဖွယ်ကောင်းလှသည်။ ကျဉ်းမြောင်းသော လမ်းကလေးရဲ့ကြား၊ မှုန်ပျပျလမ်းမီးရောင်အောက်တွင် ကားကို နေမင်းထိုက် ရပ်တန့်လိုက်သည်။

ကားပေါ်က တိတ်တဆိတ်ဆင်းပြီး လူအရိပ်အခြည်ကြည့်လိုက်သည်။ လူရှင်းနေသဖြင့် နေမင်းထိုက်အား ဟိန်းထက်အား သည်နားတွင်စောင့်နေစေရန် သူတစ်ယောက်တည်း အိမ်ထဲဝင်သွားမည်ဟု တိုးတိုးလေးပြောလိုက်သည်။

မနိမ့်မမြင့်သော ခြံစည်းရိုးပေါ် ချောမောစွာ ကျော်တက်လိုက်သည်။ ခြေသံဖွဖွနင်းပြီး ပြတင်းပေါက်သေးသေးလေးကနေ အခန်းတွင်း ကြည့်လိုက်သည်။ ဧည့်ခန်းလိုဘေးတစ်နေရာတွင် လူနှစ်ယောက်အိပ်မောကျနေသည်ကို တွေ့လိုက်ရသည်။ ကံအားလျော်စွာ ထိုပြတင်းပေါက်က ချက်ချမထားသဖြင့် နေမင်းထိုက် အလွယ်တကူဖွင့်ဝင်ကာ ထိုပြတင်းပေါက်၏ အပေါ်နားတွင် စီစီတီဗွီအသေးလေးအား ကပ်ထားလိုက်သည်။ ထိုစီစီတီဗွီလေးကနေ ဧည့်ခန်းတစ်ခန်းလုံးမြင်နိုင်သည်။ ပြီး နေမင်းထိုက် ခြေသံဖွဖွလျှောက်လိုက်ပြန်ပြီး ရေချိုးခန်းနှင့် အိမ်သာထဲသို့ ၀င်ကာ စီစီတီဗွီတပ်လိုက်ပြန်သည်။ ထွက်လာတော့လည်း လူနှစ်ယောက် အိပ်မောကျနေဆဲမို့ ပြတင်းပေါက်ဆီ အသာအယာလျှောက်ကာ ကျော်တက်ပြီး ထွက်လိုက်သည်။ နေမင်းထိုက် သိပ်ကို အဆင်ပြေသွားလေသည်။ ခြံစည်းရိုးအပြင်ဘက်ရောက်တော့ စောင့်နေသည့် ဟိန်းထက်အား ၀မ်းသာအားရနဲ့ အိုကေကြောင်း လက်မထောင်ပြလိုက်သည်။ အပြန်လမ်းတစ်လျှောက် နေမင်းထိုက်မျက်နှာ ပြုံးရွှင်လို့နေသည်။

Xxxxxxxxxxxxxxxx

ဆိုင်မှာ အလုပ်ပါးသွားသဖြင့် အိမ်က ခိုးကြောင်ခိုးဝှက် ယူလာခဲ့သော ကာလာရိန်းဘိုးမဂ္ဂဇင်းကြီးအား စားပွဲအောက်က ထုတ်ယူလိုက်သည်။ ကလေးတွေများ ရှင်းရဲ့လားဆိုပြီး လှမ်းကြည့်လိုက်သေးသည်။ ကလေးများက တီဗွီကြည့်နေကြသဖြင့် မဂ္ဂဇင်းစာရွက်များကို ဖိုးသားလှန်လိုက်သည်။

စာမျက်နှာတိုင်းက လိင်တူချစ်သူတို့၏ အကြောင်းနှင့် ပတ်သက်သည့်စာများသာဖြစ်သည်။ ပုံများကလည်း လိင်တူချစ်သူတို့၏ ပုံများသာဖြစ်နေသည်။ 

ဖိုးသားအံ့သြစွာနဲ့ ဆောင်းပါးများ၊ ၀တ္ထုများကို တစ်ပုဒ်ပြီးတစ်ပုဒ် ဖတ်ကြည့်လိုက်သည်။ ထိုဆောင်းပါးများနှင့် ၀တ္ထုများအား ရေးသားသူတို့၏ ကလောင်အမည်များက ထူးဆန်းသောကြောင့်  ဖိုးသား သတိထားလိုက်မိသည်။ သည်တော့ အရင်က ဖိုးချော ပြိုင်ပွဲဝင်ရန်အတွက်  နာမည်ရွေးတုန်းကပြောခဲ့သည့် အမည်များကို သတိရလိုက်မိသည်။ အဲလက်(စ်)အောင်၊ ဆလိုင်းလီယို၊ ဒေးဗစ်မောင်မောင်၊ သောမတ်(စ်)ကျော်။

ဖိုးချောက အဲ့သည်တုန်းကတည်းက သည်လိုကိစ္စတွေနဲ့ ရင်းနှီးနေခဲ့ပြီးသားများလား။ ဖိုးချော မင်း သိပ်ကို ဗဟုသုတပြည့်စုံနေခဲ့ပါလား။

ဆောင်းပါးများစွာထဲမှ ဆောင်းပါးတစ်ပုဒ်ကို ဖိုးသားအလွန်စိတ်ဝင်စားမိသွားသည်။ ထိုဆောင်းပါးကြောင့် လိင်တူချစ်သူတို့အကြောင်း ပြည့်ပြည့်စုံစုံ သိခွင့်ရလိုက်သည်။ လောကကြီးတွင် လိင်တူချစ်သူအမျိုးအစားပေါင်း မြောက်များစွာရှိသည့်အကြောင်း တအံ့တသြသိခွင့်ရလိုက်သည်။

မူမမှန်သော လိင်စိတ် စုံမက်ခြင်း Paraphilias သည်အလွန့် အလွန် ရှားပါးသော ရောဂါစု တစ်ခု ဖြစ်ပြီး အသက် ၁၅နှစ် မှ ၂၅နှစ် အရွယ် အမျိုးသား များတွင် အများဆုံး ဖြစ်လေ့ ရှိပါသည်။

အမေရိကန် စိတ် ကျန်းမာရေး ဆရာဝန်များ အသင်းကြီးမှ ထုတ်ဝေသော စိတ်ရောဂါ အညွှန်း (Diagnostic and Statistical Manual of Mental Disorders - DSM) တွင် "လိင် စိတ်ကြွ ခြင်းသို့ ရောက်ရှိ နိုင်သော ပြင်းထန် သော စုံမက်ခြင်းမျိုး ဖြစ်ရမည် ဖြစ်ပြီး မိမိကိုယ်တိုင် သို့မဟုတ် တစ်ပါးသူကို စိတ်ရော ကိုယ်ပါ ထိခိုက် စေသည့် အတိုင်း အတာ ထိ ဖြစ်မှ သာလျှင် ရောဂါဟု သတ်မှတ်သည်။" ဟုအဓိပ္ပါယ် ဖွင့်ဆို ထားပါသည်။ လူတိုင်းတွင် ဆန်းပြားသော လိင်စိတ် ရှိတတ် ကြသည်ကို ထည့်သွင်း စဉ်းစား သဖြင့် ရောဂါဟု သတ်မှတ်ရန် မိမိ သို့မ ဟုတ် သူတပါးအား ထိခိုက် စေသည် ဟူသည့် အချက် လိုအပ် ပါသည်။ အခြားသော စိတ်ရောဂါ များနည်းတူ ရောဂါ လက္ခဏာ အနည်းဆုံး ခြောက်လ ရှိရမည် ဖြစ်ပြီး မိမိ၏ လူမှု ဆက်ဆံရေး၊ အလုပ်အကိုင်နှင့် နေ့စဉ်ဘဝ တို့တွင် ထိခိုက် လာသည့် အနေအထား ရောက်မှ သာလျှင် ရောဂါဟု အမည် တပ်၍ ရပါသည်။

မူမမှန် လိင်စိတ် စုံမက်ခြင်း ရောဂါစု (Paraphilias) မူမမှန်သော လိင်စိတ် စုံမက်ခြင်းတွင် ဖော်ချွတ် ပြခြင်း (Exhibitionism)၊ သက်မဲ့ အရာဝတ္ထု တစ်ခုခုကို လိင်စိတ် အလို့ငှာ တပ်မက်ခြင်း (Fetishism)၊ ပွတ်သပ်ခြင်း (Frotteurism)၊ ကလေး များကို တပ်မက်ခြင်း (Pedophilia)၊ အနာတရ ဖြစ်ပြီး လိင်စိတ် ကြွစေခြင်း (Sexual masochism)၊ ညှင်းပန်း နှိပ်စက်ပြီး လိင်စိတ် ကြွစေခြင်း (Sexual sadism)၊ ဆန့်ကျင်ဘက် လိင်၏ အဝတ် အစားများ ဝတ်ရန် နှစ်သက်ခြင်း (Transvestism) နှင့်ချောင်းကြည့်ခြင်း (Voyeurism - Peeping Tom) စသည့် ရောဂါ အခြေ အနေ ရှစ်မျိုးတို့ ပါဝင် ပါသည်

 

တပ်မတော်ထဲကို မိန်းမလျာ ဝင်ခွင့်ပြုထားသော နိုင်ငံများ အကြောင်း ===========================================

အယ်လ်ဘေးနီးယား နိုင်ငံဆိုရင် မိန်းမလျာ၊ ယောက်ျားလျာတွေကို တပ်မတော်ထဲ တရားဝင် တာဝန်ထမ်းဆောင်ခွင့် ရှိပါတယ်။ အာဂျင်တီးနားမှာ ၂၀၀၉ ကစပြီး မိန်းမလျာတွေကို စစ်တပ်ထဲ ဝင်ခွင့်ပြုခဲ့တယ်။ တပ်မတော်ထဲကို မိန်းမလျာ၊ ယောက်ျားလျာတွေ ဝင်ရောက် အမှုထမ်းချင်ရင် သင်တန်းပေး လေ့ကျင့်စေပြီး လက်ခံလာခဲ့တယ်။ သြစတြေးလျမှာလည်း လိင်တူ ဆက်ဆံသူတွေကို ပွင့်ပွင့်လင်းလင်းကို တာဝန်ထမ်းဆောင်ခွင့် ပြုခဲ့ကြတယ်။ ၂၀၀၉ ဇန်နဝါရီ ၁ ရက်နေ့က စပြီး လိင်တူချင်း တွဲနေတဲ့သူတွေကလည်း ပင်စင်လစာကို လိင်ကွဲ တာဝန်ထမ်းဆောင်တဲ့သူတွေလိုပဲ ရရှိခဲ့ကြတယ်။ သြစတြီးယားကလည်း လိင်တူ ဆက်ဆံသူတွေကို တပ်မတော်ထဲ တရားဝင် ဝင်ခွင့်ပြုထားတယ်။ ဘဟားမားမှာရှိတဲ့ တော်ဝင်ဘဟားမား တပ်မတော်ဆိုတဲ့ အဖွဲ့က လိင်ကိစ္စနဲ့ ပတ်သက်တဲ့ ခံယူချက်အပေါ် နှိမ့်ချ ဆက်ဆံတာ၊ ခွဲခြား ဆက်ဆံတာတွေ မရှိဘူးလို့ ၁၉၉၈ မှာ တရားဝင် ပြောထားတယ်။ ဘယ်လ်ဂျီယံမှာလည်း လိင်တူ ဆက်ဆံသူတွေကို တပ်မတော်ထဲ တရားဝင် ဝင်ခွင့်ပြုထားတယ်။ ဒါပေမဲ့ မိန်းမလျာ၊ ယောက်ျားလျာတွေက သူတို့ အပြုအမူနဲ့ ပတ်သက်ပြီး ပြဿနာ မဖြစ်စေရဘူး၊ စည်းကမ်းဖောက်ဖျက်လို့ မရဘူး၊ စစ်စည်းကမ်းကို ဖောက်ဖျက်ရင်တော့ ပြင်းပြင်းထန်ထန် အရေးယူမယ်ဆိုတာမျိုး တင်းတင်းကျပ်ကျပ် ပြောထားတယ်။

ကနေဒါမှာရှိတဲ့ LGBT ပေါ်လစီကို ပြောရရင် ၁၉၉၂ ကတည်းက တပ်မတော်ထဲ ဝင်ခွင့်ရှိတယ်။ စစ်သား စုဆောင်းရေးနဲ့ ပတ်သက်လို့ မိန်းမလျာ၊ ယောက်ျားလျာတွေကို တရားဝင် ဝင်ခွင့်ပြုလိုက်တဲ့အခါမှာ ဂေးနဲ့ဆိုင်တဲ့ ပြစ်မှုတွေကလည်း နည်းသွားတာကို တွေ့ရတယ်။ တရုတ် (တိုင်ပေ) မှာလည်း ၂၀၀၂ ကစပြီး မိန်းမလျာရော ယောက်ျားလျာကိုပါ တပ်ထဲ တရားဝင် ဝင်ခွင့်ပြုခဲ့တယ်။ မိန်းမလျာပဲဖြစ်ဖြစ်၊ ယောက်ျားလျာပဲဖြစ်ဖြစ် အလုပ်ကောင်းကောင်း လုပ်ရင်၊ နိုင်ငံအတွက် တာဝန်ကျေတယ်ဆိုရင် ပြီးတာပဲဆိုပြီး ပြောခဲ့တယ်။ ကိုလံဘီယာမှာ ၁၉၉၉ ခုနှစ်ကစပြီး အခြေခံဥပဒေနဲ့ ပတ်သက်ပြီး ရေးဆွဲတဲ့ တရားရုံးက ဂေးတွေနဲ့ ပတ်သက်တဲ့ တာဝန်ထမ်းဆောင်ခွင့် တားထားတာကို ပယ်ဖျက်သင့်ပါတယ်လို့ ပြောခဲ့တယ်။ ခရိုအေးရှားကတော့ လိင်တူ ဆက်ဆံသူတွေ တပ်ထဲဝင်တာနဲ့ ပတ်သက်ပြီး ဘာဥပဒေမှ မရှိဘူး။ ချက်နိုင်ငံမှာ ယောက်ျားလျာရော မိန်းမလျာကိုပါ တရားဝင် ဝင်ခွင့်ပြုထားပါတယ်။ ဒိန်းမတ်မှာလည်း ယောက်ျားလျာရော မိန်းမလျာကိုပါ တပ်ထဲ ဝင်ခွင့်ပြုခဲ့တယ်။

၁၉၈၁ ခုနှစ်မှာ ယောက်ျားလျာရော မိန်းမလျာတွေကို နှိမ့်ချဆက်ဆံတာ၊ မတော်မတရား စော်ကားတာတွေ မလုပ်ရဘူး၊ လုပ်ရင် အရေးယူမယ်ဆိုပြီး ဥပဒေ ထုတ်ပြန်ခဲ့တယ်။ အက်စတိုးနီးယားနဲ့ ဖင်လန်နိုင်ငံမှာလည်း လိင်တူ ဆက်ဆံသူတွေကို တပ်ထဲ တရားဝင် ထမ်းဆောင်ခွင့် ရှိတယ်။ ဒါပေမဲ့ ဖင်လန်သူတို့ကို ဘီအဆင့်ပဲ ထမ်းဆောင်ခွင့်ပြုပြီး ရာထူးကြီးကြီးတွေတော့ မပေးဘူး။ ပြင်သစ်မှာလည်း လိင်တူဆက်ဆံသူတွေကို တပ်ထဲ တာဝန်ထမ်းဆောင်ခွင့် ပြုထားတယ်။ အရင်တုန်းကတော့ တပ်ရင်းမှူးတွေက စိတ်ကျန်းမာရေး ပါရဂူတွေဆီပို့ပြီး “တပ်မှာ အဆင်မပြေနိုင်ဘူး၊ ပြဿနာတွေ တက်လိမ့်မယ်” ဆိုကာ ထုတ်ပယ်ခိုင်းတာတွေ ရှိခဲ့တယ်။ ဂျာမနီမှာလည်း ဂေးတွေအပေါ် နှိမ်ချဆက်ဆံတာကို လက်မခံဘူး။ Working ကော်မတီဖွဲ့ပြီး မိန်းမလျာ၊ ယောက်ျားလျာတွေကို တပ်ထဲဝင်ခွင့်ပြုဖို့ ပြောခဲ့တယ်။ ဒါပေမဲ့ မိန်းမလျာ၊ ယောက်ျားလျာ စစ်သည်တွေက ၂၀၀၀ ပြည့်နှစ်အထိ အရာရှိတော့ ဖြစ်မလာခဲ့ဘူး။ ဂရိမှာ သမ္မတကိုယ်တိုင်က စိတ်ပိုင်းဆိုင်ရာ၊ လိင်ပိုင်းဆိုင်ရာ ပြဿနာတွေ ဆိုးဆိုးရွားရွား အကြီးအကျယ်ရှိတာ မဟုတ်ဘူး ဆိုရင်တော့ တပ်မတော်ထဲကို ဝင်ခွင့်ပြုခဲ့တယ်။ အိုင်ယာလန်က အိုင်းရစ်တပ်မတော်ဟာ တပ်သားသစ် စုဆောင်းရာမှာ တာဝန်ကျေဖို့က အဓိကပဲ၊ ယောက်ျားလျာပဲဖြစ်ဖြစ်၊ မိန်းမလျာပဲဖြစ်ဖြစ် အရေးမကြီးဘူးလို့ သဘောထားခဲ့ကြပြီး ပွင့်ပွင့်လင်းလင်း တရားဝင် ထမ်းဆောင်ခွင့်ပြုထားတယ်။

အစ္စရေးတပ်က ယောက်ျားလျာ၊ မိန်းမလျာတွေကို တပ်ထဲ တရားဝင် ဝင်ခွင့်ပြုထားတယ်။ အထူးတပ်ဖွဲ့တွေမှာတောင် တာဝန်ထမ်းဆောင်ခွင့် ပြုထားတယ်။ တာဝန်ကျေဖို့ အဓိက၊ စည်းကမ်း လိုက်နာဖို့ အဓိကဆိုပြီး သဘောထားခဲ့တယ်။ အီတလီ တပ်မတော်မှာ ယောက်ျားလျာ၊ မိန်းမလျာတွေကို တာဝန် မထမ်းဆောင်ရဘူးလို့ ငြင်းထားတာ မရှိပါဘူး။ အခြေခံဥပဒေမှာကို တာဝန်ထမ်းဆောင်ခွင့် ရှိတယ်လို့ ပါထားပါတယ်။ ဟိုးအရင်ကတော့ ဒီလို လိင်တူဆက်ဆံသူတွေကို စိတ်ပေါ့သွပ်နေတယ်ဆိုပြီး ထုတ်ပစ်ခဲ့တယ်။ ဂျပန်၊ လစ်သူရေးနီးယား (Lithua-nia)၊ မော်တာ(Malta) မှာ တရားဝင် ထမ်းဆောင်ခွင့် ပြုထားတယ်။ နယ်သာလန် တပ်မတော်မှာ ၁၉၇၄ လောက်ကတည်းက ဂေးတွေကို တပ်မတော်မှာ နှိမ့်ချ ဆက်ဆံတာကို တားမြစ်ခဲ့တယ်။ နယ်သာလန် တပ်မတော် အင်အားရဲ့ ၁၀ ရာခိုင်နှုန်းလောက်က လိင်တူ ဆက်ဆံသူတွေ ဖြစ်နေတာကို တွေ့ရတယ်။ နယ်သာလန်မှာ မိန်းမလျာတွေ၊ ယောက်ျားလျာတွေက ပိုပြီး ပွင့်ပွင့်လင်းလင်းနဲ့ တာဝန်ထမ်းဆောင်ခွင့် ရှိတာကို တွေ့ရတယ်။ နယူးဇီလန်မှာ ၁၉၉၃ လူ့အခွင့်အရေး ဥပဒေက လိင်တူဆက်ဆံသူတွေကို တပ်မတော်မှာ တာဝန်ထမ်းဆောင်ခွင့်ပြုခဲ့ပြီး နှိမ့်ချဆက်ဆံလို့ မရဘူး။ တာဝန်ကျေဖို့ အဓိကပဲလို့ ဆိုခဲ့တယ်။ နော်ဝေမှာလည်း ၁၉၇၃ ခုနှစ်ကတည်းက လိင်တူ ဆက်ဆံသူတွေကို တပ်မတော်မှာ တာဝန်ထမ်းဆောင်ခွင့် ပြုခဲ့တယ်။ သူတို့ကို နှုတ်နဲ့ရော၊ စာနဲ့ရော နှိမ်ချဆက်ဆံတာတွေ လုပ်လို့ မရဘူး။ လုပ်ရင် အပြစ်ပေးမယ်ဆိုပြီး ပြောခဲ့တယ်။

ပီရူးမှာလည်း လိင်ပိုင်းဆိုင်ရာ ခံယူချက်က အရေးမကြီးဘူး။ သူတို့ တာဝန်ကျေဖို့က အဓိကပဲ ဆိုပြီး ခွင့်ပြုခဲ့တယ်။ ဖိလစ်ပိုင်မှာ ၂၀၁၀ ကစပြီး မိန်းမလျာတွေ တာဝန်ထမ်းဆောင်ခွင့် မရှိဘူးဆိုတာကို ပယ်ဖျက်ခဲ့တယ်။ လိင်ခံယူချက် ဘယ်လိုပဲ ဖြစ်နေပါစေ၊ ရိုမေးနီးယား ပြည်သူမှန်ရင် တပ်မတော်ထဲမှာ တာဝန်ထမ်းဆောင်ခွင့် ရှိကိုရှိရမယ်ဆိုပြီး စစ်သား စုဆောင်းရေး ဥပဒေက ဆိုထားတယ်။ ရုရှမှာ ၁၉၉၃ မတိုင်ခင်က လိင်တူ ဆက်ဆံတာက စိတ်ရောဂါလို့ ဆိုခဲ့ပေမယ့် နောက်ပိုင်းမှာတော့ လိင်ခံယူချက် စံမမီဖြစ်တာနဲ့ တာဝန် ထမ်းဆောင်ခွင့် မပြုတာမျိုး မဖြစ်သင့်ဘူးလို့ ဆုံးဖြတ်ပြီး ၂၀၀၃ ဇူလိုင် ၁ ရက်နေ့ကစပြီး လိင်တူ ဆက်ဆံသူတွေက တပ်မတော်ထဲမှာ တာဝန်ထမ်းဆောင်ခွင့် ရှိသွားတယ်။ ဆားဗီးယား တပ်မတော်မှာ ၂၀၁၀ မေလမှာ လိင်တူ ဆက်ဆံသူတွေ တပ်ထဲဝင်ခွင့် ရှိတယ်လို့ ကြေညာလိုက်တယ်။ ဆလိုဗေးနီးယားကလည်း လိင်တူ ဆက်ဆံသူတွေကို တပ်မတော်ထဲ ဝင်ခွင့်ပြုထားတယ်။ တောင်အာဖရိကမှာလည်း လိင်တူ ဆက်ဆံသူတွေကို တပ်ထဲ တရားဝင် တာဝန်ထမ်းဆောင်ခွင့် ရှိတယ်။ ၁၉၉၈ ခုနှစ်မှာ တပ်သားသစ် စုဆောင်းတဲ့ နေရာမှာ သူတို့ရဲ့ လိင်ခံယူချက်ကို မမေးရဘူးလို့ သတ်မှတ်ခဲ့တယ်။ စပိန်မှာ ၂၀၀၉ ကစပြီး လိင်တူ ဆက်ဆံသူတွေကို တပ်ထဲ တာဝန်ထမ်းဆောင်ခွင့် ပြုခဲ့တယ်။ ဆွီဒင်မှာလည်း လိင်တူဆက်ဆံသူတွေကို တပ်ထဲ တာဝန်ထမ်းဆောင်ခွင့် ပြုပြီး ထုတ်ပစ်တာတွေ မရှိဘူး။

ဆွစ်ဇာလန်မှာလည်း လိင်တူ ဆက်ဆံသူတွေကို ထမ်းဆောင်ခွင့်ပြုထားတယ်။ ထိုင်းမှာ ယောက်ျားလျာ၊ မိန်းမလျာနဲ့ လိင်ပြောင်းလဲထားတဲ့သူတွေ အားလုံးကို ၂၀၀၅ ခုနှစ်ကတည်းက တာဝန်ထမ်းဆောင်ခွင့် ပြုထားတယ်။ ယူနိုက်တက်ကင်းဒမ်းမှာ ၁၉၉၉ နောက်ပိုင်းမှာတော့ ဂေးတွေကို တရားဝင် ထမ်းဆောင်ခွင့် ပြုခဲ့တယ်။ တပ်မတော်မှာ မိန်းမလျာရော ယောက်ျားလျာတွေပါ စစ်စည်းကမ်း လိုက်နာမှုနဲ့ တာဝန်ကျေမှုတွေ ရှိတာကြောင့် အလားအလာကောင်းတဲ့ တပ်မတော် သားကောင်းတွေ၊ အရာရှိကောင်းတွေ ဖြစ်လာမယ့် သူတွေဆိုပြီး စစ်သား စုဆောင်းနေကြပါတယ်။ အမေရိကန် စစ်တပ်မှာ ၂၀၁၁ ဇူလိုင် ၆ ရက်နေ့ကစပြီး တရားဝင် တာဝန်ထမ်းဆောင်ခွင့် ပြုလိုက်တယ်။ သမ္မတ အိုဘာမားလက်ထက်မှာ လိင်တူ ဆက်ဆံသူတွေကို တပ်မတော်ထဲ ထမ်းဆောင်ခွင့် ပြုမယ်ဆိုပြီး ဥပဒေမူကြမ်းကို ၂၀၁၀ ဒီဇင်ဘာမှာ လက်မှတ်ထိုးပေးခဲ့တယ်။ တပ်သားသစ် စုဆောင်းရာမှာ မိန်းမလျာ၊ ယောက်ျားလျာတွေကို ထည့်သွင်းခွင့် ပြုမယ်ဆိုပြီး အတည်ပြုခဲ့ပေမယ့် လိင်ပြောင်းလဲထားတဲ့ သူတွေတော့ မပါပါဘူး။ ဥရုဂွေးမှာ မိန်းမလျာ၊ ယောက်ျားလျာတွေကို ဝင်ခွင့် မပြုခဲ့ဘူး။

၂၀၀၉ နောက်ပိုင်းမှာတော့ လိင်ပိုင်းဆိုင်ရာ ခံယူချက်က အရေးမကြီးပါဘူး၊ စည်းကမ်းရှိဖို့၊ တာဝန်ကျေဖို့က အဓိကပါပဲလို့ အကြီးအကဲ တစ်ယောက်က ပြောခဲ့တယ်။ ကမ္ဘာပေါ်မှာ တပ်မတော်ထဲကို လိင်တူ စွဲလမ်းသူတွေကို ခွင့်မပြုတဲ့ နိုင်ငံတွေရော၊ ခွင့်ပြုတယ်လည်း မဟုတ်၊ ခွင့်မပြုဘူးလည်း မဟုတ်တဲ့ နိုင်ငံတွေလည်း ရှိနေပါတယ်။ ပန်းစင်တာ (Palm Centre) သုတေသနအရ မိန်းမလျာ၊ ယောက်ျားလျာတွေကို တပ်ထဲ တာဝန်ထမ်းဆောင်ခွင့် ပြုတာနဲ့ ပတ်သက်လို့ အောင်မြင်မှု နှစ်ချက်ကို အဓိက ပြောသွားတယ်။ လိင်ခံယူချက်ကို ဖျောက်ထားပြီး ယူနီဖောင်းကိုပဲ အာရုံစိုက်ပြီး စစ်သည်တော် ကျင့်ဝတ်ကို လိုက်နာမယ်ဆိုရင် အောင်မြင်မယ်။ နောက်တစ်ချက်က စစ်စည်းကမ်း လေ့ကျင့်ရေးနဲ့ ပတ်သက်ပြီး ကောင်းမွန်တယ်ဆိုရင်၊ လေ့ကျင့်တဲ့ နေရာမှာ ရာထူးအဆင့်ကို လိုက်ပြီး စံပြဖြစ်အောင် နေမယ်ဆိုရင် ကိုယ့်ရဲ့ အရည်အချင်းကို ကောင်းကောင်း အသုံးချနိုင်လိမ့်မယ်လို့ ပြောခဲ့ပါတယ်။

(မှတ်ချက်။      ။ ဖေ့ဘုတ်မှ တွေ့သောစာစု။)

ဆောင်းပါးများနဲ့ ၀တ္ထုများကိုဖတ်အပြီး ဖိုးသားစိတ် ရှင်းသွားလေသည်။

“အင်း ဖိုးချောပြောတာမမှားဘူး၊ ငါ စိတ်မမှန်တဲ့လူမဟုတ်ဘူး၊ ငါ့စိတ်ကအကောင်းကြီးပဲ၊ လောကမှ ငါလိုလူတွေ အများရှိတာပါလား”

အသိစိတ်ကြောင့် ဖိုးသား ပျော်ရွှင်လာမိသည်။

“ဒါနဲ့ ဖိုးချော သည်စာအုပ်တွေ ဘယ်ကရခဲ့တာပါလိမ့်၊ ဖိုးချော ဘယ်တုန်းက သူ့စိတ်အကြောင်း သိနေခဲ့တာပါလိမ့်။ ပြီးတော့ ဖိုးချောရဲ့ Role အမျိုးအစားက ဘာများပါလိမ့်၊ မေးလိုက်ရင် ကောင်းမလား၊ အို ရှက်စရာကိစ္စကြီးပါကွာ၊ သည်အတိုင်း မသိသလိုနေတာပဲ အေးပါတယ်လေ”

“အစ်ကိုကြီး လက်ဖက်ရည်ကျဆိမ့်နဲ့ ချိုဆိမ့်နှစ်ပွဲတဲ့”

“အေး အေး”

ဖိုးသား လက်သွက်နေသည်။ နှုတ်ခမ်းလေးက ပြုံးနေသည်။ ဘ၀က ပျော်စရာကြီးပါလားဆိုပြီး ခံစားရမိနေသည်။

တစ်ဆက်တည်းမှာပဲ တစ်နေ့က ဖိုးချောအမျိုးသားတစ်ယောက်နဲ့ ထွက်သွားသည့်မြင်ကွင်းကို မြင်ယောင်လိုက်မိတော့ ရင်ထဲ ၀မ်းနည်းသွားရပြန်သည်။

xxxxxxxxxxxxxxxxxxxxx

ညရောက်တော့လည်း ဖိုးချောအား ဖိုးသားမခေါ်မပြောပဲနေလိုက်သည်။ ဖိုးချော ရေချိုးခန်းထဲဝင်စဉ် ဖိုးချောဖုန်းကို ဖိုးသား မသိအောင် ယူကြည့်လိုက်သည်။ Gallery ကိုဖွင့်ပြီး ဓာတ်ပုံလေးများကို ရှာလိုက်သည်။ တွေ့လိုက်ပြီ။ ဖိုးချော အမျိုးသားတစ်ယောက်နဲ့ တွဲရိုက်ထားသည့်ပုံ။ ထိုအမျိုးသားသည် အခြားမဟုတ်။ ကိုနိုင်း။ အနုပညာလောကမှာ အောင်မြင်ကျော်ကြားနေသော ကိုနိုင်း။ အကယ်ဒမီဆုရရှိခဲ့ပြီးသော ကိုနိုင်း။ ကိုနိုင်းမှာ မိန်းကလေးချစ်သူရှိသည်ကို ဖိုးသားသိသည်။ ကိုနိုင်းကပဲ တစ်နိုင်ငံလုံးကို ကြေညာထားပြီးသားဖြစ်သည်။

ပြီး ဓာတ်ပုံများကို ဆက်ကြည့်လိုက်ပြန်သည်။ ဖိုးချောနှင့်ကိုနိုင်း ပါးချင်းထိကပ်မတတ် မြင်ကွင်းများ။ နှစ်ယောက်သား ကြည်နူးနေကြသည့်ပုံများ။

ဖိုးချောက ကိုနိုင်းကို ချစ်နေသတဲ့လား။ ကိုနိုင်းကလည်း ဖိုးချောကို ချစ်နေသတဲ့လား။ အို မဟုတ်တန်ရာ။ ကိုနိုင်းက Straight တစ်ယောက်။ ဖိုးချောကို ချစ်နိုင်မည်မဟုတ်။ ဖိုးချောကို ကိုနိုင်းက အပျော်သက်သက်များ တွဲနေသလား။ ဂေးတစ်ယောက်ဖြစ်သည့် ဖိုးချောဆီက အခွင့်အရေးတွေများ ယူနေလေသလား။ ဒါကို ဖိုးချော သိများသိရဲ့လား။

ထိုစဉ် ဖိုးချောရေချိုးခန်းထဲက ထွက်လာသဖြင့် ဖုန်းလေးကို အလျင်အမြန်ပိတ်ပြီး တစ်ဖက်သို့ လှည့်အိပ်လိုက်သည်။ ဖိုးချောကတော့ သတိမထားမိလိုက်။

အ၀တ်အစားများ ၀တ်လိုက်ပြီး ကုတင်ပေါ် လှဲချလိုက်ကာ ဖုန်းလေးကိုဖွင့်ပြီး ကိုနိုင်း၏ပုံများကိုကြည့်လိုက်မိသည်။ ကြည့်ပြီးရင်းလည်း ကြည်နူးမိသည်။ ကိုနိုင်းအား ဖိုးချောသိပ်ကိုစွဲလန်းမိသွားခဲ့ပေပြီ။

ဘေးဆီမှ ဖိုးသားစိတ်တွေကတော့ ယောက်ယက်ခတ်နေသည်။ ကိုနိုင်းနဲ့ ဖိုးချောတို့ရဲ့ ပတ်သက်မှုကို မေးလိုက်သင့်သလား။ ဖိုးချောက ဂေးလားဆိုပြီး မေးလိုက်သင့်သလား။ ဖိုးချောလက်ထဲမှာ ကာလာရိန်းဘိုးမဂ္ဂဇင်းက ဘာကြောင့် ရှိနေရတာလဲ၊ ဘယ်ကရတာလဲဆိုပြီး မေးလိုက်သင့်သလား။ 

“တီ တီ တီ..”

ဖုန်းမြည်သံကြောင့် ဖိုးသားအတွေးများ လွင့်စင်သွားရသည်။ ဖိုးချောအသံကို နားစွင့်လိုက်သည်။

“ကိုနိုင်းပါလား”

“အင်း ညီလေး”

ကိုနိုင်း၏အသံက ဖျော့တော့နေသည်။ ကိုနိုင်းအပေါ် ဖိုးချော စိုးရိမ်မိသွားသည်။

“ပြောလေအစ်ကို ဘာကိစ္စရှိလို့လဲ”

“ညီလေး ဘာလုပ်နေလဲဟင်”

“ အခုပဲရေချိုးပြီးလို့ အိပ်တော့မလို့”

“ညီလေးကို အနှောင့်အယှက်ပေးမိသလိုဖြစ်သွားပြီနော်၊ အားနာလိုက်တာ”

“ရပါတယ်အစ်ကိုရာ၊ ဘာကိစ္စကြောင့်ဆက်တာလဲဟင်”

“အင်း ပြောရမှာလား”

“ပြောလေ၊ တတ်နိုင်ရင် ညီကူညီပေးမှာပေါ့”

“အစ်ကိုအခုတလော အထီးကျန်သလို ခံစားရလို့ပါ”

“အစ်ကိုကလည်း လူတိုင်း မပျော်ရွှင်ဘူးဆိုရင်တောင် အတတ်နိုင်ဆုံးပျော်ရွှင်အောင် ကြိုးစားနေထိုင်ရတာမဟုတ်လား”

“အစ်ကို ညီ့ကိုတွေ့ချင်တယ်”

ကိုနိုင်း၏ မထင်မှတ်သောစကားကြောင့် ဖိုးချောကုတင်ပေါ် ထခုန်လိုက်မိသည်။

“ညီ့  ညီ့ကို တွေ့ချင်တယ် ဟုတ်လား”

“အင်း ဖြစ်နိုင်မယ်ဆိုရင် အစ်ကို့အိမ်လာခဲ့ပါလားဟင်”

“အိုး ရတာပေါ့၊ ညီအခုချက်ချင်းလာခဲ့မယ်၊ မကြာပါဘူး၊ ခဏလေးပါ”

ဖိုးချောဖုန်းကိုပိတ်ပြီး ဆိုင်ကယ်သော့ကိုယူကာ အပြင်ဘက်သို့ ချက်ချင်းပြေးထွက်သွားသည်။ 

ဖိုးချောလုပ်ပုံကြောင့် ဖိုးသားဆတ်ကနဲ့ ထလိုက်သည်။ တားချိန်ပင်မရလိုက်။ 

“ဖိုးချော”

ဖိုးချောကတော့ ဆိုင်ကယ်လေးနဲ့ ပြေးထွက်သွားပေပြီ။

“ကိုနိုင်းဆီ ပြေးသွားတယ်ပေါ့ ဟုတ်လားဖိုးချော၊ ငါ့ကိုတစ်ယောက်တည်းပစ်ပြီး ကိုနိုင်းရင်ခွင်ဆီ ပြေးသွားတယ်ပေါ့”

ဖိုးချော၏ ပစ်ပယ်မှုတွေကြောင့် ဖိုးသားဝမ်းနည်းကာ မျက်ရည်များက ကျလာရသည်။ အခန်းလေးထဲမှာ ဖိုးသားတစ်ယောက်တည်း ငြိမ်သက်စွာ ထိုင်နေသည်။

Xxxxxxxxxxxxxxxxxxxx

ဖိုးချော အမောတကောနဲ့ ကိုနိုင်းအခန်းထဲ ပြေးဝင်လိုက်တော့ အမှောင်ခန်းလေးထဲက စားပွဲတစ်ခုပေါ်မှာ ၀ိုင်ပုလင်းများ ပြင်ဆင်နေသည့် ကိုနိုင်းအား တွေ့လိုက်ရသည်။

“အိုး ညီလေးရောက်လာပြီကိုး၊ လာလေ ထိုင်၊ ညီလေးလာမယ်ဆိုလို့ အတူတူသောက်ရအောင်လို့ ပြင်ဆင်နေတာ”

အခန်းလေးက မည်းမှောင်နေသည်။ စားပွဲလေးပေါ်တွင် ဖယောင်းတိုင်လေးတစ်တိုင်သာ ထွန်းထားသည်။ အနီရောင်ဝိုင်ပုလင်း(၂)လုံး ဖန်ခွက်ရှည်ရှည်(၂)ခွက် ချထားသည်။

ထိုပြင်ဆင်မှုတွေကြောင့် ဖိုးချောရင်ထဲ ကြည်နူးချမ်းမြသွားရသည်။ ချစ်သူဖြစ်သည့်ကိုနိုင်းက ချစ်သူဖြစ်သည့်ဖိုးချောအတွက် ပရိုပို့စ်လုပ်ပေးသည့်အလား ခံစားလိုက်ရသည်။

ဖိုးချော တဒင်္ဂကြောင်နေမိသေးသည်။

“ထိုင်လေညီလေး၊ အစ်ကိုက ညီလာမယ်ဆိုလို့ အတူသောက်ဖို့ လုပ်ထားတာလေ၊ အပျင်းပြေစကားစမြည်ပြောရင်း သောက်ကြတာပေါ့”

ဖိုးချော အသာအယာ ထိုင်လိုက်သည်။ ကိုနိုင်းက ရွှန်းရွှန်းစားစားပြုံးပြရင်း ဖိုးချောရှေ့ ဖန်ခွက်တစ်ခွက်ချပေးကာ ၀ိုင်များကို ငှဲ့ပေးလိုက်သည်။

“ညီလေး ၀ိုင်သောက်ဖူးလား”

“သြော် အင်း မသောက်ဖူးဘူး”

“အိုး မသောက်ဖူးဘူးကိုး၊ ညီလေးက ငယ်သေးတာကိုး၊ အစ်ကိုက ညီ့ဘ၀လေးကို ဖျက်ဆီးသလိုဖြစ်နေလားဟင်”

“အာ မဖြစ်  မဖြစ်ပါဘူး”

“ဟဲ ဟဲ တကယ်တော့ ၀ိုင်သောက်တာ ကောင်းပါတယ်ကွာ၊ ၀ိုင်က နှလုံးကျန်းမားရေးကို အထောက်အကူပြုတယ်၊ အတင့်အသင့်သောက်ရင်ပေါ့ကွာ၊ အလွန်အကျွံသောက်ရင်တော့ ဆိုးကျိုးဖြစ်တာပေါ့”

“သြော် ဟုတ်ကဲ့”

ဖိုးချောလက်က ဘာလိုလိုနဲ့ တုန်ယင်နေသည်။ ၀ိုင်ခွက်အား ယူလိုက်ပြီး နှစ်ငုံမျှသောက်လိုက်သည်။ ပြင်းရှသော အရသာနဲ့ ချိုမြသော အရသာကို ခံစားလိုက်ရသည်။ ၀ိုင်အရသာအား ဖိုးချော စွဲမက်မိသွားသည်။ ကိုနိုင်းလည်း ၀ိုင်ခွက်အား ဖြည်းညင်းစွာ သောက်လိုက်သည်။

“တကယ်တော့ အစ်ကို့ဘ၀က အထီးကျန်ဖို့ကောင်းပါတယ်ကွာ၊ မိဘတွေနဲ့ခွဲပြီး တစ်ကိုယ်တည်း နေမိတာ မှားပြီထင်တာပဲ”

“အစ်ကိုက ဘာကြောင့် မိဘတွေနဲ့ ခွဲနေတာလဲ”

“သည်လိုပါပဲညီ၊ အစ်ကိုတစ်ယောက်တည်း အေးအေးဆေးဆေးနေချင်လို့ပေါ့၊ အစ်ကိုက ငယ်ငယ်ကတည်းက အလိုလိုနေရင်း အထီးကျန်သလိုလိုခံစားရတာမို့ အသက်ကြီးတော့လည်း တစ်ကိုယ်တည်းပဲ အထီးကျန်ကျန်နေချင်တော့တယ်လေ”

“သြော်”

“ညီလေးအကြောင်းလည်း အစ်ကိုဘာမှ မမေးမိသေးပါလား၊ ညီလေး မိဘတွေကကော”

“ညီက မိဘမဲ့ပါအစ်ကိုပါ၊ ဂေဟာက သူငယ်ချင်းနဲ့ အတူတူနေပါတယ်”

“ဘယ် ဘယ်လို ညီလေးက မိ မိဘမဲ့ ဟုတ် ဟုတ်လား”

ကိုနိုင်းက အံ့သြသောလေသံနဲ့ မေးလိုက်သည်။ ချက်ချင်း ဖိုးချောအပေါ်သို့ သနားသော အမူအယာများပြောင်းလဲသွားသည်။

“ဟုတ်ပါတယ်အစ်ကို၊ ညီ့ကိုမွေးတဲ့နေ့မှာပဲ မိဘတွေက စွန့်ပစ်ခဲ့တာလို့ ဂေဟာမှူးကပြောဖူးတယ်”

“ဖြစ်မှဖြစ်ရလေညီရယ်၊ စိတ်မကောင်းစရာ”

ဖိုးချောက ပြုံးပြလိုက်သည်။

“ဒါပေမဲ့ ညီအထီးမကျန်ခဲ့ပါဘူး၊ တစ်ခါတလေ မိဘတွေကို တွေ့ချင်တာကလွဲလို့ ဂေဟာက သူငယ်ချင်းတွေနဲ့ ပျော်ရွှင်ခဲ့ရပါတယ်၊ သူငယ်ချင်းတွေလည်း အများကြီးရတယ်၊ အခုလည်း ညီ့အပေါ်မှာ အရမ်းကောင်းတဲ့ သူငယ်ချင်းနဲ့ နေတယ်လေ၊ ညီဆုရဖို့အတွက် ၊ သည်အခြေအနေထိရောက်ဖို့အတွက် သူငယ်ချင်းက အများကြီးကူညီခဲ့တယ်”

“ညီလေးရယ် စိတ်မကောင်းလိုက်တာ”

“မိဘတွေရှိရဲ့နဲ့ အထီးကျန်နေတဲ့အစ်ကို့အဖြစ်ကမှ စိတ်မကောင်းစရာပါ”

“သြော် ဟဲ ဟဲ၊ ဒါကလည်း ကိုယ့်အဖြစ်နဲ့ ကိုယ်ပဲပေါ့ကွာ”

ကိုနိုင်းက ရယ်လိုက်ပြီး

“ဒါက ဆတ်သားခြောက်လေ၊ စားလိုက်ဦး”

ဆတ်သားဖတ်ကို ကျွေးလိုက်သည်။

ဖိုးချောလည်း နောက်ထပ် ၀ိုင်များကိုသောက်လိုက်တော့ မသောက်ဖူးသူမို့ မူးဝေလာသလိုဖြစ်လာသည်။

“ညီလေး”

ကိုနိုင်းက ခေါ်လိုက်တော့

“ပြောလေအစ်ကို”

လို့ ပြန်ပြောလိုက်သည်။ သို့သော် ကိုနိုင်း၏စကားက ထစ်သွားဟန်ရှိသည်။ မပြောထွက်ခဲ့။ ၀ိုင်များကို ဆက်သောက်နေသည်။ ကိုနိုင်းက ဖိုးချောအား စူးရဲစွာ ကြည့်နေသည်ကို ဖိုးချော မူးဝေသလိုနဲ့ သတိထားလိုက်မိသည်။ ကိုနိုင်းက ဖိုးချောအနားလာထိုင်ပြီး ဖိုးချောအား စိုက်ကြည့်လိုက်သည်။ ကိုနိုင်းအကြည့်ကြောင့် ဖိုးချော အနေခက်ရသည်။ 

အို ကိုနိုင်းက ဖိုးချောလက်လေးအား ဆုပ်ကိုင်လိုက်တာပါလား..။

“ညီလေးလက်လေးက နူးညံ့နေတာပဲနော်”

“သြော်…”

“ညီလေးကို အစ်ကိုပြောချင်တာလေး ပြောလို့ရမလားဟင်”

“ဘာများလဲအစ်ကို”

“အစ်ကိုကြောက်တယ်ညီလေး၊ အစ်ကိုပြောလိုက်ရင် ညီလေးက အစ်ကို့ကို မုန်းသွားမှာ ကြောက်တယ်”

“ဘာများလဲဟင်”

ကိုနိုင်းက ၀ိုင်အား တစ်ငုံလောက် သောက်လိုက်ပြီး အားတင်လိုက်သည်။ ရီဝေနေသော မျက်ဝန်းများနဲ့ ကိုနိုင်း၏ လက်ဖ၀ါးလေးက တဖြည်းဖြည်းနဲ့ ဖိုးချော၏ ပါးလေးအား ထိကိုင်လိုက်သည်။ ဖိုးချော မရုန်းဖယ်ပဲ ငြိမ်သက်နေမိသည်။

“ညီလေးရယ်…”

“အ အစ်ကို”

“ညီလေးကို ချစ်တယ်”

မထင်မှတ်သော ကိုနိုင်း၏စကားကြောင့် ဖိုးချော အံ့သြကာ အိပ်မက်မက်နေသလားပင် ထင်လိုက်မိသည်။

“ဗျ ဗျာ ဗျာ..”

“အစ်ကိုသိတယ်၊ ညီလေးလည်း အစ်ကို့ကို ချစ်နေတယ်ဆိုတာ”

ဖိုးချော ရှက်ရွှံ့ သွားရသည်။ ကိုနိုင်းက ဘယ်တုန်းကများ ရိပ်မိနေခဲ့ပါလိမ့်။

“ညီလေးကို အစ်ကို စတွေ့တဲ့နေ့က ညီလေးမျက်လုံးတွေကို အစ်ကို သတိထားမိခဲ့တယ်ညီ”

“ဟင် ဟင်”

“အစ်ကိုလည်း ညီဆုရတဲ့သတင်းကြားတုန်းက သတင်းထဲမှာတွေ့တဲ့ ညီ့ကို စိတ်ဝင်စားနေခဲ့မိတယ်”

ဖိုးချော ငြိမ်သက်နေသည်။

“မမျှော်လင့်ပဲ ဒါရိုက်တာဦးမင်းသိုင်းက ညီလေးနဲ့ တွဲဖက်သရုပ်ဆောင်ရမယ်ပြောတော့ အစ်ကိုအားကြီးဝမ်းသာသွားခဲ့မိတယ်သိလား”

“အ အစ်ကိုက ဂေး ဂေးလားဟင် ဟင်”

“အစ်ကို Straight ဆိုရင် သည်စကားတွေကို ညီလေးကိုပြောပါ့မလား”

“အစ်ကို”

ဖိုးချော ကိုနိုင်းအား ပြုံးပြလိုက်သည်။ ကိုနိုင်းကလည်း ပြန်လည်ပြုံးပြလိုက်သည်။

“ညီလည်း အစ်ကို့ကို ချစ်ပါတယ်”

“ဟုတ်လား ဘယ်တုန်းကလဲ”

“ပြောရင် ယုံမလားအစ်ကို”

“ပြောကြည့်လေ”

“အဲ့သည်တုန်းက ညီ့အသက်က (၁၂)နှစ်ပဲ ရှိသေးတာလေ၊ ဗီနိုင်းတစ်ခုမှာ အစ်ကို့ကြောငြာကို မြင်တော့ ဟောသည်မှဲ့လေးပါတဲ့အစ်ကို့ကို မြင်မြင်ချင်းစွဲလန်းမိသွားခဲ့တာပါ”

ဖိုးချောက ကိုနိုင်း၏ အပေါ်နှုတ်ခမ်းအပေါ်နားက မှဲ့လေးကို ထောက်ပြလိုက်သည်။

“ဟုတ်လား”

“အစ်ကို့ကို ချစ်မိတဲ့စိတ်နဲ့ပဲ ညီ သရုပ်ဆောင်အလုပ်ကို ၀ါသနာပါသွားခဲ့တယ်ထင်တာပဲ၊ တစ်နေ့ အစ်ကိုနဲ့ တွေ့ဖြစ်အောင်တွေ့မယ်လို့ ညီကြိမ်းဝါးခဲ့ဖူးတယ်”

“တကယ်”

“တကယ်ပေါ့၊ ညီ သည်အခြေအနေထိ ရောက်လာခဲ့တာက အစ်ကိုက ညီ့ကို ၀ါသနာတွေ အစပျိုးခဲ့လို့လေ”

“ညီရယ်”

“ဒါ့ကြောင့် အစ်ကို့ကို ညီကျေးဇူးတင်ပါတယ်”

ကိုနိုင်းက ပြုံးနေသည်။

“ပြီးတော့ ညီ့ကို ချစ်ပေးလို့ ကျေးဇူးလည်း တင်မိပါတယ်အစ်ကို”

ကိုနိုင်းက ရီဝေစွာ ကြည့်လိုက်သည်။ ဖိုးချော၏ ပါးနှစ်ဖက်အား လက်နှစ်ဖက်နဲ့ ညင်သာစွာ ကိုင်လိုက်သည်။ ပြီး ဖိုးချော၏ နှုတ်ခမ်းလေးအား ရွှတ်ကနဲ့ စုပ်နမ်းလိုက်သည်။

“ညီ”

“ဟင်”

“ချစ်တယ်”

“အား”

ကိုနိုင်း၏ အနမ်းများက ကြမ်းတမ်းလာသည်။ ဖိုးချော၏ ဆံပင်များကို ဖွပြီး လည်တိုင်လေးအား ကြမ်းတမ်းစွာ နမ်းသည်။ အင်္ကျီ ကြယ်သီးလေးများကို ဖြုတ်ချလိုက်သည်။

“အား…”

“ပြွတ်စ်”

“ပြွတ်စ် ပြွတ်စ်”

ဖယောင်းမီးလေး လွင့်သေသွားလေသည်။

Xxxxxxxxxxxxxxxxx

စောသေးသောနံနက်ခင်းတွင် ဖိုးချော အိမ်ပြန်ရောက်လာသည်။ အိမ်အတွင်းရောက်တော့ ဆိုဖာကုတင်ပေါ်တွင် ငုတ်တုတ်ထိုင်နေသည့် ဖိုးသားအား တွေ့လိုက်ရသဖြင့် ဖိုးချော လန့်သွားသည်။ ထိုဆိုဖာကုတင်ပေါ်တွင် ဖိုးသား တစ်ညလုံး ထိုင်နေခဲ့ဟန်ရှိသည်။

“ဟင် မင်း ဘာလုပ်နေတာလဲ”

ဖိုးချောမေးတော့ ဖိုးသား ခေါင်းမော့လိုက်သည်။ ဖိုးသားမျက်နှာက ဒေါသထွက်ဟန် တင်းမာနေသည်။

“ဘာလုပ်နေတာလဲလို့ငါက မေးရမှာ၊ မင်း မနေ့က ဘယ်သူနဲ့သွားအိပ်နေတာလဲ၊ ဟင် ဘယ်သူနဲ့သွားအိပ်နေလို့ ငါ့ကို သတိရဖော်တောင်မရတာလဲ”

“ဟို အဲ့ဒါက ဟို ဟိုလေ.”

“မင်း အကျင့်မကောင်းဘူးဖိုးချော၊ မင့်ကိုချစ်နေမိတဲ့ငါ့ကို ဘယ်လောက်ပဲ မုန်းတယ်ဆိုဆို ငါ့ကို ဘာတစ်ခွန်းမှမပြောပဲနဲ့တော့ ထွက်မသွားသင့်ဘူး၊ မင်းက ဘာမှမပြောပဲ ထွက်သွားတော့ စိတ်ပူနေမဲ့ငါ့အဖြစ်ကိုတော့ ထည့်မတွေးဘူးလား၊ ငါ မနေ့ညက မင်းကို ဘယ်လောက်စိတ်ပူနေလဲဆိုတာသိရဲ့လား”

“အဲ့ အဲ့တော့ မင်း သည်မှာ တစ်ညလုံးထိုင်နေတယ်ဆိုတဲ့ အဓိပါယ်ပေါ့”

“မင်း အကျင့်မကောင်းဘူး၊ ငါ့ကိုပြန်မချစ်နိုင်လို့ ပစ်ပယ်ထားတယ်ဆိုရင်လည်း ထားပါတော့၊ ငယ်ငယ်ကတည်းက ခင်လာခဲ့တဲ့ သူငယ်ချင်းသံယောဇဉ်ကိုမှ မထောက်ဘူး၊ မင်းကို မုန်းတယ်ဖိုးချော၊ ငါ မင်းကို မုန်းတယ်”

ဖိုးသား စိတ်ဆိုးမာန်ဆိုးနဲ့ ထွက်သွားလိုက်သည်။

“ငါ ငါတောင်းပန်ပါတယ်ဖိုးသားရာ၊ အဲ့လိုသဘောနဲ့မဟုတ်ပါဘူး၊ ငါ တကယ်တောင်းပန်ပါတယ်”

ဖိုးချောတောင်းပန်နေသော်လည်း ဖိုးသားက စက်ဘီးလေးကိုထုတ်ကာ ဆိုင်သွားဟန်ပြင်နေသည်။

“ငါ လိုက်ပို့ပေးပါ့မယ်”

“မလိုဘူး၊ မင်းလို အကြင်နာတရားကင်းမဲ့တဲ့ကောင်ရဲ့ ဆိုင်ကယ်နောက် လုံးဝမလိုက်တော့ဘူး”

“ဖိုးသား”

ဖိုးချောခေါ်သော်လည်း ဖိုးသားကတော့ဖြင့် စက်ဘီးလေးကို နှင်ကာ ထွက်သွားပေပြီ။ ဖိုးချော နောင်တနှင့်အတူ စိတ်မကောင်းဖြစ်လျှက် ကျန်ခဲ့သည်။

Xxxxxxxxxxxxxxxxxxxxxxxxxxxxxxx

တီ တီ တီ တီ….

တံခါးခေါက်သံကြားသဖြင့် ဒေါ်ခင်ဘုတ်က လာဖွင့်သည်။ တံခါးပွင့်ပွင့်ချင်း မြင်လိုက်ရသည့်သူကြောင့် ဒေါ်ခင်ဘုတ် အလွန်အံ့သြသွားရသည်။

“အို ဒါ ဒါ ဘယ်သူများလဲ၊ ကိုစိန်မြတ်မဟုတ်လား”

တစ်ဖက်မှလူကလည်း ဒေါ်ခင်ဘုတ်အား အစွမ်းကုန်ပြုံးပြလိုက်သည်။ ကိုစိန်မြတ်က ကိုမင်းသိုင်း၏ ငယ်ပါင်းကြီးဖက် သူငယ်ချင်းအရင်းခေါက်ခေါက်ကြီးဖြစ်သည်။

“ဟုတ်တာပေါ့မခင်ဘုတ်၊ ငါ့ကို မှတ်မိသေးတယ်နော်”

“အို ဘယ်မမှတ်မိစရာအကြောင်းရှိရမှာလဲ၊ ဘယ်တုန်းက ပြန်ရောက်တာလဲ၊ လာ လာအထဲဝင်ခဲ့၊ ယောက်ျားရေ ကိုမင်းသိုင်း၊ ရှင့်ဘော်ဒါကြီးလာတယ်တော့်”

ကိုမင်းသိုင်းလည်း ရောက်လာသည်။

“ဟာ ဘယ် ဘယ်သူရောက်လာတယ်”

ကိုမင်းသိုင်းက ကိုစိန်မြတ်အား မြင်တော့ ၀မ်းသာသွားသည်။

“ဘော်ဒါကြီး နေကောင်းတယ်နော်”

ကိုစိန်မြတ်က ကိုမင်းသိုင်းကို မြင်မြင်ချင်း ရယ်ကာမောကာ ၀မ်းသာအားရ ပွေ့ဖက်လိုက်သည်။

“ငါ မင်းကို အရမ်းသတိရနေတာ စိန်မြတ်ရ”

“ဟုတ်မှလည်းပြောနော်၊ တစ်လမှာ ဖုန်းလေးတစ်ချက်တောင် မဆက်တဲ့ကောင်က”

“ငါလည်း အလုပ်တွေ မအားတာနဲ့ မဆက်ဖြစ်တာပါကွာ၊ သတိရတာကတော့ အရမ်းပဲ၊ လာ လာထိုင်”

ကိုစိန်မြတ်က ထိုင်လိုက်သည်။ ဒေါ်ခင်ဘုတ်က တစ်ခုခုကျွေးမွေးရန် မီးဖိုချောင်ထဲ ၀င်သွားသည်။

“မင်းကို သိပ်ကို အဆင်ပြေနေသလိုပါပဲလားကွစိန်မြတ်၊ ရုရှားမှာ တော်တော်အဆင်ပြေတယ်မှတ်လား၊ သားတွေ မယားတွေရော နေကောင်းရဲ့လား”

“ကောင်းတာပေါ့၊ ငါ့သားအကြီးကောင်တောင် ဆယ်တန်းရောက်နေပြီ”

“ဟား ဟုတ်လား၊ ငါ့သားကတော့ မင်းသားလုပ်နေလို့ ကျောင်းကို ဆက်မတက်ချင်ဘူးတဲ့ကွာ၊ သည်ကောင်က နည်းနည်းလေးမှ မလိမ္မာဘူး၊ ကျောင်းပျင်းတယ်၊ သည်ကောင့်ကို မင်းသားမြှောက်မိတာ မှားပြီကွာ”

“ဟုတ်လား၊ ဒါနဲ့ အကြီးကောင်ကကော ဘယ်မှာလဲဟင်”

“ဟင် ”

ကိုစိန်မြတ်၏ မထင်မှတ်သော မေးခွန်းကြောင့် ကိုမင်းသိုင်း၏ မျက်နှာကြီး သေသွားသည်။

“မင်း စွန့်ပစ်လိုက်တဲ့အကြီးကောင်လေ၊ အဲ့ကောင်ကို မင်း ပြန်ခေါ်ပြီးပြီလား”

ကိုစိန်မြတ်က ဆက်ပြောလာသဖြင့် ကိုမင်းသိုင်း မျက်နှာကို ဘယ်သို့ ထားရမည်မသိဖြစ်သွားရသည်။

“တိုးတိုး ပြောပါ၊ ငါ့မိန်းမကြားသွားလိမ့်မယ်”

“မဟုတ်မှလွဲရော့ မင်း အကြီးကောင်လေးကို ပြန်မခေါ်သေးတာတော့ မဟုတ်ပါဘူးနော်”

ကိုစိန်မြတ်ကလည်း ရှေ့ သို့ တိုးကာ တိုးတိုးလေးပြောလိုက်သည်။ ကိုမင်းသိုင်း သက်ပြင်းကို ချလိုက်သည်။

“ငါ ငါ အဆင်သင့်မဖြစ်သေးဘူးစိန်မြတ်”

“ဟာကွာ၊ စိတ်မကောင်းလိုက်တာ၊ အကြီးကောင်လေးကို သနားလွန်းလို့ ဘယ်လိုလုပ်ရမလဲ၊ မင်းရဲ့ အဆင်သင့်ဆိုတာကြီးက ဘယ်တော့လဲ”

“အ အကယ်ဒမီပေါ့ကွာ၊ ငါ အကယ်ဒမီရမှ သားကို ပြန်ခေါ်မယ်လို့ စဉ်းစားထားတာ၊ ငါ အကယ်ဒမီရခဲ့ရင် အဲ့သည်အကယ်ဒမီကို သားကို ပေးဖို့ ဆုံးဖြတ်ထားတယ်၊ အဲ့သည်လက်ဆောင်လေးပေးလိုက်ရင် သားအပေါ် လုပ်ခဲ့တဲ့ ငါ့ရဲ့အပြစ်တွေကို သားက ကျေပေးမယ်လို့ မျှော်လင့်ရတယ်”

“မင်း အကယ်ဒမီဆိုတာကြီးက ဘယ်တော့လဲ၊ အကယ်ဒမီဆိုတာ လိုချင်တိုင်းရတာမဟုတ်ဘူး၊ အကြီးကောင်ကို အရင်ခေါ်ပြီးမှ အကယ်ဒမီရအောင်ကြိုးစားစမ်းပါ”

“မဖြစ်သေးပါဘူးကွာ”

“မိဘတွေရှိလျှက်နဲ့ တစ်ကိုယ်တည်း နေရတဲ့ အကြီးကောင်လေးရဲ့ဘ၀ကို စာနာကြည့်စမ်းပါမင်းသိုင်းရ၊ ဘယ်လောက်များ သနားစရာကောင်းလိုက်သလဲ”

ထိုစဉ် ဒေါ်ခင်ဘုတ်က အအေးခွက်များနဲ့ရောက်လာသည်။ ကိုမင်းသိုင်းက ဒေါ်ခင်ဘုတ်ရောက်လာကြောင်း မျက်ရိပ်ပြလိုက်သဖြင့် ကိုစိန်မြတ်က စကားစကို ရပ်လိုကသည်။

“မိဖြူတို့ကော နေကောင်းရဲ့လားကိုစိန်မြတ်”

“ကောင်းတာပေါ့ခင်ဘုတ်ရ”

“ကိုစိန်မြတ်က အလည်သက်သက်လာတာလားဟင်”

“ဟုတ်တယ်ခင်ဘုတ်”

“မိဖြူတို့ကော မပါဘူးလားဟင်”

“မပါဘူးကွဲ့၊ ကလေးတွေထိန်းနေရတာနဲ့၊ မအားဘူး”

“အို ဟုတ်လား၊ မိဖြူကိုလွမ်းလို့ သေတော့မယ်တော်၊ ကျုပ်က အရမ်းသတိရနေကြောင်းပြောလိုက်ဦး”

“ဟုတ်ကဲ့၊ မိဖြူကလည်း သတိရကြောင်း အပြောခိုင်းလိုက်တယ်ကွဲ့”

“ကိုစိန်မြတ်ရောက်လာတော့ ငယ်ငယ်ကအကြောင်းတွေကို သတိရမိတယ်ကွယ်”

“သတိရရမှာပေါ့၊ တကယ့်သူငယ်ချင်း အရင်းခေါက်ခေါက်ကြီးတွေကို”

“အေးပေါ့တော်၊ ဒါနဲ့ကိုစိန်မြတ်၊ နေ့လယ်စာစားပြီးမှပြန်နော်၊ ကျုပ်ဈေးသွားလိုက်ဦးမယ်”

“သြော် မပြောတတ်သေးဘူးခင်ဘုတ်၊ ဆွေမျိုးတွေဆီ ၀င်ရဦးမလားလို့”

“ဆွေမျိုးတွေဆီ နောက်မှဝင်စမ်းပါတော်၊ နေ့လယ်စာကိုတော့ စားဖြစ်အောင်စားသွား၊ ဟုတ်ပလား”

“ခင်ဘုတ်က သည်လောက်စေတနာကောင်းနေမှတော့ စားရတာပေါ့၊ ကျွန်တော်လည်း ခင်ဘုတ်လက်ရာကို လွမ်းနေတာနဲ့အတော်ပဲလေ”

ဒေါ်ခင်ဘုတ်က ပြုံးလိုက်ပြီး ထသွားသည်။ ဒေါ်ခင်ဘုတ် ထသွားတော့ ကိုမင်းသိုင်းက တိုးတိုးလေးပြောလိုက်သည်။

“ငါ့မိန်းမကို လုံးဝပြောလို့မဖြစ်ဘူးနော်စိန်မြတ်”

“အေးပါ၊ မင်းကို အချိန်သိပ်မဆွဲစေချင်ဘူး၊ မင်း အချိန်တွေ အရမ်းဆွဲနေရင် ငါပဲသွားရှာရလိမ့်မယ်”

“နည်းနည်းစောင့်ပါ၊ အခု အကယ်ဒမီချိတ်မဲ့ကားရိုက်နေပါတယ်၊ အဲ့သည်ကားမှာ အကယ်ဒမီရရမရရ ငါ သားကို ရှာပါ့မယ်ကွာ”

“ကတိနော်”

“အေးပါ၊ မင်း ဘယ်တော့လောက်ပြန်မှာလဲ”

“သိပ်အကြာကြီးမနေဘူး၊ အလုပ်တွေကလည်း ရှိသေးတယ်”

“အေးပေါ့ကွာ”

xxxxxxxxxxxxxxxxxxxxxxxx

ထိုညက ဦးမင်းသိုင်း ကုတင်ထက် ဟိုသည်လူးလှိမ့်ရင်း အိပ်လို့ မပျော်နိုင်ဖြစ်နေရသည်။ အတွေးထဲ အတိတ်ကအကြောင်းတွေက မျက်ဝါးထင်ထင် ပေါ်လွင်လာသည်။

ထိုစဉ်အချိန်တုန်းက ဦးမင်းသိုင်းသည် အသက်(၃၀)အရွယ်သာရှိသေးသည်။ မင်းသားဖြစ်ချင်သည့် ဦးမင်းသိုင်း မင်းသားဖြစ်ခွင့်မရပဲ ဇာတ်ပို့အဖြစ်သာ သရုပ်ဆောင်ခဲ့ရသည်။ ထိုသို့သရုပ်ဆောင်ရင်း ရိုက်ကွင်းမှာ ထမင်းချက်ရသည့် မခင်ဘုတ်နဲ့ ရည်ငံပြီး လက်ထပ်ခဲ့သည်။ ဇာတ်ပို့ဘ၀နဲ့ မစို့မပို့ သရုပ်ဆောင်ခလေးနဲ့ ဦးမင်းသိုင်းမရောင့်ရဲခဲ့ပေ။ ဦးမင်းသိုင်းလို မရောင့်ရဲတဲ့ဘ၀မှာ ကိုစိန်မြတ်လည်း ပါလေသည်။ ကိုစိန်မြတ်သည်လည်း ဇာတ်ပို့အဖြစ်သာ သရုပ်ဆောင်ရပြီး ဦးမင်းသိုင်းနဲ့ အလွန်ရင်းနှီးခဲ့သည်။

မစို့မပို့သရုပ်ဆောင်ကြေးလေးနဲ့ ဦးမင်းသိုင်းဘ၀က မပြေလည်ခဲ့ပေ။ ကံဆိုးချင်တော့ မခင်ဘုတ်မှာလည်း ကိုယ်ဝန်ကြီးနဲ့ ဖြစ်နေခဲ့သည်။ ဇာတ်ပို့သရုပ်ဆောင်ဘ၀သည် အောက်တန်းကျသည်ဟု ဦးမင်းသိုင်း ထင်မြင်ခံစားမိပြီး သည့်ထက်ကောင်းသည့် ဘ၀ရောက်အောင် ကြိုးစားမည်ဟု ဦးမင်းသိုင်းကြိမ်းဝါးလိုက်သည်။ သည့်ကြောင့် ဇာတ်ပို့သရုပ်ဆောင်ဘ၀ကနေ အောင်မြင်သော ဒါရိုက်တာတစ်ယောက်ဖြစ်ရန် ဆုံးဖြတ်လိုက်သည်။ သရုပ်ဆောင်အလုပ်ကို ခေတ္တစွန့်လွှတ်ပြီး ဒါရိုက်တာသင်တန်းတက်ရန် ဆုံးဖြတ်လိုက်ပြန်သည်။ ငွေကြေးမချောင်လည်သည့်ကြားထဲ မခင်ဘုတ်က အမြွှာသားလေးနှစ်ယောက်ကို မွေးတော့ ဦးမင်းသိုင်း မကြံစည်သင့်သည်ကို ကြံစည်မိခဲ့သည်။ 

မခင်ဘုတ် မီးဖွားစဉ်က သူငယ်ချင်း ကိုစိန်မြတ်လည်း ရှိနေသည်ကြောင့် ကလေးများကို စွန့်ပစ်ရန်    ကိုစိန်မြတ်နဲ့ တိုင်ပင်ခဲ့သည်။ ကိုစိန်မြတ်က ထိုသို့ မပြုလုပ်သင့်ကြောင်းပြောသော်လည်း ဦးမင်းသိုင်းက ကလေးများကို ဘယ်လိုမှ မကျွေးမွေးနိုင်မှာမဟုတ်ဘူးဟု အကြောက်အကန်ငြင်းသည်။ ကိုစိန်မြတ်လည်း တားမရသည့်အဆုံး တစ်ယောက်ကိုသာ စွန့်ပစ်ရန် ပြောလိုက်သည်။ ဦးမင်းသိုင်းက အငယ်လေးအား စွန့်ပစ်မယ်လုပ်တော့ ကိုစိန်မြတ်က အငယ်လေးက အငယ်လေးမို့ သနားစရာကောင်းကြောင်း အကြီးကောင်ကိုသာ စွန့်ပစ်သင့်ကြောင်းပြောပြီး သဘောတူကာ “ပြည့်စုံမေတ္တာဂေဟာ” သို့ တိတ်တဆိတ်သွားရောက်စွန့်ပစ်ခဲ့သည်။ မခင်ဘုတ်ကတော့ မီးဖွားပြီး မေ့မြောနေခဲ့သဖြင့် အမြွှာသားလေးမွေးမှန်း မသိခဲ့ပေ။

ထိုစဉ်က ညအချိန်ဖြစ်သဖြင့် တိတ်ဆိတ်ကာ မှောင်မည်းနေလေသည်။ မွေးကင်းစ အကြီးကောင်လေးအား ထွေးပွေ့ပြီး ဂေဟာဆီသို့ ကိုစိန်မြတ်နဲ့ လှမ်းခဲ့သည်။ သစ်ပင်အောက်ရောက်တော့ ဦးမင်းသိုင်းက လက်မှ လက်စွက်လေးအား ချွတ်ပြီး လုံချည်ထိပ်စအား ဆုပ်ဖြဲကာ လက်စွပ်လေးအား လည်ဆွဲသဖွယ်လုပ်လိုက်ပြီး သားလေး၏ လည်တိုင်မှာ ဆွဲချိတ်လိုက်သည်။ သား၏ ရင်ခွင်တွင် စာလေးတစ်စောင်လည်း ထည့်ထားလိုက်သည်။ တကယ်တမ်း သားကို စွန့်ပစ်လိုက်ရမယ်ဆိုတာသိတော့ ဦးမင်းသိုင်း ၀မ်းနည်းကာ မျက်ရည်ကျမိသည်။

မိုးမလင်းခင်မှာပင် ကလေး၏ ငိုသံကြောင့် ဂေဟာမှ လူများက ကလေးလေးအား တွေ့ရှိသွားကြသည်။ ကလေး၏ ရင်ခွင်မှာ စာလေးကိုလည်း တွေ့လိုက်ကြသည်။ ကလေးလေးအား နွေးထွေးစွာ ထွေးပွေ့ရင်း စာလေးကို ဖတ်လိုက်သည်။

“ပြည့်စုံမေတ္တာ မိဘမဲ့ဂေဟာမှ တာဝန်ရှိသူများခင်ဗျား ကျွန်တော့်ဘ၀အဆင်မပြေလို့ သားလေးကို ခဏလောက်တော့ အပ်ထားခဲ့ပါရစေ၊ ကျွန်တော်ဘယ်သူဘယ်ဝါဆိုတာ  ပြောပြလို့မဖြစ်တာမို့ သည်စာလေးကို ချန်ထားခဲ့ရခြင်းပါ၊ ကျွန်တော်တစ်နေ့နေ့ သားကို သေချာပေါက်ပြန်လာရှာပါ့မယ်၊ အဲ့သည်အချိန်ထိ သားလေးကို ဂရုစိုက်ပေးပြီး လက်စွပ်လေးကို မပျောက်အောင် သိမ်းထားပေးပါလို့ တောင်းဆိုပါရစေ၊ သားရဲ့မွေးရက်က သည်နေ့ပဲဖြစ်ပြီး ဂေဟာက မှတ်တမ်းထဲမှာ သေသေချာချာ ထည့်မှတ်ထားစေလိုပါတယ်ခင်ဗျာ၊ ကျေးဇူးအများကြီးတင်ပါတယ်”

ဦးမင်းသိုင်း အရက်များကို သောက်နေလိုက်သည်။ မျက်ဝန်းအိမ်တွင် မျက်ရည်များ စီးကျနေသည်။

သားလေးရယ်။ အဖေတောင်းပန်ပါတယ်။ အခုတလော သားကို အဖေ သတိတောင်မရခဲ့မိဘူး။ အဖေသိပ်ကို ရက်စက်တာပဲနော်။ သားလေး နေများကောင်းရဲ့လား။ သက်ရှိထင်ရှားများရှိသေးရဲ့လား။ အဖေနဲ့အမေတို့ကို သိပ်တွေ့ချင်နေမှာလား။ အဖေတောင်းပန်ပါတယ်သားရယ်။ အဖေအကယ်ဒမီရခဲ့ရင် သားကို သေချာပေါက်လာရှာမယ်လို့ လုပ်ထားပေမဲ့ အဖေအကယ်ဒမီမရခဲ့ဘူးကွယ်။ သည်တစ်ခါ အကယ်ဒမီမရခဲ့ဘူးဆိုရင်လည်း သားကို သေချာပေါက်လာရှာပါ့မယ်လို့ ကတိပေးပါတယ်သားရယ်။

မျက်ရည်များကို သုတ်လိုက်ပြန်သည်။  ထိုစဉ် သားဖြစ်သူနေမင်းထိုက် မူးမူးနဲ့ ပြန်ရောက်လာသည်။ မူးရူးနေတဲ့သားကိုမြင်တော့ ဦးမင်းသိုင်း ဂရုမစိုက်ပဲ သည်အတိုင်းသာ ထိုင်နေလိုက်သည်။

“ဟက် ဟက် ဘယ်သူများလဲလို့၊ အဖေပါလား၊ ဘာတွေများစိတ်ညစ်စရာရှိလို့ တစ်ယောက်တည်းသောက်နေရတာလဲဗျ၊ ဟက်ဟက်၊ စိတ်ညစ်မယ် စိတ်ညစ်ရင် သားကစိတ်ညစ်ရမှာဗျ”

နေမင်းထိုက်က ရစ်ရစ်ထွေထွေနဲ့ ဘေးနားဝင်ထိုင်ကာ အရက်များကို ယူသောက်နေလိုက်သည်။

“ပြောလေ အဖေ ဘာလို့စိတ်ညစ်နေရတာလဲဗျ”

“အိပ်စရာရှိရင်သွားအိပ်ချေ”

“မအိပ်ပါဘူး၊ စိတ်ညစ်နေတဲ့အဖေ့ကို အဖော်ပြုပေးမယ်လေဗျာ၊ ဟဲ ဟဲ”

နေမင်းထိုက်က အရက်ခွက်ကို ယူသောက်လိုက်သည်။

“တော်တော့ကွာ၊ မင်း မူးနေပြီ”

“မမူးပါဘူးဗျ၊ အဖေ့သားပဲ ဘယ်လောက်သောက်သောက် မမူးဘူး ဟဲ ဟဲ၊ အဖေ အခု အဖေ့သား ဘာလုပ်နေလဲသိလား၊ အဖေ့သား သိပ်ကို ကြီးကျယ်တဲ့ အလုပ်တစ်ခုကိုလုပ်နေတယ်သိလား”

“ဘယ်လို”

“ဟဲ ဟဲ ဒါတွေဟာ အဖေ့ကြောင့်လေ၊ အဖေသားကို ပစ်ထားတဲ့အပြစ်ကြောင့်လေ၊ သားအကယ်ဒမီကို ဘယ်လောက်လိုချင်မှန်းသိရဲ့နဲ့ ရုပ်ရှင်ကားမှာ သားကို ဘာလို့မသုံးတာလဲဗျ၊ အဖေသိပ်ကို ရက်စက်မနေဘူးလား”

“အဖေ့ကို နားလည်ပေးပါသားရယ်၊ အဲ့သည်ဇာတ်ရုပ်နေရာမှာ သားနဲ့မလိုက်ဖက်လို့ပါ၊ အခုဇာတ်ကားက အဖေ့အတွက် အရမ်းအရေးကြီးတယ်၊ အဖေ့ကို နားလည်ပေးပါ၊ ကူညီပါ၊ ပြီးရင် သားအတွက် ဇာတ်ကားကောင်းကောင်းလေးတွေ ရိုက်ပေးပါ့မယ်”

“မလိုဘူး၊ မလိုချင်ဘူး၊ သား သည်ကားမှာပဲ သရုပ်ဆောင်ချင်တယ်၊ သားလေ စတီဗင်ထူးဆိုတဲ့ ခွေးသူတောင်းစားလိုကောင်ကို အရမ်းမုန်းတယ်သိလား၊ သည်ကောင်က သားနေရာကိုလုတာ၊ သားဘ၀ကို ဖျက်ဆီးတာ”

တိတ်စမ်း၊ သူများကို မဟုတ်တရားမပြောနဲ့၊ သူက အဖေ့ကို ကူညီနေတဲ့လူ၊ အဖေ့အတွက် အကူအညီအရမ်းဖြစ်တယ်”

“အကူအညီအရမ်းဖြစ်တယ် ဟုတ်လား၊ သားကတော့ အဖေ့ကိုမကူညီနိုင်ဘူးပေါ့၊ အဖေ့မျက်လုံးထဲမှာ သားက သိပ်ကို အထင်သေးစရာဖြစ်နေပြီပေါ့၊ ဟုတ်လား”

“တော်စမ်းပါ”

ဦးမင်းသိုင်းက အိပ်ခန်းထဲဝင်သွားသည်။ 

“အဖေရက်စက်တယ်ဗျ၊ စောင့်ကြည့်၊ သားဘာဆက်လုပ်မလဲဆိုတာစောင့်ကြည့်၊ စတီဗင်ထူးဆိုတဲ့ကောင် အဖေ့အတွက် ဘယ်လောက်အကူအညီဖြစ်သလဲဆိုတာ စောင့်ကြည့်”

နေမင်းထိုက်လည်း ဒယိမ်းဒယိုင်နဲ့ အခန်းထဲ ၀င်သွားသည်။

Xxxxxxxxxxxxxxxxxx

သည်နေ့ည ဖိုးချောနဲ့ ဖိုးသား နှစ်ယောက်သား စကားမပြောပဲ တိတ်ဆိတ်စွာနဲ့ ညစာစားဖြစ်ကြသည်။ ဖိုးသားပန်းကန်များကို ဆေးကြောနေစဉ် ဖိုးချောဖုန်းက မြည်လာသဖြင့် ဖိုးချောကိုကျောပေးရင် ဖိုးသားနားစွင့်နေလိုက်သည်။

“ဟဲလို အစ်ကိုနိုင်း”

ဖိုးချော ၀မ်းသာသွားပြီး “အစ်ကိုနိုင်း” ဆိုပြီး အသံကျယ်ကျယ်ခေါ်လိုက်မိသည်။ နောက်တော့မှ ဖိုးသားကြားသွားမည်စိုးသဖြင့် နေရာမှလစ်ကာ အခန်းအပြင်ဘက်ထွက်သွားလိုက်သည်။ 

ဖိုးချောနှုတ်မှ “အစ်ကိုနိုင်း” လို့ ခေါ်လိုက်သည်ကိုတော့ ဖိုးသား ပီပီသသကြားလိုက်ရသည်။ ဖိုးချောက အပြင်ဘက်ထွက်ပြီး ခိုးကြောင်ခိုးဝှက်စကားပြောနေသဖြင့် ဖိုးသားရင်ထဲ ၀မ်းနည်းသွားရပြန်သည်။

ခဏကြာတော့ ဖိုးချောမျက်နှာ ရွှင်ရွှင်လန်းလန်းနဲ့ အခန်းထဲဝင်လာသည်။ ဖိုးသား မာန်တင်းကာ ဖိုးချောအား ပြောလိုက်သည်။

“Straight တစ်ယောက်ကိုတော့ မချစ်သင့်ဘူးထင်တယ်နော်”

ဖိုးသားစကားကြောင့် ဖိုးချော အံ့သြသွားသည်။

“Straight၊ Straight ဆိုတာဘာလဲ”

“Straight ဆိုတာ ယောက်ျားစစ်စစ်လေ”

“သြော် မင်းက သိသားပဲ”

ဖိုးချောလည်း ကုတင်ပေါ်လှမ်းလိုက်သည်။ နောက်တော့မှ သတိထားမိဟန်နဲ့ ဖိုးသားဘက် ပြန်လှည့်ကာ မေးလိုက်သည်။

“ဘာ ဘာပြောလိုက်တယ်၊ Straight တစ်ယောက်ကိုတော့ မချစ်သင့်ဘူး ဟုတ် ဟုတ်လား၊ ဘာ ဘာအဓိပါယ်လဲဟင်”

“မင်းလည်း ငါလိုဂေးတစ်ယောက်ဆိုတာ ငါသိတယ်ဖိုးချော”

“ဘယ် ဘယ်လို ဘယ်လို”

ဖိုးချော အံ့သြပြီးရင်း အံ့သြနေလေသည်။

“ဂေးတစ်ယောက်ဖြစ်တဲ့မင်းက Straight တစ်ယောက်ဖြစ်တဲ့ ကိုနိုင်းကိုချစ်နေတယ်ဆိုတာကိုလည်း သိတယ်”

“ဘာ ဘာပြောတယ်၊ ငါ ငါက ဂေး ဂေး၊ ဟုတ် ဟုတ်လား၊ မင်း ဘယ်လိုလုပ်သိလဲ၊ အာ မဟုတ်ဘူး၊ မင်း ဘယ်လိုလုပ်ပြောနိုင်တာလဲ”

ဖိုးသားက ဖိုးချောကုတင်အောက်က ကာလာရိန်းဘိုးမဂ္ဂဇင်းစာအုပ်များကို ထုတ်ပြလိုက်သည်။

“ဒါတွေက ဘာလဲ၊ မင်းဘာကြောင့် သည်လိုစာအုပ်တွေ သိမ်းထားတာလဲ၊ ဒါဟာ မင်းလည်း ဂေးတစ်ယောက်ဆိုတဲ့ အဓိပါယ်ပေါ့”

“မင် မင်း ဘာလို့ ငါ့ဟာတွေကို လျှောက်ကိုင်တာလဲ၊ ငါ့ဟာတွေ ငါမသိပဲကိုင်တာကို ငါမကြိုက်ဘူးဆိုတာ မသိဘူးလား”

“ငါ လျှောက်ကိုင်တာမဟုတ်ဘူး၊ သန့်ရှင်းရေးလုပ်ရင်း မထင်မှတ်ပဲတွေ့တာ၊ ပြောလေ၊ မင်းလည်းဂေးတစ်ယောက်မဟုတ်လားလို့”

“မ မဟုတ်ဘူး”

“လိမ်တာ၊ မင့်စကားကို ငါယုံမယ်ထင်နေလား၊ မင်းက မင်းအကြောင်း အစောကြီးကတည်းက သိနေတာ၊ ဒါ့ကြောင့် ငါ့စိတ်က အကောင်းကြီးပါလို့ မင်းပြောတာမဟုတ်လား၊ မင်း ကိုနိုင်းနဲ့ အပြင်မှာ တိတ်တဆိတ်ချိန်းတွေ့နေတယ်မဟုတ်လား”

ဖိုးချော ပါးစပ်အဟောင်းသားနဲ့ ဘာမှပြန်မပြောတတ်ဖြစ်နေရသည်။

“မင်းမကောင်းဘူးဖိုးချော၊ မင်းအကြောင်း ငါ့ကိုလိမ်ထားတယ်၊ ဘာမှမသိတဲ့ငါ့ကို သေချာသိအောင်လည်းမရှင်းပြဘူး၊ ထားပါတော့၊ ဂေးတစ်ယောက်က Straight တစ်ယောက်ကို မချစ်သင့်ဘူးဆိုတာတော့ ငါ့ထက် မင်းက ပိုသိတယ်မဟုတ်လား၊ ငါ့ကိုမချစ်ချင်လည်း ရတယ်၊ Straight တစ်ယောက်ကို ချစ်တာတော့ ငါခွင့်မပြုဘူး၊ တစ်နေ့ မင်းခံစားရမယ်မှန်းသိလျှက်နဲ့ ငါ သည်အတိုင်း ငြိမ်မနေနိုင်ဘူး”

“ကိုနိုင်းက Straight မဟုတ်ဘူးဆိုရင်ကော မင်း ခွင့်ပြုမှာလား”

“ဘယ်လို ကိုနိုင်းမှာ မိန်းကလေးချစ်သူရှိတယ်ဆိုတာ မင်းမသိဘူးလား၊ တစ်နိုင်ငံလုံးကိုကြေငြာထားမှန်းသိလျှက်နဲ့ မင်းက ဆက်မိုက်နေဦးမှာလား”

“မဟုတ်ဘူး၊ မင်း ဘာမှမသိပဲနဲ့ လျှောက်မပြောနဲ့ဖိုးသား၊ ကိုနိုင်းက ငါ့ကိုသိပ်ချစ်တာ၊ ငါ့ကို ကတိပေးထားတယ်၊ ငါ ငါနဲ့ တစ်သက်လုံးအတူနေမှာတဲ့၊ လိင်တူချစ်သူတွေ အခွင့်အရေးရတဲ့တစ်နေ့ လက်ထပ်ကြမယ်တဲ့၊ ငါ တို့နှစ်ယောက် မြင်မြင်ချင်းချစ်ကြတာကွ”

“မဖြစ်နိုင်တာ၊ သူက မင်းဂေးမှန်းသိလို့ အခွင့်အရေး ယူနေတာတော့ မဖြစ်နိုင်ဘူးလား”

“မဟုတ်ဘူး၊ ငါ ကိုနိုင်းကိုယုံတယ်၊ ကိုနိုင်းအချစ်ကိုလည်း ယုံတယ်၊ သည်လိုလေ ဖိုးသားရ၊ ဂေးတွေဟာ ကိုယ့်ဘ၀အကြောင်း လူတွေသိမှာစိုးလို့ ကိုယ့်ဘ၀ကို ဖုံးကွယ်တဲ့အနေနဲ့ မိန်းကလေးတစ်ယောက်နဲ့ တွဲပြတာလေ၊ ကိုယ်က ယောက်ျားစစ်စစ်တစ်ယောက်ပါလို့ လိမ်ညာဖွင့်ပြတာလေ”

“ဟင်”

ဖိုးချော၏ စကားက ဖြစ်နိုင်ချေလည်း ရှိတာကြောင့် ဖိုးသား ပြန်မပြောတတ်ဖြစ်သွားရသည်။

“ငါက ဂေးတွေအကြောင်း မင်းထက်ပိုသိတယ်၊ ဒါ့ကြောင့် ကိုနိုင်းက ငါ့ကို အခွင့်အရေးယူသလေး ဘာလေး လာမပြောနဲ့ ငါမကြိုက်ဘူး”

ဖိုးချောစကားကြောင့် ဖိုးသား နှုတ်ခမ်းလေးများ မဲ့လာကာ မျက်ရည်များက ပိုးပိုးပေါက်ပေါက်ကျလာသည်။

“ဒါ ဒါဆို ငါ့ကျတော့ကောဟင်၊ မင်း ကိုနိုင်းဆီကိုသွားမယ်ဆိုရင် ငါ့ကျတော့ ငါ့ကျတော့”

ဖိုးသားသနားစဖွယ်နဲ့ ဖိုးချောအားမေးလိုက်သည်။ ဖိုးချောလည်း ငိုမဲ့မဲ့ဖြစ်နေသည့် ဖိုးသားအား သနားသွားရသည်။

“ငါ မင်းကို ဘယ်လောက်ချစ်တယ်ဆိုတာသိသားနဲ့၊ မင်းကို ငါ့ဘ၀အကြောင်းတောင် မသိခင်ကတည်းက ချစ်နေခဲ့တာ၊ ငယ်ငယ်လေးကတည်းက ချစ်နေခဲ့တာကွ၊ မင်းကို အရမ်းချစ်တဲ့ငါ့ကိုကျတော့ နည်းနည်းလေးမှတောင် လှည့်မကြည့်တော့ဘူးလားဟင်”

“ဒါကတော့ …၊ အချစ်ဆိုတာ လုပ်ယူလို့မရဘူးလေ၊ နှလုံးသားထဲက လာမှ အချစ်စစ်လို့ခေါ်တာလေ”

ဖိုးသားက ဖိုးချောလက်အား ဆုပ်ကိုင်လိုက်သည်။

“မရဘူးဖိုးချော၊ မင်း ငါ့ကိုမထားခဲ့ရဘူး၊ ငါ မင်းမရှိရင် သေရလိမ့်မယ်၊ မင်းမရှိတဲ့ ငါ့ဘ၀က သေတာနဲ့မခြားဘူး၊ ကျေးဇူးပြုပြီး ငါ့ကို မထားခဲ့ပါနဲ့လားကွာ”

ဖိုးသားက ငိုရင်းနှင့်ပင် ဖိုးချော၏ မျက်နှာအား သိုင်းဖက်လိုက်ပြီး နှုတ်ခမ်းများကို နမ်းလိုက်သည်။ မထင်မှတ်သည့် ဖိုးချောလုပ်ရပ်ကြောင့် ဖိုးချောက ဖိုးသားအား တွန်းလွှတ်လိုက်သည်။ ဖိုးသား ကြမ်းပြင်ပေါ် လဲကျသွားသည်။

“မင် မင်း ဒါဘာလုပ်တာလဲ”

“မင်းကိုချစ်လို့လေဖိုးချောရ၊ မင်းကို ချစ်လို့၊ မင်းကို ငါသေမတတ်ချစ်လို့”

“တော်…”

ဖိုးချော အော်ချလိုက်သည်။ ဖိုးသား ငိုမြဲသာငိုနေလေသည်။

“ငါ့ကို စိတ်ညစ်အောင် လာမလုပ်စမ်းနဲ့ကွာ၊ ငါ မင်းကို ညီအစ်ကို သူငယ်ချင်းလိုပဲ သဘောထားခဲ့တာကွ၊ ကျေးဇူးပြုပြီး ငါ့အပေါ်သည်လိုစိတ်မရှိစမ်းပါနဲ့ကွာ”

ဖိုးချော အပြင်ဘက်သို့ ပြေးထွက်သွားသည်။

“ဖိုးချော…”

ဖိုးသားခေါ်သော်လည်း လှည့်မကြည့်တော့။

“ကျေးဇူးပြုပြီး ငါ့ကိုမထားခဲ့ပါနဲ့ကွာ၊ ငါ့ကိုတစ်ယောက်တည်း မထားချင်စမ်းပါနဲ့လားကွာ”

ဖိုးသား ငိုမြဲသာငိုနေတော့သည်။

ပြတင်းပေါက်၏ အပေါ်နားတွင် ငြိမ်သက်လျှက် တည်ရှိနေသော စီစီတီဗွီလေးရှိနေသည်ကိုတော့ ဖိုးချောနဲ့ဖိုးသားတို့ သတိမမူမိကြပေ။

Xxxxxxxxxxxxxxxxxxxxxxxxxxxxxxx

“ဟေး မင်းထိုက်”

“အေး ပြောဟိန်းထက်”

“မင်းပြောတော့ ဟို စတီဗင်ထူးဆိုတဲ့ကောင်ရဲ့ ဘ၀ပျက်အောင် ဖျက်လိုဖျက်ဆီးလုပ်မယ်ဆို၊ အခုတော့ ငြိမ်ချက်သားကောင်းနေသလိုပါပဲလား”

“ဟဲ ဟဲ ငါက အခွင့်အခါကောင်းကိုချောင်းနေတာလေကွာ၊ တစ်ကြိမ်တည်းနဲ့ အမိအရဖမ်းဆုပ်ချင်ရင် အချိန်ပေးရမယ်လေကွာ”

“မင်းတပ်ထားတဲ့ စီစီတီဗွီထဲမှာ ဘာမှမထူးခြားသေးဘူးလား”

“ငါ မကြည့်ရသေးဘူးကွ၊ မင်းပြောမှပဲ ကြည့်တော့မယ်ကွာ၊ အခုလောက်ဆို အချက်ကောင်းတွေ အများကြီးရှိနေလောက်ပြီကွ၊ မင်းကော လာခဲ့မလား ငါ့အိမ်”

“လာမယ်လေ”

“အေး သည်လို တန်ဖိုးရှိတဲ့အခွင့်မျိုး တစ်ယောက်တည်းကြည့်ရတာ အရသာမရှိပါဘူးကွာ”

“အေးပေါ့ကွာ၊ မကြာပါဘူး၊ ခဏလေးနော်၊ စောင့်နေ”

“အေး အေး”

နေမင်းထိုက်က ဆန္ဒစောနေသဖြင့် အိမ်အပြင်ဘက်ထွက်ကာ စောင့်နေလိုက်သည်။ ခဏကြာတော့ ဆိုင်ကယ်လေးနဲ့ ဟိန်းထက်ရောက်လာသည်။

“ထင်တာထက် မြန်သားပဲ၊ လာ သည်မယ်မြင်လား”

နေမင်းထိုက်က အင်္ကျီဘေးအိတ်ထဲက ပစ္စည်းလေးတစ်ခုကို ထုတ်ပြလိုက်သည်။

“ဘာလေးလဲ”

“စတစ်လေးလေကွာ၊ သည်ထဲမှာ စတီဗင်ထူးဘ၀ ပျက်မဲ့ အကြောင်းအရာတွေပါတယ်၊ စတီဗင်ထူးတော့ ကြောင်လက်ထဲက ကြွက်လေးတော့ ဖြစ်ပါပြီကွာ ဟား ဟား ဟား”

“ဟား ဟား ဟား”

ဟိန်းထက်ကလည်း ရောယောင်ကာ ရယ်လေသည်။ ပြီးမှ နှစ်ယောက်သား အိမ်ထဲသို့ သွက်လက်သော ခြေလှမ်းများနဲ့ တက်သွားကြသည်။ ပျော်လွန်းနေသဖြင့် ခြေလှမ်းများက တီးလုံးကကွက်များလို လှုပ်ရှားနေကြသည်။

နေမင်းထိုက်က လက်တော့ပ်လေးကိုဖွင့်ကာ စတစ်လေးကို ထိုးထည့်လိုက်သည်။ မကြာမီ စတီဗင်ထူးတို့၏အိမ်မှ မြင်ကွင်းများကို မြင်လိုက်ရသည်။ စတီဗင်ထူးကိုလည်း တွေ့သည်။ စတီဗင်ထူး၏ သူငယ်ချင်းကိုလည်းတွေ့သည်။ မြင်ကွင်းထဲတွင် စတီဗင်ထူး၏ သူငယ်ချင်းက ကြမ်းတိုက်နေလေသည်။ ထူးခြားချက်များမတွေ့ရသဖြင့် ကျော်ကြည့်ကြသည်။

“ဒါနဲ့ ဟိုကောင်က ဘယ်သူလဲဟင်”

ဟိန်းထက်က စတီဗင်ထူး၏ သူငယ်ချင်းအား မေးလိုက်သည်။

“အင်း အဲ့ကောင်က သူငယ်ချင်းတဲ့၊ သူတို့က ငယ်ငယ်လေးကတည်းက အတူတူနေလာကြတာတဲ့၊ နှစ်ယောက်လုံးက သူတောင်းစား မိဘမဲ့တွေလေကွာ၊ နုံချာစုတ်ပြတ်နေတဲ့ဘ၀တွေပေါ့ ဟား ဟား ဟား”

“ဟုတ်လား”

“သူတောင်းစားလိုကောင်က ငါ့ဘ၀ကို ဖျက်ဆီးတယ်ပေါ့လေ၊ ဒါကို ငါက ငြိမ်ခံနေရမှာဟိန်းထက်၊ သည်ကောင်က ကိုယ့်အခြေအနေ ကိုယ်မသိတာ၊ နေရာမှန်ကို ငါက ပြန်ပို့ပေးမှဖြစ်တော့မယ်”

နေမင်းထိုက်က ကျော်ကြည့်နေရင်းပြောလေသည်။

“အဲ့ကောင်နဲ့အတူတူနေတယ်ဆိုတော့ ချစ်သူတွေမဖြစ်နိုင်ဘူးလားကွ၊ တစ်လောက ယောက်ျားနှစ်ယောက် မင်္ဂလာဆောင်သိတယ်မလား၊ သူတို့လည်း (၁၀)နှစ်လောက်အတူတူနေလာခဲ့ကြတာတဲ့ကွ”

“တစ်ယောက်နဲ့တစ်ယောက်ဘယ်တူမှာလဲ၊ အာ ဒါလည်း ဟုတ်သား၊ မဟုတ်ဘူးဆိုရင်လည်း ထားလိုက်ပါတော့ကွာ၊ သည်ကောင်တွေ အတူတူနေတာက သည်ကောင်တွေကို အခြောက်ဇာတ်ခင်းပေးဖို့ ငါတို့အတွက် အခွင့်အရေးရတာပေါ့”

“Straight တစ်ယောက်ကိုတော့ မချစ်သင့်ဘူးထင်တယ်နော်”

“မြင်ကွင်းထဲမှ စကားသံတွေကြောင့် နေမင်းထိုက်တို့ နားစွင့်ကြည့်လိုက်သည်။

“ဘာ ဘာပြောလိုက်တယ်၊ Straight တစ်ယောက်ကိုတော့ မချစ်သင့်ဘူး ဟုတ် ဟုတ်လား၊ ဘာ ဘာအဓိပါယ်လဲဟင်”

“မင်းလည်း ငါလိုဂေးတစ်ယောက်ဆိုတာ ငါသိတယ်ဖိုးချော”

“ဘယ် ဘယ်လို ဘယ်လို”

“ဂေးတစ်ယောက်ဖြစ်တဲ့မင်းက Straight တစ်ယောက်ဖြစ်တဲ့ ကိုနိုင်းကိုချစ်နေတယ်ဆိုတာကိုလည်း သိတယ်”

“ဘာ ဘာပြောတယ်၊ ငါ ငါက ဂေး ဂေး၊ ဟုတ် ဟုတ်လား၊ မင်း ဘယ်လိုလုပ်သိလဲ၊ အာ မဟုတ်ဘူး၊ မင်း ဘယ်လိုလုပ်ပြောနိုင်တာလဲ”

“ဒါတွေက ဘာလဲ၊ မင်းဘာကြောင့် သည်လိုစာအုပ်တွေ သိမ်းထားတာလဲ၊ ဒါဟာ မင်းလည်း ဂေးတစ်ယောက်ဆိုတဲ့ အဓိပါယ်ပေါ့”

“မင် မင်း ဘာလို့ ငါ့ဟာတွေကို လျှောက်ကိုင်တာလဲ၊ ငါ့ဟာတွေ ငါမသိပဲကိုင်တာကို ငါမကြိုက်ဘူးဆိုတာ မသိဘူးလား”

“ငါ လျှောက်ကိုင်တာမဟုတ်ဘူး၊ သန့်ရှင်းရေးလုပ်ရင်း မထင်မှတ်ပဲတွေ့တာ၊ ပြောလေ၊ မင်းလည်းဂေးတစ်ယောက်မဟုတ်လားလို့”

“မ မဟုတ်ဘူး”

“လိမ်တာ၊ မင့်စကားကို ငါယုံမယ်ထင်နေလား၊ မင်းက မင်းအကြောင်း အစောကြီးကတည်းက သိနေတာ၊ ဒါ့ကြောင့် ငါ့စိတ်က အကောင်းကြီးပါလို့ မင်းပြောတာမဟုတ်လား၊ မင်း ကိုနိုင်းနဲ့ အပြင်မှာ တိတ်တဆိတ်ချိန်းတွေ့နေတယ်မဟုတ်လား”

“မင်းမကောင်းဘူးဖိုးချော၊ မင်းအကြောင်း ငါ့ကိုလိမ်ထားတယ်၊ ဘာမှမသိတဲ့ငါ့ကို သေချာသိအောင်လည်းမရှင်းပြဘူး၊ ထားပါတော့၊ ဂေးတစ်ယောက်က Straight တစ်ယောက်ကို မချစ်သင့်ဘူးဆိုတာတော့ ငါ့ထက် မင်းက ပိုသိတယ်မဟုတ်လား၊ ငါ့ကိုမချစ်ချင်လည်း ရတယ်၊ Straight တစ်ယောက်ကို ချစ်တာတော့ ငါခွင့်မပြုဘူး၊ တစ်နေ့ မင်းခံစားရမယ်မှန်းသိလျှက်နဲ့ ငါ သည်အတိုင်း ငြိမ်မနေနိုင်ဘူး”

မထင်မှတ်သည့်မြင်ကွင်းများကြောင့် နေမင်းထိုက်နဲ့ ဟိန်းထက်တို့အံ့သြကာ တစ်ယောက်မျက်နှာတစ်ယောက် ကြည့်လိုက်ကြသည်။

“ဒါ ဒါဘာတွေလဲ၊ သည်ကောင်တွေ ဘာပြောနေကြတာလဲ”

“ဘာတဲ့ စထရိတ်တဲ့၊ ဂေးတဲ့”

နေမင်းထိုက်နဲ့ ဟိန်းထက် တစ်ယောက်မျက်နှာတစ်ယောက်ကြည့်ပြီး မျက်လုံးပြူးသွားကြသည်။ ပြီးမှ ၀မ်းသာစွာ အော်လိုက်ကြသည်။

“ဟား ဟား ဟား”

ရယ်လားဝါးလားလုပ်ပြီး လက်ချင်းရိုက်လိုက်ကြသည်။

“သည်ကောင်တွေက အခြောက်တွေ၊ အခြောက်တွေ ဟား ဟား ဟား၊ စတီဗင်ထူးဆိုတဲ့ကောင်က အခြောက်တဲ့ကွ ဟား ဟား ဟား၊ ငါတို့လုပ်ကြံပြောစရာတောင်မလိုတော့ဘူးကွ၊ သည်ကောင်တွေက အခြောက်စစ်စစ်တွေကွ ဟား ဟား ဟား”

နေမင်းထိုက်က အနိုင်ရလိုက်သသူလို ဂုဏ်ယူဝံ့ကြွားစွာ ရယ်မောနေလေသည်။ ထိုစဉ်မှာပင် စတီဗင်ထူး၏ သူငယ်ချင်းက စတီဗင်ထူးအား နမ်းလိုက်သဖြင့် နေမင်းထိုက်နဲ့ ဟိန်းထက် မျက်လုံးပြူးသွားပြန်လေသည်။

“သိပ်ကိုသေချာသွားပြီ၊ သည်ဗွီဒီယိုကို ဖေ့ဘုတ်မှာ ဖြန့်ရမယ်”

“ဖြစ်ပါ့မလား၊ စောနက ကိုနိုင်းလို့ပြောလိုက်တယ်၊ ကိုနိုင်းဆိုတာ ဘယ်သူလဲဟင်၊ သူ့ကိုတော့ ဆွဲမထည့်လိုက်ပါနဲ့”

“ကိုနိုင်းဆိုတာမင်းသားများလား၊ အိုး ဟုတ်လောက်တယ်၊ သည်ကောင်တွေပြောတာတော့ ကိုနိုင်းလည်း ဂေးဆိုပဲ၊ ဖြစ်နိုင်ပါ့မလား”

“ငါလည်းမပြောတတ်ဘူး”

“အင်း မဖြစ်သေးပါဘူး၊ အရင်က ကိုနိုင်းက ငါ့ကိုကူညီခဲ့ဖူးတယ်၊ ငါ မင်းသားဖြစ်စတုန်းက တော်တော်များများသင်ပေးခဲ့ဖူးတယ်ကွ၊ ကိုနိုင်းနာမည်ပါတဲ့နေရာလေးတွေကို ဖြတ်တောက်ပစ်ရမယ်၊ ဟို ကောင်က သည်ကောင့်ကို နမ်းလိုက်တဲ့ပုံကိုတော့ Screen Shot ရိုက်ပြီး များများဖြန့်နိုင်သမျှဖြန့်ရမယ်”

“ဟုတ်ပြီ၊ သဘောတူတယ်”

“လုပ်လိုက်လေ၊ စတီဗင်ထူးရေ၊ သည်နေ့ဟာ မင်းဘ၀ရဲ့ ဇာတ်သိမ်းခန်းပေါ့ကွာ”

နေမင်းထိုက် ကြိမ်းဝါးလိုက်သည်။

Xxxxxxxxxxxxxxxxxxxxxxxxxxxxxxxxx

ရိုက်ကွင်းတွင် ဖိုးချော အလုပ်ရှုပ်နေသည်။ ထိုစဉ် မိတ်ကပ်လိမ်းခြယ်သည့် မိန်းမလျာသည် အားနေသဖြင့် ဖုန်းလေးကိုကလိကာ ဖေ့ဘုတ်သုံးနေသည်။ သတင်းထူးတစ်ခုကြောင့် လွန်စွာ စိတ်ဝင်စားသွားရသည်။ ထိုသတင်းသည်။ စတီဗင်ထူးနဲ့ ကောင်လေးတစ်ယောက် နှုတ်ခမ်းချင်း နမ်းနေကြသည့်ပုံဖြစ်သည်။ ထိုသတင်းကြောင့် မိန်းမလျာဖြစ်သူက စတီဗင်ထူးအား သနားသွားရသည်။ စတီဗင်ထူး ရှုတင်ပြီးသွားလျှင် ပြဖို့ရာအတွက် အဆင်သင့်စောင့်နေလိုက်သည်။  

ခဏကြာတော့ ရှုတင်ခဏနားသဖြင့် စတီဗင်ထူးက မိန်းမလျာအနားလာရပ်ပြီး ရေသန့်ဘူးထုတ်ကာ ရေသောက်နေလိုက်သည်။ မိန်းမလျာဖြစ်သူက ပြောပြရမှာ မ၀ံ့မရဲဖြစ်နေသည်။ နောက်ဆုံးတော့ သိသင့်သည့်ကိစ္စမို့ အားတင်းကာ ပြောလိုက်သည်။

“မောင် မောင်လေး”

“ဗျာ မမ”

“မောင်လေး သတင်းကြားပြီးပြီလား”

“သတင်း ဘာသတင်းလဲ”

“ဟိုလေ”

“သြော် ကျွန်တော်က ဖာဆိုတဲ့သတင်းလား၊ ကျွန်တော်ပြောပြီးပြီလေ၊ ကျွန်တော့်ကို မနာလိုတဲ့သူတွေက လုပ်ကြံပြောဆိုတာပါလို့”

“အခု အခုဟာက တခြား”

“ဘာများလဲ”

“သည်မယ်”

မိန်းမလျာက ဖုန်းထဲက ပုံများကို ပြလိုက်သည်။ ထိုပုံထဲတွင် ဖိုးချောနဲ့ ဖိုးသား နမ်းနေသည့်ပုံ။ ထိုပုံကြောင့် ဖိုးချော တစ်ကိုယ်လုံး ကြက်သီးတွေ ဖြန်းကနဲ့ ထသွားရသည်။ ဒူးပင်မခိုင်ချင်တော့။ ဟိုအရင်ညက ဖိုးသားက ဖိုးချောအား လှမ်းနမ်းလိုက်သည်ကို သတိရလိုက်မိသည်။ ထိုမြင်ကွင်းလေးသာဖြစ်ရမည်။ မည်သူကများ ချောင်းမြောင်းပြီး ရိုက်ထားခဲ့ပါလိမ့်။

“ဒါ ဒါ ဘယ်လိုဖြစ်ရတာလဲ၊ ဘယ်သူလုပ်တာလဲ”

“တကယ်ပဲ မောင်လေးက ဂေးလားဟင်၊ မမကိုတော့ အမှန်အတိုင်းပြောနော်၊ မမလည်းဂေးပဲလေ၊ ဘာမှရှက်စရာမရှိဘူး”

“ဒါ ဘယ်သူလုပ်တာလဲလို့”

ဖိုးချော၏ ကျယ်လောင်သောအသံကြောင့် ရိုက်ကွင်းမှ လူများက ဖိုးချောအား လှည့်ကြည့်လိုက်ကြသည်။

“မမ မမလည်း မသိဘူးလေ”

ဖိုးချော နေရာမှ ဆက်လက်ရပ်နိုင်စွမ်းမရှိတော့တာကြောင့် ပြေးထွက်သွားသည်။

“မောင်လေး”

ဒါရိုက်တာကြီးကလည်း လှမ်းအော်ပြောလိုက်သည်။

“စတီဗင်ထူး ဘယ်လဲ၊ ခဏနေရင် စကြမယ်လေ၊ ဟေ့ ဘယ်လဲလို့၊ ဟ ဒုက္ခပါပဲကွာ၊ ကိုနိုင်းကလည်း မလာဘူး၊ စတီဗင်ထူးကလည်းတစ်မှောင့်”

မေးသော်လည်း ဖိုးချောကတော့ဖြင့် ဆိုင်ကယ်လေးနဲ့ မောင်းထွက်သွားပေပြီ။ 

ရက်စက်လိုက်ကြတာ။ ရက်စက်လွန်းလိုက်ကြတာ။ ဘယ်သူကများ။ ဘယ် မနာလိုမရှုစိမ့်တဲ့သူတွေကများ အခုလိုသတင်းတွေကို ဖွင့်ဖောက်ချလိုက်တာပါလိမ့်။ ဘာလို့များ လူတစ်ယောက်ရဲ့ ဘ၀ကို ဖျက်ဆီးချင်ရတာပါလိမ့်။ သူတို့ရဲ့ လုပ်ရပ်ကြောင့် လောကကြီးမှာ ဖိုးချောနေစရာ နေရာတောင်ရှိပါဦးတော့မလား။ လူတွေက ဘယ်လိုများ ပြစ်တင်ဝေဖန်ကြလေမလဲ။ ဖိုးချော မတွေးတတ်အောင်ဖြစ်သွားရသည်။

ဖိုးချော၏ ဒေါသအစိုင်အခဲများနှင့်အတူ မျက်ဝန်းအိမ်တွင် မျက်ရည်များ စီးကျနေသည်။

xxxxxxxxxxxxxxxxxxx

ဖိုးချောဆိုင်ကယ်က ဖိုးသားရှိရာ လက်ဖက်ရည်ဆိုင်ရှေ့ ရောက်တော့ ဆိုင်ထဲမှ ပြေးထွက်လာသည့် ဖိုးသားအား အဆင်သင့်တွေ့လိုက်ရသည်။ ဖိုးသားလက်ထဲတွင် ဖုန်းလေးကိုင်ထားသည်။ ဖိုးသားလည်း ထိုသတင်းအား တွေ့ပြီးခဲ့ပြီဖြစ်လိမ့်မည်။

“ဖိုး ဖိုးချော”

“မင်း မင်း လုပ်လိုက်တာလားဟင်၊ အဲ့သည်ကိစ္စ မင်းလုပ်လိုက်တာလားလို့”

“မဟုတ် မဟုတ်ဘူး၊ ငါမလုပ်ဘူး၊ ငါ မလုပ်ခဲ့ဘူး”

“ဒါတွေအားလုံးဟာ မင်းကြောင့်၊ မင်းကြောင့် ငါ့ဘ၀ပျက်စီးသွားပြီ၊ မင်းကို ငါလုံးဝခွင့်မလွှတ်နိုင်တော့ဘူး”

ဖိုးချောအော်ပြောတော့ ဖိုးသား ဘာမှပြန်မပြောနိုင်။ ဖိုးချောပြောတာလည်းဟုတ်သည်။ ဖိုးသားသာ ထိုညက ဖျတ်ကနဲ့မနမ်းလိုက်ဘူးဆိုလျှင် သည်လိုသတင်းထွက်လာစရာအကြောင်းမရှိ။

“မင်း ဘာလို့ ငါ့ကို အဲ့လိုလုပ်လိုက်ရတာလဲ၊ မင်းလုပ်ရပ်ကြောင့် ငါ့ဘ၀ကြီးတစ်ခုလုံးဗြောင်းဆန်သွားပြီဆိုတာသိရဲ့လား၊ မင်း လူတွေကို ဘယ်လိုဖြေရှင်းပြမှာလဲ ပြောစမ်း”

“ငါ ငါတောင်းပန်ပါတယ်ဖိုးချောရယ်”

“တောင်းပန်တယ် ဟုတ်လား၊ အခုဟာက တောင်းပန်ရုံနဲ့ ပြီးသွားမဲ့ကိစ္စလား၊ ဟင်၊ တောင်းပန်ရုံနဲ့ ပြီးသွားမဲ့ကိစ္စလားလို့၊ မင်းကို ငါ လုံးဝခွင့်မလွှတ်ဘူး”

ဖိုးချောက စူးစူးဝါးဝါးကြည့်ပြီး ဆိုင်ကယ်ကိုမောင်းနှင်ကာ လှည့်ထွက်သွားပေပြီ။

“ဖိုးချော.. ဖိုးချော…”

ဖိုးသားခေါ်သော်လည်း ဖိုးချော လှည့်မကြည့်တော့ပေ။ 

“ဖိုးချော ဟီး ဟီး ဟီး၊ ငါ ဘယ်လိုလုပ်ရမှာလဲဖိုးချောရယ်၊ ငါ မင်းကို ဘယ်လိုများလုပ်ပေးရပါတော့မလဲ”

ဖိုးသားလည်း ကြာကြာမငိုနိုင်တော့ပဲ မျက်ရည်များကိုသုတ်ကာ စက်ဘီးလေးအား ယူပြီး အိမ်ဘက်သို့ လှမ်းလိုက်သည်။

Xxxxxxxxxxxxxxxxxx

ဖိုးချော ဆိုင်ကယ်ကို တစ်ဟုန်ထိုးမောင်းထွက်ခဲ့သည်။ ယာဉ်အန္တရာယ်တွေကိုလည်း မမြင်တတ်ခဲ့။ မော်တော်ပီကယ်များကိုလည်း မမြင်။ ရှေ့ မှ ကားများကို တစ်စီးပြီးတစ်ပြီး ကျော်တက်ကာ မောင်းလိုက်သည်။ 

ဆိုင်ကယ်အား မောင်းသာမောင်းနှင်နေသည် ဘယ်ဆီသို့ ဦးတည်ရမည်ဖိုးချောမသိ။ ဘယ်ဆီပဲရောက်ရောက် လူတွေနဲ့ ကင်းလွတ်သည့်နေရာ ရောက်လျှင်ဖြင့် တော်ပြီ။ 

တိတ်ဆိတ်သော တံတားကြီးအောက်ရောက်တော့ ဆိုင်ကယ်ကိုရပ်လိုက်သည်။ ဖိုးချော ငိုကြီးချက်မနဲ့ ငိုချလိုက်သည်။

“အား……”

ဖိုးချော အသံကျယ်ကြီးဖြင့် အော်ချလိုက်သည်။

လောကကြီးမှာ ဖိုးချော ဘယ်လိုများ နေထိုင်ရပါတော့မလဲ။ လူတွေ လက်ညှိုးခံရတဲ့ဘ၀မှာ ဖိုးချောမနေလို။ လူတွေက “ သည်ကောင်ကအခြောက်” လို့ လက်ညှိုးငေါက်ငေါက်ထိုးတဲ့ဘ၀မှာ နေရမှာ ဖိုးချော သိပ်ကြောက်သည်။ လောကကြီးမှာ ဖိုးချောအတွက် နေစရာနေရာ ရှိပါဦးတော့မလား။ ဖိုးချောဘက်မှာ ဘယ်သူတွေများ ရှိပါဦးတော့မလဲ။ 

အတွေးထဲ ကိုနိုင်းကို သတိရလိုက်မိသည်။ စိတ်ညစ်ဝမ်းနည်းတတ်သည့်အချိန် ချစ်သူကိုနိုင်းကို သတိရမိသည်။ ချစ်သူကိုနိုင်းက စိတ်ညစ်မှုတွေ နည်းနည်းပြေလျော့စေနိုင်တန်ကောင်းသည်။ အနည်းငယ်မျှ ခွန်အား ဖြစ်စေနိုင်တန်ကောင်းသည်။ ဖုန်းလေးကို ထုတ်ပြီး ကိုနိုင်းဆီ ဆက်သွယ်လိုက်သည်။

အချိန်အတော်ကြာသည့်တိုင် ကိုနိုင်း ဖုန်းမကိုင်ခဲ့။ ဖိုးချော ဆက်ဆက်ခေါ်သည်။ ကိုနိုင်း မကိုင်ခဲ့ပြန်။ ဖိုးချော ၀မ်းနည်းလာသည်။ တွေ့ချင်သည့်အချိန် မတွေ့ရခါမှ ပိုပိုပြီး ၀မ်းနည်းမိသည်။ ဖိုးချော ဆက်ခေါ်လိုက်မိပြန်သည်။ ကြားလိုက်ရသည်က အမျိုးသမီးတစ်ယောက်၏အသံ။ စက်ပိတ်ထားပါသည်ဆိုပါလား။ ဖိုးချော ပိုပိုပြီး ၀မ်းနည်းသွားရသည်။

ဒါဟာ ကိုနိုင်းက ရှောင်ဖယ်လိုက်သည့် အဓိပါယ်လား။ ကိုနိုင်းက ဘာကြောင့် ပုန်းရှောင်နေလိုက်ရတာလဲ။ သတင်းကို ကိုနိုင်းများသိသွားခဲ့ပြီလား။ ကိုနိုင်းအထင်များလွဲသွားခဲ့ပြီလား။

မဖြစ်ရဘူး။ သည်လိုမဖြစ်ရဘူး။ သည်လိုမျိုးအဖြစ်မခံနိုင်ဘူး။ ငါ ကိုနိုင်းကို ဖြေရှင်းချက်ပေးရမယ်။ ကိုနိုင်းအထင်လွဲနေကြောင်း ငါဖြေရှင်းပေးရမယ်။ 

ဖိုးချော မျက်ရည်များကို ခပ်ကြမ်းကြမ်းသုတ်လိုက်သည်။ ချက်ချင်းဆိုင်ကယ်ကို စက်နှိုးကာ ကိုနိုင်းဆီ အပြင်းနှင်လိုက်သည်။

Xxxxxxxxxxxxxxxx

အိမ်သို့ရောက်တော့ စက်ဘီးလေးကို ဒေါက်ပင်မထောက်နိုင်ပဲ ဖိုးသားပစ်လှဲလိုက်သည်။ အိမ်ထဲသို့ အပြေးတစ်ပိုင်း ပြေးဝင်လိုက်သည်။ 

ဘယ်သူတွေများ အိမ်ထဲ ၀င်မွှေခဲ့ပြီးပြီလဲ။ ဘယ် ယုတ်မာပက်စက်သူတွေကများ အိမ်ထဲဝင်ပြီး စီစီတီဗွီတပ်ထားခဲ့လိုက်ပြီလဲ။

အိမ်တွင်းနံရံများဆီသို့ ဖိုးသားလှည့်ပတ်ရှာကြည့်လိုက်သည်။ ပြတင်းပေါက်လေး၏ အပေါ်နားတွင် စီစီတီဗွီတပ်ထားသည်ကို တွေ့လိုက်ရသဖြင့် ဖိုးချော ဒေါသအကြီးအကျယ်ထွက်ကာ ဖြုတ်ယူလိုက်ပြီး နင်းချေပစ်လိုက်သည်။

“ခွေးမသားတွေ၊ ခွေးသူတောင်းစားတွေ၊ ခွေးကောင်တွေ”

ဖိုးချောဒေါသနဲ့အတူ ဆဲသံတွေ ညံသွားလေသည်။ ပြီး တစ်ခြားနေရာတွေမှား ရှိသေးလေဦးမလားဆိုပြီး လှည့်ပတ်ရှာကြည့်သေးသည်။ ရေချိုးခန်းနှင့် အိမ်သာထဲတွင်လည်း စီစီတီဗွီတပ်ထားသည်ကိုတွေ့လိုက်ရသဖြင့် ဖြုတ်ယူကာ ဒေါသနဲ့အတူ နင်းချေပစ်လိုက်ပြန်သည်။ ဖိုးသား၏မျက်နှာသည် ပကတိ မုန်ယိုနေသော ဆင်ကြီးအတိုင်းပင်ဖြစ်သည်။

တီ တီ တီ.. တီ တီ တီ…

ထိုစဉ် အိမ်ရှေ့ မှ ဘဲလ်တီးသံကြောင့် ဖိုးသားထွက်ကြည့်လိုက်သည်။ ကင်မရာများနဲ့ အသံဖမ်းစက်များနဲ့ သတင်းထောက်များကို တွေ့လိုက်သည်။

“စတီဗင်ထူးက ဂေးတစ်ယောက်ဆိုတာ ဟုတ်ပါသလား၊ စတီဗင်ထူးက ကောင်လေးတစ်ယောက်နဲ့ အတူတူနေနေတယ်ဆိုတာ ဟုတ်ပါသလား၊ မဟုတ်မှလွဲရော့ စတီဗင်ထူးနဲ့ အတူတူနေတဲ့ကောင်လေးဟာ ညီလေးများလား၊ ကျေးဇူးပြုပြီး ဖြေကြားပေးပါ”

ထိုမေးခွန်းကြောင့် ဖိုးသား ပိုပိုပြီး ဒေါသထွက်လာရသည်။

“ဘာဖြစ်လို့သိချင်ရတာလဲ၊ ဘာဖြစ်လို့ သူများကို ကိစ္စကို ၀င်စွက်ဖက်ချင်ရတာလဲ၊ မင်းတို့မှာ လုပ်စရာအလုပ်က ဒါပဲရှိတာလား၊ သူများကိစ္စကို ၀င်စွက်ဖက်ရမှ ထမင်းစားဝင်တာလား ဟင်”

ဖိုးသား ဒေါသနဲ့အတူ ပြန်ခံပက်ပြောပစ်လိုက်သည်။

“ကျေးဇူးပြုပြီး ကျွန်တော်တို့ မေးတာလေးဖြေပေးစေလိုပါတယ်၊ စတီဗင်ထူးကဂေးတစ်ယောက်ဆိုတာ ဟုတ်ပါသလား”

“စတီဗင်ထူးက ဂေးဟုတ်သလားဆိုတာ သိချင်တယ်ဟုတ်လား၊ မင်းနှမနဲ့ပေးစားချင်လို့ သူဂေးဟုတ်မဟုတ်မေးနေတာလား၊ သူဂေးမဟုတ်ဘူးဆိုရင် မင်းနှမပေးစားမှာလားဟင်”

ဖိုးသား ဒေါသနဲ့အတူ ထိုသတင်းထောက်၏ ကော်လာစအား ဆွဲထားလိုက်သည်။

“မင်းနှမနဲ့ ပေးစားချင်လို့ လာမေးနေတာလားလို့”

“အဲ့ အဲ့လိုတော့ မဟုတ်ပါဘူး၊ စိတ်ကိုလျှော့ပါညီလေးရ၊ လည်စေ့အက်တယ်”

“ဒါဆိုရင်လည်း သူများမကြိုက်တာကို ဘာလို့လာမေးနေတာလဲ၊ အောင်မြင်နေတဲ့သူကို မနာလိုသူတွေက လုပ်ကြံဖန်တီးထားတာလို့ကော မတွေးမိဘူးလား၊ သူများပြောတိုင်း မင်းတို့ကယုံလိုက်တာလား၊ မင်းတို့က ပြောလိုက်ယုံတဲ့ ပုတ်သင်ညိုတွေလား တိရစ္ဆာန်ဦးနှောက်နဲ့ကောင်တွေရဲ့၊ မြန်မြန်ထွက်သွား၊ မဟုတ်ရင်တော့ ငါ့ကိုအဆိုးမဆိုနဲ့”

“အေး အေးပါကွာ”

သတင်းထောက်များက ဓာတ်ပုံများ တဖျပ်ဖျပ်ရိုက်ပြီး ပြေးထွက်သွားကြသည်။ ဖိုးသားဒေါသနဲ့အတူ အသက်ကို ခပ်ပြင်းပြင်းရှုနေရသည်။

Xxxxxxxxxxxxxxxxxxxxxxx

ကိုနိုင်းအိမ်ရှေ့ ရောက်တော့ ဆိုင်ကယ်ကို ဖိုးချောရပ်လိုက်သည်။ ကိုနိုင်း အိမ်တံခါးက ပိတ်ထားသည်။ သော့ခလောက်အား မြည်အောင် ခေါက်လိုက်ပြီး အိမ်ရှေ့ တွင် လူရှိနေကြောင်း အသိပေးလိုက်သည်။

“ကိုနိုး၊ ကိုနိုင်း ကိုနိုင်းရှိလား”

ဆိုပြီးတော့လည်း အလောတကြီး အော်ခေါ်လိုက်မိသည်။ ခြံစောင့်ဖြစ်ဟန်တူသူဦးလေးကြီးတစ်ယောက်က တံခါးရှေ့  ရောက်လာသည်။

“ကိုနိုင်းနဲ့ တွေ့ချင်လို့လားကွဲ့”

“ဟုတ် ဟုတ်ပါတယ်ဦးလေး၊ ကိုနိုင်းရှိလားဟင်”

“မရှိဘူးကွဲ့”

“ဗျာ၊ ကိုနိုင်းမရှိဘူးလား၊ သည်နေ့ ကိုနိုင်း ရိုက်ကွင်းလည်း မလာဘူး၊ ဧကန္တနေမကောင်းလို့လား”

“မဟုတ်ပါဘူးကွယ်၊ ကိုနိုင်းနေကောင်းပါတယ်၊ ဒါပေမဲ့ ဘယ်သွားတယ်ဆိုတာတော့ ဦးလေးလည်း မသိဘူးကွဲ့”

“ဗျာ၊ ကိုနိုင်း ဘယ်သွားတယ်ဆိုတာ မသိဘူးလား”

“အင်း၊ တွေ့ချင်ရင် ဖုန်းဆက်လိုက်လေကွယ်”

“ဖုန်းကလည်း ပိတ်ထားလို့ပါ၊ ဘယ်သွားတယ်ဆိုတာတော့ ပြောမသွားဘူးလား”

“ပြောမသွားဘူးကွယ်၊ ကိုနိုင်းက ဘယ်သွားသွား ဦးလေးကို ပြောလေ့မရှိဘူးကွဲ့”

ဖိုးချော ဘာမှဆက်မမေးတော့ ။ တစ်ဖက်သို့လှည့်လိုက်ပြီး ငိုလိုက်ချင်မိတော့သည်။ 

ကိုနိုင်းတကယ်ပဲ ရှောင်နေခဲ့ပြီလား။ ဖြေရှင်းခွင့်လေးတောင် မပေးတော့ဘူးလားကိုနိုင်းရယ်။

ကိုနိုင်း ရပ်တည်နိုင်စွမ်းမရှိတော့ပဲ ထိုင်ကာ ငိုချလိုက်သည်။

ကိုနိုင်းရယ်။ တွေ့ချင်လိုက်တာ။ ညီ့ကို လာတွေ့လှည့်ပါဦးလားကိုနိုင်းရယ်၊ ညီ့ကိုတစ်ခါလောက်ပွေ့ဖက်ပြီး အားပေးနှစ်သိမ့်လှည့်ပါဦးလားကိုနိုင်းရ။

Xxxxxxxxxxxxxxxxxx

ရိုက်ကွင်းကိစ္စအဆင်မပြေသဖြင့် ဦးမင်းသိုင်း စိတ်ပျက်လက်ပျက်နဲ့ အိမ်သို့ပြန်လာခဲ့သည်။ အိမ်ရောက်တော့ တီဗွီကြည့်နေသည့်သားက စားပွဲပေါ်ခြေထောက်တင်ရင်း ဇိမ်ကျနေသည်။

“ဟ အဖေ စောစောစီးစီးပါလား၊ ရိုက်ကွင်းအဆင်မပြေလို့လားဗျ”

“မပြောချင်ပါဘူးကွာ၊ ကိုနိုင်းကလည်း မလာ၊ စတီဗင်ထူးကလည်း မပြောရင်းမဆိုရင်း လစ်ပြေးသွားနဲ့၊ တစ်ယောက်မှကို အဆင်မပြေပါဘူးကွာ”

“ဟား ဟား ဟား ဟက်ဟက် ဟက်”

ဦးမင်းသိုင်းစကားကြောင့် သားဖြစ်သူ နေမင်းထိုက်က ဟက်ဟက်ပက်ပက်ရယ်လေသည်။

“မင်း ဘာရယ်တာလဲကွ”

“အဖေယုံကြည်အားကိုးတဲ့ မင်းသားတွေရဲ့ လုပ်ပုံကိုကြည့်ပြီး ရယ်ချင်လို့ပါဗျာ၊ ဒါနဲ့အဖေ စတီဗင်ထူးက ဘာကြောင့် ရိုက်ကွင်း မလာရတာလဲသိလား”

“မသိဘူးလေး၊ ဘာဖြစ်လို့တဲ့လဲ”

“ရှက်လို့လေ ရှက်လို့”

“ရှက်လို့ ဟုတ်လား၊ မင်းပြောချင်တာလဲ”

“ဟား ဟား ဟား အဖေက ဘာမှမသိဘူးကိုး၊ ညံ့ပါ့အဖေရ၊ အဲ့ဒါကြောင့် အင်တာနက်သတင်းလေး ဘာလေးကြည့်လို့ ကျုပ်ပြောတာပေါ့အဖေရ ဟက် ဟက် ဟက်”

“မင်း ကိုယ့်အဖေကိုတောင် ပြောင်ချော်ချော်လုပ်နေတာလား”

“ပြောင်ချော်ချော်လုပ်တာ မဟုတ်ရပါဘူးအဖေရ၊ ကျုပ်က အမှန်အတိုင်းပြောနေတာ၊ အဖေသိလား၊ စတီဗင်ထူးဆိုတဲ့ကောင်က အခြောက်လေ အခြောက်”

“အခြောက်၊ မင်း မင်း သူများကို မဟုတ်က ဟုတ်က၊ မဟုတ်တာ လျှောက်မစွပ်စွဲနဲ့နော်”

“မဟုတ်တာကို စွပ်စွဲစရာလားအဖေရာ၊ အဖေ့သားက မသေချာပဲနဲ့ ဘယ်တော့မှ လျှောက်မပြောဘူးသိလား၊ အဖေမယုံရင် သည်မယ်ကြည့်၊ ဖေ့ဘုတ်ထဲမှာ သည်ကောင့်သတင်းတွေ ပလူပျံနေတာပဲ၊ သည်မယ်”

နေမင်းထိုက်က ဖုန်းလေးကို ခပ်သွက်သွက်ထုတ်ပြီး ဖေ့ဘုတ်လေးကို ဖွင့်ကာ စတီဗင်ထူးနဲ့ ယောက်ျားလေးတစ်ယောက်နမ်းနေသည့်ပုံအား ပြလိုက်သည်။ ဦးမင်းသိုင်းလည်း မယုံချင်ယုံချင်နဲ့ ကြည့်လိုက်သည်။ မထင်မှတ်ပဲ စတီဗင်ထူးက ယောက်ျားလေးတစ်ယောက်နဲ့ နမ်းနေသည့်ပုံတွေ့လိုက်ရသောကြောင့် အံ့သြသွားရသည်။

“ဟင် ဒါ ဒါ တကယ်ပဲလား”

“ဟက် ဟက် ဟက် အဖေကလည်းဗျာ၊ သည်လောက်သေချာနေတဲ့သတင်းရှိနေတာတောင် တကယ်လား တွေဝေနေရသေးလားဗျ၊ ဟုတ်တယ် သည်ကောင်က အခြောက်စစ်စစ်၊ အဲ့ပုံထဲကကောင်က သည်ကောင်နဲ့ ငယ်ငယ်လေးကတည်းက အတူတူနေလာခဲ့တဲ့ကောင်၊ အခုထိ အတူတူနေနေတုန်းပဲ၊ ကဲ အခုတော့ သည်ကောင် အခြောက်ဆိုတာ ယုံပြီလား”

“ဒါ ဒါဖြင့်ရင် စ စတီဗင်ထူးက ဂေးပေါ့”

“ဟုတ်တယ်အဖေ၊ အဖေအားကိုးလိုက်တဲ့ စတီဗင်ထူးဆိုတဲ့ကောင်က အခြောက်ဗျ၊ အဖေက လူရွေးမှားသွားပြီဗျ၊ ဘာမှ အဆင့်အတန်းမရှိ ရွံစရာကောင်၊ မစင်ကောင်လိုမျိုးမှ အဖေ မှားပြီး မင်းသားမြှောက်ပေးလိုက်တာဗျ”

ဦးမင်းသိုင်းဘာမှမပြောတော့ပဲ ငြိမ်နေတော့သည်။

“အခုတော့ အဖေ သည်ကောင့်ကို သုံးချင်သေးလား၊ သည်ကောင့်ကို သုံးပြီး အဖေ့ ရုပ်ရှင်ကား အောင်မြင်ပါ့မလားဆိုတော့ တွေးစရာပဲ၊ အဖေ အခုတော့ သားအရင်းရဲ့တန်ဖိုးကို သိပြီမဟုတ်လားအဖေ”

“စတီဗင်ထူးက ဂေးတဲ့လား”

“အဖေကလည်းဗျာ၊ သည်ကောင်လို ရွံစရာကောင်းတဲ့ကောင်ကို အလိမ္မာနည်းနဲ့ ဂေးလို့ ပြောမနေစမ်းပါနဲ့၊ အခြောက်လို့ ပွင့်ပွင့်လင်းလင်းပြောလိုက်စမ်းပါ၊ အခြောက်ကောင်၊ ဖင်ခံတဲ့ကောင်၊ ကဲ ရှင်းပလား”

“စတီဗင်ထူးက ဂေးတဲ့လား”

“ယောက်ျား ကိုမင်းသိုင်း”

ဦးမင်းသိုင်းက အပေါ်ထပ်တက်သွားမယ်လုပ်တော့ ဒေါ်ခင်ဘုတ်က အပြင်မှ ပြန်ရောက်လာပြီး အလောတကြီးနဲ့ ခေါ်လိုက်သည်။

“ဘေးအိမ်က မြနှစ်တို့ကလေ မနက်ဖြန် ဗုဒ်ဓဂါယာ ဘုရားဖူးသွားမလို့တဲ့၊ (၉)ရက်အိပ် (၁၀)ရက်ခရီးတဲ့၊ ကျုပ်ကို ခေါ်နေလို့ လိုက်သွားချင်လို့ပါယောက်ျားရယ်၊ ကျုပ်ကို ထည့်လိုက်ပါနော်”

ဦးမင်းသိုင်းမဖြေပဲ ခေါင်းကိုသာ မော့နေလေသည်။

“ယောက်ျား ဘာတွေ စဉ်းစားနေတာလဲ၊ ကျုပ် ဘုရားဖူးလိုက်ချင်လို့ပါဆိုမှ၊ အခုဟာ အခွင့်အရေးတော့် ငွေလည်း သိပ်မကုန်ဘူး၊ တစ်ကြိမ်တစ်ခါတည်းနဲ့ ဘုရားစုံဖူးရပြီး ကမ္ဘာတစ်ပတ် ပတ်သလိုခံစားရတာတဲ့တော့်”

ဦးမင်းသိုင်းကတော့ ငြိမ်နေပြန်သည်။

“ဟဲ့ ယောက်ျား ကိုမင်းသိုင်း၊ ကျုပ်ကို ထည့်ပေးမယ်မဟုတ်လား၊ မြနှစ်ကလည်း ကျုပ်ပါမှ လိုက်မှာတဲ့တော်၊ ကျုပ်လည်း တစ်ခါမှမရောက်ဖူးတော့ လိုက်ချင်လို့ပါဆို၊ ကိုယ်တို့က အချိန်တိုင်း ရိုက်ကွင်းပဲသွားနေတော့ ကျုပ်တစ်ယောက်တည်း အိမ်မှာ အရမ်းပျင်းတယ်တော့်၊ အဲ့ဒါကြောင့် စိတ်အပြောင်းအလဲလေးဖြစ်အောင် တစ်ကြိမ်တစ်ခါလောက်တော့ ဟဲ့ ယောက်ျား ကိုမင်းသိုင်း.. ပြောရင်းဆိုရင်း ဘယ်သွားပြန်တာလဲ”

ဦးမင်းသိုင်း ဘာမှမပြောပဲ အခန်းထဲ ၀င်သွားပြန်သည်။ နေမင်းထိုက်ကတော့ ဦးမင်းသိုင်း ဘာကြောင့် ထိုသို့ဖြစ်နေရသည်ကို နားလည်သည့်သဘောနဲ့ အကျေနပ်ကြီး ကျေနပ်ကာ ပုခုံး မြှင့်နေသည်။

xxxxxxxxxxxxxxxxxxxxxxxxxxxxxxxxxx

(၁၂း၀၀)နာရီကျော်သွားပေပြီ။ ဖိုးချော ရောက်မလာခဲ့သေးပါ။ အိမ်ပေါက်ဝမှ ထိုင်လျှက် ဖိုးချောပြန်အလာကို ဖိုးသားစောင့်နေမိသည်။ 

ဘယ်တွေများလျှောက်သွားနေသလဲ ဖိုးချောရယ်။ မင်းကို စိတ်ပူနေမဲ့ ငါ့အဖြစ်ကို ထည့်မတွေးတော့ဘူးလား။

နံရံမှ နာရီအား ဖိုးသား လှည့်ကြည့်လှည့်ကြည့် လုပ်နေမိသည်။ (၁၂)နာရီ ကျော်သွားပေပြီ။ 

အိမ်ရှေ့ ဆီမှ ဆိုင်ကယ်သံသဲ့သဲ့ကြားလိုက်ရသည်။ ဖိုးသားမျက်နှာလေး ၀င်းလက်သွားသည်။ ချက်ချင်း ထရပ်လိုက်ပြီး လမ်းမဘက်သို့ ထွက်ကြည့်လိုက်သည်။ တကယ် ဖိုးချော ပြန်လာခဲ့ပေပြီ။ ဖိုးသား အပူလုံး ကျသွားရသည်။

ဖိုးချောမျက်နှာကိုကြည့်လိုက်တော့ ငိုထားသည်ထင်သည်။ မျက်လုံးများ မို့အစ်နေသည်။ မျက်နှာလည်းမကောင်း။ ဆိုတော့ ဖိုးသားပင် ဖိုးချောအား စကားပြောဖို့ မ၀ံ့မရဲဖြစ်သွားရသည်။

“ဖိုး ဖိုးချော”

ဖိုးချောကတော့ လှည့်ပင်မကြည့်။ ဆိုင်ကယ်ဒေါက်ကိုထောက်လိုက်ပြီး အိမ်ထဲဝင်သွားသည်။

“ညစာချက်ထားတယ်၊ စားလိုက်ဦး”

ဖိုးချောကတော့ ပြောစကားကို ဂရုမစိုက်တော့ပဲ ကုတင်ပေါ် ဗိုင်းကနဲ့ ပစ်လှဲလိုက်သည်။ ဖိုးသားလည်း ဘာမှမပြောရဲဖြစ်နေရသည်။

“ငါ ငါတောင်းပန်ပါတယ်၊ အားလုံးဟာ ငါ့ကြောင့်ဖြစ်ရတာပါ၊ ငါ မင်းကို ဘယ်လိုမျက်နှာပြရမယ်ဆိုတာတောင် မသိတော့ဘူး၊ ငါ တကယ်တောင်းပန်ပါတယ်ဖိုးချောရယ်”

“အခုမှပြောနေလဲ အပိုပဲ၊ ကိုနိုင်းက ငါ့ကိုရှောင်နေပြီသိရဲ့လားဖိုးသားရ၊ ကိုနိုင်းက ငါ့ကို ရှောင်နေပြီလို့၊ ဖြေရှင်းခွင့်လေးတောင်မပေးတော့ဘူးလို့၊ မင်းသိရဲ့လား”

ဖိုးချောက ဆတ်ကနဲ့ထပြီး ဒေါသနဲ့ပြောတော့ ဖိုးသားခေါင်းလေးပင် ငုံ့လိုက်ရသည်။

“ငါ့ဘက်ကသာ တစ်ဖက်သတ်ဖြစ်နေတဲ့အကြောင်း ငါ ကိုနိုင်းကို ပြောဖြစ်အောင်ပြောပြပေးပါ့မယ်”

“ဒါတွေပြောပြတော့ကော ဘာထူးမှာလဲကောင်ရ၊ ငါ့ကို လူတွေက လက်ညှိုးထိုးကုန်ပြီ၊ ငါ့ကို လူတွေက အခြောက်ဆိုပြီး ၀ိုင်းလှောင်နေကြပြီကောင်ရ၊ ငါ လူတွေကို ဘယ်လိုမျက်နှာပြရမှာလဲ၊ ငါလောကကြီးမှာ ဘယ်လိုမျက်နှာမျိုးနဲ့ အသက်ရှင်ရမှာလဲ”

“ဖိုး ဖိုးချော….”

“ဒါတွေအားလုံးဟာ မင်းကြောင့်၊ မင်းလုပ်ရပ်တစ်ခုက ငါ့ဘ၀ကြီးတစ်ခုလုံးပျက်စီးသွားရတာ၊ ငါ မင်းကို လုံးဝခွင့်မလွှတ်နိုင်တော့ဘူး၊ မင်း ငါ့အိမ်မှာ မနေနဲ့တော့ အခုချက်ချင်းထွက်သွား၊ ထွက်သွား”

ဖိုးသားဆတ်ကနဲ့ ဒူးထောက်ချလိုက်သည်။

“ငါ ငါ တောင်းပန်ပါတယ်ဖိုးချောရ၊ ငါ့မှာ သွားစရာနေရာမရှိတာလည်း မင်းသိသားနဲ့၊ ငါ ငါလည်း ဘယ်လိုလုပ်ပေးရမယ်ဆိုတာ မသိတော့ဘူး၊ ငါ တောင်းပန်ပါတယ်၊ ကျေးဇူးပြုပြီး ငါ့ကိုမနှင်လိုက်ပါနဲ့ကွာ”

ငိုကြီးချက်မနဲ့ တောင်းပန်နေသော ဖိုးသားအား ဖိုးချော မစာနာမသနားနိုင်ခဲ့။ 

“တီတီတီ တီတီတီ တီတီတီ…”

ဖုန်းသံကြောင့် ကိုနိုင်းများလားဆိုပြီး ဖိုးချော ဘောင်းဘီအိတ်ထဲမှ ဖုန်းအား အမြန်ထုတ်ကြည့်လိုက်သည်။ တကယ်ပင်ကိုနိုင်းဖြစ်နေသည်။

“အ အ အစ်ကို၊ အစ်ကိုနိုင်း အစ်ကိုနိုင်း….၊ ဘာလို့ ဖုန်းပိတ်ထားရတာလဲအစ်ကိုရ၊ ညီ အစ်ကို့ကို ဘယ်လောက်ရှာနေတယ်ဆိုတာ အစ်ကိုသိရဲ့လား”

“ညီ”

“ဟင် ပြောလေ အစ်ကို၊ ညီနားထောင်နေပါတယ်”

“ညီလေး”

ကိုနိုင်း၏ အသံက ဖျော့တော့လွန်းနေသည်။

“ပြောပါအစ်ကို၊ အစ်ကို ညီ့ကို အထင်လွဲနေတာလားဟင်၊ အစ်ကိုထင်တာတွေ မဟုတ်ပါဘူး၊ ညီ သူနဲ့ ဘာမှမပတ်သက်ပါဘူး၊ တကယ်ပါအစ်ကိုရ”

“အစ်ကို ညီတို့ လမ်းကြားရဲ့ ဟိုးအရှေ့ ဘက်မှာ ရောက်နေတယ်”

“ဟင် အစ်ကို လမ်းကြားထဲ ရောက်နေတယ်လား၊ ခဏစောင့်ပါ၊ ညီချက်ချင်းလာခဲ့မယ်”

ဖိုးချောအပြေးကလေး ပြေးသွားလိုက်သည်။ ဖိုးသားကတော့ မျက်ရည်စက်လက်နဲ့ ကျန်ခဲ့သည်။ 

ဖိုးချော လမ်းကျဉ်းကျဉ်းလေး၏ အရှေ့ ဘက်ဆီသို့ ပြေးသွားသည်။ ဟိုး အတော်ဝေးဝေးမှာ ကိုနိုင်း၏ကား ရပ်ထားသည်ကိုတွေ့လိုက်ရသောကြောင့် ဖိုးချော အလွန်အမင်းပျော်သွားရသည်။ ချက်ချင်းပြေးသွားလိုက်သည်။

“အစ်ကို အစ်ကို”

ဖိုးချော ချက်ချင်းပဲ ကားထဲဝင်လိုက်ပြီး ကိုနိုင်းအား ပွေ့ဖက်လိုက်သည်။

“သတိရလိုက်တာအစ်ကိုရယ်၊ ညီ အစ်ကို့ကို ဘယ်လောက်တွေ့ချင်နေတယ်ဆိုတာ အစ်ကိုသိရဲ့လား”

“ညီလေး”

ကိုနိုင်းက ခေါ်လိုက်သည်။ ကိုနိုင်းအသံက အေးစက်လွန်းလှသည်။

ကိုနိုင်းက ခေါ်သဖြင့် ဖိုးချော ကိုနိုင်းအား ကြည့်လိုက်သည်။ ကိုနိုင်းက မပြောပဲ ငြိမ်နေသည်။

“ပြောလေအစ်ကို၊ အစ်ကိုဘာပြောချင်လို့လဲ၊ အစ်ကို အဲ့သတင်းကို ကြားပြီးပြီပေါ့၊ သူနဲ့က ငယ်ငယ်လေးကတည်းက အတူတူနေလာခဲ့တာလို့ အစ်ကို့ကိုပြောပြီးပြီလေ၊ သူကတော့ ညီ့ကို တစ်ဖက်သတ်ချစ်နေတယ်၊ ညီကတော့ သူ့ကို ညီအစ်ကိုတစ်ယောက်လိုပဲ ခင်တာပါအစ်ကို၊ တကယ်ပါအစ်ကို”

“အစ်ကို ညီ့ကိုပြောစရာရှိလို့ လာခဲ့တာ”

“ဘာများလဲအစ်ကို၊ ပြောလေ”

“အစ်ကိုလက်ထပ်တော့မယ်”

“ဘာ! ..”

မထင်မှတ်သော ကိုနိုင်းထံမှ စကားသံကြောင်း ဖိုးချောနားထဲ မိုးခြိမ်းသံ ကြားလိုက်ရသလို ဆူဝေသွားသည်။ အိပ်မက်များ မက်နေသည်လားလို့ပင် ထင်မှတ်မိလိုက်သည်။

“ဘာ ဘာ ဘာပြောလိုက်တယ်”

“အစ်ကိုလက်ထပ်တော့မယ်၊ မိန်းကလေးတစ်ယောက်နဲ့”

“ဘာ ဘာ ဘာ…”

“ညီ့ကို အစ်ကို တောင်းပန်ပါတယ်၊ အားလည်း နာပါတယ်၊ တစ်သက်လုံး အားနာစရာတွေ ဖြစ်သွားခဲ့ပြီညီ”

“အစ်ကိုရူးနေတာလားဟင်၊ အစ်ကိုက ဘာဆိုင်လို့ မိန်းကလေးတစ်ယောက်ကို လက်ထပ်ရမှာလဲ၊ မိန်းကလေးတွေကို ခံစားလို့မရပဲနဲ့ ဘာလို့ မိန်းကလေးတစ်ယောက်နဲ့ လက်ထပ်ရမှာလဲ၊ အစ်ကို ညီ့ကို နောက်နေတာလားဟင်”

“အစ်ကို မနောက်ဘူးညီ၊ အတည်ပြောနေတာ”

“အစ်ကို သည်လိုမလုပ်သင့်ဘူးလေ၊ ညီ့အပေါ်မှာ သည်လိုမလုပ်သင့်ဘူးလေးအစ်ကို၊ သူနဲ့ ညီက ဘယ်လိုမှ မပတ်သက်ပါဘူးလို့ ညီပြောပြီးပြီလေ”

“အဲ့သည်ကိစ္စနဲ့ ဘာမှမဆိုင်ပါဘူးညီ၊ ညီပြောသလို သူနဲ့ ညီ ဘာမှမပတ်သက်ပါဘူးဆိုတာကို အစ်ကို ယုံပါတယ်၊ ဒါပေမဲ့…”

“ဒါ ဒါ ဆို ဘာလို့လဲ၊ ဘာလို့ မိန်းကလေးတစ်ယောက်ကို လက်ထပ်ရမှာလဲအစ်ကိုရ၊ ညီ့ကို ပြောပြစမ်းပါဦး”

“ပြောရမှာတော့ ရှက်ပါတယ်ညီ၊ အစ်ကိုလုပ်ရပ်က Homosexual တွေအပေါ်မှာ သစ္စာဖောက်သလို ဖြစ်ချင်ဖြစ်နေမှာပဲ၊ ဟိုမိုဖြစ်ပြီး ဟိုမိုမပီသဘူးလို့ပဲ ဆိုပါရစေတော့ညီ”

“ဘာ ဘာပြောချင်တာလဲ”

“အစ်ကိုက ဂေးတစ်ယောက်ဖြစ်ပေမဲ့ ဂေးတစ်ယောက်ဆိုတာ ၀န်ခံဖို့ ဘယ်လိုမှ သတ္တိမရှိဘူးညီ၊ ဂေးတစ်ယောက်လို့ လူတွေ လက်ညှိုးထိုးမှာကို အစ်ကိုမလိုလားဘူး၊ ဂေးတွေ အခွင့်အရေးရဖို့ အစ်ကို ဘယ်လိုမှ ကြိုးစားမပေးချင်တော့ဘူး၊ အစ်ကိုဟာ ဂေးတစ်ယောက်ဖြစ်လျှက်နဲ့ သည်ဘ၀မှာ ပုန်းလျှိုးကွယ်လျှိုးနေပြီး ဇာတ်သိမ်းတော့မယ်လို့ ဆုံးဖြတ်ထားတယ်ညီ”

“အ အစ်ကို အစ်ကို သည်လိုမလုပ်ရဘူးလေ၊ အစ်ကိုပဲပြောတယ်လေ၊ ဟိုမိုတွေအခွင့်အရေးရတဲ့အထိစောင့်ကြမယ်ဆို၊ အဲ့သည်အချိန်ကျတော့ ညီတို့လက်ထပ်ကြမယ်ဆို၊ သည်လိုပြောပြီးမှ မိန်းကလေးတစ်ယောက်ကို လက်ထပ်မယ်တဲ့လား၊ အစ်ကို မလုပ်ရဘူး၊ ညီ လုပ်ခွင့်မပြုဘူးအစ်ကို”

“အစ်ကိုတောင်းပန်ပါတယ်ညီ”

“မရဘူး၊ တောင်းပန်ရုံနဲ့ ပြီးသွားမဲ့ကိစ္စမဟုတ်ဘူး၊ ညီ့မှာတော့ ဘာမဟုတ်တဲ့သတင်းလေးကြောင့် လူတွေကြားမှာ လက်ညှိုးထိုးခံရလို့ သေမလိုတောင်ဖြစ်နေတာ၊ အစ်ကိုကပါ ဘာလို့ သည်လိုလုပ်ရတာလဲ၊ ညီ့ကို စိတ်ဆင်းရဲအောင် လုပ်ရတာလဲအစ်ကိုရ၊ ညီ့ကို ချစ်ရင် စိတ်ဆင်းရဲစရာတွေမပေးပဲ အားပေးနှစ်သိပ့်ပေးပါလားအစ်ကိုရ”

“အဲ့သည်လိုပဲလေ၊ ညီတောင် ဘာမဟုတ်တဲ့ကိစ္စလေးကြောင့် သေမလိုဖြစ်နေခဲ့ရပြီလေ၊ အစ်ကိုလည်း ညီလိုဖြစ်မှာ သိပ်ကြောက်တယ်ညီရ၊ အစ်ကို ညီလိုမဖြစ်ချင်ဘူး၊ အဲ့ဒါကြောင့် မဖြစ်ခင်ကတည်းက ကြိုတင်ရှောင်ရှားပြီး ဆင်ခြင်နေနေရတာညီရ၊ ညီလည်း အဲ့လိုမဖြစ်ချင်ပဲနဲ့ ဘာလို့ ဆင်ဆင်ခြင်ခြင်မနေခဲ့တာလဲ၊ ဘာလို့ လူတွေပါးစပ်ဖျားမှ ပြောချင်စရာတွေဖြစ်အောင် ဆင်ဆင်ခြင်ခြင်မနေခဲ့သလဲ”

မထင်မှတ်ပဲ ကိုနိုင်းက အော်ပြောလိုက်သဖြင့် ဖိုးချော ငြိမ်သွားရသည်။

“အစ်ကို့ကိုလည်း ညီလိုမဖြစ်စေချင်ရင် အစ်ကို့ကို လွတ်လပ်ခွင့်ပေးလိုက်ပါ၊ အစ်ကိုလည်း လူတွေပါးစပ်ဖျားမှာ သည်ကောင်က ဂေးပါ အခြောက်ပါလို့ လက်ညှိုးထိုးတာ မခံချင်ပါဘူးဆို”

“အ အစ်ကို…”

“အဲ့ဒါကြောင့် ညီလည်း အစ်ကို့ကိုချစ်ရင် လွတ်လပ်ခွင့်ပေးရမှာပေါ့၊ အခန့်မသင့်ရင် ညီ့ကြောင့် အစ်ကိုတို့သတင်းတွေထွက်ပြီး ဘ၀တောင်ပျက်ချင်ပျက်သွားမှာ၊ အစ်ကိုကပဲ တောင်းပန်ပါတယ်ညီ၊ အစ်ကို့ကို လွတ်လပ်ခွင့်ပေးလိုက်ပါ”

ဖိုးချော လုံးဝဆွံ့အသွားသည်။ အသက်ပင်မရှုတော့။ ပြီးမှ စက်ရုပ်လှုပ်ရှားသလို ကားပေါ်မှဆင်းလိုက်သည်။ ကိုနိုင်းအား လှည့်မကြည့်တော့ပဲ ကျောပေးလိုက်သည်။ ဖိုးချော လုံးဝ ကြက်သေသေနေလေသည်။ ဖိုးချော အပြင်ရောက်ရောက်ချင်း ကိုနိုင်းက ကားကိုမောင်းထွက်သွားသည်။ ကိုနိုင်းထွက်သွားတော့မှ ဖိုးချော ပိုပြီး ၀မ်းနည်းလာရကာ ငိုချလိုက်သည်။

ကိုနိုင်းနဲ့ တကယ်ပြီးဆုံးသွားခဲ့ပြီဆိုတာသိလိုက်သည်။ အယုံကြည်ရဆုံး ချစ်သူ၏ ငြင်းပယ်မှုကို ဖိုးချော ခံစားလိုက်ရပါသည်။ အသက်တမျှချစ်ရသူ ကိုနိုင်းအား ဆုံးရှုံးလိုက်ရသဖြင့် ဖိုးချော ရူးလောက်အောင် ခံစားရပါသည်။

ထိုစဉ် အနားသို့ ဖိုးသား စိုးရိမ်တကြီးရောက်လာသည်။ ထိုင်လျှက် ၀မ်းနည်းပက်လက်ငိုနေသည့် ဖိုးချောအား ဖေးမပေးသည်။

“ဖိုး ဖိုးချော”

“ဟီး ဟီး ဟီး၊ ကိုနိုင်း”

“ဖိုးချောရယ်၊ သည်လိုမနေပါနဲ့ကွာ”

“ကိုနိုင်းက ငါ့ကို ထားသွားပြီ၊ ကိုနိုင်းက မိန်းကလေးတစ်ယောက်ကို လက်ထပ်တော့မယ်တဲ့၊ သူ့ကိုချစ်ရင် လွတ်လပ်ခွင့်ပေးပါတဲ့”

“ဖိုးချောရာ၊ အိမ်ပြန်ကြရအောင်နော်၊ ထပါ”

“ကိုနိုင်းက မိန်းကလေးတစ်ယောက်ကို လက်ထပ်တော့မယ်တဲ့၊ သူ့ကိုချစ်ရင် လွတ်လပ်ခွင့်ပေးလိုက်ပါတဲ့”

“ဖိုးချော..”

“ငါ့ဘ၀ထဲမှာ ကိုနိုင်းမရှိတော့ဘူး၊ ကိုနိုင်းက ငါ့ဘ၀ထဲက ထွက်သွားပြီး၊ အစ်ကိုနိုင်း အစ်ကိုနိုင်း၊ ကျေးဇူးပြုပြီး ညီ့ကို မထားခဲ့ပါနဲ့လား…”

“ထပါ၊ လူတွေမြင်ရင်မကောင်းဘူး”

ဖိုးသားက တွဲထူပေးလိုက်သည်။

Xxxxxxxxxxxxxxxxxxxxx

မနက်မိုးလင်းတော့ ဖိုးချောအပြင်ကင်းစွာ အိပ်စက်နေတုန်း။ ကလေးလေးလို နူးညံ့စွာ အိပ်စက်နေသည့် ဖိုးချောအား ဖိုးသားတစိမ့်စိမ့်ကြည့်နေသည်။ ဖိုးချောကို သနားလွန်းလှပါသည်။

သည်နေ့ ဖိုးသား ဆိုင်သို့ သွားလို့မဖြစ်။ ဖိုးချောဘေးနားမှာ ရှိနေရမည်။ မတော်လို့ မနေ့ကလို သတင်းထောက်တွေရောက်လျှင် အခက်။ သတင်းထောက်တွေ မ၀င်နိုင်အောင် တံခါးနှင့် ပြတင်းပေါက်များကို လုံအောင် ပိတ်ထားလိုက်သည်။ ရောက်လာခဲ့လျှင် ဖိုးသားက ဘေးကနေ ၀င်ဖျန်ဖြေရဦးမည်။ ပြီး ဖိုးချော တစ်ခုခုလုပ်မှာကိုလည်း စိုးကြောက်သည်။

ဖိုးချောနိုးလာခဲ့လျှင် အဆင်သင့်ဖြစ်ဖို့ရာအတွက် ချက်ပြုတ်ထားလိုက်သည်။ နံနက်(၁၀)နာရီကျော်သွားပြီ။ နံနက်စာလည်း ချက်ပြုတ်ပြီးစီးခဲ့သည့်တိုင် ဖိုးချောကတော့ အပြစ်ကင်းစွာ အိပ်စက်နေတုန်း။ အိပ်ပါစေ။ အခုတလော စိတ်ညစ်စရာတွေနဲ့ ဖိုးချော သိပ်ကိုပင်ပန်းနေရှာလိမ့်မည်။

Xxxxxxxxxxxxxxxxxxxxx

ကိုနိုင်းက သည်နေ့လည်း ခွင့်ယူလိုက်ပြန်ပြီ။ မင်္ဂလာပွဲရက် နီးကပ်လာပြီဖြစ်သဖြင့် ပြင်ဆင်စရာတွေ ရှိသည်ဟုဆိုသည်။ စတီဗင်ထူးကတော့ လုံးဝအဆက်အသွယ်ပြတ်နေသည်။ ရိုက်ကွင်းမှ လုပ်သားအချို့ စိတ်ညစ်နေကြသည်။ ဒါရိုက်တာ ဦးမင်းသိုင်းကတော့ ဘာမှမပြောပဲ ခေါင်းငုံ့ကာ ငိုင်တွေလို့နေသည်။

ဦးမင်းသိုင်း ဘာကြောင့် နှုတ်ဆိတ်နေရသလဲ။

Xxxxxxxxxxxxxxxxxxxxxxxxxxxxx

ဒေါက် ဒေါက် ဒေါက်…….

အိမ်ရှေ့ ထံမှ တံခါးခေါက်သံများ ကြားလိုက်ရသည်။ ဖိုးချော လန့်နိုးသွားသည်။ ပြေးပုန်းရလေမလားဆိုပြီး ဟန်ပြင်လိုက်သည်။ သတင်းထောက်များလားဆိုပြီး ဖိုးသားဒေါသထွက်ကာ လူဆိုးရိုက်တုတ်အား ကောက်ကိုင်ထားလိုက်သည်။

ဖိုးသားက တံခါးအား အသာစေ့ကာချောင်းကြည့်လိုက်သည်။ အပြင်ဘက်တွင် ယောက်ျားအတော်များများနဲ့ မိန်းမလိုဝတ်စားထားသော မိန်းမလျာများကို တွေ့လိုက်ရသဖြင့် ဖိုးသားအံ့သြသွားရသည်။

“ဘယ် ဘယ်သူတွေလဲဟင်၊ ဘယ်သူတွေလဲ၊ သတင်းထောက်တွေလား”

ဖိုးချောက အလန့်တကြားမေးလိုက်သည်။

“မိန်း မိန်းမလျာတွေလားမသိဘူး”

“ဘာ မိန်းမလျာတွေ ဟုတ် ဟုတ်လား”

“ဟုတ်တယ်ထင်တယ်”

မိန်းမလျာများက ဘာကြောင့် လာရသည်ကို ဖိုးချော နည်းနည်းလေးမှ နားမလည်နိုင်အောင်ဖြစ်သွားရသည်။

“စတီဗင်ထူးရှိလားရှင်၊ စတီဗင်ထူးရှိလား၊ ကျွန်မတို့က အားပေးဖို့ လာခဲ့ပါ၊ သတင်းထောက်တွေ မဟုတ်ပါဘူး၊ ကျွန်မတို့က ဘ၀တူတွေပါရှင်၊ ကျွန်မတို့ကို ယုံကြည်ပါရှင်”

မိန်းမလျာတစ်ယောက်၏ အသံကို ကြားလိုက်ရသည်။

“ဘာ ဘာတဲ့”

“အားပေးဖို့လာခဲ့တာပါတဲ့၊ ဘ၀တူတွေပါတဲ့”

“ဘ၀တူတွေ…”

“တံခါးဖွင့်ပေးလိုက်ရမလား”

“တ တကယ် မိန်းမလျာတွေ ဟုတ်ရဲ့လားဟင်”

“ဟုတ်တယ် ဖွင့်ပေးလိုက်မယ်နော်”

ဖိုးချော ခေါင်းညိတ်လိုက်သည်။ ဖိုးသားက တံခါးအား ဖွင့်ပေးလိုက်သည်။

“စတီဗင်ထူးရှိတယ် မဟုတ်လားမောင်လေး”

“ရှိ ရှိပါတယ်၊ ဘာကိစ္စ”

မိန်းမလျာကြီးက အတွင်းသို့ ဝေ့ကြည့်လိုက်ပြီး ဖိုးချောအား တွေ့လိုက်ရသဖြင့် ဖိုးချောထံ တန်းသွားသည်။ နောက်မှ မိန်းမလျာအား၊ မနွဲ့တနွဲ့ ယောက်ျားများကလည်း လိုက်လာကြသည်။

“မောင်လေး”

မိန်းမလျာကြီးက ဖိုးချောလက်အား ကိုင်လိုက်သည်။

“ဘာ ဘာကိစ္စများ”

“မောင်လေးကို မမတို့က အားပေးဖို့လာခဲ့တာပါ၊ မောင်လေး ဘာမှအား မငယ်ပါနဲ့၊ မောင်လေးက ဂေးတစ်ယောက်ဆိုတာ ၀န်ခံမလား”

ဖိုးချော ဘာမှမပြောတတ်။

”မမတို့လည်း ဂေးတွေပါမောင်လေးရယ်၊ ဂေးအချင်းချင်းရှေ့ မှာ ကိုယ့်ဘ၀အကြောင်းကို ၀န်ခံဖို့မရှက်ပါနဲ့၊ မောင်လေးသာ ဂေးတစ်ယောက်ဆိုရင် မမတို့က မောင်လေးကို ဂုဏ်ပြုမှာပါ၊ မောင်လေးလိုအောင်မြင်တဲ့ အနုပညာရှင်တစ်ယောက်က ဂေးဆိုတာ လောကကြီးက သိသွားခဲ့ရင် ဂေးတွေဟာ သိပ်ကိုတော်တဲ့လူတွေပါလားဆိုပြီး ချီးကျူးကြမှာပါမောင်လေးရယ်၊ မောင်လေးသာ သတ္တိရှိရှိဝန်ခံခဲ့မယ်ဆိုရင် မမတို့လိုဂေးတွေအတွက် အခွင့်အရေး ရလာနိုင်တန်ကောင်းပါတယ်၊ အဲ့ဒါဆိုရင် မောင်လေးဟာ မမတို့ဂေးလောကကြီးအတွက် သူရဲကောင်းပေါ့”

မိန်းမလျာကြီးက ရှည်ရှည်ဝေးဝေးရှင်းပြသည်။

“ဂေးဖြစ်ပြီး ဂေးဆိုတာ ၀န်ခံရမှာကို ရှက်တဲ့သူ၊ ဂေးဖြစ်ပြီး မိန်းမယူ အိမ်ထောင်ပြုတဲ့သူတွေကို မမတို့က သိပ်မုန်းတယ်၊ သူတို့က ဂေးလောကကြီးအတွက် မဟာရန်သူတွေပါပဲ၊ ဂေးတွေအပေါ်မှာ သစ္စာဖောက်တဲ့သူ၊ ဂေးဖြစ်ပြီး ဂေးမဆန်တဲ့သူ လူသားမဆန်တဲ့သူတွေပေါ့မောင်လေးရယ်၊ အဲ့လိုလူတွေ မမတင်မကဘူး၊ မမရဲ့သူငယ်ချင်းတွေ၊ တစ်လောကလုံးက ဂေးတွေ အားလုံးက မုန်းကြတယ်၊ မမတို့ မုန်းတဲ့အစားထဲမှာ မောင်လေးကို မပါစေချင်ဘူး”

“သြော်”

“တကယ်တော့မောင်လေးရယ်၊ ဂေးဖြစ်တာရှက်စရာမဟုတ်ပါဘူး၊ ကိုယ်က ကိုယ်ကိုယ်တိုင် ဂေးဖြစ်ပါစေဆိုပြီး ဂေးလုပ်လိုက်တာ မဟုတ်ဘူး၊ မွေးကတည်းက သည်စိတ်ကပါလာတာ၊ အဲ့တော့ ဂေးဖြစ်တာ ရောဂါမဟုတ်ပါဘူး၊ ဂေးလည်း လူပဲ၊ လူတိုင်းမှာ အခွင့်အရေးဆိုတာရှိတယ်၊ အဲ့တော့ ဂေးတွေဖြစ်တဲ့ မမတို့မှာလည်း အခွင့်အရေးဆိုတာ ရရှိသင့်တယ်လေ”

“ဟုတ်ကဲ့မမ”

“ဘယ်သူတွေ ဘာပြောပြော ဂရုမစိုက်ပါနဲ့မောင်လေး၊ ကိုယ့်အကြောင်း သတ္တိရှိရှိ ၀န်ခံလိုက်ပါ၊ ၀န်ခံလိုက်လို့ ရှက်ရမယ်ဆိုရင်လည်း အဲ့သည်အရှက်က ခဏလေးပါ၊ နောင်ဆိုရင် အဲ့သည်ရှက်စိတ်က ပျောက်ကွယ်သွားမှာပါ၊ ကိုယ်ကဂေးတစ်ယောက်ဆိုပြီး ကိုယ့်ကိုယ်ကိုယ်လက်ခံနိုင်လိုက်တဲ့အချိန်မှာ ဘ၀ဟာ သိပ်ကိုလွတ်လပ်ပေါ့ပါးပြီး သိပ်ကိုပျော်စရာကောင်းလာမှာပါမောင်လေးရယ်၊ မောင်လေးဝန်မခံချင်ဘူးဆိုရင်လည်း နေပေါ့၊ ဂေးဖြစ်လျှက်နဲ့ ဂေးမဟုတ်ပါဘူးလို့တော့ ဗြောင်မငြင်းလိုက်ပါနဲ့၊ တကယ်လို့ ၀န်မခံရဲဘူးဆိုရင် နှုတ်ဆိတ်လို့သာ နေလိုက်ပါမောင်လေးရယ်နော်၊ ပြီးတော့ ပါလာတဲ့သတင်းဟာ နှစ်ယောက်သားရဲ့ ပတ်သက်မှုက တကယ် ဟုတ်ဟုတ် မဟုတ်ဟုတ်၊ မောင်လေးက ဂေးတစ်ယောက်ဖြစ်နေခဲ့ရင် အဲ့သည်သတင်းကို တင်တဲ့သူကို တရားစွဲဖို့မလုပ်ပါနဲ့မောင်လေး၊ မောင်လေးက ဂေး ဖြစ်နေပါလျှက်နဲ့ တရားစွဲခဲ့ရင် မောင်လေးကို မမတို့က ရွံမုန်းရလိမ့်မယ်၊ တစ်လောကလုံးမှာ ရှိသမျှ ဂေးတွေ အားလုံးက မုန်းကြလိမ့်မယ်မောင်လေး”

“ဟုတ် ဟုတ်”

“အဲ့တော့ ဘယ်သူတွေက မောင်လေးကို အခြောက်ပါလို့ပြောပြော မောင်လေး စိတ်မကောင်းဖြစ်မနေပါနဲ့၊ အခုခေတ်မှာ ဂေးမဟုတ်တဲ့လူတန်းစားတွေက ဂေးတွေကို လက်ခံနားလည်ပေးတဲ့ လူစားတွေ ရှိနေပါပြီ၊ မောင်လေးဘက်မှာ ရှိနေတဲ့လူတွေလည်း အများကြီးရှိပါတယ်မောင်လေးရယ်၊ ဖေ့ဘုတ်ပေါ်က ဂေးတွေအားလုံးက မောင်လေးကို ချီးကျူးနေကြတယ်၊ ဒါ့ကြောင့် မောင်လေး ဘာမှအားမငယ်ပါနဲ့၊ ဘ၀မှာ ပျော်ပျော်ကြီးနေလိုက်ပါ”

“အခုလို နှစ်သိပ်ပေးလို့ ကျေးဇူးတင်ပါတယ်မမ”

“ရပါတယ်၊ မမတို့က ကိုယ့်လိုဘ၀တူတစ်ယောက် ဒုက္ခရောက်နေရင် ကူညီရမှာက မမတို့တာဝန်ပါ၊ မောင်လေးအခက်မခဲရှိရင် မမတို့ကို အချိန်မရွေးပြောပါ၊ ဟောဒါက မမလိပ်စာနဲ့ ဖုန်းနံပါတ်ပါ”

“ဟုတ်ကဲ့၊ ကျေးဇူးပါမမ”

“ဒါဆို မမတို့သွားတော့မယ်နော်၊ မောင်လေးလုပ်စရာရှိတာကိုလည်း မရှက်မကြောက်ဆက်လုပ်ပါနော်”

“အင်း ဒါနဲ့ ဟောသည်မောင်လေးနဲ့ မောင်လေးက တကယ်ပဲ ချစ်သူတွေလားဟင်”

“အာ မဟုတ် မဟုတ်ပါဘူး၊ စတီဗင်ထူးနဲ့ ကျွန်တော်က ဘာမှမပတ်သက်ပါဘူး၊ ကျွန်တော်ကသာ တစ်ဖက်သတ်ဖြစ်နေခဲ့တာပါ”

အနားမှ ဖိုးသားက ၀င်ဖြေရှင်းပြလိုက်သည်။

“သြော် အဲ့လိုကိုး”

“ကျွန်တော်တို့က ငယ်ငယ်လေးကတည်းက မိဘမဲ့ဂေဟာမှာ ကြီးပြင်းလာခဲ့ပြီး အရွယ်ရောက်မှ အခုလို အတူတူနေလာခဲ့ပါ၊ စတီဗင်ထူးက ကျွန်တော့်ကို ညီအစ်ကိုလိုသဘောထားပေမဲ့ ကျွန်တော့်စိတ်ကတော့ အဲ့လိုဖြစ်နေတယ်၊ ကျွန်တော့်အမှားကြောင့် အခုလိုသတင်းတွေ ထွက်ရတာပါ”

“သြော် အဲ့လိုကိုး၊ ငယ်ငယ်ကတည်းက အတူတူနေလာခဲ့တယ်ဆိုမှတော့ အတူနေဖော်အပေါ်မှာ သံယောဇဉ်တွယ်မိတာ မဆန်းပါဘူး၊ အချစ်ဆိုတာ နှစ်ဦးနှစ်ဖက်လုံးက ချစ်တာမှ ကောင်းပါတယ်မောင်လေးရယ်”

“ဟုတ်ကဲ့မမ”

“ဒါဆို မမတို့သွားပြီနော်၊ အကူအညီလိုရင် ဆက်သွယ်ဖို့မမေ့နဲ့”

“ဟုတ်ကဲ့၊ ဘာမှ ဧည့်မခံလိုက်ရလို့ တောင်းပန်ပါတယ်နော်”

“ရပါတယ်ကွယ်”

မိန်းမလျာကြီးနဲ့ တခြားသူငယ်ချင်းကလည်း ခေါင်းညိတ်ပြုံးပြနှုတ်ဆက်ပြီး ပြန်ခဲ့ကြသည်။

ဖိုးချော သက်ပြင်းချလိုက်မိသည်။ ရင်ထဲမှာတော့ အနည်းငယ် ပူလောင်နေသေးသည်။ ခုတင်ပေါ် ပစ်လှဲလိုက်သည်။ ဖိုးသားအားတော့ လှည့်မကြည့်ခဲ့။

“နံနက်စာ စားလိုက်ပါလား၊ ငါ ခူးထားလိုက်မယ်”

“မင်း ဘာလို့ ခုနတုန်းကလိုပြောလိုက်ရတာလဲ၊ မတော်တဆဖြစ်သွားတာပါလို့ ညာပြောလိုက်ရော့ပေါ့”

“အဲ့ အဲ့လိုပြောစေချင်တာလား၊ ငါတောင်းပန်ပါတယ်”

“မင်းက ပြောလိုက်ရင် တောင်းပန်ဖို့ပဲ၊ စိတ်ပျက်တယ်၊ တံခါးကို လုံအောင်ပိတ်”

“သြော် အေး အေးပါ”

ဖိုးချောတစ်ဖက်သို့လှည့်လိုက်သည်။ ညက ကိုနိုင်း၏ လုပ်ရပ်တွေကို မြင်ယောင်လိုက်မိပြီး မျက်ရည် ကျလာရသည်။

xxxxxxxxxxxxxxxxxxxxxxxxxxx

 သည်နေ့တစ်နေ့လုံး ဖိုးချော ဘယ်မှမသွားပဲ အိပ်လို့သာ နေခဲ့သည်။ ဖိုးသားကတော့ အ၀တ်လျှော်လိုက်၊ မီးပူတိုက်လိုက်၊ သန့်ရှင်းရေးလုပ်လိုက်နဲ့ လုပ်ဖြစ်နေသည်။ 

“တီတီတီ တီတီတီ တီတီတီ…….”

ညဥ့်နက်ကာနီးမှာ ဖိုးချောဖုန်းက မြည်လာသည်။ ကောက်ကိုင်ကြည့်လိုက်တော့ ဦးမင်းသိုင်းဖြစ်နေသည်။ ဦးမင်းသိုင်းက ဆူတော့မည်လားဆိုပြီး ဖိုးချောစိုးရိမ်မိသွားသည်။ ဖိုးသားကတော့ အတော်လှမ်းလှမ်းမှာ နားစွင့်နေသည်။

“ဟဲလို”

“မောင်စတီဗင်ထူးလား”

“ဟုတ် ဟုတ်ပါတယ်၊ ကျွန်တော်တောင်းပန်ပါတယ်ဒါရိုက်တာကြီး၊ ရိုက်ကွင်းကို မလာခဲ့လို့”

“ပြောစရာရှိတယ်၊ ငါ့အိမ်ကို လာခဲ့ပါ”

“အခုလား”

“ဟုတ်တယ် အခုပဲ”

“ဟုတ်ကဲ့၊ ဒါဆို အခုချက်ချင်း လာခဲ့ပါ့မယ်”

ဖိုးချော ဖူးကနဲ့ သက်ပြင်းကို မှုတ်ထုတ်လိုက်သည်။

“ဘယ်သူလဲ၊ ဒါရိုက်တာကြီးလား”

“ဟုတ်တယ်၊ ငါ့ကို ဆူမလို့ထင်တယ်ဖိုးသား၊ ငါ ဘယ်လိုလုပ်ရမလဲ၊ သူ့အိမ်လာခဲ့တဲ့”

“သြော် စိတ်မပူပါနဲ့၊ ဒါရိုက်တာကြီးက မင်းကို နှစ်သိမ့်ပေးမလို့ထင်ပါတယ်၊ သွားလိုက်ပါ”

“ဟုတ်လို့လား”

“အင်း ဒါရိုက်တာကြီးက လူကြီးလူကောင်းပီသပါတယ်ကွာ၊ မင်းကို နားလည်ပေးမှာပါ”

“အေး ဒါဆို သွားလိုက်ဦးမယ်”

ဖိုးချော အပေါ်ဝတ်အဖြစ် အင်္ကျီထူထူလေးဝတ်လိုက်ပြီး ဆိုင်ကယ်သော့ကို ယူကာ ဆိုင်ကယ်စက်နှိုးလိုက်သည်။

“ဖိုးချော”

ဖိုးသားက ခေါ်သဖြင့် လှည့်ကြည့်လိုက်သည်။

“ဖိုက်တင်း”

ဖိုးချော ပြုံးရုံသာ ပြုံးပြလိုက်သည်။

“ငါ စောင့်နေမယ်နော်ဖိုးချော”

ဖိုးချော ဘာမှမပြောတော့ပဲ မောင်းထွက်သွားလေသည်။ ဖိုချောက အနည်းငယ် စိတ်ဆိုးပြေသွားလောက်ပြီထင်သဖြင့် ဖိုးသား ပျော်သွားရသည်။

Xxxxxxxxxxxxxxxxxxxxxxx

ဒါရိုက်တာဦးမင်းသိုင်းအိမ်ရောက်တော့ ဘဲလ်တီးမယ်လုပ်တော့ တံခါးက စေ့ထားသဖြင့် ၀င်လိုက်သည်။ အိမ်ခန်းအတွင်းက တိတ်ဆိတ်နေသည်။ ဘယ်သူမှ မရှိဘူးထင်သည်။ ဖိုးချောဖြည်းဖြည်းချင်းလမ်းလျှောက်လိုက်သည်။ 

မှောင်ရိပ်တစ်နေရာတွင် ဦးမင်းသိုင်းရပ်ကြည့်နေသည်။ 

ဖိုးချောရောက်နေပြီဆိုသည့်အကြောင်း ဒါရိုက်တာကြီးအား ဖုန်းဆက်အကြောင်းကြားမယ်လုပ်တော့ ဦးမင်းသိုင်းထွက်လာသည်။

“ရောက်လာပြီလား”

ဒါရိုက်တာကြီး၏ အသံကြားလိုက်ရသဖြင့် ဖိုးချော အကြောက်ပြေသွားသလို ခံစားလိုက်ရသည်။

“သြော် ဟုတ်ကဲ့”

“လာလေ သည်ဘက်ကို”

ဒါရိုက်တာကြီးသွားရာဘက်သို့ ဖိုးချော ကုပ်ကုပ်လေးလိုက်ပါလာသည်။

ဒါရိုက်တာကြီး၏ အခန်းက မှောင်မည်းကာ တိတ်ဆိတ်နေသည်။ အပြင်ဘက်မှ ရောင်ပြန်ဟပ်သော မီးရောင်မှုန်ပျပျသာရှိနေသည်။ ထိုအခန်းထဲမှ စားပွဲပေါ်တွင်  အရက်ပုလင်းများ ချထားသည်။ ဆိုတော့ဖြင့် ကိုနိုင်းက တစ်ချိန်က ပရိုပို့စ်လုပ်ပေးခဲ့သည့်အဖြစ်အပျက်လေးကို မျက်ဝန်းထဲ မြင်ယောင်လာမိပြီး ၀မ်းနည်းသွားရသည်။

“ထိုင်လေ”

ဦးမင်းသိုင်းပြောမှ ဖိုးချောလည်း အသိစိတ်ဝင်သွားရသည်။

“သြော် ဟုတ်ကဲ့၊ ဒါနဲ့ ဒါရိုက်တာကြီးရဲ့ ဇနီးကကော ဘယ်သွားနေလဲ”

“ငါ့မိန်းမက ဗုဒ်ဓဂါယာကို ခရီးသွားနေတယ်ကွဲ့၊ သားကတော့ သူငယ်ချင်းတွေနဲ့ လည်ချင်ရာလည်နေတာပေါ့”

“သြော် ”

“အရက်သောက်လား”

“သြော် ဟုတ် နည်းနည်းပါးပါး”

“အိုကေ အတော်ပဲ၊ အရက်သောက်ပြီး အေးအေးဆေးဆေးစကားပြောကြတာပေါ့”

ဦးမင်းသိုင်းက ငှဲ့ပြီးသား အရက်ခွက်အား ကမ်းပေးလိုက်သည်။ ဖိုးချောလည်း တစ်ဖက်သို့စောင်းလှည့်ပြီး အကုန်မော့သောက်ချလိုက်သည်။ ဖိုးချောသောက်နေသည်ကို ဦးမင်းသိုင်းစိုက်ကြည့်နေသည်။

“ဒါရိုက်တာကြီးလည်း သောက်လေ”

“အေးပါ”

“ဒါနဲ့ ကျွန်တော့်ကို ဘာကိစ္စကြောင့် ခေါ်တွေ့ရတာလဲဟင်၊ ကျွန်တော် ရိုက်ကွင်းမှာ ပျက်ကွက်လို့လား”

ထိုခဏ ဖိုးချော ခေါင်းထဲ မူးဝေလာသည်။ အရင်က သည်လောက်လေးသောက်လျှင် သည်လောက်ထိမမူးတတ်။ အခုမှ ဘာဖြစ်တယ်မသိ။ ဦးမင်းသိုင်းအား ကြည့်လိုက်သည်။ ဦးမင်းသိုင်း၏ မျက်နှာအား မှုန်ဝါးဝါးနဲ့ သဲကွဲစွာ မမြင်ရတော့။ ဖိုးချော မျက်စိအား စုံမှတိလိုက်သည်။ ထိုခဏမှာပင် ဖိုးချော ဘာမှ သတိမထားးမိတော့ပဲ မှောက်ကျသွားသည်။

စတီဗင်ထူးမှောက်ကျသွားတော့ ဦးမင်းသိုင်းနေရာမှ ထကာ စတီဗင်ထူးအနားသွားရပ်လိုက်ပြီး စတီဗင်ထူး၏ ကိုယ်လေးအား ထွေးပွေ့ကာ အိပ်ယာကုတင်ပေါ်သို့ ပွေ့ချီလိုက်သည်။ ကုတင်ပေါ်တွင် မှောက်လျက်အနေအထားရှိစေလိုက်ပြီး ခြေထောက်များကိုတော့ အောက်သို့ လျှောကျနေစေသည်။ ပြီးမှ စီစဉ်ထားသည့်အတိုင်း စတီဗင်ထူး၏ကိုယ်အား ကြိုးများနဲ့ တုပ်နှောင်လိုက်သည်။ ပါးစပ်ကိုတော့ အသံမထွက်စေရန် စက္ကူတိပ်များနဲ့ ကပ်ကာ ပတ်ထားလိုက်သည်။ စတီဗင်ထူးကတော့ ငြိမ်သက်လို့နေသည်။

ပြီး ဦးမင်းသိုင်းက စတီဗင်ထူး၏ ဘောင်းဘီ ချွတ်လိုက်သဖြင့် ဖြူဖွေးနေသော တင်ပါးလေးအား ထင်းကနဲ့မြင်လိုက်ရသည်။ အင်္ကျီကိုတော့ လည်ပင်းစကနေ ဆွဲပြီး လွှင့်ပစ်လိုက်သည်။ထိုအင်္ကျီလေး နံရံမှာ သွားထိသည်။ လည်ဆွဲအဖြစ် ဆွဲထားသော လက်စွပ်လေးကတော့ ပြက္ခဒိန်တွင် ချိတ်ထားသော သံပင်လေးဆွင် ငြိနေလေသည်။

စအိုဝဆီမှ နာကျင်လွန်းသော ခံစားချက်ကြောင့် ဖိုးချော မူးနေရာမှ သတိပြန်လည်လာသည်။ စအိုဝဆီမှ ပိုပိုပြီး နာကျင်လွန်းလာတာကြောင့် ဖိုးချော လုံးဝသတိရသွားသည်။ 

ဘယ်သူကများ ဘာတွေလုပ်နေသလဲ။ ဖိုးချော ဘယ်လိုခံစားချက်တွေများ ခံစားနေရပါသလဲ၊ ဘာကြောင့် စအိုဝဆီက စူးကနဲ့ စူးကနဲ့ နာကျင်နေရပါသလဲ။ အို စအိုဝကြီးထဲ မာမာတောင့်တောင့်အရာကြီးတစ်ခု ထိုးထည့်နေသလိုပါပဲလား။

ဖိုးချော မျက်လုံးအား ဖွင့်လိုက်သည်။ ဖိုးချောသိလိုက်ပြီ။ ဖိုးချော လိင်စော်ကားခြင်းခံနေရပြီ။ ဘယ်သူကများ။ ဘယ်သူကများ။ ဧကန္တ ဦးမင်းသိုင်းကများလား။ 

စအိုဝက ပိုပိုပြီး နာကျင်လာသဖြင့် ဖိုးချော ကိုယ်ကို လှုပ်လိုက်သည်။ သို့သော်လှုပ်မရ။ ခြေထောက်နဲ့ လက်များအား ကြိုးနဲ့ တုပ်နှောင်ထားမှန်း သိလိုက်ရသည်။ အော်လိုက်ချင်သော်လည်း အော်မရ။ ပါးစပ်အား စက္ကူတိပ်တစ်ခုခုနဲ့ ကပ်ထားမှန်းသိလိုက်ရသည်။

“အင်း” ကနဲ့သာ ဖိုးချော အော်နိုင်သည်။ ကိုယ်အား ဘယ်လောက်ပင်လှုပ်လှုပ် လှုပ်ရှားလို့ မရခဲ့။ နာကျင်မှုများကို အောင့်ကာသာ ခံနေရရှာသည်။

“အား အား”

တစ်ဆက်တည်းမှာပင် ဦးမင်းသိုင်း၏ တအားအား အသံကြီးအား ကြားလိုက်ရသည်။ ဦးမင်းသိုင်းက ဖိုးချောအား လိင်စော်ကားနေပါပြီလား။ အခုလိုစော်ကားဖို့ ရည်ရွယ်ချက်နဲ့ ညဥ့်နက်သန်းခေါင် ခေါ်လိုက်တာပါလား။ 

ဦးမင်းသိုင်းအား ဖိုးချော လွန်စွာ ရွံရှာ မုန်းတီးမိသွားသည်။ ဒေါသအလိပ်လိပ်တက်လာသည်။ ဦးမင်းသိုင်းအားတစ်ခုခုပြန်လုပ်လိုက်ချင်ပါသော်လည်း ဖိုးချော ဘာမှ မတတ်နိုင်ခဲ့။

ခဏကြာတော့ ဦးမင်းသိုင်း လက်စသတ်သွားဟန်တူသည်။ ဖိုးချောလည်း နာကျင်မှုသက်သာသွားသည်။. သို့တိုင် စအိုဝဆီမှ စပ်ဖျင်းဖျင်း ခံစားချက်ကို ခံစားလိုက်ရသည်။ အရည်များစွာလည်း စအိုဝမှတစ်ဆင့် အောက်ဆီသို့ စီးကျနေမှန်းသိလိုက်သည်။ ဖိုးချော ရုန်းလိုက်ပါသော်လည်း မရ။ အသံထွက်လိုက်ပါသော်လည်း အင်းသာ ထွက်လိုက်နိုင်သည်။

ဦးမင်းသိုင်းအား ဖိုးချော ရွံမုန်းစွာကြည့်လိုက်သည်။ စကားပြောချင်လွန်းသဖြင့် ကိုယ်ကို လှုပ်ရှားလိုက်ကာ တအင်းအင်း ထွက်လိုက်သည်။ ဦးမင်းသိုင်း ကြိုးများကိုတော့ မဖြေပေးပဲ ပါးစပ်မှ တိပ်ကိုတော့ ဖြုတ်ပေးလိုက်သည်။

“မင်း ငါ့ကို ဘာပြောချင်လို့လဲစတီဗင်ထူး”

ဦးမင်းသိုင်း၏ ရက်စက်ယုတ်မာသော မျက်နှာကြီးအား တံတွေးနဲ့ ပျစ်ကနဲ့ ထွေးပစ်လိုက်သည်။

“လူယုတ်မာ၊ လူယုတ်မာ”

ဦးမင်းသိုင်းက ပေသွားသော တံတွေးများကို သုတ်နေလိုက်သည်။

“ခင်ဗျားလောက် ယုတ်မာတဲ့သူမရှိတော့ဘူး၊ ခင်ဗျားကို ယုံကြည်ထားသမျှ အလကားပဲ၊ ခင်ဗျားကို အဖေတစ်ယောက်လို သဘောထားခဲ့တာ၊ ခင်ဗျားကတော့ အခုလိုအပြုအမူမျိုးကို လုပ်တယ်၊ ခင်ဗျားကြီးကို အရမ်းမုန်းတယ်၊ ထွီး”

ဖိုးချောက တံတွေးနဲ့ ပြန်ထွေးလိုက်ပြန်သည်။ ဦးမင်းသိုင်း တံတွေးများကို သုတ်ရင်း ပြောလိုက်သည်။

“မုန်းတယ်တဲ့လား၊ မုန်းရအောင် ငါက အမှားလုပ်ခဲ့မိလို့လား”

“အမှား ဟုတ်လား၊ အခု လုပ်ရပ်က အမှားမဟုတ်ဘူးတဲ့လား၊ လူငယ်တစ်ယောက်ရဲ့ဘ၀ကို ဖျက်ဆီးတဲ့ကိစ္စက အမှားမဟုတ်ဘူးတဲ့လား၊ အခုကိစ္စက ဥပဒေနဲ့ မကင်းဘူးဆိုတာ ခင်ဗျားသိရဲ့လား လူယုတ်မာကြီးရဲ့”

“မင်း ဘာပြောပြော ငါက လုပ်သင့်တာကို လုပ်တာလေ”

“ဘယ်လို ဘာပြောတယ်၊ လုပ်သင့်တာကို လုပ်တယ်၊ ခင် ခင်ဗျား ဘာပြောချင်တာလဲ”

“မင်းမေ့သွားပြီလားစတီဗင်ထူး၊ မင်းနဲ့ငါ စာချုပ်ချုပ်ထားတယ်လေ၊ စာချုပ်သက်တမ်းမကုန်ဆုံးသရွေ့တော့ မင်းကို ငါပိုင်တယ်လေ၊ အဲ့ဒါကြောင့် မင်းကို ငါ အခုလိုလုပ်တာ အပြစ်လားဟင်”

“လူယုတ်မာ၊ လူယုတ်မာ”

“ငါ လူယုတ်မာဖြစ်သွားခဲ့ရင်လည်း မင်းကြောင့်ဖြစ်ရတယ်လို့ပဲ သဘောထားလိုက်ပါ၊ မင်းဂေးမှန်းသိလိုက်ရတော့ ငါ အခုလိုအပြုအမူမျိုးကို ကျူးလွန်မိသွားရတာပေါ့”

“ရက်စက်တယ်၊ ခင်ဗျားကြီးကို အရှင်မထားဘူး၊ အခုချက်ချင်း ဖြေပေးစမ်း”

“သည်မှာ စတီဗင်ထူး မင်းသိထားဖို့က မင်းကို ငါပိုင်တယ်ဆိုတာပဲ၊ ဒါ့ကြောင့် မင်းကို ငါ လုပ်ချင်သလို လုပ်ပိုင်ခွင့်ရှိတယ်”

“ခင်ဗျာကြီးကို လိင်စော်ကားမှုနဲ့ ထောင်ထဲပို့ပစ်မယ်”

“ထောင် ဟုတ်လား၊ ဟက် ဟက် ဟက်၊ ရယ်ရတယ်၊ မင်း ဘယ်လိုအင်အားမျိုးနဲ့ ငါ့ကို ထောင်ထဲပို့မှာလဲ၊ မင်းကို ငါ လိင်စော်ကားတယ်ဆိုတဲ့ သက်သေ မင်းမှာရှိလား၊ ဟား ဟား ဟား ရီရတယ်စတီဗင်ထူးရေ၊ တကယ်လို့ လိင်စော်ကားမှုနဲ့ တိုင်ခဲ့မယ်ဆိုရင် ဘယ်သူနိုင်မယ်ထင်လဲ၊ ဘယ်သူတွေက မင်းစကားကို ယုံကြမှာလဲ၊ တကယ်တမ်း ဂေးဖြစ်သူက မင်းလေ၊ မင်းက ငါ့ကို လိင်ဆွဲဆောင်တယ်လို့ ငါကပြန်ချေပလိုက်ရင် မင်း ဘယ်လိုလုပ်မလဲ၊ မင်းစကားကို ယုံမယ်ထင်သလား၊ ငါ့စကားကို ယုံမယ်ထင်သလား”

“လူယုတ်မာ”

“ဒါ့ကြောင့် မင်းသည့်ထက်ပို ဒုက္ခမရောက်စေချင်ရင် သည်အတိုင်း ဘယ်သူ့ကိုမှ မပြောပဲ ငြိမ်ငြိမ်လေးနေလိုက်”

“ဘာ ဘာ ငြိမ်ငြိမ်လေးနေရမယ် ဟုတ်လား၊ မြန်မြန်လွှတ်စမ်း”

ဖိုးချော ရုန်းကန်လိုက်သည်။

ဦးမင်းသိုင်းက ဓားမြောင်လေးအား ယူလာသည်။ ထိုဓားမြောင်လေးက ဖိုးချောမျက်လုံးထဲမှာ လက်ထသွားသည်။ ဖိုးချော လန့်သွားရသည်။

“ခင် ခင်ဗျား ဘာလုပ်မလို့လဲ၊ ဘာလုပ်မလို့လဲလို့”

ဦးမင်းသိုင်းကဖိုးချော၏ လည်ပင်းတွင် ဓားကို လာထောက်သည်။

“မင်း ငါ့ကို ထောင်ထဲ ပို့ရဲရင် ပို့ကြည့်  တစ်ခါတည်း အသက်ပျောက်သွားမယ်၊ ပြောစမ်း၊ ငါ့ကို ထောင်ထဲ ပို့မှာလား”

“ပို့ ပို့ရမှာပေါ့၊ ကိုယ်လုပ်တဲ့အပြစ် ကိုယ်ခံရမှာပေါ့”

ကိုမင်းသိုင်း ပိုပိုပြီး ထောက်လိုက်သည်။

“ငါပြောနေတုန်း စကားကို ကောင်းကောင်းပြောနော်၊ ရဲစခန်းကို တိုင်လိုက်ရင် မင်းအတွက်ရော ငါ့အတွက်ကောင်းတာ ဘာမှ မရှိဘူး”

ဦးမင်းသိုင်းက ကြိုးများအား ဓားမြောင်နဲ့ လှီးဖြတ်လိုက်သည်။ အားလုံးဖြုတ်ပေးလိုက်သည်။ 

ဖိုးချော တုန်လှုပ်ချောက်ခြားစွာနဲ့ ဘောင်းဘီအား ပြင်ဝတ်လိုက်သည်။ ဦးမင်းသိုင်းအား ရင်ဆိုင်ရန် ရှေ့ သို့ တိုးလိုက်တော့ ဦးမင်းသိုင်းက ဓားနဲ့ ကာကွယ်ထားသလို စအိုဝက နာကျင်လွန်းသဖြင့် ထိုင်ချလိုက်ရသည်။

“အား”

စအိုဝသို့ စမ်းကြည့်လိုက်သည်။

သွေးများ ယိုစိမ့်နေသည်ကို တွေ့လိုက်ရသည်။

“လူယုတ်မာကြီး လူယုတ်မာကြီး၊ ခင်ဗျားကြီးကို အရှင်မထားဘူး၊ လုံးဝအရှင်မထားဘူး”

“အင်အားရှိရင် လုပ်လိုက်လေ”

ဖိုးချော အံကိုတင်းတင်ကျိတ်လိုက်သည်။ လက်သီးကို ကျစ်ကျစ်ပါအောင် ဆုပ်ထားလိုက်သည်။ ပြီးမှ အင်္ကျီလေးအား ကောက်ယူလိုက်ပြီး အခန်းထဲမှ ထွက်သွားလိုက်သည်။

အပြင်ဘက်ရောက်တော့ အပြင်မှ မူးရူးပြီး ဒယီးဒယိင်နဲ့ပြန်လာသော နေမင်းထိုက်အား တွေ့လိုက်ရသည်။ နေမင်းထိုက်ကလည်း ဖိုးချောအား မြင်သွားသည်။

“ဒါ ဒါ ဘယ်သူလဲ၊ ဘယ်ကကောင်လဲ၊ ငါ့အိမ်ထဲ ဘာလာလုပ်တာလဲ”

ဖိုးချော ဘာမှပြန်မပြောပဲ ရှောင်ထွက်သွားမယ်လုပ်တော့ နေမင်းထိုက်က ဆွဲထားသည်။

“ဘယ်သူလဲလို့၊ ဘာလို့ ငါတို့အိမ်ထဲ အချိန်မတော်ဝင်လာရတာလဲ၊ မင်း ဘာတွေခိုးတာလဲ၊ ဟာ မင်း မင်း စတီဗင်ထူးမဟုတ်လား၊ ဟက် ဟက် ဟက် ၊ မင်း အခြောက်ကောင်မဟုတ်လား၊ မင်းလိုရွံစရာကောင်းတဲ့ အခြောက်ကောင်က ငါတို့အိမ်ကို ဘာလာလုပ်တာလဲကွ”

နေမင်းထိုက်က မေးလည်းမေး ထိုးလည်း ထိုးချသဖြင့် ဖိုးချော လဲကျသွားသည်။ 

“ထစမ်းအခြောက်၊ မင်းလိုအခြောက်က ငါတို့ အိမ်မြေကိုတောင် နင်းဖို့ မစဉ်းစားနဲ့”

“အု”

ဖိုးချောကလည်း ပြန်ထိုးလိုက်သဖြင့် နေမင်းထိုက် လဲကျသွားသည်။ ဖိုးချော ပြေးထွက်သွားသည်။ 

“မင်းက ငါ့ကို ထိုးတယ်ပေါ့ ဟုတ်လားအခြောက်၊ မင်းက အခုထိ ငါ့အကြောင်း မသိသေးလို့ ငါ့ကို အာခံနေသေးတယ်ပေါ့၊ ဟုတ်လား၊ စောင့်နေဦးပေါ့၊ အခြောက်ရယ် ဟား ဟား ဟား…..”

ဦးမင်းသိုင်းကတော့ တံခါးဝမှာ ရပ်ကြည့်နေရင်း အခန်းထဲသို့ ပြန်ဝင်သွားသည်။

Xxxxxxxxxxxxxxxxxxxxxxx

ထုပ်ထုပ်ထုပ် ထုပ်ထုပ်ထုပ် ထုပ်ထုပ်ထုပ်…….

ဆိုင်ကယ်သံကြားသဖြင့် ဖိုးသားဝမ်းသာသွားသည်။ ထိုင်စောင့်နေရာမှ ထရပ်လိုက်သည်။ ဖိုးချော ပြန်လာပြီ။ ဖိုးချောက အနားရောက်တော့ ဆိုင်ကယ်ကို ဒေါက်ပင် မထောက်နိုင်တော့ပဲ လွှတ်ချလိုက်သဖြင့် လဲသွားသည်။ ဖိုးချောကို ကြည့်လိုက်တော့ သေတော့မဲ့ရုပ်အတိုင်း။ လူကလည်း ဒယီးဒယိုင်လျှောက်လာသည်။ ဖိုးသားစိတ်ပူစွာ ဆီးဖမ်းထားလိုက်သည်။

“ဖိုး ဖိုးချော ဘာဖြစ်လာတာလဲ”

ဖိုးချောကြည့်ရတာ ဖုတ်ဝင်နေသလိုလို။ တစ်ကိုယ်လုံးတုန်နေသည်။ မျက်လုံးမျာက ပြူးပြီး ရှေ့ ကိုသာ ကြည့်နေသည်။ 

“ဘာဖြစ် ဘာဖြစ်တာလဲလို့”

ဖိုးချောက မေးတာမဖြေပဲ အိမ်ထဲဝင်သွားသည်။ မီးဖိုချောင်ထဲဝင်ပြီး ဓားမြောင်ကိုယူကာ ကိုယ့်လည်ပင်းအား ထိုးချမယ်လုပ်လိုက်တော့ ဖိုးသားက အမိအရ ဆွဲတားလိုက်သည်။

“အား ဖိုးချော မလုပ်နဲ့၊ လွှတ်”

ဖိုးသားက ဓားမြောင်အား လုယူလိုက်သည်။ ဖိုးချောကုန်းကနဲ့ ထိုင်ချလိုက်သည်။ ဖိုးချောကြည့်ရတာ ဘာမှအားမရှိ။

“မင်း ဘာဖြစ်လို့ သည်လိုလုပ်ရတာလဲ၊ ဘာဖြစ်လို့ကိုယ့်ကိုယ်ကိုယ် သေကြောင်းကြံဖို့လုပ်ရတာလဲလို့၊ ငါ့ကိုပဲ ငဲ့ကွက်ပြီးတော့ဖြစ်ဖြစ် သည်လိုမလုပ်ပါနဲ့လားကွာ”

ဖိုးသားက ဖိုးချောကိုယ်လေးအား ပွေ့ဖက်လိုက်သည်။

“သေ သေချင်တယ်၊ ငါ သေချင်တယ်ဖိုးသား၊ ငါ့ကို သေခွင့်ပြုပါ၊ ငါ့ကိုသေခွင့်ပြုပါကွာ”

“ရူးနေလား၊ ဘာလို့သည်လိုပျော့ညံ့တဲ့စကားပြောရတာလဲ၊ ဘာလို့ လောကကြီးကို အရှုံးပေးချင်ရတာလဲ”

“အား….”

ဖိုးချော၏ စအိုဝက နာကျင်လာသဖြင့် အော်လိုက်သည်။

“ဟင် မင်းဘာဖြစ်တာလဲ”

“နာ နာတယ်၊ ဦးမင်းသိုင်းရက်စက်တယ်”

“မင်း ဘာဖြစ်တာလဲလို့”

ဖိုးသားက ဖိုးချောနာရာဘက် စမ်းကြည်လိုက်သည်။

“အို သွေး သွေးတွေပါလား၊ မင်း စအိုဝက ဘာလို့ သွေးတွေ ထွက်နေရတာလဲ၊ ဘာလို့လဲ၊ ဧကန္တ.. ဧကန္တ…”

“ဦးမင်း ဦးမင်းသိုင်းက ဦးမင်းသိုင်း”

“ဘာ ဦးမင်းသိုင်းက မင်းကို ..”

ဖိုးသားဒေါသ အလိပ်လိပ်တက်လာသည်။ လက်သီးကို ကျစ်ကျစ်ပါအောင်ဆုပ်လိုက်သည်။ အံကိုတင်းတင်းကျိတ်ထားလိုက်သည်။

“ငါသေချင်တယ်၊ လူတွေ ဘာကြောင့် ငါ့အပေါ် သည်လောက်ရက်စက်ရတာလဲ၊ ငါ ဘာအမှားတွေ လုပ်ခဲ့မိလို့လဲ၊ ဘာလို့ ငါ့အပေါ် သည်လောက်ရက်စက်ရတာလဲလို့”

ဖိုးသား လက်ထဲက ဓားမြောင်နဲ့ ကြမ်းပြင်အား ထိုးချလိုက်သည်။ ဒေါသကြောင့် ချွေးစေးများပင် ပျံလာသည်။

Xxxxxxxxxxxxxxxxxxxxxxxxxx

ဖိုးသားခြေတွေ သွက်နေသည်။ စိတ်တွေလောနေသည်။ စက်ဘီးလေးကို မြန်မြန်နင်းနေသည်။ ဦးမင်းသိုင်း၏ အိမ်ရှေ့ ရောက်တော့ စက်ဘီးလေးကို ဒေါက်မထောက်ပဲ ပစ်လှဲချလိုက်သည်။ အိမ်ထဲမြန်မြန်ဝင်ပြီး ဘဲလ်အား အဆက်မပြတ်တီးသည်။

တီ တီ တီ တီ တီ တီ.. တီ တီ တီ တီ တီ တီ…

“ဦးမင်းသိုင်းရှိလား၊ ခွေးသူတောင်းစားဦးမင်းသိုင်း ထွက်ခဲ့စမ်း”

တီ တီ တီ.. တီ တီ တီ

“ဟေ့ယောင်ဦးမင်းသိုင်း မင်းသတ္တိရှိရင် ထွက်ခဲ့စမ်း”

တံခါးပွင့်လာသည်။ အိမ်စေမိန်းကလေးက လာဖွင့်သည်။

“ဘယ် ဘယ်သူနဲ့ တွေ့ တွေ့ချင်လို့လဲဟင်”

အိမ်စေမိန်းကလေးက တုန်တုန်ယင်ယင်နဲ့ မေးသည်။ အိမ်စေမိန်းကလေး၏ အမေးကို ဖိုးသား မဖြေတော့ပဲ အိမ်ထဲ အတင်းဝင်သွားသည်။

“ဘယ်မှာလဲဦးမင်းသိုင်း ၊ ထွက်ခဲ့စမ်းကွ၊ ခွေးသူတောင်းစားကြီး၊ လူယုတ်မာကြီး၊ ခလွမ်”

ဖိုးသားက ဧည့်ခန်းစားပွဲပေါ်မှ ပန်းအိုး၊ ဖန်ခွက်များကို ခွဲပစ်လိုက်သည်။

“အမလေး..”

အိမ်စေမလေးက လန့်ဖျတ်ပြီး အော်လေသည်။

“ဟေ့ယောင် မင်းသိုင်း မင်းက လူမဆန်တဲ့ကောင်၊ မင်းကို လေးစားခဲ့သမျှ အလကားပဲ၊ မင်းမိုက်ရင်ထွက်ခဲ့၊ ခွေးလိုအမြီးကုပ်နေတာလားကွ”

“ဘာလဲ…”

အသံကြားရာဘက်သို့ ဖိုးသားလှည့်ကြည့်လိုက်သည်။ တံခါးဝတွင် ရပ်နေသည့် ဦးမင်းသိုင်းအား လှည့်ကြည့်လိုက်သည်။ ဖိုးချော အပြေးတစ်ပိုင်းနဲ့ ဦးမင်းသိုင်းအား သွားထိုးလိုက်သည်။ ဦးမင်းသိုင်းက ရှောင်တိမ်းလိုက်သဖြင့် ဖိုးသားအရှိန်နဲ့ လဲသွားသည်။ ထိုသို့ဖြစ်ခါမှ ဖိုးသား ပိုပိုပြီး ဒေါသထွက်လာရသည်။

“ရှောင်တယ်ပေါ့၊ ခွေးသူတောင်းလိုကောင်က”

ဖိုးသား သွက်သွက်ထကာ ကိုယ်ကိုထိန်းရင်း ဦးမင်းသိုင်း၏ မျက်ခွက်အား ထိုးချလိုက်သည်။ ဦးမင်းသိုင်းလဲကျသွားသည်။ နှုတ်ခမ်းတွင် သွေးများစို့သွားသည်။

ဖိုးသားက ဦးမင်းသိုင်း၏ ကော်လာစအား ဆွဲလိုက်ပြီး နောက်တစ်ချက် ထပ်ထိုးလိုက်ပြန်သည်။

“သေစမ်း၊ ခွေးသူတောင်းစားလိုကောင်၊ လူကြီးဖြစ်ပြီး လူကြီးမပီသတဲ့ကောင်၊ လူကြီးလိုမနေတဲ့ကောင်၊ သေစမ်း”

“မင်း ဘယ်သူလဲ၊ ဘာလို့ ငါ့ကိုသည်လိုလုပ်တာလဲ”

“ဘယ်သူလဲဟုတ်လား၊ ခင်ဗျားစတီဗင်ထူးကို ဘာလုပ်လိုက်သတာလဲ၊ စတီဗင်ထူးက ခင်ဗျားရဲ့အပျော်ဖက်များ ထင်မှတ်သလား”

ဖိုးသားစကားကြောင့် ဦးမင်းသိုင်းက ဟက်ကနဲ့ ရယ်ချလိုက်သည်။

“ယောက်ျားဖြစ်ပြီး ယောက်ျားတစ်ယောက်အတွက်နဲ့ အချစ်သူရဲကောင်းကြီး လုပ်ပေးနေတယ်ပေါ့၊ ဟုတ်လား၊ ဟက် ဟက် ဟက်၊ တကယ်အခြောက်ပီသပါပေတယ်ကွာ၊ ဒါပေမဲ့ ဘယ်လိုလုပ်မလဲ၊ မင်းလုပ်ရပ်က အရူးနဲ့တူတယ်၊ အများအမြင်မှာ ရွံစရာကောင်းတယ်”

ဦးမင်းသိုင်း၏စကားကြောင့် ဖိုးသား ပိုဒေါသထွက်ကာ အဆက်အပြတ်ထိုးချလိုက်သည်။ နောက်မှ လူတစ်ယောက်က ဖိုးသားအား ထိုးချလိုက်သဖြင့် ဖိုးသားလည်း လဲကျသွားသည်။

“သေစမ်းကွာ၊ ဒါက ဘယ်ကောင်လဲ၊ မျက်နှာပြောင်တိုက်ပြီး သူများအိမ်ထဲ ၀င်သောင်းကျန်းရလား၊ သေစမ်းကွာ”

နေမင်းထိုက်က ဘယ်အချိန်က နောက်က ရောက်လာသည်မသိ။ လဲကျနေသော ဖိုးသားအား ဆက်ဆက်ထိုးသည်။ 

“လာကြပါဦး၊ မြန်မြန်လာကြပါဦး”

အိမ်စေမိန်းကလေးက လှမ်းခေါ်သဖြင့် ရပ်ကွက်လူကြီးများ ရောက်လာသည်။

“ရပ်လိုက်စမ်း တော်ကြတော့”

လူကြီးများက ၀င်တားလိုက်ကြသည်။ ဖိုးသားအား လက်တစ်ဖက်စီ ဖမ်းချုပ်လိုက်ကြသည်။

“သေစမ်းကွာ၊ အတင့်ရဲပြီး ငါ့အဖေကိုမှ လာထိုးရတယ်လို့၊ ခွေးကောင်”

“တော်ကြပါတော့ကွာ၊ တော်ကြပါတော့”

ဖိုးသားအား ဖမ်းချုပ်ပြီး အပြင်သို့ ထုတ်ကြသည်။

“ခွေးမသားကြီး ဦးမင်းသိုင်း ခင်ဗျားကြီးကို တစ်နေ့ လာသတ်မယ်၊ ခင်ဗျားကြီးကို နုပ်နုပ်စဉ်းပစ်မယ်၊ ခွေးကောင်ကြီးကို ကျုပ်ကိုယ်တိုင်အသေသတ်မယ်”

ဖိုးသားက လူကြီးများ၏ လက်ထဲကနေ ရုန်းကန်ရင်း လှမ်းအော်ပြောလိုက်သည်။

အားလုံး အပြင်ဘက်ရောက်သွားတော့ နေမင်းထိုက်က ဦးမင်းသိုင်းအနားရောက်လာပြီး မေးလိုက်သည်။

“အဖေ ဘာဖြစ်သွားသေးလဲ၊ သည်ကောင်က ဟိုအခြောက်ကောင်နဲ့ အတူနေတဲ့ကောင်မဟုတ်လား၊ ဘာဖြစ်လို့ အဖေ့ကို သည်လိုလုပ်တာတဲ့လဲ”

နေမင်းထိုက်၏ အမေးကို ဦးမင်းသိုင်းက မဖြေပဲ ထထွက်သွားသည်။

“အဖေ..၊ ဘာဖြစ်လို့လဲလို့”

နေမင်းထိုက် ဇဝေဇ၀ါဖြစ်နေရသည်။

Xxxxxxxxxxxxxxxxxxxxxxxxx

ဖိုးသား သွေးအလိမ်းလိမ်းနဲ့ အိမ်သို့ပြန်လာခဲ့သည်။ ကုတင်ပေါ်မှာ မှောက်လျှက်အိပ်နေသော ဖိုးချောက ဆီးမေးသည်။

“မင်း မင်း ဘယ်ကပြန်လာတာလဲ၊ ဘာလို့သည်လိုဖြစ်လာရတာလဲ”

ဖိုးသားမျက်နှာတွင် သွေးများနဲ့ ဒေါသအရိပ်အယောင်များ အထင်းသားရှိနေသည်။

“မင်း မဟုတ်မှလွဲရော့၊ ဦးမင်းသိုင်းဆီသွားတာလား၊ မင်း ဘာလို့ မဟုတ်တာတွေ လျှောက်လုပ်ရတာလဲ”

“ငါ သူ့ကို ထိုးခဲ့တယ်၊ ငါကျေနပ်တယ်ဖိုးချော”

“ဖိုးသား မင်း မင်း ဘာလို့၊ သည်လိုနဲ့ မင်းပါတစ်ခုခုဖြစ်သွားရင် ဘယ်လိုလုပ်မလဲ”

“ငါ မကျေနပ်ဘူး၊ ငါ တစ်နေ့ ဦးမင်းသိုင်းကို သတ်မယ်၊ မင်းကို သည်လိုမျိုးလုပ်သွားတာ ငါ လုံးဝငြိမ်မနေနိုင်ဘူး”

“ငါတောင်းပန်ပါတယ်ဖိုးသားရယ်၊ ငါ့ကြောင့် ဒုက္ခတွေ မခံချင်စမ်းနဲ့၊ ငါ့ကြောင့် မင်းဒုက္ခရောက်တာကို ငါ မမြင်ရက်ဘူး”

“ငါ ဘာမှမကြောက်ဘူးဖိုးချော၊ မင်းအတွက်ဆိုရင် ငါ လူပါသတ်ရဲတယ်၊ မင်းကို လူတွေက အနိုင်ကျင့်တာကို ငါ ငြိမ်ကြည့်နေရမှာလား၊ တစ်နေ့ သည်လူတွေ ပြန်ခံရစေရမယ်”

“ငါတောင်းပန်ပါတယ်ဖိုးချောရယ်၊ မလုပ်ပါနဲ့တော့နော်၊ ငါ့မှာ မင်းကလွဲလို့ ဘယ်သူမှမရှိတော့ဘူး၊ မင်းကို တစ်ခုခုဖြစ်မှာစိုးတယ်ဖိုးသားရ၊ မင်းသာတစ်ခုခုဖြစ်သွားရင် ငါ့ဘေးမှာ ဘယ်သူမှ မရှိတော့ဘူး”

ဖိုးချောစကားကြောင့် ဖိုးသား ဖိုးချောအားလှည့်ကြည့်လိုက်သည်။

“ကျေးဇူးပြုပြီး ငါ့ဘေးက ထွက်မသွားချင်ပါနဲ့လားကွာ”

ဖိုးချောက ဖိုးသားအား ပွေ့ဖက်လိုက်သည်။ ဖိုးချောငိုတော့ ဖိုးသားပါ လိုက်ငိုမိသည်။

“ငါက ဘာကြောင့် မင်းဘေးက ထွက်သွားရမှာလဲဖိုးချော၊ ငါ မင်းဘေးက ထွက်မသွားပါဘူး၊ တစ်သက်လုံး မင်းဘေးမှာ ရှိနေပေးမှာပါဖိုးချောရယ်”

“ငါ့ကြောင့် မင်း ဒဏ်ရာတွေ ရခဲ့ပြီ၊ ငါတောင်းပန်တယ်”

“ငါကသာတောင်းပန်ရမှာပါ၊ ငါ မင်းကို မစောင့်ရှောက်နိုင်ခဲ့ဘူး၊ အဲ့သည်တုန်းက ငါပါလိုက်ခဲ့ရမှာကို၊ ငါတကယ်တောင်းပန်ပါတယ်ဖိုးချောရယ်၊ မင်းကို ဘယ်တုန်းကမှ မကူညီနိုင်ခဲ့ပဲ ဒုက္ခတွေပဲပေးနေခဲ့မိတယ်၊ ငါ တကယ်တောင်းပန်ပါတယ်”

နှစ်ယောက်သား အကြာကြီးပွေ့ဖက်နေကြသည်။

Xxxxxxxxxxxxxxxxxxxxxxxx

“အစ်ကိုနိုင်း၊ အစ်ကိုနိုင်း မသွားပါနဲ့၊ မသွားပါနဲ့အစ်ကိုနိုင်း၊ ညီ့ကိုတစ်ယောက်တည်း မထားခဲ့ပါနဲ့”

အိပ်ယာထက် ဖိုးချော၏ ယောင်ရမ်းသံကြောင့် ဖိုးသားနိုးသွားသည်။

“ဖိုးချော မင်းသတိထားဦး”

ဖိုးသားက လှုပ်နှိုးလိုက်သဖြင့် ဖိုးချော ငေါက်ကနဲ့ထလိုက်သည်။ ပြီး ငိုချလိုက်သည်။

“ဟီး ဟီး ဟီး၊ အစ်ကိုနိုင်းမရှိတော့ဘူး၊ အစ်ကိုနိုင်းက ငါ့ကို ထားသွားခဲ့ပြီဖိုးသားရ၊ အစ်ကိုနိုင်းက ထားခဲ့ပြီ၊ အစ်ကိုနိုင်းကို တွေ့ချင်တယ်၊ ခေါ်ပေးပါနော်”

ကလေးတစ်ယောက်လိုပူဆာနေသည့် ဖိုးချောကို ဖိုးသား သနားဂရုဏာသက်စွာ ကြည့်နေမိသည်။

“ကိုနိုင်းကို ခေါ်ပေးပါဖိုးသားရ၊ ကိုနိုင်းကို တွေ့ချင်တယ်လို့”

“ဖိုးချောရယ်…”

ဖိုးချောကိုယ်လေးအား ပွေ့ဖက်လိုက်သည်။ အခုလို ပွေ့ဖက်ရုံသာ ဖက်ပြီး ဘယ်လိုစကားမျိုးနဲ့မှ ဖိုးသား နှစ်သိမ့်မပေးနိုင်ခဲ့။ ချစ်ရသူခံစားနေရသည့်အဖြစ်ကိုမြင်တော့ ဖိုးသားလည်း ထပ်တူထပ်မျှခံစားရသည်။ ဖိုးသားမျက်ဝန်းအိမ်တွင်လည်း မျက်ရည်လေးများ ခိုတွဲနေသည်။

“သည်ညတော့ အိပ်ပျော်အောင် အိပ်လိုက်ပါနော်”

ဖိုးသားက နှစ်သိပ်လိုက်တော့ ဖိုးချောခေါင်းလေးညိတ်ကာ အိပ်လိုက်သည်။

ဖိုးချောအား ဖိုးသား အကြာကြီး စိုက်ကြည့်နေမိသည်။

မင်းကို ငါဘယ်လိုလုပ်ပေးရပါ့မလဲဖိုးချောရယ်…….။

Xxxxxxxxxxxxxx

စက်ဘီးလေးအား ကိုနိုင်း၏ ခြံဝန်းရှေ့ တွင် ထိုးရပ်လိုက်သည်။ ကိုနိုင်း၏ အိမ်အတွင်းသို့ ဖိုးသားဝေ့၀ဲကြည့်လိုက်သည်။ ကိုနိုင်း၏ အိမ်တွင်းတွင် လူများစွာ အလုပ်ရှုပ်နေကြသည်။ ဟုတ်ပေသည်။ ကိုနိုင်း၏ မင်္ဂလာပွဲရက်က နီးတော့မည်ကိုး။ ဖိုးသားအားတင်းကာ အိမ်ခြံဝန်းထဲ ၀င်လိုက်ပြီး တွေ့ရာလူတစ်ယောက်အား မေးလိုက်သည်။

“ကိုနိုင်းရှိလားလို့ပါ၊ အရေးကြီးတဲ့ ကိစ္စ ပြောစရာရှိလို့ပါ”

“သြော် အေး ခဏလေးစောင့်၊ ခေါ်ပေးမယ်”

ခဏကြာတော့ ကိုနိုင်းက ဇဝေဇ၀ါနဲ့ ရောက်လာသည်။ ကျောပေးရပ်နေသော လူငယ်လေးတစ်ယောက်အား တွေ့လိုက်ရသည်။

“အစ်ကို့ကိုတွေ့ချင်တာ ညီလေးလား”

ကိုနိုင်းအား ဖိုးသား လှည့်ကြည့်လိုက်သည်။

“ဟုတ်ပါတယ်”

“ဘယ်သူများလဲ၊ ဘာကိစ္စနဲ့ တွေ့ချင်ရတာလဲ”

“စတီဗင်ထူးကိစ္စနဲ့ လာခဲ့တာပါ”

စတီဗင်ထူးဆိုသည့် နာမည်ကြောင့် ကိုနိုင်း မျက်နှာပျက်သွားသည်။

“လူ လူမှားနေတယ်ထင်တယ်”

“စတီဗင်ထူးလေ ကိုနိုင်းကို အရမ်းသတိရနေတယ်၊ ကိုနိုင်းကို လိုအပ်နေတယ်၊ ဘာမှလည်း မစားဘူး”

“ညီလေး လူမှားနေတယ်ထင်တယ်နော်၊ အစ်ကိုမအားလို့သွားတော့မယ်”

“ကိုနိုင်းလည်း တစ်ချိန်က ချစ်ခဲ့တဲ့သူပဲမဟုတ်လား၊ ကိုယ့်ချစ်သူခံစားနေရတာကို ကိုနိုင်းက ကြည့်ရက်သလား”

“ညီလေး ဘာတွေ လျှောက်ပြောနေတာလဲ၊ စတီဗင်ထူးက အစ်ကို့ချစ်သူလို့ပြောလိုက်တာလား၊ ဘာအဓိပါယ်လဲဟင်”

“ကိုနိုင်းဂေးတစ်ယောက်ဆိုတာ ကျွန်တော်သိတယ်၊ ဂေးတစ်ယောက်ဆိုတာကို လူတွေ သိသွားမှာစိုးလို့ ကိုယ့်ဘ၀ကို ဖုံးကွယ်တဲ့အနေနဲ့ မိန်းကလေးတစ်ယောက်ကို လက်ထပ်တယ်”

ဖိုးချောစကားကြောင့် ကိုနိုင်းမျက်နှာ လွန်စွာပျက်ယွင်းသွားသည်။

“ညီလေး ဘာလို့ မဟုတ်တာတွေ လျှောက်ပြောနေတာလဲ”

“စတီဗင်ထူးလေ နေ့တိုင်း ကိုနိုင်းနာမည်ကိုပဲ ရေရွတ်နေတယ်၊ ညအ်ိပ်ရင် ယောင်ရမ်းပြီး ကိုနိုင်းနာမည်ကိုပဲ ခေါ်နေတယ်၊ စတီဗင်ထူးကို မသနားဘူးလားဟင်ကိုနိုင်း၊ စတီဗင်ထူးကို သည်အတိုင်း ပစ်ထားလိုက်တော့မှာလား”

ကိုနိုင်း ဘာမှပြန်မပြော။ 

“ကိုယ်မချစ်တဲ့သူနဲ့ အတူနေရတဲ့ဘ၀လောက် ခါးသီးတာ ဘယ်မှာမှမရှိဘူးဆိုတာ ကိုနိုင်းသိသားနဲ့၊ နောင်တရမဲ့ကိစ္စတွေကို မလုပ်ချင်စမ်းပါနဲ့ကိုနိုင်းရယ်”

“ညီလေးတော်တော့နော်၊ အစ်ကိုက ယောက်ျားစစ်စစ်ကွ၊ ငါချစ်တဲ့မိန်းကလေးမို့ လက်ထပ်တာ၊ ဘာနောင်တရစရာရှိလဲ”

လိမ်ညာပြောနေသည့် ကိုနိုင်းအား ဖိုးသား ရွံမုန်းစွာ ကြည့်လိုက်သည်။

“ကိုနိုင်းက လူကောင်းမဟုတ်ဘူး၊ ဂေးလောကအတွက် အဖျက်အမှောင့်သမားပဲ၊ ဂေးတွေကိုစော်ကားတယ်”

“ဘာဆိုင်လို့လဲ”

“အင်းပေါ့လေ၊ ကိုယ်လွတ်ရုန်းတဲ့သူတွေကတော့ ကိုယ့်လုပ်ရပ်က မှန်လား မှားလား ဘယ်သိပါ့မလဲ”

“ညီလေးစကားတွေ လွန်လာပြီထင်တယ်နော်”

“စတီဗင်ထူးလေ၊ စ စတီဗင်ထူးလေ…”

ဖိုးသားမပြောဝံ့ပဲ ငိုချလိုက်သည်။ ကိုနိုင်းကတော့ နားစွင့်နေသည်။

“ဟိုတစ်နေ့က ဒါရိုက်တာ ဦးမင်းသိုင်းက စတီဗင်ထူးကိုလေ စော် စော်ကားလိုက်တယ်၊ အဲ့သည်ကိစ္စကြောင့် စတီဗင်ထူး ကိုယ့်ကိုယ်ကိုယ်သေကြောင်းကြံဖို့တောင် လုပ်ခဲ့တယ်”

ဖိုးသားစကားကြောင့် ကိုနိုင်း မျက်လုံးပြူးကာ ခေါင်းထောင်သွားသည်။

“အခုလို ကိုယ်ချစ်ရတဲ့ မတရားခံရတာကို ကြည့်ရက်သလားကိုနိုင်းရ၊ ကျွန်တော်ကတော့ မကြည့်ရက်ဘူးကိုနိုင်း၊ ကျွန်တော် စတီဗင်ထူးကိုချစ်တယ်၊ ဒါပေမဲ့ စတီဗင်ထူးကတော့ ကိုနိုင်းတစ်ယောက်တည်းကိုပဲ ချစ်ခဲ့တာပါကိုနိုင်းရ”

ကိုနိုင်း ခေါင်းရမ်းကာ လှည့်ထွက်သွားလုပ်လိုက်သည်။

“ကိုနိုင်း”

ဖိုးသားကခေါ်သဖြင့် ကိုနိုင်းခြေထောက်တွေ ရပ်တန့်သွားသည်။ ဖိုးသားက ကိုနိုင်းရှေ့ သွားရပ်လိုက်သည်။

“အခုပဲဖြစ်ဖြစ် နောင်တမရချင်ဘူးဆိုရင် စတီဗင်ထူးဆီ သွားလိုက်ပါ၊ စတီဗင်ထူးအနား ရှိနေပေးလိုက်ပါလို့ ကျွန်တော်တောင်းဆိုပါတယ်ကိုနိုင်းရယ်”

“ဒါတွေဟာ ငါနဲ့ ဘာမှ မဆိုင်တဲ့ကိစ္စပါ”

“မဆိုင်ဘူးဟုတ်လား”

ဖိုးသား ဒေါသနဲ့ ကိုနိုင်းမျက်နှာအားထိုးချလိုက်သည်။ ကိုနိုင်းလဲကျသွားသည်။ ဖိုးသားလုပ်ရပ်ကြောင့် လူတွေ လှုပ်လှုပ်ရှားရှားဖြစ်သွားပြီး ပြေးလာကြသည်။

“ကိုယ့်အတွက်နဲ့ ခန်ဓာကိုယ်ကိုတောင် ပေးဆပ်ခဲ့တဲ့သူက ကိုယ်နဲ့ မဆိုင်ဘူးတဲ့လား၊ ကိုနိုင်းလူမှဟုတ်သေးရဲ့လား”

အနားရောက်လာသည့် လူများက ဖိုးသားအား ၀ိုင်းဆွဲမယ်လုပ်တော့ ကိုနိုင်းက တားလိုက်သည်။

“ကိုနိုင်း တစ်နေ့ နောင်တရစေရမယ်”

ဖိုးသား လှည့်ထွက်သွားသည်။ 

“ဘာဖြစ်ကြတာလဲ”

ဘေးမှ လူတစ်ယောက်က မေးလိုက်ပေမဲ့ ကိုနိုင်း မဖြေဖြစ်ခဲ့။

Xxxxxxxxxxxxxxxxxxxxxxxxxxxxx

သည်နေ့ ကိုနိုင်း၏ မင်္ဂလာနေ့ညပဲဖြစ်သည်။ ဖိုးချော နာရီကို တကြည့်ကြည့်လုပ်နေမိသည်။ နာရီလက်တံကတော့ (၉း၃၀)နာရီခွဲနေပေပြီ။ ဖိုးချောသွားသင့်မသွားသင့် ဝေခွဲရခက်နေသည်။ ထိုစဉ်မှာပင် ဖိုးသား စက်ဘီးလေးနဲ့ ဆိုင်က ပြန်လာသည်။ ဖိုးချောအတွက် ဆိုင်မှ စားဖွယ်အချို့ ယူလာခဲ့သဖြင့် မီးဖိုချောင်ထဲဝင်ပြီး ပန်းကန်ထဲ လှယ်လိုက်သည်။

“ဖိုးချော မင့်ဖို့ ယူလာတယ်၊ စားလိုက်ပါဦးလား”

ဖိုးသား၏ စကားကို ဖိုးချော မကြားလိုက်မိ။ နာရီကို တကြည့်ကြည့်လုပ်နေသည်ကို ဖိုးသားသတိထားလိုက်မိသည်။

ဟုတ်ပေသည်။ သည်နေ့ဟာ ကိုနိုင်း၏ မင်္ဂလာနေ့။ ဖိုးချောလည်း သွားသင့်မသွားသင့် တွေဝေနေရှာမှာပဲ။ ဖိုးသား ငြိမ်နေလိုက်မိသည်။ ဖိုးချောအား သနားဂရုဏာသက်စွာ ကြည့်နေမိသည်။ 

ထိုစဉ်မှာပင် ဖိုးချောက ဆတ်ကနဲ့ ထလိုက်ရပ်လိုက်ပြီး အပြင်ဘက်ထွက်သွားသည်။ ဖိုးသားလည်း တားလိုက်ချင်ပေမဲ့ မတားလိုက်။ ဆိုင်ကယ်နဲ့ တစ်ဟုန်ထိုးမောင်းထွက်သွားတာ မြင်လိုက်ရသည်။ ဖိုးသား ဖိုးချောအား စိတ်ပူလိုက်မိသည်။ သည်လိုနဲ့ ဖိုးချော ကိုယ့်ကိုယ်ကိုယ်တစ်ခုခုလုပ်လိုက်မှာ သိပ်ကို စိုးရိမ်မိသည်။

Xxxxxxxxxxxxxxxxxxx

ဆိုင်ကယ်လေးအား ခြံဝန်းအပြင်ဘက်တွင် ဖိုးချောရပ်လိုက်သည်။ ခြံဝန်းတံခါးကနေ အိမ်အတွင်းသို့ ဖိုးချောချောင်းကြည့်လိုက်သည်။ ကိုနိုင်း၏ အိမ်ဝိုင်းထဲတွင် မီးရောင်တလက်လက်နဲ့ လူများ ပျားပန်းခတ် လှုပ်ရှားနေကြသည်။ ထိုအထဲတွင် ဧည့်သည်များအား အပြုံးနဲ့ ဧည့်ခံနေသော ကိုနိုင်းတို့ စုံတွဲကို မြင်လိုက်ရတော့ ဖိုးချော ရင်ထဲ နင့်ကနဲ့ ဖြစ်သွားရသည်။ ချက်ချင်းဆိုသလိုပင် မျက်ရည်များက စီးကျလာရသည်။ ကိုနိုင်းကို ဆုံးရှုံးလိုက်ရပြီဆိုတာ သိလိုက်သည်။

“ကိုနိုင်း.. ကိုနိုင်း….”

ဖိုးချော တိုးတိုးလေးခေါ်လိုက်မိသည်။ ခြေတို့က ဆက်လက်ရပ်တည်နိုင်စွမ်းမရှိတာကြောင့် ခြံတံးခါးကိုမှီပြီး ထိုင်ချလိုက်ရသည်။

“အစ်ကိုနိုင်း ညီတို့ တကယ်ပြီးဆုံးခဲ့ပြီလားဟင်၊ အစ်ကိုနိုင်း ညီ့ကို တကယ်ထားသွားခဲ့ပြီလားဟင်၊ ညီ့ကို တကယ်ပဲ လောကကြီးထဲမှာ တစ်ယောက်တည်း ထားခဲ့ပြီလားဟင်”

Xxxxxxxxxxxxxxxxxxxx

ဖိုးသား အိမ်အပြင်ဘက်ထွက်ကာ လမ်းကို ခေါက်တုံ့ခေါက်ပြန်လျှောက်ရင်း ဖိုးချော ပြန်အလာကို စောင့်နေမိသည်။ ထိုစဉ်မှာပဲ ဆိုင်ကယ်သံနဲ့ မီးရောင်ကို မြင်လိုက်ရသောကြောင့် ဖိုးသားလှည့်ကြည့်လိုက်သည်။ အနားရောက်တော့ ဖိုးချောကိုမြင်လိုက်ရသဖြင့် ဖိုးသားအပူလုံးကျသွားရသည်။ ဟင်းကနဲ့ သက်ပြင်းချလိုက်ရသည်။ ဖိုးချောမျက်နှာကိုကြည့်လိုက်တော့ မကောင်း။ ဖိုးသား ဘာမှမမေးပဲ ငြိမ်နေလိုက်သည်။ အခုလိုပြန်လာတာနဲ့တင် ကျေးဇူးတင်လှပြီ။

ဖိုးချောကလည်း ခပ်တည်တည်နဲ့ အိမ်ထဲ ၀င်သွားပြီး ကုတင်ရှိရာဆီ လှမ်းကာ အိပ်လိုက်သည်။ ဖိုးသားက စောင့်ခြုံပေးလိုက်သည်။ 

ဖိုးချောရယ် မင်း သိပ်ကို ခံစားနေရမှာပေါ့။ ချစ်ရသူကို ဆုံးရှုံးလိုက်ရတော့ မင်း သိပ်ကို ၀မ်းနည်းနေမှာပေါ့။ ငါ နားလည်ပါတယ်ကွာ…။

Xxxxxxxxxxxxxxxxxxxxxx

ဒေါက် ဒေါက် ဒေါက် …

တံခါးခေါက်သံကြောင့် ဖိုးသားသွားဖွင့်လိုက်သည်။ မထင်မှတ်ပဲ ဦးမင်းသိုင်းအား တွေ့လိုက်ရသဖြင့်  ဖိုးသား ဒေါသထောင်းကနဲ့ ထွက်သွားရသည်။

“ဘာကိစ္စလဲ”

ဆိုပြီး ခပ်ပြတ်ပြတ်ပြောလိုက်သည်။

“စတီဗင်ထူးရှိတယ်မဟုတ်လား”

“ဘာ စတီဗင်ထူးလဲ၊ ဘာကိစ္စရှိလို့လဲ၊ ပြောချင်ရင် ကျုပ်ကိုပြော”

“မင်းလို မလောက်လေး မလောက်စားကများ”

ဦးမင်းသိုင်းက အိမ်ထဲ အတင်းဝင်သွားသည်။ အိမ်တွင်း ၀ဲယာအား လှည့်ပတ်ကြည့်ကာ နှာခေါင်းရှုံ့ နေလိုက်သည်။ ထိုစဉ် ဖိုးချော သန့်စင်ခန်းထဲက ထွက်လာသည်။ ဦးမင်းသိုင်းက မကြိုဆိုပဲနဲ့ ကုလားထိုင်ပေါ်တွင် ၀င်ထိုင်လိုက်သည်။

“ခင်ဗျားကြီး ဘာလာလုပ်တာလဲ၊ အခုချက်ချင်းထွက်သွား”

ဖိုးချောက စိတ်ဆိုးမာန်ဆိုးနဲ့ နှင်ချလိုက်သည်။

“ဟက် တကယ်မိုက်ရိုင်းတဲ့ကောင်တွေပဲ၊ အချစ်အတွက်နဲ့ မိဘတွေကို စွန့်ပစ်ပြီး သည်လိုအခန်းကျဉ်းကျဥ်းလေးမှာ လာနေကြတယ်၊ သနားလိုက်တာ”

“ဘာ”

“ဘာ”

နှစ်ယောက်သား ပြိုင်တူပြောလိုက်ကြသည်။

“ဘာပြောတယ်”

ဦးမင်းသိုင်းကြည့်ရတာ ဘာမှ မသိသေးသည့်ပုံပေါ်သည်။

“ခင်ဗျား ဘာမှမသိပဲနဲ့ ရမ်းသန်းပြီး မပြောနဲ့နော်၊ ကျုပ်တို့အိမ်က အချက်ချင်း ထွက်သွားစမ်းဆို”

“ပြောစရာရှိတာပြောပြီးရင်တော့ သွားမှာပေါ့ကွာ၊ သည်မှာမောင်စတီဗင်ထူး၊ မင်း ငါ့နဲ့ ရုပ်ရှင်ဆက်ရိုက်မှာလား”

“ခင်ဗျားလို ခွေးသူတောင်းစားမျိုးနဲ့ ဆက်ရိုက်စရာအကြောင်းမရှိတာမို့လို့ အခုချက်ချင်းထွက်သွား”

“ဟက် ဟက် မောင်စတီဗင်ထူးက တယ်လည်း ရယ်စရာပြောတတ်တာကိုး၊ ဟက် ဟက် ဟက်၊ မင်း ငါနဲ့ ရုပ်ရှင်ဆက်မရိုက်တော့ဘူးဆိုရင် ငါက ဘာဆက်လုပ်ရမယ်ဆိုတာ မင်းမသိဘူးလား”

ဖိုးချော နှုတ်ဆိတ်နေသည်။

“ငါတို့ စာချုပ်သက်တမ်းမကုန်သေးဘူးလေ၊ စာချုပ်ကိုဖောက်ဖျက်ရင် လျော်ကြေးပေးရမယ်လို့ မင်း ကတိခံဝန်လက်မှတ် ရေးထိုးထားတာမေ့သွားပြီလား”

ဦးမင်းသိုင်းက စာချုပ်စာရွက်အား စားပွဲပေါ် တင်ပေးလိုက်သည်။

“အဲ့ အဲ့သည်တော့ ခင်ဗျား ဘာလုပ်ချင်လဲ”

“ဘာလုပ်ရမှာလဲ၊ မင်း ငါ့ကို လျော်ကြေးပေးရမယ်လေ”

“မပေးနိုင်ဘူး၊ မပေးနိုင်ဘူး၊ ခင်ဗျားကြီးကို တစ်ပြားမှမပေးနိုင်ဘူး”

“ဒါဆိုရင် ငါနဲ့ ရုပ်ရှင်ဆက်ရိုက်ရမယ်လေ”

“အို မရိုက်ဘူး၊ နောင် ခင်ဗျားကြီးနဲ့ လုံးဝ မရိုက်ဘူး၊ အဲ့လိုပဲ သိထားလိုက်”

“ဒါဆို ငါ့ကို နစ်နာကြေးပေးလေ၊ မင်းကြောင့် ငါ ဘယ်လောက်နစ်နာဆုံးရှုံးလိုက်ရလဲ မင်းသိလား၊ ငါမှန်းထားတဲ့ အကယ်ဒမီလည်း လက်လွှတ်ဆုံးရှုံးလိုက်ရပြီ၊ မင်းအခြောက်မှန်းသိလို့ ပရိသတ်တွေက ငါ့ဇာတ်လမ်းကို စိတ်မ၀င်စားကြတော့ဘူးကွ၊ ဒါ့ကြောင့် ငါ့ကို တန်ရာတန်ကြေးပြန်ပေးစမ်း”

“ဘာဆိုင်လို့ပေးရမှာလဲ၊ အဲ့ဒါ ခင်ဗျားကိစ္စ ကျုပ်နဲ့ ဘာဆိုင်လို့လဲ”

“အင်း မင်းက အဆုံးထိ တင်းခံနေမယ်ပေါ့ဟုတ်လား၊ ဒါဆိုလည်း ငါ တရားစွဲလိုက်ရုံပဲပေါ့ကွာ”

“ဘာ တရားစွဲမယ်ဟုတ်လား”

“ဟုတ်တယ် တရားစွဲရမယ်၊ သည်လိုမှ မလုပ်စေချင်ရင် နစ်နာကြေးပေးလေ၊ မင်းမှာ စုထားတဲ့ပိုက်ဆံတွေ ရှိတာ ငါသိတာ၊ မင်းရိုက်ခ ရတာတွေ ဘယ်နေရာမှာမှ မသုံးပဲ နေပုံထောက်ရင် စုထားတယ်ဆိုတာ သေချာတယ်၊ အဲ့ဒါတွေ ပေးလိုက်၊ ဒါက အခွင့်အရေးပေးတာနော်၊ မင်းဆီက ရသင့်တာက နည်းနည်းနောနောမဟုတ်ဘူး”

“မ မပေးနိုင်ဘူး၊ အဲ့ဒါတွေ ပေးလို့မဖြစ်ဘူး”

“အဲ့တော့ ငါ့ကို တရားစွဲလို့ပြောလိုက်တဲ့သဘောပေါ့”

“မလုပ် မလုပ်ပါနဲ့၊ အဲ့သည်ငွေတွေ ပေးလိုက်လို့မဖြစ်လို့ပါ၊ လုံးဝပေးလိုက်လို့ မဖြစ်လို့ပါဒါရိုက်တာကြီးရယ်”

“အဲ့ဒါက မင်းအပိုင်းလေ၊ ငါနဲ့မဆိုင်ဘူး”

“ကျွန်တော် ရှိခိုးပြီး တောင်းပန်ပါတယ်ဒါရိုက်တာကြီးရယ်၊ တရားလည်း မစွဲလိုက်ပါနဲ့၊ အဲ့သည်ငွေတွေကိုလည်း မယူလိုက်ပါနဲ့”

ဖိုးချောတကယ်လည်း ဒူးထောက်ကာ ငိုယိုပြီး တောင်းပန်လိုက်သည်။ ဖိုးသားကတော့ အနားမှာ ဒေါသနဲ့ ရပ်နေသည်။ ဘာမှမတတ်နိုင်။ 

“ဒါဆိုရင်လည်း အလဲအလှယ်ပေါ့၊ မင်း ငါနဲ့ ညတိုင်း အိပ်ပေးရမယ်၊ ဘယ်သူ့ကိုမှ ဖွင့်မပြောရဘူး၊ ဘယ်တော့မှ သတင်းမပေါက်ကြားစေရအောင် သတိထားရမယ်၊ ရမလား”

“မလုပ်နဲ့”

ဦးမင်းသိုင်း၏တောင်းဆိုချက်ကြောင့် ဘေးမှ ရပ်နေသည့် ဖိုးသားက ၀င်ပြောလိုက်သည်။

“နစ်နာကြေးပေးပါ့မယ်”

ဖိုးသား ပြတ်သားစွာ ပြောလိုက်သည်။ ဖိုးသားစကားကြောင့် ဖိုးချော အံ့သြသွားရသည်။

“ဘယ်လောက်ပေးမှာလဲ”

ဖိုးသား ဖိုးချောအား လှည့်ကြည့်လိုက်သည်။

“မင်း စုထားတာတွေ အကုန်ပေးလိုက်ပါဖိုးချော၊ ပိုက်ဆံကတော့ နောက်မှ ရှာကြတာပေါ့၊ ကျွန်တော့်မှာ စုထားတာတွေလည်း ရှိပါတယ်၊ အဲ့ဒါအကုန်တစ်ပြားမှ မချန်ပဲပေးပါ့မယ်”

“ဖိုး ဖိုး.သား”

“လောလောဆယ် သည်ကိစ္စကို အမြစ်ပြတ်ဖြေရှင်းဖို့ပဲ အရေးကြီးပါတယ်ဖိုးချော၊ မင်းပိုက်ဆံတွေကို ငါ ပြန်ရှာပေးပါ့မယ်၊ ငါ ကတိပေးပါတယ်ဖိုးချော”

“ဖိုး ဖိုးသား အဲ့ အဲ့လို မလုပ်ပါနဲ့၊ ငါ သည်ပိုက်ဆံတွေ ဘယ်လောက်တန်ဖိုးထားတယ်ဆိုတာ သိသားနဲ့၊ ငါ့ပိုက်ဆံတွေကိုတော့ ထုတ်မပေးလိုက်ပါနဲ့ကွာ”

“မနက်ဖြန် ကျွန်တော်ကိုယ်တိုင်လာပေးပါ့မယ်၊ သည်နေ့တော့ ပြန်လိုက်ပါတော့”

“ကတိနော်၊ မနက်ဖြန်နောက်ဆုံးအချိန်ပဲ”

ဦးမင်းသိုင်း လှည့်ပြန်သွားသည်။ 

“ဖိုးသား မင်း ဘာလို့ သည်လိုလုပ်လိုက်ရတာလဲ၊ ဘာလို့ ဘာလို့…ဦးမင်းသိုင်း .. ဒါရိုက်တာကြီး.. မသွားနဲ့..၊ ဖိုးသား ..ဦးမင်းသိုင်းကို တားလိုက်လေ..၊ ဒါရိုက်တာကြီးကို မြန်မြန်တားလိုက်ပါဆို”

“မင်းရူးနေလား၊ မင်းကို ညတိုင်း သူနဲ့ အိပ်ရမယ်လို့ပြောနေတာကို ငါက သည်အတိုင်း ကြည့်နေရမှာလား၊ ငါက သည်အတိုင်း လက်ပိုက်ကြည့်နေရမှာလားလို့”

“ဖိုး ဖိုးသားရယ်…ငါ့ပိုက်ဆံတွေ မပေးလိုက်ပါနဲ့.. လုံးဝမပေးလိုက်ပါနဲ့ .ဟီး ဟီး ”

“မင်းကို စာချုပ်ချုပ်တုန်းက တစ်ခါတည်းနဲ့ စာချုပ်အများကြီးမချုပ်ပါနဲ့ ငါ မပြောခဲ့ဘူးလား၊ ငါ့စကားနားမထောင်ခဲ့လို့ အခုတော့ မင်း ဒုက္ခလှလှရောက်ပြီမဟုတ်လား..”

“ငါ့ပိုက်ဆံတွေပြန်ပေး..”

ဖိုးသား အံကိုတင်းတင်းကျိတ်ထားလိုက်သည်။

xxxxxxxxxxxxxxxxxxxxx

ဦးမင်းသိုင်း အပြင်သို့ ထွက်သွားစဉ် အိမ်စေမိပိုက်ဆိုသော မိန်းကလေးက ဦးမင်းသိုင်း၏ အခန်းတွင်းသို့ သန့်ရှင်းရေးလုပ်ရန် ၀င်လိုက်သည်။ ကြမ်းပြင်အား ဖုန်စုပ်စက်ဖြင့် တိုက်သည်။ နံရံများအားလည်း ကြက်မွှေးတံမြက်စည်းဖြင့် တိုက်သည်။ ထိုစဉ်မှာပင် နံရံမှ ပြက္ခဒိန်ချိတ်သံလေးတွင် ကြိုးလေးနဲ့အတူ လက်စွပ်လေးတစ်ကွင်း ငြိနေသည်ကိုတွေ့လိုက်ရသည်။

ထိုလက်စွပ်လေးအား ဖြုတ်ယူလိုက်သည်။ မိပိုက်တွေဝေနေခဲ့သည်။ သည်လက်စွပ်လေးကို ယူလိုက်သင့်သလား။ တစ်နေ့က အမေနေသိပ်မကောင်းဘူးဟု ဖုန်းဆက်ခဲ့သေးသည်။ သည်လက်စွပ်လေးအား ယူလိုက်လျှင် အမေ့အတွက် ဆေးဖိုးရနိုင်လေသည်။ အိမ်ထဲတွင် ဦးမင်းသိုင်းနဲ့ ဒေါ်ခင်ဘုတ်လည်း မရှိသဖြင့် အခွင့်အရေးရတုန်း ယူမည်ဟု စိတ်ပိုင်းဖြတ်လိုက်သည်။

လက်မှ တံမြက်စည်းအား လွှတ်ချလိုက်သည်။ ချက်ချင်းအထုပ်ပြင်ပြီး တိတ်တဆိတ်ထွက်သွားခဲ့လိုက်သည်။

Xxxxxxxxxxxxxxxxxxx

(၅)ရက်ခန့်အကြာ…………

ဖိုးသားက ရှေ့ မှာစီးပြီး နောက်မှာ ဖိုးချောလိုက်ပါလာသော ဆိုင်ကယ်လေးက လေအဟုန်မှာ ပြေးလွှားနေသည်။ ဖိုးသား၏ ခါးလေးအား ဖိုးချောက ပွေ့ဖက်ထားသည်။ ဖိုးသားမျက်နှာလေးက ပြုံးနေလေသည်။

ဆိုင်ရှေ့ ရောက်တော့ ဆိုင်ကယ်လေးအား ထားနေကျ ချောင်လေးမှာ သော့ခတ်ကာ ထားလိုက်သည်။ ပြီး ဆိုင်တံခါးကြီးအား ဖွင့်လိုက်ကာ နှစ်ယောက်သား စားပွဲအောက်မှ ကုလားထိုင်များကို ထုတ်ယူပြီး နေရာတကျ ထားလိုက်ကြသည်။ စားပွဲအားလည်း ပုဝါလေးများနဲ့ ပွတ်တိုက်ပြီး သန့်ရှင်းရေးလုပ်လိုက်ကြသည်။ အရင်က လုပ်ခဲ့သည့် ပေစိနဲ့ ဂျော်ဒက်တို့က ကျောင်းသွားနေကြသည်။ 

“၀ိုး ပြီးသွားပြီ”

“ဟ သည်နေ့ စောလှချေလား”

သူဌေးက အိပ်ယာမှထလာရင်းပြောလိုက်သည်။

“ဟုတ်ကဲ့ သူဌေး၊ ညက အိပ်ရေး၀၀ အိပ်ခဲ့ရရဲ့လား”

“အေး အေးအိပ်ပျော်ပါတယ်ကွာ၊ ငါ မျက်နှာသစ်လိုက်ဦးမယ်၊ မုန့်တွေ နယ်ထားလိုက်ဦး”

“ရက်စက်ဆာ”

“သည်ကောင် ပြောင်စပ်စပ်အကျင့်ကမပျောက်သေးဘူး”

“ရက်စက်ဆာ”

“ဟင်းနော်”

သူဌေးလှည့်ထွက်သွားတော့ ဖိုးချောနဲ့ ဖိုးသား တငိငိရယ်လိုက်ကြသည်။ ဖိုးချောလည်း မုန့်နယ်ရန် ပြေးသွားလိုက်သည်။ စမူဆာလုပ်ရန် ဆန်မှုန့်များနဲ့ ဂျုံမှုန့်များကို လင်ဗန်းအကြီးကြီးထဲ ဆတူထည့်ကာ ရေထည့်ပြီး မွှေလိုက်သည်။ ဖိုးသားကတော့ မီးဖိုရန်ပြင်ဆင်သည်။ ရေနွေးအိုးကြီးထဲ ရေထည့်သည်။ ပန်းကန်ခွက်ယောက်များအား ဆေးကြောသည်။ 

ပြီး သူဌေးနဲ့အတူ မုန့်များကို ကြော်လိုက်ကြသည်။

“အာ ဟိုမှာ ဧည့်သည်လာနေတယ်၊ သွားလိုက်ဦး”

“ဟုတ်ကဲ့”

ဖိုးချော ကြော်လက်စကို ရပ်တန့်လိုက်ပြီး ပြေးသွားလိုက်သည်။

“ဘာများအလိုရှိပါသလဲခင်ဗျာ”

“လက်ဖက်ချိုဆိမ့်နှစ်ပွဲပေးပါ၊ စမူဆာရော ချပါ”

“ဟုတ်ကဲ့ ရပါမယ်၊ ခဏလေးစောင့်ပါ”

ဖိုးချောက ဖိုးသားထံလှမ်းအော်လိုက်သည်။

“လက်ဖက်ရည်ချိုဆိမ့်(၂)ပွဲ”

“အေး အေး”

ဖိုးသားလည်း လက်ဖက်ရည်ဖျော်ရန် ပြင်ဆင်လိုက်သည်။ လက်ဖက်ရည်ဖျော်အပြီး ဖိုးချောသွားချသည်။ 

“ဖြည်းဖြည်းသုံးဆောင်ပါခင်ဗျာ”

ဧည့်သည်တစ်ဦးက ဖိုးချောအား လှည့်ကြည့်လိုက်သည်။

“ဟင် မင်းက အခြောက်မဟုတ်လား၊ စတီဗင်ထူးဆိုတဲ့ကောင်မဟုတ်လား”

ဧည့်သည်ထံမှ မထင်မှတ်သော စကားကြောင့် ဖိုးချောရင်ထဲ နင့်ကနဲ့ ဖြစ်သွားပြီး ခေါင်းလေးသာ ငုံ့နေမိတော့သည်။

“သည်ကောင် အခြောက်ဆိုတာ တစ်နိုင်ငံလုံးကသိလို့ သရုပ်ဆောင်အလုပ်တွေ အဆင်မပြေပြီး သည်လိုအလုပ်တွေ လုပ်နေရတာပေါ့၊ သနားလိုက်တာ၊ ဆောရီးပဲကောင်လေး၊ ငါတို့က မင်းလိုကောင်လုပ်တဲ့ အစားအစာတွေ မစားဘူး ရွံတယ်”

ထိုဧည့်သည်နှစ်ယောက်က ထပြန်သွားကြသည်။ ဖိုးချော ရပ်ကျန်ခဲ့သည်။ မျက်ရည်လေးများ တွဲခိုလာသည်။ ဖိုးသားအပြေးကလေးရောက်လာပြီး ဖိုးချောလက်မောင်းအား ဆုပ်ကိုင်ထားလိုက်သည်။

“ဖိုး ဖိုးချော.. သတိထားပါဦး”

ဖိုးချောမျက်ဝန်းအိမ်တွင် မျက်ရည်များ စီးကျနေသည်။

“သည်းခံပါ၊ အားတင်းထားပါဖိုးချောရယ်၊ လူတိုင်းသည်လိုမဟုတ်ကြပါဘူး၊ မင်းဘက်မှာ ပါပေးတဲ့လူတွေလည်း ရှိမှာပါ၊ သွား မုန့်သာကြော်နေလိုက်၊ ငါပဲ ဧည့်ခံလိုက်မယ်”

ဧည့်သည်များရောက်လာသဖြင့် ဖိုးသားက ၀င်ရောက်ကြိုဆိုလိုက်သည်။ ဖိုးချော မျက်ရည်လေးများကိုသုတ်ပြီး မီးဖိုချောင်ထဲ ၀င်သွားသည်။

Xxxxxxxxxxxxxxxxxxx

ဆိုင်သိမ်းတော့ ဖိုးသားကပဲ ဆိုင်ကယ်လေးကို ရှေ့ ကစီးသည်။ ဖိုးချောကတော့ ဖျော့တော့သော မျက်နှာလေးနဲ့ ဖိုးသားခါးလေးအား ပွေ့ဖက်ရင်း လိုက်ပါလာသည်။ ညှိုးမှိန်နေသော ဖိုးချော မျက်နှာလေး ရွှင်လန်းလာစေရန်အတွက် ဖိုးသားသီချင်းသံလေး အစပျိုးလိုက်သည်။

ဝေးဝေးသွားလို့ မရအောင် အချစ်ရယ် ဖက်ထားချင်တယ်xxxxx

မင်းရဲ့အပြုံးနုလေးတွေ ဝေးမှာ ကိုယ်ကြောက်နေတယ်xxxxx

ခြေလှမ်းလေး လှမ်းလိုက်တိုင်းမှာ အရိပ်ကလေးလို ကိုယ်လိုက်နေမယ်xxxx 

သိပ်တာချစ်တာ မင်းသိပါတယ်xxxxxx

ဖိုးသား၏သီချင်းသံကြောင့် ဖိုးချောက ဟက်ကနဲ့ရယ်ချလိုက်သည်။

“ဟင် မင်း ဘာရယ်တာလဲ”

“ဟက် ဟက် ဟက် သီချင်းလည်းမရပဲ ဆိုနေတယ်၊ ရူးပါ့ကွာ ဟက် ဟက် ဟက်၊ သည်လိုဆိုရတယ်ကွ

ဝေးဝေးသွားလို့ မရအောင်အချစ်ရယ် ဖက်ထားချင်တယ်xxxx

မင်းရဲ့အပြုံးနုလေးတွေ ဝေးမှာ ကိုယ်ကြောက်နေတယ်xxxx

ခြေလှမ်းလေးလှမ်းလိုက်တိုင်းမှာ အရိပ်ကလေးလို ကိုယ်လိုက်နေမယ်xxx

သိပ်ချစ်တာ သူသိပါကွယ်xxxxxxxx

ရင်ခုန်သံတွေလည်း မင်းနဲ့ ပတ်သက်တဲ့နောက်xxxx ပျော်ရွှင်တာတွေလည်း အချစ်လည်း မင်းပိုင်တယ်xxx

အမုန်းလည်း မင်းပိုင်တယ်xx

အရာရာဆုံးဖြတ်နိုင်တယ် ချစ်သူလေးxxxx

ဖိုးသားလည်း ဖိုးချောနဲ့အတူ ရောယောင်ပြီး ဆိုလိုက်သည်။

အားလုံး မင်းကြောင့် ရူးတယ် ကိုယ့်ကိုထင်ကြပါတော့xxx သိပ်ချစ်လွန်းလို့ ကိုယ့်မှာ ရူးတယ် ဘာပြောချင်လဲxxx

သိပ်ချစ်တာ သူသိပါကွယ်xxx သိပ်ချစ်တာ သူသိပါကွယ်xxxx

သိပ်ချစ်တာ သူသိပါကွယ်xxxxx

ဖိုးချောမျက်နှာလေး အနည်းငယ် ပြုံးပျော်လာသဖြင့် ဖိုးသား ၀မ်းသာမိသည်။ တစ်ခါတလေတော့ ဖိုးချောအား စိတ်ညစ်စရာတွေ မေ့ထားစေချင်သည်။

Xxxxxxxxxxxxxxxxxxxxx

သည်နေ့ ဆိုင်မှာ လူပြတ်သွားသဖြင့် ဖိုးချော မလုပ်ဖြစ်တာကြာပြီဖြစ်သော ဒိုက်ထိုးခြင်းအား လုပ်လိုက်သည်။ မလုပ်ဖြစ်တာ ကြာခဲ့ပြီဖြစ်သဖြင့် အကြိမ်များများ မလုပ်နိုင်တော့။ ခဏလေးနဲ့ မောပန်းသွားခဲ့ရသည်။ အင်္ကျီအား ချွတ်လိုက်ပြီး သန့်စင်ခန်းဝင်ကာ မှန်ရှေ့ ရပ်လိုက်သည်။ မှန်ထဲမှ ကိုယ့်ပုံရိပ်တုကို အေးစက်တည်ငြိမ်သော မျက်ဝန်းများနဲ့ ကြည့်လိုက်မိသည်။ ဖိုးချော တော်တော်ကြီးကို ပိန်သွားခဲ့ပါပြီလား။ ကြွက်သားတွေလည်း လျော့ရဲနေခဲ့ပြီ။ မျက်တွင်းတွေလည်း ခွက်ဝင်နေပြီ။ အသားအရေတွေလည်း ကြမ်းတမ်းလို့နေခဲ့ပြီ။ 

ဖိုးချော မျက်နှာလေးအား စမ်းကိုင်လိုက်သည်။ ရင်အုံကြီးကို ကြည့်လိုက်တော့ ပြားကပ်နေပြီ။ ပြီးမှ မှန်ထဲကိုကြည့်ပြီး တစ်ခုခုလစ်ဟာနေသလို ခံစားလိုက်ရသည်။ ဘာများလဲဆိုပြီး ဖိုးချော စဉ်းစားကြည့်လိုက်သည်။ ဖိုးချောမှတ်မိလိုက်ပြီ။ ဟုတ်သည်။ လည်ပင်း။ လည်ပင်းတွင် လက်စွပ်လေး လစ်ဟာနေသည်။။ လက်စွပ်လေး မရှိတော့ဘူး။ ဖိုးချော ထိတ်လန့်သွားသည်။ ငိုလည်း ငိုချင်မိသွားသည်။ ချက်ချင်း အနားသို့ ရှာကြည့်လိုက်သည်။ မတွေ့။ ချက်ချင်း အပြင်မှ ထွက်ပြီး ဖိုးသားအား မေးလိုက်သည်။

“ဖိုး ဖိုးသား၊ ငါ့ ငါ့လက်စွပ်လေးတွေ့မိသေးလား”

“ဟင် လက်စွပ်လား၊ ငါ ငါလည်း မတွေ့မိဘူး”

“ဒုက္ခပါပဲ၊ ဒါက ငါ့မိဘတွေက ပေးထားတာ၊ ငါ ဒါလေးမရှိလို့မဖြစ်ဘူး”

ဖိုးချော ဆိုင်အနှံ့ လှည့်ပတ်ရှာလိုက်သည်။ ဖိုးသားလည်း လိုက်ရှာသည်။ မတွေ့။

“အိမ်မှာများ ကျကျန်နေလားမသိဘူး၊ သွားရှာကြည့်လိုက်ပါလား”

ဖိုးချော မြန်မြန်အင်္ကျီဝတ်ပြီး ဆိုင်အတွင်းမှ ထွက်ကာ အိမ်သို့ မောင်းနှင်လိုက်သည်။

အိမ်ရောက်တော့ ဟိုဟိုသည်သည်လှည့်ပတ်ရှာကြည့်သည်။ မတွေ့ခဲ့ပေ။ မတွေ့တော့ ဖိုးချော ငိုချလိုက်သည်။

ဘယ်နေရာများတွင် ကျကျန်နေနိုင်သလဲဆိုပြီး စဉ်းစားကြည့်သည်။ မျက်ဝန်းထဲ ပေါ်လာသည်က ဦးမင်းသိုင်း၏ အခန်း။ ထိုအခန်းထဲတွင် ကျကျန်နေနိုင်သည်။ ဖိုးချော ဘာမှမစဉ်းစားတော့ ဦးမင်းသိုင်းအိမ်သို့ အပြင်းမောင်းနှင်လိုက်သည်။

အိမ်ရောက်တော့ တံခါးဘဲလ်တီးလိုက်သည်။ ဦးမင်းသိုင်း၏ ဇနီး ဒေါ်ခင်ဘုတ်က လာဖွင့်သည်။ ဖိုးချောအား မြင်မြင်ချင်း အပြုံးနဲ့ ကြိုဆိုလေသည်။

“ဟယ် ဘယ်သူများလဲလို့၊ သားလေးပါလား၊ လာကွယ်၊ ကိုမင်းသိုင်းဆီလာတာလား”

ဟန်ဆောင်မှုကင်းသော ဖော်ရွေမှုနဲ့ ကြိုဆိုနေပေမဲ့ ဒေါ်ခင်ဘုတ်အား ဖိုးချော ပြုံးမပြနိုင်ခဲ့။ 

“ဟင် လာလေ သားလေး အထဲဝင်ခဲ့၊ အအေးသောက်မလားဟင်”

“ဘယ်သူလဲ”

နောက်မှ ဦးမင်းသိုင်းအသံကြားလိုက်ရသည်။

“သည်မယ်ယောက်ျား၊ ကိုယ့်ဆီလာတာလားမသိဘူး၊ အထဲဝင်ခေါ်လိုက်လေ”

ဦးမင်းသိုင်းက စတီဗင်ထူးမှန်းသိလိုက်ရသောကြောင့် ခပ်ပြတ်ပြတ်မေးလိုက်သည်။

“ဘာကိစ္စလဲ၊ ဧကန္တ ငါတောင်းဆိုထားတဲ့ကိစ္စ ပြန်လည်လာတာတော့ မဟုတ်ပါဘူးနော်”

ဦးမင်းသိုင်းစကားကြောင့် ဖိုးချော အံကိုကျိတ်လိုက်မိသည်။

“မဟုတ်ဖူး၊ အထင်မလွဲနဲ့”

“ဒါဆို ဘာလဲ၊ ငါနဲ့ ဘာမှမဆိုင်တော့ပဲနဲ့ ဘာလို့ ငါ့ဆီလာတာလဲ”

“အခန်းထဲမှာ ဘာထူးခြားတာတွေ့သေးလဲ”

“အခန်းထဲမှာလား၊ ဘာတွေ့ရမှာလဲ၊ ဘာပျောက်လို့လဲ”

“တွေ့သလား မတွေ့ဘူးလားပဲပြော”

“ဘာမှ မတွေ့မိဘူး”

“ဒါဆိုလည်း ပြီးရော့”

ဖိုးချောက လှည့်ပြန်သွားသည်။

“ဟဲ့ သားနေဦးလေ၊ အထဲဝင်ပြီး အအေးလေးဘာလေး သောက်သွားပါဦးဆို”

“တော်ပါပြီဒေါ်ဒေါ်၊ မသောက်တော့ဘူး၊ အဒေါ့်စေတနာကို ကျေးဇူးတင်ပါတယ်”

“အလိုသားရယ်၊ ရောက်တုန်း သောက်သွားပါဦးကွယ့်၊ လာပါ”

“တော်စမ်းပါ သည်မိန်းမကလည်း”

ထိုစဉ် အပြင်မှ ပြန်ရောက်လာသော နေမင်းထိုက်က ဖိုးချောအား ပြောလိုက်သည်။

“ဟ ဘယ်သူလဲလို့၊ အခြောက်ပါလား၊ သည်ကောင်က ဘာလာလုပ်ပြန်တာလဲ အဖေ”

ဖိုးချော အံကိုကျိတ်ကာ သည်းခံလိုက်သည်။ ဦးမင်းသိုင်းက ဘာမှ မပြော။

“ဟဲ့ သား ဧည့်သည်ကို ဘယ်လိုပြောလိုက်တာလဲ၊ သူများကို အဲ့လိုမပြောရဘူးလေ”

“အမေ ဘာသိလို့လဲ၊ သည်ကောင်က အခြောက်ဗျ၊ ယောက်ျားဖြစ်ပြီး ယောက်ျားတွေကိုပဲ စိတ်ဝင်စားတဲ့ကောင်”

“အလိုလေး သားရဲ့ ဘယ်လိုတွေ ပြောလိုက်တာလဲ၊ မပြောကောင်းမဆိုကောင်း”

ဖိုးချော ဆိုင်ကယ်ကိုနှိုးကာ မောင်းထွက်သွားသည်။

“ဟဲ့ သားလေး နေဦးလေ၊ အအေးလေး ဘာလေးသောက်သွားပါဦးဆို၊ ကိုမင်းသိုင်း ရှင်က ဘာလို့ ငြိမ်နေရတာလဲ၊ ဘာလို့ ကလေးကို သည်အတိုင်းပြန်လွှတ်လိုက်ရတာလဲ”

“သည်မိန်းမ မသိရင် အသာနေစမ်း”

“မနေနိုင်ဘူး၊ ဧည့်သည်ကို ကြိုဆိုရမှာ ဧည့်သည်တွေရဲ့တာဝန်ပဲ မဟုတ်လား၊ ရှင် သည်လိုစေတနာမရှိလို့ အကယ်ဒမီမရတာ နည်းတောင်နည်းသေးတယ်”

“အမေကလည်း ဘာမှမသိပဲနဲ့ အဖေ့ကို ဘာမှမပြောစမ်းပါနဲ့၊ အဖေလုပ်တာ မမှားဘူး၊ သည်ကောင်က ရွံစရာကောင်၊ အခြောက်ကောင်”

နေမင်းထိုက်က ထိုသို့ပြောတော့ ဒေါ်ခင်ဘုတ်က နေမင်းထိုက်၏ လက်မောင်းအား ရိုက်လေသည်။

“သား သူများကို အဲ့လိုမပြောပါနဲ့လို့ ဘယ်နှခါပြောရမလဲ၊ အခြောက်ဆိုတော့ကော ဘာဖြစ်လဲ၊ သူလည်းလူပဲ၊ သူ့ဟာကို ခြောက်ခြောက်မခြောက်ခြောက် သူလည်း လူပဲ၊ လူလူချင်းစာနာစိတ်လေးထားရမှာပေါ့”

ဒေါ်ခင်ဘုတ်က ပြောလည်းပြော ရိုက်လည်း ရိုက်နေလေသည်။

“အာ အမေကလည်း အမေကဘာဆို ဘာမှမသိတာ၊ အဲ့ဒါကြောင့် အမေ့ကို တုံးတယ်လို့ပြောတာ၊ တောသူမစိတ်ကိုက မပျောက်သေးဘူး”

နေမင်းထိုက်က ထိုသို့ ပြောပြီး အိမ်ထဲဝင်သွားသည်။

“သည်ကောင် အမေ့ကိုများ…”

ဒေါ်ခင်ဘုတ်က လိုက်ရိုက်သည်။

ထိုစဉ် ဦးမင်းသိုင်း၏ ခြံဝန်းထဲသို့ ကားတစ်စီးဝင်လာသည်။ ခြံဝန်းထဲမှ ဖိုးချော ဆိုင်ကယ်လေးနဲ့ ထွက်လာတော့ ထိုကားက ၀င်လာခြင်းဖြစ်သည်။

“ဟယ် ဘယ်သူပါလိမ့်”

ဒေါ်ခင်ဘုတ်က ပြေးလာပြီး ကြိုဆိုလေသည်။

“နေကောင်းတယ်နော် ခင်ဘုတ်”

ကားပေါ်မှ ကိုစိန်မြတ်ဆင်းလာသည်။

“အို ကိုစိန်မြတ်ပါလား၊ အလည်တစ်ခေါက်တောင်ပြန်လာပြန်ပြီပေါ့၊ မြနှစ်တို့ကော မပါဘူးလား ဘယ်မှာလဲဟင်”

“မပါဘူးခင်ဘုတ်ရဲ့၊ သည်မှာ တစ်ရက်နှစ်ရက်လောက်ပဲနေမှာမို့ မပါတာ”

“သြော် အဲ့လိုကိုး၊ လာလာ အထဲဝင်ခဲ့၊ ကိုမင်းသိုင်းလည်း ရှိတယ်၊ ကိုမင်းသိုင်းရေ၊ သည်မှာ ကိုယ့်ဘော်ဘော်ကြီး လာတယ်တော့်၊ ထိုင် ထိုင်၊ ဟဲ့မိပိုက်ရေ၊ အအေးလေးဘာလေး ဘာလုပ်ပေးပါဦး၊ အယ် ဦးနှောက်ကလည်း မေ့တတ်ပါ့၊ မိပိုက်မှ မရှိတော့တာပဲ၊ သည်ကလေးမ မပြောမဆိုနဲ့ ဘယ်ကိုထွက်သွားတယ်မသိပါဘူးတော်၊ မိဘအိမ်များ ပြန်သွားလားမသိဘူး”

“မပြောမဆိုနဲ့ ထွက်သွားတယ်ဟုတ်လား ခင်ဘုတ်”

“ဟုတ်တယ်တော့်၊ ထွက်သွားတာ တော်တော်လေးကြာပြီ၊ အဆက်အသွယ်လည်း မရဘူး၊ အဲ့တုန်းက ကျုပ် ဗုဒ်ဓဂါယာဘုရားဖူးသွားနေတာတော့်”

“ဒါဆို အိမ်မှာ တစ်ခုခုများပျောက်သေးလား”

“ဘာတစ်ခုမှ မပျောက်ဘူးတော်၊ တော်တော်ထူးဆန်းတယ်၊ အို ဧည့်သည်ကို သည်အတိုင်း ရပ်ခိုင်းထားသလို ဖြစ်နေပြီ၊ အားနာလိုက်တာ၊ ကျုပ်ပဲ အအေးသွားလုပ်လိုက်ဦးမယ်”

ဒေါ်ခင်ဘုတ်ထွက်သွားတော့ ဦးမင်းသိုင်းရောက်လာသည်။ ဦးမင်းသိုင်းက ကိုစိန်မြတ်အား မြင်လိုက်တော့ ကိုစိန်မြတ်က ဘာကိစ္စနဲ့ လာရသည်ကို သိထားသည့်အလား မျက်နှာကြီးက မရွှင်ပျတော့ပေ။

“ဘယ်တုန်းက ရောက်လဲ”

“ဟ မင်းမေးပုံကြီးက အသက်မပါလိုက်တာ၊ ကိုယ့်သူငယ်ချင်း အလည်လာတာကို သည်လိုကြိုဆိုရလား”

“အေးပါ၊ ဆောရီးပါကွာ”

“မနေ့ကရောက်တယ်၊ မင်းသတင်းကြားကြားချင်း ချက်ချင်းကို ထွက်လာတာ”

“ငါ့ သတင်း၊ ဘာသတင်းလဲ”

“မင်း ရုပ်ရှင်ဆက်မရိုက်ဖြစ်တော့ဘူးဆို”

“ဟုတ်တယ်၊ မင်းသားတွေဘက်က အဆင်မပြေလို့”

“ဒါဆို မင်း ဘာမှ အချိန်ဆွဲမနေနဲ့တော့၊ အကြီးကောင်လေးကို မြန်မြန်ပြန်ရှာလိုက်တော့”

“အာ မဖြစ်ပါဘူးကွာ၊ ငါဘာမှလည်း ပြင်ဆင်မထားရသေးဘူး၊ အခုပဲရှာလိုက်ရင် သူက ငါ့ကို ခွင့်လွှတ်နိုင်မယ်မထင်ဘူး”

“မင်းအဲ့လိုဆင်ခြေတွေနဲ့ အချိန်ဆွဲနေလို့သာ အကြီးကောင်က ခွင့်မလွှတ်မှာကွ၊ ဒါတောင် မင်းကိုယ်တိုင်ရှာဖို့ ငါ အခွင့်အရေးပေးထားတယ်နော်၊ သည်တစ်ခါတော့ မရဘူး၊ မင်းမရှာရင် ငါပဲ ရှာရလိမ့်မယ်၊ ငါပဲ မွေးစားမယ်”

“ခလွမ်း”

နောက်မှ ဖန်ခွက်ကျကွဲသံကြားလိုက်ရသဖြင့် ဦးမင်းသိုင်းနဲ့ ကိုစိန်မြတ် ထိတ်လန့်တကြား ကြည့်လိုက်ကြသည်။

“ဘာ ဘာပြောလိုက်တယ်ကိုစိန်မြတ်၊ အကြီးကောင် ဟုတ်လား၊ ဘယ်က အကြီးကောင်လဲ၊ဟင် ဘယ်က အကြီးကောင်လဲလို့”

ဒေါ်ခင်ဘုတ်က ကြားသွားသဖြင့် အလောတကြီး မေးတော့သည်။

“ပြောလေကိုစိန်မြတ်၊ မဟုတ်မှလွဲရော့၊ ကိုမင်းသိုင်းမှာ ကျုပ်ထက်အရင် မိန်းမနဲ့ ကလေးတစ်ယောက်ရခဲ့တယ်ပေါ့၊ ဟုတ်လားကိုစိန်မြတ်၊ ဟင် ကိုမင်းသိုင်း ပြောပါဦး၊ ကျုပ်ထက်အရင် မိန်းမနဲ့ ကလေးပါ ရှိခဲ့သေးတာလားလို့”

ကိုစိန်မြတ်နဲ့ ဦးမင်းသိုင်း ငြိမ်သက်နေကြသည်။

“မပြောဘူးလားကိုမင်းသိုင်း၊ ရှင် မှန်မှန်ပြောစမ်း၊ ကျုပ်ထက်အရင် မိန်းမနဲ့ ကလေးတစ်ယောက်ရှိခဲ့သလားလို့”

ဒေါ်ခင်ဘုတ်က ဦးမင်းသိုင်း၏ အင်္ကျီစအား ဆွဲထားလိုက်သည်။

“မဟုတ်ဘူး၊ အဲ့လိုမဟုတ်ဘူးခင်ဘုတ်၊ ဒေါသကိုလျှော့ပါ”

“ကိုစိန်မြတ်တော့ သိတယ်မဟုတ်လား၊ ငယ်ငယ်လေးကတည်းက ကိုမင်းသိုင်းနဲ့ ပေါင်းဖက်လာခဲ့တော့ ကိုမင်းသိုင်းအကြောင်း ကောင်းကောင်းသိတယ်မဟုတ်လား၊ တကယ်ပဲ ကိုမင်းသိုင်းမှာ ကျုပ်ထက်အရင် မိန်းမနဲ့ ကလေးတစ်ယောက်ရှိခဲ့တယ်လားဟင်”

ကိုစိန်မြတ် ဦးမင်းသိုင်းအား ကြည့်လိုက်သည်။ ဦးမင်းသိုင်းက မပြောရန် ခေါင်းရမ်းလိုက်သည်။ သို့သော်လည်း ကိုစိန်မြတ် ဂရုမစိုက်ပဲ ဆုံးဖြတ်ချက်ချကာ အမှန်အတိုင်းပြောလိုက်သည်။

“သည်မယ်ခင်ဘုတ်၊ နင်မသိသေးတာရှိခဲ့တယ်”

“ဟင် ပြောပြ၊ ကျုပ်မသိသေးတာက ဘာလဲ၊ ဘာလဲလို့”

“နင် မောင်နေမင်းထိုက်ကိုမွေးတုန်းက အမြွှာမွေးခဲ့တာ၊ ကောင်လေးနှစ်ယောက်ပေါ့၊ ကလေးတွေကို ပြုစုစောင့်ရှောက်ဖို့ စရိတ်မရှိလို့ဆိုပြီး မင်းသိုင်းနဲ့ငါ အကြီးကောင်လေးကို စွန့်ပစ်ခဲ့တယ်၊ နင့်ကို မပြောပြခဲ့မိတာ တောင်းပန်ပါတယ်ခင်ဘုတ်ရယ်”

ကိုစိန်မြတ်စကားကြောင့် ဒေါ်ခင်ဘုတ် လဲကျသွားသည်။ နောက်မှ သားဖြစ်သူ နေမင်းထိုက်လည်း ကြားသွားသဖြင့် တအံ့တသြဖြစ်နေရသည်။

“ဘာ ဘာ ဘာပြောတယ်၊ ကျုပ်က အမြွှာမွေးတယ်၊ အကြီးကောင်လေးကို စွန့်ပစ်ခဲ့တယ် ဟုတ် ဟုတ်လား”

ကိုစိန်မြတ် ခေါင်းကို တဆတ်ဆတ်ညိတ်ပြလိုက်သည်။ ဒေါ်ခင်ဘုတ် ခေါင်းထဲ မူးဝေသွားသည်။

“သတိထားဦး ခင်ဘုတ်”

သားဖြစ်သူ နေမင်းထိုက်ကလည်း ဒေါ်ခင်ဘုတ်အား အပြေးကလေး ဖေးကူလိုက်သည်။

“ကိုမင်းသိုင်း ရှင် လူမဟုတ်ဘူး၊ ရှင်က လူ့တိရစ္ဆာန်ကောင်၊ ဘာလို့ ကိုယ့်သားသမီးကိုတောင် စွန့်ပစ်ရတာလဲ၊ ရှင်ဘာကြောင့် ကိုယ့်သားသမီးအပေါ်မှာ သည်လောက်ရက်စက်ရတာလဲ၊ ရှင့်မှာ နည်းနည်းလေးမှ လူ့စိတ်မရှိဘူး၊ အဲ့ဒါကြောင့် လောကကြီးက ရှင့်ကို အပြစ်ပေးတာ၊ ရှင့်ဘက်မှာ မပါတာ၊ အဲ့ဒါကြောင့် ရှင် အခုထိ အကယ်ဒမီမရသေးတာ”

ဒေါ်ခင်ဘုတ်က ဒေါသနဲ့ ဦးမင်းသိုင်းအား လက်သီးနဲ့ ထုနေတော့သည်။

“ရှင့်ကို သည်အတိုင်းမထားဘူး၊ သည်နေ့ကစပြီး ရှင်နဲ့ ကျုပ်ပြတ်ပြီ၊ ဘယ် ဘယ်မှာလဲ၊ ရှင်အမှန်အတိုင်းပြောစမ်း၊ ကျုပ်သားလေး ဘယ်မှာလဲ၊ ဘယ်မှာ စွန့်ပစ်လိုက်တာလဲကိုစိန်မြတ်ရဲ့”

ဒေါ်ခင်ဘုတ်က အရူးတစ်ပိုင်းမေးတော့သည်။

“ပြည့်စုံမေတ္တာ မိဘမဲ့ဂေဟာမှာ အပ်ခဲ့တာ”

“ဘာ မိဘမဲ့ဂေဟာ၊ ဟုတ်လား၊ ကိုမင်းသိုင်း ရှင်သိပ်ရက်စက်ပါလား၊ မိဘတွေရှိရက်နဲ့ သားလေးကို မိဘမဲ့တစ်ယောက်ဖြစ်အောင် လုပ်ခဲ့တာလား၊ ရှင် ရှင် သိပ်ကို…”

ဒေါ်ခင်ဘုတ် အကျောတက်ပြီး မေ့မြောသွားသည်။

“အမေ သတိထားပါဦးအမေရ”

“ခင်ဘုတ် သတိထားဦးလေ”

ဦးမင်းသိုင်းကတော့ ငြိမ်သက်လို့နေသည်။

Xxxxxxxxxxxxxxxxxxxxxx

သည်နေ့ ဥပုသ်နေ့မို့ ဆိုင်ပိတ်သဖြင့် ဖိုးချောနဲ့ ဖိုးသားတို့“ပြည့်စုံမေတ္တာမိဘမဲ့ဂေဟာ” သို့ အလည်သွားကြမည်ဟု မနေ့ညက တိုင်ပင်ထားသည်။ 

“ဖိုးချော ထတော့လေ၊ နေမြင့်နေတော့မယ်၊ ဂေဟာသွားမယ်ဆို”

“အင်းပါ”

ဖိုးချောလည်း အိပ်ချင်မူးတူးနဲ့ ထလိုက်ပြီး သန့်စင်ခန်းထဲ ၀င်သွားလေသည်။ ဖိုးသားက နံနက်စာချက်ပြုတ်ပြီးသဖြင့် ပြင်ဆင်ခူးခပ်နေသည်။ ဖိုးချော ကိုယ်လက်သန့်စင်အပြီး နှစ်ယောက်သား ထမင်းလက်ဆုံစားလိုက်ကြသည်။ စားသောက်ပြီးတော့ အ၀တ်အစားပေါ့ပေါ့ပါးပါးဝတ်ဆင်ကြသည်။ ဖိုးချောထက် အရင် ၀တ်စားပြီးသော ဖိုးသားက ဆိုင်ကယ်လေးကိုထုတ်ပြီး ဖုန်သုတ်လေသည်။ မကြာမီ ဖိုးချော အိမ်ပေါ်က ဆင်းလာသည်။ သည်တစ်ခါတော့ ဖိုးချောက ရှေ့ မှာ စီးသည်။ ဂေဟာဝင်ပေါက်ရောက်တော့ ဖိုးသားက သတိရသွားဟန်ဖြင့် လက်တို့လိုက်သည်။

“ဟာ ဖိုးချော၊ ငါ ဖိုးဝတုတ်လေးဖို့ အင်္ကျီဝယ်ပေးမလို့ဟာ မေ့နေပြီ၊ ရပ် ရပ်”

ဖိုးချောက ဆိုင်ကယ်အား ရပ်ပေးလိုက်သည်။ ဖိုးသားက ဆိုင်ကယ်ကို လှည့်ပြီး အင်္ကျီဝယ်ရန် မောင်းသွားသည်။ ဖိုးသားကတော့ လမ်းလျှောက်ပြီး ဂေဟာထဲ ၀င်သွားလိုက်သည်။ ဂေဟာဝန်းထဲတွင် ကလေးအတော်များများ ကစားနေကြတာတွေ့လိုက်ရသည်။ ဖိုးချောက လက်ခုပ်တီးပြီး-

“ကလေးတွေ”

ဆိုပြီး အသံပေးလိုက်သည်။

ဖိုးချောအသံကြောင့် ကလေးများက ကစားနေရာမှ လှည့်ကြည့်ပြီး ဖိုးချောကိုတွေ့တော့-

“အစ်ကိုကြီးဖိုးချော”

ဆိုပြီး ပြေးလာကြသည်။

ဖိုးချောက ကလေးနှစ်ယောက်အား တစ်ဖက်စီ ထွေးပွေ့လိုက်သည်။ တချို့ ကလေးတွေကတော့ မြူးကြွမြူးကြွနဲ့ ဖိုးချော၏ အ၀တ်အစားလေးများအား ဆွဲလိုက်လာသည်။

“အစ်ကိုကြီးဖိုးချောက အလည်လာတာလားဟင်”

“အင်းပေါ့၊ မိစာဥလေးတို့ကို သတိရလို့ပေါ့”

ဖိုးချောက ပြောတော့ ကလေးမလေးများက ရယ်နေကြတော့သည်။

နောက်တော့ ဖိုးဝတုတ်လေးက ရှေ့ သို့ ရောက်လာသည်။

“အစ်ကိုကြီးဖိုးသားရော မလာဘူးလားဟင်”

“လာတာပေါ့၊ အစ်ကိုဖိုးသားက ဖိုးဝတုတ်လေးဖို့… အာ အစ်ကိုဖိုးသားက အိပ်ယာထနောက်ကျလို့ နောက်တော့လာခဲ့မယ်တဲ့”

“သြော်”

ဖိုးချောကလိမ်ပြောလိုက်သည်။ အမှန်အတိုင်းပြောလိုက်လျှင် တချို့ ကလေးတွေက သူတို့အတွက်ကျတော့ ၀ယ်မပေးရကောင်းလားဆိုပြီး ငိုယိုကြပေလိမ့်မည်။

“ကိုကြီးနဲ့ ဘောလုံးကန်မလားဟင်”

“ကန်မယ်လေ”

“မိစာဥကော ပါမှာလား”

“ပါမယ်”

“ဒါဆို ဖိုးဝတုတ်က ဘောလုံးသွားယူချေနော်၊ လိမ္မာတယ်”

ဖိုးဝတုတ်လေးက ဘောလုံးယူရန် အပြေးကလေးထွက်သွားသည်။ ဘောလုံးကွင်းထဲရောက်တော့ ကလေးအတော်များများကလည်း ပါကြသဖြင့် ဖိုးချော အလျှော့ပေးရင်း ကန်ကြသည်။ တစ်နေရာတွင် ဖိုးချောတို့အားကြည့်ပြီး ခေါင်းတညိတ်ညိတ်နဲ့ ပီတိအပြုံးများ ဖြာဝေနေသူက ဂေဟာမှူး။

ထိုစဉ် ကားတစ်စီးက ဂေဟာဝန်းထဲ ၀င်လာတာတွေ့လိုက်ရသဖြင့် ဂေဟာမှူးက သွားရောက်ကြိုဆိုလိုက်သည်။ ကားပေါ်မှ အမျိုးသားကြီး(၃)ဦးနဲ့ အမျိုးသမီးကြီး(၁)ဦးဆင်းလာသည်။

“ဘာကိစ္စများ ရှိကြလို့ပါလဲရှင်”

“ဟို ဟိုလေ ကျွန်မသားလေး ဘယ်မှာလဲဟင်၊ ကျွန်မသားလေးကို တွေ့ချင်လို့ပါရှင်”

ဒေါ်ခင်ဘုတ်က အလောတကြီး ပြောလိုက်သည်။

“ရှင်၊ သြော် ရှင့်သားက ဘယ်သူများလဲရှင်၊ နာမည်က ဘာတဲ့လဲ”

“နာ နာမည်တဲ့လား”

ဒေါ်ခင်ဘုတ်က ဦးမင်းသိုင်းဘက် လှည့်ကြည့်လိုက်သည်။ နာမည်မပေးရသေးကြောင်း ဦးမင်းသိုင်းက ခေါင်းခါပြလိုက်သည်။

“ရှင် ကိုယ့်သားကိုတောင် နာမည်မပေးခဲ့ဘူးလား၊ ရှင် လူမှ ဟုတ်သေးရဲ့လား”

ဒေါ်ခင်ဘုတ်က ဦးမင်းသိုင်း၏ရင်ဘတ်အား လက်သီးနဲ့ ထုလေသည်။

“ခင်ဘုတ်ကလည်း အိနြေ္ဒနဲ့နေစမ်းပါ၊ သည်လိုပါ၊ လွန်ခဲ့တဲ့(၁၆)နှစ်က မှတ်တမ်းတွေ ရှိတယ်မဟုတ်လား”

ကိုစိန်မြတ်က မေးလိုက်သည်။

“အဲ့သည်လွန်ခဲ့တဲ့ (၁၆)နှစ်က ကျွန်တော်တို့က မှတ်တမ်းထဲမှာ သေသေချာချာမှတ်ပေးဖို့ တောင်းဆိုခဲ့ပါတယ်”

“ဟုတ်ကဲ့ရှင့်”

“မင်းသိုင်း မင်းပြောလိုက်လေ၊ မင်း အဲ့သည်တုန်းက ဘယ်လိုစာမျိုးရေးခဲ့တယ်ဆိုတာ”

ဦးမင်းသိုင်း စိတ်မကောင်းသော ရှက်သော မျက်နှာမျိုးနဲ့ ရှေ့ သို့ တိုးလာပြီး ပြောပြလိုက်သည်။

စာထဲတွင် ရေးခဲ့သော စာနဲ့ ရက်စွဲအတိအကျကိုလည်း ပြောပြလိုက်သည်။

“အို ဒါဆို မှတ်တမ်းထဲ ရှာကြည့်လိုက်ရင် အလွယ်တကူ ရှာတွေ့မှာပေါ့၊ ခဏစောင့်ပါ၊ ကျွန်မရှာပေးပါ့မယ်”

ဂေဟာမှူးက သွက်သွက်လေး ပြေးသွားသည်။ ဒေါ်ခင်ဘုတ်လည်း ထပ်ကြပ်မကွာ လိုက်သွားသည်။ ဦးမင်းသိုင်းနဲ့ ကိုစိန်မြတ်ကတော့ နှေးတုံ့တုံ့နဲ့ လိုက်လာသည်။

ဂေဟာမှူးက ဟောင်းအိုနေသော မှတ်တမ်းစာအုပ်ကြီးများကို တစ်ရွက်ပြီးတစ်ရွက်လှန်နေသည်။ တိကျသော သက်သေအထောက်အထားတွေ့လိုက်ရသဖြင့် ပြုံးသွားလေသည်။

“အိုး တွေ့ပြီ၊ အဲ့ အဲ့သည်ကလေးရဲ့လက်ထဲကို လက်စွပ်လေးတစ်ကွင်းလည်း ထည့်ပေးခဲ့တယ်မဟုတ်လား၊ မပျောက်အောင် အမြဲတမ်းသိမ်းထားပေးပါလို့၊ တစ်နေ့နေ့ ပြန်လာရှာပါ့မယ်လို့ ပြောခဲ့တယ်မဟုတ်လား”

ဂေဟာမှူးက ဦးမင်းသိုင်းအား ကြည့်ပြီး မေးလိုက်သည်။ ဦးမင်းသိုင်းက 

“ဟုတ်ပါတယ်”

လို့ ဖြေလိုက်သည